Жаңалықтар

Қазақстандағы және шекаралас мемлекеттердегі эпидемиологиялық жағдайдың күрделене түсу ықтималдығын ескере отырып, Қасым-Жомарт Тоқаев Мемлекеттік комиссияға карантин шараларын кезең-кезеңімен жеңілдету арқылы екі аптаға ұзартуды тапсырды, деп хабарлайды Ақорданың ресми сайты. 

Премьер-Министр Асқар Мамин Президентке 5 шілдеден бастап елімізде қатаң карантин шаралары енгізілгеннен кейін індет жұқтырушылардың саны 29 пайызға төмендегенін баяндады. Бір күнде індет жұқтыратын адамдардың саны 1500-1600 аралығында тұрақтаған. Стационарлардағы емделушілердің қатары 43 пайызға, оның ішінде, реанимациялық палаталардағы науқастар саны 27 пайызға азайған. Сауығып шыққандардың саны 63 пайызға дейін өскен. Жедел-жәрдем шақыру жағдайы төмендеген. Осылайша денсаулық сақтау жүйесінің негізгі жүктеме көрсеткішін төмендетуге қол жеткізілген.

Сонымен қатар Асқар Мамин Қасым-Жомарт Тоқаевқа дертке...

Коронавирус індетінің таралуы тұмауға қарағанда, маусымдық сипаты жоқ, дейді Дүниежүзілік денсаулық сақтау ұйымының өкілі Маргарет Харрис. Бұл туралы РИА Новости жазды.

Оның айтуынша, адамдар вирустың өршуі жыл мезгілдеріне байланысты деп санайды, бірақ коронавирус індеті кез-келген ауа-райын жақсы көретін жаңа індет екенін түсінуіміз керек.  

   «Бұл «бір үлкен толқынмен» өтеді. Оның барысында жұқтырғандар саны бір өсіп, азаяды», – деп түсіндірді ДДСҰ өкілі.

Ақша ұстай білу — өнер. Олай дейтін себебіміз бірі — бәрін алдын-ала жоспарлап, қайда жұмсайтынын ақылмен шешсе, енді бірі — тапқан-таянғанын жарты ай болмай жатып құртып тастап, қалған жарты ай қарызға өмір сүреді. Сондықтан қаражат сізді басқармай тұрғанда, өзіңіз басқарып үйренгеніңіз жөн. Балаңызға айту да ләзім. Өйткені дер кезінде айтылған құнды кеңес өмірлік азыққа айналуы ғажап емес. Осы ретте балаңызды дәулетті, ынсапты етіп тәрбиелеуге қатысты қызық тәсілдерді тізіп шықтық. Бірі болмаса, бірі кәдеңізге жарап қалар.   

Армансыз күні болмасын

Бала кезде қиял шіркін шексіз болады. Әсіресе, жасөспірімдер бүгінде миллионер болуды жиі армандайды. Балаңыз «сан жетпес машина алам» десе, «алдымен...

ҚР Ауыл шаруашылығы министрі Сапархан Омаров «Ислам ынтымақтастық ұйымына мүше елдердің жеке секторлары арасындағы азық-түлік жеткізу тізбегін дамытудағы Азық-түлік қауіпсіздігі жөніндегі Ислам ұйымының рөлі» атты веб-конференцияға қатысты, деп хабарлады ҚР Ауыл шаруашылығы министрлігінің баспасөз қызметі.

Іс-шараға ИЫҰ-на мүше елдердің өкілдері, сондай-ақ Ислам сауда, өнеркәсіп және ауылшаруашылық палатасының (ICCIA) бас хатшысы Юсеф Халави және Азық-түлік қауіпсіздігі жөніндегі Ислам ұйымының (IOFS) бас директоры Ерлан Байдаулет қатысты.

Айта кету керек, Юсеф Халави мырза – ірі халықаралық инвестициялар жөніндегі маман, бірқатар халықаралық компаниялардың директорлар кеңесінің мүшесі. Азық-түлік қауіпсіздігі жөніндегі Ислам ұйымы Хатшылығының шақыруымен 2020 жылы шілдеде АҚИҰ мен ICCIA арасындағы ынтымақтастықты нығайту және Орталы...

Елдегі эпидемиологиялық жағдайдың тұрақтануы карантин шараларын кезең-кезеңімен жеңілдетуге мүмкіндік береді. Бұл туралы бүгін үкімет отырысында  денсаулық сақтау министрі Алексей Цой мәлімдеді.

Министрдің айтуынша, Қазақстанда карантин режимі кезеңінде эпидемиологиялық жағдай тұрақталып, медицина ұйымдарының жүктемесі біршама азайған. 

«COVID-19-дан сауығып кеткендердің саны 63%-дан асты. Ауру жұқтырудың тәуліктік өсімі 4%-дан 1,7%-ға дейін азайды, стационарлардағы орындардың жүктемесі 46%-ға дейін, жедел жәрдемді шақыртулар саны 38%-ға төмендеді», – деді Цой. 

Ел өңірлері дәрі-дәрмек қорымен жеткілікті қамтамасыз етілген деп сендірді шенеунік. 

Осылайша үшінші  тамыздан бастап апта ішінде инфекция репродуктивтілігі көрсеткіші бірден төмен (R ≤ 1), ал төсек-орындар 70%-ке босап, өлім-жітім деңгейі төмендесе, бірқатар нысандардың жұмысын қайта жандандыруына рұқсат етілмек.

Олардың қатарында сауда-ойын сауы...

Коронавирус пандемиясы бүкіл сала атаулыға зор-зобалаңын ала келгені рас. Экономиканың ірі саласынан бастап майда-шүйде құрылымдарға дейін шаруасын шатқаяқтатып алды. Әлі еңсесін тіктей алмай жатқандары қаншама…

    Бірақ таяқтың да екі ұшы бар. Адамдардың жаппай карантинге жабылуы (стационар, үй карантині), халықтық деңгейдегі оқшаулану, азаматтардың еркін қозғалысының шектелуі жұртшылықтың қалаған дүниесіне онлайн тапсырыс беруіне мәжбүр етті. Әрине, онлайн жеткізу қызметі пандемияға дейін де белсенді жұмыс істеп тұрды. Бірақ жоғарыда айтылған ТЖ және карантин режимінің енгізілуі һәм күшеюі бұл саланың бәсін тіпті арттыра түсті деуге болатындай.  

Kursiv.kz тілшісіне сұхбат берген онлайн-дүкен иелерінің айтуынша, биыл халықтың табысы тым тұрақсызданып кетті. Оның үстіне елд...

Демалыс күндері Шығыс Қазақстан облысында 11 адам суда құтқарылды. Бұл туралы ҚР ІІМ ТЖК баспасөз қызметі хабарлады. 

Судағы қауіпсіздікті қамтамасыз ету бойынша жұмыс ТЖК ерекше бақылауында. Суда адамдардың қауіпсіздігін қамтамасыз ету мақсатында, ТЖК алдын алу жұмыстарын жүргізеді, күн сайын азаматтық 
қорғау органдары мен полиция қызметкерлерінің қатысуымен рейдтер мен патрульдеу жүзеге асырылады. 

Ағымдағы жылдың басынан еліміздің су айдындарында 109 адам, оның ішінде 24 бала құтқарылды. Ал суға шомылу маусымы басталғаннан бері (1 маусым) 87 адам, оның ішінде 16 бала құтқарылды. Мәселен, өткен демалыс күндері Шығыс Қазақстан облысы Өскемен қаласы Ертіс өзенінде құтқарушылар 1991 жылы туған ер адамды құтқарды.

Сондай-ақ Алтай ауданының Бұқтырма су қоймасында...

Ұзақ уақытқа созылған дағдарыс кедейлік пен әлеуметтік теңсіздіктің тереңдеуіне әкеп соғуы мүмкін. Қазақстан экономикасына қатысты жарты жылдық талдауды жария еткен Дүниежүзілік банк сарапшыларының тұжырымы осындай. 

Дүниежүзілік банктің алдын ала болжамы бойынша, Қазақстандағы кедейлік деңгейі ресми билік болжап отырған 8,3 пайыздан асып түсіп, 12,7 пайызға жетуі ықтимал. Бұл тағы да 800 мың адамның тұрмысы төмендейді деген сөз. Яғни, 18,7 млн халықтың арасында ішер ас, киер киімге жарымай жүргендердің қатары 2,3 миллионға жетпек. Табыс деңгейі орташадан сәл жоғары саналатын Қазақстан сынды елде Дүниежүзілік банк күнінен 5,5 доллардан (бүгінгі валюта бағамы бойынша 2271 теңге)  аз табыс табатын адамдарды кедейлердің қатарына қосады. 2019 жылдың соңында бұндай...

Павлодар қаласының тұрғыны Светлана Иванина осыдан он жыл бұрын мәдениет саласында, ал екі ұлы терезе салумен айналысатын фирмада жұмыс істеді. Бір күні ұлдары жеке бизнес бастау туралы ой білдіріп, терезелерді сату және сатып алумен айналысатын «Техпласт» жеке кәсіпкерлігін құрды. 

Бірнеше жылдан соң бизнес дамып, енді бұл отбасы терезелерді өздері дайындауға ден қойды. Осы мақсатта 2014 жылы «Союз оконных технологии» ЖШС-ін ашты. Бірақ діттеген мақсатқа қол жеткізу үшін сапалы әрі қымбат құрал-жабдық сатып алу керек болды. Сол тұста алғаш рет «Даму» кәсіпкерлікті дамыту қорының көмегіне жүгініп, старт-ап жоба ретінде 14 млн теңге жеңілдетілген несие алды. Бұл сомаға қажетті құралдарды сатып алып...

ҚР Премьер-Министрі Асқар Мамин цифрлық даму бірінші вице-министрі Бағдат Мусинді таныстырды. Бұл туралы primeminister.kz сайты хабарлады. 

ҚР Премьер-Министрі Асқар Мамин Цифрлық даму, инновациялар және аэроғарыш өнеркәсібі министрлігінің ұжымына ҚР Үкіметінің Қаулысымен тағайындалған бірінші вице-министр Бағдат Мусинді таныстырды, ол уақытша министр қызметін атқаратын болады.  

Асқар Мамин Мемлекет басшысы министрліктің алдына мемлекеттік қызметтер мен экономика салаларын цифрландыру жөнінде нақты міндеттер қойғанын атап айтты. Денсаулық сақтау және білім беру саласын цифрландыру мәселесіне ерекше көңіл бөлу қажет. Барлық осы маңызды міндеттерді іске асыру, әсіресе, пандемия кезінде зор маңызға ие. «Цифрлық Қазақстан» бағдарламасы шеңберінде ауылдық елді мекендерді сапалы интернетпен қамтамасыз ету, Қазақстанның инновациялық экожүйесін...

Шағын кәсіппен айналысатын кәсіпкерлерге шілде айында нақты қолдау көрсетіледі. «Бизнестің жол картасы – 2025» бағдарламасы аясында «Даму» қоры арқылы несие берілмек. 

Кепілсіз 6 пайыз несие және «Даму» қорының 80 пайыз кепілдігі арқылы берілетін несие микрокәсіп иелерін қолдауға бағытталып отыр. Ұлттық экономика министрлігі кәсіпкерлікті дамыту департаментінің директоры Шыңғыс Ахметовтың айтуынша, несие 5-20 млн теңге аралығында ұсынылмақ. 

«Несие кәсіпкерлердің айналым қаражатын толықтыруы және инвестиция алуы үшін тағайындалады. Бұл жобаның басқа бағдарламалардан айырмашылығы субсидия және кепілдендіру жасайтын жеңілдетілген жүйесінің жұмыс істеуі. «Даму» қоры мен банктер нақты жоба бойынша қаржыландыру жасайды. Шілде айының соңында бағдарлама толық пысықталып, кәсіпкерлер қаражат ала бастайды»,– деді Ахметов. 

Қазірд...

13 шілдеде Армения үкіметі коронавирустың таралуына байлынасты елдегі төтенше жағдайды 12 тамызға дейін ұзарту туралы шешім қабылдады.

  «Біз төтенше жағдай режимін 12 тамызға дейін, яғни 30 күнге ұзартамыз. Жағдай өте қиын болып тұр», – деді республиканың премьер-министрі Никол Пашинян «Известия» газетіне берген сұхбаттында.

Маусым айында Армения парламенті елдегі төтенше жағдай режимін бір айға – 13 шілдеге дейін ұзартты. Бұған дейін наурызда енгізілген режим үш рет ұзартылған болатын. Коронавирус індетін 32151 адам жұқтырған, оның 573 -і қайтыс болды, ал 19 865 адам сауығып шықты.

Сонымен қатар Молдовада төтенше жағдай режимін 31 шілдеге дейін ұзартуға шешім қабылдады...

2011 жылы Павлодар қаласында құрылған «Павлодар» арнайы экономикалық аймағы – инвестиция тартатын басты орталық. Үш мың гектардан аса аумақты алып жатқан кешенде  бүгінде химия, мұнай-химия және металлургия саласындағы 12 кәсіпорын жұмыс істейді. Биыл жалпы инвестиция көлемі 13 млрд теңгеден асатын тағы 8 жоба іске қосылмақ. Өнімнің 30-дан астам түрін шығарып, оның 16-сын экспорттайтын өндіріс орындары орналасқан аймақ соңғы жылдары әлемдік рейтингтерде үздіктер сапынан көрініп келеді.

Айталық, «fDi Maqazine» іскерлік журналы екі жыл қатарынан «Павлодарды» «Үздік ресурстық-шикізаттық база» ретінде таныды. Сонымен қатар, «Алюминий кластерінің ең тартымды аймағы», «Қарқынды дамып жатқан аймақ» деген аталымдарға ие болды. 

Осындай әлемдік деңгейдегі жоғары бағаға...

«Қазақстанның Даму Банкі» («Бәйтерек «Ұлттық басқарушы холдингі» АҚ еншілес ұйымы) АҚ «Qaz Carbon» ЖШС-ның көмір байыту фабрикасын салу және модернизациялауға арналған өндірісі үшін 7 жылға 9,024 млрд теңге көлемінде несие желісін ашты.

Жобаның жалпы құны – 12 млрд теңге,  бұл ретте инвесторлардың өз қаражатынан 3 млрд теңге инвестиция салынған, оның ішінде шетелдік инвестиция да бар. ҚДБ қарыз қаражатты  компанияға 2015-2019 жылдарға арналған индустриялық-инновациялық даму мемлекеттік бағдарламасы аясында ұсынуда.

Компания акционерлері Ерлан Нығматулин, Давид Кемертелидзе және ҚДБ басқарма төрағасы Абай Сарқұлов арнайы брифинг барысында құрылыс жоспары туралы айтып берді.

Банк бөлетін қаржы жаңа фабриканың құрылыс-монтаж жұмыстарына, қажетті құрал-жабдық сатып алуға, оларды жеткізу мен монтаждауға бағытталатын болады.

Қаңтар-маусым айларында Өзбекстан 415 миллион долларлық 719 мың тонна ауылшаруашылық өнімдерін экспорттады, -деп хабарлады Өзбекстан Республиканың Ауыл шаруашылығы министрлігінің баспасөз қызметі.

Өзбек елінің жемістері мен көкөністері 59 елге экспорттайды. Экспорттың негізгі бөлігі көкөністерге тиесілі – $ 144,4 млн бағамен 451,2 мың тонна; $ 143,3 млн бағамен  138,7 мың тонна жемістер жеткізілді, бұршақ және жүзім экспорты сәйкесінше 50 және 28,7 мың тоннаны құрады ( $ 49,8 млн және $ 32,2 млн). Жаңғақтар 13,4 миллион долларға 4,4 мың тонна экспорттады, сонымен бірге 2,4 миллион долларға 4,4 мың тонна қауын жеткізілді.

Өзбекстандық жемістер мен көкөністердің негізгі сатып алушысы Қазақстан болды. Алты ай ішінде...

Елімізде әлеуметтік аз қамтылған отбасыларға тағайындалған атаулы әлеуметтік көмекті (АӘК) алу үшін ендігі кезекте онлайн өтініш қалдыру мүмкіндігі бар. Бұл азаматтардың уақытын үнемдеп, тиімділікті арттырады. Еңбек және халықты әлеуметтік қорғау министрлігі мемлекеттік мекемелерде адамдардың көптеп жиналуын болдырмау және коронавирус инфекциясын жұқтыру қаупін азайту мақсатында осындай қадамға барып отыр. 

    Министрлік мәліметінше, әкімдіктер мен халықты жұмыспен қамту орталықтарына жүгінетін азаматтар үшін алфавиттік тәртіппен өтініш беру графигі көзделген.

«Халықтың жаппай шоғырлануын болдырмау үшін Еңбекмині мемлекеттік инстанцияларға тиісті ұсыныс берді. Сондай-ақ, III тоқсанда АӘК тағайындау мерзімі ұзартылмайды. Айта кетейік, I тоқсандағы атаулы әлеуметтік көмек алушыларға сол кезде төтенше жағдай режимінің әрекет...

Алматы қаласының өңірлік коммуникациялар қызметінің алаңында өткен онлайн брифинг барысында Қалалық мобильділік басқармасының басшысы Ерлан Әділов қоғамдық көліктердің қазіргі жұмыстары туралы айтты. Бұл туралы Алматы әкімдігінің Telegram каналы хабарлады.

Қатаң карантин кезеңіне шектеу шараларының енгізілуіне байланысты қоғамдық көліктердің жұмыс режимі жұмыс күндері 22.00-ге дейін қысқарды. Бұған дейін, қоғамдық көліктердің жұмысы 23.00-ге дейін жалғасатын. 

Бұдан бөлек, демалыс күндері қоғамдық көліктердің жұмысы толығымен тоқтатылды, соның ішінде коронавирус инфекциясының таралуын болдырмау мақсатында метро қызметі де шектеу қойылады.

Барлық қоғамдық көліктерді дезинфекциялау және автобус парктері мен өндіруші базалар аумақтарын өңдеу бойынша жоспарлы жұмыстар жалғасуда.

 «Автобустарды дезинфекциялау жұмыстары күнделікті жүргізіледі, орташа есеппен күндізгі уақытта соңғы...

Қазақстандық режиссер Ақан Сатаев Қазақстан Республикасының Мәдениет және спорт министрі Ақтота Раимқұлованың бұйрығымен Шәкен Айманов атындағы «Қазақфильм» АҚ президенті болып тағайындалды. Бұл туралы департаменттің ресми сайтында хабарлады.

2019 жылдың 12 тамызынан бастап бұл лауазымды актер және продюсер Арман Асенов атқарды.
Жаңа көшбасшыны командаға Мәдениет және спорт вице-министрі Нұрғис Дәуешов таныстырды.
Ақан Сатаев – «Сатайфильм» студиясының негізін қалаушы. «Рэкетир», «Ликвидатор», «Жоғалған», «Ағайындылар», «Томирис», «Бауыржан Момышұлы» фильмдерінде жұмыс жасаған. Оның ең танымал фильмдерінің бірі – Жаужүрек Мың Бала деп саналады. 2014 жылы «Халық қалаулысы» ұлттық сыйлығына ие болды.

2013 жылы президенттің жарлығымен Қазақстанның еңбек сіңірген қайраткері құрметті атағына ие болды. 2019 жылды...

Қазақстанда 5 шілдеден бастап карантин шаралары екі аптаға қатаңдатылатыны белгілі болды. Дегенмен төтенше жағдай кезіндегідей өңірлерде блок-бекеттер қойылмайды. Бұл туралы эпидемиологиялық ахуалды тұрақтардыруға бағытталған шектеу шаралары жөнінде түсініктеме берген ҚР премьер-министрінің орынбасары Ералы Тоғжанов айтып  өтті. Қазіргі күн тәртібінде тұрған негізгі мәселе –  медициналық мекемелердің КВИ-мен ауырғандарды емдеуге арналған жатын орын санын арттыру. Ал қатаң карантин талаптарын бұзған жеке тұлғалар – 83 мың, заңды тұлғалар 600 мыңнан аса айыппұл арқалайтын болады. 

Вице-премьердің пайымдауынша, елімізде коронавирус инфекциясының кең таралуына халықтың ескертуге құлақ аспай, немқұрайлы қарауы да себеп болып отыр. 

«Әлем бойынша бұл індетті 10 миллионнан аса адам жұқтырып, 500 мыңнан аса адам қайтыс болса да...

«Кcell» ұялы байланыс операторы ағымдағы жылдың маусым айының соңында басқа ұялы байланыс операторларымен «250+» жобасы аясында 250 адамнан немесе одан көп тұратын жиырмадан астам ауылға мобильді Интернетке кең жолақты қол жетімділікті ұсынды. Соның арқасында ұялы Интернет осы жылдың соңына дейін мыңға жуық елді мекендерге жетеді. 

«250+» жобасы 3G немесе 4G мобильді желілер құрылысын салу арқылы ауылдық елді мекендерге кең жолақты қол жетімді мобилді интернет енгізуді қарастырады. Жобаның атауы айтып тұрғандай базалық станциялар 250 адамнан астам халқы бар елді мекендерде орнатылады.

Айта кету керек, «250+» жобасы Kcell, «Қазақтелеком» АҚ үшін ауылдық жерлерде талшықты-оптикалық байланыс желілерін салудың жалғасы болмақ. Елдег...

Нұр-Сұлтан қаласының әкімі Алтай Сейдірұлы Көлгінов қала тұрғындарын қауіпсіздік шараларын қатаң сақтауға шақырды.

Қадірменді қала тұрғындары!

Қауіпсіздігіміз үшін таңдау жасайтын сәт келді.

Медицина қызметкерлері соңғы төрт ай бойы коронавирус инфекциясымен күресте алдыңғы шепте келеді. Барлық мүмкіндіктерін пайдаланып қызмет етіп жатқан дәрігерлеріміздің тіпті отбасымен қауышу мүмкіндігі болмай жүр. Күн-түн демей еңбек етіп жатқан олар – сөзсіз батыр, бірақ түсінейік, олар да адам. Жаны да, тәні де шаршайды.  Бұл туралы Нұр-Сұлтан  әкімдігінің баспасөз қызметі хабарлады.

Бастапқыда дәрігерлердің осы күресте қалуына да, кетуіне де мүмкіндік болды. Бірақ олар қалуды ұйғарды. Сондықтан, біздің оларға осындай қиын сәтте көмегіміз бен құрметіміз – үйден шықпай, тәртіпке бағынуымыз...

Мексиканың оңтүстігінде 7,4 баллдық қуатты жер сілкінісі болды. Бұл туралы euronews.com хабарлады. 

Апат салдарынан Оахака штатындағы Оахака-де-Хуарес қаласы жарықсыз қалды. Жер асты дүмпуі бірнеше аймақта, соның ішінде Мексиканың астанасында сезілді. Зілзала ошағы Оахаканың Тынық мұхиты жағалауындағы Круцесита ауылынан 23 шақырымдай жерде тіркелген.

Мексика президенті Андрес Мануэль Лопес Обрадордың айтуынша, жер сілкінісі айтарлықтай шығын әкелген жоқ. Мексика жағалауларында цунами қаупі жоқ. Бұл туралы азаматтық қорғаныс күштерінің ұлттық үйлестірушісі Дэвид Леон мәлімдеді.

Түркістан облысының Төле би ауданында адасып кеткен балаларды таудан түсіру бойынша құтқару операциясы жүргізілуде. Бұл туралы ҚР ІІМ ТЖК баспасөз қызметі хабарлады. 

«2020 жылғы 15 маусымда күндіз Түркістан облысы, Төле би ауданы, Бургулюк ауылынан 5 шақырым жерде, «Бургулюк» демалыс аймағында құрамында 25 адамнан тұратын топ, оның ішінде үш ересек және 22 оқушы тау бөктерінде демалуға шықты. 9 оқушы мен 1 тәрбиеші тобы құрамында  күндіз тауға шықты, ал 6 оқушы мен 1 тәрбиеші таудан өз бетінше түседі, 3 оқушы адасып кетеді. Сағат 22:48-де  таудан түскен соң, тәрбиеші оқиға туралы «112»  нөміріне ақпарат берді. Сағат 23:00-ден бастап Шымкент қаласы ТЖД Жедел-құтқару...

Атланта (Джорджия) полициясының басшысы Эрика Шилдс полиция қызметкерімен болған қақтығыста 27 жастағы афроамерикалық Рэйшард Брукстің қайтыс болуына байланысты отставкаға кетті, -деп хабарлайды «Интерфакс-Қазақстан».

Сонымен қатар, Атланта мэрі Кейша Лэнс Боттомс отставкаға кеткенін мәлімдеді. Ол Бруксты атып өлтірген офицердің тез арада жұмыстан босатылуын талап етті.

Атланта полициясына ер адамның көлікте ұйықтап жатқандығы және  ол мейрамхананың тұрағының алдын жауып тастағандығы туралы хабар түскен. Келген полицейлер бұл Брукс екенін анықтап, одан алкогольдің бар-жоғын тексерді. Тест қорытындысы оң нәтижені көрсетті. 

Полиция мен Брукс арасында қақтығыс болып, ол офицердің қолынан электрошокерді жұлуға тырысқан. Сол кезде полицейлер қару қолданды. Брукс ауруханаға жеткізілді, бірақ дәрігерлер оны...