Жаңалықтар

Атырау облысы Жылыой ауданына қарасты Шоқпартоғай ауылында бой көтерген жаңа балабақша ғимараты сүрілетін болды. Оның құрылысына 605 млн теңге жұмсалған. Бұл туралы жергілікті «Ақ Жайық» жазды.

«Балдәурен» балабақшасы «Игілік» бағдарламасы аясында салынған. Қаражатты «Теңізшевройл» компаниясы бөлген.

Ғимарат 2016 жылы пайдалануға берілгеннен кейін, оның қабырғалары бірден сөгіле бастаған. Бірнеше мәрте жөнделгеніне қарамастан, ғимараттың іргетасы отыра берген. 2022 жылы апатты ғимарат деп танылды. «Балдәурен» үш жылдан бері қаңырап бос тұр.

Балабақша ғимаратының сапасы неге нашар екені айтылмады. Оған кімдер кінәлі екені туралы да ешкім ештеңе демеді. Жылыой ауданы әкімінің орынбасары Гүлнафис Айшуақованың айтуынша, ғимарат аудандық білім бөлімі есебінде тұр. Техникалық сараптамадан...

Австралия билігі жапон бөденесінің зертханада өсірілген етін сатуға рұқсат берді. Енді мұндай етті дайындау барысында ешқандай құс зардап шекпейді.

Сидней қаласындағы Vow стартапы бірнеше апта бойы жергілікті мейрамханаларда бөдене жасушасынан өсірілген өнімді ұсынады. Ол үшін Австралия тамақ стандарты кодексіне өзгеріс енгізуге тура келді. Құжат 18 маусымда жарияланды.

Етті зертханада өсіру технологиясы адамзаттың табиғатқа келтіретін зардабын азайтады. Ет үшін ешқандай жануарды, құсты өлтірудің қажеті болмайды.

Әлемде үш ел ғана зертханада өсірілген етке рұқсат берді. Олар: АҚШ, Сингапур және Австралия. Алайда Құрама Штаттарда бірнеше штат мұндай етті сатуға тыйым салған. Соған байланысты бұл саланың дамуы әжептәуір тежелген.

Енді мұндай...

Еурокубок іріктеу сынына қатысатын клубтар жеребесі тартылды. «Қайрат», «Астана», «Ордабасы» және «Ақтөбе» кімдермен ойнайтыны мәлім болды.

Қазақстанның ең мықты төрт футбол клубы Чемпиондар лигасы, Еуропа лигасы және Конференция лигасы жарыстарының іріктеу сынына қатысады.

Қазақстан чемпионы «Қайрат» Чемпиондар лигасының іріктеу сынын Словенияның «Олимпиа» клубымен бастайды. Алғашқы матч 8 шілдеде Люблянада, қарымта ойын 15 шілдеде Алматыда өтеді.

Осы екі клубтың жеңімпазы екінші раундта кіммен ойнайтыны бүгін мәлім болды. «Қайрат» бірінші ойында жеңіске жетсе, оны «КуПС» фин клубы немесе Молдова чемпионы «Милсами» күтіп тұр.

«Ақтөбе» Еуропа лигасының алғашқы іріктеу матчын «Легиямен» өткізеді. Осы жұптың жеңімпазы екінші раундта «Баник» чех клубымен кездеседі.

Конференция...

TikTok әлеуметтік желісінде кино туралы қазақстандық жоба жүзеге асып жатыр. #нетамашалаймыз хештегі қазірдің өзінде желіні жаулап алды. Бұл – Clover Street Production компаниясының ауқымды жобасы.

TikTok арнайы Қазақстан үшін «Не тамашалаймыз» деп аталатын жоба дайындады. Мақсат – Қазақстан және шетел фильмдерін насихаттау.

Платформада қазірдің өзінде #нетамашалаймыз хештегімен 3 мыңнан аса видео бар. Жобаны Clover Street жүзеге асырып жатыр. Енді трендке шыққан фильмдер туралы роликтер оңай табылады.

Жоба аясында кино туралы ең үздік видеоға байқау жарияланды. 16 маусымнан бастап ай аяғына дейін жергілікті блогерлер осы байқауға қатыса алады. Ол үшін фильмге сараптама дайындап, роликті #нетамашалаймыз хештегімен жариялау қажет.

Авторлар 5093 теңгеге...

«Азаматтарға арналған үкімет» корпорациясы қазақстандықтардың дербес деректерінің таралып кетуіне байланысты мәлімдеме жасады.

Корпорация ХҚКО жүйесінде азаматтардың дербес деректерін қамтитын дербес дерекқор жоқ екенін атап өтіп, электрондық үкімет порталының қызметіне жауапты емес екенін хабарлады.

«Осыған орай, келесі маңызды жайттарды атап өтейік. ХҚКО ИАЖ-да азаматтардың жеке деректерін сақтайтын арнайы мәліметтер базасы жоқ. ХҚКО қызметкерлері бұл жүйелердегі жеке деректерге тікелей қол жеткізе алмайды. Сервистерге қосылу тек қызмет алушының келісімімен, биометрия немесе қолжетімділікті басқару жүйесі арқылы расталғаннан кейін ғана жүзеге асады», – делінген корпорация хабарламасында.

Корпорация осылайша ХҚКО азамат мемлекеттік қызметке өтініш бере алатын интерфейс қана екенін атап...

Назарбаев Университеті жатақханасында студент қыздың мәйіті табылды. Қылмыстық іс қозғалып, тергеу жүргізілуде.

Tengrinews ақпаратына қарағанда, ІІМ және университет ресми түсініктеме берді.

Университет қайғыра көңіл айтты

Назарбаев Университеті жатақханаларының бірінде студент қыздың мәйіті табылғаны туралы ақпаратты университеттің баспасөз қызметі растады. Оқиға орнына құқық қорғау органдары мен психологтар тартылған.

«Біз бұл қайғылы оқиғаға байланысты марқұмның жақындарына көңіл айтамыз. Оқиға толық бақылауда. Университет тарапынан материалдық және моральдық қолдау көрсетілуде», – делінген ресми мәлімдемеде.

Университет өкілдері қоғамнан құрмет пен сабыр сұрап, расталмаған ақпарат таратпауға шақырды.

ІІМ мәліметі

Мәжіліс кулуарында Қазақстанның ішкі істер министрі Ержан...

Иранның жоғарғы көсемі аятолла Әли Хаменеи иран халқы ешқашан берілмейді деп мәлімдеді. Бұл туралы жергілікті IRNA агенттігі хабарлады. Осының алдында АҚШ президенті Дональд Трамп Тегераннан «капитуляция» сұраған.

Аятолланың мәлімдеуінше, Иран ешкімнің «әміріне» бағынбайды, «өзгелер бастаған соғысқа» қарсы тұрады.

«Иранды, оның халқы мен тарихын білетін адам, ешқашан қоқан-лоқы тілімен сөйлеспейді. Себебі иран халқының бірлігі бұзылмайды. АҚШ-тың кез келген әскери әрекеті орны толмас шығын әкелетінін америкалықтар білуі тиіс», – деді Әли Хеменеи.

Жоғарғы көсем Израиль шабуылына Вашингтонның да қатысы болуы мүмкін екенін жоққа шығармады.

Бір күн бұрын Дональд Трамп «төзім таусылуға шақ қалғанын» жазып Тегераннан «Толықтай...

Су тасқынынан зардап шеккен халыққа деп жиналған ақшаны өз мақсатына жұмсап, аса ірі көлемде ақша жымқырды деп айыпталған Перизат Қайрат пен оның анасы Гайни Алашбаеваның ісі прокуратураға жолданды. Бұл туралы Қаржылық мониторинг агенттігі хабарлады.

Агенттіктің мәліметінше, алаяқтық және қылмыстық жолмен алынған ақша мен мүлікті заңдастыру фактілері бойынша сотқа дейінгі тергеп-тексеру аяқталған.

2025 жылғы 19 наурызда тараптар 109 томнан тұратын қылмыстық іс материалдарымен танысуға кірісіп, оны аяқтаған.

Залал сомасы 3,5 млрд теңгені құраған.

Ұрланған қаражатқа сатып алынған 865 млн теңге көлеміндегі мүлікке тыйым салынған.

Қылмыстық іс айыптау актісін бекіту және сотқа жолдау үшін Бас прокуратураға берілген.

Бұған дейін, ҚМА Перизат Қайрат су...

Кремль Ресейге кіруді шектегеннен кейін, Қазақстан қарсы жауап қайтаруы мүмкін. Бұл туралы Ішкі істер министрі Ержан Сәденов айтты.

Журналистер министрге Қазақстан Ресей азаматтарының елге келуіне қатысты шаралар қабылдай ма деген сұрақ қойды.

«Шаралар қабылданып жатыр. Біз халықаралық тәжірибеге қараймыз. Бірінші кезекте ұлттық мүдде ескерілуі керек», – деп жауап берді министр.

Оның сөзінше, шешім қабылдайтын кезде өзге елдердің тәжірибесі және ұлттық заңнама ескеріледі.

Еске салайық, көктемде Ресей шетел азаматтары мен азаматтығы жоқ адамдардың, соның ішінде Қазақстан азаматтарының визасыз кіруіне қатысты талаптарды өзгертті.

Нақты айтқанда, Қазақстан азаматтары (оның ішінде кәмелетке толмағандар менәрекетке қабілетсіз...

Таяу Шығыста жүрген отандастарымыз елге қайтарылып жатыр. Сыртқы істер министрлігі эвакуциялау барысы туралы жария етті.

«Эвакуациялық іс-шараларды дайындау және өткізу барысында қазақстандық дипломаттар тәулік бойы жергілікті билікпен іс-қимылды үйлестірілді. Маршруттардың логистикасын қамтамасыз етті», – делінген хабарламада.

Сонымен қатар министрлік құзыретті органдармен өзара іс-қимыл жасап, Қазақстан азаматтарына қолдау көрсеткен.

Қысқа уақыт ішінде 200-ден астам қазақстандық Таяу Шығыстан кеткісі келетінін айтып хабарласқан. Олардың бәріне көмек көрсетілген.

«Ирандағы барлық қазақстандықтармен үздіксіз байланыс орнатылды. Олардың алдын ала келісілген транзиттік бағыттары бойынша жүріп-тұруы ұйымдастырылды», – дейді СІМ баспасөз қызметі.

Министрліктің айтуынша, елге қайтару жұмыстары әл...

Freedom Bank клиенттері 2025 жылғы 15 қыркүйекке дейін салық декларациясын электронды түрде Freedom SuperApp қосымшасында тапсыра алады. Банк өкілдерінің айтуынша, кіріс автоматты түрде есептеліп және қажетті формада дайын болады

«Бұл клиенттерімізге декларацияны барынша жеңіл тапсыруға мүмкіндік береді, яғни қосымша сервисті пайдаланудың қажеті жоқ», – деп мәлімдеді Freedom Bank.

Сондай-ақ банк Freedom инвестициялық валютасы туралы еске салды. Бұл – клиенттерге сауда-саттық жасағаны үшін кэшбэк ретінде берілетін биржалық нота (ETN). Аталған қаржы құралы Астана халықаралық биржасында (AIX) саудаланады. АХҚО заңнамасына сәйкес, ETN бағалы қағаз саналады және кез келген басқа бағалы қағаз сынды декларацияда көрсетілуі тиіс.

ETN...

«Алматы паркинг» «Барахолка» аталып кеткен базарлар желісінің автотұрақтарына заңсыз орналастырылған сауда нүктелерін бұзып жатыр. Бұл туралы Vecher.kz сайты жазды.

Мониторинг барысында автотұрақтарда газ баллондары қолданылып, ашық отта тамақ әзірленетін заңсыз сауда жүргізілгені анықталған.

«Алматы паркинг» мұндай әрекеттер автотұрақ кеңістігін пайдалану талаптарын бұзып, адамдардың өмірі мен денсаулығына қауіп төндіретінін айтады.

«Мамандандырылған ауданаралық экономикалық соттың шешімімен «Адем» СОО алдындағы автотұрақта орналасқан 30 заңсыз құрылым бұзылды. Сонымен қатар, сот «Ялян» СОО жанындағы 37 осындай нысанды сүру туралы шешім шығарды. Сот орындаушылары бұл шешімді орындауға кірісіп, сүру жұмыстары басталып кетті», делінген хабарламада.

«Алматы паркинг» бұл шаралар автотұрақтарды өз бетімен салынған құрылыстардан...

Өрт болған «Ақжайық» мемлекеттік табиғи резерватының аумағын тікелей эфирден тамашалауға болады. Бұл жайлы Атырау облысы әкімдігінен хабарлады.

Жаңа қызметтің мақсаты – мониторингті күшейтіп, өрт болған жағдайда шұғыл әрекет ету.

«Енді әрбір тұрғын резерваттың аумағын бақылап, түтін байқаса, бірден шұғыл қызметке хабарласа алады», – деп хабарлайды облыстық әкімдіктің баспасөз қызметі.

«Ақжайық» резерватын тікелей эфирден көру үшін мына жерге өтіңіз.

Билік өкілдерінің мәліметінше, резеват аумағында үш стационарлы мұнара орнатылған. Тепловизор және камералармен жабдықталған, жағдайды тәулік бойы бақылайды. Бұл бюджет есебінен жүзеге асырылған.

Еске салайық, осы айдың басында Атырау маңында «Ақжайық» мемлекеттік...

Әнші Земфираның концерті болмайды. Ән кеші Алматының «Хан-Тәңірі» стадионында 6 шілде күнге жоспарланған.

Концерт неге өтпейді?

Концерттің болмайтынын Земфира өзінің инстаграмдағы парақшасында жазды.

«Менің сіздерге жағымсыз жаңалығым бар. Алматыдағы концерт өтпейтін болды. Әуелден бәрі сәтсіз басталған еді. Ұзақ келісімдер, концерт өтетін алаңның ауысуы, нәтижесінде концерт өткізуден ресми түрде бас тартты. «Хан-Тәңірі» стадионын қадағалайтын ректор ойдан шығарылған себеппен 2 апта қалғанда концертке тыйым салып отыр. Бұл өкіндіретін жағдай. Қазақстан, мен барынша сіздермен әдемі қоштасқым келіп еді. Қазақ тыңдармандары керемет! Мен сіздерге өткен концерттерді бірге өткізгендеріңіз үшін, жақсы естеліктер үшін алғысымды білдірем», – деп...

Кәрім Мәсімовтің түрмеде қалай жазасын өтеп жатқаны жайында Ішкі істер министрі Ержан Сәденов айтып берді. Денсаулығында кінәрат жоқ.

Министрдің айтуынша, сотталған азаматтың жағдайы қалыпты.

«Ол жазасын қалыпты жағдайда өтеп жатыр. Оның өкілдері көтерген барлық уәждер тексерілуде. Қазіргі таңда ресми түрде айтамын: оның жағдайы – қалыпты», — деді Ержан Сәденов.

Еске салайық, 2023 жылдың сәуірінде Кәрім Мәсімов 18 жылға бас бостандығынан айырылған. Ол мемлекетке опасыздық жасау, билікті күшпен басып алуға әрекеттену және қызметтік өкілеттігін асыра пайдалану баптары бойынша кінәлі деп танылған.

2024 жылдың маусымында Мәсімов президент Қасым-Жомарт Тоқаевқа рақымшылық сұрап өтініш білдірген. Алайда оның өтініші қанағаттандырылмады.

Моноқалаларды дамытуға кейінгі төрт жылда 500 млрд теңге инвестиция салынды. Бұл туралы Ұлттық экономика вице-министрі Бауыржан Омарбеков моноқалаларды дамыту мәселелері жөніндегі кеңесте хабарлады.

Оның айтуынша, моноқалалардағы инфрақұрылымды жақсарту мақсатында орталық мемлекеттік органдар мен облыс әкімдіктері жыл сайын қаржы бөледі.

2020 жылдан 2024 жылға дейін бұл мақсатқа жалпы сомасы 512,4 млрд теңге бөлінген. Оның ішінде 241,6 млрд теңге республикалық бюджет есебінен бағытталған.

2025 жылға арналған жоспар бойынша 106,6 млрд теңге, оның ішінде 28,7 млрд теңге республикалық бюджеттен бөлінуі көзделіп отыр.

Сонымен қатар «Энергетикалық және коммуналдық секторларды жаңғырту» ұлттық жобасы аясында 2025–2028 жылдар аралығында моноқалаларда жалпы құны 82,4 млрд теңгені құрайтын...

Қазақстанда тегін заңгерлік көмек беретін мобильді қосымша әзірленіп жатыр. Бұл жайлы әділет вице-министрі Бекболат Молдабеков мәлімдеді.

Қосымшада барлық заңгерлік сервис жинақталады. Мәселен, азаматтар бұл қосымша арқылы елден шығуға тыйым салынған-салынбағанын тексере алады, адвокат немесе заң кеңесшісін таңдап, сенімхат рәсімдей алады. Мобильді сервис арқылы тегін заңгерлік кеңес алу мүмкіндігі де қарастырылған.

«Сіздер видео немесе аудио қоңырау арқылы тегін адвокат, заңгерлерден консультация ала аласыз. Ол жерде ЖИ енгізілген чат-бот болады. Егер сұрағыңыз сіз үшін ауыр және оны өзге адамға қоя алмасаңыз, оны ЖИ-ға жаза аласыз. Ол заң бойынша жауап береді», – деді Молдабеков брифинг кезінде.

Чат-бот...

Нұрғанат Ғайыпбаевтың жұмбақ өлімі мен Қаржаубай Нұрымовтың Талғардағы үйін өртеу  ісі бойынша тергеу жалғасып жатыр.

Азаттық ақпаратына қарағанда, бұл туралы Ішкі істер министрі Ержан Сәденов мәлімдеді.

Екі іс те тергеу сатысында

Қазақстан Ішкі істер министрі Ержан Сәденов сәрсенбі күні журналистерге берген жауабында Қаржаубай Нұрымовтың үйінің өртенуі мен Нұрғанат Ғайыпбаевтың өліміне қатысты қылмыстық істердің тергеу сатысында екенін мәлімдеді.

«Іс арнайы прокурордың өндірісінде. Ол жақта тергеу амалдары жүріп жатыр. Тергеу амалдарына қатысты түсініктеме бере алмаймын. Бәрін бақылауда ұстап отырмыз» – деді министр.

Ғайыпбаевтың өлімі: суицид пе, әлде қастандық па?

Министрдің айтуынша, Нұрғанат...

Қазақстан Халықаралық Қайта Құру және Даму Банкінен 13 млрд иен қарыз алмақшы. Бұл қаражат негізінен ауылды жерлерде интернет пен байланысты жақсарту үшін жұмсалады. Мәжілісте тиісті Заң жобасы талқыланды.

Депутат Нұртай Сабильянов Астанада Қазақста мен Халықаралық Қайта Құру және Даму Банкі арасында 2024 жылдың 12 желтоқсанында келісім жасалғананын, оған сәйкес халықаралық банктің жеңілдікпен қарыз беретінін айтты.

«Келісім мақсаты ауылдық елдімекендер тұрғындарының Қазақстанның қызмет көрсетілмейтін және қызмет жеткіліксіз көрсетілетін аудандарында сапасы жоғары және тұрақты кеңжолақты байланыс инфрақұрылымына қолжетімділігін қамтамасыз етуге бағытталған жобаны іске асыру үшін қарыз алу», – деді депутат Нұртай Сабильянов.

Келісімге...

Қаржы министрлігі 854 блогер салық есебінде 72 млрд теңгені кем көрсетті деп ескерту жіберген. Осы ескертуді алған 394 блогер 11,8 млрд теңге салығын төлеп тастаған. Енді қалған 438 блогерге тексеру жүргізілмек. Бұл туралы кулуарда Қаржы министрі Мәди Такиев айтты.

«Бұл блогерлер ескету жіберілгеніне қарамастан, салықты төлемей жүр. Сондықтан тексеріс жүргіземіз. Олар 2026 жылдың 31 наурызына дейін салығын төлеп тастауы тиіс», – деді министр.

Сонымен қатар министр Сәкен Майғазиев онлайн тойынан түскен табысынан заңға сәйкес салық төлеуі керек екенін айтты.

Ақпанның аяғында санаулы блогер ғана табыс төлегені мәлім болды. Бұған дейін ескерту алған жүздеген блогер...

«Даму» қорының басқарма мүшелері 2024 жылы 233,8 млн теңге көлемінде сыйақы алған. Бұл жайлы Қазақстан қор биржасында жарияланған хабарламада жазылған. Аталған сомаға басқарушылардың жалақысы мен басқа сыйақылар да енгізілген.

Былтыр берілген сыйақы көлемі 2023 жылмен салыстырғанда 20,3 млн теңгеге артық.

Қазір қордың директорлар кеңесінің құрамында жеті адам бар: Серік Жұманғарин, Елена Бахмутова, Райымбек Баталов, Ардақ Қасымбек, Рустам Қарағойшин, Жандос Шайхы және Гаухар Бүрібаева.

Биыл «Даму» қорының басқарма төрағасы болып Фархат Сәрсекеев тағайындалды. Оған дейін бұл қызметте Гаухар Бүрібаева отырған, қазір ол Қазақстан премьер-министрінің кеңесшісі болып тағайындалған.

Қордың қаржылай есебіне сүйенсек, 2024 жылда таза пайдасы 69,7%-ға, яғни...

«Самұрық-Қазына» мен оның еншілес ұйымдарының негізгі басқарушылары бір жылда 7,7 млрд теңге табыс тапқан.

Бұл қаражат 2024 жылғы 31 желтоқсанда аяқталған жыл бойынша қордың жиынтық кірісі туралы есептегі жалпы және әкімшілік шығындарға енгізілген.

Онда «Самұрық-Қазына» ұлттық әл-ауқат қоры мен оның еншілес ұйымдарының директорлар кеңесі мен басқарма мүшелері – яғни негізгі басқарушы персонал – бір жыл ішінде жалпы 7, 6 млн-нан аса теңге көлемінде сыйақы алғаны» көрсетілген.  

Ал 2023 жылғы дәл осындай кезеңде бұл көрсеткіш 7,6 млрд-тан аса теңге болған.

Бұл туралы KASE сайтында жарияланған «Самұрық-Қазынаның» қаржылық есептілігі бойынша тәуелсіз аудитордың есебінде айтылған.

Ақпаратқа сәйкес, бұл сыйақылар негізінен еңбек...

«Самұрық-Қазына» «Қазақстан халқына қорына» 74,8 млрд теңге аударады. Акционердің шешімі Қазақстан қор биржасында жарияланған.

«Самұрық-Қазына» ұлттық әл-ауқат қорының жалғыз акционері 2024 жылға арналған таза табысты бөлу тәртібін бекіткен.

Қордың таза табысы 2,35 трлн теңгені құраған. Осы соманың бір бөлігі нақты әлеуметтік және аймақтық мақсаттарға бағытталатын болды. Атап айтқанда, 74,8 млрд теңгесі «Қазақстан халқына» қоғамдық қорына бөлінеді. Бұл сома әлеуметтік жобаларды, денсаулық сақтау, білім беру және басқа да маңызды салалардағы бастамаларды қолдауға жұмсалады.

Сонымен қатар, 46,6 млрд теңгесі жергілікті атқарушы органдарды, яғни әкімдіктерді қаржыландыруға бағытталады.

Ал таза пайданың қалған бөлігі қордың өзінде қалады. Бұл ақшамен қор қарызын жауып...

АҚШ президенті Дональд Трамп танымал TikTok әлеуметтік медиа платформасын бұғаттау туралы шешімінің күшін тағы ұзартты. Бұл туралы NBC News жазады.

Қолданыстағы заңнамаға сәйкес, қытайлық ByteDance компаниясына тиесілі TikTok техникалық тұрғыдан АҚШ-та тыйым салынған қосымша болып саналады. Бірақ Трамп ол бұйрыққа қол қоюға асығар емес.

«Президент Трамп мұны бірнеше рет айтқан — ол TikTok-тың көлеңкеге кетуін қаламайды», — деді Ақ үйдің баспасөз хатшысы Кэролин Ливитт.

Оның айтуынша, осы жолы Трамп шешімін тағы 90 күнге ұзартып отыр. Осы уақыт ішінде әкімшілік аталған мәмілені аяқтау үшін жұмыс істемек.

Трамп бұған дейін де TikTok-ты бұғаттама...