Жаңалықтар

Грузияда парламенттік сайлау нәтижесіне келіспеген халықтың талабымен бюллетеньдер қайта саналды. Дегенмен қайта санау орталық сайлау комиссиясы шығарған нәтижеде қате кетпегенін анықтады.

Қайта санаудан кейін елдегі оппозиция өкілдері жаңа митинг жариялады. Оппозиционерлер митингіні 4 қарашаға жоспарлар отыр. Наразылық Тбилиси орталығындағы Руставели алаңында кешкі сағат 19.00 басталуы тиіс.

Олардың бұл бастамасын президент Саломе Зурабишвили де қолдап отыр.

«Бұл пессимизмнің уақыты емес, қазір тыныш отыруға болмайды. Басыңды көтеріп, дауысыңды қорғау маңызды», – деді президент.

Ал премьер-министр Ираклий Кобахидзе сайлау заңды болды деп есептейді. 

«Грузияның тәуелсіз мемлекет екендігімен келісуіміз керек. Арнайы қабылданған заңдар...

АҚШ қор нарығына Федералды резервтік жүйенің (ФРЖ) мөлшерлемені төмендету қарқынына ықпал етуі мүмкін жеке тұтыну инфляциясына қатысты маңызды деректер ұсынылды. Ірі технологиялық алпауыттар жасанды интеллектіге (ЖИ) инвестицияны ұлғайтып, пайдасын азайтып отыр. Сондықтан инвесторлар олардың акцияларын сатып жатыр. Ұлыбритания несие нарығында дағдарысты қайталауы мүмкін. Осы және басқа да тақырыптар туралы 31 қазандағы әлемдік БАҚ шолуынан оқыңыз.

Nasdaq және S&P 500 ірі компаниялар болашағына қатысты алаңдаушылық аясында төмендеп келеді

31 қазан, бейсенбі күні Meta мен Microsoft компаниялары жасанды интеллектіге қомақты шығындар жұмсайтынын хабарлағаннан кейін, Nasdaq индексі 2,3%-ға төмендеді. Бұл компаниялардың кірісіне әсер етуі мүмкін. S&P 500 индексі 1,43%-ға, Dow индексі 0,49%-ға...

Саран қаласының жылыту маусымына дайындығын бақыламаған Қарағанды облысының әкімі Ермағанбет Бөлекбаев президент Қасым-Жомарт Тоқаевтан сөгіс алды. Бұл жайлы президенттің баспасөз хатшысы Берік Уәли хабарлады.

«Мемлекет басшысы Қасым-Жомарт Тоқаев жылыту маусымына дайындық жұмыстарына тиісінше бақылау жасамағаны үшін Қарағанды облысының әкімі Ермағанбет Бөлекбаевқа сөгіс берді»,- деп жазды Уәли өзінің әлеуметтік парақшасында.

Айта кетейік, мұның алдында облыс әкімі премьер-министр Олжас Бектеновтен де ескерту алған болатын. 15 қазан күні өткен үкімет сағатында Бектенов халықтың жылусыз қалуына Саран қаласы әкімі жауапты екенін айтты. Сонымен бірге премьер-министр облыс әкімдігі тарапынан тиісті бақылау жүргізілмегені себепті осындай жағдайға жол берілгенін...

Telegram қолданушыларына видеоны тамашалау үшін оны жүктеудің қажеті болмайды. Мессенджер интернетке қосылу жылдамдығына бейімделеді. Платформадағы жаңа жаңартулар туралы оның негізін қалаушы Павел Дуров жазды.

«Осы уақытқа дейін телеграмм-арналардағы бейнелер жүктелген форматта көрсетіліп, қолданушылар қысқа видеоны көру үшін гигабайттар жұмсап, жүктеп алуға мәжбүр болды. Енді Telegram серверлері видеоларды бірнеше сапа түрінде ұсынады», — деп жазды Дуров.

Ол енді бейнені қарау кезінде Telegram автоматты режимде қосылу жылдамдығына байланысты бейне сапасын өзгертетінін түсіндірді.

Бұдан бөлек, платформада бұрын жіберілген хабарламаларға фотосуреттер немесе бейнелерді қосу мүмкіндігі пайда болды. Функцияны өңдеу мәзіріне кіріп бейімдеп алу қажет.

Осыған дейін мессенджерде Stars...

Қазақстанда теміржол локомативтерін және электровоздар шығаратын екі шетелдік компания өндірістік қуатын арттыру үшін қосымша инвестиция құюды жоспарлап отыр. Атап айтқанда, франциялық Alstom және америкалық Wabtec компаниялары 50 млн еуро және 200 млн доллар көлемінде қосымша инвестиция тартпақшы. Бұл жайлы Үкімет үйінің баспасөз қызметі хабарлады.

«Олжас Бектенов америкалық және франциялық Alstom және Wabtec компанияларының басшыларымен Қазақстанда теміржол машинасын жасауды одан әрі локализациялау жоспарларын талқылады»,- делінген баспасөз хабарламасында.

Alstom компаниясы Қазақстандағы теміржол индустриясының негізгі инвесторы саналады. Компания басшысы Эндрю Делеони компанияның 450-ден астам жаңа жұмыс орындарын аша отырып, электровозға техникалық қызмет көрсететін төрт орталықты...

Испанияда болған су тасқыны салдарынан 158 адам қаза тапты. Бұл оқиға 1973 жылдан бері ең алапат тасқындардың бірі болды. Су тасқыны елдің кейбір аймақтарына жауған нөсер жаңбырдан туындаған. Бұл туралы BBC арнасы хабарлады.

«Қазіргі таңда ең маңыздысы — мүмкіндігінше көп адамның өмірін құтқару», — деп мәлімдеді Испания премьер-министрі Педро Санчес.

Қаза болғандардың көбісі Валенсия автономдық қауымдастығында тіркелді, мұнда 155 адам қайтыс болды. Сонымен қатар Кастилия-Ла-Манча аймағында екі адам, ал Андалусияда бір адам су тасқынынан мерт болды. Валенсияның оңтүстік-батысында орналасқан Пайпорта муниципалитетінде өзен арнасынан асып, кем дегенде 40 адамның өлімі тіркелді.

Ресми өкілдер жоғалған адамдардың нақты...

Қазақстан үкіметі 15 трлн теңге көлеміндегі инвестициямен 17 ірі жобаның тізімін бекіткенін мәлімдеді. Бірақ олардың нақты атауын жариялауға асығар емес. Kursiv Research бұрын жарияланған мәліметтерге сүйене отырып, осы сипаттамаға сәйкес келетін жобаларды табуға тырысты. Олардың бенефициарларын атап, «ескі» және «жаңа» Қазақстанның өнеркәсіптік саясатын салыстырды.

Құпия тізім

17 мега-жобадан тұратын тізімді (оны ТОП-17 деп атайық) құру – президенттің жолдауын орындау мақсатында үкімет қабылдаған шара. Бұл туралы биылғы жылдың тамыз айының соңында Қазақстан Премьер-министрінің ресми сайтында жарияланған хабарламада айтылған. Хабарламада «үкімет 15 трлн теңгеден астам инвестиция көлеміндегі 17 ірі жобаның тізімін бекіткен» деп көрсетілген еді.

Ресми дереккөзде жобалардың нақты атауы...

Ресейдің Курск облысына жеткен Солтүстік Корея әскерінің саны 8000-ға жеткен. Олар қазір Украинамен соғысқа дайындалып жатыр. Бұл туралы АҚШ Мемлекеттік департаментінің басшысы Энтони Блинкен айтты.

Блинкеннің айтуынша, ресейлік әскерилер солтүстік кореялық әріптестеріне артиллериялық қару-жарақ пен дрондарды қолдануды үйретіп жатыр. 

«Жаяу әскерлердің негізгі операцияларын, соның ішінде траншеяларды тазартуды үйретуде. Бұл олардың КХДР әскери күштерін майдан шебіндегі операцияларда қолдануға ниетті екенін білдіреді», – деді Блинкен.

Пентагонның баспасөз хатшысы Сабрина Сингхтің айтуынша, Солтүстік Кореяның әскері алдағы апталарда Украина маңындағы Ресей әскерлеріне қосылуы мүмкін.

Ресми Вашингтон Ресей аумағында КХДР-дан 10 000-ға жуық әскери қызметші барын айтады. Оңтүстік Корея...

Toyota Motor Corp. және Nissan Motor Co. компанияларының көліктеріне әлемдік сұраныс төмендеп, өндіріс қысқарып, қытайлық авто өнеркәсіппен қатаң бәсекелестікке түсіп жатыр.

Bloomberg Intelligence мәліметтері бойынша, оңтүстік-шығыс Азия дамушы нарығында үстемдік ететін жапондық авто өндірушілер соңғы үш жылда қытайлық бәсекелестерге төтеп бере алмай келеді. Мәселен, Таиландта қытайлық автоөндірушілер электромобиль нарығында басымдық алған. Тек BYD жалпы сатылымның 40%-ын құраса, жапондық брендтер 1% аз. 

Жапондық авто өндірушілердің кірісінің өсуі 2025 және 2026 жылдары баяулауы мүмкін. Құлдырауға әкелуі мүмкін тағы бір фактор – Дональд Трамптың президенттік сайлауда жеңіске жетсе, АҚШ-та өндірілмеген көліктерді салық жеңілдіктерінен айыру туралы жоспары болып отыр.

Болжамдарға сәйкес, Mitsubishi Heavy...

Албанияның астанасы Тиранада өтіп жатқан еркін күрестен әлем чемпионатында қазақстандық балуан Нұрқожа Қайпанов жеңімпаз атанды.

70 келіге дейінгі салмақта күрескен Нұрғожа финалда жапон балуаны Аоягиден айласын асырды. 5:3 есебімен жеңіске жетті. Бұл Қазақстан қоржынындағы бірінші алтын.

Айта кетейік, Қазақстан құрамасы 1 алтын, 2 күміс медаль жеңіп алды. Осыған дейін грек-рим күресінің шебері Ержет Жарылқасын (63 кг) мен Жәмила Бақбергенова (72 кг) финалда қарсыластарына жол берген еді.

Сонымен қатар Тиранада жастар арасындағы әлем чемпионатында Ризабек Айтмұхан жеңімпаз атанып. Әлемнің үш дүркін чемпионы атанған еді.

Молдова Республикасының Конституциялық соты ЕуроОдаққа кіру туралы референдумның қорытындысын бекітіп, Конституцияға өзгеріс енгізу процесін бастады. Еуропалық интеграция «Молдова Республикасының стратегиялық мақсатына» айналады.

20 қазанда өткен референдумда ел азаматтары «Молдова Республикасының ЕуроОдаққа кіруі үшін Конституцияға түзетулер енгізуді қолдайсыз ба?» деген сұраққа жауап берген.

Орталық сайлау комиссиясының мәліметтері бойынша референдумға сайлаушылардың 50,72% қатысқан. Олардың 50,35%-ы еуроинтеграцияны қолдаса, 49,65%-ы қарсы шыққан. Осылайша одаққа қосылуды жақтаушылар бір пайыздан аз басымдықпен жеңіске жетті.

Молдова социалистік партиясы да референдум нәтижесін мойындамаған. Елдегі коммунистік партия референдум нәтижесіне қатысты Конституциялық сотқа шағым түсірген. Алайда сот партияны шағым түсіруге құқылы тарап өкілі деп танымады. 

Нәтижесінде Конституцияға бірқатар түзетулер енгізілетін...

Еуропалық комиссия қытайлық Temu интернет-сервисін ЕО цифрлық қызметтер туралы заңын бұзды деп күдіктенеді. DW басылымының жазуынша, Брюссель платформада заңсыз өнімдер сатылып жатыр деп болжайды.

Еуропалық комиссия қытайлық Temu интернет-сауда алыбына қарсы айыппұл салуға іс қозғады. Брюссель арзан тауарларды ғаламтор арқылы сататын компания Еуроодақтың цифрлық қызметтер туралы заңын бұзды деп айыптап отыр. 31 қазанда комиссия контрафакт және қауіпті өнімдер саудасы туралы айтып отырғанын да ашық хабарлады

Осы жолы Temu сайтының дизайны сарапталады. Сыншылар мұндай тәсілмен өнімді ұсынуы сатып алушыларды тәуелді қылады және оларды шығынға батырады деп санайды.

Еуропалық комиссия төрағасының орынбасары Маргрете Вестагер қытайлық компанияны сатылған өнімдердің ЕО стандарттарына сай...

«Самұрық-Қазына» қоры бұған дейін Қайрат Боранбаевқа тиесілі болған «АзияГаз Чунджа» компаниясының жарғылық үлесіндегі 100% акциясын сатып алды. Ол «Самұрық-Қазынаның» еншілес ұйымы – «QazaqGaz» ұлттық компаниясы» АҚ меншігінде болады. «АзияГаз Чунджа» акцияларын «Самұрық-Қазынаның» пайдасына беру туралы шешім 30 қазанда қабылданған. Қазір қорда 26 компания бар.

«АзияГаз Чунджа» ЖШС Алматы облысындағы Ұйғыр ауданын көгілдір отынмен қамтамасыз етіп отыр. Оның нарықтық құны 14 млрд деп көрсетілген. Аталған ЖШС Қаржы министрлігі Мемлекеттік мүлік және жекешелендіру комитетінің меншігінде болды.

2023 жылдың қыркүйек айында Боранбаев «ҚазТрансГазға» (қазіргі QazaqGaz) тиесілі 14,5 млрд теңгені жымқырды және жылыстатты деген айыппен алты жылға сотталған.

Тергеушілердің мәліметінше, Боранбаев...

Тәжікстанның құқық қорғау органдары компьютерлік клубтарда Grand Theft Auto (GTA) және Counter Strike ойындарын таратуға тыйым салды. Орталық Азияда PlayStation ойындарына алғаш рет тыйым салған ел Тәжікстан болып отыр.

Елде бұл ойындарға қатысты бейнероликтерді көрсетуге де шектеу қойылды.

ASIA-Plus басылымының ақпараты бойынша Ішкі істер министрлігінің Душанбе қаласы бойынша департаменті компьютерлік және ойын орталықтарының иелеріне азғындық және зорлық-зомбылық мазмұндағы бейнероликтер мен ойындарды таратуға қатаң тыйым салатындығы туралы хабарлайды

«Бұл, әсіресе, Тәжікстан Мәдениет министрлігінің қорытындысына сәйкес зорлық-зомбылық, қатыгездік, кісі өлтіру және тонау элементтерін қамтитын «Conter Strik» және «Grand Theft Auto» (GTA) сияқты танымал ойындарға қатысты», – делінген...

UFC 310 турнирінде қазақстандық боксшы Шавкат Рахмонов пен америкалық Белал Мұхаммедтің тарихи титулдық жекпе-жегі кестеден алынып тасталынды. Бұл  жөнінде Шавкат Рахмоновтың командасы – Dar Team хабарлады.

Жартылай орта салмақтағы чемпиондық белбеу үшін жекпе-жек 8 желтоқсан күні таңертең Лас-Вегаста (АҚШ) өтуі керек еді.

Жеңіліс көрмеген қазақстандық боксшы мансабындағы маңызды жекпе-жекке тыңғылықты дайындалу үшін жақында ғана шетелге келді. Мұхаммед неге айқасқа шықпайтынын түсіндірді.

«Аяғымда сүйек инфекциясы пайда болды… IV антибиотиктер үшін қолыма катетер салынады. Алдағы 6 апта бойы физикалық тұрғыда белсенділік жоқ… Алланың жоспары – ең жақсы жоспар. Мені көргісі келген адамдардан кешірім сұраймын», – деп жазды Белал...

«Алматының инвестициялық жоспарын» Алматы әуежайының иесі TAV Airports холдингі дайындап жатыр. Инвестиция көлемі Алматы халықаралық әуежайындағы тарифтерді көтеру бойынша өтетін келіссөздердің нәтижесіне байланысты.

«Алматының инвестициялық жоспары 2025-2028 жылдар аралығында 3-4 жыл ішінде 150-ден 300 миллион еуроға дейін болады. Инвестициялық бағдарламаның көлемін 2025 жылдың ақпанында директорлар кеңесінің отырысында нақтылау жоспарлануда. Тарифтік келіссөздердің тиімді нәтижесі инвестиция көлемін анықтайтын негізгі фактор болады», – деді TAV Airports 2024 жылғы тоғыз айлық қаржылық есеп беруінде.

Сегіз елдегі 15 әуежайды басқаратын TAV Airports Алматы халықаралық әуежайынан жолаушылар ағынының жылдам өсуін күтеді. «Біздің ойымызша, Қазақстан экономикасының көлемін қуып жету үшін авиация нарығы...

2024 жылдың екінші тоқсанмен салыстырғанда, үшінші тоқсанда жылжымайтын мүлік нарығында белсенділік 26,5%-ға артты. Ең жоғары өсім Астана мен Батыс Қазақстан облысында байқалды. Алайда қыркүйекке қарай аталған көрсеткіш күрт төмендеген. Бұл туралы Қазақстанның тұрғын үй нарығы бойынша жабық дөңгелек үстел барысында «Комментарий» телеграм арнасының сарапшысы Әлішер Кәрімов айтты.

Оның сөзінше, бұған екі фактор ықпал еткен. Біріншісі, «Отау» мен «Наурыз» бағдарламалары. Екіншісі, Бірыңғай зейнетақы қорынан қаражат алуға қатысты ақпарат.

«Ал қыркүйек айында сатып алу-сату мәмілелерінің саны шілде-тамыз айларындағы белсенділекке қарағанда, біртіндеп төмендей бастады (39,5 мың; -3,2% айына). Бұл ипотекалық несие мен Бірыңғай зейнетақы қорынан қаражат алуды...

Қазақстан 2025 жылы ғарышқа өз зымыранын ұшырады. Цифрлық даму, инновациялар және аэроғарыш өнеркәсібі министрі Жаслан Мәдиев осындай жоспар тұрғанын айтты.

Министрдің айтуынша, «Бәйтерек» Қазақстан зымыран кешенінің жұмысы қайта жанданған.

«Бірінші «Союз-5″ зымыран тасығышын ұшыру 2025 жылға жоспарланған. Коммерциялық бағытта зымыран ұшыру 2028 жылға жоспарланған. Үш жыл бойы тестілеу режимінде зымырандар ұшырылады», – деді Жаслан Мәдиев Сенатта.

Министр қазір отандық зымыранды ғарышқа шығару мәселесі жан-жақты пысықталып жатқанын айтады. Сондай-ақ ғарыш саласында жүзеге асып жатқан бірқатар жобаларға тоқталды.

«2029 жылға қарай спутниктік байланыс және ТВ-хабар тарату желілерінің үздіксіз сервисін қамтамасыз ету үшін KazSat-3 спутнигін...

Цифрлық даму, инновациялар және аэроғарыш министрі Жаслан Мәдиев Қазақстан Starlink жүйесіне қашан толық қосылатынын айтты.

Министрдің мәліметінше, қазір пилоттық жоба аясында ауылдардағы 1800 мектеп осы жүйеге қосылған. Пилоттық жоба 2026 жылға дейін жалғасады.

Журналистер министрден бұл жүйе мемлекеттік қауіпсіздікке қатер төндіретіндіктен, Ұлттық қауіпсіздік комитеті толық қосылуға рұқсат бермей отыр ма деп сұрады.

«Расында Starlink-ті пилоттық жобадан тыс қолдану мақсатында Ұлттық қауіпсіздік комитетімен жүйенің қауіпсіздігіне байланысты әлі де талқы жүріп жатыр», – деді ол.

Министрдің айтуынша, Starlink компаниясына елдегі қызметін жалғастыру үшін пилоттық жоба яқталған соң, жерүсті станцияларын салуы қажет. Өйткені пилотты...

Цифрлық даму, инновациялар және аэроғарыш өнеркәсібі министрлігі бір адамға берілетін SIM-карталар санын шектемекші. Бұл жайлы Сенат кулуарында Цифрлық даму, инновациялар және аэроғарыш өнеркәсібі министрі Жаслан Мәдиев айтты.

Журналистер министрліктің заңнама негізінде бір адамға берілетін SIM-карталар санын шектеуді жоспарлап отырғанын, бұл нормалардың қандай халықаралық тәжірибеге сүйеніп енгізілгелі жатқанын сұрады.

Министр бұл шаралардың алаяқтық әрекеттерді тыю мақсатында қолға алынып жатқанын айтты.

«Алаяқтардан келетін түрлі хабарламалар мен қоңырауларды шектеу үшін нақты қадамдар жасау керек. Сол үшін заңнамаға өзгеріс енгізуді көздеп отырмыз. Біз SIM-карталар санын шектеу қажет деп санаймыз. Бір адамда 10-нан артық SIM-карта болмауы керек»,- деді министр.

Сенат кулуарында Цифрлық даму, инновациялар және аэроғарыш министрі Жаслан Мәдиев «Қазақстанның Ресеймен бірге қолданылатын +7 байланыс кодынан неге бас тартпайтыны және бұл санкцияларға әсер етпей ма» деген сұрақтарға жауап берді.

Мәдиевтің айтуынша, санкцияларға байланысты алаңдаудың қажеті жоқ.

«Санкциялардың кодпен байланысы жоқ. Біз +7 кодын қолданамыз, бірақ оның ішінде тек Қазақстанға тиесілі қосымша нөмірлер бар: +77, +76, +75. Біз +70 кодын қосу бойынша келіссөздер жүргізіп жатырмыз», — деді министр.

Министр, сонымен қатар, жаңа кодқа көшу азаматтар мен қолданушылар үшін ыңғайсыздық туғызатынын атап өтті.

«Телефон кітапшасында, қосымшаларда жаңа нөмірлерді енгізу қиын болады...

Қазақстан Бас прокуратурасы Костенко шахтасындағы апатқа қатысты тергеу барысында күдікке ілінген 10 азамат туралы ақпаратты жария етті.

Прокуратура ақпаратына сүйенсек, іс бойынша 74 адам жәбірленуші ретінде танылған, оның ішінде 46 азамат қаза тапқан кеншінің жақын туыстары бар. Бұдан бөлек, денсаулығына әртүрлі дәрежеде зиян келген 28 кенші де бар.

Прокурорлар инженерлік-техникалық персонал мен шахта басшылығы тиісті бақылауды қамтамасыз етпегенін, оқыс оқиғаларды зерттемегенін және жарылыстан қорғау шараларын орындамағанын анықтаған. 

Күдікке ілінген азаматтар:

Қазақстан үкіметі 2025 жылы салық көлемін арттыруды жоспарлап отырғанымен, келер жыл банктер үшін табысты болмақ. Халықаралық Fitch Ratings агенттігі осындай болжам жасайды.

Банктердің табысының артуына әдеттегідей қымбат кредит мен халықтың бөлшек несиеге деген сұранысы себеп болмақ. Агенттік елдегі базалық мөлшерлеме 14,25%-ға дейін төмендегеніне қарамастан, кредиттің пайыздық мөлшерлемесі жоғары болып тұрғанын атап өтеді.

«Ұлттық банк статистикасына сәйкес, 2024 жылдың 9 айында теңгемен берілетін несиенің орташа пайыздық ставкасы шамамен 100 базис пунктке өсті. Бұл несиеге деген жоғары сұраныс сақталып отырғанын байқатады. Ал теңгедегі мерзімді депозиттер бойынша тұрақты ставкалар банктердің таза пайыздық маржа алуына ықпал етед...

Түркістан облысында құны 146,8 млрд теңге болатын мақта өңдеу кешені салынады. Бұл жайлы Ауыл шаруашылығы министрлігінің баспасөз қызметі хабарлады.

Баспасөз қызметінің хабарлауынша, Түркістан облысындағы Turan арнайы экономикалық аймағында болашақ мақта агроөнеркәсіп кешенінің капсуласын салу рәсімі өткен.

Салтанатты шараға облыс әкімі Дархан Сатыбалды мен «Түркістан мақта агроөнеркәсіп кешені» ЖШС директоры Сюй Цзе қатысқан.

«Түркістан облысында мақта шаруашылығын жаңа деңгейге шығаруға мүмкіндік беретін 146,8 млрд теңгені құрайтын жоба жүзеге асырылады»,- делінген баспасөз хабарламасында.

Толық циклді тоқыма фабрикасы 11 цехтан құралады. Цехтардың әрқайсысында иіру, мата әзірлеу, бояу, өңдеу сынды жұмыстар жүзеге асыралатын болады...