Түркия Израиль премьер-министрін іздеуге жариялауды Интерполдан талап етті

Түркия Әділет министрлігі Израиль премьер-министрі Биньямин Нетаньяхуды халықаралық іздеуге жариялау туралы өтінішпен Интерполға жүгінді, деп хабарлайды Kursiv.Media.

Түркия Әділет министрі Акин Гюрлек өтініштің Газа секторына гуманитарлық көмек жеткізген «Сумуд халықаралық флотилиясының» белсенділеріне жасалған шабуыл ісі бойынша жалғасып жатқан қылмыстық қудалау аясында берілгенін айтты. Түркияда Нетаньяху геноцид жасады деп айыпталуда. Ыстанбұлда халықаралық сулардағы оқиғаға қатысты, оның ішінде Израиль премьер-министрі де бар 35 айыпталушыға қатысты сот процесі жалғасып жатыр.

«Біз Газада геноцид саясатын жүргізіп отырған Нетаньяху әкімшілігінің қол сұғылмаушылыққа ие және жауапкершілікке тартылмайды деген ұстаныммен үзілді-кесілді келіспейміз. Біз Газада жасалған қылмыстардың үнсіз қалуына немесе олар үшін жауаптылардың жазасыздық қалқанымен қорғалуына жол бермейміз», – деді Акин Гюрлек.

Министр Түркия кінәлілерді жауапкершілікке тарту үшін ұлттық және халықаралық құқықта қарастырылған барлық құралдарды толық көлемде пайдалануға ниетті екенін қосты.