Жаңалықтар

Алматыда салынатын LRT желісінің ұзындығы 32,5 шақырымға созылып, қаланың батыс және шығыс бөлігін байланыстыратын болады. Бұл туралы қаланың көлік инфрақұрылымын дамыту мәселесі бойынша өткен жиыны кезінде айтылған.

LRT желісі

«Алматы әкімі Дархан Сатыбалды қаланың көлік инфрақұрылымын дамыту мәселесі бойынша кеңес өткізді. Жиында LRT, метро, BRT желілерінің құрылысы, сондай-ақ радиалды және магистральды жолдарды жүргізу жобалары қаралды», – делінген баспасөз хабарламасында.

Қалалық мобильділік басқармасының басшысы Сағындық Телібаев LRT желісінің техникалық-экономикалық негіздемесі (ТЭН) әзірленіп жатқанын айтқан. Басқарма өкілінің мәліметінше, Алатау ауданындағы индустриалды аймақта LRT депосы салынады. Депо «Алматы-2» теміржол вокзалымен байланысады.

Сонымен бірге...

Ертең, 23 тамызда Алматыда Freedom QJ League жұлдыздары мадридтік «Атлетико» академиясының ойыншыларымен кездеседі.

Қазір матч алдындағы соңғы дайындық шаралары жүріп жатыр. QJ League баспасөз қызметінің мәлімдеуінше, ойын көрермендерін лазерлік шоу мен түрлі эффектілерге толы футбол мерекесі мен  қызықты интерактивтер күтіп тұр.

Afterparty хедлайнерлері – Орталық Азияның диджеинг чемпионы DJ PUZA және Freaky Monday жобасының негізін қалаушы DJ BURLYAEV.

Сондай-ақ Freedom QJ League қамқоршылық кеңесінің төрағасы Тимур Турлов пен Лиганың президенті Рохус Шох QJL All Star командасының ойыншылары және бапкерлік штабы алдында сөз сөйледі.

Олар жаттығу күні басталар алдындағы жалпы жиналысқа қатысып, мадридтік «Атлетикоға» қарсы алдағы ойынға дайындалып жатқан футболшыларға...

Конституция күніне орай Астана әкімдігі 2,5 АЕК көлемінде жәрдемақы төлейтін болды. Бұл – шамамен 10 мың теңге.

Бұл біржолғы төлем 30 тамызда Семей полигонындағя ядролық сынақтардан зардап шеккендерге төленеді.

Бұл туралы Елорданың Жұмыспен қамту және әлеуметтік қорғау басқармасы хабарлады.

Нақты айтқанда, экологиялық апаттың зардабын тартқандардың қолына 9 830 теңгеден тиеді.

Басқарманың ақпаратына қарағанда, бұл қаражатты Астананың үш мыңға жуық тұрғыны ала алады.

Мұның алдында Семей ядролық полигонының тарихы мен жергілікті тұрғындарға, қоршаған ортаға тигізген залалы туралы жазған едік.

Шымкент қаласының қылмыстық істер жөніндегі ауданаралық соты мұғалім Ураз Хаиитжановты оқушыны ұрып-соққаны үшін 25 күнге қамады.

Қалалық соттың дерегінше, іс Қылмыстық кодекстің «Ұрып-соғу» бабымен (109-1-бабы 2-бөлігінің 8) тармағымен – ред.) қаралған. Яғни, мұғалім оқушыны ұрып-соғып, тән ауруын салған. Бірақ денсаулығына жеңіл зиян келтірмеген.

Оқиға наурыз айында болған. Мектеп-лицейде мұғалім сабақ өткізіп жатқанда оқушы есікті қатты қаққанына ашуланып, таяқтың астына алған. Бұл мектеп камерасына жазылып қалған.

Сотталушы тағылған айыпты мойындап, кешірім сұраған. Ал жәбірленуші тарап кешірім бермеген. Олар соттан қатаң жаза тағайындауды сұраған.

«Сот сотталушының қылмыстық жауапкершілігін жеңілдететін мән-жайлар ретінде кінәсін толық мойындап, істеген іс-әрекетіне шынайы өкініш...

ChatGPT чат-ботының әзірлеушісі, америкалық OpenAI компаниясы осы жылдың соңына дейін Үндістанның Дели қаласында кеңсе ашуды жоспарлап отыр.

Қазір компания жергілікті серіктестермен, үкіметпен, кәсіпорындармен, әзірлеушілермен және білім беру мекемелерімен қарым-қатынасты нығайтуға бағытталған жергілікті команданы құруға кірісті.

Осы арқылы OpenAI Үндістандағы пайдаланушылардан кері байланыс алып, өнімдерін жергілікті аудитория үшін барынша ыңғайлы еткісі келеді. Тіпті қажет болған жағдайда елге арнап арнайы функциялар мен құралдар жасауы мүмкін екенін атап өтті.

«Алғашқы кеңсе ашу және жергілікті команданы құру – бүкіл елде озық жасанды интеллект технологияларын қолжетімді ету жолындағы маңызды қадам. Біз Үндістан үшін және Үндістанмен бірге жасанды интеллект жасаймыз...

Талғар аудандық сотында қаралып жатқан қылмыстық іс бойынша басты айыпталушы Хасан Қасымбаев өзіне тағылған айыптарды мойындамады, бұл туралы Tengrinews.kz хабарлады.

Сот отырысында прокурор Ерлан Құланбаев айыптау актісін жариялағаннан кейін сот Айнагүл Тұқубаева айыпталушылардан тағылған айыптармен келісетін-келіспейтінін сұрады.

«Мен өз кінәмді толықтай мойындамаймын», – деді Қасымбаев.

Басқа айыпталушылардың жауабы

Істің мән-жайы

Айыптау актісінде көрсетілгендей, Қасымбаев пен оның серіктестеріне адам...

Қазақстандық кәсіпкерлер 20 жыл ішінде Қырғызстан экономикасына 1,4 млрд доллар инвестиция құйған. Бұл туралы Қасым-Жомарт Тоқаев пен Садыр Жапаров БАҚ өкілдеріне арналған баспасөз брифингінде айтты.

Тоқаев қазақ инвесторларының қырғыз экономикасының маңызды секторларын дамытуға үлес қосып келе жатқанын атап өтіп, кәсіпкерлердің соңғы 20 жылда бұл елге 1,4 миллиард доллар инвестиция құйғанын айтты.

«Біз бірлескен кәсіпорындардың тиімді жұмыс істеуі үшін қолайлы жағдай жасай береміз деп келістік. Сондай-ақ қазақ-қырғыз шекарасының өткізу мүмкіндігін арттыруға баса мән бердік. Жүк тасымалы мәселесіне де ерекше назар аудардық. Соңғы кезде осы бағытта бірқатар ауқымды іс-шара атқарылды. Қазір шекарадағы сегіз...

«Майкөбен-Вест» көмір компаниясы акционерлеріне дивиденд төлемейді. Шешім Қазақстан қор биржасында (KASE) жарияланды. Өнеркәсіп Тимур Құлыбаев пен Шынар Елемесоваға тиесілі. Компания былтыр 1,17 млрд теңге таза пайда тапқан.

KASE-де жарияланған мәлімет бойынша, «Майкөбен-Вест» АҚ жалғыз акционердің 2025 жылғы 21 тамызындағы шешімі туралы хабарлады. Атап айтқанда, кәсіпорын иесі жай акциялар бойынша 2024 жыл үшін дивиденд төлемеу жөнінде шешім шығарды. Бұған қоса, қаржы есебін бекітті.

Компанияның жай акцияларының 100%-ы Premier Development Company-ге тиесілі. Оның 50%-ы Шынар Елемесоваға тиесілі. Қалғанына Joint Resources ие. Соңғысының жалғыз акционері – Тимур Құлыбаев.

Биыл мамырда «Майкубен-Вест» жылдық табысының жартысына жуығын – 520 млн теңгені уақытша қаржы көмег...

Арман Дәулетяров – танымал медиа менеджер мүлде танымайтын әйелге үйленіп, 22 жыл тұрып келе жатқанын айтты.

Оның сөзіне қарағанда, ол тойға дейін Мавжуданы небәрі үш мәрте ғана көрген. Енді сол әйелмен 22 жыл отасқан.

Арман Дәулетяров осы уақыт ішінде жарының адалдығы мен қамқорлығы үшін жүрек жарды тілегін айтты.

«Бірінші мәрте – таныстық. Сенің дірілдеген дауысың, қалай қызарғаның әлі есімде. Өзімде толқыдым», – деп жұбайына жылы сөз арнады.

Екінші рет кездескенде, күйеу мен қалыңдық Мәскеуді шарлап, той көйлегін таңдапты.

Үшінші рет тойда көрген. Достарымның бірі: «Мүлде танымайтын әйелге қалай үйленбексің? Ақымақсың ба?», – деп құлағына сыбырлапты.

«Қазатомөнеркәсіп» ұлттық атом компаниясының 2025 жылдың алты айындағы таза табысы екі есе азайып, 263,2 млрд теңгені құрады. Бұл деректер компанияның ХҚЕС бойынша жариялаған қаржылық есебінде көрсетілген.

Құжатта жазылғандай, 2024 жылдың бірінші жартыжылдығындағы таза табыс жоғары болып, 571,7 млрд теңгені құраған еді. Ол негізінен «СП Буденовское» ЖШС-ін сатып алудан түскен біржолғы кіріске байланысты деп түсіндіреді. Бұдан бөлек, есепті кезеңдегі түзетілген таза табысқа валюта айырмасынан болған шығын да кері әсер етті.

Бірақ осы жылдың алғашқы алты айында топтың жиынтық түсімі 6%-ға азайып, 660,2 млрд теңгені құрады. Ал жалпы пайда 11%-ға өсіп, 286,5 млрд теңгеге жетті. Салық салынғанға дейінгі пайда 1,7 есе...

Президент Қасым-Жомарт Тоқаев Қырғыз Республикасының президенті Садыр Жапаровты «Алтын Қыран» орденімен марапаттады, – деп хабарлайды Ақорда.

Тоқаев марапатты тапсыру барысында, Садыр Жапаровтың Қырғызстанның дамуына қосып жатқан үлесі мен қажырлы еңбегін жоғары бағалайтынын, қырғыз елінің президентін нағыз көшбасшы, білікті саясаткер ретінде танитынын жеткізген.

«Қырғызстанды көркейту жолындағы қажырлы еңбегіңізді жоғары бағалаймыз. Салиқалы саясатыңыздың арқасында еліңіз дамудың жаңа кезеңіне қадам басты. Қырғыз экономикасы жоғары қарқынмен дамып келеді. Өзіңіздің бастамаңызбен түрлі салада тың, ірі жобалар жүзеге асырылып жатыр. Әлеуметтік салада, ғылым-білім жүйесінде ауқымды өзгерістер жасалуда. Мұның барлығы қырғыз елінің экономикасын нығайтып, халықаралық сахнадағы абырой-беделін арттыра түсетіні сөзсіз...

Дінмұхамед Ахметұлы Қонаев – ХХ ғасырдағы қазақ тарихындағы ең көрнекті мемлекет және қоғам қайраткерлерінің бірі. Оның есімі Қазақстанның әлеуметтік-экономикалық дамуымен, ғылым мен мәдениетінің өркендеуімен, халықтың тұрмыс жағдайының жақсаруымен тығыз байланысты. Бүгін, 22 тамыз – Дінмұхамед Қонаевтың дүниеден өткен күні. Осыған орай Kursiv Media қайраткердің өмір жолына, ел тарихындағы рөліне және артында қалған мұрасына тоқталды.

Балалық шағы мен білім жолы

1912 жылы 12 қаңтарда Верный қаласында (қазіргі Алматы) дүниеге келген Дінмұхамед Қонаев қарапайым отбасында тәрбиеленді. Білімге құштар жасөспірім мектепті үздік бітіргеннен кейін Мәскеудің Түсті металл институтында оқып, тау-кен инженері мамандығын меңгерді.

Еңбек пен қызмет жолы

Қонаев еңбек...

Түркістан облысы Бәйдібек аудандық мәслихатының депутаты Ерғали Аманбаев жол ережесін бұзды. Шымкенттегі аэрапортқа алып баратын Бақбаев көшесінде Lexus LX 570 маркалы көлікпен жол жүру ережесін бұзып тұрған видеосы тарады. Қалалық полиция департаментінің Курсивке хабарлауынша, оқиға бүгін болған.

Желіде тараған бейнежазбада көлік қарсы бағыттағы жолға шығып, жол үстінде баланы көліктен түсіргені, оны түсіріп тұрған адаммен сөйлесу үшін көлігімен артқа жүргенін байқауға болады. Видеода көлік жүргізушісі кеудесіне депутат төсбелгісін тағып алғаны көрінеді.

Тексеру нәтижесінде жүргізушінің Әкімшілік құқықбұзушылық туралы кодекстің 6 бабын бабын бұзғаны анықталған. Атап айтқанда, жалған тіркеу нөмірлері бар көлік құралын басқару, қарсы жолақпен қозғалыс, міндетті сақтандырудың болмауы...

Қырғызстанда Қасым-Жомарт Тоқаев пен Садыр Жапаровтың төрағалығымен Қазақстан мен Қырғызстанның Жоғары мемлекетаралық кеңесінің жетінші отырысы өтті. Бұл туралы президенттің баспасөз қызметі хабарлады.

Президент екі ел қатысуымен өтіп жатқан бұл кеңестің мақсаты қазақ-қырғыз байланысын нығайтып, өзара тиімді ынтымақтастықты күшейту екенін айта келе, Қазақстан мен Қырғызстан арасындағы экономикалық сауда байланысының көрсеткіштеріне тоқталып өтті.

«Біз жоғары саяси диалогтың арқасында екі елдің ықпалдастығын жаңа сапалы деңгейге көтереміз. Мен бұған кәміл сенемін. Қасиетті Алатаудың қос қыраны сияқты қазақ пен қырғыз – ежелден еншісі бір, тағдыры ортақ ағайынды халықтар. Қиын сәтте бір-біріне демеу, қуанышты күнде тілеулес бола білген елдер...

Әлемге әйгілі италиялық тенор Андреа Бочелли Алматыда тыңдармандарымен қауышады. Концерт 28 қазан күні Almaty Arena сахнасында өтеді.

Әлемге танылған өнерпаз

Андреа Бочелли – опера және эстрада жанрларын шебер тоғыстырған, қазіргі заманның ең танымал тенорларының бірі. Бала кезінде көру қабілетінен айырылғанымен, музыкаға деген құштарлығының арқасында жарқын шығармашылық жолын қалыптастыра білді.

30 жылдан астам уақыт ішінде әнші 90 млн астам альбом сатқан, миллиардтаған тыңдалым жинап, итальян мәдениетінің символына айналды. Оның репертуарында классикалық ариялардан бастап, заманауи әндерге дейін бар. Әлемдік жұлдыздармен, соның ішінде Дженнифер Лопес, Кристина Агилера, Дуа Липа және Тони Беннетпен дуэттер орындаған. Жақында ғана қазақстандық әнші Әйгерім Алтынбек те...

Nissan арзан болған соң көптеп сатылып жатқан шағын автокөлігін жаңартты. Төртінші буынға жататын Roox кей-кары жыл аяғында саудаға түседі. Бұл туралы Bloomberg хабарлайды.

Агенттік мәліметінше, Nissan жапон компаниясы шағын автокөлікті 10 800 долларға (шамамен 5,8 млн теңге) бағалап отыр. Жаңа көлік отынды ұзақ жағады. Оның қауіпсіздігі артты.

Бензинмен жүретін Roox алғаш рет нарыққа 2009 жылы түсті. Жылда орташа есеппен 80 мың көлік сатылады. Ол Nissan шығаратын көліктердің ең танымал үлгілерінің бірі.

Жапонияда кей-карлар арасында ең көп сатылатыны – Honda өндіретін N-BOX. 2024 жылы осындай 200 мың көлік сатылған. Ол Жапонидя аккумулятордан қуат алатын ең көп сатылатын көлік.

Микровэн әзірге...

Анасы мен ұлының сүйіскені бүкіл Орталық Азия аймағын дүр сілкіндіріп отыр. Бұл сәт Еlkatiin атты блогер әйелдің сторисінде көрініп қалған.

Бұл кадр әлеуметтік желіні жарды. Көпшілік бұл видеоны сан-саққа жүгіртіп жатыр.

«Сүйіскенде анасы көзім жұмып тұр»

Бірі мұны көріп қалғаны үшін өзін-өзі кінәлап жатса, екіншілері «сүйіскен сәтінде анасының көзін жұмып тұрғанына» мән беріп отыр.

Еlkatiin, яғни, Элиза Жээнмырзаева болса, бұл видеоны өзі жариялағанына қарасмастан, таратушыларды сотқа беретінін мәлімдеді.

Threads-тің қырғыз сегментінде бұл оқиға ең көп талқыланған тақырып болып отыр. Бұған қазақстандықтар да үн қосып жатыр. Олар анасы мен ұлының бұлай сүйісуіне наразы.

«Папасы қызының ернінен сүйсе...

Бәсекелестікті қорғау және дамыту агенттігі (БҚДА) «Қазақтелеком» компаниясына заңнаманы бұзу дерегі бойынша тергеп-тексеру жүргізбекші. Бұл туралы агенттіктің ресми сайтында жазылған.

«Қазақтелеком» заңнаманы бұзған ба?

БҚДА байланыс қызметтері нарығына талдау жасап, нәтижесінде бірқатар кедергілерді анықтаған. Нақты айтқанда, байланыс операторларыының кейбір көпқабатты тұрғын үйлерде үйдегі интернет қызметін көрсету мүмкіндігі шектелген. Агенттік мәліметінше, бұған қолданыстағы заңнамалық шектеулер негіз болған. Сонымен бірге басқа операторлардың кабельді кәріз желілеріне қосылуға техникалық шарттар туралы ақпарат алуы қиындаған.

Жергілікті монополия операторларға техникалық шарттарды ақылы негізде ғана ұсынып отырған.

«Алайда табиғи монополиялар туралы заңнамада мұндай төлем алу қарастырылмаған...

Талғар аудандық сотында қоғамда үлкен резонанс тудырған қылмыстық іс қаралып жатыр. Бұл процестің басты фигуранты – бұқаралық ақпарат құралдарында «Хуторлықтар» ұйымдасқан қылмыстық тобының жетекшісі деп аталып жүрген Хасан Қасымбаев.

Адам ұрлау және соққыға жығу ісі

Прокурор Ерлан Құланбаев сотта айыптау актісін оқып берді. Материалдарға сәйкес, 2021 жылдың жазында жекпе-жек жаттықтырушысы әрі спортшы Арман Әлімовке қарумен қаруланған адамдар шабуыл жасаған.

Айыптаушылардың айтуынша, Қасымбаев Әлімовтің «Касымбаев маған авторитет емес» деген сөзіне ашуланып, оны жазаламақ болған. Қасымбаевтың тапсырмасымен бірнеше адам беттерін медициналық маскамен жауып, спортшыны дүкен маңында ұстап алып, көлікке күштеп отырғызған. Жол үстінде және Талғар ауданына қарасты Кеңдала ауылының сыртындағы...

Президент Қасым-Жомарт Тоқаев өзінің Қырғызстанға сапары барысында қырғыз президенті Садыр Жапаровпен келіссөз жүргізді. Бұл туралы Ақорда хабарлады.

Тоқаев кездесу барысында өз сөзін екі елдің ежелден келе жатқан бауырластығы мен мен ынтымақтастығынан бастады.

«Бұл сапар екі ел арасындағы достық қатынастың дамуына тың серпін береді деп сенемін. Шын мәнінде, қазақ пен қырғыз – тілектес, бауырлас елдер. Біздің тарихымыз – тамырлас, салт-дәстүріміз бен таным-түсінігіміз, ұлттық болмысымыз ұқсас. Қос халықтың татулығы мен өзара құрметі ешқашан үзілген емес. Қазір де ықпалдастығымыз стратегиялық серіктестік рухында қарқынды дамуда. Біз барлық деңгейде өзара құрметке негізделген саяси диалог орнаттық. Мемлекетаралық, парламентаралық және үкіметаралық кеңестеріміз...

Алматыдағы Көк базардың атын дұрыс аудармағанын айтып, дұрысы «Жасыл базар» болуы керек» деген пікір білдірген желі қолданушысына сын қарша борап жатыр.

Желіде тараған видеода қолданушы базар әкімшілігіне қайырылып, базар атын «Жазыл базар» деп жазып қоюға шақырады.

«Зеленый базардың» қазақшасы «Жасыл базар» болады. Көк пен жасылды айыра алмайсыңдар ма, дальтониксіңдер ме не түс айыра алмайтын», – дейді қолданушы видеосында.

Видео астына жазылған пікірлерде қолданушылар видео авторын түзетіп, базар өмір бойы «Көк» аталғанын атап өтіп, ақылсынбауға шақырады.

Қазақ көк шөп пен көкөніс, жеміс-жидекке қатысты «көк» сөзін қолданғанын айтып, негізінен көк шөп сатылатын «базар атауы осыдан шыққан...

Қазақстан мұнайын Еуропа елдеріне жеткізіп жүрген «Достық» құбырына тағы шабуыл жасалды. Соған байланысты шикізат экспорттау уақытша тоқтады. Бұл туралы Венгрия сыртқы істер министрі Петер Сийярто Facebook-ке жазды.

Венгрия мен Словакия дабыл қақты

«Түн ішінде Ресей-Беларусь шекарасындағы Достық мұнай құбырына бірнеше рет шабуыл жасалды деген хабар жетті. Аз уақытта үшінші мәрте. Венгрияға шикі мұнай тасымалдау тағы тоқтады», – деп мәлімдеді СІМ басшысы.

Сийярто бұны елдің энергетикалық қауіпсіздігіне жасалған «тағы бір шабуыл» деп сипаттады.

2025 жылдың басында Венгрия СІМ басшысы Қазақстанға келіп, «Достық» арқылы мұнай тасымалдау мәселесін талқылаған.

РБК мәліметінше, бұған дейін...

Солтүстік Қазақстандағы Теңдік ауылы Пәкістанда ауыр жағдайға тап болған 300 қазақты қабылдауға дайын. Шоқан есімді ауыл тұрғыны биліктен этникалық қазақтарды Теңдікке көшіруді сұрайды. Бұл туралы ZTB басылымы хабарлайды.

Солтүстік Қазақстан облысы Тайынша ауданындағы Теңдік ауылының тұрғыны Пәкістаннан Ауғанстанға жер аударылғалы жатқан 300 қазақты қабылдағысы келеді. Бірақ ол үшін Қазақстан үкіметі этникалық қазақтарды елге алдыруы тиіс.

Теңдік ауылының Шоқан есімді тұрғыны БАҚ өкілдеріне шығып, босқын атанған азаматтарға көмектескісі келетінін айтты.

«Біз оларды қабылдап, баспана мен жұмыспен қамтамасыз етуге дайынбыз. Ал балалар жергілікті мектепте оқиды. Алғашқы қыстан қиналмай шығуға көмектесеміз. Көмер мен ағаш, ет береміз», – дейд...

Қазақстанның әуе паркі 2030 жылға дейін 103 ұшақпен толығады. Бұл туралы Үкіметтің баспасөз қызметі хабарлады.

Көлік министрлігі осылайша алдағы 5 жыл ішінде елдің әуе паркіндегі ұшақтар санын 2 есе арттыруды жоспарлап отыр.

Министрлік мәліметінше, қазіргі таңда елдің әуе паркінде 104 ұшақ бар. Оның алтауы осы жылы елге жеткізілген Airbus A320 типті ұшағы болса, біреуі жаңа Boeing 737 MAX8 ұшағы. Яғни жыл басынан бері әуе паркі 7 ұшақпен толыққан.

Көлік вице-министрі Мақсат Қалиақпаровтың айтуынша, үкімет алдағы 5 жыл ішінде елдің әуе паркін жаңа ұшақтармен қамтамасыз ету мәселесін мән беріп, әуе кемелерінің жалпы санын 216-ға дейін жеткізуді жоспарлап отыр...