Жаңалықтар

Алматы әкімдігі ірі «Жібек жолы» автобазарын жапқалы жатыр. Қалалық билік аумақта орналасқан контейнерлер мен нысандарды заңсыз деп таныған. Автобөлшек сатушылар мен автосервис иелері өздерін қуып шығуға тырысып жатқандарын наразы. Кейбір кәсіпкерлер тіпті өздерін өртейміз деп қорқытқан, деп хабарлады КТК телеарнасы.

Аудандық қала құрылысы бақылау бөлімінің басшысы Әлібек Түлбасиевтің айтуынша, автобазар иелерінің құрылысқа рұқсат беретін құжаты жоқ.

Әкімдіктің ұстанымына қарамастан, кейбір саудагерлер сауда орындарын толықтай сатып алғанын және кетуге ниетті емес екенін айтады. Кәсіпкерлер өзіне қол жұмсау туралы айта бастағанда, оқиға орнына полиция мен өрт сөндірушілер жеткен.

«Мен алты несие алдым! Үйімді кепілге қойдым. Төрт ай бұрын 3,5 миллион теңге беріп, бұл орынды сатып алдым. Жалға алу ақысын уақтылы төлеп жүрмін. Біз бұл жерден...

Әнші Жұбаныш Жексенұлы Астана әуежайында әйел адаммен жанжалдасып, оны балағаттағаны үшін әкімшілік жауапкершілікке тартылды.

Істі Астана қаласының әкімшілік құқық бұзушылықтар жөніндегі мамандандырылған ауданаралық соты ұсақ бұзақылық бабы бойынша (ӘҚБтК 434-бабының 1-бөлігі) қараған.

Іс материалдарына сәйкес, 2025 жылғы 21 шілде сағат 00.30 шамасында Астана қаласының халықаралық әуежайында әнші мас күйде әйел адамға балағат сөздер айтып, қоғамға ашық түрде құрметсіздік танытып, қоғамдық тәртіп пен тыныштықты бұзған.

Сот отырысы барысында ол құқық бұзушылық жасағанын мойындап, сол сәтте эмоционалдық күйде болғанын, істеген ісіне өкінетінін жеткізіп, кешірім сұраған.

Судья әншінің кінәсін мойындап, шын жүректен өкінгенін ескеріп, 20 АЕК (78 640 теңге) мөлшерінде айыппұл салу...

Lynk & Co компаниясы Z20 электрокроссоверінің екі жаңа, қолжетімді нұсқасын таныстырды. CarNewsChina мәліметінше, модельдердің техникалық сипаттамалары арзандату мақсатында оңтайландырылған, енді кең аудиторияға қолайлы болады деп күтіліп отыр.

Жаңа Plus және Pro нұсқалары алдымен шағын қуатымен ерекшеленеді: бұрынғы 335 ат күшінің орнына енді электрқозғалтқыш 235 ат күшін береді. Жүріс қоры 530 км-ден 430 км-ге қысқарған. Дөңгелек диаметрі де 19 дюймнен 18 дюймге дейін азайтылды. Harman Kardon аудиожүйесі (14 динамикпен) енді тек қосымша опция ретінде ұсынылады. Базалық жинақтаманың бағасы $15,200 немесе шамамен 8,3 млн теңгеден басталады (қазіргі бағам бойынша).

Қытайлық БАҚ пікірінше, бұл – қолжетімді көлік мінгісі келетін тұтынушыларды тарту тәсілі. Техникалық параметрлер өзгергенімен, жаңа Z20 үлгілері Lynk & Co-ның айқын танылатын дизайнын сақтап қалған.

Электрокроссоверлердің өлшемдері өзгермеген. Артқы бөліктегі LED-спойлер мен «жарқыраған қанат» стиліндег...

ІІМ криминалдық полиция департаменті мен Ақмола облысы полиция департаментінің қызметкерлері аудандық мәслихат төрағасына жасалған қарақшылық шабуылды әшкерелегенін хабарлады.

Оқиғаның мән-жайы

15 шілдеде бетперде және капюшон киген екі ер адам Астраханка ауылында ерлі-зайыптылардың үйіне кіріп, аңшы мылтығымен қорқыту арқылы қарақшылық шабуыл жасаған. Олар жәбірленушілерді байлап, үйлерінің жертөлесіне қамап кеткен. Өздері бағалы бұйымдарды қолды қылған. Келген залал 4 млн теңгені құраған.

Үш күдікті ұсталған

Жедел-іздестіру іс-шаралары барысында күдікті үш адам ұсталған. Олардың екеуі Жамбыл облысының, бірі Түркістан облысының тұрғыны. Олар бұған дейін бірнеше рет осындай қылмыстар үшін сотты болғаны анықталған. Тінту барысында жәбірленушілерге тиесілі алтын бұйымдар тәркіленген...

Қоғамдық белсенді Аружан Саин Бағанашылдағы балалар үйін тұруға жарамсыз деп тапқан қорытындыға қатысты қабыспайтын нәрселер көп екенін мәлімдеді.

Күмәнді қорытынды негізінде көшіру

Белсенді балаларды Бағанашылдан Қонаевқа көшірудің ресми негізі ретінде 2024 жылы «Астанақұрылыссервис» ЖШС берген техникалық қорытынды көрсетілгенін атап өтіп, құжатта Алматы облыстық №1 балалар үйінің ғимараты «пайдалануға жарамсыз» деп танылғанына назар аударған.

Аты өзгерген мекеме

Ол Алматы облысының әкімдігі қорытындының өзін емес, тек титулдық бетін көрсеткенін, ал онда тапсырыс беруші ретінде «Алматы облыстық №1 балалар үйі» МКҚК көрсетілгенін айтады. Бірақ ресми деректерге сүйенсек, мұндай мекеме 2022 жылдың сәуір айынан бастап жоқ.

Қазақстан ІІМ Интерпол Ұлттық орталық бюросының сұрауы бойынша Мысыр астанасы Каир қаласында халықаралық іздеуде жүрген қазақстандық азамат ұсталды.

Оны криминалдық полиция қызметкерлері Шымкент қаласына жеткізген.

2023 жылы ер адам басқа адамдармен сөз байласып, жәбірленушілердің атына автокөліктерді несиеге рәсімдеп, кейін оларды үшінші тұлғаларға сатқан деп айыпталып отыр. Оның осы әрекетіне қатысты полицияға 105 адам арызданған. Келтірілген жалпы материалдық шығын 1,5 миллиард теңгеден асқан.

Күдіктіге қатысты Қылмыстық кодекстің төмендегідей баптары бойынша қылмыстық іс қозғалған:

Теңгенің күрт әлсіреуіне байланысты Ұлттық банк валюта нарығындағы жағдайды тұрақтандыру үшін шұғыл шараларға баруға дайын екенін мәлімдеді. Бұл туралы «Капитал» басылымына Үлттық банк төрағасының орынбасары Әлия Молдабекова айтқан.

Қаржы реттеуші нарықта алыпсатарлық байқалса, интервенциясын жүргізу арқылы теңгенің шамадан тыс құнсыздануына жол бермейтінін атап өтті.

Нарыққа бақылау күшейтілді

Ұлттық банк Қазақстан қор биржасындағы (KASE) және банкаралық нарықтағы операцияларды жіті бақылап отыр. Егер нарықта алыпсатарлық әрекеттер байқалып, яғни кейбір ойыншылар теңгенің бағамын пайдаланып табыс табуға тырысса, Ұлттық банк валюта сату арқылы нарыққа араласуға ниетті.

Резерв жеткілікті

Қаржы реттеушінің айтуынша, қазір елдің халықаралық резерві 52,2 млрд долларды...

Перизат Қайрат сот басталған кезде қор құрылтайшыларынан жауап алуды сұрап, сол сәтте «Нұр Отан» (қазіргі Amanat) партиясы төрағасының бұрынғы бірінші орынбасары Бауыржан Байбектің атын атады.

2025 жылдың 25 шілдесінде Перизат Қайрат 10 жылға сотталды. Үкім шыққаннан кейін адвокат Асланбек Дәулетияров Бауыржан Байбектен жауап алу туралы тараптардан өтінішхат түспегенін, бұл мәселе қаралмағанын айтты.

Айта кетейік, Перизат Қайрат жазасын қауіпсіздігі орташа мекемеде өтейді.

Сондай-ақ сотталған 10 жыл мерзімге қайырымдылық қаражатын жинаумен байланысты қызметпен айналысу құқығынан айырылды.

Ұлттық қауіпсіздік комитеті қызметтік өкілеттіктерін асыра пайдаланды деген күдікпен ҚР Энергетика министрлігінің Атомдық және энергетикалық қадағалау мен бақылау комитетінің Қызылорда облысы бойынша аумақтық департаментінің басшысын ұстағанын хабарлады.

Шенеунік жер қойнауын пайдаланушылардан жүйелі түрде материалдық пайда алуға мүмкіндік беретін сыбайлас жемқорлық схемасын ұйымдастырды деген күдікке ілінген.

Оған қатысты Қылмыстық кодексінің 362-бабы 4-бөлігінің 3-тармағы (Билiктi немесе лауазымдық өкiлеттiктерді асыра пайдалану) және 364-бабы 1-бөлігі (Кәсіпкерлік қызметке заңсыз қатысу) бойынша тергеу іс-шаралары жүргізіліп жатыр.

Бұлтартпау шарасы ретінде қамауда ұстау шарасы тағайындалған.

ҰҚК бұған дейін Ақмола облысында Кіріс департаментінің басшысын жемқорлық күдігімен ұстаған.

2025 жылдың 6 айында Қазақстанда 54 жаңа сауда үйі ашылып, пайдалануға берілген. Бұл туралы Ұлттық статистика бюросы хабарлады.

Олардың жалпы аумағы – 87,3 мың шаршы метр, ал нақты құны – 39,7 млрд теңге. Ең көп сауда үйі Шымкент қаласы (15 нысан) мен Қызылорда облысында (14 нысан) салынған.

Сол кезеңде жалпы аумағы 39 мың шаршы метрді құрайтын 60 супермаркет ашылды. Бұл нысандардың жалпы құны – 19,5 млрд теңге.

Супермаркеттердің көпшілігі Шымкентте (21 нысан), Жамбыл және Түркістан облыстарында (әрқайсысында 12 нысан) іске қосылған.

Сонымен қатар, 176 минимаркет пайдалануға берілді. Олардың жалпы аумағы – 30,3 мың шаршы метр, ал құны...

Facebook пен Instagram әлеуметтік желілеріне иелік ететін Meta компаниясы Еуроодақта саяси жарнама сатуды доғарады. Бұл туралы Bloomberg хабарлайды.

Миллиард Марк Цукербергтің компаниясы ЕО елдерінде саяси жарнама сатуды 2025 жылғы қазан айынан бастап тоқтатады. Себебі ұйым елдері осындай талап қойып отыр.

ЕО мен Meta компаниясының осы мәселе бойынша дауласып жүргеніне біраз уақыт болды. Одақ елдері америкалық компанияның ықпалы мен мәлімет жинауын шектегісі келеді. Бұған қоса, ЕО Meta-ның жасанды интеллектіні іске қосқанына қарсы. Соған байланысты Цукерберг оны ұйым елдеріне енгізуді тоқтатып қойған.

Bloomberg мәліметінше, компанияның саяси жарнамадан бас тартуы оның бизнесіне кері әсер етуі екітайлай. Себебі қаржы директоры Сьюзан Ли...

Перизат Қайраттың адвокаты Асланбек Дәулетияров шыққан үкімді заңсыз әрі негізсіз деп санайды. Сондай-ақ үкімге апелляциялық шағым түсіретінін айтты.

Айтуынша, 1 млрд теңгеден астам сомаға азаматтық талап арыз қанағаттандырылған.

«Перизатпен сөйлесіп үлгермедім. Үкім жарияланғаннан кейін ол кісіні алып кетті. Міндетті түрде апелляциялық шағым келтіреміз. Реакциясына келсек, ұзақ жылға соттағандықтан, эмоция тұрғысынан ауыр болды. Жылаған жоқ. Үкім шыққаннан кейін ештеңе айтқан жоқ. Қабылдады. Келісе ме, жоқ па, оны тергеу изоляторына барып сөйлесеміз», – дейді адвокат.

Ол екінші сатыда сотталғандарды толық ақтауды сұрайтынын жеткізді. Айтуынша, сотқа Перизат Қайраттың қайырымдылықпен айналысқанын растаған куәлер қатысқан. Сөзінше, қорғау тарабы 67 куәден...

Жеке орындаушы ретінде өнер көрсетіп жүрген Ninety one тобының мүшесі Alem-нің жаңа әніне түсірілген бейнебаян жарыққа шығады. Әртіс Instagram парақшасында клиптің тизерін жариялап, релиз бүгін болатынын мәлім етті.

Бейнебаян орындаушының жаңа «Mahabbat» әніне түсірілген. Әртіс бұл жолы алғаш рет өзге сазгердің әнін орындаған. «Mahabbat» туындысының әнін де, сөзін де Қытайда тұратын қазақ композиторы Тынысбек Қыдырбекұлы жазған.

«Махаббат» – әртістің хитке айналған екі ырғақты әнінен кейінгі баяу туындысы. Оның бұған...

Қазақстан мұсылмандары діни басқармасы (ҚМДБ) электронды темекіге қатысты шариғат үкімін жариялады. Діни басқарманың пайымдауынша, бұл темекі түрі адам денсаулығына зиян келтіретіндіктен әрі ысырапқа жататындықтан – харам.

Электронды темекі – ішкі құрылымында химиялық сұйықтығы, никотині және арнайы ауыстырылатын картриджі бар құрылғы. Никотин мен улы заттарды өкпеге тыныс алу жолдары арқылы жеткізеді. Дәстүрлі темекіден айырмашылығы – иісі аз, бірақ зияны кем емес.

ҚМДБ өз үкімін ғылыми деректер мен ислам ғұламаларының пікірлеріне сүйене отырып шығарған. Ханафи мәзһабының ғалымы шейх Мухаммад әл-Айни темекі тартудың төрт себеппен харам екенін айтқан:

Ханафи...

«BASS Gold» компаниясы алтын бар деген үш жаңа аймақта барлау жүргізуге ресми рұқсат (лицензия) алды. Бұл жер Ұлытау облысындағы «Ушшоқы» кен орнына жақын орналасқан. Жалпы аумағы – 6,5 шаршы шақырымнан асады.

Компания бұл жерлерден алтын қоры табылады үміттеніп отыр. Себебі олар бұрыннан жұмыс істеп жатқан кен орнының жалғасы саналады.

Іздеу жұмыстары 2026 жылы басталады. Қазір компания сол жұмыстардың жоспарын дайындап жатыр. Ол жоспар алдымен экологиялық тексеруден өтеді.

Бұл рұқсат компанияға жаңа алтын көздерін табуға және өндіріс көлемін арттыруға мүмкіндік береді. Алынған кен болашақта алтын қоспасы (Доре) мен байытылған концентрат ретінде өңделіп шығарылады.

BASS Gold компаниясы 2024 жылы 3 млрд теңге...

Атырау прокуратурасы North Caspian Operating Company (NCOC) мұнай консорциумынан экология талаптарын бұзғаны үшін 3,6 млрд теңге өндіріп алды. Бұл туралы Бас прокуратураның баспасөз қызметі хабарлайды.

Құзырлы орган мәліметінше, Атырау прокуратурасы NCOC-тың «шикі газды шамадан тыс жаққанын» анықтаған.

«Прокуратура актісімен, жер қойнауын пайдаланушы ӘҚБТК-нің 356-бабы (Жер қойнауын пайдалану операцияларын жүргізу қағидаларын бұзу) бойынша әкімшілік жауапкершілікке тартылып, 3,6 млрд теңге экологиялық залал бюджетке толық өндірілді», – деп хабарлады прокуратура.

Бұған қоса, құзырлы орган компанияның жауапты лауазымды тұлғаларына қоршаған ортаны ластамауға кеңес берді.

Экологияны қорғау мәселесі Атырау облысының прокуратурасының ерекше бақылауына алынған, деп түйіндеді Бас прокуратура.

Ір...

26 шілдеден 27 шілдеге қараған түні Абу-Дабиде өтетін UFC on ABC 9 турнирінде қазақстандық файтер Асу Алмабаев (21-3) октагонға шығады. Қарсыласы – Перу елінің өкілі Хосе Очоа (8-1). Жекпе-жек жеңіл салмақта, үш раундқа жоспарланған.

Алмабаев пен Очоа арасындағы жекпе-жекті UFC-дің ресми сайтынан көруге болады. Қос спортшының айқасы шамамен 00:20-да (Астана уақыты бойынша) басталады.

Асу Алмабаев UFC-дегі бес кездесуінің төртеуінде жеңіске жетіп, бір рет жеңілген. Оның соңғы жекпе-жегінде Ангола спортшысы Манел Капеге (21-7) техникалық нокаутпен жеңіліп қалған еді.

Бұл жолы Асу жанкүйерлерінің қолдауымен жеңісті қайта еңсеруге ниетті. Айта кетейік, бұл кездесуде Асуға Шавкат Рахмонов қолдау көрсетпек.

Тимур Құлыбаевқа тиесілі «Кипрос» компаниясы Вьетнамның CrystalBay инвесторымен бірлесміп Алматы облысындағы «Ақ-Бұлақ» тау курортын жаңғыртуға 233 млрд теңге құймақ. Бұл туралы Алматы облысының әкімдігі хабарлайды.

Жоба аясында жаңа гольф-клуб салынып, қонақүй кешені кеңейтіледі. Бұл 700 жаңа жұмыс орнын ашуға мүмкіндік береді.

Әкімдік мәліметінше, өңірде туризм саласы қарқынды дамып келеді. Биыл бірінші тоқсанда Алматы облысына 162 мың турист келген. Өткен жылмен салыстырғанда 62%-ға көп.

Туристер ағынының артуы тау кластерінің дамумен байланысты. Облыста 270-ке жуық демалыс орны жұмыс істейді, оның 140-ы тікелей таулы аймақта орналасқан.

Сонымен қатар, Oi-Qaragai курортын да кеңейту жоспарланған: аумағы 10 есе ұлғайып, 83,2 млрд...

«Магистратураға 100 пайыз түсіреміз», «Тестте келетін сұрақтардың 90%-ы бізде бар», «Грантқа түсе алмасаң 80% ақысын қайтарып береміз». Алматыдағы Grant Master атты оқу орталығы дәл осындай жарнамамен магистратураға дайындайтын курсын сатты. Бірақ оны сатып алған 100-ден аса қолданушы грантқа түсе алмай, уәде берген ақшаның қайтпағанын айтады. «Сол курстағы сұрақтардың бірде-біреуі кешенді тестілеуде келген жоқ» дейді олар. Бакалавр, магистратура түсетін кезде тапсыратын тест сұрақтары қүпия емес пе? Оны жеке оқу орталықтары алуына рұқсат бар ма? Тест тапсыру бизнеске айналып кеткен бе? Kursiv тілшісі анықтап көруге тырысты

Ақша да жоқ, грант та жоқ

Таңшолпан Оразымбетқызы осы жылы мамырдан бастап «психология» мамандығына...

Сот үкіміне сәйкес, Перизат Қайрат пен анасы Ғайни Алашбаеваның ұрланған қаражатқа сатып алған мүлкі тәркіленеді.

Бұл қатарда бар:

 «Vela Village» коттедж қалашығындағы жеке үй;

«Akbulak Riviera», «Sensata Plaza», «Highvill Ishim Gold», «Көк Жайлау» тұрғын үй кешендеріндегі пәтерлер мен тұрақ орындары;

«Mercedes-Benz S450» 2024 ж., «Lexus LX 600» 2024 ж. автокөліктері;

«Rebel Flowers» ЖШС-ның жарғылық капиталындағы 100% үлесі;

97 млн теңгеден астам қаражат және 22 мың АҚШ доллары.

Сондай-ақ жәбірленушілердің азаматтық талап арызы қанағаттандырылды.

2025 жылғы 25 шілдеде Алматы облысында жоспарлы ұшу барысында Әуе қорғанысы күштерінің EC-145 тікұшағы радардан жоғалып кетті. Бұл туралы Қорғаныс министрлігі хабарлады.

Алдын ала мәлімет бойынша, тікұшақ бортында үш экипаж мүшесі болған. Оқиға орнына Қорғаныс министрлігі мен ТЖД-ның күштері мен құралдары жұмылдырылып, іздестіру-құтқару жұмыстары жүргізіліп жатқаны хабарланды.

Қорғаныс министрінің тапсырмасы бойынша оқиғаның мән-жайын анықтау үшін арнайы комиссия аттанған.

Министрлік қосымша ақпарат оқиғаны анықтау барысы бойынша берілетінін атап өтті.

Бұған дейін, Ресейде Ан-24 ұшағы әуелі радардан жоғалып, кейін апатқа ұшыраған. Алдын ала себеп бойынша апатқа экипаждың қате әрекеті немесе техниканың істен шығуы себеп болуы мүмкін. Қайғылы оқиғаға байланысты Қазақстан президенті Қ.Тоқаев...

Қазақстан қор биржасында (KASE) 1 АҚШ доллары 544,87 теңге болды. Осылайша ұлттық валюта тағы да қолайсыз рекорд орнатты. Бұл уақытта валюта айырбастау мекемелерінде доллар 547-548 теңгеден сатылып жатыр.

Жұма, 25 шілдеде қор биржасындағы саудада ұлттық валюта тағы да долларға есе жіберді. Бұл жолы күндізгі сауда барысында бір доллар құны 545,95 теңгеге дейін жетті. Алайда сауда барысында бағам сәл төмендеп, сағат 15:30-да 544,87 теңге болды. Құрама Штаттар валютасы бір тәулікте 2,79 теңгеге күшейді.

Енді Ұлттық банк алдағы демалыс күндерге дәл осы бағамды белгілейді. Дегенмен елдегі валюта айырбастау орындары кешкі саудасының аяқталуын күтеді.

Қазір Қазақстандағы валюта айырбастау мекемелерінде доллар 547-548 теңгеден...

Ресейдің Амур облысындағы ұшақ апатынан қаза тапқандардың отбасына 5 миллион 25 мың рубль (34,5 млн теңге) өтемақы беріледі. Бұл туралы облыс губернаторы Василий Орлов мәлім етті.

Оның сөзінше, соманың 2 миллион 25 мыңын сақтандыру төлемдері құраса, 2 миллионы әуе компаниясының қаражаты, одан бөлек әр өңірлік үкіметтен 1 миллион рубль көлемінде материалдық көмек қарастырылған.

Сондай-ақ ол қазіргі уақытта апат орнында құтқарушылар мен тергеушілер жұмыс істеп жатқанын жеткізіп, оқиғаның екі негізгі нұсқасы қарастырылып отырғанын атап өтті: Біріншісі – техникалық ақау, екіншісі – ұшқыштардың қатесі.

Ұшақтың борттық жазу құрылғылары табылған, жақын уақытта оларды Мәскеуге жеткізіп, деректерді шифрлайды.

Василий Орлов ұшақ апаты...

Перизат Қайраттың анасы Ғайни Алашбаева 7 жылға сотталды. Сот үкіміне сәйкес, Перизат Қайрат 10 жылға бас бостандығынан айырылды.

Прокурор соттан Ғайни Алашбаеваны «Алаяқтық» бабына сәйкес қылмыс жасағаны үшін кінәлі деп танып, 7 жылға бас бостандығынан айыру жазасын тағайындауды сұрады.

«Аса ірі көлемде қылмыстық жолмен алынған кірістерді заңдастыру» бабы бойынша да кінәлі деп танып, 6 жылға бас бостандығынан айыру және мүлкін тәркілеу жазасын тағайындауды ұсынды.

Жазаларды ішінара қосу арқылы түпкілікті жаза ретінде 8 жылға бас бостандығынан айыру және мүлкін тәркілеу түріндегі жаза тағайындауды сұрады.