Жаңалықтар

Атыраудағы әйелдер колониясы ішінен баласымен бірге жазасын өтеуге болатын нысан ашылады. Жұмыс 2025 жылдың соңына дейін аяқталады деп жоспарланған. Бұл туралы ІІМ қылмыстық-атқару жүйесі комитеті төрағасының орынбасары Жәнібек Баймағанбетов айтты, деп хабарлайды KursivMedia.

Сөзінше, мекемелер белгілі бір адам санына лайықталған. Алайда кей жағдайда мекемелердегі адам саны нормадан асып кетеді. Бұл мәселе сотталғанды басқа мекемеге ауыстыру арқылы шешіледі.

«Қылмыстық-атқару кодексінің 88-бабына сәйкес, сотталғандар өзінің туыстарымен тұрмыстық қарым-қатынаста болуы керек. Яғни, сол аймақта болуға тиіс. Сондықтан оларды басқа мекемеге ауыстырсақ, туыстарынан арыз-шағым түседі», – дейді Баймағанбетов.

Мекеме ішінде бір адамға 2,5 шаршы метрден келуі керек.

Танымал ресторатор Асқар Байтасов Медеу мұз айдыны маңында бой көтеретін жаңа кафенің жобасын көрсетті. Нысан жоғарғы класты қонақүй аумағында орналасатын болады.

Байтасовтың айтуынша, болашақ кафе әйгілі сәулетші Владимир Кацевтің стилін заманауи реңкте қайта жаңғыртады. Дәл осы сәулетші 1972 жылы Медеу мұз айдынының бірегей бейнесін жасаған.

Жобаның визуализациясына қарағанда, жаңа нысан классикалық стиліндегі элементтерді заманауи сәулетпен үйлестіріп, кеңістіктің табиғи ландшафтына бейімделіп салынбақ.

«Бұл жай ғана кафе емес, болашақта Алматының жаңа сәулет нысанына айналатын кеңістік», — дейді авторлар.

Асқар Байтасовтың сөзінше, жаңа кафенің ашылуы 2026 жылдың қыс мезгіліне жоспарланып отыр. Дегенмен нақты күн әлі белгісіз...

Сенат төрағасы Мәулен Әшімбаев журналистердің «Қазақстанда мерзімінен бұрын парламент сайлауы өте ме» деген сауалына жауап берді.

Әшімбаев қазіргі парламенттің заңнамалық күн тәртібі үлкен екенін атап өтіп, мерзімінен бұрын сайлау өткізуге негіз жоқтығын жеткізді.

«Парламент қызметі заңнамалық күн тәртібіне сай жүзеге асып жатыр. Осы сессия аясында үлкен заңдар қаралды. Алда да президент реформаларын жүзеге асыратын заңдарды қабылдау міндеті тұр», – дейді Әшімбаев.

Қазіргі парламент 2023 жылы көктемде жасақталған. Қазақстан парламентінің мерзімі 5 жыл.

Бұған дейін, президент Қасым-Жомарт Тоқаев парламент сайлауын мерзімінен бұрын өткізуге әзірге еш негіз жоқ екенін айтқан.

Қазақстанда мемлекет тарапынан міндетті әлеуметтік медициналық сақтандыруға (МӘМС) төленетін жарналар көлемі кезең-кезеңімен артады. Нақты айтқанда, 2027 жылдан бастап 2037 жылға дейін мемлекет тарапынан МӘМС жүйесіне төленетін жарналардың мөлшері қазіргі 2,2%-дан 4,7%-ға дейін, яғни екі есеге артады. Бұл өзгерістер МӘМС мәселелері бойынша заңнама актілеріне енгізілген өзгерістер туралы заңда көзделген. Аталған заң жобасын Сенат екінші оқылымда мақұлдады.

Баршаға қолжетімді базалық медициналық пакет пайда болады

Мәжіліс депутаты Айнұр Арғынбекова атап өткендей, 2026 жылдан бастап барлық азаматтарға арналған бірыңғай базалық медициналық көмек пакеті енгізіледі. Бұл пакетке келесі қызметтер кіреді:

Қаржылық маниторинг агенттігі Павлодар облысы бойынша департамент Екібастұз қаласында электрондық тұтыну жүйелерін, оларға арналған хош иістендіргіштер мен сұйықтықтарды заңсыз айналымға шығарумен айналысқан топты анықтағанын хабарлады.

Тыйым салынған өнімдер Telegram мессенджеріндегі «VAPE SHOP MAXI MALL» арнасы арқылы сатылып, курьерлік жеткізу арқылы жіберіліп отырған.

Нәтижесінде 5 600-ден астам вейп пен олардың бөліктері тәркіленген. Агенттік аталған өнімдер сатылғанда қылмыстық табыс 100 млн теңгеден асатынын атап өткен.

Жедел-іздестіру шаралары барысында қойма мен сату нүктелері анықталған.

«Ерекше назар аударатын жайт – бұл өнімдер кәмелетке толмағандар, соның ішінде мектеп оқушылары арасында кеңінен таралған. Заңсыз бизнесті ұйымдастырушылар электронды темекілерді жасөспірімдерге сатып, оларды...

Қазақстанда рекордтық табыс жинаған отандық «Патруль» комедия франшизасы енді Ресей нарығына шықты. 26 маусымнан бастап көрермендерге ұсынылған жаңа бөлім «Патруль. Миссия Тамби» деп аталады. Бұл — Ресей аудиториясы үшін арнайы қайта өңделіп жасалған нұсқа. Фильмге ресейлік танымал әзілкеш, шоумен Тамби Масаев арнайы шақыртылып, басты кейіпкерлермен бірге түсірілімге қатысты.

Қазақстандағы нұсқасы — «Патруль. Соңғы бұйрық»

Бұған дейін фильмнің Қазақстанда көрсетілген нұсқасы «Патруль. Соңғы бұйрық» деп аталды. Бұл нұсқада оқиға Абай облысында өрбиді. Ел Президенті өңірге сапармен келмек, ал жергілікті полиция қызметкерлеріне кортежді ұйымдастыру міндеті жүктеледі. Бірақ бөлімде тәртіпке салғырт қарайтын кейіпкерлер жетіп артылады — Серік, Олжас, Медет, Еділ...

Қаржы нарығын реттеу және дамыту агенттігі (ҚНРДА) еліміздегі бірқатар банктердің қызметін тексеру нәтижесінде 11 қаржы ұйымынан заң бұзғанын анықтаған.

Агенттіктің ресми мәліметінше, тексеру «Халық банк», «Еуразиялық банк», Kaspi Bank, Altyn Bank, Bereke Bank, Банк ЦентрКредит, Bank RBK, ForteBank, Home Credit Bank, «Фридом Банк Қазақстан» және «Нұрбанкке» жүргізілген.

Агенттіктің тексеру барысында банктер нақты қандай ереже бұзғанын нақтыламаған. Тек Қазақстанның «Банктер және банк қызметі туралы» заңының 45-1 және 46-баптарына сілтеме жасайды. Аталған баптарда банктердің операциялар жүргізу тәртібіне бастап, ішкі бақылау жүйесі, тәуекелдерді басқару, сонымен қатар басқарушы тұлғалардың жауапкершілігіне қатысты талаптар қарастырылған.

Қаржы реттеушісі аталған банктерге заң бұзушылықтарды жою туралы жазбаша нұсқама...

Инфрақұрылым тозған

2029 жылға дейін энергетикалық және коммуналдық секторды жаңғыртуға 13 трлн теңге жұмсалады. Бұл туралы Сенатта депутат Шәкәрім Бұқтығұтов айтты.

«Баршаға белгілі, еліміздің коммуналдық және энергетикалық инфрақұрылымы бүгінде желі тозуының жоғары деңгейімен және технологиялық тұрғыдан ескірген жабдықтармен байланысты күрделі мәселелерге тап болып отыр», – деді депутат.

Инфрақұрылымның ескіргеніне байланыста ресурстар тиімсіз пайдаланылады. Нәтижесінде бұл жағдай халықтың өмір сүру сапасына және экономиканың тұрақтылығына теріс әсер етуде.

Қанша қаражат жұмсалады?

Депутатттың айтуынша, қазіргі уақытта елдегі жылу желілерінің тозу деңгейі шамамен 52%-ды құрайды. Салдарынан апат жиі болып, жылу шығындалады. Ал...

Сайранда демалушыларға Алматы полициясы айыппұл сала бастады. Өйткені келушілер аумаққа қоқыс тастай бастаған.

Айыппұл көлемі 19 500 теңгеге дейін жетуі әбден мүмкін.

CNM ақпаратына қарағанда, Алматы полициясы Сайран жағалауында күнделікті рейд жүргізіп жатыр.  

Ресми түрде демалыс аймағы әлі ашылған жоқ. Бірақ аптапта су жағасына келіп, шомылып, ыстығын басқысы келетіндердің қарасы көп.

Адам көп жиналған жерде пластик бөтелкелер, орама қағаздар және басқа да қоқыстар қалатыны анық. Оларды әр жерге қалдырып, тазалыққа мән бермейтіндер де аз емес.

Ол аз болса, Сайран суының бетінде қалдықтар қалқып жүзіп жүргенін көруге болады.

Полиция дерегіне қарағанда, кеше 20 адамға айыппұл салынған. Бұл бастамасы ғана.

Қуандық Бишімбаевқа түрмеде әлі де жұмыс табылмаған. Бұл туралы ІІМ қылмыстық-атқару жүйесі комитеті төрағасының орынбасары Жәнібек Баймағанбетов айтты, деп хабарлайды KursivMedia.

Айтуынша, Қуандық Бишімбаев жазасын өтеп жатқан мекемеде құрылыс жұмыстары жүріп жатыр.

«Мекемеде құрылыс жұмыстары жүріп жатыр. Бизнес аймақ жұмысшылармен толық қамтылған. Ол жерде қосымша цехтар ашылуы керек, сол кезде жаңа жұмыс орындары пайда болады. Сол кезде мекемедегі барлық сотталғанды жұмыспен қамтимыз. Қазір сотталғандардың 60%-ы жұмыспен қамтылған. Бұл көрсеткішті 100%-ға жеткізуді жоспарлап отырмыз. Сотталғандарды таңдап жұмысқа орналастырмаймыз», – дейді Баймағанбетов.

Цифрлық даму, инновациялар және аэроғарыш өнеркәсібі вице-министрі Досжан Мұсалиев елдегі ауылдар қашан толығымен интернетке қосылатынын айтты.

Вице-министрдің айтуынша, 2027 жылдың соңына дейін  елдегі ауылдардың 99%-ы интернетке қосылады.

«Елімізде 6226 ауыл бар. Олардың 4800-інде қазір интернет бар. Ол жерде опиткалық болуы мүмкін немесе интернет радиорели арқылы  беріледі. Бірақ біздің көздеп отырғанымыз бұлардың барлығына оптикалық интернет тарту»,  – деп түсіндірді ол.

Досжан Мұсалиев қазіргі уақытта 2600 ауылға оптикалық интернет тартылғанын атап өтті. Қалған 3039 ауылға 2027 жылдың соңына дейін кабель арқылы оптикалық интернет барады деп сендірді.

«Нәтижесінде 500 елдімекен қалады, бірақ ол ауылдар таулы жерде орналасқан  немесе ол жерлерде...

Отбасылық жанжалдан соң көпқабатты тұрғын үйдің 3-қабатынан секіріп кеткен әйелдің өлімі бойынша сот үкімі шықты. Істі Шымкент қалалық қылмыстық істер жөніндегі ауданаралық соты қараған. Сот марқұмның күйеуі 51 жастағы Мұхитжан Сейдуәлиевті Қылмыстық кодекстің «Өзін-өзі өлтіруге дейін жеткізу, өзін-өзі өлтіруге көндіру немесе өзін-өзі өлтіруге ықпал ету» бабымен кінәлі деп танып, 1 жыл 6 айға бас бостандығынан айырды. Сотталушы сотта өз кінәсін мойындағанымен, Kursiv.Media-ға сот үкімімен келіспейтінін жеткізді.

«Сейдуәлиев Мұхитжан Қалдарбекович Қазақстан Республикасы Қылмыстық кодексінің 105-бабы 1-бөлігімен қылмыстық құқықбұзушылықты жасағаны үшін кінәлі деп танылсын. Оған 1 жыл 6 айға бас бостандығынан айыру жазасы тағайындалсын», – деді судья Сәбит...

Әлеуметтік желіде қазақстандық актерлердің АҚШ-та жол апатына ұшыраған америкалыққа көмектесіп жатқан сәті түсірілген бейнежазба тарады. Оқиғаға куә болған түсірілім тобының айтуынша, көлік жардан құлап, өртеніп кеткен.

Актриса Айдана Сахаридің айтуынша, апатқа ұшыраған көліктің ішінде адам қалып, темір тұлпар бірден отқа оранған. Сол сәтте актер Сануржан Сүлеймен ештеңеге қарамастан, бірінші болып жараланған жүргізушіні құтқаруға ұмтылған.

Түсінікті болу үшін айтайын: жар қия беткеймен орналасқан, айнала құмды – тайғақ, ағаштар көп, төменде жарылыс болып жатты. Адам көліктің астында қалып қойды. Санур оны тартып шығарып жатқанда, кейін өзгелер де көмекке келді. Байланыс жоқ жерде Еркен аға әрең дегенде жедел...

Алматыдағы Дулати көшесінің бір бөлігінде орташа жөндеу жұмыстарының жүргізілуіне байланысты көлік қозғалысына уақытша шектеу енгізіледі.

26 маусым күні сағат 22:00-ден бастап 27 маусым сағат 06:00-ге дейін Экологиялық бекет даңғылынан бастап Сапарлы жол көшесіне дейінгі аралықта қозғалыс жабылады.

Әкімдік жөнделетін учаскеде ескерту белгілері, мердігер ұйымның байланыс ақпараты бар тақта қойылатынын айтады.

Алматы әкімдігі қозғалысқа шектеу қою жөніндегі ақпарат AlmatyJoly Telegram арнасында, әкімдіктің әлеуметтік желілерінде және 2GIS және «Яндекс карталарында» жарияланатынын атап өткен.

Бұған дейін, Алматының үш көшесінде көлік қозғалысы жаз соңына дейін шектелетінін жазғанбыз.

Ресей компанияларының бағалы қағаздары енді Қазақстан биржасында еркін сатылуы мүмкін. Ресей Мемлекеттік думасы Еуразиялық экономикалық одақ (ЕАЭО) елдері арасында бағалы қағаздарды биржаларда орналастыру және айналымға жіберу тәртібін біріздендіруге бағытталған келісімді ратификациялады. frankmedia сайтының хабарлауынша, құжат РФ заңнама базасында жарияланды.

Келісімнің басты мақсаты — ЕАЭО-ға мүше елдердің эмитенттеріне одақ аумағындағы биржаларда бағалы қағаздарын еркін орналастыру және саудалау мүмкіндігін ұсыну.

Құжатқа 2025 жылғы 31 қаңтарда Алматыда қол қойылған. Онда ЕАЭО-ға мүше елдердің (Қазақстан, Ресей, Қырғызстан, Беларусь және Армения) биржаларына одаққа кіретін мемлекет эмитенттер бағалы қағаздарын орналастыруына құқық беріледі.

Яғни, ресейлік компаниялар Қазақстан биржасына өз акцияларын немесе облигацияларын шығара алады...

СҚО Тайынша ауданына қарасты Ильичевка ауылындағы кәсіпорындардың бірінде газ жарылды, деп хабарлады жергілікті Qazaqstan Media порталы.

Басылымның мәліметінше, өртті куәгерлер видеоға түсіріп үлгерген. Олардың айтуынша, өрт «Тайынша-Май» ЖШС-да жанармай шлангісінің үзіліп кетуінен басталған. Соның салдарынан газ жинағыштар жарылып, Volvo маркалы газ тасымалдаушы көлік тұтанған.

Ақпаратты Солтүстік Қазақстан облысының полиция департаменті растаған.

«Алдын ала мәліметтерге сәйкес, кәсіпорынға тиесілі екі жинақтағыш тұтанып, жарылған. Кейіннен газ таситын көлікті от шалған. Жарылыс салдарынан тоғыз адам зардап шекті, олардың сегізі ауруханаға жеткізілді», – дегеy Qazaqstan Media-ға СҚО ПД өкілдері.

Денсаулық сақтау басқармасы жарақат алғандардың бір бөлігі Тайынша ауданаралық көпсалалы ауруханасына...

Amazon компаниясының басшысы Джефф Безос пен журналист Лорен Санчес үйлену тойын Венецияда өткізеді. «Ғасыр тойы» атанған үш күндік VIP-кешке шамамен 56 млн доллар жұмсалады.

Жергілікті қала тұрғындарының қарсылығына қарамастан, Венеция әуежайына осы күндері шамамен 90 жекеменшік ұшақ қонады. Олар шоу-бизнес жұлдыздарын, саясаткерлер мен қаржыгерлерді үйлену тойына жеткізеді.

Той бейсенбі, 26 маусымда кешке басталады. Қонақтар орта ғасырда салынған Мадонна дель Орто шіркеуі мен ғибадатханасына жиналады. Салтанатты шара ашық аспан астында өтеді. Бұл туралы Reuters агенттігіне дереккөздер хабарлады. Бір күн бұрын Венеция басшылығы осы ауданды қоршауға алуды тапсырған. Жергілікті халық той өтіп жатқан жаққа жіберілмейді.

Үйлену тойының өзі нақты...

Bank of America (BofA) сарапшылары теңгенің АҚШ долларына шаққандағы бағамы бойынша базалық болжамын жариялады. Олардың есебінше, USD/KZT жұбының бағамы 2027 жылдың соңына дейін шамамен 530 теңге деңгейінде сақталады. Бұл теңге екі жылда бар-жоғы 2,9% құнсыздады деген сөз.

Мұндай қалыпты девальвация – Қазақстанда макроэкономикалық саясаттың қатаң сақталатынын және Ұлттық банктің инфляцияны тежеу мен сыртқы күйзелістерді жұмсартуды жалғастыруының айғағы болуы тиіс.

Алайда экономист Эльдар Шамсутдиновтың жазуынша, форвардтық келісімшарттарға терең үңілсек, басқа көріністі байқауға болады. Нарықтағы осы құралдар 2027 жылдың соңына дейінгі кезеңде теңге бағамын 658 деңгейінде болжайды. Бұл болжам теңге шамамен 28% құнсызданатынын меңзейді.

Неге мұндай айырмашылық бар? Өйткені нарық қатысушылары алдағы...

Geely EX5 атты бағасы небәрі 8, 17 миллион теңге тұратын электрокар Еуропа нарығына шыға бастады. Жақында Қазақтанға келеді деп күтілуде.

2025 жылдың 24 маусымында қытайлық Geely автоконцерні Грекияда ресми түрде өз жұмысын бастады.

Сarnewschina ақпаратына қарағанда, компания ел нарығына алғашқы үлгісі – Geely EX5 толық электрлі кроссоверін ұсынды.

Компания Еуропаны жауламақ

Бұл қадам Geely-дің Еуропа нарығына бағындырып жатқанын көрсетеді. Geely EX5 моделі Қытайда алғаш рет 2024 жылдың тамызында Geely Galaxy E5 атауымен таныстырылды. Қытай нарығында бұл модельдің бес нұсқасы бар. Бағасы 112 800–148 800 юань аралығында. Шамамен 8, 17 миллион теңге.

Geely EX5 ерекшеліг...

Үкімет ауылдарға интернет жеткізу үшін Халықаралық Қайта Құру және Даму Банкінен 42 млрд иен қарыз алады. Сенат құжатты мақұлдады.

Халықаралық банктен алынған қаражат есебінен 1123 елдімекенді интернетпен қамту көзделіп отыр. Жоба 2025-2027 жылдар аралығында жүзеге асырылады

«Жобаны іске асыру тең қаржыландыру есебінен қамтамасыз етіледі. 50 пайызы – Халықаралық Қайта Құру және Даму Банкінің 42 млрд теңге көлеміндегі қарыз қаражаты, 50 пайыз – жеке серіктестердің бірлесіп қаржыландыруы есебінен жүзеге асыралады. Бір кіші жобаға берілетін субсидияның ең жоғары сомасы – 500 мың АҚШ долларын құрайды», – деді депутат Бибігүл Аққожина.

Депатут бұл жобаның халықаралық стандарттарға...

Сыртқы істер министрінің орынбасары Әлібек Бақаев Индонезияда есірткі саудасына қатысы бар деген күдікпен ұсталған қос қазақстандықтың мәселесіне қатысты пікірін айтты.

Әлібек Бақаевтың сөзінше, Қазақстан мен Индонезия арасында күдіктілермен алмасу бойынша келісім жоқ.

«Екі арада келісім болмаса да, біз өз тарапымыздан Индонезияға ресми сауал жолдауға мүдделіміз. Индонезия тарапы жауап берсе, соның негізінде екі жақты қарым-қатынас жалғасады. Әзірге екі азаматқа қатысты қандай шешім шығатынын күтеміз, соған қарай жұмысты жалғастырамыз», – деді ол сенатта журналистердің сұрағына жауап беріп.

СІМ орынбасары екі азамат әзірге Қазақстанның консулымен кездеспегенін, жергілікті заң бойынша оларға қорғаушы берілгенін атап өтті.

Бұған дейін, Индонезияда есірткіге...

Жамбыл облысы Мойынқұм ауданында Фурманов айналма каналы тазартыла бастады. Бұл арна 40 жылдан бері тазартылмаған деп хабарлайды Су ресурстары және ирригация министрлігі.

Бұл каналдан Шу өзені арқылы Түркістан облысының Созақ ауданына су жіберіледі.

«Су ресурстары және ирригация министрлігі жыл сайын Тасөткел су қоймасынан Созақ ауданының экожүйесін қолдау үшін шамамен 200 млн текше метр су жібереді. Каналды тазарту су жіберудің тиімділігін арттырып, 40 жылдан бері алғаш рет оны өз мақсатына сай пайдалануға мүмкіндік береді. Сонымен қатар канал бойындағы елді мекендердің суға қолжетімділігі жақсарады. Нысанда жүргізіліп жатқан жұмыстар министрліктің қатаң бақылауында», – деді ведомство басшысы Нұржан Нұржігітов.

Қазақстан Тәжікстанға астық экспортын арттырады. Бұл туралы Ауыл шаруашылығы министрлігінің баспасөз қызметі хабарлады.

Баспасөз қызметінің мәліметінше, Ауыл шаруашылығы министрі Айдарбек Сапаров Тәжікстан Республикасының Қазақстандағы Төтенше және Өкілетті Елшісі Хайрулло Ибодзодамен кездесіп, аграрлық салаға қатысты мәселелерді талқылаған.

Жиында өзара тиімді шарттар бойынша Тәжікстанға қазақстандық астық жеткізуді ұлғайту мүмкіндіктерін талқылап, аграрлық саладағы екіжақты ынтымақтастықты одан әрі кеңейтуге келіскен. Тараптар астық экспортын арттыруға ден қойған.

Қазіргі уақытта Қазақстан Тәжікстанға жыл сайын 1 млн тонна шамасында астық жеткізеді.

Соңғы жылдары бұл елге астық экспорты көлемінің артқаны байқалады. «Қазақстан темір жолы» ҰК» АҚ деректеріне сәйкес, 2024 жылы Тәжікстанға 1,3 млн тонна асты...

Үкімет Жезқазған қаласының жылу желілерін жаңғырту үшін 2,8 млрд теңге бөлді. Бұл туралы ҚР Үкіметінің баспасөз қызметі хабарлады.

Тиісті қаулыға Премьер-министр Олжас Бектенов қол қойған. Қаражат резервтен бөлініп, Ұлытау облысы орталығының жылу инфрақұрылымын жаңартуға бағытталады.

Жезқазған қаласында жалпы ұзындығы 398 шақырымды құрайтын жылу желісі бар. Бұл желі алғаш рет 1951 жылы пайдалануға берілген. Қазіргі кезде жүйе 56,6%-ға тозып тұр.

Жылу желілері цехында 1969 жылдан бері жұмыс істеп тұрған 8 сорғы стансасы бар. Сарапшылардың мәліметінше, жылыту маусымында жылу жүйелеріндегі шығын орта есеппен 35-40%-ды құрайды. Бұл көрсеткіш қолданыстағы және жаңадан салынып жатқан нысандарды жылумен қамтамасыз етуге кедергі келтіруде.

Қаланың дамуы мен...