Жаңалықтар

Бүгін, 22 шілдеде алматылық «Қайрат» футбол клубы Финляндияның Куопио қаласында жергілікті КуПС командасына қарсы Чемпиондар лигасының екінші іріктеу кезеңіндегі алғашқы ойынын өткізеді.

Бұл ойында тек келесі кезеңге жолдама ғана емес, сонымен қатар, Еурокубоктардың топтық кезеңіне жол ашатын маңызды мүмкіндік тұр. КуПС пен «Қайрат» арасындағы жеңімпаз, тіпті одан кейінгі кезеңдерде жарыстан шығып қалса да, Конференциялар лигасының топтық кезеңіне қатысуға кепілдік алады.

Финляндиялық КуПС алғашқы іріктеу кезеңінде Молдованың «Милсами» командасын жолдан тайдырды: бірінші ойында 1:0 есебімен жеңіске жетіп, жауапты кездесуде 0:0 есебімен тең ойнады.

Ал «Қайрат» Словенияның «Олимпиясына» қарсы алғашқы ойында сырт алаңда 1:1 есебімен тең түсті. Алматыда өткен жауапты кездесуде...

Қазақстан Үкіметі 2030 жылға дейін металлургия саласын қарқынды дамытуға ниетті. Бұл мақсатқа жету үшін елде жаңа кен орындарын игеру, өңдеу қуаттарын арттыру және қосылған құны жоғары өнім шығаруға басымдық беріледі. Үкімет отырысында Өнеркәсіп және құрылыс вице-министрі Олжас Сапарбеков осы салада жүзеге асатын нақты жобалар туралы айтты.

Жоспарға сәйкес, Айдарлы, Көксай және Бенқала сияқты ірі жаңа кен орындарының іске қосылуы есебінен Қазақстанда мыс өндіру екі есе артып, жылына 300 млн тоннаға дейін жетпек.

Мыс өндірісімен қатар оның өңделу көлемі де ұлғаймақ: катодты мыс өндірісі Жамбыл облысында жүзеге асырылатын жобалар аясында дамиды. Сонымен бірге, елімізде алюминий өңдеу көлемі 50%-ға...

Қазақстан Ішкі істер министрлігі азаматтарды интернеттегі алаяқтардан сақ болуға шақырып, романтикалық қатынастар арқылы жасалатын қылмыстардың көбейгенін ескертті.

Мәселен, әлеуметтік желіде өздерін шетелдік ретінде таныстыратын алаяқтар махаббат іздеген адамдарды арбап, олардың сеніміне кіреді. Алғашында жылы сөздер, романтикалық хаттар, кездесу туралы уәделер мен тіпті үйлену жайлы әңгімелер айтылады. Бірақ артынша қиын жағдайға түскендей, көмек сұрауға көшеді.

Астана қаласының тұрғыны интернет арқылы танысқан адамына сеніп, 9 млн теңгеден астам қаражатынан айырылған.

ІІМ алаяқтардың әрекеттерінен сақ болу үшін мына белгілерге назар аударуға кеңес береді:

Владимир Путин соғыс кезінде қудалауды күшейткен тұста, Ресейде Сталин қайта дәріптеліп жатыр. Мәскеудегі метрода оның ескерткіші жаңартылды, ал Волгоград әуежайы Сталинград болып өзгерді. Бұл туралы Bloomberg жазды.

Агенттік Мәскеу қаласындағы «Таганская» метро станциясында күнде мыңдаған жолаушы Сталиннің қайта жөнделген ескерткіші алдынан өтетініне мән берді. Бұл уақытта Ресей президенті Владимир Путин репрессияны күшейтіп жатыр, ал Украинаға қарсы соғыс төртінші жылға созылып барады. Енді Иосиф Сталин миллиондаған азаматтың өміріне жауапты совет диктаторы емес, Екінші дүниежүзілік соғыстың жеңімпаз көсемі ретінде қайта оралып жатыр, деп жазды Bloomberg.

Ресей коммунистік партиясы парламенттегі екінші ірі саяси күш. Ол шілде айында Сталинді толық ақтап шығуға дауыс...

2024 жылы «Қазақфильм» кейінгі жеті жылда алғаш рет өзін-өзі ақтайтын деңгейге жетті. Бұл – Мәдениет және ақпарат министрі Аида Балаеваның пікірі. Бұл туралы министр Aikyn.kz сайтына берген сұхбатында айтқан. Сондай-ақ киностудия төңірегіндегі мәселелерге тоқталған.

Заңға өзгеріс енгізілді

Айтуынша, заңнамалық деңгейде мемлекеттік кино­қаржыландырудың жалпы көлемінің кемінде 30%-ы жыл сайын «Қазақфильмге» бағытталатын тетік енгізілді.

«Бұл норманы іске асыру мақсатында биыл «Қазақфильмге» үш коммерциялық кино жобаны түсіруге 336 млн теңге көлемінде қаражат бөлінуде. Қазір киностудия келіссөздер жүргізе бастады. Бұл жерде ескерер дүние, мемлекеттен бөлінетін әр тиынның есебі, сұрауы бар. Сондықтан бұл қаражат сараптаудан өткен, лайықты деп танылған...

Қазақстанның өңірлері ірі жер сілкінісіне дайындалады / коллаж: Kursiv.Media

23-24 шілдеде Қазақстанда республикалық «Жер-2025» командалық-штабтық оқу-жаттығуы өтеді. Оның барысында зілзала кезіндегі әрекеттер пысықталады. Тоғыз өңірде дабыл қағылады. Бұл туралы Төтенше жағдайлар министрлігінің баспасөз қызметі хабарлады.

Министрліктің мәліметінше, 24 шілдеде сағат 10:00-де жойқын жер сілкінісі болуы ықтимал сейсмикалық қауіпті өңірлерде дабыл қағылады. Алматы, Шымкент қалалары мен Абай, Жетісу, Алматы, Шығыс Қазақстан, Жамбыл, Қызылорда және Түркістан облыстарында «Баршаның назарына!» сирена-сөйлеу құрылғылары іске қосылады. Сонымен бірге адамдар көп жиналатын нысандарда сейсмикалық жаттығулар өтеді.        

«Оқу-жаттығу азаматтық қорғау мемлекеттік жүйесінің жойқын жер сілкінісі салдарынан туындаған төтенше жағдайды жоюға дайынды...

ҚР Қорғаныс министрлігінің бұрынғы әскери қызметкері Астанадағы екінші пәтерін жекешелендіруге рұқсат алу үшін сотқа арызданды. Бұл туралы Астана қалалық соттың баспасөз қызметі мәлімдеді.

Соттың мәліметінше, азамат 1994 жылдан 2006 жылға дейін әскери қызметте болған, ал 2023 жылдан бері Қорғаныс министрлігінің зейнеткері саналады. 1999 жылы қызметтік қажеттілікке байланысты Астанаға ауыстырылып, 2004 жылы оған қызметтік пәтер берілген. 2006 жылы бұл тұрғын үй бойынша жалдау шарты рәсімделген. Сол жылдың 4 қазанында денсаулық жағдайына байланысты қызметтен босатылған. Күнтізбелік есеппен жалпы еңбек өтілі 26 жыл 3 айды құрайды.

2023 жылы бұрынғы әскери қызметкер аталған пәтерді қалдық құны бойынша жекешелендіруге өтініш білдірген. Алайда оған 2001 жылы...

АҚШ президенті Дональд Трамп «қажет болып жатса», Иранның ядролық нысандарын тағы да атқылауға уәде берді. Бұл туралы ол өзінің Truth Social әлеуметтік желісіне жазды.

Құрама Штаттар президенті Иранның сыртқы істер министрі Аббас Арагчидің ядролық нысандар туралы мәлімдемесіне осылай деп жауап берді. 21 шілдеде министр Fox News телеарнасына сұхбат беріп, елде уран байыту жұмысы тоқтап тұрғанын айтқан. Себебі, министрдің сөзінше, елдің ядролық нысандары «аса күрделі, ауыр» зақымданған.

Алайда Иран уран байыту ісінен бас тартқысы жоқ. Өйткені бұл мемлекеттің «ұлттық мақтаныш мәселесіне» айналып үлгерді.

«Әлбетте, мен қалай айттым, солай болды. Қажет болса, тағы қайталай аламыз», – деп...

Украина президенті Владимир Зеленскийдің мәлімдеуінше, Ресеймен келіссөздердің келесі кезеңі осы аптада Түркияда өтпек.

«Бүгін мен Рустем Умеровпен тұтқын алмасу және ресейлік тараппен Түркияда өтетін тағы бір кездесу бойынша дайындықты талқыладым. Умеров кездесудің сәрсенбіге жоспарланғанын жеткізді», – деді Зеленский.

Келіссөздердің күні әлі нақтыланбады

ТАСС агенттігі ресейлік дереккөзге сілтеме жасап, келіссөздер 24 шілдеде өтетінін хабарлады. Алайда делегациялар Ыстанбұлға 23 шілдеде келуі мүмкін екенін де жоққа шығармады. Артынша, ТАСС Түркиядағы дереккөзге сүйене отырып, келіссөздердің нақты күні 23 шілде екенін жазды.

Германия Украинаға бес Patriot жүйесін беруге ниетті

Сол күні, 21 шілде...

Қазақстанда жазғы демалысты өткізуге болатын ең жайлы әрі ерекше өңірдің бірі  – Ақтау. Каспий теңізінің жағалауында орналасқан бұл қала саяхатшыларға теңіз жағажайы, күнге қыздырыну, табиғи сұлулық пен тарихи орындармен қатар, заманауи инфрақұрылым мен демалыс нысандарын ұсынады. Ақтауда нені көруге болады, бұл қалаға қалай жетуге болады? Сізге Ақтауға саяхат жайлы қысқаша әрі пайдалы шолу ұсынамыз.

Жартасты соқпақ

Жартасты соқпақ – Ақтаудың басты визит карталарының бірі, Бор мүйісінің етегінде орналасқан. Соқпаққа төртінші ықшам аудан арқылы баруға болады, ұзындығы 1,5 шақырымға жетеді. Жартас пен теңіз арасын жалғасып тұратын көпір іспеттес.

Соқпақ жағалаудағы үлкен алаңның бір бүйірінен басталады. Үлкен ала...

Төтенше жағдайлар министрлігі Қазақстанның бірнеше өңірінде 43 градусқа дейін ыстық болатынын, өрт қаупі жоғары екенін ескертті.

22-25 шілде аралығында Маңғыстау облысында +35+40°С, облыстың оңтүстігінде +43°С ыстық болады. Өрт шығу қаупі жоғары.

22-28 шілде аралығында Алматы облысында ауа температурасы күндіз +37+42°С өте қатты ыстыққа дейін жоғарылайды. Өрт шығуы мүмкін.

22-28 шілде аралығында Жетісу облысында ауа температурасы +37+42°С өте қатты ыстыққа дейін жоғарылайды. Өрт шығу қаупі жоғары.

22-28 шілде аралығында Түркістан облысында +36+41°С қатты ыстық сақталады. Өрт шығуы мүмкін.

23-25 шілде аралығында Қызылорда облысында +36+41°С қатты ыстық болады. Өрт шығу қаупі жоғары.

22-25 шілде аралығында Ұлытау облысында ауа температурасы күндіз +34+39°С, облыстың оңтүстігінде +41°С дейін ыстық болады...

Қазақстандық танымал жұлдыздар, блогерлер мен инфлюенсерлердің арасында кәсіби білігін шыңдау үшін, болмаса жаңаша шабыт алу үшін шетелге көшіп кеткендер аз емес. Кейбірі тұрақтап қалуға бекінсе, енді бірі уақытша ғана қоныс аударғанын айтады. Десе де, басым бөлігі маман ретінде шыңдалу үшін басқа елде тұрып жатыр. Kursiv.Media тілшісі отандық жұлдыздардың ішінде шетелде кімдер тұратынын тізбектеп көрді.

Айнұр Тұрсынбаева

Танымал айтыскер ақын, бірнеше кәсіптің басы-қасында жүрген блогер Айнұр Тұрсынбаева осыдан бірнеше жыл бұрын Түркияға қоныс аударды. Ақынның Ыстанбұлдағы үйі қазақтардың Түркиядағы шаңырағына айналған. Олай дейтініміз, көрші елге барған жұлдыздардың көбі Тұрсынбаеваның үйінен ет жемей кетпейді.

Елімізде 2025 жылдың бірінші жартыжылдығында 465 150 теңге жалған ақша анықталды. Оның ішінде 93 банкнота және 3 монета бар.

Ұлттық банктің хабарлауынша, көбіне 5 000 теңгелік номинал қолдан жасалған. 85 дана банкнота жалпы тәркіленген ақшалардың 88,5%-ын құрады. Одан кейін 5 дана (5,2%) – 2 000 теңгелік номиналға, 3 дана (3,1%) – номиналы 10 000 теңгелік банкноталарға, қалған 3,2% – монеталарға тиесілі.

Ұлттық Банк шынайы банкноталарды қолдан жасалған ақшадан өз бетінше ажыратуға көмектесетін қарапайым ережелерді ұсынды.

Жалған банкноталар кәдімгі офсеттік қағазға түрлі түсті принтер арқылы және компьютерлік техниканың көмегімен жасалады. Микротекстер бұлыңғыр келеді және ұлғайтқан сайын анықтығын жоғалтады.

Патч элементін...

6 жылға сотталған Сәкен Мамаштың бұрынғы әйелі әлеуметтік желіде видео жариялады. Ол бұрынғы күйеуінің туыстарына қарата ескерту жасаған.

Істің мән-жайы

Астана сотында экс-дипломат Сәкен Мамаш әйелін қинағаны үшін кінәлі деп танылып, 6 жылға бас бостандығынан айырылды.

Содан кейін қазақстандықтар бұл іске назар аударып, түрлі пікір білдіріп жатыр. Оны мына жерден оқи аласыздар.

«Сендерді де отырғызуым мүмкін»

Карина Мамаш та желіде тараған видеоларға қатысты пікір білдірген. Ол Сәкен Мамаштың ағасы мен әпкесінің пікіріне шүйлікті.

«Ағасы мен әпкесі пікір білдіріпті. Егер бұл жалғаса берсе… Егер менің, анамның, әпкемнің атын қаралап, пікір айтуды...

Сотта Перизат Қайраттан жауап алынды. Ал анасы Ғайни Алашбаева құқығын пайдаланып, жауап беруден бас тартты. Бұл туралы Астана сотының баспасөз қызметі хабарлады.

Қылмыстық іс Астананың ауданаралық қылмыстық істер жөніндегі сотында қаралып жатыр. 2025 жылдың 21 шілдесінде сот отырысы жабық форматта өтті.

Таңертең заттай дәлелдемелер зерттелген. Сондай-ақ тараптар бірқатар өтінішхат жариялады. Алайда олардың мазмұны жарияланбады.

Бұған дейінгі сот отырыстарында Қайраттың Biz Birgemiz Qazaqstan 2030 қорына түскен қаражатты ала дорбамен алып кетіп отырғаны айтылды.

Алаяқтар скринингтен өтуге «шақыратын» болған. Бұл туралы Денсаулық сақтау министрлігі хабарлады.

«Алаяқтар медициналық ұйымдардың атынан қоңырау шалып, СМС арқылы келген кодты жазып, тексеруден өтетінін растауды сұрайды. Ешқандай мемлекеттік медициналық мекеме СМС код арқылы жазбаны растауды талап етпейді», – делінген ақпаратта.

Мұндай код цифрлық қызметтерге кіру немесе операцияларды растау үшін қолданылады және оларды басқа адамға мүлде беруге болмайды.

Бұған дейін Қаржы нарығын реттеу және дамыту агенттігі егде жастағы азаматтарға кеңес беріп, қалай алаяқтың құрбанына айналмауға болатынын түсіндірді.

Қазақстан үкіметі мен Ұлттық банк елдегі инфляцияны қайткенде 5%-ға дейін түсіруге ниетті. Премьер-министр Олжас Бектеновтің төрағалығымен өткен жиында инфляцияны тежеу мәселесі тағы да талқылаған.

5% – Ұлттық банк пен Үкіметтің макроэкономикадағы ұстанған басты «бағыты». Алайда бұл межеге жету оңайға түспейді. Өйткені 2025 жылдың басынан бері Қазақстандағы инфляция қарқын алмаса, баяулаған жоқ.

Маусым айында жылдық мәнде 11,8 пайызға жетті. Яғни 2024 жылдың маусым айымен салыстырғанда, азық-түлік, тауар мен қызмет бағасы 11,8% қымбаттады деген сөз. Тауар мен тамақ бағасы қымбаттаған сайын, халықтың сатып алу қабілеті төмендей береді.

Ұлттық банк инфляцияның өсуіне әлемдік нарықтағы, коммуналдың тарифтердің өсуі, тұтынушылық сұраныстың күшею...

АҚШ президенті Дональд Трамп елдің бұрынғы президенті Барак Обаманың түрмеге түскені туралы ЖИ көмегімен жасалған видео жариялады. Жалған видео Трамптың Truth Social әлеуметтік желісінде пайда болды.

Трамп жариялаған фейк видео америкалық саясаткерлердің «Ешкім заңнан биік емес» деген мәлімдемесінен басталады. Осылай деушілердің арасында Құрама Штаттардың бұрынғы президенті Джо Байден де бар.

Роликтің орта тұсында, Трамп пен Обама қатар отырған уақытта, Федералдық барлау қызметінің екі өкілі келіп, Обаманың қолына кісен салады. Содан кейін экс-президенттің түрмеде отырғаны көрсетілген. Соңғы кадрларда мұңға батқан Обама темір тордың арғы жағынан қарап тұр.

Роликте Village People тобының 1978 жылғы «YMCA» әні ойнап тұр. Онда «жас жігіт, көкірегіңд...

Елімізде магистратураға түсуге арналған кешенді тестілеу басталды. Тестілеу 10 тамызға дейін жалғасады.

Айта кетейік, кешенді тестілеуді тапсыруға өтініш қабылдау 1 маусым мен 8 шілде аралығында Ұлттық тестілеу орталығының сайтында app.testcenter.kz жүргізілді. 

Биыл магистратураға түсуге арналған кешенді тестілеуге 51 мыңнан астам өтініш қабылданды. Ең көп таңдалған білім беру бағыттары қатарында «Педагогикалық ғылымдар», «Инженерлік, өңдеу және құрылыс салалары» және «Бизнес, басқару және құқық» бар.

Ғылыми-педагогикалық магистратураға түсу үшін кешенді тестілеу электрондық форматта өткізіледі және үш бөлімнен тұрады: шет тілі бойынша тест, оқуға дайындығын анықтауға арналған тест және білім беру бағдарламалары тобының бейіні бойынша тест. Тестілеуге 3 сағат 55 минут беріледі. Шекті балл...

Курорт аймақтарын тексеру нәтижесінде бірқатар лауазымды тұлғаға сөгіс жарияланды.

Тоқаев тапсырма берді

Бұған дейін мемлекет басшысы туризм саласын жөніндегі тапсырма берді. Содан кейін премьер-министрдің орынбасары Ермек Көшербаевтың басшылығымен ведомствоаралық жұмыс тобы құрылды.

Оның құрамына туризм және спорт, көлік, ішкі істер, экология және табиғи ресурстар, су ресурстары және ирригация, денсаулық сақтау министрліктерінің және басқа да уәкілетті мемлекеттік органдардың басшылары кірді.

Содан кейін жұмыс тобы Қапшағай су қоймасындағы, Алакөл және Балқаш көлдеріндегі инфрақұрылыммен танысты.

10-12 шілдеде Алматы, Қарағанды, Жетісу және Абай облыстарына инспекциялық сапар барысында бірқатар жүйелі заң бұзушылықтар анықталды.

Кімге сөгіс жарияланды?

Үкіметтің баспасөз қызметін...

Алматы қаласының «Таулы Қырат» кеңшарында құрылысы аяқталмаған екі үй сот шешімімен бұзылды. Бұл туралы Kursiv.Media-ға мегаполистің Қала құрылысын бақылау басқармасы хабарлады.

Мекеменің мәліметінше, жеке тұлға тау бөктеріне рұқсатсыз үй салған. Бұған қоса, жол салу үшін тау бөктерінің етегі кесіліп, экожүйеге залал келтірілген.

Басқарма жер учаскелерін бастапқы қалпына келтіру туралы нұсқама беріп, меншік иесіне қатысты әкімшілік шара қабылдаған.

Алайда нұсқамада көрсетілген талаптар орындалмай, басқарма сотқа нысандарды мәжбүрлеп бұзу туралы талап-арыз берген.

2024 жылғы 17 қазанда Медеу аудандық соты мекеменің талап-арызын қанағаттандырып, сот қаулысы Алматы қаласының әділет департаментіне орындауға жіберілген.

Сот шешімін орындау мақсатында жуырда меншік иесі заңсыз нысандарды өзі бұзып тастады.

Естеріңізге...

Түркістан облыстық қылмыстық істер жөніндегі ауданаралық соты Жетісай аудандық білім бөлімінің 46 қызметкеріне қатысты үкім шығады. Олар мемлекеттің 4 млрд теңгеден аса ақшасын жымқырды деген күдікке ілінген. Үкімді оқу үш жарым сағатқа созылды.

Сот спорт залында оқылған үкім

Іс алқабилердің қатысуымен қаралған. Сот үкімін тыңдауға жүзден аса адам жиналған. Үкім облыстық соттың спорт залында оқылды.

Істе сотталушы ретінде облыстық білім басқармасына қарасты Жетісай аудандық білім бөлімінің 46 қызметкері жауап берді. Жәбірленуші ретінде аудандық білім бөлімі танылған.

Айыпталушылардың ішінде Жетісай аудандық білім бөлімінің бұрынғы басшысы қызметін атқарған Тұрсынбай Мырзалиев, аудандық білім бөлімінің басшысы Ғазиза Шүкірбаева, бөлімнің бас есепшісі мен...

2025 жылдың алғашқы жартысында Теңіз кен орнындағы кеңейту жобасы Қазақстан экономикасының негізгі қозғаушы күші болды. Алайда Halyk Finance сарапшылары жылдың соңына қарай елдегі мұнай өндіру көлемі қайта қысқаруы мүмкін екенін ескертеді.

Олардың айтуынша, Теңізде мұнай өндірудің артуы мұнай өнімдері мен газ өндірісіне, көлік және көтерме сауда салаларына серпін берген. Осылайша, тау-кен өндірісі бір жыл ішінде 8,4%-ға өсті (2024 жылдың алғашқы жартысында бұл өсім бар болғаны 0,3% болған еді).

«Өсім негізінен мұнай мен табиғи газ өндіру көлемінің 11,4%-ға артуымен байланысты болды. Бұл ресурстардың тау-кен өндірісі құрылымындағы үлесі 71,9%-ды құрады. Теңіз кен орнындағы белсенді өндіру экономикалық өсімн...

Қазақстандық журналист Мұхтар Түменбай 55 жасында өмірден өтті. Қаралы хабарды марқмұның әріптестері жеткізді.

Qazaqstan ұлттық телеарнасы әріптесінің отбасы мен жақындарына ортақтасып, көңіл айтты.

Ол 1970 жылы 11 тамызда дүниеге келген. Еңбек жолында бірқатар басылым мен республикалық телеарналарда жұмыс істеді.

«Qazaqstan» телеарнасының көрермендеріне «Апта» ақпараттық-сараптамалық бағдарламасының жүргізушісі ретінде танылған. Арна эфирінен шыққан соғыс қаһармандарына арналған «Мәншүк. Әкеге араша түскен қыз», «Төрт қайсар», «Әлия. Ерлік алгоритмі» деректі фильмдерінің авторы.

Мәдениет және ақпарат министрлігі де Мұхтар Түменбайдың дүниеден озуына байланысты отбасы мен туған-туыстарына, барша әріптестеріне көңіл айтты.

«Мұхтар Жақсылықұлы өзінің шығармашылығы мен азаматтық ұстанымымен ел есінде қалған...