Жаңалықтар

Газдан уланған бес адамның қаза болуына күдікті ретінде Түркістан қаласының тұрғыны ұсталды, – деп хабарлайды Polisia.kz.

Түркістан облысы ПД Тергеу басқармасының өндірісінде Түркістан қаласының жергілікті тұрғын үйлерінің бірінде улы газбен уланып, бес адамның қаза болуына байланысты сотқа дейінгі тергеу жұмыстары жүргізілуде. Аталған жайт Түркістан қалалық полиция басқармасында СДТБТ-ға ҚР ҚК-нің 292-бабы 3-бөлігі (Өрт қауіпсіздігі талаптарын бұзу) бойынша тіркелді.

Полиция қызметкерлері болған оқиғаның ауырлығы мен қоғамдық резонанс тудыруына байланысты жедел-тергеу шараларын атқарды. Оның ішінде сараптамалар тағайындалып, куәгерлерден жауаптар алынып, қажетті деген барлық жұмыстар жүргізілді.

    «Улы газдан бір отбасының бес бірдей мүшесі қаза болып, біздің облыста үлкен резонанс тудырды...

ҚР Индустрия және инфрақұрылымдық даму министрлігінің өңдеу өнеркәсібін дамыту жөніндегі жоспарларын ҚР Индустрия және инфрақұрылымдық даму министрі Бейбіт Атамқұлов Үкімет отырысында баяндады.

 «Қазіргі уақытта біз өңірлер мен салалар бойынша 2025 жылға дейін өңдеу өнеркәсібі өндірісінің көлемі бойынша жоспарлы көрсеткіштерді айқындадық. Мемлекет басшысының өңдеу өнеркәсібін 2025 жылға қарай 1,5 есеге арттыру жөніндегі тапсырмасын орындауды Министрлік жергілікті атқарушы органдармен бірлесіп жүзеге асырады», – деді министр.

ҚР Президенті Қасым-Жомарт Тоқаев өз Жолдауында 2025 жылға қарай өңдеу өнеркәсібі өсімін 1,5 есеге арттыруды тапсырды. Бұл үшін салада жыл сайынғы өсім өткен жылға қарағанда орта есеппен 10,8% болуы тиіс. Бұл міндет «Нұр Отан»партиясының сайлауалды...

Алдағы құрылыс маусымында жолшылар реконструкциялау учаскелерінің бірқатарында қозғалысты ашуды жоспарлап отыр. Олардың қатарында Алматы облысындағы республикалық маңызы бар «Ұзынағаш – Отар» тас жолының 63-101 км учаскесі бар. Аталған тас жол «Алматы – Бішкек» халықаралық көлік дәлізінің бөлігі болып табылады. Бұл туралы ҚР индустрия және инфрақұрылымдық даму министрлігінің баспасөз қызметі хабарлады.

Ұзындығы 96 шақырым болатын бүткіл жол жобасы Жамбыл және Алматы облыстарында орналасқан 3 учаскеге бөлінген.

63-101 км учаскесінде мердігер ұйым «Казахдорстрой» ЖШС негізгі құрылыс жұмыстарын жүргізген. Шаралар толықтай биыл тәмәмдалады деп көзделіп отыр. Ал 101-143 шақырымдағы реконструкциялау учаскесіндегі жаңа мердігерді анықтау үшін тендер өткізіледі деп күтілуде. Үшінші учаскені жаңарту...

Алматы облысының екі тұрғыны өз құрбандарын қала ауруханаларының бірінде кездестірген, – деп хабарлайды Polisia.kz сайты. 

 «1990 және 1995 жылы туған азаматшалардың құрығына зейнеткер іліккен. Олар ауруханаға кіреберісте егде жастағы әйелді күтіп тұрған, содан кейін оның сеніміне кіріп, нәтижесінде алдау арқылы оның ақшасы мен бағалы бұйымдарын иемденген. Алаяқтар әжейге оның ақшасы мен алтын бұйымдары дуаланғанын және дуаны алып тастауға көмектесетіндерін айтқан. Дуаны жою үшін қолда бар ақша мен алтын бұйымдарын оларға беру керек екендігіне сендірген. Дуадан қорыққан 72 жастағы әйел алаяқтарға 1 миллион 885 мың теңгені және зергерлік бұйымдарын берген. Тергеу барысында олардың алтын бұйымдарды 270 мың теңгеге сатқаны және...

Қытай 2025 жылға қарай 30-дан астам азаматтық әуежай салуды жоспарлап отыр, деп хабарлады Қытайдың азаматтық авиация басқармасы.

Азаматтық авиацияның ірі инфрақұрылымдық жобалары саласындағы құрылыстың артуы 2025 жылға қарай жолаушылар ағыны 2 миллиард адамға жетеді деп күтеді, деп хабарлайды Синьхуа агенттігі.

2020 жылдың соңында ҚХР-дағы азаматтық әуежайлардың саны бір жыл бұрынғы 238-мен салыстырғанда 241-ге дейін (оның 39-ы үлкен) өсті. Өткен жылы қызмет көрсететін жолаушылар ұшағының саны 6 747 мыңға жетті.

2020 жылдың соңында қытайлық авиакомпаниялар 420 миллион адамды тасымалдады, бұл бір жыл бұрын жолаушылар ағынының 63,3% құрады. CAAC биыл әуе трафигін коронавирусқа дейінгі деңгейдің 90% қалпына келтіруді жоспарлап отыр.

Бірте-бірте Португалия екі айлық «локдауннан» қалыпты өмірге орала бастады. Егер елдегі эпидемиологиялық жағдай нашарламаса, алдағы жеті апта ішінде шектеулерді бірте-бірте алып тастау жоспарлануда. Балабақшалар, шаштараздар, кітап дүкендері ашыла бастады. Бұл туралы ҚР Үкіметі жанындағы Қазақстанда коронавирустың таралуына жол бермеу жөніндегі ВАК жұмысы туралы шұғыл ресми ақпарат Telegram каналы хабарлады.

Франция үкіметінің мәліметінше, Париждегі реанимация бөлімшелері 95%-ға толтырылған. Қазіргі уақытта бүкіл елде кешкі сағат 6-дан бастап коменданттық сағат енгізілді, ал кейбір оңтүстік пен солтүстіктің бөлімдерінде демалыс күндері толық «локдаун» енгізіледі.

Чехия билігі КВИ пациенттерін Польшаға емделуге жіберу туралы шешім қабылдады. Себебі жергілікті ауруханаларда орындар азайды. Аурудың өсуін азайту үшін Чехияда өткен...

«Бәйтерек» ұлттық басқарушы холдингі» АҚ оған қосылған «ҚазАгро» холдингінен өткен агроөнеркәсіптік кешенді қаржылық қолдау жаңа функцияларымен жұмысты бастайды. 15-ші наурызда ҚР Қаржы министрлігінің Мемлекеттік мүлік және жекешелендіру комитеті тапсыру актісін бекітті.

Осылайша, «Бәйтерек» холдингінің құрамына бұрынғы «ҚазАгроның» үш еншілес ұйымы – «Аграрлық несие корпорациясы» АҚ, «ҚазАгроҚаржы» АҚ және «Ауыл шаруашылығын қаржылай қолдау қоры» АҚ кірді.

– Мемлекет басшысы Қасым-Жомарт Тоқаевтың тапсырмасы бойынша үлкен жұмыс атқарылды. Бұл ауқымды оңтайландыру даму институттарын неғұрлым тиімді басқаруға және мемлекеттік қолдауды қазақстандықтарға сапалы, жедел жеткізуге арналған. Қосылу процесі фермерлер үшін теріс әсер етпейтінін ерекше атап өткім келеді. Агроөнеркәсіптік кешенге мемлекеттік қолдау толық көлемде...

2021 жылы әлемдік мұнай бағасы айтарлықтай өсе қоймайды. Мұнай бағасы барреліне 45-50 доллар төңірегінде ғана құбылуы мүмкін. Бұл Ұлттық банк ұсынған базалық сценарий негізіндегі болжам. 

Ұлттық банк төрағасының орынбасары Ақылжан Баймағамбетов біз инфляцияны 7,3 – 7,5 пайыз көлемінде болады деп болжадық, 2020 жылдың қорытындысы бойынша инфляция 7,5 пайыз деңгейінде қалыптасты. Демек біздің болжамға сай келді дейді. 

  «Инфляцияның қалыптасуына көбіне азық-түлік тауарларының қымбаттағаны әсер етті. Дегенмен, азық-түлікке жатпайтын тауарлардың бағасы мен ақылы қызметтердің құны жалпы инфляцияның қарқынын төмендетті. 2020 жылы азық-түліктің күрт қымбаттауы пандемияның салдары ретінде бүкіл әлемде байқалған тенденция болды. Біріншіден, жекелеген тауарларға деген сұраныс артты (мысалы, жеміс...

Қазақстан Премьер-Министрінің орынбасары – Сыртқы істер министрі Мұхтар Тілеуберді Канаданың «Condor Petroleum» мұнай-газ компаниясының Басқарушы директоры Норман Сторммен кездесу өткізді.Бұл туралы  ҚР Сыртқы істер министрлігінің баспасөз қызметі хабарлады.

Тараптар дағдарыстан кейінгі кезеңде экономиканы дамыту, Қазақстанда бизнес жүргізу және инвестициялар жөніндегі кең ауқымды мәселелерді талқылады. «Condor Petroleum» Қазақстанда сұйытылған табиғи газ өндіру зауытын салу бойынша инвестициялық жобаны іске асыруға мүдделі.

Компания Қазақстанның мұнай-газ саласында 20 жылдан астам жұмыс істейді. Қазіргі уақытта Ақтөбе облысындағы Жарқамыс кен орнында мұнай өндіру жобасы іске асырылуда. Бүгінде «Condor Petroleum» ел экономикасына 250 млн. астам АҚШ долларын инвестициялады.
 

ҚР АШМ мемлекеттік ветеринариялық инспекторлары заңсыз Қазақстанға өткізілмек болған ресейлік 36 мың дана жұмыртқаны кері қайтарды. Бұл туралы АШМ баспасөз қызметі хабарлады.

2021 жылы 11 наурызда Солтүстік Қазақстан облысының бақылау пунктінде ветеринариялық заңнаманы бұза отырып тасымалданған 36 000 дана азық-түлік жұмыртқаларын алып келудің алдын алды. Өнім Ресей Федерациясынан, Орынбор облысынан ЕАЭО талаптарына сәйкес келмейтін ветеринарлық сертификатпен еліміздің ірі қалаларының біріне жіберілген. Заңға сәйкес жүк экспорттаушы елдің аумағына қайта қайтарылды.

Бүгінде Қазақстан Республикасында Сыртқы мемлекеттік шекарасында 31 Ветеринариялық бақылау бекеті орналасқан. Ал, Ресей-Қазақстан және Қырғыз-Қазақстан учаскелерінде тағы 32 Ветеринариялық бақылау бекеті бар.

Айта кетсек, 2021 жылдың басынан бастап жүк тасымалы барысында...

Қызылорда облысында газ баллонының жарылуы адамдардың өмірін қиды. Оқиға туралы Қызылорда облысының әкімі Гүлшара Әбдіқалықова Facebook.com парақшасында хабарлады.

Әкімнің айтуынша, 27 литрлік цилиндрдің жарылуы 15 наурыз күні сағат 13: 30-да болған.

 «Бүгін сағат 13: 30-да Қармақшы ауданында Жосалы кентінде бір қабатты жеке тұрғын үйде көлемі 27 литр болатын газ баллоны жарылды», – деп жазды Гүлшара Әбдіқалықова. 

Оның салдарын жоюға 60-қа жуық өрт сөндіруші мен 16 техника жұмылдырылды.

Төтенше жағдайлар министрлігі үйінділердің астынан төрт адамның денесі шығарылды деп хабарлады: үйдің 1981 жылы туған иесі, 2000 жылы туған әпкесі, 2001 жылы туған көршісі және 1999 жылы туған үй иесін...

Италияда мектептер мен дүкендер қайта жабылады. Бұл туралы COVID-19 таралуына жол бермеу жөніндегі ВАК хабарлады. 

Италия, өткен жылы коронавирусқа байланысты карантиндік шектеулерді жариялаған алғашқы елдердің бірі, жаңа локдаунға дайындалуда. Коронавирустың келесі таралу қаупіне байланысты 15 наурыздан бастап Италияда мектептер, мейрамханалар, дүкендер мен мұражайлар жабылады. Католиктік Пасха мейрамы уақытында шектеулер өз күшінде қалады. 

Ал Нью-Йоркте коронавирус инфекциясы расталған алғашқы адамның қайтыс болуынан бір жыл өткен соң, мегаполисте пандемияның 30 мыңнан астам құрбандары үшін аза тұту мемориалдық шарасы өтті. Нью-Йорк қаласы 2020 жылдың көктемінде АҚШ-тағы COVID-19 эпицентрі атанған болатын.
 

Коронавирустық жаңа инфекциямен (COVID-19) инфекцияның расталған жағдайларының саны әлем бойынша 120 миллионнан асты. Бұл туралы Анадолу сайты хабарлады.

Worldometers веб-сайтының жаңартылған мәліметтеріне сәйкес, қауіпті инфекцияны жұқтырған жағдайлар саны 120 057 631-ге жетті.

COVID-19 инфекциясын жұқтырудың ең көп саны АҚШ-та тіркелген – 30 043 662.

Төменде коронавирусты әлемде ең көп жұқтырған елдердің тізімі келтірілген:

Үндістан – 11 439 250, Бразилия – 11 359 048, Ресей – 4 380 525, Ұлыбритания – 4 253 820, Франция – 4 045 319, Италия – 3 201 838, Испания – 3 183 704, Түркия – 2 866 012, Германия – 2 569 850, Колумбия...

Бразилия коронавирустық инфекцияны жұқтырғандар саны бойынша әлемде екінші орынға шықты. Сондай-ақ, мұнда күнделікті КВИ өлімінің жаңа рекорды орнатылды: бір күнде 2300-ге жуық адам қайтыс болды. Covid-19 таралуын тоқтату мақсатында билік ресейлік «Спутник V» вакцинасын сатып алуға келісімшарт жасасты. Аталған вакцинаның 10 миллион дозасы AstraZeneca және Sinovac компанияларының препараттарына қосымша сәуір айынан бастап елге үш кезеңмен жеткізілмек. Бұл туралы ҚР Үкіметі жанындағы Қазақстанда коронавирустың таралуына жол бермеу жөніндегі ВАК жұмысы туралы шұғыл ресми Telegram каналы хабарлады.

 Түркияда туристік сала қызметкерлерін вакцинациялау бағдарламасын жүзеге асыру басталды. «Біз вакцинация жүргізу үшін туристік сектор қызметкерлерін тіркеуді бастадық», — деп хабарлады елдің Мәдениет және...

Иранның оңтүстігіндегі Керман провинциясында 5 баллдық жер сілкінісі болды. Бұл туралы Анадолу сайты хабарлады.

Тегеран университетінің сейсмологиялық орталығының хабарлауынша, жер сілкінісінің эпицентрі Керман провинциясының Фаряб аймағында болған.

Жер сілкінісінің көзі 18 шақырым тереңдікте жатты.

Зардап шеккендер туралы ақпарат жоқ.
 

Қытайдың оңтүстігіндегі Наньнин қаласы мен Қазақстанның астанасы Нұр-Сұлтан қаласын байланыстыратын жаңа теміржол бағыты іске қосылды, деп хабарлайды ҚазАқпарат. 

Ауыр құрылыс техникасы бар 49 контейнер тиеген пойыз сенбі күні Наньнин халықаралық теміржол портынан кетіп, жөнелтілген сәттен бастап 13 күн ішінде Қазақстан астанасына жетеді. 

Ұзындығы 5031 км болатын бұл маршрут «Қытай-Еуропа» халықаралық теміржол жүк тасымалы аясында іске қосылды.

 Қытайлық Guangxi Construction Engineering Group Construction Machinery Manufacturing инжинирингтік компаниясы хабарлағандай, жаңа маршрут іске қосылғанға дейін жабдықты автомобильмен тасымалдауға 45 күннен астам уақыт қажет болды. China Railway Nanning Group өкілі Чжоу Ситунның айтуынша, жаңа бағыт Нанниннің « Бір белдеу- бір жол» бастамасындағы рөлін...

Павлодар облысында ірі есірткі жеткізушіден 100 миллион теңгеге «синтетик» тәркіленді, – деп хабарлайды Polisia.kz.

2021 жылы 12 наурызда сағат 09.35-те Павлодар қаласында Есірткі қылмысына қарсы іс-қимыл басқармасының жедел қызметкерлері ауқымды операция жүргізді. Нәтижесінде Павлодар қаласында орналасқан жасырын орнынан алынған бір келіден астам синтетикалық есірткі заттарын өткізу әрекеті кезінде есірткі курьері ұсталды. 

    «Ұсталған азамат еліміздің оңтүстік өңірінің 24 жастағы тұрғыны, Павлодар облысындағы ірі есірткі құралдарын  жеткізушілердің бірі болып шықты», – деді Павлодар облысы Полиция департаментінің бастығы Нұрлан Мәсімов.

Аталған факті бойынша ҚР ҚК 297-бабының 3-бөлігі бойынша сотқа дейінгі тергеу басталды, күдікті Павлодар қаласының УҰИ-на қамалды.

Алматы әуежайы маңында әскери ұшақ апатқа ұшырады. Бұл туралы Халықаралық Алматы әуежайының баспасөз қызметі хабарлады. 

«Бүгін 17:20-да Нұр-Сұлтан-Алматы» бағытында ұшып шыққан ҰҚК әуе қызметінің АН-26 ұшағы апатқа ұшырады. Бірден дабыл қағылды. Оқиға орнына апаттық құтқару жасағы шұғыл аттанды.

Алдын ала таралған ақпаратқа сәйкес, борт ұшу қону жолағының бас жағында құлаған»,- деді әуежайдан.  

Төрт адам қаза тапқан, екеуі зардап шеккен. Оларды Іле аудандық ауруханасына жіберді, деп хабарлады Алматы денсаулық сақтау басқармасынан.

Өткен жылы ШҚО-да 256 келі есірткі тәркіленді, – деп хабарлайды Polisia.kz.

Шығыс Қазақстан облысы Полиция департаментінің бастығы Сағат Мәдиев ішкі істер органдарының жұмысындағы маңызды бағыттың бірі  нашақорлықпен күрес екенін атап өтті. – 2020 жылы 253 есірткі қылмысы анықталды, оның ішінде 157 факті есірткі өткізу фактісі.

Заңсыз айналымнан барлығы 256 келі әртүрлі есірткі алынды, – деді С.Мәдиев. ШҚО бас полицейі полиция қызметкерлері еліміздің оңтүстік өңірлерінен алты есірткі жеткізу арнасының жолын кесіп, бес қылмыстық топты залалсыздандырғанын хабарлады.Сонымен қатар есірткіні насихаттау мен жарнамалауға қарсы күрес белсенді жүргізілуде. Есірткі сайттарын жарналамайтын 112 граффити анықталып, жойылды, есірткі тұтынуды насихаттайтын 73 интернет парақша бұғатталды.  

 Қарағанды облысында ауыл азаматы өзінің сүйіктісіне сыйлық жасау үшін қызмет атқаратын мекемеден 200 мыңнан астам ақша ұрлаған, – деп хабарлайды Polisia.kz сайты.

 Қарағанды облысы, Шет аудандық полиция бөліміне аудандағы мекемелердің бірінен ақша ұрланды деген хабарлама түскен. Оқиға орынына жедел-тергеу тобы жіберілді. Алдын ала тергеу кезінде белгісіз біреудің мекеменің кассасы тұрған бөлменің құлпын сындырып, кассадан 225 мың теңге ұрлағаны белгілі болды.

 Полиция қызметкерлері ұрлық болған күні мекемедегі бейнекамералардың өшірулі болғанын анықтады. Аталған факті бойынша Қазақстан Республикасы Қылмыстық Кодексінің 188-бабына сәйкес қылмыстық іс қозғалды.

Криминалдық полиция қызметкерлерімен жүргізілген жедел іздестіру іс-шаралары барысында осы іске қатысы бар деген күдікпен 24 жастағы азамат ұсталып...

Қаржы пирамидасын құрған ақтөбелік үш азамат анықталды, – деп хабарлайды Polisia.kz.

Ақтөбе облысы Полиция департаментінің Тергеу басқармасы қазіргі уақытта қылмыстық іс-материалдарымен танысу сатысында тұрған «Home Avto Invest» ЖШС қаржы пирамидасына қатысты қылмыстық іс жүргізуді аяқтады.

Осы қылмыстық істің материалдарымен танысу үшін жәбірленушілерден ағымдағы жылғы 20 наурызға дейінгі мерзімде Ақтөбе қаласы, Ағайынды Жұбановтар көшесі 271А үй, 424-кабинет мекенжайы бойынша келуді немесе 936-424 нөмірі бойынша хабарласуды сұраймыз.

2019 жылғы қарашадан бастап 2020 жылғы ақпанға дейінгі уақыт кезеңінде Ақтөбе қаласының үш тұрғыны Ақтөбе, Атырау және Ақтау қалаларының аумағында «Home Avto Invest» ЖШС қаржы пирамидасын құрып, онда сыйақы төлеу түрінде жоғарыда көрсетілген қалалардың тұрғындарыны...

АҚШ-та вакцинаның екі дозасын алған адамдарға үй ішінде шағын топтарда кездесуге рұқсат етілді. Қоғамдық орындарда бетперде кию міндетті болып қала береді. Бұл Президент Әкімшілігі мақұлдаған алғашқы кішігірім жеңілдіктер. Бұған дейін бірқатар мемлекеттер шектеулердің көп бөлігін алып тастаған, бірақ шешімдер жергілікті деңгейде қабылданған. Бұл туралы ҚР Үкіметі жанындағы Қазақстанда коронавирустың таралуына жол бермеу жөніндегі ВАК жұмысы туралы шұғыл ресми Telegram каналы хабарлады.
⠀
Ресей Еуропалық Одақ аумағында «Спутник – V» вакцинасын өндіру туралы алғашқы келісім жасады. Шілде айынан бастап итальяндық-швейцариялық Adienne фармакологиялық компаниясы айналысады. Еуропалық дәрі-дәрмектер агенттігі ЕО аумағында «Спутник V» қолдануды әлі мақұлдаған жоқ, бірақ кейбір елдер ресейлік вакцинаны қолдана...

 «Алматы жастары» қалалық бағдарламасы аясында биыл 1000-ға жуық мұғалімдер, дәрігерлер, журналистер, мәдениет қызметкерлері, спортшылар, әлеуметтік сала қызметкерлері мен құқық қорғау органдарының жас мамандары баспаналы болады 

2021 жылдың 10 наурызында Алматы әкімдігі мен «Отбасы Банк» АҚ жыл сайынғы бірлескен жобасы – «Алматы жастары» бағдарламасы басталады. Тұрғын үй бағдарламасы жас мамандарға баспана алу үшін жеңілдетілген несие алуға мүмкіндік береді. 

Жобаға 35 жасқа дейінгі/35 жасқа толған (жұбайының/зайыбының жасына қарамастан) ерлі-зайыптылардың біреуі ғана қатыса алады. Өтініш берушінің және оның отбасы мүшелерінің атында соңғы 5 жылда жылжымайтын мүлік болмауы тиіс, тек жекешелендіру немесе мұрагерлік құқықпен кәмелетке толғанға дейін алынған жылжымайтын мүліктегі үлес қана...

Сауд Арабиясының мемлекеттік Saudi Aramco мұнай компаниясы сәуір айында Азия мен Америка Құрама Штаттарының сатып алушылары үшін шикі мұнайдың көп түрлерінің бағаларын өсіретінін, сонымен бірге еуропалық клиенттердің бағаларын төмендететінін мәлімдеді. Бұл туралы interfax.ru сайты хабарлады.

Азиялық сатып алушыларға арналған Arab Light барреліне 0,4 долларға қымбаттайды. Нәтижесінде оның баррелі Оман мен Дубайдың бір себет мұнайына қарағанда 1,4 долларға қымбат болады. Arab Heavy сортынің   Азия үшін құны өзгермейді, ал басқа сорттар үшін барреліне 0,2-0,6 долларға көтеріледі.

Сәуірде Солтүстік-Батыс Еуропадан сатып алушылар үшін мұнай бағасы барреліне 1,5 доллардан 1,8 долларға дейін, Жерорта теңізінен – барреліне 1 доллардан 1,9 долларға дейін өзгереді.