Жаңалықтар

Цифрлық даму, инновациялар және аэроғарыш өнеркәсібі министрлігі мемлекеттік қызметшілерге арналған жасанды интеллект дағдылары бойынша AI Qyzmet оқыту бағдарламасы іске қосылғанын хабарлады.

AI Qyzmet оқыту бағдарламасының мақсаты – мемлекеттік қызметтің тиімділігін арттыру үшін ЖИ құралдарын жұмыс үдерістеріне енгізу екені хабарланды.

Министрлік мәліметінше, оқыту аясында мемлекеттік қызметкерлердің жұмысында жасанды интеллектіні саналы түрде қолдану дағдысын қалыптастыру, әкімшілік үдерістерді автоматтандыру мен деректерді талдау арқылы оңтайландыру жоспарланып отыр. Сондай-ақ Қазақстандағы жергілікті AI-шешімдерін енгізу арқылы өнімділікті арттыру және шешім қабылдау сапасын жақсарту көзделуде.

«Курс мемлекеттік қызметкердің күнделікті қызметіндегі ЖИ-ді қолданудың негізгі сценарийлерін қамтиды: жоспарлау, ақпаратты өңдеу, презентациялар жасау, шешім қабылдау, тапсырмаларды...

2025 жылдың басынан бері Ұлттық банктің сенімгерлік басқаруындағы 22,6 трлн теңге зейнетақы активінің ивесттабысы теріс қалыптасты. Қор салымшылары жалпы сомасы 231,54 млрд теңге жоғалтқан. Бұл – минус 1,05% деңгейіндегі табыстылықты білдіреді.

Қордың шығынға ұшырауына не себеп?

Басты себеп – Қазақстанның мемлекеттік бағалы қағаздарының нарықтағы құнының төмендеуі мен теңгенің АҚШ долларына қатысты нығаюы.

«Инвестициялық қызметтің нәтижесінде, сондай-ақ шетелдік валюталар бағамының
құбылмалылығы және қаржы құралдарының нарықтық құнының өзгеруі салдарынан 2025 жылдың басынан бастап есептелген инвестициялық кіріс мөлшері (-)231,54 млрд. теңгені құрады. 2025 жылдың басынан бастап салымшылардың (алушылардың) шоттарына бөлінген БЖЗҚ зейнетақы активтерінің кірістілігі (-)1,05% құрады...

Қыз алып қашып келе жатқан көлік апатқа ұшырады. Алматы облыстық полициясының ақпаратынша, қалыңдық қайтыс болды.

Оқиға Алматы облысындағы Үлкен Алматы айналма автомобиль жолында болған. Бұл туралы СMN хабарлады.

Аталған жолдың 36 шақырымында қызды алып қашып келе жатқан көлік апатқа ұшыраған.

«Жол көлік оқиғасының кесірінен Mercedes-Benz жолаушыларының бірі қаза болды. Жүргізуші мен тағы да екі жолаушы түрлі жарақат алып, ауруханаға түскен. Кінәлі жүргізуші ұсталды. Уақытша оқшаулар орнына қамалды», – деп хабарлады жергілікті полиция өкілдері.

Қазір сотқа дейінгі тергеу басталған.  

Сонымен қатар, Маңғыстау облысы Жаңаөзен қаласында бір топ түлек мінген екі автокөлік соғысып...

26 мамыр, дүйсенбіде Гонконг қор биржасында Қытай электромобиль өндірушілер акциясы құнсызданды. Себебі өткен аптада BYD автогиганты өнімдерінің бағасын 35%-ға түсірген.

Bloomberg мәліметінше, ең табысты қытай автокомпаниясының бағалы қағаздары 8,6%-ға арзандады. Li Auto мен Great Wall Motor акциялары 4-5%, ал Geely холдингінің акциялары 9,46%-ға құнсызданды. Себебі инвесторлар автоөндіріс саласындағы бәсекенің күшеюіне алаңдап отыр.

BYD автогиганты 2025 жылғы маусымның аяғына дейін 22 автомобилінің бағасын түсіруді жоспарлап отыр. Мәселен, Seagull 20%, ал Seal гибрид седаны бірден 34%-ға арзандайды. Сөйтіп екеуінің де құны теңеседі – 7 745 доллар.

Кейінгі бірнеше айда автокомпания қоймаларын ескі модельдерден тазартуға тырысып жатыр. Енді жүргізушіге жаңа көмек функциясы...

«ҚазАгроҚаржы» АҚ ауыл шаруашылығы техникасын жылдық 6%-бен беретін лизинг бағдарламаны қайта басталғанын хабарлады.

Компания бұл шара техникалық паркті минималды қаржылық жүктемемен жаңартуға мүдделі шаруаларды қолдауға бағытталғанын атап өтеді.

Бағдарлама отандық өндірілген және құрастырылған өздігінен жүретін техниканы, атап айтқанда тракторлар мен комбайндарды тартымды шарттар бойынша: бастапқы жарнасыз және 10 жылға дейінгі мерзімге лизингке сатып алуды қарастырады.  

«Фермерлер бұл бағдарламаның қайта іске қосылуын күтті. Бағдарламаның негізгі басымдықтары өзгерген жоқ: мөлшерлеме жылдық 6%, кепілдің қажеті жоқ және бірінші лизингтік төлем 0%-ға тең. Бұл дала төсінде тер төгетін шаруаларға нақты қолдау», – деді «ҚазАгроҚаржы» АҚ басқарма төрағасы Айдар...

Атом энергетикасы агенттігінің төрағасы Алмасадам Сәтқалиев Қытайдағы Ядролық қауіпсіздік жөніндегі ұлттық басқарманың басшысы Дон Баотонмен кездесу өткізді. Бұл жайлы агенттік баспасөз қызметінен хабарлайды.

Астанада өткен келіссөздерде атом энергиясын бейбіт мақсатта пайдалану мәселесі талқыланды. Қазақстан үшін осы салада Қытай тәжірибесі қызықты болып отыр.

«Қазақстан тарапы АЭС жобасын іске асырудың барлық кезеңінде ядролық және су-экологиялық қауіпсіздікті қамтамасыз ету бойынша Қытай тәжірибесін зерделеуге қызығушылық танытты», – деп жазылған хабарламада.

Айта кету керек, қазір АЭС салуға қатысуы мүмкін деген вендор компаниялардың шорт-тізімі жасақталып жатыр. Оның ішіне қытайлық HPR-1000 реакторлық технологиясын ұсынатын CNNC компаниясы да кірді.

Осыған...

Home Credit Bank акционерлері 2024 жылғы таза табысын бөлмеу туралы шешім қабылдады. Бұл туралы Қазақстан қор биржасының сайтында жазылған.

Home Credit Bank акционерлерінің 2025 жылғы 22 мамырда өткен жылдық жалпы жиналысында бірқатар шешім қабылданды. Оның ішінде:

Акционерлер шешімімен аталған сома «Алдыңғы жылдар бөлінбеген пайдасы» шотына жіберілген.

Осыған дейін БАҚ-та Home Credit Bank-тің ForteBank-ке сатылатыны туралы ақпарат шыққан еді. Бірақ қаржы ұйымы бұл ақпаратты жоққа шығарды.

Қаржы мониторингі агенттігі азаматтарды сан соқтырған тағы бір  қаржы пирамидасын анықтады. Бұл жолы медициналық каннабиске инвестиция салуды үгіттеп, салымшылардың 52 млн теңгесін қалтаға басқандар ұсталды.

Агенттіктің Қарағанды облысы бойынша департаменті «Sincere Systems Group» атты қаржы пирамидасының құрылымдық бөлімшесін басқару фактісі бойынша сотқа дейінгі тергеп-тексеру жүргізген. Тергеу мәліметінше, пирамиданың ұйымдастырушылары өздерін Ұлыбританиядан келген беделді компания өкілдері ретінде таныстырып, азаматтарды әртүрлі жобаларға — соның ішінде медициналық каннабис өсіру мен оны жаһандық нарықта сату секілді инвестициялық жобаларға қаражат салуға үгіттеген.

«Клиенттердің сенімін арттыру үшін жеке кабинеттері бар сайт құрылған. Онда пайдаланушылар ішкі SWP және SWCT токендері арқылы есепшоттарын толықтырып...

«Ғажайып ғасыр» телехикасында Сүлейман Сұлтан рөлім сомдаған Халит Ергенч 1 жыл 10 айға бас бостандығынан айырылды.

ВВС мәліметіне қарағанда, танымал актер 2013 жылы жалған куәлік берді деген айып тағылып отыр. Бұл іс Гези паркінде ағаштарды отауға қарсы наразылық шеруі қатысты.

Кастинг менеджер  Айше Барим шеруді ұйымдастырушының бірі деп танылып отыр.  Түрік билігі бұл шеруді «мемлекеттік төңкеріс жасауға ұмтылу» деп бағалаған.

Халит Ергенч іздеуде жүрген сотталушы Мехмет Али Аллабораны білмейтінін айтқан.

Түркия соты оған 2 жыл 3 айға бас бостандығынан айыруға үкім шығарды. Алайда сот барысындағы тәртібіне қарай жазаны 1 жыл 10 ай 15 күнге дейін қысқартқан.

Алайда сот...

Өзін сыбайлас жемқорлыққа қарсы қызметтің төрағасы ретінде таныстырған атыраулық әкімшілік жауапкершілікке тартылды.

Агенттіктің хабарлауынша, ер адам өзін жемқорлыққа қарсы қызметтің төрағасы деп таныстырып, Жамбыл облысы Жуалы ауданының №4 мектебінің директорына хабарласқан. Облыс мамандары ер адамның жеке басын анықтады. С. агенттік төрағасы деп таныстыру арқылы мектеп директорынан көмек сұраған. Нақты айтқанда жұмысқа мас күйде барғаны үшін жұмыстан босатылған қызметкерді жұмысқа қайта алуға жәрдемдесуді сұраған.

Атырау облысы полициясы С.-ға қатысты жала жабу фактісі бойынша әкімшілік құқық бұзушылық туралы хаттама толтырған. Іс Атырау қалалық әкімшілік құқық бұзушылық жөніндегі мамандандырылған сотында қаралды. С. кінәсін толық мойындады.

2025 жылдың 14 мамырында сот С.-ны әкімшілік...

«Бәйтерек» ұлттық басқарушы холдингі 2025 жылдың І тоқсанында 185,2 млрд теңге таза пайда тапқан. Бұл туралы холдингтің қаржы есебінде жазылған. Бұл көрсеткіш былтырғы жылдың сәйкес кезеңімен салыстырғанда 40%-ға артық.

Негізгі табыс көздері қандай?

Холдингтің табысының басым бөлігі қарыз беру мен қаржылық қызметтерден түскен. Атап айтқанда:

Жалпы операциялық табыс 204,8 млрд теңгеге жетіп, әкімшілік шығындарды (21,3 млрд теңге) ескергеннің өзінде компания жоғары рентабельділікті сақтап отыр.

Сонымен қатар, холдинг сақтандыру қызметтерінен де оң нәтиже алды. Таза сақтандыру...

Астана әкімдігі түлектерге 550 грант бөлмек. Бұл туралы елорда басшысы Жеңіс Қасымбек Facebook парақшасында жазды.

 Қала әкімі  биыл  Астанада 14 мың 200-ден астам түлек мектеп бітіргенін атап өтті.  

«Енді түлектеріміз үшін өмірінде жаңа әрі жауапты кезең басталады – мамандық пен жоғары оқу орнын таңдау. Өз тарапымыздан біз балаларымызды қолдауды ары қарай да жалғастырамыз: қаланың Білім басқармасы мен Жұмыспен қамту және әлеуметтік қорғау басқармасы тарапынан жоғары оқу орындарына 550-ден астам грант бөлу жоспарланып отыр»,– деп жазды Жеңіс Қасымбек.

Сондай-ақ, білім басқармасы қала колледждеріне (9 және 11-сынып негізінде) сұранысқа ие 62 мамандық бойынша 10 мы...

«Қазхром» трансұлттық компаниясының акционерлері кезекті жиында кәсіпорынның ерікті делистингі мәселесін талқыламақшы. Бұл жайлы Қазақстан қор биржасы сайтында жазылған.

«Акционерлер жиналысын 2025 жылғы 23 маусымда өткізу жоспарланған. Егер алғашқы жиналыс өтпей қалса, акционерлердің қайталама жиналысы 24 маусымда өткізіледі», – деп жазылған хабарламада.

«Қазхром» трансұлттық компаниясы 1995 жылдың қазан айында құрылған және Люксембургте тіркелген Eurasian Resources Group (ERG) құрылымына кіреді. Компанияның түпкілікті бас компаниясы – Дубайдың еркін экономикалық аймағында тіркелген KCR METALS-FZCO.

«Қазхромның» негізгі активтері Қазақстанда орналасқан. Компания әлемдегі ең ірі кен өндіруші және металлургиялық кәсіпорындардың қатарына кіреді. Оның құрамында Дон кен байыту комбинаты, Ақтөбе...

Батыс Қытайдың ең ірі – Western Expo (Сибо) көрмесінде алғаш рет қазақ павильоны ашылды. Делегацияны сауда министрі Арман Шаққалиев бастап барды. Чэнду қаласындағы келіссөздерде Қазақстан мен Қытай арасында жаңа темір жол дәлізін ашу мәселесі талқыланды.

Министрлік мәліметінше, Шаққалиев Сычуань провинциясы партия комитетінің хатшысы Ван Сяохуэймен кездесті. Олар сауда, «жасыл» логистика, жаңа темір жол дәлізін іске қосу мәселелерін талқылады.

«Қазақстан біз үшін сыртқы әлемге шығу, халықаралық бәсекені күшейту, Сычуаньді стратегиялық хабқа айналдыру ісіндегі маңызды әріптестеріміздің бірі», – дейді қытай топ-менеджері.

Қазір Қытайдан Еуропаға жөнелтілетін жүктердің 80%-дан астамы Қазақстан аумағы арқылы өтеді. Жақында бір жылда тауар өткізу қабілетін 50 млн...

Kaspi.kz акционері Михаил Ломтадзе Қазақстан футбол федерациясының атқарушы комитетінің құрамына енді. Жаңа құрам тізімі федерация сайтында жазылған.

Атқарушы комитетінің жаңартылған құрамы Қазақстан футбол федерациясының (ҚФФ) кезектен тыс XXVIII конференциясында бекітілді. Тізімде мемлекеттік құрылым, ірі бизнес қатысушылары да бар.

ҚФФ атқарушы комитетінің жаңа мүшелері:

Франция ашық чемпионаты – Roland Garros 2025 турниріндегі алғашқы кездесуінде Қазақстанның үздік теннисшісі Елена Рыбакина жеңіске жетті.

Әлемдік рейтингте 11-орында тұрған Рыбакина турнирдің алғашқы кезеңінде аргентиналық теннисші Хулия Риерамен (WTA: 202) кортқа шықты. Бірінші сетте сенімді ойын көрсеткен Елена 6:1 есебімен басым түссе, екінші сетте қарсыласы қарсылық танытып 4-6 есебім есепті теңістерді. Алайда тартысты өткен үшінші сетте Рыбакина 6:4 есебімен өз пайдасына шешіп, матчты 2:1 есебімен аяқтады.

Осылайша, Елена Рыбакина келесі айналымға жолдама алды. Келесі кезеңдегі қарсыласы америкалық Ива Йович әлемдік рейтингте 129 орынды алып отыр.

Бұған дейін, Рыбакина Франциядағы Страсбург WTA 500 турнирінің жеңімпазы атанған еді.

2025 жылғы 16 мамырда басталған негізгі ҰБТ-дан бері 52 мыңнан астам тестілеу өткізілді. Бұл туралы Ғылым және жоғары білім министрлігі мәлім етті.

Талапкерлердің 66%-ы тестілеуді қазақ тілінде, 33%-ы орыс тілінде және 65 адамы ағылшын тілінде тапсырған.

Бірінші аптаның қорытындысы бойынша талапкерлердің 62%-ы шекті балл жинаған. Бес пән бойынша орташа балл 61-ді құрады. Ең жоғары нәтиже 140 балды Түркістан облысынан Әбілхан Жәнібек есімді талапкер жинады.

ҰБТ-ны өткізудің бірінші аптасында 55 ереже бұзушылық анықталған. 26 талапкер смартфон, шпаргалка және басқа да тыйым салынған заттарды алып кірмек болғаны үшін тестілеуден шеттетілген. Тағы 29 адам тестілеу кезінде ережелерді бұзғаны үшін аудиториядан шығарылған, оларды...

2025 жылдың 26 мамырында Қазақстан қор биржасы (KASE) «Қазақтелеком» АҚ-ның артықшылығы бар акцияларымен жүргізіліп жатқан сауданы уақытша тоқтатты. Бұған акция бағасының 52,71%-ға төмендеуі себеп болған.

Неліктен сауда тоқтатылды?

KASE ішкі ережелеріне сәйкес, егер «премиум» санатындағы акцияның бағасы алдыңғы күнгі жабылу бағасымен салыстырғанда 30%-дан да арзандап кетсе, онда биржа сауданы автоматты түрде тоқтата тұрады.

Осы себепті KASE акциялармен сауданы уақытша тоқтатты.

Компания не дейді?

Осыған байланысты «Қазақтелеком» АҚ ресми түсініктеме жариялады. Компанияның басқарма төрағасының бірінші орынбасары Айдос Нұрқатовтың айтуынша, бұл жағдай — нарық заңдылығына сай, қалыпты құбылыс.

«Бұл құбылыс – «дивидендтік гэп» деп...

Krisha.kz, Kolesa.kz және OLX.kz тәрізді онлайн-платформаларда интернет-алаяқтықпен айналысқан 5 мыңнан аса аккаунт бұғатталды. Тағы 7 мың аккаунт тексеріліп жатыр деп хабарлайды Алматы облыстық прокуратурасынан.

Алаяқ аккаунттардың басым бөлігі Алматы қаласы мен облысында «пәтерлерді тәулігіне жалға береміз, жылжымайтын мүлік, арзан автокөлік сатамыз, шетелден автокөлік бөлшектерін жеткіземіз» деген жалған хабарламалар ілген. Өзіне тиесілі емес фотосуреттер пайдаланып, «бронға қою» үшін алдын ала төлем талап еткен.

«Прокуратура мен маркетплейстердің бірлескен жұмысы цифрлық ортадағы қылмыстарға қарсы мемлекеттік органдар мен жеке сектор арасындағы өзара іс-қимылдың тиімді алгоритмін қалыптастыруға ықпал етті. Азаматтарды онлайн-сатып алулар кезінде сақ болуға және цифрлық платформалардағы хабарландыруларды...

Президент Қ.Тоқаев Алматы қаласының жаңадан тағайындалған әкімі Дархан Сатыбалдыны қабылдады. Бұл туралы Ақорданың баспасөз қызметі жазды.

Президентке қала әкімі алдағы жұмыстың басым бағыттары, соның ішінде әлеуметтік-экономикалық даму, қала экологиясын оңалту және шаһар тұрғындарының тұрмыс сапасын арттыру жөніндегі жоспары туралы баяндаған.

«Қасым-Жомарт Тоқаев мегаполисті дамытудың негізгі міндеттерін айқындады. Атап айтқанда, тұрақты экономикалық өсімді қамтамасыз ету, экономиканы әртараптандыру, қаланың инфрақұрылымын кешенді түрде жаңғырту, сондай-ақ жол-көлік желісінің жағдайын жақсарту, экологиялық мәселелерді шешу сияқты бірқатар нақты тапсырма берді», – делінген Ақорда хабарламасында.

Дархан Сатыбалды Алматы әкімі болып 24 мамыр күні тағайындалған. Ол бұның алдында Президент Әкімшілігі басшысының бірінш...

Ақмола облысында екі әйел бұрынғы күйеуін ата-ана құқығынан айыруды сұрап сотқа жүгінген. Бұған олардың алимент төлемегені себеп болған. Бұл туралы Жоғарғы сот хабарлады.

Бірінші жағдайда төрт жасар баланың әкесі алимент бойынша 1,2 млн теңге қарыз болған. Екінші жағдайда 8 жастағы қыздың әкесі 3 млн теңгеден астам қарызы болған.

Екі әйел де бұрынғы күйеуінің балаларды тәрбиелеуге және асырауға атсалыспайтынын, қарызды өтеуге әрекет жасамайтынын, ата-ана міндеттерін орындаудан толықтай бас тартқанын айтқан.

«Қыздың анасы әкесінің ата-аналық құқығынан бас тартқаны туралы нотариалды куәландырылған арызын көрсетіп, оның қызын бағып-қағуға және оның тәрбиесіне қатысуға дайын емес екенін атап өткен», – делінген...

Вьетнамдық VietJet Aviation компаниясы Airbus-тан 20 кеңфюзеляжды ұшақ сатып алмақшы. Франция президенті Эмманюэль Макрон Ханойға сапары кезінде мәмілеге қол қойылған. Бұл жайлы Reuters жазады.

Әрбір ұшақ құны 374 млн доллар тұрады, тапсырыстың жалпы сомасы жеңілдікпен 7,5 млрд долларды құрайды. Өткен жылы VietJet Airbus-тан дәл осы модельдің 20 данасын алған еді. Қазір компания паркингінде Airbus-тың 115 әуе көлігі бар.

Vietjet Air лоукостері вьетнамдық SOVICO Group холдингінің құрамына кіреді. Бұл холдинг былтыр «Самұрық -Қазынадан» қарызға батқан Qazaq Air компаниясын сатып алды. Мәміле құны – 2 млрд теңге. Енді елден бір әуежай сатып алу мүмкіндігін қарастырып жатыр.

Осы...

Испаниялық маман Хаби Алонсо «Реал Мадрид» футбол клубының бас бапкері болып тағайындалды. Бұл туралы клубтың баспасөз қызметі ресми хабарлады.

43 жастағы бапкермен келісімшарт үш жыл мерзімге жасалған. Алонсо бұл қызметте Карло Анчелоттиді алмастырды. Айта кетейік, Анчелотти алдағы уақытта Бразилия құрамасының тізгінін ұстайды.

Алонсо ойыншы ретінде «Реалдың» құрамында 2009–2014 жылдар аралығында өнер көрсетіп, командамен бірге Чемпиондар лигасын, Испания чемпионатын, сондай-ақ екі мәрте ел Кубогын жеңіп алған.

Бапкерлік мансабында 2022 жылы Германияның «Байер Леверкузен» клубын тізгіндеп, командасын тарихи жетістіктерге жеткізді: клуб Германия чемпионатының, Кубогының және Суперкубогының жеңімпазы атанды.

«Қазақстан Тұрғын үй Компаниясы» АҚ жалғыз акционері – «Бәйтерек» ұлттық басқарушы холдингіне 28,5 млрд теңгеден астам дивиденд төлеуді жоспарлап отыр. Бұл туралы ақпарат Қазақстан қор биржасының (KASE) сайтында жарияланды.

28,5 млрд теңге – 2024 жылғы таза пайдасының 70 пайызы. «Қазақстан Тұрғын үй Компаниясы» АҚ былтыр 40,7 млрд теңге таза пайда тапқан. Ал қалған 12,2 млрд теңгесі компанияның өзінде қалады.

Жалпы дивиденд сомасы 28 465 461 329 теңге 22 тиынды құрайды. Бұл сома жай акциялар иелеріне үлестіріледі. Бір акцияға шаққандағы төлем мөлшері 1 614 теңге 51 тиын болып белгіленген. Дивиденд 2025 жылдың 31 мамырынан кешікпей төленбек.

Компания былтыр...