Непал мен Қытай Гималайдағы жаңа су тасқыны қаупі туралы ескертті

Непал мен Қытай жаңа су тасқыны қаупі туралы хабарлады. Құлаған тастар мен мұз өзенді бөгеттеп тастағандықтан пайда болған екі көл арнасынан тасуы мүмкін, деп хабарлайды Кursiv.Media.

Reuters ақпаратына сүйенсек, 27 тамызда Непалдың Табиғи апаттармен күрес жөніндегі басқармасы су деңгейінің көтеріліп жатқанын және бөгеттің бұзылу қаупі бар екенін ескертетін хабарлама жариялады.

Қытай алдағы үш күн ішінде бөгеттелген көлге 3 миллион текше метрге дейін су түсуі мүмкін екенін, бұл бөгеттің бұзылу қаупін жоғарылататынын ескертті. Судың ең жоғары келуі шамамен 1 қыркүйекте күтіледі. Мұның барлығын келесі аптада күтілетін жауын-шашын ушықтыра түседі.

Непал мен Қытайдың Тибет шекаралас аудандарында су тасқынынан кейін іздестіру-құтқару операциялары жалғасуда. 1000-ға жуық адам хабар-ошарсыз кеткендер тізімінде, кем дегенде 362 адам қаза тапты.

Бұған дейін президент Қасым-Жомарт Тоқаев осы Сицзан автономды ауданында болған табиғи апат салдарынан адамдардың қаза табуына байланысты ҚХР Төрағасы Си Цзиньпинге көңіл айту жеделхатын жолдаған еді.