Жаңалықтар

Туризм және спорт министрлігі Таяу Шығыстағы жағдайға байланысты Иран, Израиль, Сирия, Ирак, Иордания және Ливан аумағында, әуе кеңістігінде және оған жақын аймақтарда ұшуға толық тыйым салынғанын хабарлады.

Министрліктің мәліметінше, мұндай шектеуді Азаматтық авиация комитеті енгізген. Шектеу арнайы бұйрық шыққанға дейін күшінде болады.

Аталған ведомствоның нұсқауы отандық әуе тасымалдаушылардың барлық тұрақты және тұрақсыз жолаушылар, жүк, сондай-ақ техникалық рейстеріне қатысты.

«Осыған байланысты туристерден жағдайды жіті қадағалап, сапарларын, әсіресе БАӘ мен Парсы шығанағы елдеріне баруды мұқият жоспарлауды сұраймыз. Аталған өңірдегі ахуал өзгерген жағдайда Қазақстанның Авиациялық әкімшілігінің авиациялық қауіпсіздік департаменті қосымша ақпарат ұсынады», – делінген хабарламада.

Туризм және...

Қытай автонарығында көлік бағасы құлдырай бастады. Автоөндірушілер сатылым көлемінің төмендеуі, ішкі бәсекенің күшеюі және артық өндіріске байланысты танымал модельдерге бағаны жаппай төмендете бастады. Соның айқын мысалы – жаңартылған Lynk & Co 01 көлігі. Қазір бұл модель LADA Vesta-дан да арзан, деп хабарлайды Autohome Research Institute сарапшылары.

Autohome мәліметі бойынша, фейслифтингтен кейінгі Lynk & Co 01 кроссоверінің бастапқы бағасы 119 800 юаньды (шамамен 7,8 млн теңге) құрайды. Бұл алдыңғы нұсқасынан 20 000 юаньға арзан. Салыстырар болсақ, Қытайдағы ресейлік LADA Vesta-ның бағасы 125 000 юаньнан басталады, деп жазады Yiche.com порталы.

Автокөлікті шығаратын Geely компаниясы бұл баға саясатын қоймадағы көліктерді тезірек...

Үндістанда Air India әуе компаниясына тиесілі ұшақ апаты құрбандарының саны артты. Ахмедабад қалaсында құлаған ұшақ орнынан 279 адамның мәйіті табылған. Бұл жайлы сенбі, 14 маусым күні AFP агенттігі құқық қорғау органындағы дереккөзіне сілтеме жасап хабарлады.

Апаттан қайтыс болғандардың ресми саны ДНҚ әдісі арқылы теңестіріліп аяқталғаннан кейін жарияланған.

12 маусым күні Boeing 787-8 Dreamliner ұшағы Ахмедабад-Лондон бағытындағы AI171 рейсімен көтерілгеніне шамамен бір минут өткенде 190 метр биіктіктен құлап түскен. Оның бортындағы 242 адамның арасында Үндістан, Ұлыбритания, Португалия және Канада азаматтары болған.

Апаттан жалғыз жолаушы – 40 жастағы Ұлыбритания азаматы Вишваш Кумар Рамеш қана аман қалған. Ол 11А орнында...

Израиль жедел жәрдем қызметінің мәліметінше, Иран атқан зымыран сенбі күні таңертең Израиль орталығындағы тұрғын үйлерге құлап, екі адам қаза тауып, 19 адам жарақаттанған Ал Иранның БҰҰ-дағы елшісі израиль соққысы салдарынан Иранда 78 адамның мерт болғанын айтты. Бұл туралы Euronews хабарлады.

Ракеталар легі мен шығын

Иран сенбіге қараған түні Израильге төрт зымыран легін атқан. The Jerusalem Post дерегі бойынша, сенбінің таңында қаза тапқандар саны 4-ке жетіп, жарақаттанғандар 70-тен асқан. Израиль қорғаныс армиясы – ЦАХАЛ-дың мәлімдеуінше, барлығы 200-ден астам зымыран атылған. Олардың көбін қағып түсіргенімен, кейбірі нысанаға тиген. Жарылыс даусы Тель-Авив, Иерусалим, Беэр-Шева, Гуш-Дан және басқа қалаларда естілген

Мемлекеттік қызмет істері агенттігі төменгі лауазымды мемлекеттік қызметке жұмысқа алу тәртібіне өзгеріс енгізбек. Тиісті бұйрық жобасы Ашық НҚА порталында жарияланды.

Жаңа тәртіпке сай, енді төменгі лауазымдарға үміткерлер әңгімелесу кезеңінің орнына практикалық бағалау кезеңінен өтеді.

Практикалық бағалау кезеңіне конкурстың алдыңғы кезеңдерінің нәтижелері бойынша ең жоғары балл жинаған екі үміткер жіберілетін болады.

Практикалық бағалау кезеңінде үміткерлер бос лауазымның функционалдық бағытына сәйкес нақты тапсырмаларды орындау арқылы бағаланбақ.

Бұған дейін, әскери және құқық қорғау органдарының қызметкерлеріне жалға берілетін және қызмет соңында тұрғын үй беру тәртібі өзгеретінін хабарлағанбыз.

Қазір YouTube-та әзіл мен ойды қосарласа қамтитын қазақша жобалар көбейіп жатыр. Көбісі қоғамдағы маңызды мәселелерді әзілмен жеткізіп, күнделікті күйбең тіршілікке жеңіл көзқарас ұсынады. Назарларыңызға сондай 5 жобаны ұсынамыз:

1.  Арзан психологтар. Руслан және Тілеген атты «кәсіби» емес, «арзан» психолог-комиктер көрермендердің жеке мәселелерін тыңдап, оларға әзілмен жауап береді. Көрермендердің көпке айта бермейтін мәселелерді «ақтаруы» жобаны басқаларынан ерекше етеді.

2. Сыр жобасы. Жансая, Дидар, Ғалымжан атты комиктер қонақтармен бірге ер мен әйел арасында қарым-қатынас тақырыбын қызық форматта талқылайды. Бұл жерде өзекті мәселелер талқыланып, әркім өзінің көзқарасын білдіреді. Жоба қиын тақырыптарды жеңіл талқылауымен қызық. Жоба әлі үйленбеген және отбасы құрған адамдарды...

Қазақстан Атом энергиясы жөніндегі агенттігі халықаралық сарапшылардың қатысуымен алғашқы атом электр станциясын салуға арналған консорциум көшбасшысын айқындау жұмысын аяқтағанын хабарлады.

«Қазақстанда АЭС салу бойынша ең оңтайлы әрі тиімді ұсыныстар ресейлік «Росатом» компаниясынан келгені анықталды. Екінші орынға қытайлық «China National Nuclear Corporation» жайғасса, француздық «Électricité de France» пен кореялық «Korea Hydro & Nuclear Power» ұсыныстары үшінші орынды иеленді. Осылайша, «Росатом» компаниясы Қазақстандағы алғашқы атом электр станциясын салу жобасы бойынша халықаралық консорциумның көшбасшысы ретінде анықталды«, – делінген агенттік хабарламасында.

Қазіргі уақытта «Росатом» ұсыныстары негізінде Ресей Федерациясы тарапынан мемлекеттік экспорттық қаржыландыру тарту мәселесі пысықталып жатқаны айтылды.

Агенттік шешім қабылдауда...

14 маусымда Ұлттық құрылтайдың құрылғанына үш жыл толды. Мемлекеттік кеңесші Ерлан Карин Ұлттық құрылтайды президенттің «Халық үніне құлақ асатын мемлекет» тұжырымдамасын жүзеге асыруға зор ықпал етіп келе жатқан маңызды институттың бірі ретінде сипаттап, осы аралықта істелген жұмыстар туралы баяндады.

Ерлан Карин құрылтай құрамы үнемі жаңартылып отыратынын атап өткен. Оның қатарында Парламент депутаттары, саяси партиялардың, білім, ғылым, мәдениет, бизнес, медицина, спорт, адам құқығын қорғау саласындағы ірі қоғамдық бірлестіктердің өкілдері, өңірлік қоғамдық кеңестердің мүшелері, жас көшбасшылар және белсенді азаматтар бар.

Оның пікірінше, Ұлттық құрылтай осы уақыт ішінде Қазақстан қоғамын ортақ мақсатқа жұмылдыруға арналған бірегей идеялар мен стратегиялық қадамдар ұсынатын ең басты...

Франциялық қауіпсіздік жөніндегі сарапшы Клод Монике Euronews тілшісіне берген сұхбатында Израиль шабуылы Таяу Шығыстағы күш теңгеріміне зор өзгеріс әкелгенін мәлімдеген. Оның айтуынша, алдағы күндері Еуропадағы израильдік және америкалық мүдделерге қауіп төнуі мүмкін.

Осы аймаққа қатысты бірнеше кітап жазған тәуелсіз сарапшы Моникенің айтуынша, Иран израильдіқ соққылар кезінде орасан зор әскери шығынға ұшырап, енді жауабындағы әрекеттері өте шектеулі болуы мүмкін.

«200-ден астам ұшақ қатысып, 300 соққы жасалып, 100 нысан атқыланып, кем дегенде 12-15 ирандық басшы жойылған операция жай ғана кішігірім әрекет емес. Бұл – соғыс актісі. Израильдіктер 25 жыл бойы Иранның ядролық бомбаға ие болуына жол бермейтіндіктерін...

Денсаулық сақтау министрлігі медицина қызметкерлерінің арасындағы «Мамандығының үздігі» республикалық байқауының жеңімпаздарын жариялады.

Байқау аясында мамандар 17 номинация бойынша марапатталған.

Олардың қатарында әртүрлі бейіндегі дәрігерлер, акушер-гинекологтар, хирургтар, фармацевтер, оқытушылар, санитариялық дәрігерлер және еліміздің барлық өңірлерінен келген басқа да мамандар бар.

Конкурс жеңімпаздары 500 АЕК мөлшерінде (1 млн 966 мың теңге ) көтермелеу төлемдерін алады.

Байқау жеңімпаздарының толық тізімі:

* «Стационардың үздік дәрігері» – Смайылов Совет Сләммұратұлы (Павлодар облысы);
* «Үздік жедел жәрдем дәрігері» – Тәжібекова Салтанат Болатқызы (Шымкент қ.);
• «Медициналық-санитариялық алғашқы көмектің үздік дәрігері» – Бақбергенова Айгүл Жұпарбайқызы (Қызылорда облысы);
• «Үздік ауылдық дәрігер» – Төлеуов Жақып Оразайұлы (Қызылорда облысы);
• «Денсаулық сақтаудағы...

Президент Қасым-Жомарт Тоқаев Америка Құрама Штаттарының Президенті Дональд Трампты туған күнімен құттықтады. Бұл туралы Ақорданың баспасөз қызметі хабарлады.

Қасым-Жомарт Тоқаев Америка көшбасшысының жаһандық қауіпсіздік пен тұрақтылықты сақтау жолындағы белсенді әрі прагматикалық қызметін жоғары бағалайтынын атап өткен.

«Мемлекет басшысы АҚШ Президентіне Қазақстанмен стратегиялық серіктестікті нығайтуды көздейтін ұстанымы үшін ризашылығын жеткізді. Сонымен қатар еліміздің Құрама Штаттармен өзара тиімді ынтымақтастықты одан әрі дамытуға мүдделі екенін растады», – делінген құттықтау жеделхатында.

Қасым-Жомарт Тоқаев Дональд Трамптың деніне саулық және жауапты мемлекеттік қызметіне толағай табыс тілеген.

Дональд Трамп 79 жасқа толып отыр. АҚШ-та оның туған күніне орай елдің көп бөлігін қамтитын...

Freedom Holding Corp. компания үшін ағымдағы жылдың 31 наурызында аяқталған 2025 қазыналық жылдың қаржылық нәтижелерін жариялады.

Негізгі көрсеткіштер төмендегідей серпінді көрсеткен

2025 қазыналық жылда Холдинг демеушілік қолдауға 51 миллион доллар жолдады. Қазақстан шахмат федерациясымен QJ League-қа айтарлықтай қомақты жарна жасалды.

Есепті кезеңде клиенттік базаның өсуі жалғасты: брокерлік шоттар – 683 мың (+153 мың), сақтандыру компанияларының клиенттері – 1,2 млн (+636 мың), банктік қызметтерді пайдаланушылар – 2,5 млн (+1,6 млн), басқа сегменттерде – 605 мың (+486 мың).

12 маусым күні Шымкентте көлігін тоқтатып, тексермек болған екі полицейдің бірін жүргізуші сүйреп кетті. Жүргізушінің үстінен қылмыстық іс қозғалып, қамауға алынды. Бұл туралы қалалық полиция департаменті ақпарат таратты. 

Департаменттің мәліметінше, полиция қызметкерлері жолдағы қауіпті әрекетті анықтауға арналған цифрлық жүйенің көмегімен агрессивті жүргізу белгілерін көрсеткен ер адамның басқаруындағы Daewoo Nexia көлігін байқаған. Жүргізуші тоқтау туралы заңды талапты елемей, көлігін тоқтатқандай кейіп танытып, полицейлер тексеруге жақындаған сәтте кенеттен жүріп кеткен.

«Құқық бұзушыны тоқтатпақ болған полицейлердің бірі көліктің капотына шығып кетті. Бұған қарамастан жүргізуші полиция қызметкерінің өміріне қауіп төндіріп, жоғары жылдамдықпен жүрді. Тек осыдан кейін ғана тәртіп сақшылары көлік...

ChatGPT қолданушылар санын миллиардқа жеткізуді жоспарлап отыр. Бұл туралы OpenAI-дің қосымшалар жөніндегі болашақ жетекшісі Фиджи Симо мәлімдеді, деп жазды Bloomberg.

«Қазір ChatGPT-ді жүздеген миллион адам қолданады, дей тұрғанмен жасанды интеллект әр адамның өмірін өзгертуі керек. Біз қолданушылар санын миллиард адамға жеткізуіміз керек», – деді Парижде өткен VivaTech саммитінде онлайн қосылған Симо.

Симоның айтуынша, денсаулық сақтау және білім беру салаларындағы қолданбалар жасанды интеллект агенттері мен құрылғыларына деген сұранысты арттырады.

Айта кетейік, бұған дейін ChatGPT пайдаланушылары чат-бот жұмысында ақау шыққаны хабарланды.

Әбиба Әбужақынова дзюдодан әлем чемпионатының финалына шықты. Осылайша дзюдодан әйелдер арасындағы әлем чемпионатының финалына шыққан алғашқы спортшы атанды.

Туризм және спорт министрлігінің хабарлауынша, жартылай финалда Әбиба Париж Олимпиадасының ширек финалында жеңілген испаниялық Лаура Мартинесті жеңді.

Алтын медаль үшін белдесу бүгін 21:00-де өтеді.

Астананың Байқоңыр ауданында жиналған қоқыс жанып жатыр. Оқиға орнында өрт сөндірушілер жұмыс істеп жатыр. Бұл туралы Төтенше жағдайлар министрлігі хабарлады.

Ресми ақпаратқа сәйкес, Алаш тас жолы мекенжайында жиналған қоқыс жанып жатыр.

«Оқиға орнына өрт сөндірушілер дереу келіп, өртті сөндіруге кірісті. Зардап шеккендер туралы ақпарат түскен жоқ, өрттің себебі анықталып жатыр», – делінген ақпаратта.

Қазақстанның Сыртқы істер министрлігі Таяу Шығыс өңіріндегі қауіпті әскери шиеленіске байланысты мәлімдеме жасап, жағдайға алаңдаушылық білдіретінін жеткізді.

«Қазақстан Таяу Шығыс өңіріндегі қауіпті әскери шиеленіске байланысты алаңдаушылық білдіреді және қақтығысты БҰҰ Жарғысы мен халықаралық құқық нормаларына сәйкес тек саяси-дипломатиялық жолмен тез арада реттеуді құптайды», – делінген мәлімдемеде.

Сондай-ақ қатысушы тараптарды барынша ұстамды болуға шақырды.

Айта кетейік, бұған дейін Қазақстанның Израильдегі елшілігі Таяу Шығыстағы жағдайдың ушығуына байланысты сол жақта жүрген қазақстандықтарға үндеу жасады.

Сондай-ақ Қазақстанның Израильдегі Елшілігінің байланыс нөмірлерін жариялады:

+972 (3) 503 78 85 (кезекші)

+972 53 635 19 83 (ұялы телефон, WhatsApp)

...

Әлемдік жұлдыз Дженнифер Лопестің Алматыда өтетін концертіне байланысты баспасөз жиыны өтті.

«Астана концерт» компаниясының продюсері Малик Хасенов Джей Лоның концертін елдегі мәдени құбылысқа балап, оның себебін түсіндірді.

«Джей Ло сияқты А кластағы әртістің концерті алғаш рет 100 пайыз жеке қаражатқа ұйымдастырылғалы отыр. Яғни, бұл концерт толықтай коммерциялық жоба. Концерттің өтетіні мен билеттердің санаулы сағатта сатылып кетуі Қазақстанды нарық ретінде тартымды етіп отыр», – дейді ол.

Малик Хасеновтің сөзінше, концертке 29 елден 8 мыңнан астам қонақ билет алған. Оның ішінде Ресей, Қырғызстан, Өзбекстан, Тәжікстан, АҚШ, Ұлыбритания, Германия, БАӘ, Сауд Арабиясы, Швейцария, Қытай, Түркия, Мексика сияқты...

Кәуапшы ескерту жасаған әйелді соққыға жығып, екі саусағын ет шабатын балтамен шауып тастады. Оқиға Қызылорданың бір кафесінде болған.

СNM ақпаратына қарағанда, күдікті ет әзірлеу және маринад дайындайтын болған. Бірақ  ол өз міндеттеріне салғырт қараған. Үнемі ішімдік ішіп, карта ойнаған. Жұмысынан жалтарып жүрген қызметкерге кафе иесі ескерту жасапты.

Әйел – көпбалалы ана.  Арақтың қызуымен ол ашуға басып, балтасын қолына алған. Күтпеген жерден соққы жасап, әйелдің екі саусағын шапқан.

Қызылорда қалалық полиция басқармасы бұл оқиға бойынша «қасақана денсаулыққа зиян келтіру» бабымен қылмыстық іс қозғалғанын хабарлады.

«Қажетті сараптамалар тағайындалды. Жан-жақты тергеу жүргізілуде. Күдікті ұсталып, уақытша ұстау изоляторына...

ІІМ қылмыстық-атқару жүйесі комитеті 24 жылға сотталған бұрынғы ұлттық экономика министрі Қуандық Бишімбаевтың қай колонияда жазасын өтеп жатқанын хабарлаудан бас тартты. Бұл туралы Kursiv.Media хабарлады.

Редакцияның ресми сауалына комитет жалпылама жауап қайтарған.

«Сотталған жазасын Қылмыстық-атқару жүйесі мекемесінде өтеп жатыр», – деп мәлімдеді комитет.

Комитеттің хабарлауынша, нақты ақпарат тек туыстарына ғана берілген. Олар «Жеке деректер туралы» заңға сілтеме жасап, басқа мәліметтерді жариялауға болмайтынын атап өтті.

Бишімбаев ісі

2023 жылдың 9 қарашасында Астанадағы Bau мейрамханасында экс-министр Қуандық Бишімбаев әйелі Салтанат Нүкенованы өлтірді деген күдікпен ұсталды. 

Айыптау актісіне сәйкес, Бишімбаев азаматтық некедегі жары Нүкеноваға туыстары, достарымен араласуға...

16 маусымнан ипотекалық қарыздың жылдық тиімді сыйақы мөлшерлемесі (ЖТСМ) 25 пайыздан 20 пайызға дейін төмендейді. Яғни енді ипотека арзандауы тиіс.

Ұлттық банк пен Қаржы нарығын реттеу және дамыту агенттігі қабылдаған қаулы негізінде банктер ипотеканың жылдық мөлшерлемесін жиырма пайыздан асыра алмайды.

Алайда әлеуметтік желілерде «банктер қайталама нарықтағы баспанаға ипотека беруін уақытша тоқтатады» деген ақпарат тарап жатыр. Осы ретте ипотекалық брокерлер 16 сәуірге дейін өтінім беріп үлгеруге шақырады. Экономист Ғалым Құсайынов та жақсы пайда түспейтіндіктен, енді банктер ипотека беруін қысқартады деп тұжырымдаған.

Банктердің жауабы қандай?

Осы мәселенің анық-қанығын білу үшін ипотека беретін бірнеше банкке сауал жібердік...

Шымкент қаласының қалалық денсаулық сақтау басқармасының басшысы айыппұл арқалады. Нұрлыбек Асылбековке заңсыз бұйрық шығарғаны үшін 196 600 теңге әкімшілік айыппұл салынды. Бұл туралы қала прокуратурасы хабарлады.

Прокуратураның мәліметінше, кәсіпкерлер мен инвесторлардың құқықтарын қорғау жөніндегі мобильді топқа медициналық қызмет көрсету саласындағы инвесторларға қатысты заңсыз тексеру туралы хабар түскен.

Анықтай келе прокуратура қалалық денсаулық сақтау басқармасының бұйрығымен емханалар жанындағы 26 стоматологиялық кабинетке мониторинг жүргізу жоспарланғанын білген.

«Халық денсаулығы және денсаулық сақтау жүйесі туралы кодексіне сәйкес басқарманың мұндай мониторинг жүргізуге өкілеттігі қарастырылмаған. Прокурорлық қадағалау актісі негізінде аталған бұйрықтың күші жойылды. Кәсіпкерлік қызметке заңсыз араласқаны үшін денсаулық сақтау басқармасының басшысы...

Рио Олимпиадасының чемпионы Дмитрий Баландин Қазақстанның су спорты түрлері федерациясының бас хатшысы қызметіне тағайындалды. Бұл туралы Ұлттық олимпиада комитетінің баспасөз қызметі хабарлады.

Комитет мәліметінше, Қазақстанның су спорты түрлері федерациясының кезектен тыс конференциясында ұйымның бас хатшысы болған Сергей Дроздов өкілеттігін мерзімінен бұрын тоқтататынын мәлімдеген. Бұдан кейін конференция қатысушылары бірауыздан Баландиннің кандидатурасын қолдаған.

«Дмитрий Баландиннің тағайындалуы – оның спорттағы орасан зор жетістіктерінің мойындалуы ғана емес, сонымен қатар федерацияны жаңғырту мен институционалдық тұрғыдан нығайтудың маңызды қадамы. Біз оның кәсібилігі мен беделі еліміздегі су спорты түрлерінің дамуына үлкен үлес қосады деп сенеміз», – деп мәлімдеге су спорты...

Петропавлда «Средазэнергомонтаж Петропавловск» компаниясының жұмысшысы жансақтау бөліміне түсті. 40 жастағы азамат жылу электр станциясында 6 метр биіктіктен құлап кетті.

Оқиға 12 маусымда болған. Газ шығару құбырларын тазалау кезінде ол абайсызда құлап, ауыр жарақат алған.

«Науқаста жабық бас-ми жарақаты, қабырғаларының көп жерден сынуы, шүйде-бас аймағында жыртылып-кесілген жара, сондай-ақ жамбаста көгерулер мен жеңіл контузия бар», – деп жазылған Солтүстік Қазақстан облыстық денсаулық сақтау басқармасының хабарламасында.

Компанияның бас директоры Максим Бублейник зардап шеккен қызметкерге барлық қажетті көмекті көрсетуге уәде берді:

«Біз әріптесімізге жан-жақты қолдау көрсетеміз. Қазір дәрігерлермен тұрақты байланыстамыз. Жағдайын сағат сайын...