Елдегі жаңа тұрғын үйдің 23%-ы Астанада пайдалануға берілген

Құрылыс жұмыстарының көлемі 5,06 трлн теңгеден асты. Ресми статистикаға сәйкес, көрсеткіш өткен жылдың сәйкес кезеңімен салыстырғанда 15,3%-ға өскен. Құрылыс нарығындағы белсенділіктің негізгі бөлігі Астана, Алматы, Атырау және Түркістан өңірлеріне тиесілі.

Тұрғын үй ең көп қай жерде салынып жатыр?

Құрылыс жұмыстарының ақшалай көлемімен қатар, тұрғын үй нарығында да өңірлер арасында үлкен айырмашылық бар. Есепті кезеңде Қазақстан бойынша 9,54 млн шаршы метр тұрғын үй ғимараты пайдалануға берілген.

Қай өңірде тұрғын үй көп пайдалануға берілді?

Пайдалануға берілген тұрғын үй ғимараттарының жалпы алаңы

Қазақстан бойынша: 9 538 414 м²

Астана

2 200 973 м²

23,1% үлесі

Алматы қаласы

1 651 420 м²

17,3% үлесі

Алматы облысы

898 413 м²

9,4% үлесі

Шымкент

643 399 м²

6,7% үлесі

Түркістан облысы

553 917 м²

5,8% үлесі

Қызылорда облысы

442 849 м²

4,6% үлесі

Ақтөбе облысы

430 576 м²

4,5% үлесі

Жамбыл облысы

369 514 м²

3,9% үлесі

Атырау облысы

310 618 м²

3,3% үлесі

Ақмола облысы

298 116 м²

3,1% үлесі

Маңғыстау облысы

287 709 м²

3,0% үлесі

Қостанай облысы

257 705 м²

2,7% үлесі

Батыс Қазақстан

247 872 м²

2,6% үлесі

Қарағанды облысы

186 343 м²

2,0% үлесі

Жетісу облысы

164 525 м²

1,7% үлесі

Павлодар облысы

162 263 м²

1,7% үлесі

Шығыс Қазақстан

155 106 м²

1,6% үлесі

Абай облысы

135 028 м²

1,4% үлесі

Солтүстік Қазақстан

104 174 м²

1,1% үлесі

Ұлытау облысы

37 894 м²

0,4% үлесі

* Үлес Қазақстан бойынша пайдалануға берілген 9 538 414 м² тұрғын үй алаңынан есептелді.

Инфографика: Нұрсұлтан Ерболатұлы

Бұл көрсеткіш бойынша Астана көш бастап тұр. Елордада 2,2 млн шаршы метр тұрғын үй пайдалануға берілген. Бұл Қазақстандағы барлық жаңа тұрғын үй алаңының 23,1%-ы.

Екінші орында Алматы қаласы – 1,65 млн шаршы метр немесе республикалық көлемнің 17,3%-ы. Үшінші орында Алматы облысы – 898,4 мың шаршы метр.

Шымкентте 643,4 мың шаршы метр, Түркістан облысында 553,9 мың шаршы метр тұрғын үй пайдалануға берілген.

Нәтижесінде Астана, Алматы қаласы және Алматы облысының өзіне елдегі пайдалануға берілген тұрғын үй алаңының 49,8%-ы, яғни шамамен жартысы тиесілі.

Егер үш республикалық маңызы бар қаланы ғана есептесек, Астана, Алматы және Шымкентте Қазақстандағы жаңа тұрғын үй алаңының 47%-дан астамы шоғырланған.

Ең төмен көрсеткіш Ұлытау облысында тіркелді – 37,9 мың шаршы метр. Солтүстік Қазақстанда 104,2 мың, Абай облысында 135 мың шаршы метр тұрғын үй пайдалануға берілген.

Жалпы деректер Қазақстандағы құрылыс белсенділігінің ірі қалалар мен халық саны тез өсіп жатқан агломерацияларда шоғырланып отырғанын көрсетеді. Астана мен Алматы әрі құрылыс жұмыстарының ақшалай көлемі, әрі тұрғын үйді пайдалануға беру көрсеткіші бойынша елдің негізгі құрылыс орталықтары болып отыр.