Жаңалықтар

Қазақстанда криптовалютаны заңды түрде қолдануға мүмкіндік беретін CryptoCity пилоттық жоба іске қосылады. Бұл туралы Президент Қасым-Жомарт Тоқаев Астана экономикалық форумында айтты.

«CryptoCity деп аталатын жаңа пилоттық жобаны жүзеге асыруды жоспарлап отырмыз. Мұнда криптовалютаны азық-түлік сатып алуға, қызмет төлеміне және басқа да мақсаттарда пайдалануға жағдай жасалады», – деді мемлекет басшысы.

CryptoCity Қазақстанның цифрлық трансформация және технологиялық жаңғыру стратегиясының маңызды бөлігі болмақ. Бұл аймақта азаматтар криптовалютаны күнделікті өмірде – тауар мен қызмет үшін төлем жасауға, қаржылық операцияларға қолдана алады.

Қазақстан Еуразиядағы IT хаб болуға ұмтылады

Президент Тоқаев елдің басты стратегиялық мақсаты – Еуразиядағы жетекш...

Еуропалық комиссия Pornhub, Stripchat, XNXX және XVideos платформаларына қатысты ресми тергеу басталғанын хабарлады.

Тергеу аталмыш платформалардың ЕО-ның «Цифрлық қызметтер туралы заңы» (Digital Services Act, DSA) талаптарын, әсіресе кәмелетке толмағандарды қорғау шараларын қалай орындап жатқанына қатысты жүргізіліп жатыр.

Комиссия бұл платформалардың пайдаланушылардың жасын тексеру бойынша тиімді шаралар қабылдамай отырғанына күмәнданады. Бұл заң талаптарына сәйкес, кәмелетке толмағандардың ересектерге арналған контентке қол жеткізуіне жол бермеу үшін қажет.

Сонымен қатар, Еурокомиссия осы платформалардың балалардың құқықтарына, психикалық және физикалық саулығына зиян келтіру қаупін бағалау мен алдын алу шараларын да орындамай отыр деп санайды.

Кәмелетке толмағандарды қорғау

Цифрлық қызметтер туралы за...

Испания экономиканы көтеру үшін алдағы үш жылда 1 миллионға жуық еңбек мигрантын қабылдайды. Бұған қоса маусымдық жұмысшыларға арналған виза жүйесі ұлғайды. Бұл туралы Bloomberg жазды.

Агенттік мәліметінше, 1986-2002 жылдары Испания елдегі заңсыз жұмысшылар мәртебесін реттеуге тырысқан. Сол жылдары 1,2 млн адам азаматтық алған. Енді билік үш жылдың ішінде тағы 1 миллионға жуық жаңа резидент қосқысы келеді. Сонымен бірге маусымдық жұмысшылар үшін виза жүйесі кеңейтіледі.

«Зерттеулердің көбісі миграция Испанияға ғана емес, бүкіл Еуропаға оң әсер ететінін көрсетті», – дейді дат профессоры Мишель Пейс.

Оның айтуынша, кейінгі 5-10 жылда Испания құрлықта экономикасы қарқындып дамып...

Қазақстан атом энергетикасын дамытуды ұлттық стратегияның басым бағыты ретінде қарастырады. Бұл туралы Қасым-Жомарт Тоқаев Астана халықаралық форумы барысында мәлімдеді.

«Әлемдегі уран қорының 40 пайызы Қазақстанның еншісінде. Сондықтан еліміз атом энергетикасын дамытуды ұлттық стратегияның басым бағыты ретінде қарастырады», – деді Тоқаев.

Президент жыл басында Қазақстанда үш АЭС салынатынын айтқан.

Қазақстан – ірі уран өндіруші ел. 2022 жылы республика әлемде өндірілген уранның 43 пайызын берген. Кейінгі жылдары Қазақстан уранды Ресей мен Қытайға көбірек, ал АҚШ пен Еуропаға азырақ сатқан.

Президент Қасым-Жомарт Тоқаев Астана халықаралық форумында Қазақстанның  суперпрезиденттік жүйеден бас тартып, күшті Президент – ықпалды Парламент – есеп беретін Үкімет» қағидасына көшкенін атап өтті.

Мемлекет басшысы соңғы бірнеше жылда Қазақстанда ауқымды экономикалық және институционалдық реформалар жүргізілгенін мәлім етті. Президенттің айтуынша, бұл өзгерістердің басты мақсаты – барынша әртараптандырылған, инклюзивті және келешекке бағдарланған экономика құру.

Тоқаев елдің саяси жүйесінде де маңызды өзгерістер орын алғанын айтты. Әділетті Қазақстанның негізін қалау үшін мемлекеттілікті нығайтуға көп күш-жігер жұмсалып жатқанын да тілге тиек етті.

«Жалпыұлттық референдум арқылы Конституциямызға өзгеріс енгізіліп, басты билік институттарына реформа жасалды. Біз суперпрезиденттік жүйеден бас тарттық. «Күшті Президент – ықпалды Парламент...

Президент Қасым-Жомарт Тоқаев алпауыт елдерді барлық мемлекеттің территориялық тұтастығын сақтауға шақырды. Бұл туралы президент Астана халықаралық форумының пленарлық отырысында айтты.

БҰҰ Қауіпсіздік Кеңесінің құрамына реформа жасау

Жиында сөз алған президент әдемде бейбітшілік орнату үшін БҰҰ қағидаттарын сақтаудың маңыздылығына тоқталды. Тоқаев Ұйымның негізгі тармақтары, әсіресе, Қауіпсіздік Кеңесі мүлде өзгермегенін атап өтті. Десе де, 80 жыл бұрын жасалған институционалды құрылым мен қазіргі заман арасында алшақтық көп екенін де жасырмады.

«Бұл Ұйымға және оның тиімділігіне деген сенімге селкеу түсіреді. Миллиардтаған адамның тағдырына әсер ететін аса маңызды шешімді бірнеше елдің қабылдағаны дұрыс емес. Сондықтан...

2025 жылдың 31 мамыры – футбол сүйер қауым үшін тағатсыз күткен күн. УЕФА Чемпиондар лигасының финалында Францияның ПСЖ мен Италияның Интер клубтары жасыл алаңда кездеспек. Алматы қаласында бұл тарихи ойынды тікелей эфирде көруге мүмкіндік беретін бірнеше орын бар. Біз назарларыңызға солардың ішіндегі ең танымал орындарды ұсынамыз.

Velvet Sport Villa: ашық аспан астындағы футбол кеші

Velvet Sport Villa футбол финалын спорт, ойын және музыкамен ұштастыра отырып өткізбек. Қонақтарды ашық аспан астында үлкен экран, welcome drink, PlayStation, FIFA, аэрохоккей мен боксерлік груша сияқты ойын-сауықтар күтед...

Хиросима қаласындағы жапон стартапы ең кішкентай, өте арзан mibot электрокарын нарыққа шығарды. Бір ғана адамға арналған көліктің бәрі сатылып кеткен.

KG Motors компаниясының mibot өнімі Жапонияда хит болды. Bloomberg мәліметінше, компанияның 2027 жылға арналған 3300 өнімінің өзі сатылып кеткен. Бұл жағынан ол әйгілі Toyota-ның өзін басып озды. 2024 жылы автогигант Жапонияда бар болғаны 2 мың шағын көлік сатқан. Бұл елде электромобилге айтарлықтай сұраныс жоқ.

Хиросималық стартап автокөлік үлкен болған сайын күшті деген түсінікті жоққа шығаруға тырысады.

«Автомобильдер тым үлкен. Жапон көшелерінде соларды көрген уақытта неге шағын көліктер шығармасқа деген ой туды», – дейді компанияның бас...

Президент Қасым-Жомарт Тоқаев Астана халықаралық форумында әлемдегі бейбітшілік мәселесіне қатысты алаңдаушылық білдіріп, соғыстар мен қақтығыстардың жаһандық қауіпке айналғанын атап өтті.

«Дүние жүзін қақтығыстар мен соғыс өрті жайлап барады. Былтырғы мәліметке сәйкес, 52 мемлекет қарулы қақтығыс жағдайында тұрған», – деді Мемлекет басшысы.

Оның айтуынша, қазіргі қақтығыстардың сипаты әлдеқайда күрделі әрі ұзақ мерзімді. Оған тек мемлекеттер ғана емес, түрлі ұйымдар мен мемлекеттен тыс топтар да араласып отыр.

19 триллион доллар шығын

Президент келтірген деректерге сүйенсек, қақтығыстардан келген экономикалық шығын 19 триллион АҚШ долларына жеткен. Бұл — әлемдік жалпы ішкі өнімнің 13,5%-ына тең.

Мұндай...

28 мамыр күні ОПЕК+ альянсы онлайн форматта кезекті министрлік кездесуін өткізіп, 2024 жылдың желтоқсан айында бекітілген мұнай өндіру деңгейін сақтап қалу туралы шешім қабылдаған. Бұл туралы ұйымның баспасөз қызметі хабарлады.

Бұл шешім мұнай нарығындағы тепе-теңдікті сақтау мақсатында қабылданды.
2024 жылдың соңында ОПЕК+ елдері мұнай өндіруді тәулігіне шамамен 2 млн баррельге қысқарту туралы келісімге келген еді.

Бұл шектеу 2026 жылдың соңына дейін сақталады. Сонымен қатар, Ресей мен Сауд Арабиясы осы кезең ішінде қосымша 1,66 млн баррельге дейін өндірісті ерікті түрде қысқартуға келісті.

2027 жылға базалық деңгейлерді есептеу басталды

ОПЕК+ елдері 28 мамырдағы жиында ұйымның хатшылығына әр елдің тұрақты өндірістік...

Қазақстанның Біріккен Араб Әмірліктеріндегі елшісінің кеңесшісі болған Сәкен Мамаштың ісі бойынша алдын ала сот тыңдауы 10 маусымда өтетін болды.

Сот отырысы 29 мамырда өтуге тиіс еді. Алайда жәбірленуші тараптың адвокатының өтініш бойынша сот отырысы кейінге шегерілген.

Қылмыстық іс Астана қаласы қылмыстық істер жөніндегі ауданаралық сотында қаралады.

Сәкен Мамаш ісі

БАӘ-дегі қазақстандық дипломат Сәкен Мамаштың әйелі Карина Мамаш 2024 жылдың мамырында видео жариялап, 10 жыл бойы күйеуінен қорлық көргенін айтты. Содан кейін дипломат елге шұғыл түрде шақырылды.

Содан кейін дипломаттың үстінен іс қозғалды. Сотқа дейінгі тергеуді Астана қаласы Есіл ауданы полиция басқармасы жүргізді. Іс Қылмыстық кодекстің 110-бабы (қинау) бойынша...

Талдықорғанда жасөспірім Шерзат Полаттың қазасынан кейін қозғалған қылмыстық іс бойынша сот процесі жалғасып жатыр. 29 мамырдағы сот отырысына марқұмның ата-анасы денсаулығына байланысты келе алмады.

Істі қарап жатқан судья Ержан Жанұзақов сот процесі әрі қарай жәбірленушілердің қатысуынсыз жалғаса беретінін айтты.

Сондай-ақ жәбірленушілердің адвокаты Мейрман Шекеев сотқа оқиға орнында болған екі әйел Эльмира Нұрбекова және Дана Жақсыгелдіні қайта шақыруды, олардан қайта жауап алуды сұрады. Судья бұл өтінішхатты қабылдамады.

«Ұсталсақ не дейміз?»

Сот отырысында сотталушылар мен оқиға орнында болған екі әйелдің арасында болған әңгіме оқылды. Соған сәйкес, сотталушы Абзал Шынасыл «ұсталсақ не дейміз?» деп сұраған. 29 мамырдағы сот отырысында Шынасыл полицияға не айтатынын алдын ала...

Қазақстанның бірінші теннисшісі Елена Рыбакина Франция ашық біріншілігінің (Roland Garros ) үшінші турына өтті. Ол сәрсенбі күні түнде америкалық Ива Йовичті екі сетте оңай жеңді.

Матч 6:3, 6:3 есебімен аяқталды. Рыбакина бес мәрте эйс орындап, төрт рет брейк жасады. Енді ол үшінші айналымда латвиялық теннисші Елена Остапенкомен кездеседі. Латвиялық теннисші 2017 жылы Roland Garros чемпионы атанған. Олар 30 мамырда ойнайды.

Ал бүгін, 29 мамырда Қазақстанның үш бірдей теннисшісі екінші турдағы матчтарын өткізеді. Қазақстанның бірінші теннисшісі Александр Бубликке тер төгуге тура келеді. Себебі ол Австралияның бірінші теннисшісі Алекс де Минаурмен кездеседі. Алекс әлемнің үздік 10 теннисшісінің бірі. Бұл матч сағат 14.00-те...

Қонаевта істен шығып қалған элеваторды жеке инвестор өз қаражатына жаңғыртып, 3 зауыт салмақшы. Бұл туралы Алматы облысының әкімдігі хабарлады.

Ескі элеваторды «Қапшағай бидай өнімдері» ЖШС жаңғыртпақшы. Жаңғырту барысында ондағы ескі станоктар түгелдей ауыстырылады. Сонымен бірге элеватор маңында бидай өңдейтін үш зауыт салынбақшы. Оның бірі сұйық май шығаратын болса, екіншісі – ұн, үшіншісі – жемге арналған ұн өндіреді.

Зауыт өнімдері ішкі нарыққа және экспортқа шығарылмақшы. Негізінен бұл өнімдерді Қытайға экспорттау көзделген. Әкімдік мәліметінше, зауытқа тартылған инвестиция көлемі 8 млрд теңгені құрайды.

«Бүгінде теміржол ауыстырылып, контейнер терминалы, қоймалар, зауыттар салынып жатыр. Құрылысқа 200-ге жуық адам...

Құрама Штаттардың халықаралық сауда жөніндегі соты президент Дональд Трамп тарифтерін бұғаттау жөнінде шешім шығарды. Сот Ақ үй басшысы қызметін асыра пайдаланған деп есептейді. Бұл туралы Reuters хабарлайды.

Трамп әкімшілігі сот үкімі шыға салысымен апелляциялық шағым түсіріп, сот құзыретіне күмән келтірді. Манхэттен халықаралық сауда және кеден заңнамасы жөніндегі сот үкіміне шағым АҚШ Жоғарғы сотына дейін жетуі мүмкін деп болжайды Reuters.

Сот екі түрлі шағым бойынша шешім шығарған. Солардың бірін АҚШ-тағы 13 штат, екіншісін бес америкалық кәсіпорын түсірген.

Бұл шешім Трамптың соттағы ең ірі жеңілісі деп атады Bloomberg. Құрама Штаттарда президенттің федералдық қызметкерлерді жаппай жұмыстан шығаруына қарсы істер де...

Ағылшынның әйгілі «Челси» футбол клубы Еуропа футболындағы жаңа тарихи жетістікке қол жеткізді. Польшадағы Вроцлав қаласында өткен Конференциялар лигасының финалында лондондықтар испаниялық «Бетисті» 4:1 есебімен ойсырата жеңді.

Жеңіске жеткен команда сапында Энцо Фернандес (65-мин), Николас Джексон (70), Джейдон Санчо (83) және Мойзес Кайседо (90+1) гол соқты. «Бетис» сапында жалғыз голды Абде Эззалзули (9) еншілеген.

Бұл трофей арқылы «Челси» Еуропаның барлық негізгі клубтық турнирлерін жеңіп алған алғашқы командаға айналды. Бұған дейін олар:

КСРО заманында танымал болған «Волга» автокөліктері қайта шығарылады деген үміт әзірге ақталмай тұр.Бастапқыда өндіріс 2024 жылдың соңында басталады деп жоспарланған еді, бірақ жоба белгісіз мерзімге кейінге шегерілді.

Бұл ақпаратты арнайы осы жоба үшін құрылған Ресейдегі «Жеңіл автокөлік өндірісі» акционерлік қоғамы растады. Компания өкілдері жобаның жалғасып жатқанын айтады. Алайда нақты мерзімдер мен себептерді жарияламады.

Үміт отын жаққан таныстырылым

2024 жылдың мамырында Қазанда өткен «Ресей өнеркәсібінің цифрлық индустриясы» көрмесінде жаңартылған «Волга» жобасы алғаш рет көпшілікке таныстырылды. Көрмеде үш жаңа үлгі көрсетілді: Volga C40 седаны және Volga K30 мен K40 кроссоверлері. Алайда бұл модельдер түпнұсқа емес, қытайлық Changan компаниясының дайын үлгілері негізінде жасалған...

Америка Құрама Штаттарының Мемлекеттік департаменті әлем елдеріндегі елшіліктері мен консулдықтарына студенттік виза (F, M және J санаттары) үшін сұхбат беру процесін уақытша тоқтату жөнінде нұсқаулық жіберді. Бұл туралы Politico басылымы хабарлады. Бұл шешім АҚШ президенті Дональд Трамп әкімшілігінің бастамасымен қабылданып отыр.

«Қазіргі сәттен бастап, өтініш берушілердің әлеуметтік желілеріндегі белсенділіктеріне қатысты кеңейтілген тексерулерге дайындық үшін, консулдық бөлімдер студенттік және алмасу бағдарламаларына арналған визалар бойынша сұхбаттарға уақыт бөлмеуі керек. Жаңа нұсқаулықтар жақын күндері жарияланады», – делінген мемлекеттік хатшы Марко Рубио қол қойған телеграммада.

Мұндай шешім АҚШ визаларын беру жүйесіне өзгерістер енгізеді: консулдық ресурстар қайта бөлініп, өтініш...

Қасым-Жомарт Тоқаев Ресей басшысы Владимир Путинмен сөйлесті. Бұл туралы Ақордадан хабарлайды.

«Әңгімелесу барысында сауда-экономика, энергетика салаларындағы ынтымақтастықтың өзекті мәселелері талқыланды. Президенттер екі ел арасындағы достыққа, тату көршілікке және одақтастыққа негізделген мемлекетаралық байланыс қарқынды дамып келе жатқанын атап өтті», – деп жазылған Ақорда хабарламасында.

Осыған дейін Тоқаев Германия Бундесратының Президенті Анке Релингермен кездескен еді. Президент кездесуде Қазақстан үшін қолайлы басқару жүйесін атаған еді.

 «Заңнамаға, ең әуелі, Конституцияға жасалған өзгерістер Қазақстанның жаңғыру жолына түбегейлі түскенін көрсетеді. Әрине, реформалар жалғасып жатыр. Құқық қорғау және сот жүйесіне де өзгерістер енгізілуі мүмкін. Бұл – өте маңызды...

Израиль премьер-министрі Газа секторында ХАМАС-тың жетекшілерінің бірі Мухаммед Синвардың көзін жойғандарын мәлімдеді Бұл туралы израильдік N12 телеарнасы мәлімдеді.

«Біз ХАМАС-тың басқару құрылымын жою жолында бетбұрыс кезеңге жеттік. Біз Мухаммед Синварды жойдық», – деді Нетаньяху.

Бұған дейін, 13 мамырда Израиль Қорғаныс армиясы (ЦАХАЛ) Хан-Юнис қаласындағы жерасты командалық пунктіне соққы жасаған. Израильдік БАҚ-тың хабарлауынша, операцияның басты мақсаты — ХАМАС-ты және оның әскери қанаты «Иззэддин әл-Кассам бригадаларын» басқарған Синвар болған.

Былтыр Израильдің әскери күштері 27 қыркүйекте Бейрутқа жасалған әуе соққысы кезінде «Хезболла» қозғалысының көшбасшысы Хасан Насралланың көзін жойғанын мәлімдеген. Ол бұл ұйымды 30 жылдан астам уақыт басқарған.

Атырау облысы Қызылқоға ауданына қарасты Сағыз ауылында белгісіз адам автокөлікке оқ жаудырды. Салдарынан үш адам жарақат алады деп жазады «Мой город».

Оқиға 27 мамырда болған. Белгісіз біреу «Subaru Outback» маркалы көлікке оқ атқан. Сол сәтте көліктің ішінде үш адам отырған, үшеуі де жарақат алған.

Облыстық денсаулық сақтау басқармасының мәліметінше, жарақат алғандардың барлығы аудандық ауруханаға жеткізілген. Олардың біреуі ауыр жағдайда болғандықтан, шұғыл түрде Атырау облыстық ауруханасына жөнелтілді.

«Жәбірленушілерге алғашқы медициналық көмек көрсетілді. Оларға шокқа қарсы және қан тоқтататын терапия жүргізілді, ауырсынуды басатын дәрілер берілді, оттегімен және инфузиялық терапиямен ем тағайындалды», – деп хабарлады облыстық денсаулық сақтау...

Теңіз жобасына жергілікті тауар және қызмет өндірушілерді көбірек тарту қажет. Бұл туралы премьер-министр Олжас Бектенов ExxonMobil компаниясының аға вице-президенті Питер Ларденмен кездесуінде айтылды.

Кездесу барысында Теңіз және Қашаған кен орындарындағы жобалардың іске асырылуына, сондай-ақ Каспий құбыр консорциумының құбыр жүйелерін одан әрі пайдалануға назар аударылды.

«Премьер-министр тауарлар бойынша локализациялау деңгейі жеткіліксіз болып қалатын Теңіз жобасы шеңберінде тауарларды, жұмыстар мен көрсетілетін қызметтерді сатып алудағы жергілікті қамту үлесін ұлғайту жөніндегі күш-жігерді жандандыру қажеттігін атап өтті», – деп жазылған үкімет хабарламасында.

Осыдан бөлек Қашаған кен орнын игеру кезеңдерін іске асыруды және қуаттылығы жылына 2,5 млрд м3 газ...

Telegram мессенджері Илон Маск негізін қалаған xAI стартабынан 300 миллион доллар көлемінде қолма-қол қаражат алады. Бұл туралы ол X әлеуметтік желісінде (бұрынғы Twitter) Павел Дуров жазды.

Жазбасында компаниялар Grok чат-ботын Telegram қолданушыларына тарату мақсатында бір жылға серіктестік орнатқанын айтты.

«Telegram және xAI бір миллиардтан астам Telegram қолданушысына Grok чат-ботын тарату және оны өз қосымшаларына интеграциялау үшін бір жылға келісімге келді. Telegram xAI-дан 300 миллион доллар көлемінде қолма-қол қаражат пен акционерлік капитал, сондай-ақ Telegram арқылы сатылатын xAI жазылымдарынан 50% табыс алады. Біз бірге жеңіске жетеміз», – деп жазды Дуров.

Айта кетейік, осы жылы наурызда...

Әлемдік поп әртіс Джей Лоның Алматыдағы концертіне санаулы ғана билет қалды. Оның өзінде сахна дұрыс көрінбейтін, көптің ішіндегі жалғыз адамдық орындар ғана бос тұр.

Ресми ән кешімен Қазақстан топырағына алғаш табаны тигелі тұрған әртістің шоуын алыстан, тіпті үйлердің терезесінен тамашалағысы келетіндер де болады.

Алайда Алматыда мұндай мүмкіндік көп емес. Концерт өтетін Орталық стадионның маңында анық көрініс ашылатын ғимарат біреу ғана. Ол – он қабатты «Шығыс жұлдызы» тұрғын үй кешені. Сәл әріректе «Мининдегі арман», «Бұқар жырау Тауэрс» тұрғын үй кешендері орналасқан.

Крыша сайтында аталған кешендердегі пәтерлер бір тәулікке қазіргі уақытта 17 мың мен 65 мың теңге аралығында жалға беріліп тұр.