Жаңалықтар

Қазақстан Қашағанда кен өндіретін оператор NCOC консорциумына қоршаған ортаға тигізген залалы үшін 2,3 трлн теңге (5,1 млрд доллар) көлемінде айыппұл салу туралы шағым түсірді. Бұл туралы еліміздің Экология және табиғи ресурстар министрлігіне сілтеме жасап, Bloomberg  жазады.

«ҚР Экология министрлігі North Caspian Operating Company (NCOC) компаниясын өндірістік нысанда рұқсат етілген шамадан екі еседен көп күкірт сақтағаны үшін айыптап отыр», — деп жазады басылым.

Бұдан бұрын NCOC компаниясы талаптарға сай жұмыс істейтінін мәлімдеген болатын.

Қашаған кен орны соңғы он жылдықта ашылған ең ірі мұнай кені саналады. Ондағы кен қоры...

«Қазгидромет» РМК ұсынысы негізінде Шымбұлақ тау-шаңғы курорты аумағында демалушылардың қауіпсіздігін қамтамасыз ету, сондай-ақ биіктікте және қар жамылғысының тұрақсыз жағдайына байланысты (қардың биіктігі 90-140 см) қолдан қар көшкіні жүргізілді. Бұл туралы ҚазАқпарат хабарлады.

29 наурызда Кіші Алматы өзенінің алабындағы №26Б қар көшкіндерін жинау орнында (Талғар асуы) қар түсіру жұмыстары жүргізілді. Түсірілген қар көлемі 900 текше метрді құрады, қар көшкіні тау шаңғы трассасына жетпей еңіске тоқтады.

Сол сияқты, №56 қар көшкінін жинау орнынан да түсірілген қар көлемі 5000 текше метрді қамтыды, қар көшкіні тау баурайының етегінде тоқтады.

Профилактикалық жұмыс барысында зардап шеккендер мен шығындар болған жоқ.

Ұлыбританияның жаңа королі баратын бірінші ел Франция болады деп жоспарланған болатын, бірақ Парижде қазір зейнетақы реформасына қарсы жаппай наразылық жүріп жатқандықтан сапарды кейінге қалдыруға тура келді. Сондықтан ІІІ Чарльз Ұлыбритания монархы ретінде Германияға алғашқы шетелдік сапарын жасайды. Бұл туралы ҚазАқпарат хабарлады.

 ІII Чарльз король мен патшайым Камилла Берлинге үш күндік сапармен келеді.

Бұл – британдық монархтың сегіз жылдағы алғашқы мемлекеттік сапары.

Ұлыбритания монархының Германиядағы алғашқы кездесуі өтетін Бранденбург қақпасында оған әскери құрмет көрсетіліп, салтанатты жиын өтеді.

Гамбургте король соғыс кезінде одақтастардың қаланы бомбалауын еске түсіретін қираған шіркеу – Әулие Николай мемориалына барады.

Дарем университетіндегі халықаралық ғалымдар тобы ғарыштан алып қара ойықты тапты. Бұл туралы зерттеу Monthly Notices of the Royal Astronomical Society басылымында жарияланды.

Ғалымдардың зерттеуінше, табылған нысан күн массасынан 30 миллиард есе үлкен екен.

Monthly Notices of the Royal Astronomical Society басылымының мәліметінше, жаңа нысанды ашу үшін мамандар алыстағы денеден түсетін жарықты және галактиканы үлкейтіп көруге мүмкіндік беретін гравитациялық линза әдісін қолданған.

Ақтау тұрғынына еліміздегі соттан тыс банкроттық рәсімін қолдану туралы алғашқы өтініш мақұлданды, деп хабарлайды Маңғыстау облысы бойынша Мемлекеттік кірістер департаментінің баспасөз қызметі.

Департаменттің хабарлауынша, Маңғыстау облысында 1,5 мың тұрғын соттан тыс банкроттық рәсіміне өтініш берген. Ақтауда- 430 адам; Мұнайлы ауданында – 428 адам; Жаңаөзенде – 408 адам.

 Соттан тыс банкроттық рәсімі аясында 1600 АЕК-ке дейін қарызы бар адамдар қамтылады. Ол үшін бірнеше шарт ескерілуі керек. Осы орайда банктер, микроқаржы ұйымдары, коллекторлық агенттіктер алдындағы берешек 1600 АЕК сомасынан аспауы тиіс.

Егер азамат банкрот деп танылса, құжатта 5 жылға несие алуды шектеу ескерілген. Екіншіден, азаматтар 7 жылдан кейін ғана банкроттыққа қайта...

  Биыл Орталық Азия елдерінің жалпы ішкі өнімінің (ЖІӨ) өсу қарқыны 4,1 пайызды құрайды. Бұл туралы ҚазАқпарат Боао Азия форумының (БАФ) жарияланған жылдық есебінде сілтеме жасап хабарлады.

Өңірдегі даму келешегі мен интеграциялық үдерістерге арналған талдамалық құжатта атап көрсетілгендей, жалпы алғанда, Азия елдерінің экономикалық өсу қарқыны 2023 жылы 4,5 пайызды құрады.

Субөңір бойынша Шығыс Азиядағы ЖІӨ өсімі биыл 4,5%-ға дейін өседі деп күтіліп отыр. Бұл үрдіс Қытай экономикасының қалпына келуіне байланысты.

Дүниежүзілік банктің (ДБ) бағалауынша, Вьетнам, Филиппин, Моңғолия және Камбоджаның экономикалық өсу қарқыны сәйкесінше 6,3%, 5,4%, 5,3% және 5,2% болады.

Оңтүстік Азия 2023 жылы ең жоғары жалпы өсу қарқыны...

Қазақстан Ұлттық Банкі шағын бизнес үшін банктік шоттардан қолма-қол ақша алу лимитін төмендетпеді. Бұл туралы «Атамекен»Ұлттық Кәсіпкерлер Палатасы хабарлады.

«2023 жылдың басында билік органдары Ұлттық банкке қолма-қол ақшаны алу лимитін екі есеге, яғни 10 млн теңгеге дейін төмендетуді ұсынды»- делінген Ұлттық палата хабарламасында.

Өз тарапынан» Атамекен » қолма-қол ақша лимитін сақтауды немесе ұлғайтуды сұрады.

2020 жылдың 1 маусымынан бастап Қазақстанда шағын бизнес үшін банктік шоттардан қолма – қол ақша алуға – 20 млн теңге, орта кәсіпорындар үшін – 120 млн теңге, ірі кәсіпорындар үшін-150 млн теңге айлық лимиттер қолданылады.

Су тасқыны жағдайына байланысты 2023 жылғы 29 наурыздан бастап Қостанай облысы Жітіқара ауданы аумағындағы Ресей Федерациясы Челябинск облысының ресейлік «Мариинский» өткізу пунктіне қарама-қарсы орналасқан «Желқуар» автомобильдік өткізу пунктінде Қазақстан Республикасының Мемлекеттік шекарасы арқылы адамдарды, көлік құралдарын, жүктер мен тауарларды өткізу уақытша тоқтатылды. Бұл туралы ҚР ҰҚК баспасөз қызметі хабарлады.

«Желқуар» автомобиль өткізу пунктінде Қазақстан Республикисының Мемлекеттік шекарасы арқылы адамдарды, көлік құралдарын, жүктер мен тауарларды өткізуді қайта бастау туралы ақпарат қосымша жарияланатын болады.

Көлік құралдарының жүргізушілеріне қалыптасқан жағдайды ескере отырып, қозғалыс бағыттарын түзету ұсынылады.

KASE индексі сыртқы нарықтағы позитив факторлар әсерінен бүгін 0,57% нығайды. Бұл өсім жергілікті нағаюына ықпал етті, деп жазады «Фридом Финанс» брокерлік компаниясының сарашылары.

Әлемдік нарық

Наурыз айының ортасынан бері аймақтық индекстер өсім көрсетуге талпынып жатыр. Кеше SPX 3952 тармаққа дейін жетіп, 4 сағаттық уақыт аралығында 200-DMA сынағына жақындаған. Ал NQ бір уақытта 12488 тармақтан секіріп, 12830 деңгейіне жетіп қалды.

Индекстерге алдағы уақытта жергілікті қолдаудан да жоғары көтеріліп, қазіргі 3952 және 12488 тармақтан төмен түсіп кетпеуі маңызды. Өсу динамикасын сақтау үшін NQ 12830-12900 деңгейінде қалыптасып, ал SPX 4005 тармаққа жеткені маңызды.

Нарыққа не әсер етіп жатыр?

АҚШ...

Жаттығу жұмыстары Пхохан қаласына жақын жерде ұйымдастырылды. Бұл туралы  «Хабар 24» хабарлады.

Оған ондаған кеме, ұшақ және тікұшақтар қатысты. Қос мемлекет соңғы айларда аймақта бірлескен әскери жаттығуларды жиілетті. Оған Солтүстік Кореяның ядролық күштерінің әлеуетін арттыру туралы мәлімдемелері әсер еткен.

Жақында Пхеньян ядролық оқтұмсықты алып ұша алатын баллистикалық зымыранды сынады.

«KTZ Express» АҚ мен «China Xinjiang Electronic Port Co., Ltd» компаниясы арасында Қазақстан Республикасы мен ҚХР Шыңжаң-Ұйғыр автономиялық ауданының шекара маңы ынтымақтастығының II Достық диалогы шеңберінде Ынтымақтастық туралы меморандумға қол қойылды. Бұл туралы «Қазақстан темір жолы» ҰК» АҚ баспасөз қызметі хабарлады.

Меморандум мақсаты трансшекаралық теміржол кедендік ресімдеу және Қазақстан мен Қытайдағы тасымалдау процесіне қатысушыларға қызмет көрсетуді жақсарту үшін деректерді беру бойынша «China Xinjiang Electronic Port Co., Ltd» және «Xinjiang Digital Port» кешенді сервистік платформасын пилоттық пайдалану болып табылады. 

Меморандум құжаттарды кедендік ресімдеуді жеделдетуге және көлік логистикасы саласында инновациялық тәсілдерді қолдануға ықпал ететін болады.

Еңбек және халықты әлеуметтік қорғау вице-министрі Назгүл Сағындықова Алматы қаласының өңірлік коммуникациялар қызметінде өткен брифингте Әлеуметтік кодекстің негізгі бағыттарын таныстырды. Оның айтуынша, Кодексте еңбек нарығын либерализациялау мәселесі қарастырылған.

Оның айтуынша, бұл – икемді жұмыспен қамтылудың барлық түрлерін, соның ішінде платформалық жұмысты тануды білдіреді.

«Бұл өзгерістер негізінен өзін-өзі жұмыспен қамтыған азаматтарды әлеуметтік сын қатерлерден сақтандыру, ал тәуекел болған жағдайда әлеуметтік қолдауды қарастырады. Осы мақсатта бұл санаттағы азаматтарды «тәуелсіз жұмыскер» деген атау енгізілді  – бұлар табыс әкелетін еңбек қызметімен айналысатын, бірақ тиісті уәкілетті органдарда ресми мемлекеттік тіркелмеген тұлғалар», дейді Назгүл Сағындықова.

Оның сөзінше, мұндай қызметкерлердің қызметі онлайн...

Мемлекеттік кеңесші Ерлан Қарин VIII шақырылған Парламент сессиясының ашылуы кезінде Президент Қасым-Жомарт Тоқаевтың жасаған баяндамасындағы маңызды 7 бағытты атады.

Президенттің бүгінгі сөйлеген сөзінде мынадай негізгі месседждер болды:
1. Саяси реформалар жалғасады, саяси жүйе одан әрі жаңғыртыла береді.
2. Қазақстан – дамудың жаңа үрдісін қалыптастырып, түбегейлі реформа жүргізіп жатқан геосаяси төңіректегі бірден-бір мемлекет.
3. Мемлекет басшысы өзінің сөзінде алғаш рет Amanat партиясын ғана емес, Парламентке өткен басқа да партияларды атап өтті. Осылайша партиялардан дербес тұрған саяси төреші мәртебесін тағы бір рет көрсетті.
4. Мемлекеттің басты назары өзекті экономикалық мәселелерді шешу жағына ойысады.
5. Шағын және орта бизнесті дамыту іс...

Биылдан бастап ел азаматтарына зейнетақы жинағындағы соманың 50%-на дейінгі бөлігін жеке компаниялардың басқаруына беруіне рұқсат етілуі мүмкін. 

Атап айтқанда, қазақстандықтар зейнетақы жинақтарының бір бөлігіне шағын және орта компаниялардың борыштық бағалы қағаздарын сатып алу арқылы инвестиция жасауға мүмкіндік алады. Ал бұл зейнетақы активтерін басқару мүмкіндігіне ірі акционері шетелдік компания болатын компаниялар да ие болуы ықтимал. Қаржы нарығын реттеу және дамыту агенттігі (ҚНРДА) әзірлеген нормативтік-құқықтық актілерге енгізілген өзгерісте осылай делінеді. Бұл заң жобасына Президенттің қол қоюы ғана қалып тұрғанын да баса атап өтелік.

Сонымен құжатта зейнетақы активтері есебінен сатып алуға рұқсат етілген қаржы құралына  шағын немесе орта кәсіпкерлікке жатқызылған субъектілер шығарған мемлекеттік...

Павлодар облысының Табиғи монополияларды реттеу департаменті «Экибастузтеплоэнерго» ЖШС-на 27,6 млн теңге сомаға айыппұл салды.

Табиғи монополияларды реттеу комитетінің Павлодар облысы бойынша департаменті мамандары «Экибастузтеплоэнерго» ЖШС монополисттің табиғи монополиялар саласындағы заңдарды сақтауын тексерген.

«Экибастузтеплоэнерго» ЖШС-ның 2022-2023 жылдардағы жылу беру маусымында Екібастұз қаласының тұрғындарына жылу энергиясын сапасыз жеткізу түрінде бекітілген температуралық кестенің параметрлерін жүйелі түрде сақтамауын ескере отырып, ТМРКД әкімшілік құқық бұзушылық туралы кодекстің 164-бабының 4-бөлігі бойынша бес әкімшілік іс жүргізуді қозғау арқылы ден қою шараларын қабылдады. Құқық бұзушылықтар жиынтығында осы баптың санкциясы 27 600 000 теңге мөлшерінде айыппұл көздейді», делінген хабарламада.

«Экибастузтеплоэнерго» ЖШС әкімшілік құқық бұзушылық туралы кодекстің 811-бабына сәйкес, қысқартылған тәртіппен 7 тәулік ішінде айыппұл...

Қазақстанда банктердің өз салымшыларына ұсынатын депозиттік мөлшерлемелерін тікелей Қазақстанның депозиттерге кепілдік беру қоры қадағалап отырады. Өйткені қазіргідей инфляция қыспағына түскен кезеңде, банктердің ахуалын бақылауда ұстау өте маңызды. Бұл тетіктің қалай жұмыс істейтінін және не үшін қажетін ҚДКБҚ Әдіснама және талдау басқармасы басшысының орынбасары Рузалия Гильмудинова айтып берді.

Максималды немесе шекті сыйақы мөлшерлемелері дегеніміз жеке тұлғалардың депозиттері бойынша жылдық тиімді сыйақы мөлшерлемелерінің белгілі бір «шыңы». Оны ҚДКБҚ ай сайын депозиттердің түрі мен мерзіміне қарай бекітіп, депозиттерге кепілдік беру жүйесіне қатысушы банктерге ұсынып отырады.

Рузалия Гильмудинова қордың бұлайша шекті мөлшерлемені өз қадағалауында ұстауының өзіндік себебі бар екенін айтады.

Елорда жастары кәсіпкерлікті дамытудың 2021-2025 жылдарға арналған ұлттық жобасы аясында жеңілдетілген несие ала алады, деп хабарлады Астана әкімдігінің сайты

Қалалық Жұмыспен қамту және әлеуметтік қорғау басқармасы басшысының орынбасары Ерлан Жүсіповтың айтуынша, шағын кредит агронесиелік корпорация арқылы беріледі.

«Бұл шағын несие 21 мен 35 жас аралығындағы жас кәсіпкерлерді қолдауға бағытталған. Қаржы конкурстық негізде беріледі. Жеңілдетілген несиенің шарттары: номиналды сыйақы мөлшерлемесі — жылдық 2,5%; несиенің максималды сомасы – 5 млн теңге (кепілдікпен). Мерзімі – 5 жыл. Мал шаруашылығында – 7 жыл», деді Жүсіпов.

Өтініш берген кезде жеке кәсіпкер ретінде тіркелу мерзімі бес жылдан аспауы керек. Сонымен...

Энергия тиімділігін арттыру мен жаңартылатын энергия көздерін дамуға қатысты жобаларға мемлекеттік қолдау алуға болады. «Даму» кәсіпкерлікті қолдау қорының хабарлауынша, «жасыл жобалармен» айналысатын кәсіпкерлер өз өнімінің құнын азайтқысы, болмаса несие жүктемесін азайту үшін қор субсидиясына өтініш беруіне болады.

«Даму» Қоры БҰҰДБ-ның «Төмен көміртекті дамуға арналған тұрақты қала» бағдарламасы аясында субсидия береді. Берілетін субсидия көлемі несиенің негізгі сомасының 40 пайызынан және 180 млн теңгеден аспайды.

«Төмен көміртекті дамуға арналған тұрақты қалалар» бағдарламасы бойынша:

Елімізде алты банк қаржылық тұрақтылық бойынша мемлекеттің қолдауын алып отыр. Бұл туралы сәрсенбі күні Парламент отырысынан кейін Қаржы нарығын реттеу және дамыту агенттігінің төрайымы Мәдина Әбілқасымова мәлім етті.

Сейсенбі күні аталған агенттіктің өкілі Олжас Қизатов Орталық коммуникациялар қызметінде өткен брифингте бұл ақпартты журналистерге жария етпеген болатын.

Ал, Мәдина Әбілқасымованың айтуынша банктерді қаржылай қолдау бағдарламасы 2017 жылы бекітілген.

«Қазіргі таңда қаржылық тұрақтылық бағдарламасына қатысқан алты банк бар. Бұл бағдарламаны 2017 жылы Ұлттық банк бекіткен болатын. Ол кезде банктердің шығыны, банктердің балансында стресстік активтердің жоғары деңгейі анықталған еді. Осы проблемалық заимдарға провизия жасау үшін, банктердің капитализациясын...

Amazon, AliExpress секілді халықаралық онлайн-аладандан сатып алынған тауарларды елге жеткізу құны біршама арзандайды.

Бұл туралы «Қазпошта» басшысы Әсел Жанасова мәлім етті, деп хабарлады Samuryq-Qazyna ресми телеграмм арнасы.

Осы күндері Лондонда «Leaders in Logistics» аталатын логистикалық саммит өтіп жатыр. Оған еліміщз атынан Әсел Жанасова қатысуда. Оның сөзінше «Қазпошта» біршама уақыттан бері халықаралық онлайн-сауда алаңдарынан тауарларды елге жедел әрі арзан жеткізу бағытында жұмыс жүргізіп жатыр.

Мысалы, қазір Amazon сауда алаңынан Қазақстанға тауар жеткізу құны 75 доллар шамасында. Ал, AliExpess сауда алаңынан елімізге дейін тауар орта есеппен 30 күн ішінде жеткізіледі.

Форум аясында «Қазпошта» басшысы эстониялық Omniva...

2023 жылдың 1 сәуірінен тауарларды цифрлық таңбалау және қадағалау жүйесінде тіркелмеген аяқ киімді сатуға рұқсат жоқ. Аяқ киімді міндетті цифрлық таңбалау бір жыл бұрын толық іске қосылуы тиіс еді, бірақ кәсіпкерлер жаңа ережеге бейімделу үшін уақыт сұраған. Ол мерзім 1 сәуірде аяқталады. Осылайша, пилоттық кезеңнен екі жарым жылдан кейін аяқ киім өнімдерін таңбалау және қадағалау ережелері толық күшіне енеді, деп хабарлайды Индустрия және инфрақұрылымдық даму министрлігі.

Аяқ киім өнімдерін таңбалау және қадағалау – бұл елге кіретін әрбір өнім туралы ақпаратты тіркейтін және оны өндірушіден/импорттаушыдан бастап соңғы тұтынушыға дейінгі өнімнің бүкіл жолын көрсететін бірегей дата-матрикс коды арқылы қадағалайтын...

VIII сайланған Мәжілістің бірінші жалпы отырысында Ерлан Қошанов мәжіліс төрағасы болып сайланды.
Депутат Бақтықожа Ізмұхамбетов мәжіліс спикері лауазымына Amanat партиясының төрағасы Ерлан Қошановтың кандидатурасын ұсынды.
Депутаттардың барлығы дерлік Ерлан Қошановтың кандидатурасын қолдады.
Айта кетейік, 2022 жылдың 1 ақпанында Ерлан Қошанов жетінші шақырылымдағы парламент мәжілісінің төрағасы болған еді.
Содан кейін Amanat партиясының кезектен тыс ХХІІI съезінде Қасым-Жомарт Тоқаев Amanat партиясының төрағасы қызметіне мәжіліс спикері Ерлан Қошановты ұсынды.

Ал, Парламент Мәжілісі төрағасының орынбасарлары ретінде Палата депутаттары Альберт Рау мен Дания Еспаеваның кандидатураларын қолдады.

Сәрсенбі күнге палатаның алғашқы отырысында Мәжілістегі жеті комитеттің төрағалары да сайланды.
Аграрлық мәселелер жөніндегі комитетті Серік Егізбаев басқарды.
Әлеуметтік-мәдени даму комитетінің төрағасы – Асхат Аймағамбетов;
Заңнама...

2022 жылғы маусым айынан бері Ресейден Қазақстанға келетін импорттың өсу қарқыны төмендеп келеді. Қазақстанға тасымалданатын тауарлар көлемі алдыңғы жылмен салытырғанда азайған, деп жазады Экономикалық зерттеулер институты.

Бұл көрсеткіш ресейлік көлік құралдары мен машина жасау тауарларын жеткізудің төмендеуімен байланысты. Азық-түліктен басқа салалардың бәрінде импорт көлемі азайып келеді.

Дегенмен, ҚР мен РФ арасындағы тауар айналымы 2023 жылғы қаңтарында 2,0 млрд. АҚШ долларын құраған. Сонымен қатар, отандық тауар айналымының өсуі қазақстандық тауарлардың Ресейге экспортталуына байланысты өсіп, қаңтарда 52% құрады. Ал Ресейден импорт 0,5%-ке төмендеді.

Қазақстанға РФ-дан машиналар мен жабдықтар, металдар мен металл бұйымдары, АӨК өнімдері және азық-түлік өнімдері, химия...

Қасым-Жомарт Тоқаев Парламенттің бірлескен отырысында ауқатты қазақстандықтар үшін газ бағасын көтеруді ұсынды.
Президенттің айтуынша, былтыр Қазақстанда тауар газының тапшылығы болды. Бұл жағдай бүкіл еліміздің энергетикалық қауіпсіздігіне қатер төндіре жаздады.

«Мұндай келеңсіздікке жол бермеу үшін нарықты газбен қамтамасыз ету керек. Қазақстанда газдың бағасы көрші мемлекеттерге қарағанда әлдеқайда арзан. Шетелдегі сияқты әртүрлі тарифтерді бізге де енгізу мүмкіндігін қарастырған жөн. Жалпы төмен тарифтер мен төмен бағалар экономикамызға теріс ықпал етеді. Бөлінген барлық субсидиялар көрші елдерге босқа кетеді. Қаншалықты қиын болса да, бұл мәселені біртіндеп шешу қажет. Басқа жол жоқ», – деді Тоқаев.

Мемлекет басшысы ауқатты қазақстандықтар үшін газ...