Жаңалықтар

Nissan-ның тұрақсыз қаржылық жағдайына байланысты компания бас штаб-пәтерін сатуға мәжбүр. Nikkei Asia басылымы мен Жапонияның ұлттық телерадиокорпорациясы (NHK) таратқан ақпаратқа сәйкес, Иокогаманың орталық іскерлік ауданы Минато-Мираи 21-де орналасқан ғимаратты 2026 жылдың наурызына дейін сату жоспарланып отыр.

Nissan көрсеткіштері төмен

Алдын ала бағалау бойынша, бұл кешеннің құны 100 млрд иеннен асады, бұл шамамен 700 млн АҚШ долларына тең. Айта кету керек, ғимаратты сату Nissan компаниясының басқа кеңсеге көшетінін білдірмейді. Автоконцерн жаңа меншік иесінен кеңсені жалға алуы мүмкін. Мұндай тәсілді автонарықта 2021 жылы өз қарыздарын азайту мақсатында McLaren компаниясы да қолданған болатын.

Айта кетйік, Nissan АҚШ пен Қытайдағы сатылымның төмендеуі мен Honda...

Әлемдік әртіс Дженнифер Лопестің концерті 2025 жылғы 10 тамызда Алматының Орталық стадионында өтетін болды. Бұл туралы концертті ұйымдастырушы First Media Group және CA Entertainment компаниялары хабарлады.

Жарияланған ақпаратқа қарағанда ұйымдастырушылар «Қайрат» футбол клубының басшылығымен және Алматы қаласының Спорт нысандары дирекциясымен келісімге келген.

«Көрермендердің жоғары қызығушылығы мен іс-шараның халықаралық маңызын ескере отырып, тараптар Қазақстан Премьер-лигасының «Қайрат» – «Жеңіс» матчын 2025 жылғы 21 қыркүйекке ауыстыру туралы шешім қабылдады. Бұл Дженнифер Лопестің концертін алдын ала жарияланған мерзімде өткізуге және футбол мен мәдениет аудиториясы үшін қолайлы жағдайларды сақтауға мүмкіндік береді» делінген хабарламада.

Ал «Қайраттың» 7 және 12 тамызға...

Алдағы бірнеше күнде елдің бірқатар аумақтарында бұршақ аралас жаңбыр жауып, найзағай ойнайды. Тіпті кей өңірлерде үсік жүруі мүмкін. Осыған орай «Қазгидромет» дауылды ескерту жариялады.

Найзағай

«Қазгидромет» мәліметінше 28 мамырда Алматы облысының оңтүстігінде, таулы аудандарында найзағай күтіледі. Сонымпен бірге солтүстік-шығыстан жел соғып, облыстың оңтүстігінде, таулы аудандарында екпіні 15-20 м/с дейін жетуі мүмкін. Ал 28-31 мамыр аралығында облыс орталығында, батысында, солтүстігінде өрт қаупі артады.

Астанада да 28 мамыр күні күндіз найзағай ойнап, жел тұрады. Солтүстік-батыстан соғатын жел солтүстік шығысқа ауысады. Екпіні 15-18 м/с дейін жетуі мүмкін.

Дәл осындай ауа-райы Қарағанды облысының солтүстігі мен шығысында күтіледі. Сонымен...

Кәсіпкер Тұрсын Алагөзовтің қызметкерлеріне 100 пәтер сыйлауы әлеуметтік желілерде қызу талқыланып жатыр. Бұған дейін елдегі басқа да миллионерлер ондаған пәтер таратқаны мәлім болды.

Бір күн бұрын GALANZ bottlers қожайыны Тұрсынғали Алагөзов кәсіпорынның дамуына үлес қосқан қызметкерлерге пәтер кілтін табыстады. Әлбетте, әйгілі продюсер Баян Мақсатқызының күйеу жасаған қайырымдылық әлеуметтік желілерде жарнамаланды. Жүздеген адам осы тақырыпқа үн қосты.

Мәселен, мұнай-газ саласының сарапшысы Нұрлан Жұмағұлов жақында тағы бір миллионердің жүздеген пәтер сыйлағанын Facebook-тегі парағына жазды.

«Мысалы, Тимур Құлыбаев жақында Астанадан 400 пәтерді жағдайы көп адамдарға сыйлады. Оларды әкімдік таратумен айналысып жатыр», – деп жазды ол.

Жеңілдікпен несие беретін «Ауыл аманаты» бағдарламасы осы жылдың екінші жартысында басталады. Бұл туралы депутаттық сауалға жауап ретінде Олжас Бектенов айтты.

«Осы жылға 50 млрд теңге қарастырылған. Қаржыландыруға сәйкес, жеңілдетілген несие беру осы жылдың екінші тоқсанында бастау жоспарланған», – деп жазылған үкімет басшысының жауабында.

«Ауыл аманаты» бағдарламасы 2023 жылдан бастап жұмыс істеп келеді. 2023-2024 жылдар аралығында республикалық бюджетті оны іске асыру үшін 120 млрд теңге бөлінген.

Биылдан бастап Ұлттық экономика министрлігі бағдарламаға кейбір өзгерістер енгізді. Енді шағын несие мен лизинг 2,5%-бен берілетін болады.

Қазақстанда ішкі нарыққа мұнай тасымалдау бағасы 89 пайызға өседі. Бұл туралы «ҚазТрансОйл» АҚ және қытайлық CNPC Exploration and Development Company Ltd компаниясының бірлескен кәсіпорны «МұнайТас» ЖШС хабарлады.

Ұлттық экономика министрлігіне қарасты Табиғи монополияларды реттеу комитетінің Алматы қаласы бойынша департаменті 2025 жылғы 23 мамырда жаңа тарифті бекітті.

Енді 2025 жылғы 1 шілдеден бастап «Кеңқияқ – Атырау» мұнай құбыры арқылы ішкі нарыққа 1000 км-ге 1 тонна мұнай тасымалдау құны 11 193 теңге болады. Бұған дейін бұл тариф 5912 теңге болған. Яғни, өсім 89,3%-ды құрап отыр.

Жаңа тариф бес жылға белгіленіп отыр. Ол жыл сайын аздап өсіп отырады.

Айта кетейік...

Жазғы сапарлар алдында көліктің жағдайы жақсы екеніне көз жеткізу маңызды. Осы ретте аптап ыстыққа көлікті дайындауға байланысты бірқатар кеңес ұсынамыз.

Шиналарды тексеріңіз

Шиналардың жай-күйі жол қауіпсіздігі үшін маңызды рөл атқарады. Сондықтан олардың қысымы мен протектор тереңдігіне мән беріп тұру керек. Жазғы ыстықта шина қысымы жоғарылап кетуі мүмкін, сондықтан өндіруші ұсынған деңгейде ұстаған жөн. Ал протектордың тиісті тереңдігі жаңбырлы ауа-райында тайып кетпеуге көмектеседі.

Сұйықтықтарды тексеру

Салқындатқыш сұйықтық (антифриз): Антифриз жазғы ыстықта қозғалтқышты қызып кетуден сақтайды. Деңгейін тексеріп, қажет болса, толтырып жүріңіз. Егер түсі бұзылып, өзгеріп кетсе, ауыстыру жағын ойлаңыз.

Тежегіш сұйықтығы: Деңгейінің дұрыс екеніне көз жеткізіңіз.

Рульд...

Freedom Bank өз клиенттерін ерекше жаңалықпен қуантты — енді банк карталарының дизайнында әлемге танымал қазақстандық әнші Димаш Құдайбергеннің бейнесі пайда болды. Бұл жаңалықпен әнші өзінің фан кездесуінде бөлісті.

Бұған дейін Freedom Bank әйгілі Наруто, Бэтмен, Джокер, Рики мен Морти сынды жаһандық кейіпкерлер бейнеленген карталар сериясын ұсынған еді. Ал енді кезек өз еліміздің мақтанышына келіп жетті. Жаңа дизайнда Димаштың сахнадағы ән шырқап тұрған сәті бейнеленіп, қолтаңбасы да қойылған. Артқы фонда қазақы өрнектер картаға ұлттық реңк беріп тұр.

Бұл картаның стильден бөлек тағы бір ерекшелігі – мультивалюталық. Яғни, иелері оны шетелде де еркін қолдана алады — доллар, еуро және теңгемен...

Қытай мен Сингапурда, Таиландта және басқа да бірқатар елдерде COVID-19 инфекциясы күш алып, вирус жұқтырғандар саны артты. Осыған орай елдегі эпидемиологиялық жағдайды білмек үшін KursivMedia редакциясы Денсаулық сақтау министрлігінің Санитарлық-эпидемиологиялық бақылау комитетіне сауал жолдаған болатын. ҚР ДСМ Санитариялық-эпидемиологиялық бақылау комитетінің бас сарапшысы Жанерке Тлеуғалиева елдегі жағдай тұрақты екенін жеткізді.

«Елімізде COVID-19 инфекциясы бойынша эпидемиологиялық жағдай тұрақты. Өткен жылдың осы кезеңімен салыстырғанда ауру 3,4 есеге төмендеген. Өлім жағдайы тіркелген жоқ», – дейді сарапшы.

Карантиндік шаралар қабылдана ма?

Тлеуғалиева елдегі жағдайдың тұрақтылығына байланысты пандемия кезіндегідей ауырған адамдар мен оның туыстарына қатысты карантиндік шаралар қабылданбайтынын...

Қазақстанда бірден алты жаңа кәсіби мерекені енгізу жоспарланып отыр. Еңбек және халықты әлеуметтік қорғау министрлігі бұрын елеусіз қалып келген мыңдаған адамның еңбегін ресми түрде мойындауды ұсынды.

Тиісті бұйрық жобасы ресми сайтта жарияланды.

Егер бұл бастама қолдау тапса, елде мынадай кәсіби мерекелер атап өтіледі:

Сонымен қатар, Энергетиктер күнін бұрынғыдай айдың үшінші жексенбісінде емес, 22 желтоқсанда атап өтуд...

Миллиардер Илон Маск сейсенбі күні Starship ұшыру қарсаңында тікелей эфирге шығатынын мәлімдеді. Бұл оның саясаттан кетіп, бизнеске көңіл бөле бастағанын көрсетеді деп бағалайды Bloomberg.

Әлемнің ең бай адамы Илон Маск АҚШ үкіметіндегі саяси жұмысынан алшақтады. Енді SpaceX компаниясының басшысы сейсенбі күні Starship ұшыру қарсаңында тікелей эфирге шығуды көздеп отыр. Миллиардер Оңтүстік Техаста жақында ғана SpaceX іргесін қалаған Starbase қаласынан қосылады. Тікелей эфир жергілікті уақытпен сағат 13-те (Астана уақытымен түнгі сағат 01.00) басталады.

Содан кейін SpaceX тоғызыншы мәрте Starship алып зымыранын сынақтан өткізеді. Мамандар сынақтың өте маңызды екенін айтып отыр. Өйткені зымыранның бұған дейінгі екі сынағы сәтсіз аяқталған. Биыл...

Түркі мемлекеттері ұйымына (ТМҰ) мүше елдердің Орталық (ұлттық) банктері кеңесінің алғашқы отырысы Астанада өтті. Жиынға Қазақстан Президенті Қасым-Жомарт Тоқаев төрағалық етті.

Мемлекет басшысы іс-шараны ашу барысында жуырда Мажарстанда өткен бейресми саммитте ТМҰ елдері басшылары ынтымақтастықты тереңдетудің өзектілігін нақтылағанын еске салды. Оның айтуынша, тариф саясатының өзгеруінен туындаған жаһандық экономикалық трансформация жағдайында бұл бағыттың маңызы артып отыр.

«Қазіргі күрделі өзгерістер тек қиындықтар емес, жаңа мүмкіндіктер де ұсынады. Әсіресе, көлік және логистика, ауыл шаруашылығы, цифрландыру мен қаржы салаларында күш-жігерімізді біріктіру маңызды», – деді Тоқаев.

Президент атап өткендей, ТМҰ-ға мүше елдердің жаһандық ішкі жалпы өнімдегі (ІЖӨ) жиынтық үлес...

Көктемде киіктер жаппай қырылды. Ғалымдар жануар өлекселерін зерттей келе, олардың аштықтан қырылғанын анықтаған. Бұл туралы Мәжілістегі  Аграрлық мәселелер комитетінің кеңейтілген отырысында Зоология институтының териология зертханасының меңгерушісі Алескей Грачев айтты.

Киік саны тым көп

«елде киік санын реттеу бойынша шұғыл шаралар қабылдау қажет. Күзде олардың саны 4 млн басқа жетеді деп болжанып отыр. Алайда елде киік популяциясы қалпына келтірілгенімен, қазіргі күні олардың санының көптігі экологиялық және әлеуметтік-экономикалық проблемалар туындатып отыр. Киіктер егістіктерді таптап, үй жануарлары жайылатын жер қалдырмады», – деді ғалым.

Киіктер аштықтан қырылған

Сонымен бірге киіктерд...

Астанадағы Қылмыстық істер бойынша ауданаралық сот «Қазатомөнеркәсіп» компаниясының коммерция бойынша бұрынғы бас директорын 4,5 жылға соттады. Оған қызметін асыра пайдаланды деген айып тағып отыр.

Тергеу кезінде белгілі болғандай, 2021 жылы топ-менеджер өзіне пайда табу үшін қысқа мерзімді үш келісімге қол қойған. Бірақ ондағы баға шынайы құнынан әлдеқайда төмен көрсетілген, нәтижесінде мемлекетке 16,5 млрд теңге көлемінде үлкен шығын келді.

2021-2022 жылдар аралығында экс-жетекші дәл осындай төмендетілген бағамен бас-аяғы 10 келісімге қол қойған. Нәтижесінде мемлекетке тағы да 3,6 млрд теңге көлемінде зиян тиді.

Ал осы 13 келісім үшін айыпталушы 9 млн теңге көлемінде бонус алған. Қазір ол бас бостандығынан айырылып...

Disney студиясының әйгілі «Лило мен Стич» анимациялық фильмі Қазақстанда керемет табыспен басталды. Freedom Ticketon мәліметінше, 22–25 мамыр аралығында прокатқа шыққан фильм небәрі төрт күн ішінде 415 580 100 теңге жинап, соңғы аптада ең көп касса жинаған фильмдердің көшін бастады.

2002 жылғы түпнұсқаның жаңа нұсқасы — көрерменге таныс, бірақ жаңа реңкпен қайта ұсынылған оқиға. Бұл жолы да басты кейіпкерлер — кішкентай Лилo мен өзгеше жаратылыс иесі Стич көрермендердің жүрегін жаулап алды. Режиссер Дин Флейшер Кэмп түсірген ремейк бір мезетте ностальгия мен заманауи техниканың үйлесімін көрсетті.

Фильм әлем бойынша да жоғары табысқа жетіп отыр: төрт күн ішінде 341,7 млн доллар...

Өнеркәсіп және құрылыс министрі Ерсайын Нағаспаев  Астанадағы «ЖаңаАрқа» тұрғын үй кешенінің аяқталмаған құрылысына қатысты пікір білдірді. Аталған кешенді бүгінде екінші қабатына дейін су басып кеткен.

Елорданың шетінде, Қордай көшесінде (Сарайшык ауданы) орналасқан тұрғын үйдің құрылысы 2022 жылы басталған болатын. Жоба мердігері – BBS Gold ЖШС. Қазіргі таңда нысан құрылысы тоқтап, ұзаққа созылған құрылысқа айналды. Дренаж жүйесінің болмауы мен инженерлік желілердің толық аяқталмауы салдарынан аумақты су басқан: су деңгейі үйлердің екінші қабатына дейін көтерілген. Кешеннің суға толған көрінісі әлеуметтік желілерде  кеңінен таралып,  қоғамда қызу талқыға түсті. Қазіргі уақытта тұрғын үй кешенінің ауласында тұтас «көлшік» пайда болған.

Қылмыстық іс

«ЖаңаАрқа» кешенінің тағдыры...

Жетісу облысы Жаркент қаласындағы әскери гарнизонда қаза тапқан бақылау тобының аға офицері, капитан Дархан Дәулеттің жақындары Астанаға келеді. 2025 жылдың 29 мамырында қылмыстық іс бойынша сот процесі басталады, деп хабарлайды KursivMedia.

Істің мән-жайы

Марқұм Дархан Дәулет Жамбыл облысы Қордай ауданы Отар ауылында 5 жыл қызмет еткен. Шені капитан болып көтерілген соң 2024 жылдың қыркүйегінде Жаркент қаласына ауысқан. Ол жерде инженерлік бөлімнің бастығы болған.

2024 жылдың 13 қарашасынан 14 қарашасына қараған түні тәуліктік кезекшілікке түскен. 26 жастағы әскери сол күні қайтыс болған.

«Жанында болуы керек екінші кезекші сол күні сұранып кеткен, жұмыс орнында болмаған. Дархан сағат 23:30-да сарбаздарды тексерген...

25 мамыр күні кешке Ақтөбе облысының Хромтау ауданындағы «Болашақ» шахтасында өрт шығып, үш жұмысшыны күйік шалған. Бұл шахта ERG компаниялар тобына кіретін «Қазхромға» тиесілі.

Төтенше жағдай шахтаның өндірістік бөлігінде орын алған. «Казхром» компаниясының мәліметінше, кен орнында ауа құрамында жанғыш қоспа тұтанып, от тұтанған.

Оқиға кезінде шахтада жабдық орнатып жатқан үш электрослесарь болған. Олардың бет-жүзі мен қолын кйік шалған.

Зардап шеккендер шахта қызметкерлерінің көмегімен тез арада жер бетіне шығарылып, сағат 23:50-де жедел жәрдем қызметіне тапсырылған. Қазіргі уақытта үшеуі де Хромтау аудандық ауруханасында, дәрігерлер қажетті ем-дом көрсетіп жатыр.

Бұл шахтадағы алғашқы төтенше жағдай емес. 2025 жылдың ақпан айында дәл осы...

Қырғызстан президенті Садыр Жапаров Қазақстанмен Ыстықкөлдегі пансионаттар бойынша келісімге қол қойды деп хабарлайды 24.kg.

Келісім бойынша, Ыстықкөл жағалауында Қазақстан тарапы люкс нысандар салуы керек. Олар:

Бұл нысандар 2029 жылдың 31 желтоқсанына дейін салынуы қажет. Егер Қазақстан бес жыл ішінде келісімді орындасамаса, шипажайлар Қырғызстан меншігіне өтеді деп жазады қырғыздық БАҚ. Жапаров қол қойған құжат Қазақстанға Ыстықкөл бойындағы тағы 34,2 гектар жерді жалға алып, туристік және мәдени нысандар салуға мүмкіндік береді.

Еске салайық, осы жаздан бастап...

Орташа жалақыға қанша литр бензин сатып алуға болатыны туралы рейтингте мұнайлы Қазақстан алғашқы отыз ел қатарына ілікпеді. Республика 1,1 мың литр бензинмен 124 елдің ішінде 36-орында тұр.

Мұндай рейтинг Numbeo дерегіне сүйене отырып дайындалған. Көш басында Ливия, Кувейт және Катар орналасты. Мәселен, Ливияда орташа жалақыға 10 мыңнан астам литр бензин сатып алуға болады. АҚШ төртінші орында тұр. Алғашқы ондықта мұнайға бай араб елдері көп.

ТМД елдері арасында Қазақстан Ресейден (34-орын) кейінгі екінші орында тұр. Рейтингке Беларусь (801,3 литр), Әзербайжан (677,9 литр), Қырғызстан (483,9 литр), Молдова (476,6 литр), Өзбекстан (461,3 литр), Армения (450,3 литр), Украина (341,4 литр) және Тәжікстан...

Nordwind компаниясының ұшағында жолаушының жағдайы күрт нашарлап, әуе кемесі шұғыл түрде Ақтөбе әуежайына қонған. Алайда ұшақ жолаушысы жедел жәрдем жеткенше көз жұмған. Бұл туралы Ресейдің бұқаралық ақпарат құралдары хабарлады.

«Nordwind ұшағында ауырып қалған жолаушы қайтыс болды. Ұшақ Ақтөбеге шұғыл қонды. Марқұм Екатеринбургтен келген 42 жастағы Анна С. есімді әйел. Ол жедел жәрдем келгенше қайтыс болды», – деп хабарлады басылымдар.

Әуе кемесі Екатеринбургтен Сочиге ұшып бара жатқан. Алайда Қазақстан аумағынан өтіп бара жатқанда ұшақ дабыл белгісін беріп, Ақтөбеге шұғыл қону туралы шешім қабылдаған. Бортта 564 жолаушы болғаны айтылады.

Айта кетсек, наурызда Qatar Airways...

31 мамыр – Қазақстан халқы үшін ерекше мәні бар, ауыр әрі қасиетті күн. Бұл ХХ ғасырдың ең қасіретті беттерінің бірі саналатын саяси қуғын-сүргін мен ашаршылық құрбандарына тағзым ететін күн. Бұл зұлмат заманды ұмытпау, сол кезеңнің ауыр сабақтарын санада сақтау, болашақта мұндай қателіктерге жол бермеу үшін белгіленген ерекше дата.

Тарихи контекст: Кеңестік билік пен тоталитарлық жүйенің салдары

1920-1950 жылдар аралығында Кеңес Одағында орнаған сталиндік режим жеке тұлғаның құқығы мен өмірін ескерусіз қалдырған, орталықтандырылған, қатыгез саяси жүйеге айналды. Бұл жүйе Қазақстанды да айналып өткен жоқ. Күштеп ұжымдастыру, саяси қуғын-сүргін, халықты әлеуметтік азаптау саясаты, жаппай депортациялар – осының бәрі қазақ тағдырына...

Қазақстандықтар қолда бар рубльін жаппай сатып жатыр. 2025 жылғы сәуірде еліміздегі айырбастау пункттері рубльді 30,7 млрд теңгеге сатып алды. Бұл наурызбен салыстырғанда 62%-ға көп. Бұл көрсеткіштер ҚР Ұлттық банкінің ресми есебінен белгілі болды.

Ресей валютасына деген сұраныстың төмендеуі 2024 жылдың желтоқсан айынан бері жалғасып жатыр. Алайда осы аралықта рубль долларға шаққанда 20%-ға нығайған. Бұл – валюта бағамының өсуіне қарамастан, қазақстандықтардың рубльге деген сенімі әлсірегенін көрсетеді.

Доллар мен еуроға деген сұраныс қандай?

Ұлттық банктің деректеріне сүйенсек, халық арасында доллар мен еуроға қызығушылық төмендеп, ал юань бойынша көрсеткіштер құбылмалы күйде қалып отыр.

Сәуірде айырбастау пункттері арқылы халық ...

Жамбыл облысы аумағындағы Айрақты кен орнынан бір шақырымнан астам тереңдіктен газ қоры табылды. Бұл туралы QazaqGaz баспасөз қызметі хабарлайды.

Ұлттық газ компаняисының мәліметінше, барлау бұрғысы 1 100 метр тереңдікке дейін бұрғылап, Пермь дәуіріндегі жыныс қабатына жеткен. Кен орнындағы барлау жұмыстары Жамбыл облысында жүргізіліп жатыр.

«Бүгін біз алғаш рет Амангелді кен орнындағы Пермь дәуріне жататын жер қыртысынан газ таптық. Айрақты 01 бұрғысымен бұрғылауды аяқтадық. Оның тереңдігі 1 100 метр. Игеруді бастадық. Осы жұмыстардың бәрі аяқталған соң газ қоры қайта есептеледі», – дейді QazaqGaz басқарма төрағасының орынбасары Ұлан Бүркітов.

Компания басшылары қазірдің өзінде нәтиже жақсы...