Астанада 2030 жылға дейін сүрілетін үйлердің тізімі бекітілді

Астанада тұрғын үйді реновациялау бағдарламасы аясында сүрілетін үйлердің тізімі бекітілді. Бұл туралы елорда әкімдігінің қаулысында жарияланды.

Бағдарлама 2026–2030 жылдарға арналған. Осы кезеңде апатты деп танылған 174 тұрғын үйді сүріп тастау жоспарланып отыр.

Ал 2026 жылы реновация бағдарламасына 675 пәтері бар 25 тұрғын үй енгізілген. Олардың басым бөлігі Сарыарқа және Байқоңыр аудандарында орналасқан.

Бағдарламаға қандай үйлер енгізілді

Реновация бағдарламасына тозу деңгейі 60 пайыздан асқан тұрғын үйлер енгізіледі. Олардың қатарында:

• кеңес дәуірінде салынған 1–5 қабатты тұрғын үйлер;
• жатақханалар;
• 1929–1989 жылдар аралығында салынған және апатты деп танылған тұрғын үйлер бар.

Тұрғындарды қалай көшіреді

Пәтер иелеріне «шаршы метрге – шаршы метр» қағидаты бойынша жаңа баспана ұсынылады.

Бұл дегеніміз:

• жаңа пәтердің жалпы ауданы бұрынғысынан кем болмайды;
• бөлме саны өзгеруі мүмкін, бірақ жалпы ауданы бұрынғыдай немесе одан үлкен болады;
• жаңа пәтерлер конкурс арқылы сатып алынады және барлығы толық әрленген күйде тапсырылады.

Тұрғындар көшірілгеннен кейін ескі үй сүріледі. Ал босаған жер учаскесі бас жоспарға сәйкес жол, мектеп, тұрғын үй кешендері немесе қаланың өзге де инфрақұрылым нысандарын салуға пайдаланылады.

2026 жылы қандай үйлер сүріледі

Реновация бағдарламасының алғашқы кезеңіне 25 тұрғын үй енгізілді.

Айта кетейік, Алматыда Алатау және Жетісу аудандарындағы жер телімдерін сатып алу басталды. Тиісті қаулыға қала әкімі қол қойды. Аталған жер телімдері мемлекет қажеттелігі үшін сатып алынып, ондағы нысандар сүріледі. Сүрілетін аумақтарда кәріз-сорғы станцияларын салу жоспарланған.