Венесуэлада 25 маусымдағы жойқын жер сілкінісінен қаза тапқандар саны 4490 адамға жетті. Бұл туралы жексенбі күні Ұлттық ассамблея төрағасы Хорхе Родригес хабарлады.
Ресми мәлімет бойынша, зілзаладан зардап шеккендердің жалпы саны – 16 740 адам. Баспанасыз қалғандар – 17 907 адам.
Родригес 6 462 адам құтқарылғанын хабарлады. 120,7 мыңнан астам отбасы көмек алған. Қазір елде 108 уақытша лагерь бар. Онда 19,5 мыңнан астам адам тұрып жатыр.
Билік 856 ғимарат зілзаладан зардап шеккені, соның ішінде 190 ғимарат толық қирағаны туралы есеп берді.
25 маусымнан бері Венесуэлада 1 222 жерасты дүмпуі қайталанған.
Елде 30 мыңнан астам ерікті бар. Тағы 31,8 мың құтқарушы жұмыс істейді. Бұған қоса, Венесуэлада 2,4 мыңнан астам халықаралық құтқарушы жүр.
Естеріңізге сала кетейік, 25 маусымда таңертең Венесуэлада екі жойқын зілзала болды. Шетелден мыңдаған құтқарушы осы елге көмектесуге барды. Қазақстан президенті Қасым-Жомарт Тоқаев жер сілкінісінен зардап шеккен елдің халқына көңіл айтты.
