Кемеңгер ақын Абай Құнанбайұлының туғанына 181 жыл толуына орай Алматыда «Абай әлемі» атты концерт-спектакль өтеді. Оған Мақпал Жүнісова, Жанар Дұғалова секілді эстрада жұлдыздары қатысады.
Ақын туралы концерт-спектакль 8 тамызда «Алатау» дәстүрлі өнер театрының алдындағы алаңда өтеді. Кешкі сағат 18:00-де басталатын мәдени шара төрт сағатқа созылады.
Алматы әкімдігі ауқымды жобаға қатысатын эстрада жұлдыздарын атады. Олардың арасында Мақпал Жүнісова, Жанар Дұғалова, KeshYou, Асхат Тарғын, Талғат Күзембаев және басқа да танымал әншілер мен ұжымдар бар.
Спектакль басталардан екі сағат бұрын «Абай өлеңдері» акустикалық кеші өтеді. Мәдени шара «Шұғыла» ықшам ауданында ұйымдастырылады.
Тағы бірнеше мәдени шара 10 тамыз – ұлы ақынның туған күніне жоспарланған. Дүйсенбі күні таңертең Абай ескерткішіне гүл қойылады. Қаладағы бірнеше кітапқанада поэзия кештері ұйымдастырылады. Түсте «Абай оқулары» әбеди кеші өтсе, түстен кейін Есентай өзенінің жағалауында инсталляциялық жоба таныстырылады.
