Мажарстан парламенті 73 жастағы Жоғарғы соттың бұрынғы төрағасы Андраш Баканы президент етіп сайлады, деп хабарлайды Euronews.
Андраш Баканың кандидатурасы жалғыз кандидат болды, оны биліктегі «Тиса» партиясы ұсынды.
Ең ірі оппозициялық партия «Фидес» президенттік сайлауды заңсыз деп санайтынын және Тамаш Шуйокты мемлекет басшысы ретінде тануды жалғастыратынын мәлімдеді.
Сайланған президент Андраш Бака дағдарыстарға арналған алғашқы сөзін сөйледі.
Андраш Бака республика президенті саяси алуандылықты білдіруі, қарама-қайшы көзқарастарды білдіру құқығын қамтамасыз етуі және келіспеушіліктерді күшпен шешуге жол бермеуі тиіс екенін атап өтті. Оның айтуынша, бұған дейін парламентті айналып өтіп, декреттік басқару тәжірибесі қалыптасқан, тежемелік әрі тепе-теңдік жүйесі жойылған және мұндай жағдай қайталанбауы тиіс.
«Президенттің барлық мәселелерді тікелей шешуге өкілеттігі жоқ, бірақ оның міндеті – мұқтаж топтардың мүдделерін мүмкіндігінше кеңірек білдіру және жеткізу», – деп атап өтті Андраш Бака.
Бұл парламенттік республикада өкілеттілік және церемониалды функцияларды орындайтын Мажарстан президентінің лауазымы елдің жаңа премьер-министрі Петер Мадьяр осыған дейінгі премьер Виктор Орбанның өкілі болған президент Тамаш Шуйоктың отставкаға кетуіне қол жеткізгеннен кейін босады. Мадьяр республика президенті лауазымына шахмат тарихындағы ең табысты әйел гроссмейстер Юдит Полгарды ұсынған болатын, бірақ ол бұл ұсыныстан бас тартты.
