Түркия президенті Режеп-Тайып Ердоған Украина президенті Владимир Зеленскиймен Долмабахче кеңсесінде кездесу өткізіп, бірлескен баспасөз мәслихатына қатысты. Баспасөз жиынында Түркия басшысы Ресеймен бейбітшілік саммитін өткізуге дайын екенін жеткізді.
«Әу бастан, біз соғысты келіссөздер арқылы тоқтату үшін қолдан келгеннің бәрін жасап келеміз. Біз Ресейдің қатысуымен бейбітшілік саммитін өткізуге дайынбыз», – деп мәлімдеді Ердоған.
Сонымен бірге Түркия басшысы стратегиялық серіктестері Украинаның аумақтық тұтастығы, егемендігі мен тәуелсіздігін қолдайтындарын атап өтті. Ол соғыстың аймақтық және жаһандық деңгейде, әсіресе, Украинада жағымсыз салдары көбейгенін айтты. Әсіресе, азық-түлік қауіпсіздігі мәселесін шешу маңызды екенін атап өтті.
«Консультациялар барысында Қара теңіздің тұрақтылығына қатысты экспортты...