Жаңалықтар

Талдықорған сотында жасөспірім Шерзат Полаттың ісі бойынша тараптардың жарыссөзі өтіп жатыр. 2025 жылдың 2 маусымында сотталушылардың адвокаттары іс бойынша ой-пікірін айтты, деп хабарлайды KursivMedia.

Олардың қатарында кәмелетке толмаған сотталушы Думан Ысқақтың авдокаты Жалқын Қабылов та бар.

«Думан Ысқақ өзіне тағылған айыпты мойындамайды. 2024 жылдың 7 қазанында тергеп-тексеру органдары Ысқақтан жауап алғаннан кейін, оны босатып жіберген. Әрекеттерінде ешқандай қылмыс құрамы жоқ болғандықтан. Кейіннен жәбірленушілердің үйі өртеніп, әлеуметтік желіде шу болып, «қылмысқа қатысқан 13 адам» деген әңгіме шыққан соң, 2024 жылдың 10 қазанында тергеп-тексеру органдары қайта жауап алып, қылмыстық кодекстің 434-бабы бойынша күдікті деп танып, Думанды қамауға...

Шымкенттегі Тәуке хан даңғылы бойында ілулі тұрған жарықдиодты экрандардың бірінен бейәдеп сөз жазылып, оны көрген тұрғындар фото, видеоға түсіріп әлеуметтік желіге таратты. Көп өтпей қала әкімдігі экрандағы сөздің өшірілгенін мәлімдеді.

Оқиға сенбі күні кешқұрым болды. Қала әкімдігінің мәлімдеуінше, әдепке жат жазба рұқсатсыз орталастырылған.

«Цифрлық тасымалдағыштың техникалық қауіпсіздігі мен мазмұнына жауапкершілік құрылғы иесіне жүктеледі. Экранды пайдалану ережелерінің бұзылуына байланысты аудандық әкімдік тарапынан иесіне қатысты әкімшілік шара қолданылады», – делінген хабарламада.

Экран жұмысын үйлестірушілері қала тұрғындары мен қонақтарынан кешірім сұрады.
Әкімшілік бейәдеп сөздің жазылуына үшінші тараптың араласуы мүмкін деп күдіктенеді. Сондықтан бұған қатысты тексеру басталған. Тиісті материалдар құқы...

Желіде Алматыдағы көпқабатты тұрғын үйдің подъезінен бетперде киген, қолында балтаға ұқсас зат ұстаған белгісіз адамдардың шыққан сәті түсірілген видео тарады. Бұл жағдайға қатысты полиция түсініктеме берді.

Instagram желісіндегі @almatynews_kaz парақшасында бетперде киген және қолында ауыр зат ұстаған белгісіз адамдар түсірілген екі видео жарияланды. Бірінші видеода үш адам подъезд алдында тұр, олардың бірінің қолында балтаға ұқсайтын зат бар. Олардың жанына подъезден тағы бірнеше жігіт шығады.

Екінші видео – подъезд ішіндегі бақылау камерасынан алынған. Онда бетперде таққан бір топ жігіттің жоғарғы қабатқа көтеріліп бара жатқан сәті көрінеді. Біреуінің қолында қылышқа ұқсас зат бар.

Күзден бастап Қазақстанның бірталай мектептерінде педагог-профориентатор яғни кәсіби бағдар беру педагогтері үшін арнайы 8 мыңға жуық жаңа штат ашылады. KursivMedia редакциясы Оқу-ағарту министрлігіне сауал жолдап, профориентаторларға жалақы қалай төленетінін және бұл сала мамандары қалай даярланатыны жөнінде сұрады.

Профориентатор болып кімдер істей алады?

Министрлік мәліметінше, 2025 жылдың күзінен бастап Қазақстан мектептерінде 7920 кәсіби бағар беруші маманға жаңа штат орындары ашылады. Бұл штатқа педагогикалық білімі бар мамандар шақырылады.

Редакция бұл сала манадары қалай даярланатыны және алдағы уақытта кәсіби бағдар беруші педагог лауазымының ресми түрде бекітілуіне байланысты жаңа мамандар даярлау мәселесін көтерді. Министрлік бұл мәселенің ҚР Ғылым және жоғары...

Көлік терезесін қараңғылауды ақылы ету мәселесіне қатысты Жапония тұратын қазақ наразылық білдірді. Оның пікірінше, бұл – адам құқығын бұзу.

Жапониялық қазақ yapona_life атты аккаунты арқылы Жапониядағы өмірді көрсетіп отырады.

«Жапонияда тұрып жатқаныма жеті жылдың жүзі болып қалды. Сонда да, Қазақстанның жаңалықтарын ұдайы қадағалап отырамын. Өйткені, мен Қазақстанның азаматымын. Туыстарым, жақындарым мен достарым Қазақстанда тұрады. Сондықтан, мен шет қала алмаймын», – деп таныстырды өзін ол.

Жапонияда тұратын қазақты депутаттардың көлік терезесін қараңғылауды ақылы етуді ұсынысы қайраң қалдырды.

«Кеше мен бір жаңалықты көрдім. Онда депутаттар көлік терезесін көлеңкелеуді ақылы етуді ұсынып жатыр...

Талдықорған сотында Шерзат Полаттың ісі бойынша сот жарыссөзі өтіп жатыр. 2025 жылдың 2 маусымында түске дейін мемлекеттік айыптаушылар, жәбірленуші тарап өкілдері іс бойынша ұстанымдарын айтты. Түстен кейінгі сот отырысында сотталушылардың адвокаттары сөйлеп жатыр, деп хабарлайды KursivMedia.

Жарыссөз барысында Шыңғыс Белғожаевтың адвокаты оны бас бостандығынан айырмауды, тағылған айыпты қылмыстық кодекстің 293-бабының 3-бөлігінен (бұзақылық) осы баптың басқа бөлігіне саралап, соған сәйкес балама жаза тағайындауды сұрады.

«Шыңғыс Белғожаев бұрын сотталған, соттылығы өтелген. Тұрақты тұрғылықты жері бар. Білім – жоғары, спорт мектебінде әдіскер болып жұмыс істейтінін ескере отырып, жазаны жеңілдететін мән-жай ретінде жасаған әрекетіне өкінетінін ескеріп, соттан Шыңғыс Белғожаевты қоғамнан оқшауламай...

2025 жылдың мамыр айында Қазақстандағы өңдеу өнеркәсібінің іскерлік белсенділік индексі (PMI) 51,3 пунктті құрады. Көрсеткіш сәуірдегі 51,2 мәнімен шамалас. Бұл туралы Freedom Holding Corp. мен S&P Global бірлесе әзірленген сауалнама нәтижесінде белгілі болды.

Бұл көрсеткіш сектордағы іскерлік ахуалдың 15 ай қатарынан біртіндеп жақсарып келе жатқанын білдіреді. Алайда өсім сапасы мен қарқыны туралы мәліметтер жақын арада бұл оң динамиканың тежелуі мүмкін екенін аңғартады.

Сауалнамаға қатысқан 250-ге жуық кәсіпорынның басым бөлігі жаңа тапсырыстар санының тұрақты өсімін атап өтті. Бұл – сұраныстың артуына және жаңа клиенттер тартудағы жетістіктерге байланысты. Жаңа келісімшарттар өңдеу өнеркәсібінің тынысын ашқанымен, өндіріс көлемінің өсу қарқыны...

TikTok желісінде ломбартқа өткізілген алтын несие тарихында 10 жыл бойы қарыз ретінде тұратыны айтылған видео тарап жатыр. Ондағы ақпарат қаншалықты шындыққа сай екенін тексеріп көрейік.

Қарызды уақытылы төлеу маңызды

Қаржы нарығын реттеу және дамыту агенттігінің дерегінше, ломбардтан алған қарыз несие немесе ипотека алуға кедергі емес. Алайда оның мақұлдануына әсер етеді. Өйткені ломбард алдындағы қарыз жалпы қарыздық жүктемені қарастырған кезде есепке алынады.

Егер қарыз алушы өзінің төлем қабілеттін дәлелдей алса, ағымдағы қарызын өтесе әрі қажетті құжаттарды ұсынса, ипотекалық немесе басқа несиені мақұлдау ықтималдығы айтарлықтай артады. Осылайша, ломбард алдындағы қарыз несие алуға кедергі болмайды. Ал өтініш...

Үкімет сағатында Мәжіліс депутаты Татьяна Савельева Ұлттық статистика бюросының жұмысын тексеруді қолдады.

Үкімет жиынында Жоғары аудиторлық палата статистикалық мәліметтер базасын қалыптастырудың әдістемесін ауыстыру керек деген ұсынысына қолдау білдірді. Ол қарапайым есеп беретін статистикадан цифрлы құралдарға негізделген, ақпаратты басқарудың заманауи әдістеріне көшу керек деп есептейді.

«Комитет Ұлттық статистика бюросына аудит жүргізу туралы ұсыныс енгізуді орынды деп санайды. Бұл тек қазіргі экономикалық жағдайды есептеу әдістемелерінің сәйкестігін тексеру үшін ғана емес, сонымен қатар Бюроның бюджеттік жоспарлау, аумақтық теңестіру және мемлекеттік саясаттың түпкілікті әсерін бағалау сияқты міндеттерге сай кеңейтілген талдамалық функцияға көшуге дайындығын бағалау үшін де қажет...

Аман Өтемұратов – кеше сабан тасып жүрген ауыл баласы. Бүгінде әлемдегі ең бай әрі танымал компанияның бірі – Google-де істейді.

ІТ маманы Аман Өтемұратов, өзге де ауыл бозбалалары секілді, 2009 жылы Түркістан облысының бір ауылында сабан тасып жүрген фотосын жария етті. Ол 2019 жылы Google компаниясына бағдарламашы болып жұмысқа орналасыпты.

«Потенциалым толық ашылмағанын сездім»

Оның айтуынша, ол еңбек жолын 2013 жылы Қазкоммерцбанк банкінде бастаған. Жұмыспен оқуды қатар үйлестіріп, магистратурада білім алған.

«Өз потенциалымды толық аша алмай жүргенімді сезіндім. Сол сәттен бастап әлемдік алпауыт компанияға дайындықты бастадым», – дейді Аман Өтемұратов.

Ол түнг...

Мәжілісте Мәжілісте алдағы үш жылдық «Жалпы сипаттағы трансферттер туралы» және «Республикалық бюджет туралы» заңдар қаралды. Жиын барысында Ұлттық экономика министрі Серік Жұманғарин баяндама жасады. Өз баяндамасында министр пандемия мен геосаяси ахуалдың нашарлап кетуіне қарамастан өңірлік бюджет өскенін айтты.

Сандар неге сәйкеспейді?

Депутат Ринат Зайытов әлемдегі экономикалық ахуал күрделене түскен сәтте өңір экономикасының өсіміне не әсер еткенін сұрады.

«Баяндамаңызда жергілікті бюджет кірісі дағдарыс жылдары өскенін айтасыз. Бірақ 2006 жылдар мен қателеспесем, елде 12 донорлық аймақ болды. 2019 жылы бұл көрсеткіш 4-ке түсті. Сол кезде донорларға Алматы облысы қосылуы ықтимал екені, 5-шісі пайда...

Қазақстанда электрондық аукцион нәтижесінде төрт мұнай-газ учаскесі өз иелерін тапты. Бұл туралы Энергетика министрлігі ресми хабарлады. Аукцион нәтижесінде учаскелердің тең жартысы қытайлық заңды және жеке тұлғалармен байланысы бар компанияларға берілген.

Энергетика министрлігінің ақпараты бойынша, аукцион нәтижесінде жер қойнауын пайдалануға құқық мына төрт компанияға берілді:

Бірінші – Қызылорда және Түркістан облыстарында орналасқан Сарысу учаскесінде көмірсутектерді барлау және өндіру құқығын «EARTH OIL & GAS» ЖШС иеленді. Бұл компания 2024 жылдың шілде айында Алматы қаласында тіркелген. Негізгі қызмет түрі ретінде геологиялық барлау және іздестіру көрсетілген.

Компанияның құрылтайшылары – Hong Kong Bai Li Oil & Gas Limited және жеке тұлға Рамиль Кимуров...

2019 жылы қабылданған «Ауыл- ел бесігі» бағдарламасы жабылады. Бұл туралы үкімет сағатында Ұлттық экономика министрі Серік Жұманғарин мәлімдеді.

«Мұнда біз «Ауыл – ел бесігі», «Қалалардың шеткі аумақтарын дамыту» шағын және моноқалаларда бюджеттік инвестициялық жобаларды іске асыру және тағы да басқалар түрлі салалық бағдарламалар шеңберінде елді мекендердегі жобаларды, іс-шараларды нүктелік қаржыландырудан алшақтайтынымызды түсінуіміз керек. Осы бағдарламалар күшін жоюға қойылады», – деді Жұманғарин.

Вице-премьердің айтуынша, енді республикалық бюджеттен жалпыұлттық маңызы бар нысандар және аса маңызды инфрақұрылым жобалары қаржыландырылмақ.

«Халықтың тіршілігін қамтамасыз ету үшін бірінші қажеттіліктегі объектілер – жергілікті бюджет есебінен...

Қарашығанақтағы газ зауытының негізгі акционерлері Eni және Shell компаниялары жобадағы жұмысын тоқтатуы мүмкін. Қазақстан билігі оларға жобадан шығуды тапсырған. Бұл туралы энергетика саласындағы халықаралық басылым Upstream жазады.

Басылым 17 мамырда Қарашығанақ жобасындағы Қазақстан мүддесін қорғайтын мемлекеттік агенттік «PSA» ЖШС (100% үлесі Энергетика министрлігіне тиесілі) мен акционерлер арасындағы хатпен танысқан. Құжатта агенттік акционерлерге Қарашығанақтағы газ өңдеу зауытына қатысты жұмысты дереу тоқтатуды тапсырғаны жайлы жазылған.

«Хатта акционерлерге жобаны іске асыру үшін құрылған бірлескен жұмыс тобын тарату туралы да нұсқау берілген. Сонымен қатар құжатта жобаның кідірісі, шығындарының артуы және реттелетін газ бағасына байланысты акционерлердің қаржылық өтемақы талаптары...

31 мамыр – Қазақстан халқы үшін қаралы әрі қасиетті күн. Бұл күн – ашаршылық пен саяси қуғын-сүргін құрбандарын еске алу күні. Биыл осы атаулы күнге орай бірқатар белгілі қазақстандық әншілер арнайы бейнебаяндар ұсынып, ел тарихындағы ең ауыр кезеңдерге өнер тілімен үн қосты.

Kursiv LifeStyle назарларыңызға сол туындыларды ұсынады.

Роза Рымбаева, Әли Оқапов, Мәди Рымбаев – «Есімде»

Әні: Әли Оқапов | Сөзі: Әли Сражадин

Әр ұрпақтың үнін біріктірген ерекше жоба. Әнде өткеннің ащы сабақтары, тағдырдың соқпағы мен бейбіт өмірдің құндылығы туралы тебіреніс бар.

Жанар Дұғалова – «Есімдер»

Ұмыт болған, тарихта аты жазылмай қалған жандарға арналған...

2025 жылдың 2 маусымында өтіп жатқан сот жарыссөзінде жәбірленуші Қаржаубай Нұрымовтың отбасы кәмелет жасына толмаған сотталушы Думан Ысқаққа кешірім берді. Бұл жөнінде жәбірленушінің адвокаты Мейрман Шекеев айтты.

«Қаржаубай Нұрымовтың атынан сотталушы Думан Ысқаққа кешірім беру туралы айтсам деймін. Қаржаубайдың тарапынан бұл жігітке кешірім берілді», – деді адвокат Шекеев.

Айта кетейік, Думан Ысқақ 2007 жылы туған, қазақ, 11-сыныпта оқиды. Думан Ысқақ қылмысты жасыру, яғни жасалғаны анық белгілі аса ауыр қылмыс туралы хабарламаған. ҚР қылмыстық кодексінің 434-бабында көрсетілген қылмысты жасаған деп айыпталып отыр.

Бұған дейін мемлекеттік айыптаушылар Ысқақты 1 жыл 6 айға бас бостандығынан айыруды сұрады.

Нұрсұлтан Назарбаевтың Мәскеуге сапары жеке, бейресми сипатта өтті. Оның Ресей Президенті Владимир Путинмен көпжылдық достық қатынастары бар, бұл байланыстар мемлекеттік лауазымдардың болуына немесе болмауына қарамастан сақталып келеді. Бұл туралы экс-президенттің баспасөз хатшысы Айдос Үкібай мәлімдеді.

Оның айтуынша, Нұрсұлтан Назарбаев бірқатар әлемдік көшбасшылармен байланысын үнемі ұстап отырады — бұл телефон арқылы сөйлесулер, жеке хат алмасу және кездесулер арқылы жүзеге асады. Бұл тек Ресеймен шектелмей, Түркия, Қытай, Біріккен Араб Әмірліктері, Өзбекстан, Беларусь және басқа да елдермен қарым-қатынасқа қатысты.

«Мұндай форматтағы өзара іс-қимыл халықаралық тәжірибеге сай келеді және Нұрсұлтан Назарбаевтың мемлекеттік қызметтегі жылдарында қалыптасқан жеке байланыстарын көрсетеді. Мемлекеттік лауазым...

Елдегі 20 өңірдің 17-сі орталықтан бөлінетін қаржыға тәуелді. Яғни жергілкті бюджетке қажет қаржының бір бөлігін республикалық қазынада бөлінетін трансферт есебінен жабады. Бұл дегеніміз – өңір кірістердің шамамен 49%-ы республикалық бюджеттен түсіп отыр деген сөз. Вице-премьер Серік Жұманғариннің айтуынша, шартты түрде донор деп саналатын Алматы мен Астана қаласы және Атырау облысы да іс жүзінде қосымша қаржылау көмек алады.

«Мегаполис қалаларда, облыстарда ірі жобалардың көпшілігі орталықтан жүзеге асырылады. Бұл – метрополитен құрылысы, Астана қаласының жаңа көлік жүйесі – LRT, жайлы мектептер, көліктік және өзге де инфрақұрылымды дамыту жобалары», – деді Жұманғарин.

Бұл ретте депутат Бақытжан...

Қаржылық мониторинг агенттігі Павлодар облысы бойынша департаменті вейп пен оларға арналған сұйықтықтардың заңсыз айналымымен айналысқан қылмыстық топтың қызметін тоқтатқанын мәлім етті.

Агенттіктің дерегінше, вейптерді «Telegram» мессенджеріндегі онлайн-дүкендер арқылы сатып келген, ал өнім курьерлік қызмет арқылы жеткізілген.

«Күдіктілер қылмыстық жолмен алынған кірістерді заңдастыру үшін дропперлердің – яғни жалған тұлғалардың атына рәсімделген банк карталарын пайдаланған. Осы карталар арқылы ірі көлемдегі қаражат қолма-қол ақшаға айналдырылып, олардың заңсыз шығу тегі жасырылған. Жедел-іздестіру шаралары барысында тауар сақтайтын қоймалар мен сату орындары анықталды», – делінген агенттік хабарламасында.

Іс-шара аясында құны 1,6 млрд теңгеден асатын 155 мыңнан астам вейп пен олардың бөлшектер...

Мамырда республикалық бюджетті қаржыландыру үшін Ұлттық қордан 988 млн доллар бөлінді. Бұл сәуірдегі көрсеткішпен салыстырғанда 20 млн долларға артық.

Бұған дейін сәуірде бюджет үшін 968 млн доллар сатылған еді. Ал маусымда Ұлттық қордан 700-800 млн доллар сатылады деген болжам бар.

Ұлттық банктің дерегінше, мамырда теңге курсы 1 доллар үшін 510,82 теңгеге дейін нығайды. Биржадағы сауда-саттықтың орташа көлемі бір айда 246 миллионнан 238 млн АҚШ долларына дейін төмендеді. Ал жалпы бір айда биржадан 4,5 млрд доллар сатылған.

Алтын мен долларды теңестіру операциясы жалғасып жатыр

Ұлттық банк елдегі барлық алтынды сатып алып, сыртқы нарыққа сатып, долларды...

Президент Қасым-Жомарт Тоқаев «Байқоңыр» ғарыш айлағының құрылуына 70 жыл толуына орай видео үндеу жолдады, деп хабарлайды Ақорда.

«Құрметті достар! Қадірлі ғарыш саласының қызметкерлері мен ардагерлері! Баршаңызды «Байқоңыр» ғарыш айлағының құрылғанына 70 жыл толуымен құттықтаймын», – деді Тоқаев.

Президент өңірде ғарышты игеру жұмыстары 1957 жылы басталғанын, осы жерден жасанды Жер серігі ұшырылғанын атап өтті. Осы жерден 1961 жылы тұңғыш рет ғарышкер Юрий Гагарин көкке көтерілді. Тоқаев бұл оқиғаның тарихи маңыздылығына тоқталып өтіп, адамзаттың ғылым мен өркениет прогресіне оң әсер еткенін мәлімдеді.

«Содан бері Байқоңырдан мыңдаған Жер серігі ұшырылып, ондаған...

Талдықорған сотында Шерзат Полаттың ісі бойынша сот жарыссөзі басталды. Мемлекеттік айыптаушы қылмыстық істегі 9 сотталушы соттауды сұрады:

Абзал Шынасылды қылмыстық кодекстің 293-бабы 3-бөлігі (бұзақылық), 99-бабы 2-бөлігі 5,9 және 14-тармағы (адам өлтіру), 24-бабы 3-бөлігі – 99-бабы 2-бөлігі 1,7 және 9-тармағында (адам өлтіруге оқталу) көрсетілген қылмысты жасағаны үшін кінәлі деп танып, 23 жылға бас бостандығынан айыруды;

Равиль Сакиевті қылмыстық кодекстің 293-бабы 3-бөлігі (бұзақылық), 24-бабы 3-бөлігі – 99-бабы 2-бөлігі 7 және 9-тармағында (адам өлтіруге оқталу) бойынша 20 жылға бас бостандығынан айыруды;

Шыңғыс Белғожаевты, Дархан Әскентайды, Дидар Қалиахметті, Нұрбол Тоқтаубаевты қылмыстық кодекстің 293-бабы 3-бөлігі (бұзақылық) бойынша кінәлі деп танып, 7 жылға бас бостандығынан айыруды;

Азамат Тоқтаубаевты қылмысты...

Талдықорғанда жасөспірім Шерзат Полаттың қазасынан кейін қозғалған қылмыстық іс бойынша сот процесі жалғасып жатыр. 2025 жылдың 2 маусымында сот жарыссөзі басталды. Соның барысында мемлекеттік айыптаушы Дана Сәрсенбай қылмыстық істегі басты сотталушы Абзал Шынасылды 23 жылға соттауды сұрады.

«Абзал Шынасыл бұзақылық, яғни қоғамдық тәртіпті қоғамды құрметтемеу анық көрінетін, азаматтарға қарсы күш қолданумен не оны қолдану қатерін төндірумен, алдын ала сөз байласу арқылы адамдар тобы болып, пышақты қолдану арқылы, сол сияқты барынша арсыздықпен ерекшеленетін әдепсіз әрекет жасаумен ұштасқан аса қатыгездікпен бұзушылық іс-әрекеттерін жасаған. Қылмыстық кодекстің 293-бабы 3-бөлігінде (бұзақылық) көрсетілген қылмысты жасаған.

Сонымен қатар адам өлтіру, яғни басқа адамды құқыққа қарсы қасақана қазаға ұшырату, аса қатыгездікпен бұзақылық ниетпен...

Әлемнің ең бай адамы Илон Маск есірткі тұтынады деген мәліметті жоққа шығарды. Мұның алдында New York Times миллиардер кетамин және басқа да есірткі заттарын қолданады деп жазған.

«Мен рецептімен берілген кетаминді бірнеше жыл бұрын қолданғанмын. Бұл туралы X желісінде жаздым. Сол себепті оның жаңалығы да жоқ. Ол терең күйзелістен шығуға көмектеседі, бірақ мен оны содан бері қайта пайдаланбадым», – деп жазды Маск X әлеуметтік желісіне.

АҚШ президенті Дональд Трамптың жақын кеңесшісі болып істеген миллиардер өткен жұмада Ақ Үйдегі қызметтен кеткен. Bloomberg мәліметінше, Tesla мен SpaceX қожайыны қызметтен кеткенімен, кеңесші болып қалғысы келеді.