Жаңалықтар

ҚХР Төрағасы Си Цзиньпиннің Қазақстанға келуіне байланысты елорданың бірқатар көшелері жабылады. Бұл туралы қала әкімдігі хабарлады.

Көшелер неге жабылады?

«Астанада «Қытай – Орталық Азия» іскерлік кеңесінің отырысына байланысты бірқатар көше жабылады», – делінген баспасөз хабарламасында.

16-18 маусым күндері елге Қытай Халық Республикасының Төрағасы Си Цзиньпин ресми сапармен келеді. 17 маусым күні Орталық Азия мемлекеттері басшыларының қатысуымен «Қытай – Орталық Азия» іскерлік кеңесінің екінші отырысы өтеді деп жоспарланып отыр. Көшелер осы шараларға байланысты жабылады.

Қандай көшелер жабылады?

Астана қаласы әкімдігінің хабарлауынша, 16-18 маусым аралығында мына көшелер жабылады:

Дональд Трамп Иранға ескерту жасады. Егер Тегеран АҚШ-тың әскери базаларына шабуыл жасаса, америкалық әскерилер бұрын-соңды болмаған қуатын қолданып, жауап қайтаратынын айтты.

Иран өзіне Израиль тарапынан жасалған шабуылға АҚШ жауапты деп санайды. Тегеран Израильді АҚШ мақұлдауымен әскери операциялар жүргізді деп айыптайды. Жақында Иран басылымдары Тегеранның жауап ретінде АҚШ-тың Таяу Шығыстағы әскери базаларына шабуыл жасауы мүмкін екенін жазды.

Трамп бұл ақпаратқа өзінің Truth Social әлеуметтік желісінде жауап берген.

«Егер Иран қандай да бір жолмен бізге шабуыл жасайтын болса, АҚШ Қарулы Күштерінің толық қуаты бұрын-соңды болмаған ауқымда сізге қарсы қолданылатын болады. АҚШ-тың Иранға жасалған шабуылға ешқандай...

15 маусым күні Үндістанда тікұшақ апатқа ұшырады. Оқиға салдарынан жеті адам қаза тапқан. Қайтыс болғандар арасында ұшқыш та бар.

Апат туралы

Ресми деректерге сәйкес, тікұшақ бортында бес ересек адам, бір нәресте және бір экипаж мүшесі болған. Ол Гупткаши қаласынан таңғы 5:10-да ұшып шығып, 5:18-де Кедарнатх храмының тікұшақ алаңына қонған. Бір минуттан соң, қайтадан әуеге көтеріліп, 5:19-да Гупткаши қаласына бағыт алған. Алайда жолдағы Гаурикунд маңында апатқа ұшыраған.

Апаттан кейін жергілікті билік пен құтқарушылар апат орнына дереу жетіп, жағдайды бақылауға алған. Қазіргі уақытта құтқару операциясы жалғасып жатыр. Апаттың себептері әлі де анықталады. Тексеріс жүріп жатыр.

Үндістандағы әуе...

Алматы әкімі Дархан Сатыбалды Алматы әкімі жұмыс кестесін бұзған мердігерлерді жауапқа тартпақ. Бұл туралы әкім Түрксіб ауданындағы әлеуметтік және коммуналдық инфрақұрылым нысандарын аралау барысында айтқан.

Әкім ауданның бірқатар маңызды нысандарын аралап, «Нұршашқан» шағын ауданындағы ауызсу, кәріз және электр желілері бойынша инфрақұрылымдық жобалармен танысқан.

Тұрғындар әкімге жарықтың жиі сөніп, судың тұрақсыз берілетінін айтқан. Дархан Сатыбалды сумен жабдықтау бойынша жобадағы кемшіліктерге байланысты қазіргі мердігермен жұмысты аяқтауды тапсырып, мерзімді бұзса басқа ұйымды тартуды тапсырған.

Бұдан бөлек әкім «Әлмерек» және «Маяк» шағын аудандарының су, кәріз желілерін тарту және электр желілерін жаңарту жобаларымен танысқан. Сондай-ақ Қонаев «Нұрлы жер» бағдарламасымен салынып жатқан 260 орындық балабақша...

Иран мен Израиль арасындағы қақтығыс күшеюіне байланысты Біріккен Араб Әмірліктері бірқатар рейстерін тоқтатып тастаған болатын. Осының салдарынан Дубайға демалуға кеткен қазақстандықтар елге қайта алмай қалған. Енді Туризм және спорт министрлігі туристердің елге жеткізілгенін хабарлады.

«FlyDubai әуе компаниясының ұшағы қазақстандық туристермен Алматыға қонды FlyDubai рейстері бүгін сағат 02:45 пен 06:23 аралығында аталмыш елдердің әуе кеңістігін айналып өтіп, елге 13 маусымда ұша алмаған 332 туристі және жоспарлы жолаушыларды жеткізді», – делінген министрлік хабарламасында.

13 маусымда Біріккен Араб Әмірліктерінен, нақты айтқанда, Дубай мен Абу-Дабиден Қазақстанға сонымен бірге басқа да өңірлерге ұшатын рейстер тоқтатылған болатын. Бұл шешім...

Лондонда өтіп жатқан командалық әлем чемпионатында қазақстандық шахматшылар жеке төрт медаль иеленді. Меруерт Камалиденова мен Ислам Айтен күміс медаль алса, Ринат Жұмабаев пен 10 жасар Сүлеймен Нұрақын қола жүлдені қанжығасына байлады.

Үш команданың шеберлігі

Қазақстанның намысын KazChess, Barys.kz және Rookies командалары қорғады. Barys.kz командасының көшбасшысы Қазыбек Нөгербек әлемнің үздік гроссмейстерлеріне қарсы ойындарда керемет шеберлік көрсетіп, 12 мүмкін ұпайдан 8 ұпай жинады. Жас талант Сүлеймен Нұрақын да ерекше көзге түсіп, 8½ ұпай жинап, өзінің зор әлеуетін дәлелдеді. Тағы бір айтулы оқиға – Денис Махневтің (KazChess) Hexamind Chess Team жұлдызы, 2708 рейтингтегі ойыншы Леньер Домингес Пересті жеңуі болды.

Израиль мен Иран арасындағы қақтығыс ушығып барады. Жексенбі, 15 маусымға қараған түні тараптар бірін-бірі зымыранмен атқылады. Екі елде де зымырандардың тұрғын үйлерге түсіп, бейбіт тұрғындардың зардап шеккені туралы айтылады. Бұл туралы Reuters басылымы хабарлады.

Израильдегі жағдай

Тель-Авив пен Иерусалимде сенбі, 14 маусым кешінде дабыл қағылып, миллионға жуық адам бомбадан бас сауғалап баспаналарға тығылған. Зымырандар шабуылы түнгі 23:00-де басталған. Шабуылдың екінші толқыны түнгі 2:30-да басталған. Израиль әскері жаңа зымыран шабуылы туралы ескертіп, тұрғындарды қауіпсіз орындарға баруға шақырды.

Бұл шабуылдар нәтижесінде кемінде 7 адамның қаза тапқаны айтылады. Олардың ішінде 10 жасар бала мен 20 жастағы әйел бар. 140-тан...

ТЖМ қызметкерлері екі қалада қараусыз қалған балаларды құтқарды. Астана құтқарушылары Алматы ауданында қараусыз қалған екі бүлдіршінді және Ақтөбе қаласында 10 жастағы баланы құтқарып қалған. Бұл туралы Төтенше жағдайлар министрлігінің баспасөз қызметі хабарлады.

ТЖМ мәліметінше, 15 маусым күні 112 шұғыл қызметіне Мұстафин көшесіндегі пәтерлердің бірінде екі баланың қараусыз қалғаны туралы хабар түскен. Үлкендердің хабарлауынша, есік ішінен құлыпталып қалған. Ересектер есікті аша алмаған. Содан кейін құтқарушылардың көмегіне жүгінген.

Көмекке жеткен құтқарушылар арнайы жабдықталған үш иінді баспалдақ көмегімен пәтердің терезесі арқылы үйге кіріп, есікті ішінен ашқан. Үйде бұл мезгілде 2020 жылғы және 2021 жылы туған екі бала болған.

Операция сәтті аяқталып...

БҰҰ Халық саны жөніндегі қоры (ЮНФПА) әлемде туу деңгейі бұрын-соңды болмаған деңгейге төмендеп бара жатқанын мәлімдеді, деп жазады ВВС.

Соңғы зерттеу көрсеткендей, баланы бағып-қағуға кететін шығынның өсуі мен лайықты өмірлік серіктің жолықпауы миллиондаған адамның перзент сүюге деген ниетіне әсер етеді.

Әлемнің әр түкпірінде жүргізілген сауалнама

ЮНФПА 14 мемлекетте шамамен 14 мың адамға сауалнама жүргізген. Олардың әрбір бесіншісі «бала саны қалағанымдай болмайды» деген пікір білдірген.

Сауалнама Бразилия, Венгрия, Германия, Үндістан, Индонезия, Италия, Марокко, Мексика, Нигерия, АҚШ, Таиланд, Швеция, Оңтүстік Корея және Оңтүстік Африка елдерінде жүргізілген. Аталған мемлекеттерде әлем халқының шамамен үштен бірі тұрады.

ЮНФПА басшысы Наталия Канем жағдайды...

Қытайдың China National Nuclear Corporation компаниясы Қазақстандағы келесі атом электр стансасын салатын консорциумның басшысы ретінде таңдалуы мүмкін. Бұл туралы Атом энергиясы жөніндегі агенттік таратқан хабарламада айтылған.

Атом энергиясы агенттігінің төрағасы Алмасадам Сәтқалиевтің айтуынша, алдын ала іріктеуден өткен қатысушылардың барлығының теңдесі жоқ технологиялары бар. Алайда Қытай Халық Республикасының және Ресейдің ұсыныстары ең мықты болған.

«Атом саласында ҚХР-мен әріптестік туралы жеке бас келісімге қол қою жоспарланып жатыр. Жаңа АЭС құрылысын салуда Қазақстанда қытайлық технологиялар қолданылғанын қалаймыз. Әлемде толық атом цикліне өз күшімен қауқарлы мемлекеттер өте аз. Қытай – қажет технологиялар мен өндірістік базасы толыққанды қалыптасқан мемлекеттердің бірі, сондықтан...

Біз көбіне демалысқа барсақ немесе шетелге шықсақ таудай қылып үйіп тізім жасап, таңертең ерте шыққаннан түнде келіп талып ұйықтаймыз. Осылайша бір апта бойы тынымсыз аралаймыз. Сондағысы «күнде келіп жатқан жоқпыз, Эйфель мұнарасының алдына суретке түспей кетуге бола ма?» дейміз. Кейінгі кездері осындай қапылысқа қарсы концепция пайда болды. Ол slow travel деп аталады. Мұның нендей ерекшелігі бар? Пайдасы қандай? Осы туралы айтайық.

Демалыс қапылысқа айналмасын

«Үш күнде бес қаланы көру керек» деп маршрут құрап алып, must see жерлерді аралауды мақсат тұтатын қапылыс баршаңызға таныс шығар. Естеріңізде болса, бұған дейін саяхатты марафонға айналдырмаудың жолдарын жазғанбыз. Енді сол баяу, асықпай...

Денсаулық сақтау министрі Ақмарал Әлназарова пациенттің туысы шабуыл жасаған Қарағанды қалалық балалар ауруханасының екі дәрігерінің жағдайын сұрап қайтқанын хабарлады.

Министрдің сөзінше, медицина қызметкерлері ауыр жарақат алған. Миы шайқалып, мұрын сүйегі сынған, денелерінде көптеген көгеру мен гематома бар.

Қазір олар облыстық аурухананың шұғыл нейрохирургия бөлімшесінде жатыр.

Министр дәрігерлерге жасалған шабуылда қатаң айыптады.

«Бұл жай ғана бұзақылық емес – бұл өз өмірін өзгенің өмірін құтқаруға арнаған жандарға қарсы жасалған сорақы зорлық-зомбылық әрекеті. Мұндай агрессиялық көріністерге ешқашан жол берілмеуі тиіс және құқық қорғау органдарының тарапынан қатаң шаралар қолданылуы, қоғам тарапынан ашық айыпталуы қажет», – дейді ол.

Министр...

Ресейлік «Росатом» мемлекеттік корпорациясының бас директоры Алексей Лихачев корпорация Қазақстандағы алғашқы АЭС құрылысын салуға арналған халықаралық консорциумның көшбасшысы ретінде танылғанына байланысты пікір білдірді.

KursivMedia-ға жолданған хабарламада корпорация Қазақстанның атом электр стансасын салу туралы жобаны бастау шешімін құптайтыны айтылған.

«Оның нәтижесінде әлемдегі ең озық және тиімді жоба негізінде АЭС бой көтеретін болады. Жобадағы ВВЭР-1200 «3+» буындағы реакторлар уақыт сынынан өткен инженерлік шешімдерді қауіпсіздіктің ең соңғы белсенді және енжар жүйелерімен үйлестіре пайдаланады және халықаралық қауіпсіздік стандарттарына толық сәйкес келеді. ВВЭР-1200 реакторы Ресейде және одан тыс жерлерде (Ресейде төрт, Беларусьте екі реактор) іске қосылып, жұмыс істеп жатыр. Сонымен...

Туризм және спорт министрлігі Таяу Шығыстағы жағдайға байланысты Иран, Израиль, Сирия, Ирак, Иордания және Ливан аумағында, әуе кеңістігінде және оған жақын аймақтарда ұшуға толық тыйым салынғанын хабарлады.

Министрліктің мәліметінше, мұндай шектеуді Азаматтық авиация комитеті енгізген. Шектеу арнайы бұйрық шыққанға дейін күшінде болады.

Аталған ведомствоның нұсқауы отандық әуе тасымалдаушылардың барлық тұрақты және тұрақсыз жолаушылар, жүк, сондай-ақ техникалық рейстеріне қатысты.

«Осыған байланысты туристерден жағдайды жіті қадағалап, сапарларын, әсіресе БАӘ мен Парсы шығанағы елдеріне баруды мұқият жоспарлауды сұраймыз. Аталған өңірдегі ахуал өзгерген жағдайда Қазақстанның Авиациялық әкімшілігінің авиациялық қауіпсіздік департаменті қосымша ақпарат ұсынады», – делінген хабарламада.

Туризм және...

Қытай автонарығында көлік бағасы құлдырай бастады. Автоөндірушілер сатылым көлемінің төмендеуі, ішкі бәсекенің күшеюі және артық өндіріске байланысты танымал модельдерге бағаны жаппай төмендете бастады. Соның айқын мысалы – жаңартылған Lynk & Co 01 көлігі. Қазір бұл модель LADA Vesta-дан да арзан, деп хабарлайды Autohome Research Institute сарапшылары.

Autohome мәліметі бойынша, фейслифтингтен кейінгі Lynk & Co 01 кроссоверінің бастапқы бағасы 119 800 юаньды (шамамен 7,8 млн теңге) құрайды. Бұл алдыңғы нұсқасынан 20 000 юаньға арзан. Салыстырар болсақ, Қытайдағы ресейлік LADA Vesta-ның бағасы 125 000 юаньнан басталады, деп жазады Yiche.com порталы.

Автокөлікті шығаратын Geely компаниясы бұл баға саясатын қоймадағы көліктерді тезірек...

Үндістанда Air India әуе компаниясына тиесілі ұшақ апаты құрбандарының саны артты. Ахмедабад қалaсында құлаған ұшақ орнынан 279 адамның мәйіті табылған. Бұл жайлы сенбі, 14 маусым күні AFP агенттігі құқық қорғау органындағы дереккөзіне сілтеме жасап хабарлады.

Апаттан қайтыс болғандардың ресми саны ДНҚ әдісі арқылы теңестіріліп аяқталғаннан кейін жарияланған.

12 маусым күні Boeing 787-8 Dreamliner ұшағы Ахмедабад-Лондон бағытындағы AI171 рейсімен көтерілгеніне шамамен бір минут өткенде 190 метр биіктіктен құлап түскен. Оның бортындағы 242 адамның арасында Үндістан, Ұлыбритания, Португалия және Канада азаматтары болған.

Апаттан жалғыз жолаушы – 40 жастағы Ұлыбритания азаматы Вишваш Кумар Рамеш қана аман қалған. Ол 11А орнында...

Израиль жедел жәрдем қызметінің мәліметінше, Иран атқан зымыран сенбі күні таңертең Израиль орталығындағы тұрғын үйлерге құлап, екі адам қаза тауып, 19 адам жарақаттанған Ал Иранның БҰҰ-дағы елшісі израиль соққысы салдарынан Иранда 78 адамның мерт болғанын айтты. Бұл туралы Euronews хабарлады.

Ракеталар легі мен шығын

Иран сенбіге қараған түні Израильге төрт зымыран легін атқан. The Jerusalem Post дерегі бойынша, сенбінің таңында қаза тапқандар саны 4-ке жетіп, жарақаттанғандар 70-тен асқан. Израиль қорғаныс армиясы – ЦАХАЛ-дың мәлімдеуінше, барлығы 200-ден астам зымыран атылған. Олардың көбін қағып түсіргенімен, кейбірі нысанаға тиген. Жарылыс даусы Тель-Авив, Иерусалим, Беэр-Шева, Гуш-Дан және басқа қалаларда естілген

Мемлекеттік қызмет істері агенттігі төменгі лауазымды мемлекеттік қызметке жұмысқа алу тәртібіне өзгеріс енгізбек. Тиісті бұйрық жобасы Ашық НҚА порталында жарияланды.

Жаңа тәртіпке сай, енді төменгі лауазымдарға үміткерлер әңгімелесу кезеңінің орнына практикалық бағалау кезеңінен өтеді.

Практикалық бағалау кезеңіне конкурстың алдыңғы кезеңдерінің нәтижелері бойынша ең жоғары балл жинаған екі үміткер жіберілетін болады.

Практикалық бағалау кезеңінде үміткерлер бос лауазымның функционалдық бағытына сәйкес нақты тапсырмаларды орындау арқылы бағаланбақ.

Бұған дейін, әскери және құқық қорғау органдарының қызметкерлеріне жалға берілетін және қызмет соңында тұрғын үй беру тәртібі өзгеретінін хабарлағанбыз.

Қазір YouTube-та әзіл мен ойды қосарласа қамтитын қазақша жобалар көбейіп жатыр. Көбісі қоғамдағы маңызды мәселелерді әзілмен жеткізіп, күнделікті күйбең тіршілікке жеңіл көзқарас ұсынады. Назарларыңызға сондай 5 жобаны ұсынамыз:

1.  Арзан психологтар. Руслан және Тілеген атты «кәсіби» емес, «арзан» психолог-комиктер көрермендердің жеке мәселелерін тыңдап, оларға әзілмен жауап береді. Көрермендердің көпке айта бермейтін мәселелерді «ақтаруы» жобаны басқаларынан ерекше етеді.

2. Сыр жобасы. Жансая, Дидар, Ғалымжан атты комиктер қонақтармен бірге ер мен әйел арасында қарым-қатынас тақырыбын қызық форматта талқылайды. Бұл жерде өзекті мәселелер талқыланып, әркім өзінің көзқарасын білдіреді. Жоба қиын тақырыптарды жеңіл талқылауымен қызық. Жоба әлі үйленбеген және отбасы құрған адамдарды...

Қазақстан Атом энергиясы жөніндегі агенттігі халықаралық сарапшылардың қатысуымен алғашқы атом электр станциясын салуға арналған консорциум көшбасшысын айқындау жұмысын аяқтағанын хабарлады.

«Қазақстанда АЭС салу бойынша ең оңтайлы әрі тиімді ұсыныстар ресейлік «Росатом» компаниясынан келгені анықталды. Екінші орынға қытайлық «China National Nuclear Corporation» жайғасса, француздық «Électricité de France» пен кореялық «Korea Hydro & Nuclear Power» ұсыныстары үшінші орынды иеленді. Осылайша, «Росатом» компаниясы Қазақстандағы алғашқы атом электр станциясын салу жобасы бойынша халықаралық консорциумның көшбасшысы ретінде анықталды«, – делінген агенттік хабарламасында.

Қазіргі уақытта «Росатом» ұсыныстары негізінде Ресей Федерациясы тарапынан мемлекеттік экспорттық қаржыландыру тарту мәселесі пысықталып жатқаны айтылды.

Агенттік шешім қабылдауда...

14 маусымда Ұлттық құрылтайдың құрылғанына үш жыл толды. Мемлекеттік кеңесші Ерлан Карин Ұлттық құрылтайды президенттің «Халық үніне құлақ асатын мемлекет» тұжырымдамасын жүзеге асыруға зор ықпал етіп келе жатқан маңызды институттың бірі ретінде сипаттап, осы аралықта істелген жұмыстар туралы баяндады.

Ерлан Карин құрылтай құрамы үнемі жаңартылып отыратынын атап өткен. Оның қатарында Парламент депутаттары, саяси партиялардың, білім, ғылым, мәдениет, бизнес, медицина, спорт, адам құқығын қорғау саласындағы ірі қоғамдық бірлестіктердің өкілдері, өңірлік қоғамдық кеңестердің мүшелері, жас көшбасшылар және белсенді азаматтар бар.

Оның пікірінше, Ұлттық құрылтай осы уақыт ішінде Қазақстан қоғамын ортақ мақсатқа жұмылдыруға арналған бірегей идеялар мен стратегиялық қадамдар ұсынатын ең басты...

Франциялық қауіпсіздік жөніндегі сарапшы Клод Монике Euronews тілшісіне берген сұхбатында Израиль шабуылы Таяу Шығыстағы күш теңгеріміне зор өзгеріс әкелгенін мәлімдеген. Оның айтуынша, алдағы күндері Еуропадағы израильдік және америкалық мүдделерге қауіп төнуі мүмкін.

Осы аймаққа қатысты бірнеше кітап жазған тәуелсіз сарапшы Моникенің айтуынша, Иран израильдіқ соққылар кезінде орасан зор әскери шығынға ұшырап, енді жауабындағы әрекеттері өте шектеулі болуы мүмкін.

«200-ден астам ұшақ қатысып, 300 соққы жасалып, 100 нысан атқыланып, кем дегенде 12-15 ирандық басшы жойылған операция жай ғана кішігірім әрекет емес. Бұл – соғыс актісі. Израильдіктер 25 жыл бойы Иранның ядролық бомбаға ие болуына жол бермейтіндіктерін...

Денсаулық сақтау министрлігі медицина қызметкерлерінің арасындағы «Мамандығының үздігі» республикалық байқауының жеңімпаздарын жариялады.

Байқау аясында мамандар 17 номинация бойынша марапатталған.

Олардың қатарында әртүрлі бейіндегі дәрігерлер, акушер-гинекологтар, хирургтар, фармацевтер, оқытушылар, санитариялық дәрігерлер және еліміздің барлық өңірлерінен келген басқа да мамандар бар.

Конкурс жеңімпаздары 500 АЕК мөлшерінде (1 млн 966 мың теңге ) көтермелеу төлемдерін алады.

Байқау жеңімпаздарының толық тізімі:

* «Стационардың үздік дәрігері» – Смайылов Совет Сләммұратұлы (Павлодар облысы);
* «Үздік жедел жәрдем дәрігері» – Тәжібекова Салтанат Болатқызы (Шымкент қ.);
• «Медициналық-санитариялық алғашқы көмектің үздік дәрігері» – Бақбергенова Айгүл Жұпарбайқызы (Қызылорда облысы);
• «Үздік ауылдық дәрігер» – Төлеуов Жақып Оразайұлы (Қызылорда облысы);
• «Денсаулық сақтаудағы...

Президент Қасым-Жомарт Тоқаев Америка Құрама Штаттарының Президенті Дональд Трампты туған күнімен құттықтады. Бұл туралы Ақорданың баспасөз қызметі хабарлады.

Қасым-Жомарт Тоқаев Америка көшбасшысының жаһандық қауіпсіздік пен тұрақтылықты сақтау жолындағы белсенді әрі прагматикалық қызметін жоғары бағалайтынын атап өткен.

«Мемлекет басшысы АҚШ Президентіне Қазақстанмен стратегиялық серіктестікті нығайтуды көздейтін ұстанымы үшін ризашылығын жеткізді. Сонымен қатар еліміздің Құрама Штаттармен өзара тиімді ынтымақтастықты одан әрі дамытуға мүдделі екенін растады», – делінген құттықтау жеделхатында.

Қасым-Жомарт Тоқаев Дональд Трамптың деніне саулық және жауапты мемлекеттік қызметіне толағай табыс тілеген.

Дональд Трамп 79 жасқа толып отыр. АҚШ-та оның туған күніне орай елдің көп бөлігін қамтитын...