Алматыда блогер әлеуметтік желілерде діни материалдар таратқаны үшін айыппұл арқалады, деп хабарлады қалалық Дін істері жөніндегі басқарма. әңгіме raimbek_zhanadil Instagram-аккаунтының авторы туралы болып отыр.
Бұзушылықты басқарма қызметкерлері анықтаған. 2026 жылғы 24 шілдеде блогерге қатысты Қазақстанның Әкімшілік құқық бұзушылық туралы кодексінің 490-бабы 1-бөлігінің 3-тармақшасы бойынша хаттама толтырылды.
Әкімшілік өндіріс барысында ер адам өзінің кінәсін мойындады. Іс қысқартылған тәртіппен қаралып, одан кейін блогерге айыппұл тағайындалды. Ведомство хабарламасында өндіріп алу мөлшері нақтыланбайды.
Бұған дейін аккаунт авторы сән көрсетіліміне қатысқан қыздар туралы видео жариялағаннан кейін қоғам назарында қалған еді. Блогер балалардың мұндай шараларға қатысуын діни тұрғыдан сынға алды. Оның айтқандары әлеуметтік желі қолданушыларының әртүрлі реакциясын тудырды.
Басқармадағылар «Діни қызмет және діни бірлестіктер туралы» заңның 9-бабы діни әдебиеттерді және діни мазмұндағы басқа да материалдарды тек белгіленген орындарда таратуға рұқсат беретінін еске салды. Оларға ғибадат үйлері мен ғимараттары, рухани білім беру ұйымдары, сондай-ақ, орналасуын жергілікті атқарушы органдар белгілейтін арнайы стационарлық үй-жайлар жатады.
Заңнама талаптарын бұзғаны үшін әкімшілік жауапкершілік қарастырылған.
Бұған дейін Абай облысында TikTok әлеуметтік желісінде тікелей эфирде балағат сөз айтқан блогер қамауға алынды.
