Жаңалықтар

Тимур Құлыбаевтың «Каспий нефть» компаниясы «ҚазТрансОйл» (ҚТО) акционерлік қоғамымен мұнай тасымалына қатысты қос ірі мәліме жасайды. Миллиардер мұнай компаниясына Joint Resources арқыл иелік етеді.

Компанияның директорлар кеңесі шығарған екі шешім Қазақстан қор биржасында орналастырылған. 31 қазандағы шешіміне сәйкес, «ҚазТрансОйл» АҚ-мен «басқа мемлекеттердің аумақтары арқылы мұнай тасымалдауды ұйымдастыруға» келіспек.

Бұл ірі келісім құны компания жалпы активтерінің 10,86 пайызына тең.

2024 жылдың 1 қарашасында директорлар кеңесі тағы бір шешім шығарып, онда кәсіпорын ҚТО-мен басқа келісім жасайтыны жазылған. Бұл келісім компания өндіретін мұнайды тасымалдауға қатысты болмақ. Оның құны – компания активтерінің 8,72 пайызына тең. Ірі мәмілелерге қатысты басқа ақпарат...

«Болашақ» бағдарламасына қатысу үшін құжат өткізу тәртібі жеңілдейді. Бұл жайлы «Ашық НҚА» порталында Ғылым және жоғары білім министрлігі жариялаған құжатта жазылған. Оған сәйкес бағдарлама бойынша оқып келген түлектер стипендиясын шетелдік ұйымдарда жұмыс істеу арқылы өтей алады.

Өзгерістерге сәйкес, «Болашақ» түлектеріне Қазақстанда ратификациялаған халықаралық келісімдері бар БҰҰ, ПРООН, ОБСЕ, ШОС халықаралық және өңірлік ұйымдарда жұмыс істей отырып, оқыған оқу ақысының өтемін өтей алады.

«Болашақ» бағдарламасының көптеген талантты түлектері БҰҰ, ПРООН, ОБСЕ, ШОС және басқа халықаралық және аймақтық ұйымдарда өз білімдері мен дағдыларын тиімді пайдаланып жатыр. Осы мамандардың халықаралық аренадағы Қазақстан мүдделерін ілгерілетуге қосқан үлесін ескере...

Қазақстанда «қайырымдылық жасау ісін» мемлекеттік бақылауға алу туралы заң жобасы дайындалып жатыр. Ол бойынша төтенше жағдайлар кезінде қаржыны тек әкімдіктер белгілеген қайырымдылық ұйымдары жинай алады. Бұл туралы заң жобасын дайындау тобының мүшесі Светлана Ушакова жазды.

«Мәдениет және ақпарат министрлігі жанындағы жұмыс тобында заңнаманы өзгерту мақсаттары талқыланған бірнеше отырыстар өтті. Бұл түзетулер ФАТФ (терроризмді қаржыландыруға қарсы іс-қимыл жөніндегі халықаралық ұйым) ұсынысын іске асыруға қатысты. Өзгеріс коммерциялық емес ұйымдарға, соның ішінде қайырымдылық ұйымдарына әсер етеді. Қазір түзетулер қайырымдылық ұйымдарын шамадан тыс бақылауға алып келуі мүмкін деген алаңдаушылық бар», – деп жазды Ушакова Facebook парақшасында.

Оның ақпаратына...

Ақтауда қатты жел тұрып, қаланың тең жартысы жарықсыз қалды. Екпінді дауыл салдарынан ғимараттардың шатырлары ұшып, көшедегі аялдамалар да құлаған. Зардап шеккендер бар.

Жергілікті басылым Lada.kz-тің мәлімдеуінше, дауыл салдарынан «МАЭК» ЖШС электр станциясының желілері істен шыққан. 110 кв электр беру желілері және кернеуі 35 кВ үш электр беру желілерінде ажырау орын алған. Қазіргі уақытта компания электр энергиясымен жабдықтау режимі толығымен қалпына келтірілгенін хабарлады.

«Ауа райының қолайсыздығы он электр желісінің тоқтап қалуына себеп болды, оның үшеуі Ақтауды жарықпен қамтамасыз етеді. Үзіліс бүгін, 5 қарашада сағат 11:29-да  орын алды.  Сағат 11:41-де олардың бірі қосылды. Сағат 11:48-де...

Реджеп Тайып Ердоған Қырғызстанға мемлекеттік сапары барысында Садыр Жапаровқа Түркияда жасалған TOGG электромобилін тарту етті. Бұл туралы Қырғызстан президентінің әкімшілігі хабарлаған.

24 kg порталының жазуынша, көлікті Садыр Жапаров рульге отырып жүргізіп көрген. Ердоған көлікті қалай басқару туралы мағлұмат беріп, қасында отырған.

TOGG Түркияның Бурса аймағында шығарылады. Электрокардың құны $28 мың доллардан басталады. Негізгі жабдықтары қамтылған кроссовердің моторында 204 аттың күші бар. Қымбат нұсқаларында қосымша күш құрылғылары орнатылған.

Айта кететін жайт, Түркия басшысы Бішкекке кеше келген еді. Оны Садыр Жапаров «Манас» әуежайында күтіп алды. Ердоған «Ата-Бейит» тарихи-мемориальды кешенін көрді.

Түркия Қырғызстанның сыртқы қарызын кешіріп отыр.

6 қарашада Қырғызстан астанасы Бішкекте...

Грузияда аудандық сот сайлауда құпия дауыс беру ережесі бұзылуына байланысты 30 учаскедегі нәтиженің күшін жойды. 

Істің мәні

5 қарашада өткен сот отырысында елдің оңтүстігіндегі Тетрицкарой және Цалк аудандарындағы үш кездейсоқ учаскеде тексеру жүргізген. Сот эксперименті нәтижесінде белгілі бір партияға қойылған белгі бюллетеньдердің арт жағынан көрінетіні белгілі болған. Яғни сайлау комиссиясы кімнің қандай партияға дауыс бергенін бақылап отыра алады.

Грузия Орталық сайлау комиссиясы соттың шешіміне шағымдана алады. Дегенмен сарапшылар шешімнің күші жойылатынына күмәнмен қарайды.

Шағымды кім түсірген?

Грузияның Жас заңгерлер қауымдастығы дауыс беру құпиясын бұзу туралы шағым түсірген. Бірлестік 2 мыңнан астам учаскедегі сайлау нәтижелерін жоюды талап еткен.

Қазан айында 45 мыңнан аса адам баспана жағдайын жақсарту үшін БЖЗҚ-дағы артық зейнетақы жинағын алуға өтініш берген. Бұл көрсеткіш қыркүйек айымен салыстырғанда 15 пайызға артық.

Бірінші несие бюросының жазуынша, өткен айда зейнетақы қорынан тұрғын үй жағдайын жақсартуға 37,5 млрд теңге бір реттік төлем ретінде берілген. Биылғы ең жоғары көрсеткіш шілде айында тікелген. Бұл айда қазақстандықтар зейнетақы қорынан жинақ шегінен асатын 45,3 мың теңге алды.

Қазан айында өтініш бергендердің үштен бірі Отбасы банктегі жинақтарын толықтырған. Ал 38 пайызы артық жинағын үй сатып алуға жұмсаған.

Артық зейнетақы жиғанын алатындарың қатары неге артты?

Мамандар сұраныстың күрт артуын «жеткілікт...

Алдағы бірнеше күнде Қазақстанның бірталай өңірлерінде жауын жауып, соңы қарға ұласуы мүмкін. Бұл жайлы «Қазгидромет» хабарлады.

Қазақстанның басым бөлігінде тұрақсыз ауа-райы күтіледі. Қар аралас жаңбыр жауып, соңы көктайғаққа ұласуы мүмкін. Салдарынан автожолдардағы жағдай қиындай түспек.

5 қарашада Қазақстанның батыс бөлігінде жаңбырлы бұрқасын күтіледі. Сонымен бірге екпінді жел соғып, тұман түседі. Осындай ауа-райы 6 қарашада елдің солтүстігінде, 7 қарашада шығыс пен оңтүстік өңірлерінде де күтіледі.

Қазақстанның солтүстік, солтүстік-батыс аймақтарында ғана ауа-райы жауын-шашынсыз болады.

Шығыста, оңтүстікте, оңтүстік-шығыста ауа температурасы түнде 3 градусқа дейін суытады. Ал таулы аудандарда 8 градусқа дейін суытуы мүмкін.

Осыған орай Қазгидромет 10 өңірде...

Алматы облыстық полиция департаменті Талғар ауданында «Хуторлық бригада» басшысы деп аталып жүрген Хасан Қасымбаевтың қанша уақытқа қамауға алынғанын хабарлады. Бұл туралы ҚазАқпарат жазды.

Алматы облысы Қонаев қаласының арнайы тергеу соты 4 қарашада Хасан Қасымбаевқа бұлтартпау шарасын қолдану туралы өтінішті қарастырған. Сот қаулысымен Хасан Қасымбаев екі айға тергеу изоляторына қамалды.

Заңда оған тағылған айыптар бойынша «денсаулыққа қасақана ауыр зиян келтiргені үшін» үш жылдан сегіз жылға дейін, «адам ұрлағаны үшін» төрт жылдан жеті жылға дейін бас бостандығынан айыру жазасы көзделген.

Айта кететін жайт, 4 қараша күні Хасан Қасымбаевтың ұсталғаны туралы ақпарат тараған болатын. Кейінірек Алматы облыстық полиция департаменті Хасан...

14 қараша күні Алматы қаласында Ұлттар лигасы аясында өтетін Қазақстан мен Аустрия матчына билеттер сатылымға шықты, деп хабарлайды Қазақстан футбол федерациясы.

Ticketon билет операторының мәліметінше ең арзан билеттің құны 3000 теңгеден басталады. Ал, ең қымбат билет 12000 теңге. Сондай-ақ, орындарға байланысты 5000-8000 аралығындағы билеттер де бар.

Бұған дейінгі ойындарда Қазақстан футбол федерациясы мен Ticketon билет операторымен бірлесіп ұлттық құраманың ойындарына «атаулы» билеттерді енгізген еді. Яғни, билетті сайттан сатып аларда, аты-жөңінізді енгізіп, матч күні жеке күәлік бойынша растау керек болады.

Федерацияның мәліметінше, бұндай өзгеріс келеңсіз жағдай мен алыпсатарлардан сақ болу үшін жасалынды.

Франциялық Airbus компаниясы Zefir атты ұшқышсыз ұшатын аппаратты таныстырып, Қазақстан аумағында осы аппаратты пилоттық сынақтан өткізуді ұсынып отыр.  Бұл туралы Цифрлық даму, инновациялар және аэроғарыш өнеркәсібі министрі Жаслан Мәдиевтің Францияға ресми сапары барысында сөз болды.

Министрліктің хабарлауынша, кездесу барысында Airbus-пен бірге ғарыш және әуе технологияларын дамытуға баса назар аударылған. Қазақстан табиғи ресурстарға мониторинг жүргізу, экологияның басқару және авиация саласын цифрландыру үшін Airbus шешімдерін пайдалануға мүдделі.

Сонымен қатар, Жаслан Мәдиев сандық технология және жасанды интеллект саласында стратегиялық ынтымақтастықты нығайту шеңберінде жетекші француз компаниялары мен мемлекеттік құрылым өкілдерімен кездесті.

Талқығы түскен жайттар – бұлтты технологиялар, жасанды интеллект, киберқауіпсіздік, ғарыштық зерттеу және жоғары...

Қаржы министрлігі 2024 жылғы республикалық бюджетті қайта қарады. Соған сәйкес, биыл бюджет кірісі жоспардан 2 трлн теңгеге кем түспек.

«Ұлттық қордан нысаналы трансферттің қосымша тартылуына байланысты бюджет түсімдерінің кірістері (трансферттерді есепке алмағанда) азайды. Бұдан басқа, Қазақстан Республикасы Бюджет Кодексінің 104 және 111-баптарына сәйкес 2023 жылғы бюджет қаражатының қалдықтарын пайдалануға байланысты республикалық бюджет көрсеткіштерін түзету ескерілді. Осыған байланысты республикалық бюджеттің параметрлері тиісінше қайта қаралды», – деп жазылған құжаттың түсіндірме жазбасында.

Нақтыланған цифрларға сәйкес, республикалық бюджеттің жалпы кірісі – 20,2 трлн теңге, шығысы – 23,4 трлн теңге деп бекітіледі.

Соның ішінде бюджетке түсетін салық жоспары...

Жыл сайын Батыс Қазақстандағы қауіпті электртасымал желілеріне (ЭТЖ) мыңдаған дала қыраны түсіп өледі. Бұл жайлы Қазақстанның биоәртүрлілікті сақтау ассоциациясының (АСБК) баспасөз қызметі хабарлады.

Қауымдастық мамандары Батыс Қазақстан және Ақтөбе облыстарындағы электртасымал желілеріне (ЭТЖ) орнитологиялық тексеріс жүргізген. Нәтижесінде 459 құстың тоққа түсіп өлгені анықталған.

«Батыс Қазақстан облысында 329 км ЭТЖ тексерілді, оның 248 км қауіпті деп танылды, ал Ақтөбе облысында 425 км желінің 218 км қауіпті болып шықты. Құстардың басым бөлігі ток соғып қырылып жатыр»,- делінген хабарламада.

Табиғат қорғаушылары электр желілерінің әрбір 10 шақырымында 44 құсқа дейін қырылатынын айтады.

Орнитологтардың мәліметінше, Батыс...

Енді суық ауа райында да жолдарға асфальт төсей беруге болады. Қазақстандық жол ғылыми-зерттеу институтының мамандары (ҚазжолҒЗИ) қыс мезгілінде де төсеуге болатын «жылы асфальт» ойлап тауып, оны технологиясын сынақтан өткізіп жатыр. Министрлік болса бұл жаңа қоспа жолдардың мерзімінен бұрын тозуын болдырмайды деп сендіруде.

ҚазжолҒЗИ мамандары сынап көріп жатқан жаңа технология ауа температурасы -10 градуста асфальт төсеуге мүмкіндік беретінін айтады. Арнайы қоспа ауа райы суыған кезде де жол құрылысы жұмыстарын жалғастыруға еш қиындық туғызбайтынына сендіріп отыр. Мәліметке сенсек, бұл әсіресе құрылыс маусымы 3-4 айға ғана созылатын еліміздің солтүстік өңірлері үшін маңызды.  

«Жол құрылысы стандарттары бойынша, асфальт-бетон қоспасының температурасы жол...

2024 жылдың қаңтар-қыркүйек айларында Air Astana әуе компаниясының түсімі 12,7%-ға өсіп, 459,365 млрд теңгеге жетті. Бұл туралы тасымалдаушының 2024 жылдың 9 айындағы Халықаралық қаржылық есептілік стандарттары бойынша шоғырландырылған қаржылық есебінде жазылған.

Оның ішінде жолаушыларды тасымалдаудан түскен түсім – 11,4%-ға артты. Көрсеткіш 442,810 млрд теңгеге жетті. Ал жүк және пошта тасымалынан түскен түсім – 21,8%-ға өсіп 8,650 млрд теңге болды.

Есепке сүйенсек, әуе компаниясының активтері жыл басынан бері 37%-ға өсіп, 848,187 млрд теңгеге жеткен. Air Astana жеке капиталы 2 есеге 187,783 млрд теңгеге, жарғылық капиталы 22,7 есеге, 56,758 млрд теңгеге дейін өсті.

Міндеттемелеріне келсек мұнда да жағымды динамика байқалады. Көрсеткіш 26%-ға...

Алматы соты өзін мемлекеттік қызметші ретінде таныстырып жүрген алаяқ Арнұр Әпсейтовті қамауға алу туралы үкім шығарды. Ол алаяқтық жасағаны үшін бұрын шартты түрде бас бостандығынан айырылған. 17 қазанда өткен BeWoman форумында олигарх Сергей Канның жұбайы Жанна Канға медаль таққан.

Илон Масктың анасы Мэй Маск, Wildberries негізін қалаушы Татьяна Ким. ресейлік журналист Ксения Собчак және көптеген іскер адамдар қатысқан BeWoman Орталық Азия әйелдер форумы Алматыда қазан айында ғана өткен. Форум аясында Республика сарайының сахнасында Forbes тізіміндегі кәсіпкер Сергей Канның жұбайы әрі шараны ұйымдастырушысы Жанна Канға 21 жастағы Арнұр Әпсейітов «Адал еңбегі үшін» медалін тағылған.

Әпсейітовті жүргізушілер «Президент жанындағы Сыбайлас жемқорлыққа қарсы...

Қазақстанда 1 млн азамат банкроттық шегінде өмір сүреді. Бұл жайлы Мемлекеттік кірістер комитеті төрағасының орынбасары Сейілжан Ахметов айтты.

Ахметовтың мәліметінше, 1 млн қазақстандық банкроттық критерийлеріне келсе де, жеке тұлғаның банкроттығына өтініш бермеген.

«Банкроттық критерийлеріне сәйкес келетін 1 миллионға жуық азамат рәсімді қолдануға асықпайды»,- дейді комитет өкілі.

Бұл азаматтар 12 айдан астам уақыт бойы несие төлемеген. Несие төлеу қабілетінің төмендегеніне қарамастан, олардың банкроттық рәсімдеуге асықпауының бірнеше себебі бар.

Комитет статистикасына сәйкес, банкроттыққа өтініш беретіндер арасында ер...

Банк ЦентрКредиттің еншілес ұйымы – BСC Invest брокерлік компаниясы 2024 жылдың 9 айында 6,3 млрд теңге таза пайда алған. БЦК инвестициялық компанияның 100 пайыз акциясына иелік етеді. Брокер инвестициялық басқарушы компаниялар арасында актив көлемімен екінші орында тұр.

Қазақстан қор биржасының сайтында жарияланған 9 айлық есепке сүйенсек, брокер жыло басынан бері таза пайдасын 3,7 млрд теңгеден 6,3 млрд теңгеге дейін 1,7 есе өсірген.

Компания таза пайдасының өсуіне таза пайыздық емес кіріс пен негізгі қызметтен түскен кірістің артуы ықпал еткен. 9 айда брокердің таза пайыздық емес кірісі 5,7 млрд теңгеге жеткен. Ал негізгі қызметтен 8,3 млрд теңге кіріс алған...

Morgan Stanley компаниясының сарапшысы Майк Уилсон 2024 жылдың соңына дейін S&P 500 индексінің 6,5%-ға өсуін болжап отыр. Қытай Еуроодақтың электрмобильдерге салған тарифтеріне байланысты ДСҰ-ға шағым түсірді. Ал Германия үкіметі банкроттықтың алдында тұр.

Dow, S&P 500 және Nasdaq қор индексі АҚШ-тағы президент сайлауы қарсаңында төмендеді

Нью-Йорк биржасында сауда-саттықтың басым бөлігі сайлау қарсаңында «қызыл аймақта» өтті. Yahoo Finance-тің хабарлауынша, сайлау нарықтар үшін үлкен қауіп төндіреді.

Сауалнамаларға сәйкес, сайлау күні қарсаңында демократтар Айовада көш бастап келеді, бұл Камала Харристің мүмкіндігін арттырады. Бұған дейін Уолл-стрит Дональд Трамптың мүмкіндігін сәл жоғары бағалаған болатын. Осыдан кейін доллар бағамы төмендеп, қазынашылық облигациялар кірісі де азайды: он...

Алматы қаласы Медеу ауданының соты «Алматы бас жоспары» ЖШС бас директорының орынбасарын Сәкен Өмірәліұлын 3,5 жылға бас бостандығынан айырды. Бұған қоса, ол өмір бойы мемлекеттік және квазимемлекеттік қызмет атқару құқығынан айырылды.

Өмірәліұлы жер учаскесінің нысаналы мақсатын өзгерткені үшін қалалық жер қатынастары басқармасының лауазымды тұлғаларына 9,6 млн теңге көлемінде пара беруге жергілікті кәсіпкерді көндіріп, арандатқаны үшін кінәлі деп танылған.

Іс туралы

2023 жылдың маусым айында кәсіпкер Мұхаметов Алматыдағы Әбіш Кекілбайұлы көшесі, 28/2 мекенжайында сауда нысанының құрылысын бастап, өз мүддесін қорғау үшін Шаяхметов-ке сенімхат береді. Шаяхметов ғимаратты жатақхана ретінде пайдалану үшін жоба мақсатын өзгертудің жолын сұрап, «Алматы бас жоспарында» жұмыс істейтін...

Америкалық Eleview International Inc. компаниясы мен оның екі басшысына елге қойылған шектеулерді айналып өтіп, миллиондаған долларлық АҚШ технологиясын Ресейге экспорттады деген айып тағылып отыр. Бұл туралы АҚШ әділет министрлігінің мәлімдемесінде жазылған.

Компания басшылары Вирджинияда тұратын 54 жастағы Олег Наяндин мен 39 жастағы Виталий Борисенко қарашаның 4-і күні сол штаттың Шығыс округінің федералды сотына келді. Оларға «Экспорттық бақылау туралы заңдарды бұзды» деген айып тағылды.

«Күдіктілер Ресейге енгізілген экспорттық шектеулерді айналып өту үшін үш жалтару схемасын пайдаланған», – деді Ұлттық қауіпсіздік жөніндегі АҚШ бас прокурорының көмекшісі Мэтт Олсен.

Қылмысы дәлелденсе ол 20 жылға дейін...

Биыл елімізде 300 мың адам газға қол жеткізбек. Бұл туралы Энергетика министрлігінің баспасөз қызметі хабарлады.

Министрліктің хабарлауынша, елді газдандыру жұмыстары әлі жалғасып жатыр. Оның деңгейі 2024 жылдың соңына дейін 61,8%-ға жеткізу жоспарланып отыр. Бұл 369,0 мың адамды немесе 140 елдімекенді газбен қамтамасыз етуге мүмкіндік береді.

Шегініс жасасақ, 2024 жылдың 1 қаңтарында газдандыру деңгейі 60%-ға жеткен еді. 20 млн адамдың 12 млн-ы газға қол жеткізіп отыр.

2025 жылы газдандыру деңгейін 62,1%-ға жеткізу жоспарланып отыр. Бұл – 55 мыңнан аса адамды немесе 21 елдімекенді газбен қамтамасыз етеді деген сөз.

Айта кететін жайт, 2024 жылдың 15 наурызында Президент Қасым-Жомарт Тоқаев Ұлттық құрылтай отырысында...

Freedom Holding Corp. және S&P Global мәліметі бойынша, 2024 жылдың қазан айында Қазақстанның өңдеу өнеркәсібіндегі іскерлік белсенділік индексі (PMI) 51,7 тармақты құрады. Бұл қыркүйек айындағы көрсеткіштен (52,3 тармақ) сәл төмен. Сонымен қатар, қызмет көрсету саласындағы іскерлік белсенділік индексі 51,1 тармақтан 49-тармаққа дейін азайған. Индекс 50-ден жоғары болса, белсенділік артқанын, ал 50-ден төмен болса, іскерлік белсенділік баяулағанын білдіреді. Бұл туралы Freedom Holding Corp. хабарламасында жазылған.

Freedom Finance Global PLC қаржылық талдау департаментінің директоры Ерлан Әбдікәрімовтің айтуынша, Қазақстанның өңдеу өнеркәсібі тұрақтылық көрсетіп, алдағы айларда өсім әлеуетін сақтап отыр. Сұраныс азайғанымен, өсім жалғасып жатыр: өндіріс пен жаңа тапсырыс көрсеткіштері қатарынан сегіз ай...

Оралда пара алып жатқан жерінен қалалық сот төрағасы Руслан Жұмағұлов ұсталды.  Төрағамен бірге екі адвокат та құрықталды.

«Орал апталығы» басылымының мәліметінше, судья сотталушыға қатысты оң шешім шығару үшін 1,5 млн теңге көлемінде пара алған.

Қылмыстық кодекстің 366-бабы 1-1-бөлігіне сай, «Пара алу» бойынша қылмыстық іс қозғалды. Жедел-тергеу амалдарын ҰҚК орталық аппаратының және БҚО бойынша департаментінің қызметкерлері жүргізген.

Руслан Жұмағұлов 1980 жылы туған. БҚО облыстық сотының ресми сайтындағы ақпаратқа сүйенсек, ол 2001-2011 жылдары аралығында Батыс Қазақстан облысының прокуратурасында қызмет атқарған. 2011 жылдан 2015 жылға дейін Батыс-Қазақстан облыстық адвокаттар алқасында қорғаушы болып жасаған.

2015 жылы Президент Жарлығымен Орал қалалық сотының судьясы болса, 2019 жылы қалалы...