FlyArystan әуебилеттеріне 15% жеңілдік науқанын бастайды
Жарияланды
FlyArystan әуекомпаниясы бірқатар ішкі және халықаралық бағыттарға әуебилеттерді 15% жеңілдікпен ұсынатын екі күндік науқан бастайды.
Компанияның хабарлауынша, науқан 2026 жылғы 26 және 27 тамызда өтеді. Осы кезеңде жолаушылар 2026 жылғы 3 қарашадан 17 желтоқсанға дейінгі аралықтағы сапарларға билеттерді арнайы тарифтермен сатып ала алады.
Жеңілдік берілетін ішкі бағыттар:
- Алматыдан: Ақтөбе, Шымкент, Түркістан, Қарағанды, Қостанай, Қызылорда, Астана, Семей, Өскемен, Орал және Павлодар.
- Астанадан: Ақтөбе, Шымкент, Атырау, Түркістан, Қостанай, Қызылорда, Семей, Ақтау, Өскемен және Орал.
- Атыраудан: Алматы, Шымкент және Ақтау. Ақтаудан: Шымкент, Атырау, Орал және Ақтөбе.
Халықаралық бағыттар:
- Алматыдан: Чунцин, Самарқан, Үргеніш, Сиань және Инин.
- Астанадан: Кутаиси, Үрімші, Инин және Ташкент.
- Ақтаудан: Кутаиси және Үрімші. Атыраудан: Кутаиси.
FlyArystan әуекомпаниясының стандартты тарифіне салмағы 7 келіге дейін және өлшемдері 56 × 23 × 36 см-ден аспайтын бір дана қолжүгі кіреді.
Әуекомпания қосымша қызметтерді билетпен бірге рәсімдеуге кеңес береді. Сонда жолаушылар олардың құнынан 70%-ға дейін үнем жасай алады.
Айта кететін жайт, Air Astana мен FlyArystan ұшақтары әзірге Дубайға ұшпайды.
