Қазақстандық мәнерлеп сырғанаушы Михаил Шайдоров жаңа маусымға дайындығын жалғастыруда. 2026 жылғы Олимпиада чемпионы мұздағы жаттығу сәтінен кадрлар көрсетіп, белгілі канадалық хореограф Ше-Линн Бурнмен бірге жаңа қысқа бағдарлама үстінде жұмыс істеп жатқанын хабарлады.
Шайдоров дайындықтың маңызды кезеңі және құнды кәсіби тәжірибе екенін атап өтті.
«Жаңа маусымға дайындалып жатырмын. Мұз айдында Ше-Линн Бурнмен бірге жаңа қысқа бағдарлама үстінде жұмыс істеу – мен үшін үлкен мәртебе және керемет тәжірибе. Осы бірлескен жұмыс үшін өте ризамын», – деп жазды мәнерлеп сырғанаушы Instagram-да.
Бурнмен бірлесе жұмыс істеу Шайдоровтың жаңа жарыс цикліне дайындығының басты элементтерінің біріне айналуы мүмкін. Ол әлемдік мәнерлеп сырғанаудағы ең беделді хореографтардың бірі болып саналады және бірқатар жетекші мәнерлеп сырғанаушылармен жұмыс істеген.
Ше-Линн Бурн бұрын Канада атынан Виктор Краатцпен бірге мұздағы биден өнер көрсеткен. Спорттық мансабын аяқтағаннан кейін ол элиталық деңгейдегі мәнерлеп сырғанаушыларға арналған бағдарламалардың хореографы және қоюшысы болды.
Айта кетейік, қазір Шайдоров АҚШ-та жаттығып жүр. Оған жаңа бағдарлама қоюға әлемге америкалық бапкер Рафаэль Арутюнян көмектеседі.
