Жаңалықтар

Геологиялық барлау барысында Қазақстан аумағынан мыс, никель, көмір, алтын және сирек жер металдардан тұратын 38 перспективалы кен учаскесі анықталды. Бұл туралы Үкіметтің баспасөз қызметі хабарлады.

«2026 жылға қарай еліміз аумағының геологиялық-геофизикалық зерттелуі 2,2 млн шаршы шақырымға жетуі тиіс. 2024 жылы қамту 2 014,4 мың шаршы шақырымды құрады», – делінген баспасөз хабарламасында.

Қандай ресурстар бар?

2025 жылдың бірінші тоқсанында ауқымды зерттеулер жүргізіліп, нәтижесінде пайдалы қазбаларының әлеуеті жоғары 38 учаске анықталған. Бұл учаскелерде мынадай болжамды ресурстар бар:

Су саласындағы қызметкерлердің жалақысы 50%-ға дейін өседі. Бұл жайлы Су ресурстары және ирригация министрлігінен хабарлайды.

Министрліктің мәліметінше, бұл өзгерістерден кейін 25 мыңнан астам қызметкердің жалақысы көтеріледі. Еңбек ақы орта есеппен 35–50%-ға өсіп, жылу энергетикасы мен электр энергетикасы салаларындағы мамандардың жалақысына жақындайды.

«Статистикалық деректерге сәйкес, жылу және электр энергетикасы салаларындағы орташа жалақы 330 мың теңгені құрайды. Ал су шаруашылығында – 231 мың теңге. Айырмашылық айтарлықтай. Қабылданған түзетулер ел дамуы үшін аса маңызды салалардың бірі – су саласының кадрлық әлеуетін арттыруға бағытталған», – деді Су ресурстары және ирригация министрі Нұржан Нұржігітов.

Министрлік өткен жылы «Қазсушар» РМК...

Қазақстанның Израильдегі елшілігі Таяу Шығыстағы жағдайдың ушығуына байланысты сол жақта жүрген қазақстандықтарға үндеу жасады.

«Қазақстанның Тель-Авивтегі Елшілігі Израильдегі барлық Қазақстан азаматтарына Тыл қолбасшылығының нұсқауларын (https://www.oref.org.il/ru) сақтауға, қауіпсіздік шараларын барынша күшейтуді, сақтық пен қырағылық танытуды сұрайды», – делінген ақпаратта.

Сондай-ақ соңғы жаңалықтарды қадағалауды, Қазақстан Елшілігімен байланыста болуды сұрады.

Израильдегі Қазақстан азаматтары үшін жедел желі телефон нөмірлері:

Қазақстанның Израильдегі Елшілігінің байланыс нөмірлері:

+972 (3) 503 78 85 (кезекші)

+972 53 635 19 83 (ұялы телефон, WhatsApp)

+972 55 273 38 13 (ұялы телефон, WhatsApp)

+7 700 111 31 96 (WhatsApp)

Айта кетейік, Reuters хабарлауынша, Израиль...

Лабубу қуыршағын шығаратын Pop Mart акциялары бірден 200%-ға көтерілді. Бұл туралы Bloomberg хабарлады.

Агенттіктің мәліметінше, кем дегенде бес брокерлік компания акциялар өседі деп болжаған. Олардың арасында Deutsche Bank AG пен Morgan Stanley де бар.

Pop Mart акциялары Гонконг қор биржасында саудаланады. Былтыр ғана 50 гонконг доллары тұрған акциялар құны қазір 270-тен асты. Ол 300-ден жоғары көтерілуі мүмкін. Себебі оның қуыршағы мегахитке айналды.

Компания 2024 жылы ақсиған тісі бар құбыжық қуыршақ саудасынан 3 млрд юань тапқан. Оның акциялары MSCI China индексінде де былтыр алдыңғы қатардан көрінді.

Жақында Қытай билігі елдегі банктерге Лабубу қуыршағымен клиент тартуға тыйым салған.

Ал Бейжіңдегі аукционда Labubu ойыншығының адам бойындай мүсін...

Иран жоғарғы көсемі аятолла Әли Хаменеи Израильді жұмадағы шабуыл үшін «қатаң жаза» күтіп тұр деп мәлімдеді. Ал иран генералы Израиль мен АҚШ-тан кек алуға уәде берді.

Аятолла Әли Хаменеи Израиль «қылмысты таңсәріде жасады», бейбіт халық тұратын аудандарды атқылады деп мәлімдеді. Бұл туралы CNN телеарнасы IRNA агенттігіне сүйене отырып хабарлады. Иранның жоғарғы көсемі Израильді мұсылмандар үшін қасиетті жұма күні жасалған шабуылы үшін «қатаң жазаланады» деді.

Ол ядролық нысандарға жасалған шабуылдан бірнеше қолбасшы мен ғалым қаза тапқанын айтты. Көсемнің мәлімдемесін IRNA мемлекеттік ақпарат агенттігі таратты.

«Жау шабуылы барысында бірнеше қолбасшы мен ғалым қаза тапты. Олардың шәкірттері мен...

Израиль Ирандағы ядролық нысандар мен зымыран зауыттарына соққы жасағанын мәлімдеді. Тағы бір шабуыл Тегерандағы Ислам революциясы сақшыларының бас кеңсесіне жасалған. Бұл туралы Reuters хабарлады.

Басылым мәліметінше, Иран ақпарат құралдары мен куәгерлер Нетензде уран байыту кәсіпорында жарылыс болғанын айтып жатыр. Бұл уақытта Израиль төтенше жағдай жариялап, Тегеран тарапынан қарымта шабуылды күтіп отыр.

Иран мемлекеттік телеарнасының хабарлауынша, Ислам революциясы сақшыларының Тегерандағы бас кеңсесіне жасалған шабуылдан бөлім басшысы Хоссейн Салами қаза тапты. Астанадағы тұрғын аудандарда бейбіт тұрғындар, соның ішінді бірнеше бала жан тапсырғаны туралы айтылды.

«Біз Израиль тарихындағы шешуші кезеңді бастан өткеріп жатырмыз. Бірнеше минут бұрын Израиль «Адуынды...

Көлікті басқару – тек рөлге отырып, газ бен тежегішті басу емес. Бұл жауапкершілік, шығындарды басқару, күтпеген жағдайлармен бетпе-бет келу және күнделікті қауіпсіздікті қамтамасыз ету. Тәжірибелі жүргізушілер жылдар бойы жинақтаған амал-тәсілдерін өзара бөлісіп отырады. Бұл мақалада Kursiv.media тілшісі сол лайфхактардың ішіндегі ең тиімділерін жинады. Олар жолда сенімді болуға, артық шығынға ұшырамауға және көлігіңізге жақсы күтім жасауға көмектеседі.

Жанармайды үнемдеудің қарапайым тәсілдері

Жанармай бағасы күн сайын құбылып тұрады, сондықтан оны үнемдеу – әр жүргізуші үшін өзекті мәселе. Ең алдымен, бірқалыпты жүруді әдетке айналдырыңыз. Тежегішті жиі басу, жылдамдықты күрт жеделдету жанармайды көп шығындайды. Статистика бойынша тек осы әрекеттен ғана отын шығыны...

Үндістанның оңтүстігінде Air India әуе компаниясына тиесілі ұшақ апатынан бір жолаушы аман қалды. Бұл туралы жергілікті Hindustan Times басылымы хабарлады.

Үндістан билігінің мәліметінше, Ахмедабад қаласынан Лондонға ұшқан ұшақ апатынан 290-нан аса адам қаза тапты. Бұл туралы Reuters агенттігі полиция мәліметіне сүйене отырып хабарлады. Ұшақ бортында 242 адам болғаны мәлім.

Жергілікті полиция ұшақ құлаған орыннан аман қалған бір жолаушы табылғанын да хабарлады. Ол – Ұлыбританияның 40 жастағы азаматы Рамеш Вишвакумар.

Рамеш Үндістанға бірнеше күн бұрын туған-туыстарын көруге келген. Ол бауырымен бірге осы рейспен Ұлыбританияға оралмақ болған. Оның бауырының тағдыры әзірге белгісіз.

Аман қалған жолаушы ұшақтың 11А орнында отырған. Бауыры...

Тимур Турловқа тиесілі «Фридом Финанс» компаниясы Қаржы нарығын реттеу және дамыту агенттігі жүргізген тексеру туралы мәлімет берді. Холдинг осындай тексеру болғанын, оның нәтижесінде хаттама толтырылғанын растады.

Компания мәліметінше, тексеру қорытындысы бойынша ашылған әкімшілік істердің бір бөлігі ғана қаралған, қалғаны әлі қарала жатады. Агенттік тексеруі 2024 жылғы 28 қазанда басталып, 6 желтоқсанда аяқталған. ҚНРДА Tradernet сауда платформасының жұмысын зерттеген.

«Фридом Финанс» өкілдерінің айтуынша, агенттік мамандары брокердің мобильді қосымшаға Face ID биометрия технологиясын қосуына шүйліккен. Банктерге қарағанда, заң брокерлерге биометрия мәліметтерін салыстыру үшін бөгде ақпараттық жүйелерді орнатуға рұқсат бермейді. Оны мемлекеттік компанияларда тексеру керек. Айта кетерлік жайт, брокерлер жұмыс істейтін басқа да...

Қазақстанда жұмыссыздар саны бір жылдың ішінде 13,3 мың адамға көбейген. Еуразия экономикалық комиссиясы осындай мәлімет жариялады.

2024 жылғы сәуірде жұмыспен қамту қызметтеріне 315,6 мың жұмыссыз азамат тіркелсе, биыл 328,9 мың адам есепке тұрған. Республикадағы жұмыс күшінің 3,4%-ы жұмыссыз жүр деген сөз.

Еуразиялық экономикалық одаққа (ЕАЭО) мүше бес елдің ішінде Қазақстанда ғана жұмыссыздар саны көбейген.

Осылайша, Қазақстан жұмыссыздар саны жөнінен Ресейдің өзін...

Астана қаласында Abu Dhabi Plaza бизнес-орталығы маңында орналасқан №112 станцияға LRT-ның екінші вагондар құрамы рельске қойылды. Төрт вагон кранмен көтеріліп, эстакадаға орнатылды.

Рельстегі вагондардың бәрі 2025 жылы қыркүйек айында алғаш рет техникалық сынақтан өтеді. Вагондарды орнату бар болғаны 11 минутқа созылды.

Осының бәрін ондаған қала тұрғыны сырттай бақылап, суретке түсіріп тұрды.

Бір күн бұрын №101 бекетте екі вагоннан тұратын жеңіл рельсті көлік құрамы көтерілген.

Құрылысы 14 жылға созылған LRT биыл күзде сынақ ретінде  іске қосылады.

2024 жылдың қорытындысы бойынша, Қазақстанда электрондық сауда көлемі шамамен 3,2 трлн теңгеге жетіп, бөлшек сауданың 14,1%-ын құрады. Бұл көрсеткіш соңғы төрт жыл ішінде 5 есе артқанын көрсетеді.

«Бізде өсім әлеуеті зор — цифрлық қолжетімділік жоғары, финтех дамыған, 8 миллионнан астам жас әрі белсенді қолданушы бар. 2029 жылға қарай электрондық сауданың үлесін 18,5%-ға дейін жеткізуді көздеп отырмыз», — деді вице-министр Әсет Нүсіпов.

Жаһандық трендке сай даму

Электрондық коммерция – бүгінде бүкіл әлемде ең қарқынды дамып жатқан салалардың бірі. 2024 жылы жаһандық электрондық сауда нарығының көлемі 6,3 трлн АҚШ долларына бағаланған. Бұл көрсеткіш жақын...

Шерзат Полаттың ісі бойынша сот үкімі шыққаннан кейін, марқұмның әпкесі Перизат Нұрымова істің не себепті сотта «адамдар тобы болып жасалған кісі өлтіру» бабы бойынша қаралмағанын айтты. Оның сөзінше, бұл – сотқа дейін жәбірленуші тараптың мүддесін қорғаған адвокаттардың әрекетінің салдары.

Айта кетейік, бастапқыда іс бойынша өзін құқық қорғаушы деп таныстырып жүрген Айтбек Амангелдінің (бұрынғы ұлттық экономика министрі Қуандық Бишімбаевтың азаматтық некеде болған әйелі марқұм Салтанат Нүкенованың ағасы – ред.) командасы Нұрымовтар отбасының мүддесін қорғаған. Бұл қатарда Саида Таукелова, Карина Көшербаева, Ерлан Адаев және Асылбек Әбдірайымов бар.

Алайда Нұрымовтар отбасы сот басталуға бірнеше күн қалғанда бұл адвокаттардан бас тартты.

Сот үкім...

Үндістанның оңтүстігіндегі ұшақ апатынан 200-ден аса адам қаза тапты. Air India жолаушы ұшағы бортында 242 адам болған.

Үндістан билігі Ахмедабад қаласындағы ұшақ апатынан зардап шеккендер туралы ресми мәлімет жариялай бастады. Ол қаладағы дәрігерлер жатақханалары орналасқан ауданға құлаған.

«Ұшақ құлаған ғимарат — дәрігерлер жатақханасы. Біз оның шамамен 70–80% аумағын тазартып шықтық. Қалғандарын да тезірек тазалаймыз», — деп мәлімдеді журналистерге полицияның лауазымы жоғары бір офицері. Оның айтқандарын Reuters агенттігі жариялады.

Жергілікті CNN News-18 телеарнасының мәліметінше, ұшақ мемлекеттік BJ Medical College жатақханасы асханасының шатырына құлаған. Соның салдарынан көп студент қаза тапқан. Телеарна ұшақтың бір бөлігінің ғимарат шатырына...

Алматы-Лондон рейсінде әйел адам кенеттен ауырып қалды. Акушер-гинеколог Салтанат Исағалиева оны 10 мың метр биіктікте аман алып қалды.

Денсаулық сақтау министрлігінің ақпаратынша, оқиға 2024 жылдың 30 мамырында болған.

10 мың метр биіктікте

Алматы-Лондон бағытындағы рейс кезінде бір жолаушы әйел кенеттен өзін жайсыз сезінген. Артынша, жағдайы күрт нашарлады. Бақытына орай, дер кезінде жедел медициналық көмекке Перинатология және балалар кардиохирургиясы орталығының акушер-гинекологы, жоғары санатты дәрігер Салтанат Исағалиева келген.

Қысылтаяң сәт

Әрине, бортта қажетті медициналық құралдар шектеулі. Бұған қарамастан Салтанат Қайратқызы жедел көмек көрсетті. Науқасты қарап шығып, жағдайын бақылады. Жарты сағат ішінде әйелдің жағдайы жақсара бастады.

Kia-ның Семейдегі ресми дилері өзінің үстем жағдайын теріс пайдаланған. Бұл турады Қазақстан Республикасының Бәсекелестікті қорғау және дамыту агенттігінің баспасөз қызметі хабарлады.

Монополияға қарсы орган мәліметінше, компания Қазақстан Республикасы Кәсіпкерлік кодексінің 174-бабының 4) және 9) тармақшаларын бүзып, өзінің үстем жағдайын теріс пайдаланған. Атап айтқанда:

Яғни осылайша компания тұтынушыға қосымша міндеттемелерді қабылдауға мәжбүрлеп, шарттың мәніне...

Шерзат Полаттың әкесі Қаржаубай Нұрымов айыпталушылардан өндірген ақшаны балалар үйіне аударады. Бұл туралы отбасының адвокаты Мейірман Шекеев айтты.

Қорғаушының сөзінше, Қаржаубай Нұрымов «қылмыстық жолмен табылған ақшаны алмаймын» деп, бастапқыда мүлдем өтемақы алудан бас тартқан.

«Негізі Қаржаубай аса көп сөйлемейтін адам. Өте адал, сол үшін құрметке лайық. Біз ең алғаш кездескенде: «Ең бастысы, Шерзаттың атына кір келтірмесе екен. Ол қылмыскерлер түрмеге түсе ме, түспей ме – бәрібір. Бірақ ол қылмыскерлер баламның атына қараламауы керек» деп айтқан еді», – деп еске түсірді Мейірман Шекеев.

Адвокат Шерзат Болаттың отбасы әлеуметтік желіде ешқандай ақша жинамағанын да...

Үндістанның оңтүстігіндегі Ахмедабад қаласында Air India жолаушы ұшағы апатқа ұшыраған соң, Boeing компаниясының акциялары шамамен 8%-ға құлады. Бұл туралы Reuters хабарлады.

Агенттік мәліметінше, бейсенбі күні АҚШ қор биржасындағы сауда қарсаңында Boeing ұшақ өндіруші компания акцияларының құны 8%-ға төмендеді. BA.N акциялары 196,52 долларға дейін түсті.

Әуедегі қозғалысты бақылауға арналған Flightradar24 сайтының мәліметінше, Ахмедабад қаласында тұрғын ауданға құлаған ұшақ – Boeing 787-8 Dreamliner. Ол жолаушы тасымалдау саласындағы ең озық ұшақтардың біріне жатады. Оны 2011 жылы қолдана бастаған. Қазір 1175 Dreamliner ұшағы күнде 2100 рейс орындайды.

Лондонға бет алған жолаушы ұшағы әуеге көтерілгеніне көп уақыт өтпей тұрғын ауданға құлағаны мәлім болды. Жергілікт...

TikTok арқылы тікелей эфирде құмар ойын ұйымдастырған алматылық екі тұрғын сотталды. Олар 10,5 млн теңге заңсыз табыс тапқан.

Бұл туралы Қаржы мониторинг агенттігі хабарлады.

Тергеу аяқталды

Қаржылық мониторинг агенттігінің Алматы қаласы бойынша департаменті TikTok арқылы онлайн-құмар ойындарды ұйымдастырған екі тұрғынға қатысты сотқа дейінгі тергеп-тексеру ісін аяқтады.

Тікелей эфирде құмар ойын өткізілген

Тергеу барысында күдіктілердің тұрақты түрде TikTok-та құмар ойын ұйымдастырғаны анықталған. Ойынға қатысу үшін көрермендер ақшаны банктік қосымшалар арқылы ұйымдастырушылар шотына аударып отырған.

Заңсыз табыс — 10,5 миллион теңге

Осы әрекеттер нәтижесінде 10,5 миллион теңге көлемінде заңсыз табыс жиналған.

Сот...

Сарымсақ өндірісі бойынша әлемдегі көшбасшы саналатын қытайлық «Wanglin Group» компаниясы Түркістан облысында жаңа зауыт салмақшы. Бұл жайлы өңір әкімі Нұралхан Көшеровтың Қытайға ресми сапары кезінде белгілі болды.

Инвесторлар Түркістанның агроклиматтық жағдайына ерекше қызығушылық білдірді. Екі тарап өңірге қаржы тартып, заманауи қайта өңдеу зауыттарын салуға, облыста агроиндустриялық кластер құруға уағдаласты.

«Бүгінгі келіссөздер – Түркістан облысы үшін маңызды бетбұрыс. Біз ауыл шаруашылығы саласын дамытудың жаңа кезеңіне қадам басып отырмыз.Біздің диқандар табиғи өнім өндіруге машықтанған. Енді оларды халықаралық нарыққа шығару үшін жаңа технологиялар мен инвестициялар қажет. Бұл – жұмыс орындарын көбейтуге, ауылдағы табысты арттыруға, экспорт көлемін...

Қазақстан Иранға бидай экспортын арттырады. Бұл туралы Ауыл шаруашылығы министрлігінің баспасөз қызметі хабарлады.

2 млн тонна бидай, 1 млн тонна арпа

Баспасөз қызметінің мәліметінше, Ауыл шаруашылығы министрі Айдарбек Сапаров Астанада Иран Ислам Республикасының Ауыл шаруашылығы жихады министрі Голамреза Нури Гезелдже мырзамен кездесу өткізген.

Осы кездесу барысында бидай экспорттау мәселесі талқалынған. 2024 жылдың қыркүйегінен 2025 жылдың көктеміне дейінгі аралықта Иранға 960 мың тонна астық жеткізілген. Бұл көрсеткіш өткен жылдың сәйкес кезеңімен салыстырғанда 17 есе көп. Тараптар енді бұл көлемді 3 млн тоннаға жеткізуге келіскен. Яғни Қазақстан Иранға 2 млн тонна, 1 млн тонна арпа жеткізеді.

Әлемді үлкен соғысқа итермелеуші төрт фактор бар. Саясаттанушы Сайын Борбасов геосаяси жағдайдың ушығуының себептерін атады.

Саяси ғылымдар докторының пікірінше, жаһандық соғыстың қаупі қоюланып келеді. Бірақ ол жақын арада үлкен жанжалға ұласпайды.

Жаһандық соғыстың триггері

«Бүгін-ертең үшінші дүниежүзілік соғыс бастала қоймас. Бірақ шиеленіс күшті. Ресей агрессиясын тоқтатпай, НАТО елдерінің біріне шабуыл жасаса ғана, бұл мүмкін болмақ. Алайда бұған жүрегі дауаламайды. Экономикалық, демографиялық ресурсы жетпейді», – дейді саясаттанушы.

Сайын Борбасовтың айтуынша, жаһандық соғыстың триггері ретінде авториторлық Ресей мен Иран аталады. Бірақ мәселе тек бұлар да емес.

Империялардың фантомды ауырсынуы

Құлаған империялардың фантомды ауырсынуы

«Ордабасы» футбол клубының бұрынғы президенті Бауыржан Абдубаитов Қылмыстық кодекстің «Билiктi немесе лауазымдық өкiлеттiктерді асыра пайдалану» және «Лауазымдық өкiлеттiктерді теріс пайдалану» бабымен күдікке ілінді. Прокуратура оны «бюджет қаражатын негізсіз жұмсауға жол берді» деп отыр.

Шымкент қалалық прокуратурасының Kursiv.Media-ға хабарлауынша, Бауыржан Абдубаитов “Ордабасы» футбол клубының президенті болып жұмыс істеп жүрген кезде өз өкілеттігін асыра пайдаланған. Директорлар кеңесімен кеңеспей, 2023-2024 жылы футболшыларға ірі мөлшерде үстемақы белгілеген.

«21 футболшыға 2,3 млрд теңгеге бонустар бойынша келісім-шарт жасалған» делінген прокуратура хабарламасында.

Шымкент қалалық прокуратурасы осы факт бойынша Қылмыстық кодекстің «Билiктi немесе лауазымдық өкiлеттiктерді асыра пайдалану» бабымен (362 бабы 1-бөлігі) қылмысты...

Үндістанның оңтүстігінде Air India әуе компаниясына тиесілі жолаушы ұшағы апатқа ұшарады. Reuters мәліметінше, ұшақ бортында 242 адам болған.

Мәліметтерге қарағанда, ұшақ Гуджарат штаты Ахмедабад қаласының әуежайынан жергілікті уақытпен сағат 13:39-да ұшып шыққан. Алайда артынша ұшқыш апат дабылын жолдаған. Содан кейін көп уақыт өтпей жолаушы ұшағы жерге құлағаны мәлім болды.

Жергілікті Ani агенттігінің хабарлауынша, ұшақ дәрігерлер жатақханасының ғимаратына құлаған.

Air India әуе компаниясының мәліметінше, ұшақ AI171 рейсін орындау үшін Ахмадабадтан Лондонға қарай бет алған. Ұшақ Лондондағы Гатвик әуежайына жергілікті уақытпен 18:25-те қонуы керек болғанын порт басшылығы CNN телеарнасына растады.

Әуе компаниясы ұшақ бортындағы 242 адам туралы мәлімет таратты.