2027 жылғы 22 сәуірде Қазақстанның елордасында УЕФА-ның 51-ші Конгресі өтеді, оның барысында ұйым президенті мен Атқарушы комитет мүшелері сайланады.
Туризм және спорт министрлігінің баспасөз қызметі хабарлауынша, Конгреске УЕФА құрамына кіретін барлық 55 ұлттық футбол ассоциациясының өкілдері, сондай-ақ, ұйым басшылығы, ФИФА, еуропалық лигалар, клубтар және басқа да спорттық ұйымдардың делегаттары келеді.
«Қазақстанға мұндай ауқымды шараны өткізу құқығының берілуі УЕФА тарапынан жоғары сенім деңгейін және елдің ірі халықаралық спорттық оқиғаларды ұйымдастыру мүмкіндігіне ие болғанына қуанышты», – деп атап өтті министрлік.
Ведомство ұйымдастыруға кететін барлық шығындарды УЕФА өз мойнына алатынын нақтылады. Сонымен бірге, конгресс қазақстандық футболдағы белсенді өзгерістер аясында өтеді.
Елде спорттық инфрақұрылым жаңартылып, балалар футболы дамып жатыр және кәсіпқой клубтарды басқару жүйесі өзгеруде. Қазірдің өзінде 11 клуб жеке инвестицияларды тарта отырып, жаңа модель бойынша жұмыс істеуде. Оларды дамытуға 80 млрд теңгеден астам қаражат жұмсалды.
Таяу арада мұндай жүйеге тағы сегіз клубты көшіру жоспарлануда. Мәселен, франциялық «Пари Сен-Жермен» Қазақстанда өзінің футбол академиясын ашатыны белгілі болды. Бұл жас ойыншыларды заманауи халықаралық стандарттар бойынша дайындауға көмектеседі деп күтілуде.
