Жаңалықтар

Маңғыстау облысының Түпқараған ауданында Каспий теңізінің жағасында Қызыл кітапқа енген 151 итбалықтың өлексесі табылды. Бұл жайында қоғам белсендісі, блогер  Азамат Сәрсенбаев өзінің әлеуметтік желідегі парақшасында хабарлады.

Жануарлардың жаппай қырылуының себебі әлі белгісіз. Блогердің сөзінше, дауылдан кейін қызыл кітапқа енген жүздеген итбалық өліп, жағалауға шығып қалған.

«Қазіргі уақытта ғалымдар 151 ұшаны санады. Олардың көбінің денесінде механикалық зақым бар. Ғалымдардың айтуынша, өлген итбалықтардың кейбірінің денелерінде механикалық зақым бар», – дейді блогер. 

Ал, Ауыл шаруашылығы министрлігі «Курсивке»  төрт күн бұрын инспекция қызметкерлері өлі жануарлардың өлекселерін тапқанын хабарлады.

«Оқиға орнына инспекцияның, жергілікті атқарушы органдардың, гидробиология және экология институтыны...

Қазақстанның Қорғаныс министрлігі ҰҚШҰ келісіміне өзгеріс енгізбекші. Оған сәйкес, ҰҚШҰ контингенті ұйымға мүше мемлекеттерге кенеттен тексеру үшін кіре алады. «Кенеттен тексеруге» қандай нысандар жатқызылатынын және тексеру қандай жағдайда жүргізілетінін нақтылау үшін KursivMedia редакциясы министрлікке сауал жолдаған болатын.

Қорғаныс министрлігінің хабарлауынша, бұл өзгеріс ұжымдық қауіпсіздік жүйесінің күштері мүше мемлекеттердің аумағында уақытша болуына қатысты құқықтық базаны жетілдіру мақсатында әзірленген.

«Хаттама жобасында: ҰҚШҰ-ның ұжымдық қауіпсіздік жүйесінің күштері мен құралдары құрылымдарының жұмыс істеуін қамтамасыз етуге қажетті қызметтерді ұсыну бойынша ҰҚШҰ мүше мемлекеттерінің міндеттемелерін реттейтін құқықтық нормаларды жаңарту; ҰҚШҰ аясында бірлескен оқу-жаттығулар мен күтпеген тексерулерге қатысу барысында, сондай-ақ оқу-жаттығу...

Қыркүйек айында жеке тұлғалардың депозиттері бойынша (теңге) орташа мөлшерлеме 13,4%-ға дейін төмендеді. Бұл туралы Ұлттық банк сайтындағы жедел статистикада жазылған.

Теңгедегі депозиттердің пайызы төмендеді

Тамызда жеке тұлғалардың теңгедегі депозиттері бойынша орташа мөлшерлеме 13,5%-ды құраған. Демек көрсеткіш 0,1%-ға азайған. Бұл 2022 жылдың желтоқсанынан бастап ең төменгі динамика болып есептеледі. Ал шетел валютасындағы депозиттердің мөлшерлемесі өзгерген жоқ (0,9%).

Бұл ретте жеке тұлғалар үшін ең тиімдісі 1-3 айлық теңгелік депозиттер. Олардың пайыздық мөлшерлемесі шамамен – 15,4%-ды құрайды. Тамызда көрсеткіш рекордтық 15,6%-ға жеткен. Қыркүйекте 0,2%-ға төмендеді.

Заңды тұлғалар үшін көрсеткіш өсті

Ал заңды тұлғалар үшін теңгелік депозиттердің орташа мөлшерлемесі өткен айға қарағанда...

Қазан айында Қаржы министрлігінде ашылған «Арнайы мемлекеттік қорға» түскен қаржы көлемі 177,7 млрд теңге болды. Ал басқарушы компанияның теңгерімінде әлі құны 90,3 млрд теңге болатын 254 актив бар. Бұл туралы Қаржы министрлігінің баспасөз қызметі хабарлады. 

Оның 171 млрд теңгесі – мемлекет меншігіне қайтарылған қаражат. 6,5 млрд теңгесі активтерді басқару мен сатудан түскен.

Бірақ заңсыз жолмен табылған активтердің кімнен қайтарылғаны ашық айтылмады. Бір анығы, биліктің бұл активтерді тәркілеуден гөрі, ерікті түрде қайтаруға мүмкіндік беріп отырғаны мәлім.

Қаржы министрлігінің хабарлауынша, Арнайы мемлекеттік қордың қаржысы әлеуметтік және экономикалық жобаларды қаржыландыруға жұмсалмақ.

«Активтер әртүрлі. Компаниялардағы үлестен бастап жылжымайтын мүлікке дейін...

Назарбаевтың серігі, ҰҚК бұрынғы төрағасы Нұртай Әбіқаев волейбол федерациясы төрағалығынан кетті. Бұл туралы 27 қазан күні Алматыда Қазақстан волейбол федерациясының (КВФ) есеп беру коференциясында айтылды.

Кездесу барысында 17 облыс пен Астана, Алматы, Шымкент қалаларының делегаттары, сонымен қатар өкілеттілікті иеленген КВФ жетекшілері дауыс беру арқылы жаңа президент ретінде Мәди Такиев сайланды.

Айта кетейік, Нұртай Әбіқаев федерацияны 26 жыл бойы басқарып келген. Алайда жазда волейбол құрамасы келесі олимпиадалық маусымға жаңа президентпен дайындалатынын айтқан еді.

Еске сала кетсек, 2024 жылғы Парижде өткен жазғы олимпиада ойындарына Қазақстан волейбол құрамасы лицензия ала алмады.

Конференцияда 64 делегаттың 43-і Такиевтің кандидатурасын қолдаса, 11-і қалыс...

«Қазақстанның шағын және орта бизнесінің бизнес барометрі» (ШОБ ББ) кешенді зерттеуі аясында United Research Technologies Group (URTG) еліміздегі өндірістік және өндірістік емес салалардағы 500 шақты микро, шағын және орта бизнес өкілдері арасында тоқсан сайын сауалнама жүргізіп отырады. Бұл зерттеу аясындағы іріктеме республика халқының жалпы санына шаққандағы кәсіпкерлік субъектілерінің саны мен еліміздің жалпы ішкі өніміне олардың қосқан үлесін көрсететін аймақтық және салалық (сауда, өңдеуші және өндіруші өнеркәсіп, ауыл шаруашылығы, құрылыс және қызмет көрсету саласы) квоталар мен бизнес көлемін ескере отырып жасалады.

ШОБ бизнес барометрі үш индекс тобынан құралған, атап айтсақ, біріншісі – іскерлік көңіл-күйдің композиттік индексі (ІКИ), өз кезегінде ол төрт...

Алматы облысы Талғар ауданындағы Шерзат Болаттың өліміне байланысты тергеуде тағы бір қылмыстық іс тіркелген. Бұл туралы мәжіліс депутаттарының ресми сауалына жауабында Ішкі істер министрі Ержан Саденов жазған.

Министрдің жауабына сүйенсек, 5-қылмыстық іс 432-бап бойынша ашылған. Яғни «қылмысты жасырып қалу» фактісі тергеліп жатыр. Бұл факт бойынша кімнің үстінен іс қозғалғаны туралы ақпарат берілмеген.

Сонымен қатар, жауапта осы іске байланысты кісі өлтірді деген күдікпен 8 адам және қылмыс туралы хабарламау фактісімен 3 адам сот санкциясымен қамауға алынғанын атап өткен.

«Тергеу жалғасуда, оның барысында оқиға болған жерде болған басқа да адамдардың қатыстылығы тексеріліп, әрекеттеріне құқықтық баға берілетін болады...

Қазіргі жағдайда Қазақстанның қос қор биржасы – Қазақстан қор биржасы (KASE) мен Астана халықаралық биржасының (AIX) құрылымы мен қызметі өзгеріссіз қалады. Бұл туралы KursivMedia-ның ресми сауалына Ұлттық банктің берген жауабында жазылған.

2023 жылы Президент Қасым-Жомарт Тоқаев екі сауда алаңын біріктіру мәселесін қарастыруды тапсырған болатын.

ҰБ Монетарлық операциялар департаменті директорының міндетін атқарушы Батур Вахидовтың қолы қойылған жауапта:

«Қазақстан Республикасы Ұлттық Банкінің монетарлық операциялар департаменті KASE және AIX бірігуіне қатысты өтінішіңізді қарап, ағымдағы жағдайлар шеңберінде Қазақстанның қор биржаларының құрылымы мен функционалы өзгеріссіз қалатынын хабарлайды», – делінген.

KASE мен AIX-ті біріктіру мәселесі

Туризм және спорт министрлігі казино мен лотерея ойнатуға рұқсаты жоқ платформалардың тізімін жаңартып, тағы бірнеше интернет-ресурсты қосты.

«Тізімге ҚР Заңының 6-бабының 2-тармағында тыйым салынған интернет-казино белгілері бар 1820 бірегей желілік мекенжай енді. Бұл тізім Комитеттің жүйелі ақпарат жинап, интернет-казино мен заңсыз букмекерлік қызметтердің жұмысын анықтағаны нәтижесінде жасалды», – делінген министрлік хабарламасында.

Тізімге енген платформалар арасында Sultan Games, Vavada, Play Fortuna, Riobet, Pin Up, Casino-X сынды ресурстар бар.

Бұған қоса, тізімге әрдайым Telegram және WhatsApp мессенджерлері арқылы ойын ойнататын топтар да қосылып отырылады. Кез келген азамат сайттар мен әлеуметтік желідегі күдікті парақшалар туралы министрлікке хабарлай алады.

Жеке тұлғаларға берілген теңгедегі кредиттердің орташа мөлшерлемесі қыркүйектің аяғында 20,2%-дан 21,6%-ға дейін өсті. Бұл туралы Ұлттық банктің Қазақстанның банк секторы мен екінші деңгейдегі банктердің экономиканы кредиттеуі туралы деректерінде жазылған.

Айта кететіні, бұл ретте шілде айынан бастап базалық мөлшерлеме өзгеріссіз қалды (14,25%). Сәуірден маусымға дейін теңгедегі несие арзандаған еді.

Қыркүйек айында жеке тұлғалар үшін шетел валютасында несие алу тиімдірек бола түсті. Мөлшерлеме 5,4%-дан 4,4%-ға төмендеді.
Бұл ретте заңды тұлғалар үшін теңгедегі несиелер бойынша мөлшерлеме өзгеріссіз, 17,6% деңгейінде қалды. Ал шетел валютасында керісінше 6,7%-дан 7,2%-ға дейін өсті.

Бизнеске кредиттер кәсіпкерлік субъектілері (ірі, орта және шағын) бойынша ақпаратты қамтиды. Ал...

Индонезия үкіметі Apple Inc. компаниясына iPhone 16 құрылғыларын сатуға тыйым салды. Бұл жайлы Bloomberg хабарлады.

Басылымның хабарлауынша, компания инвестициялық талаптарды орындамаған. Атап айтқанда, Индонезия үкіметі PT Apple Indonesia компаниясына жергілікті қамту көлемін 40%-ға жеткізу туралы талап қойған. Алайда компания бұл талаптарды лайықты деңгейде орындамаған.

Сонымен бірге Apple компаниясы Индонезияға 1,5 триллион рупий (95 миллион доллар) көлемінде инвестиция салған. Алайда бұл көлем 1,7 трлн рупий міндеттемесінен әлдеқайда төмен.

Оңтүстік-Шығыс Азияның ең ірі экономикасы саналатын Индонезияда соңғы шыққан iPhone моделі сатылмайтын болса, компания айтарлықтай табыс көрмеуі мүмкін. Өйткені Индонезия экономикасы 1 триллион долларды құрайды. Елдегі ұялы телефон тұтыну көлем...

 «За нами уже выехали» Youtube арнасын енді Қазақстанның тұңғыш президентінің бұрынғы баспасөз хатшысының ұлы Әсет Матаев басқаратын болады. Күнделікті ақпарат ағынын талдаудан шаршағанын айтқан журналист Дмитрий Дубовицкий, жеті жылдан артық дамытқан арнасын медиаменеджерге табыстамақшы.  

«Бұл кликбейт емес. Бұл шынымен осы арнадағы менің соңғы рет шығуым. Бір қарағанда, Дима шынымен де қызған шақта кетіп қалғандай көрінеді. Бірақ олай емес. Бұл күтпеген шешім емес, ұзақ уақыт ойда жүрді. Жаңалық ағынын талдаудан шаршадым. Аптасына үш-төрт шығарылым жасауды тоқтаттым, сондықтан да белгілі бір ұят сезімі пайда болғандай… Сіздер одан да кең ауқымдағы контентке лайықсыздар», — деді Дмитрий эфирде.

Ол кейінг...

Футболдан 68-ші «Алтын доп» жүлдесін табыстау рәсімі 28 қазан күні Париждегі Шатле театрының алаңында өтеді. Бұл туралы UEFA.com хабарлады. Марапаттау рәсімі Қазақстан уақыты бойынша 23:00-де басталады.

UEFA мәліметінше, бұл шарада France Football және L’Équipe иелері – әлемнің үздік футболшысын, үздік жаттықтырушы, ең жас ойыншы, үздік қақпашы мен ең көп гол салған ойыншыны марапаттайды.

Сарапшылардың пікірінше «Алтын допқа» басты үміткерлердің бірі мадридтік «Реал» клубының ойыншысы Винисиус Жуниор. Сонымен қатар үміткерлер тізімінде «Манчестер Сити» клубының ойыншысы Родри, «Реал» ойыншысы Килиан Мбаппе, «Манчестер Сити» құрамындағы Эрлинг Холанд, «Реал» футболшысы Джуд Беллингем, «Бавария» ойыншысы Гарри Кейн және «Барселона» клубының жас ойыншысы Ламин Ямаль...

Қазақстан Франциямен бірлесіп, АЭС салынуы тиіс Балқаш көліне зерттеу жүргізеді. Бұл жайлы Су ресурстары және ирригация министрлігінің баспасөз қызметі хабарлады.

«Су ресурстары және ирригация министрі Нұржан Нұржігітов Францияның Қазақстандағы Төтенше және Өкілетті Елшісі Сильван Гиогемен кездесіп, екіжақты ынтымақтастық бағыттарын талқылады», – делінген хабарламада.

Кездесу барысында екі ел тарапы арнайы меморандумға қол қоюға келіскен. Атап айтқанда Францияның даму агенттігімен (AFD) және Францияның геологиялық және тау-кен зерттеулер бюросымен (BRGM) ынтымақтастық туралы меморандумға және үшжақты келісімге қол қоймақшы. Осы келісім негізенде министрлік аталған ұйымдармен бірлесіп Іле-Балқаш бассейніне кешенді зерттеу жүргізеді. Сонымен қатар шетелдік ұйым...

Қытайдың өнеркәсіп секторының пайдасы төмендеп келеді. Бұған елдегі дефляцияның әсері бар. Әртүрлі активтердің дәстүрлі түзетулері енді жұмыс істемейді. Ал Netflix «Таңдаулы жетілік» құрамындағы Tesla-ны алмастыруы мүмкін. Осы және өзге де тақырыптар туралы демалыс күндеріне арналған әлемдік БАҚ шолуынан оқыңыз.

Nvidia Apple-ды басып озды: одан әрі не болмақ?

Өткен жұма, 25 қазанда Nvidia Apple-ды әлемдегі ең қымбат компаниялар тізімінен ығыстырып шығарды. LSEG мәліметтері бойынша, Nvidia акцияларының нарықтық құны қысқа уақыт ішінде 3,53 трлн долларға жетіп, Apple көрсеткішінен (3,52 трлн доллар) асып түсті. Маусым айында чип өндіруші шарықтау шыңына жеткен-ді, бірақ кейіннен көшбасшылық орнынан айырылды. Reuters осы жолы Nvidia-ның бұл...

Алматының бейнемониторинг жүйесіне 45 мың камера қосылды. Бұл туралы қаланың цифрландыру басқармасы мен әкімдіктің жобалық кеңсесі мәлімдеді.

Басқарманың мәліметінше, ББЖ жобасының басты мақсаты – қаладағы барлық бейнебақылау камераларын бір платформаға біріктіру. Бұл мүмкіндік бейнеағындарды түрлі тапсырмаларға тиімді түрде пайдалануға және нақты уақыт режимінде бейне талдау жүргізуге арналған.

Бейне талдау түтін, от, заттар, табиғи және техногендік төтенше жағдайларды, киім, жыныс және бет-әлпетті тану сияқты аспектілер негізінде жүзеге асырылады.

Қазіргі уақытта 603 мемлекеттік және 906 жеке нысанның бейнеағындарын ББЖ-ға қосу жұмыстары жүргізіліп жатыр. Жалпы бірыңғай бейнемониторинг жүйесіне 45 мың камера қосылды. Биылғы жылдың екінші тоқсанда «Сергек» зияткерлік қауіпсіздік жүйесіне 300 жаңа аппараттық-бағдарламалы...

Жапонияда Парламент сайлауында биліктегі партия бірнеше позициясынан айырылғаннан кейін, жапон иені мен қор нарығы әлсірейді деп күтілуде.

Reuters ақпаратына сүйенсек, елдегі мерзімінен бұрын өткен парламенттік сайлауда премьер-министр Шигеру Исиба бастаған «Комайто» партиясы мен Либералды-демократиялық партия (ЛДП) басқарушы коалиция құқығынан айырылды. Парламентте абсолютті көпшілік коалиция болу үшін 233 мандат қажет.

Дауыстарды санағаннан кейін, ЛДП мен «Комайто» бұрынғы 279 депутаттық орынның орнына 209 мандат алды. Өз кезегінде Жапонияның оппозициялық Конституциялық-демократиялық партиясы (КДП) алдын-ала мәліметтер бойынша парламенттегі өкілдігін 98-ден 143 мандатқа дейін арттырды. 

Сайлау қорытындысы Үкімет құрамының өзгеруіне әсер етпейді. Дегенмен премьер-министрдің ұсыныстары абсолютті көпшілік дауыс жинай алмайды. Яғни Үкімет өз саясатын...

Астананың Сарыарқа ауданында көп қабатты тұрғын үйлердің бірінде 3 адам лифтіде қалып қойып, оларды құтқарушылар шығарып алған.

Төтенше жағдайлар департаменті таратқан ақпаратқа сүйенсек, алдымен олар лифтіге жауапты компанияның қолдау қызметіне хабарласқан.

Алайда ауа тарылып, бір адам өзін жайсыз сезіне бастағандықтан, 112 қызметін шақырған. Құтқарушылар гидравликалық құралдармен лифт есігін ашқан.

Айта кетейік, лифт ішінде қалып қойған жағдайға құтқарушылардың арнайы нұсқаулығы бар:

Қазақстандық 20 жастағы еркін стильдегі балуан Ризабек Айтмұхан Албанияның Тирана қаласында өткен жастар арасындағы әлем чемпионатында (23 жасқа дейін) жеңіске жетті. Ол финалдық бәсекеде ирандық Махди Морафамен кездесіп, 97 килограмм салмақта бақ сынады.

Күрес бастала салып, алғашқы ұпайды Морафа иеленді. Алайда Айтмұхан тез арада есепті теңестіріп, алғашқы кезеңнің соңына дейін әрқайсысы бір-бір ұпайдан иеленді. Екінші кезеңді белсенді бастаған қазақ балуаны, қысқа уақытта 6:2 есебімен алға шықты.

Ризабек Айтмұхан кездесуде толық басым болып, есепті 11:4-ке дейін жеткізді. Соңғы минуттарда Морафа тағы екі балл алды, бірақ бұл Айтмұханның жеңісіне әсер еткен жоқ. Нәтижесінде Ризабек Айтмұхан финалдық кездесуді 11:6 есебімен жеңіп...

Грузия президенті Саломе Зурабишвили мен оппозиция партия 26 қазанда өткен Парламент сайлауының нәтижесін мойындаудан бас тартты.

Оппозиция өкілдері жиналған брифингте президент дауыс беруді «толығымен бұрмаланған» деп мәлімдеді.

«Сайлау нәтижесін мойындау мүмкін емес. Бұл Ресейдің елімізге келгенін мойындаумен, Грузияның Ресейге бағынуымен тең. Біздің ата-бабамыз бұл үшін күрескен жоқ. Біз нәтижені мойындамаймыз», – деді ол.

Зурабишвили грузиндерді 28 қазанда Тбилисидің орталығындағы Руставели даңғылындағы сайлауға қарсы демонстрацияға шығуға шақырды. Бірнеше оппозициялық партиялар мен түрмеде отырған бұрынғы президент Михаил Саакашвили де грузиндерді көшеге шығуға шақырды.

ЕуроОдақ сайлаудың кезінде жасалған құқық бұзушылықтарға қатысты тергеу жүргізуге шақырды. 

Израильдің Тель-Авивь қаласының маңында жүк көлігі автобус аялдамасына түйісті. Оқыс оқиға салдарынан 35 адам ауруханаға жеткізілді. Оның ішінде алты адам өте ауыр халде жатыр. Кейін бір адамның көз жұмғаны белгілі болды.

Полиция мұны қолдан ұйымдастырылған қастандық деп санайды. Қазіргі уақытта тергеу жұмысы басталған.

Аялдама әскери базаға жақын орналасқан. Автобустан түскендердің көбі қарт адамдар болған. Оқиға Тель-Авивке жақын Рамат-Хашарон қаласында халық шоғырланған Ахарон Ярив бульварында болды.

Жүк көлігінің жүргізушісін белгісіз біреу атып кеткен. Зардап шеккендерге жедел медициналық көмек көрсету үшін оқиға болған жерді полиция қызметкерлері қоршап тұрды.

Айта кетейік, сенбіге қараған түні Израильдің әуе күштері зымырандармен атқылап, әуе қорғанысы нысандарына...

Өмірдің мәні — істеген істен ләззат алу. Гедонизм философиясы осылай дейді. Яғни адам ғұмырындағы ең ұлы игілік рахат сезімімен байланыстырады. Ал өзге құндылықтар — сол ләззат алуға көмектесетін құралдар деседі. Былайша айтқанда, өмір мәні жетістікке жетіп, соған қуанудан тұрады дегенді меңзейді. Бұл қайдан шыққан көзқарас? Қандай негіздерге сүйенеді? Бүгінгі материалымызда осы туралы айтамыз.

Гедонизм деген не?

Гедонизм — адам табиғатынан ләззатқа ұмтылады дегенге сүйенетін этикалық көзқарас. Көне грек тіліндегі «хедонэ» деген сөзден шыққан. Мағынасы — рахат, ләззат. Көбіне гедонизмді эпикуреизммен шатастырып жатады. Екеуінде де адам өмірінің мәні ләззатқа келіп тіреледі. Бірақ екеуінің айырмашылығы барын ұмытпау керек. Одан қала берд...

Иран әуе қатынасын қайтадан жандандырды. Бұл жөнінде Азаматтық авиация ұйымының өкілі Жафар Йазерлу мәлімдеді.

Бүкіл ел бойынша тоқтатылған рейстер 26 қазан күні таңғы сағат 9:00-де қалпына келтірілді.

Сенбі, 26 қазанға қараған түні, Израиль шабуыл жасағаннан кейін, кейбір елдер рейстер уақытын өзгерткен. Иран мен Ирак әуе кеңістігін жапты. Тегеран сағат 9:00-ге дейін рейстерді тоқтатқанын мәлімдеді.

Uzbekistan Airports баспасөз қызметі Иран арқылы ұшатын рейстердің кешіккенін хабарлады. Ташкенттен ұшып, Кувейтке 04:50-де қонуды жоспарланған Jazeera Airways J9-1650 рейсі бойынша жолаушылар кері оралды. Fly Dubai ұшағы Ташкент-Дубай бағыты бойынша FZ-1942 рейсі бойынша ұшақ 04:58-де көтеріліп, Ташкент уақытымен 06:58-де Ашхабадтағы қосалқы аэродромға қонуына тура келді.

Flightradar...

2024 жылдың 9 айының қорытындысы бойынша тау-кен өндіруші компаниялар 2023 жылдың сәйкес кезеңімен салыстырғанда, темір кенін өндіруді төрттен біріне дерлік арттырып, 42,6 млн тоннаға дейін жеткізді.

Ұлттық статистика бюросы дерегін dprom.kz талдаған. Соған сай жылдық көрсеткіш бойынша қыркүйек айында өндіріс көлемі (4,8 млн тонна) 28,5%-ға өсті, дегенмен биылғы тамыз есебіне қарағанда 5,5%-ға төмендеді.

Күзге қарай Қазақстанда темір түйіршіктерін өндіру қарқын алды. Осы өнімдерді шығару биылғы үш тоқсанда 2023 жылдың 9 айымен салыстырғанда 33,1%-ға өсіп, 4,3 миллион тоннаны құрады. Қыркүйек айында 452,1 мың тонна түйіршік өндірілді. Бұл бір жыл бұрынғы көрсеткіштен 70,5%-ға, ал алдыңғы аймен салыстырғанда 34,3%-ға артық.

2024 жылдың басынан...