Fly Arystan әуе компаниясы Грузияға тағы бір рейс ашты. Енді Атыраудан тікелей Батумиге қатынауға болады.
Жаңа рейс 14 шілдеден жұмысын бастайды. Аптасына бір рет, яғни сейсенбі күндері) Airbus A320 ұшағы қатынайтын болады.
Ұшақ Атыраудан күндізгі сағат 10:40-та ұшып шығып, Батумиге жергілікті уақытпен сағат 12:00-де қонады. Ал Батумиден кері қарай күндізгі сағат 13:00-де ұшып, Атырауға түстен кейін 16:15-те жетеді. Екі бағытта да ұшу ұзақтығы шамамен 2 сағат 20 минутты құрайды.
Бұған дейін Fly Arystan Астана – Батуми бағыты бойынша жаңа бағыт ашып, 2 маусымда алғашқы рейсін орындаған. Ал маусымнан бастап FlyArystan Ақтау – Батуми бағыты бойынша да рейстерді іске қосқан.
