Мемлекеттік білім беру гранттарын бөлу конкурсының қорытындысын күтіп отырған мыңдаған талапкер мен олардың ата-аналары үшін ең жауапты сәт жақындап қалды. ҚР Ғылым және жоғары білім министрлігі грант иегерлерінің тізімі қашан және қай жерде жарияланатынын мәлімдеді.
Тізімді қайдан қарауға болады?
Грант иегерлерінің тізімімен ҚР Ғылым және жоғары білім министрінің ресми ресурстарынан танысуға болады:
- Telegram-канал: SayasatNurbekOfficial
- Facebook: sayasat
- Instagram: sayasatnurbek
- Ресми сайт: sayasatnurbek.com
Сонымен қатар нәтижелер Министрліктің ресми ақпараттық алаңдарында жарияланады:
- Ресми портал: gov.kz/memleket/entities/sci
- Telegram-канал: gylym_jogary_bilim
- Facebook: gylym.jogarybilim
- Instagram: gylym_jogarybilim
Нәтижелер қашан шығады?
Министрліктің мәліметінше, мемлекеттік білім беру гранттары иегерлерінің толық тізімі 10 тамызға дейін жарияланады.
Еске сала кетейік, биыл негізгі ҰБТ қорытындысы бойынша тестілеуге 233 мың талапкер қатысып, екі мүмкіндікті қосқанда емтихан 422 мың рет тапсырылды. Қатысушылардың 73,1%-ы тесті қазақ тілінде тапсырған.
