Жаңалықтар

Алматыда Қазақстандағы мәдениет пен өнер саласындағы ең танымал Freedom Ticketon Awards премиясыныңсегізінші марапаттау рәсімі өтеді. Дауыс беру 3 наурызда басталып, 15 сәуірден 16 сәуірге қараған түнде аяқталды. Шамамен бір жарым ай бойы қазақстандықтар өткен жылы өнер мен мәдениет саласында айрықша көзге түсіп, елеулі үлес қосқан сүйікті тұлғаларына белсенді түрде дауыс берді. Халықтық дауыс беру аясында үміткерлерге барлығы 142 875 дауыс берілді.

Биыл марапаттау рәсімінің форматы өзгерді. 28 мамырда онлайн форматта өтеді, басталуы – 16:00-де. Тікелей эфир сілтемесі.

Тікелей эфир барысында ұйымдастырушылар мен ұйымдастыру комитетінің өкілдері биылғы жылдың 26 номинациясы бойынша жеңімпаздарды жариялайды.

Биыл дауыс беру механикасы өзгеріп, үш түрге бөлінді: халықты...

Премьер-министр Олжас Бектенов үкімет сағатында әкімдіктердің жылу нысандарын жаңғыртуға қатысты жасап жатқан жұмысы тым баяу екенін айтып, оларға талапты қатайтатынын мәлімдеді.

Талап қатаң

«Жөндеу науқанының белсенді кезеңі енді басталып жатыр, сондықтан алдағы жаз айларында күшейтілген режимде жұмыс істеу қажет. Арқаны кеңге салатын уақыт жоқ. Барлық жұмыс белгіленген мерзімде және толық көлемде орындалуға тиіс. Талап қатаң болады», – деді премьер-министр.

Бектенов осы жылы Астана, Көкшетау, Риддер және Қызылорда қалаларында жылу көздері жаңғыртылатынын, оған қажетті 25 млрд теңге көлеміндегі қаражаттың үкімет резервінен бөлінетінін жеткізді.

Әкімдіктер жұмысы тым баяу

Премьер-министр...

ҚР Президентінің Іс басқармасы Медициналық орталығының Ұлттық госпиталінің директоры Асхат Бралов Сара Назарбаеваның әлі де ем алып жатқанын, ал емделушіге қатысты ақпараттың құпия сақталатынын айтты. Бұл туралы мекеме басшысының KursivMedia сауалына берген жауабында жазылған.

Назарбаеваның қазіргі жағдайы қалай?

Браловтың мәліметінше, Сара Назарбаева Қазақстан Республикасы Президентінің Іс басқармасы Медициналық орталығының Ұлттық госпиталінде әлі де ем алып жатыр.

«Барлық медициналық іс-шаралар медициналық көмек көрсетудің бекітілген стандарттарына сәйкес және білікті мамандардың бақылауымен жүргізіледі», – дейді мекеме басшысы.

Құпия ақпарат

Аурухана директоры емделушінің жай-күйі туралы ақпараттың құпия сақталатынын мәлімдеген.

Үкімет сағатынан кейінгі брифингте Өнеркәсіп және құрылыс министрі болып тағайындалғанына көп бола қоймаған Ерсайын Нағаспаевтан утильалым мәселесіне байланысты көзқарасын сұрады.

Ерсайын Нағаспаевтан «өзінің келуімен аталған мәселеге байланысты қандай да бір өзгеріс енгізілуі мүмкін бе» деп сұралды.

Министр утильалым төңірегіндегі үкімет позициясы белгілі екенін, өзі де үкімет мүшесі болғандықтан, сол позицияны ұстанатынын мәлім етті.

«Біз бұл сұраққа оралуды жоспарлап отырған жоқпыз. Утильалым мәселесі жақсылап сарапталған. Мұндай шешім қабылдануының нақты критерий бар. Бұл жерде қалаймыз, қаламаймыз деген нәрсе тұрған жоқ, мұнда нақты анализ тұр«, – деді министр.

Журналистер мұнан соң отандық автопромдағы ең арзан көлік туралы, оны...

Отбасы былтырғы табысының бір бөлігін жалғыз акционері — «Бәйтерек» холдингіне дивиденд ретінде төлейді. Бұл туралы банк Қазақстан қор биржасына (KASE) хабарлады.

Дивиденд екі бөлікпен төленеді:

Жалпы дивиденд сомасы 84,5 млрд теңгені құрайді.

Алайда қаржы ұйымы дивиденд таза пайдасының қанша пайызы екенін ашып жазбаған. Қаржы есептілігі депозитариінде де, Қазақстан қор биржасында да банктің 2024 жылғы аудиторлық есебі жарияланбаған. Тек 2024 жылдың тоғыз айындағы есебі бойынша, банк 94,9 млрд теңге пайда тапқаны белгілі. Ал 2025 жылдың бірінші тоқсанында...

Cоңғы күндері Telegram мессенджерінде жаңа алаяқтық түрі пайда болды. Kursiv медиаресурсының бас редакторы Мира Халина алаяқтардың клон аккаунт жасап, әріптестеріне сілтеме таратқанын хабарлады.

Бұл — бұзу емес, бұл — клондау

Мира Халина өзінің жеке Telegrаm-аккаунтына ешқандай кіру болмағанын, яғни бұзу фактісі тіркелмегенін айтады. Алаяқтар тек сыртқы келбеті дәл сондай аккаунт жасап, соған ұқсас профиль фотосын, аты-жөнін және пайдаланушы атын қойған. Негізгі айырмашылығы — түпнұсқа аккаунтта телефон нөмірі байланыстырылған, ал клонда — жоқ. Осы арқылы олар таныстарына жеке хабарлама жазып, жалған сілтемеге өтуін сұраған. Бұл сілтеме пайдаланушыны Telegram қосымшасына емес, күмәнді веб-сайтқа апарады.

«Маған ештеңе...

Қазақстандағы тозығы жеткен жылу электр станцияларының жағдайы жақсарып келеді. Энергетика министрлігінің дерегінше, биыл 9 станция «қызыл» аймақтан «сарыға», 3-еуі «сарыдан» «жасылға» ауысқан.

Вице-министр Сұңғат Есімхановтың айтуыша, 2025 жылы 373 млрд теңгеге жөндеу жұмыстары жоспарланған. Бұл былтырмен салыстырғанда 14%-ға көп.

Соның ішінде 25,4 млрд теңге Үкімет резервінен бөлінді. Электр станцияларында 10 блок, 63 қазандық, 39 турбина жөндеуден өтпек. 323 км жылу желісін жаңарту үшін 89,7 млрд теңге қажет, оның ішінде 75,7 млрд теңге – бюджет есебінен.

2024 жылы қабылданған «Жылу энергетикасы туралы» жаңа заң аясында мемлекеттік энергетикалық бақылау күшейтіліп, кәсіпорындарға қойылатын талаптар қатайған.

...

Назарбаев мектебінде емтихан кезінде мұғалімін балағаттаған оқушының жағдайына қатысты Оқу-ағарту министрлік мәлімдеме жасады. Ведомство өкілдері толығымен мұғалімнің жағына шығып, жағдайды білу үшін НЗМ басшылығымен кездескен. Бұл жайлы министрліктің ресми өкілі Мереке Амангелдіқызы фейсбуктегі парақшасында жазды.

Дау неден басталды?

Даулы жағдай Алматыдағы Назарбаев мектебінде болған. 21 мамырда 11 сынып оқушысы емтиханға телефон алып кіреді. Оны көріп қалған мұғалімі гаджетін алып қойып, емтихан жауабы есептелмейтінін айтады. Ашуланған оқушы мұғалімді балағаттайды. Жағдай педагогикалық кеңесте қаралып, жасөспірімді мектептен шығарып жіберген. Бұл жайт бірден әлеуметтік желіге тарап кетті. Көпшілігі баланың құқығы бұзылды деп есептейді.

Кейін белгілі болғандай, мектептен қуылған бала НЗМ-де...

Ішкі істер министрлігі Жетісу облысында ірі алаяқтық қылмысы әшкереленгенін мәлім етті.

Мән-жайы

Қытаймен шекараға жақын Жаркент қаласының маңындағы Атамекен ауылында 33 және 34 жастағы екі ер адам адамдардың сеніміне кіріп алдау арқылы 13 автокөлікті иемденіп, жалпы сомасы 314 миллион теңгеден астам материалдық шығын келтірген.

Алғашқы құрбан – Қытай азаматы

Алаяқтардың алғашқы құрбаны – Қытай азаматы болған. Олар бұл азаматқа автокөліктерін Грузияға жеткізіп береміз деп уәде беріп, алты көлігін алып кеткен. Олардың қатарында Jetour (үш автокөлік), Mercedes C260, Mercedes C260L және Mercedes GLC 260L көліктері болған. Кейін бұл көліктерді Шымкент пен Жамбыл облысына жеткізіп, таныстарына...

Сыбайлас жемқорлыққа қарсы іс-қимыл агенттігі соңғы бес жыл ішінде 224,7 млрд теңге қаражаттың негізсіз жұмсалуына жол берілмегенін хабарлады.

Агенттік 2019 жылдан сатып алынатын тауарлардың, жұмыстар мен көрсетілетін қызметтердің жоспарлы бағаларын көтеру мәселесіне қатысты сыбайлас жемқорлыққа қарсы мониторинг жүргізе бастаған.

«Жобаны іске асыру басталғаннан бері (2019 ж.) 224,7 млрд теңге бюджет қаражатын негізсіз пайдалануға жол берілмеді», – деп хабарлайды агенттік.

Ал осы жылдың 5 айында 29 млрд теңгені орынсыз жұмсауға жол берілмеген. Оның 6,4 млрд теңгесі бюджетке қайтарылған. Ал қалған 22,6 млрд теңге көлеміндегі соманы тапсырыс берушілер қайта қарап, жоспарлы бағаны төмендеткен.

Оқу-ағарту министрлігі мүдделі мемлекеттік органдармен бірлесіп, «Қазақстан балалары» онкүндігін өткізіп жатыр. Бұл іс-шара аясында әр күн баланың құқығын, қауіпсіздігін, білім мен тәрбие алуын, денсаулығын және дамуын арқау еткен тақырыптық бағыттарға арналған.

Бүгінгі күн «Балалар үні» ретінде жарияланып, әр баланың үніне, арман-мақсатына құлақ түруге маңыз берілген.

Осыған орай, Оқу-ағарту министрі Ғани Бейсембаев елдегі барлық балаға үндеу жолдады.

Министр мемлекет балалардың болашағы жарқын болуы үшін бар күш-жігерін салатынын атап өткен.

«Бүгінде мемлекет әрбір қазақстандық балаға жайлы әрі қауіпсіз ортада сапалы білім мен тәрбие беру үшін ауқымды жұмыс атқаруда. Жаңа мектептер, балабақшалар мен шығармашылық орталықтар күн санап көбейіп...

Ғылым және жоғары білім министрлігі шетелге оқуға түсуге көмектесетін ұйымдарға қатысты ескерту жасады.

Жоғары және жоғары оқу орнынан кейінгі білім комитетінің төрағасы Гүлзат Көбенованың айтуынша, әлеуметтік желілерде жоғары оқу орындарына, соның ішінде шетелдік университеттерге түсуге көмектесетін ұйымдардың қызмет сапасына қатысты шағым көбейген.

Комитет төрағасының сөзінше, ЖОО түсуге дайындық қызметтерін, соның ішінде шетелдік оқу орындарына кеңес беру қызметін көрсететін ұйымдардың қызметі қосымша білім беру саласына жатады және оларға лицензия алу міндетті емес.

«Мұндай қызмет кәсіпкерлік қызмет шеңберінде азаматтық-құқықтық шарттар негізінде жүзеге асырылады. Осыған орай мұндай қызметтерді көрсететін ұйымдар жоғары білім беру туралы диплом бермейді, мемлекеттік...

Каспий мұнай құбыры арқылы тасымалданатын мұнай көлемі 67 млн тоннадан 81,5 млн тоннаға дейін арттырмақшы. Бұл жайлы премьер-министр Олжас Бектеновпен кездесуде Каспий құбыры консорциумының (КҚК) директоры Николай Горбань мәлімдеді.

Оның ішінде қазақстандық аумақтан өтетін мұнай көлемі 53,7 млн тоннадан 72,5 млн тоннаға дейін көбейеді. Биыл қазан айында Каспий құбыры арқылы 1 млрд тонна мұнай жөнелту жоспарланған.

Одан бөлек «ҚазТрансОйл» АҚ мен КҚК әріптестігі аясында Т.Қасымов атындағы мұнай айдау стансасын байланыстыратын жаңа құбыр құрылысы талқыланды.

Каспий құбыры консорциумының отандық мұнай секторы үшін өте маңызды. Қазақстанда өндірілетін мұнайдың 80%-ы осы мұнай құбыры арқылы шетелге экспортталады. 

Осы қыста Каспий құбыры консорциумына...

Кәсіпкер, GALANZ bottlers компаниясының негізін қалаушы Тұрсынғали Алагөзов өз қызметкерлеріне күтпеген сый жасады. Алагөзов кәсіпорынның дамуына ерекше үлес қосқан 100 қызметкеріне пәтер кілтін табыстады.

Компания әлеуметтік жауапкершілік қағидаттарын берік ұстанып, еңбекқор әрі адал қызметкерлерін осылайша марапаттауды жөн көрген. Пәтер кілттерін жаңа иелеріне Тұрсынғали Тұрымұлы өзі салтанатты түрде табыстады.

Жаңа баспаналар заманауи үлгідегі тұрғын үй кешендерінен берілді. Қызметкерлердің бір бөлігі жазда, қалғаны күзде жаңа үйлеріне көшеді.

«Құрметті әріптестер, қоныс тойларыңыз құтты болсын! Жаңа шаңырақтарыңызда шаттық пен береке орнасын. Сіздер бұл қуанышқа шын жүректен лайықсыздар!» – делінген компания атынан құттықтауда.

OpenAI компаниясы Қазақстанда қосылған құн салығын төлейді. Яғни ChatGPT жасанды ителлекті үшін компания салық төлеуге міндеттелген. Бұл туралы Мемлекеттік кірістер комитеті хабарлады.

«Жаһандық цифрлық платформалармен өзара іс-қимылды жетілдіру аясында 2025 жылғы мамырдан бастап OpenAI, L.L.C. компаниясы шартты түрде тіркелді», – делінген министрлік хабарламасында.

Енді Қазақстан Республикасының салық заңнамасына сәйкес, елдегі жеке тұлғаларға қызмет көрсеткені үшін аталмыш компания ҚҚС төлейтін болады.

OpenAI туралы

OpenAI жасанды интеллект саласында үлкен жобаларды жүзеге асырған америкалық ұйым. Сондай жобаның бірі ChatGPT жасанды интеллекті. Бұл ЖИ бүгінгі күні әлемнің түкпір-түкпірінде пайдаланылады. Жеке тұлғалар мен ір...

5 қазан күні Димаш Құдайберген Нью-Йорктегі әйгілі Madison Square Garden сахнасында Stranger атты жеке концертін өткізеді. Бұл туралы әнші Алматыдағы жанкүйерлерімен кездесуде айтты.

Алматы аренада жиналған жанкүйерлер бұл жаңалықты ерекше қуанышпен қарсы алып, тоқтаусыз қошемет көрсетті.

Айта кетейік, 2019 жылдың желтоқсанында Димаш Нью-Йорктегі Barclays Center сахнасында аншлагпен өткен Arnau Tour Envoy концертін берген болатын. Ол кезде концертке әлемнің 63 елінен жанкүйерлер жиналған еді.

Фан-кездесу қалай өтті

Ал 26 мамыр күні Алматыда өткен D&Dears атты фан-кездесуге 45 елден 10 мыңға жуық адам келді. Испания, АҚШ, Ресей, Колумбия, Эквадор, Чили, Швейцария, Бельгия және басқа да елдерден келген тыңдармандар...

Англияның Ливерпуль қаласында футбол жанкүйерлері сүйікті командасының жеңісін тойлап жатқан сәтте көлік адамдармен соқтығысты. Премьер-лигада чемпион атанған «Ливерпуль» клубының құрметіне ұйымдастырылған шеруден кейін, Ford маркалы автокөлік адамдар тобының арасына кіріп кеткен.

Жедел жәрдем қызметінің өкілі Дэвид Китченнің мәлімдеуінше, ауруханаға 27 адам жеткізілді, төртеуі – балалар. Екі адам ауыр жарақат алған, соның бірі – бала.

Оқиға Ливерпульдің орталығында, шеруге арналған басты көшелердің бірінде болды. Чемпион атанған футболшылар ашық автобуспен халыққа жол тартқан. Парад аяқталған соң, адамдар тарала бастаған кезде көлік кенеттен халықтың арасына кіріп кеткен.

Мерсисайд графтығының өрт және құтқару қызметінің басшысы Ник Серлдің айтуынша, көліктің астында төрт адам – үш...

55 жастағы кәсіпкер Тұрсынғали Алагөзов есімі қалың көпшілікке 2016 жылы белгілі болды. Сол жылы продюссер Баян Алагөзова (ол кезде Есентаева – ред.) Түркиядан қайтып келгенде әуежайда күтіп алған жұбайы пышақтап, ауыр жарақатпен ауруханаға түсті. Кейінірек Түркияда кәсіпкер Алагөзовпен бірге болғанын білдік. Осы жағдайдан кейін бизнесмен бірінші әйелімен ажырасып, Баянмен ресми түрде некесін қиды. Бақытты аяқталған ертегі сияқты көрінеді. Бірақ кәсіпкердің өміріндегі «қызық» сол кезде ғана басталды.

Maxi Чай-дың шын иесі кім?

Тұрсынғали Алагөзов – 1969 жылы 17 қыркүйекте Алматыда туған. Бала кезімнен кәсіпкерлікке жақын болдым дейді ол. 12-13 жасында достарымен Николь базарының маңында қауын-қарбыз, сыра тиеген. Таста...

Қытай стратегиялық маңызы бар салаларда – әсіресе электр көліктері, күн панельдері мен аккумулятор өндірісінде қарқынды өсім байқалып отыр. Бүгінде әлемдегі электр көліктерінің 60%-дан астамы және күн панельдерінің 80%-дан көбі Қытайда өндіріледі. Бұл мемлекеттің белсенді қолдауы мен субсидияларының, сондай-ақ «жасыл» экономикада жаһандық көшбасшы болуға ұмтылысының нәтижесі, деп хабарлады Asia.nikkei.com басылымы. 

Алайда мұндай қарқынды өндірістің ауқымы әлемнің дамыған елдерінің алаңдаушылығын тудыра бастады. Басты мәселе өндірістің артып, керекті көлемнен асып түсуінде. Қытай зауыттары әлемдік нарықтың тұтыну қабілетінен әлдеқайда көп өнім шығарып отыр. Бұл бағаның құлдырауына, демпингке және өзге елдердегі бәсекелестік қабілетінің төмендеуіне алып келді. Оңтүстік Кореядағы Chey Institute for Advanced Studies зерттеу орталығыны...

Алматы облысында «АзияАгроФуд» зауытының қоймасы жарылып, бір жұмысшы қаза тауып, төрт адам зардап шекті.

Қарасай ауданына қарасты Жібек жолы ауылы маңында «АзияАгроФуд» АҚ астық сақтау қоймасы жарылды. Компания мәліметінше, жарылыс ұн тозаңының тұтануынан болған.

Оқиға салдарынан бір жұмысшы көз жұмды. Компанияның тағы төрт қызметкері зардап шеккен. Олар бүгінде Қарасай аудандық ауруханасының жансақтау және қарқынды терапия бөлімінде ем қабылдап жатыр.

«Біз ішкі қызметтік тексеруді бастап кеттік және болған оқиғаны жан-жақты зерттеу үшін тиісті органдармен толықтай ынтымақтасып жатырмыз», – деді «АзияАгроФуд» АҚ басқарма төрағасы Саян Ашенов.

Өңірлік Төтенше жағдайлар департаментінің (ТЖД) мәліметінше, оқиға 23 мамыр...

«Қазақстан темір жолы» ұлттық компаниясы ішкі қызметтік тексерістен соң бірнеше жолсерікті жұмыстан шығарды.

ҚТЖ баспасөз қызметінің хабарлауынша, тексеріс Алматы-2 теміржол вокзалында жүргізілген. Нәтижесінде қызметкерлердің бірі мүгедектігі бар адамға арналған орынды заңсыз сатып жібергені, ал жолсеріктердің бірі вагонның тамбурында шылым шеккені анықталды.

Тексеру қорытындысы бойынша жолсеріктер жұмыстан босатылып, пойыз бастығына қатаң сөгіс жарияланды. Компания өкілдері мұндай заңбұзушылықтармен жүйелі түрде күрес жүргізілетінін және тексерістерге журналистер мен қоғам өкілдері қатыстырылатын рейдтер тұрақты түрде өткізілетінін айтты. Осындай тексерістер барлық жолаушылар пойыздарында жүргізіледі.

«Компания азаматтарды орындарды заңсыз сату, жолаушыларды билетсіз тасымалдау және билеттерді қайта сату жағдайлары туралы хабарлауға шақырады. Фото...

АвтоВАЗ Тольяттиде жаңа кросс-лифтбек Lada Granta Active Cross моделін таныстырды. Көлік «Мерейтойлық пикник» іс-шарасы аясында алғаш рет көпшілікке көрсетілді. Автокөлік «Granta»  үшін жаңа саналатын қызыл металлик «Фламенко» түсінде ұсынылды.

Кросс-универсал секілді спорттық стильдегі бұл нұсқа базалық модельден бірнеше өзгерістерімен ерекшеленеді: жерге дейінгі клиренс 180 мм-ден 198 мм-ге дейін ұлғайған, айналасына боялмаған пластиктен жасалған қорғаныс жиынтығы орнатылған, ал геометриялық өтімділікті жақсарту үшін бамперлері сәл өзгертілген.

Көрмеге қойылған үлгі зауыттық толық жабдықпен қамтамасыз етілген: орталық құлып, круиз-бақылау, климат-бақылау жүйесі, барлық есіктердегі электрлі терезе көтергіштер, тұманға қарсы шамдар мен артқы терезе тазартқышы бүріккішімен бірге бар.

Ресми түрде Granta Active Cross «Гранта...

Макрон әйелінің неге бетінен «шапалақпен ұрғанын» түсіндірді. Франция президентінің айтуынша, әйелі екеуі жай қылжақтасқан.

АP ақпаратына қарағанда, Францияның бірінші ханымы Брижит Макрон әзілдесіп отырып, итеріп жіберген көрінеді.  

Бұл жайт бейнежазбаға түсіп қалған еді. Екі жұп Оңтүстік-Шығыс Азия елдеріне сапарлап жүр. Ұшақ жерге қонып, түскелі тұрғанда әйелі Макронды екі қолымен бетінен итеріп жіберген. Бұл шапалақпен тартып қалғандай көрініп қалды.

Макрон әйелінің әрекетін әзіл дегеніне қарамастан, Францияда бұл жайт дүрбелең туғызып отыр.

«Біз жай қалжыңдасып тұрдық. Әйеліммен осылай әзілдесемін», – деп жауап берді Макрон. Оның сөзіне қарағанда, кейбіреулер мұны түймедейден түйедей жасап жіберген.

Макрон бұл дау-дамай туралы осылай пікір білдірді.

Ірі ұялы байланыс операторлары тарапынан жоғары тариф белгілеу белгілері анықталды. Бұл туралы Бәсекелестікті қорғау және дамыту агенттігі Kazinform агенттігінің ресми сауалына берген жауабында мәлім еткен.

Мән-жайы

2024 жылғы тариф өзгерістерін талдау нәтижесінде агенттік монополиялық жоғары баға белгілеу белгілерін анықтаған.

– Бүгінгі таңда заңнама талаптарына сәйкес нарықты талдау жүргізілуде. Бұл талдау нарықта үстем жағдайды анықтау мақсатында өткізіліп жатыр. Талдау аяқталған соң тергеу басталады, – делінген агенттік хабарламасында.

Егер жаңа бұзушылықтар анықталса, агенттік тиісті әрекет ету шараларын қабылдайтынын атап өткен.

Бұған дейінгі тергеу

2023 жылғы желтоқсанда ұялы байланыс тарифтерінің өсу фактілеріне талдау жүргізу нәтижесінде «Кселл» АҚ, «Мобайл Телеком–Сервис» ЖШС (Теле2/Алтел) және «Кар-Тел» ЖШС...