Сенбі, 1 тамызда Австралияның Сидней қаласында «Челси» мен «Тоттенхэм» арасындағы ойын өтеді. Матчтың тікелей трансляциясы Қазақстан уақытымен сағат 14:45-те басталады.
«Челси» Австралия мен Азиядағы маусымалды турнесіндегі алғашқы кездесуін жергілікті «Вестерн Сидней Уондерерс» клубына қарсы өткізді. Голдарға толы болған нәтижелі матчта лондондықтар 6:4 есебімен жеңіске жетті. Осы кездесудің 6-минутында-ақ Дастан Сатбаев есеп ашып, «Челси» сапындағы алғашқы дебюттік голын соқты. Сонымен қатар, лондондықтар сапынан Дариу Эссугу (38-мин) мен Джейми Гиттенс (66-мин) мергендік танытса, ойын соңында Жоао Педро хет-трик (80, 85, 89-мин) автор атанып, матчтың қаһарманына айналды.
Ал «Тоттенхэм» ұжымы бұл маусымалды дайындық аясында үш ойын өткізіп үлгерді. Соңғы кездесуінде олар австралиялық «Сидней» клубын пенальти сериясы бойынша (негізгі уақыт – 1:1, пенальти 4:2) тізе бүктірген болатын.
«Челси» – «Тоттенхэм» матчының тікелей трансляциясын сілтеме арқылы көре аласыздар. Шетелдік сарапшылардың ойынша, бұл ойында да Дастан Сәтбаев негізгі құрамда шығуы әбден мүмкін.
Оқи отырыңыз: «Челси» бас бапкері Хаби Алонсо Дастан Сәтбаев туралы пікір білдірді.
