Жаңалықтар

Жыл басынан бері терезеден 60 бала құлаған. Осыған орай Төтенше жағдайлар министрлігі алаңдаушылық білдіріп, ата-аналарға үндеу жариялады.

Министрлік күн жылы, жазғы мектеп демалысы басталғанда осындай қайғылы оқиғалар саны арта түсетінін ескертеді. Мәселен, осы жылдың 5 айында 5 бала терезеден құлап, қайтыс болған.

«Ағымдағы жылдың басынан бастап ТЖМ Стратегиялық жоспарлау және жедел басқару командалық орталығына балалардың терезеден құлауына байланысты 60 жазатайым оқиға туралы ақпарат келіп түсті. Бес бала оқиға орнында қайтыс болды, 55 бала түрлі жарақат алып, медициналық мекемелерге жеткізілді», – деп хабарлайды министрліктің баспасөз қызметі.

2024 жылдың статистикасы

Ал...

NASDAQ қор биржасында Freedom Holding Corp. акциялары бір тәулікте 2,43%-ға көтеріліп, 180,28 доллар болды. Компанияның нарықтық капиталы да көтерілді – 10,93 млрд доллар. Ал Тимур Турлов дәулеті Forbes рейтингінде 7,7 млрд долларға жетті.

FRHC акциялары бір тәулікте шамамен 4 долларға қымбаттады. Осылайша компанияның құнды қағаздары бір айдың ішінде шамамен 55 долларға өсті. Бір ай бұрын – 21 сәуірде FRHC шамамен 126 долларға саудаланған.

Осының арқасында компанияның нарықтық капиталы 10,93 млрд долларға жетті. Бір күн бұрын ғана мұндай көрсеткіш 10,67 млрд доллар болған.

Forbes-тің ғаламдық онлайн рейтингінде де Тимур Турлов дәулеті тағы бірнеше миллионға артып, 7,7 млрд долларға жетті. Қазақстанның ең бай адамының дәулеті бір күнде шамамен...

Беларусь мигранттардың Еуропалық одақ шекарасынан заңсыз кесіп өтуіне жағдай жасап отыр. Литва үкіметі осылай деп мәлімдеп, БҰҰ-ның Гаагадағы Халықаралық сотына шағым түсірді.

«Литваға мигранттарды заңсыз жаппай кіргізуді ұйымдастырғаны үшін», – деп жазылған Вильнюстің арыз-талабында. Осы үшін Литва үкіметі келтірілген шығынға өтемақы сұрап отыр.

Литва СІМ-нің хабарлауынша, мәселені екі тарап өзара келіссөздерде шеше алмаған соң Гаагаға сотқа жіберген

Вильнюстің мәліметінше, 2021 жылдан бастап Беларусьтен келетін заңсыз мигранттар ағыны күрт өсіп кеткен. Тіпті беларусь компаниялары Таяу Шығысқа баратын рейстер санын көбейтіп, келген мигранттарға виза беріп, орналастырады. Ал одан әрі Литваға бағыттауды ұйымдастырған. Ал...

2025 жылғы 19 мамырда президент Қасым-Жомарт Тоқаев «Қазақстан Республикасының Үкіметі мен Америка Құрама Штаттарының Үкіметі арасындағы Алматы қаласында Америка Құрама Штаттарының консулдық мекемесінің үй-жайларын салу үшін АҚШ Үкіметіне жер учаскесін жалға беру туралы келісімді ратификациялау туралы» Қазақстан Республикасының Заңына қол қойды.

Бұл құжат Қазақстан Президентінің БҰҰ-ның 74-сессиясына қатысу қорытындысы бойынша берген тапсырмасын орындау аясында әзірленген.

Келісімге сәйкес, АҚШ-тың Алматы қаласындағы Бас консулдығының жаңа кешенін салу үшін 70 593 шаршы метр жер учаскесі 49 жыл мерзімге жалға беріледі. Бұл шешім екі ел арасындағы дипломатиялық қарым-қатынасты одан әрі нығайтуға бағытталған.

Еске сала кетейік, бұған дейін СІМ орынбасары АҚШ жалдау ақысын бір...

Ғылымнан – кәсіпкерлікке

Алғашқы ірі жобасы: «Астана Моторс»

Astana Group холдингі: диверсификация турасында

Меценаттық пен қоғамдық белсенділік

2024 жылы Қазақстандағы ең ірі жылжымайтын мүлік иесі атанды

2025 жылы іске асыратын жобалары

Нұрлан Смағұлов – «Astana Group» холдингінің президенті және негізін қалаушы, кәсіпкер, инвестор, меценат. Оның өмірбаяны – биология мен химиядан басталып, Қазақстандағы ең ықпалды бизнес-империялардың бірін құрумен жалғасты. Оның есімі посткеңестік кеңістікте жүйелі даму мен кәсіпкерлік эволюцияның символына айналды.

Ғылымнан – кәсіпкерлікке

Нұрлан Еркебұланұлы Смағұлов 1965 жылы 2 маусымда Алматы қаласында дүниеге келген. Әл-Фараби атындағы Қазақ мемлекеттік университетін «Химия және биология» мамандығы...

АҚШ президенті Дональд Трамп пен Ресей президенті Владимир Путин үшінші мәрте телефон арқылы сөйлесті. Екі сағатқа созылған әңгіменің нәтижесінде тараптар Украинаға қатысты тікелей бейбіт келіссөздерді бастауға ниетті екенін мәлімдеді. Бұл туралы екі ел басшылары қысқа ғана мәлімдеме жасап, нақты мазмұнды ашып айтпады.

Владимир Путиннің айтуынша, Дональд Трампқа АҚШ-тың Украинамен тікелей келіссөздерді қайта жандандыру бастамасына қолдау білдіргені үшін алғыс айтқан. Сонымен қатар Ресей басшысы Украинамен болашақ бейбіт келісімге қатысты арнайы меморандум жобасын әзірлеуге дайын екенін жеткізді.

«Біз бейбіт келісімнің ықтимал шарттарын, реттеу қағидаларын, мерзімдерін және қажет болған жағдайда уақытша бітім шарттарын қамтитын меморандумды ұсынуға және сол бойынша...

Бүгінде интернет алаяқтықтың саны да түрі де көп. Тіпті кейінгі кезде алаяқтар «қазақша сөйлеп» алдаудың жаңа айла-тәсіліне көше бастаған. Алайда Алматы қаласы Полиция департаментінің киберқылмысқа қарсы іс-әрекет басқарма бастығының орынбасары Еркебұлан Қойшыбаев алаяқтық түрлене түскеніне қарамастан, олардың бәріне тән белгілер бар екенін атап өтті. Полиция подполковнигі Kursiv.Мedia тілшісіне берген сұхбат барысында кибералаяқтықты әшкерелеу амалдары мен олардан қорғану жолдары туралы айтып, азаматтарға маңызды кеңес берді.

«Алаяқтар қазақша өте ресми тілде сөйлейді»

 – Бүгінде интернет-алаяқтықтың кең тараған түрлері қандай?

– Алаяқтар көбіне өзін Ұлттық банк, құқық қорғау органдарының қызметкері, ұялы оператор маманы...

Кейінгі онжылдықта туризмнің жаңа түрі қарқын алып келеді. Ол — босану туризмі. Аяғы ауыр әйелдер шетелде босану үшін белгілі бір елді таңдап, айы-күні жақындағанда сол мемлекетке уақытша қоныс аударады. Бұған себеп көп: бірі сапалы медицина, ауруханадағы комфорт үшін басқалары баласы мен өзіне дамыған елдің азаматтығын алу мақсатымен шетелде босануды жөн көреді. Қандай себеп болса да, шетелде бала дүниеге әкелу тәжірибесіне қызығып жүрген жандарға «босану туризмі» жайлы пайдалы ақпарат дайындап қойдық.

Шетелде босануға дайындық

Қай мерзімде ұшу керек?

Баланың өмірге келетін уақыты  38-40 апта. Шетелге босанардан кемі 2 ай бұрын бару керек. Өз елінде туған балаларға бірден азаматтық беретін...

Bombardiro Krokodilo, Tralalero Tralala тәрізді мультфильмдер балаларда мазасыздық пен агрессия туғызады. Қазақстанның Оқу-ағарту министрлігіне қарасты Балалар құқығын қорғау комитеті ЖИ-мультфильмдерге байланысты мәлімдеме жасады.

«Балалардың құқығын қорғау комитеті сырттай бейкүнә көрінетін, бірақ ішінде жасырын түрде теріс мағынадағы идеяларды тарататын интернеттегі мультфильмдердің көбейгеніне алаңдаушылық білдіреді. Мұндай видеолар балаларға бұрмаланған образдарды ұсынып, мазасыздық пен агрессия туғызады, сондай-ақ негізгі адамгершілік құндылықтарға нұқсан келтіреді», – деп жазылған комитет мәлімдемесінде.

Осыған байланысты комитет нормативтік-құқықтық базаны жетілдіруге ұсыныстар әзірлеп жатыр. Тиісті хаттар Мәдениет және ақпарат министрлігіне, сондай-ақ Ішкі істер министрлігіне жолданады.

«Балаларыңыздың не көріп жүргеніне, кіммен араласатынына және...

Мемлекет басшысы Қасым-Жомарт Тоқаев қазақстандық тауар өндірушілер туралы заңға қол қойды. Енді елімізде отандық тауар өндірушілер туралы барлық ақпарат енгізілген арнайы реестр құрылады.

«Тізілімде отандық тауар өндірушілер мен олар өндіретін тауарлар туралы мәліметтер қамтылады. Тізілімге енгізілген тауар өндірушілерге мемлекеттік қолдау шаралары қолжетімді болады. Сондай-ақ олар мемлекет сатып алулар мен квазимемлекеттік сектор субъектілерінің сатып алуларына қатыса алады», – деп жазылған Ақорда хабарламасында.

Отандық тауар өндірушілер реестрі туралы заң жобасын осы сәуірде Сенат мақұлдап, президент қол қоюына жіберген еді. Аталған құжат қазақстандық кәсіпкерлерді қолдауға бағытталған. Тізілім толыққанды ақпараттық жүйе болады және басқа да ақпараттық жүйелермен бірігеді.

Қоғамдық ұйымдар мен белсенділер Президент атына ресми үндеу жолдап, «Қазақстан халқына» қорының қызметіне мемлекеттік аудит жүргізуді талап етті. Еуразиялық пациенттік ұйымдар одағының төрайымы Саида Тәукелова бұл туралы өзінің парақшасында жариялады.

Тәукелованың жазуынша, соңғы кездері қор республикалық комиссияның медициналық қорытындысы болса да, науқастарды емдеуге қаржы бөлмей отыр. Ұйым сирек кездесетін (орфандық) ауруларға шалдыққан науқастарды өмірлік маңызы бар қымбат дәрі-дәрмекпен қамтамасыз етуге тиіс. Бірақ қаражат жоқ деген себеппен ол міндет орындалмай тұр.

«Қаражат жоқ» деген не сөз? Миллиардтаған қаржы қайда кетті? Қор жыл сайын мемлекеттік және квазимемлекеттік компаниялардан міндетті түрде 7% көлемінде қаражат жинайды. Сондықтан қор...

Қазақстандық комик Нұрлан Сабуров Мәскеудегі Шереметьево әуежайында ұсталды. Бұл туралы бірнеше ірі ресейлік БАҚ хабарлады.

Актер миграциялық заңнаманы бұзғаны үшін 5 мың рубль (шамамен 32 мың теңге) көлемінде айыппұл төлейді. Белгіленген мерзімде Ресейден шығуы тиіс. Бірақ елге қайта кіруге тыйым салынбаған.

Әзірге әртістің өзі де, менеджерлері де бұл ақпаратты растаған жоқ. Осы жайлы Kursiv.Media Қазақстан СІМ-не сауал жолдады.

Нұрлан Сабуров – стендапер, комик, әртіс. 1991 Қазақстанда туған. Қазір ресейлік шоу-бизнесте өнер көрсетеді. Ресейлік басылымдар оның бір шараны жүргізгені үшін ақысы 2 млн рубль немесе 10 млн теңгеден басталатынын жазады.

Сара Назарбаева Қазақстан Республикасы Президенті Іс басқармасының Медициналық орталығына қарасты Ұлттық госпитальде ем қабылдап жатыр. Медициналық мекеме журналистердің сауалына осылай жауап берді.

Осыған дейін БАҚ-та Сара Алпысқызының қайтыс болғаны жайлы ақпарат тараған. Тіпті ол емделген госпиталь маңынды күзет күшейіп, полиция көліктері жиіледі.

Бірақ артынша Нұрсұлтан Назарбаеватың баспасөз хатшысы Айдос Үкібай ақпараттың жалған екенін айтты.

«БАҚ-тың көп сұраныстарына жауап ретінде хабарлаймын: Қазақстан Республикасының Тұңғыш Президенті Нұрсұлтан Назарбаевтың жұбайы Сара Алпысовна қазір ауруханада ем қабылдап жатыр. Оның қазасы туралы таратылып жатқан ақпарат шындыққа сәйкес келмейді», – деп жазды ол.

Қазақстанда банкке ақша салған кезде, ол қаражаттың қауіпсіздігі туралы көп адам ойланады. Көп жағдайда, егер банк лицензиясынан айырылса, Қазақстанның депозиттерге кепілдік беру қоры (ҚДКБҚ) қарапайым салымшылардың ақшасын қайтарады. Бірақ бұл қорға бүкіл қаржы құралдары кірмейді. Қандай депозиттер қорғалмайтынын түсініп алған жөн.

Қор жеке тұлғалардың мерзімді, мерзімсіз және талап етілетін депозиттері, ағымдағы шоттардағы және төлем карталарындағы қаражат, және жинақ салымдарына кепілдік береді.

Егер банк жабылса, бұл қаражат жедел түрде қайтарылады. 2025 жылдың 1 мамырындағы жағдай бойынша Қордың арнайы резервінде 1,2 трлн теңге бар.

Қор қандай жинаққа кепілдік бермейді

Дегенмен банкке ақша салып, бірақ оны қор сақтамайтын жағдайлар бар...

Қазақстанда прокаттан 2 млрд теңге жинаған «Дәстүр» фильмінің режиссері Қуаныш Бейсек қазақстандық көрермендерге тағы тағы бір туынды ұсынады. Триллер жанрында түсірілген «Ауру» фильмі жақында көрерменге жол тартады.

Фильм авторы француздық Loco Films кинокомпаниясымен халықаралық келісімге келген. Бұл компания қазақстандық «Ауру» фильмін әлемдік кинонарыққа шығаруды көздеп отыр.

Фильм не туралы

Фильмнің режиссері – Айтөре Жолдасқали.

Кинотуынды қатерлі ісік ауруына шалдыққан әйелдің еміне ақша жинаймыз деген желеумен ақша жинап жүрген ерлі-зайыптылар туралы.

Бұл фильмді француз компаниясы әлемдік кинонарықтарға шығаруды жоспарлап отыр. Сонымен бірге туындыны Каннда көрсетілмек. Бұдан бөлек фильмнің бірлескен продюсері Анна Качко Tartaria Films және...

Мемлекеттік кірістер комитетінен ескерту хат алған 850 блогердің 40%-дан астамы өз еркімен салық төлеп, табыс тапқанын растады. Қаржы вице-министрі Дәурен Темірбеков Астанадағы журналистерге осылай деп мәлімдеді.

«Шамамен 850 блогерге ескерту жолданды. Солардың ішінде 360 блогер табыс тапқанын өз еркімен растады. Олар 256 млрд теңге төледі», – дейді қаржы вице-министрі Дәурен Темірбеков.

Оның айтуынша, салық төлемеген қалған блогерлерге қатысты жүргізілген жұмыс нәтижесі қосымша хабарланады. Вице-министр талапты орындамаған азаматтарға шара қолданатынын ескертті.

«Салық кодексінде қарастырылған ережелерге сай шара қолданылады», – деді шенеунік.

Естеріңізге сала кетейік, 2025 жылдың басында елдегі блогерлер Мемлекеттік кіріс...

Audi және Honda модельдері Қытайда шыққан ең сапалы бензинмен жүретін кроссоверлер атанды. Қытайда бірлескен кәсіпорын ашқан неміс және жапон брендтері үздік топ-5 тізіміне еніп отыр. Бұл туралы «Қытай автомобильдері» басылымы Қытай автокөлік сапасы желісінің жүргізген зерттеуіне сілтеме жасап хабарлады.

Қытай автокөлік сапасы желісі жергілікті автонарықтағы түрлі санаттар мен кластар бойынша бірнеше рейтингтік тізім жариялады. Соның бірі — Қытайда шыққан дәстүрлі мотормен жүретін модельдер тізімі.

Нәтижесінде, бұл сегментте ең сапалы модельдер ретінде Audi Q6, Honda UR-V, Honda CR-V, сондай-ақ Audi Q2L және Honda Avancier танылды. Бұл кроссоверлер орташа 192 баллдық көрсеткішпен салыстырғанда 140–146 аралығында ғана айып ұпай жинаған. Аталған модельдер SAIC, FAW...

2025 жылдың басынан бері елде COVID-19 инфекциясын жұқтырған 329 жағдай тіркелген. Бұл туралы Денсаулық сақтау министрлігінің Санитариялық-эпидемиологиялық бақылау комитеті хабарлады.

Комитеттің мәліметінше, мекеме елдегі және әлемдегі эпидемиологиялық жағдайға апта сайын мониторинг жүргізеді.

«2025 жылдың басынан бері жалпы 329 расталған жағдай тіркелді, қайтыс болу жағдайлары тіркелген жоқ. Өткен жылдың осындай кезеңімен салыстырғанда сырқаттанушылық 3,7 есеге азайған. Республика бойынша аптасына 25 жағдайға дейін тіркелуде», – делінген комитет хабарламасында.

Қазақстанда негізінен науқастардан аталмыш инфекцияның Омикрон нұсқасының штамдары анықталады. Әлемде айналымда жүрген негізгі штамм да осы.

Эпидемиологтардың мәліметінше, Омикрон нұсқасының 30-дан астам мутацияланған штаммы бар. Бір...

Әлеуметтік желіде Қарағанды тұрғынының мазасыз жазбасы тарады. Ол дәрігерлер операция кезінде бүйірінде медициналық ине қалдырып кеткенін мәлімдеген. Қарағанды облысының Денсаулық сақтау басқармасы оқиғаға қатысты қызметтік тексеріс басталғанын хабарлады, деп жазады ekaraganda.kz.

Оқиғаның мән-жайы

Зардап шегуші Алик Сагин 14 сәуір күні оң жақ бүйірі ауырып, Қарағанды облыстық клиникалық ауруханасына жүгінген. Хирург плевритке симптомын қойып, операция тағайындаған.

«15 сәуір күні маған ауыр операция жасалды, ол 9 сағатқа созылды. Кейін мені фтизиатрия орталығына ауыстырды. Онда рентген жасалған кезде оң жақ кеуде тұсымнан медициналық ине табылды», – дейді Алик Сагин.

Ине алынған, бірақ…

Осыдан кейін...

Қазақстан мен Қырғызстан ақындары Париж қаласында айтысып, бас жүлдені Айбек Қалиев иеленді. ЮНЕСКО-ның бас пәтерінде өткен байқау айтыс өнерінің Адамзаттың материалдық емес мәдени мұрасы тізіміне енуіне 10 жыл толуына орай ұйымдастырылды.

СІМ мәліметінше, ЮНЕСКО ғимаратындағы залда Еуропа елдерінде жұмыс істеп немесе білім алып жүрген 300-ге жуық қазақ және қырғыз азаматтары, диаспора өкілдері бас қосты. Тарихи айтыста көршілес екі елдің танымал ақындары өнерін ортаға салды.

Гран-при жүлделері Айбек Қалиев пен Азамат Болгонбаевқа, І орын үшін дипломдар Дидар Қамиев пен Акматбек Султан уулу, ІІ орын үшін дипломдар Мейірбек Сұлтанхан мен Амантай Кутманалиевке, ІІІ орын үшін дипломдар Абай Жолмағамбет пен Максат...

Астананың мәдениет басқармасының бұрынғы басшысы Болат Мажағұлов сот үкіміне келіспей, апелляцияға шағым түсірді. Ол 2025 жылдың 31 қаңтарында 8,5 жылға сотталған, деп хабарлайды KursivMedia.

Мажағұлов 2016 жылы қала күніне орай Есіл бойында салынған «Күн» атты субұрқақтың құрылысына бөлінген қомақты соманы жымқырған деп танылды.

Іс бойынша құрылыс компаниясының басшысы Мәди Қанапин болса, 3,5 жылға бас бостандығынан айырылды.

Мажағұлов пен Қанапин бірігіп мемлекетке келтірген шығын ретінде 1 млрд 87 млн теңге қайтарып беруге міндеттелді.

Үкімге сәйкес, Мажағұлов Астана қаласының мәдениет, мұрағаттар және құжаттама басқармасы басшысы кезінде Қанапиннің көмегімен 2016 жылы Есіл өзенінің жағалауындағы «Күн» субұрқағының құрылысын қоса алғанда, «Су сиқыры» және «Есіл өзеніндегі жарық иллюминациясы...

Freedom Telecom компаниясы елдегі ірі байланыс операторларының бірі – ASTEL компаниясын толық сатып алды. Мәміле құны 11,46 млрд теңгені құрады. Бұл туралы компания 19 мамыр күні ресми түрде хабарлады.

Неліктен ASTEL?

ASTEL – спутниктік байланыс, жүйелік интеграция және цифрлық шешімдер саласында танымал компания. Ол 1993 жылдан бері жұмыс істеп келеді және Қазақстандағы телекоммуникация нарығында үлкен тәжірибесі бар.

Компанияның 19 аймақтық филиалы, 400-ден астам қызметкері және 4 мыңға жуық клиенті бар. Сонымен қатар ASTEL – өз желісі KazNet арқылы жұмыс істейтін сенімді байланыс операторы.

Freedom Telecom қандай мақсат қойып отыр?

Freedom Telecom соңғы жылдары байланыс инфрақұрылымын жаңадан...

Қазақстандағы IT саласы қарқын алып келеді, жалақы өсіп, мамандарға деген сұраныс ұсыныстан асып түсті. Тәжірибелі мамандарға компаниялар ең төмені 500 мыңнан бастап жалақы ұсынуда.

IT- бос жұмыс орындары көбейді

hh.kz платформасының деректеріне сүйенсек, 2025 жылдың алғашқы тоқсанында IT-мамандардың түйіндеме саны 19,4%-ға артқан. Ал ақпараттық технологиялар саласындағы бос  орындар саны одан да жоғары — 27,2%-ға өсті.

IT саласындағы жалақы қалай өзгерді?

Көптеген тәжірибе деңгейлері бойынша IT-мамандардың күтілетін медианалық жалақысы өскен:

Елімізде «Қорқыт ата» жаңа арнайы экономикалық аймағы құрылды. Премьер-министр Олжас Бектенов арнайы қаулыға қол қойды. 

Жаңа экономикалық аймақ Қызылорда облысында «Батыс Еуропа – Батыс Қытай» халықаралық көлік дәлізіне жақын 550 гектар аумақта орналасады. Алдағы 25 жыл ішінде бұл аумаққа 150 млрд теңге инвестиция салу жоспарланған. Оның ішінде шетелдік инвестиция көлемі 80 млрд теңге болу керек.

«Қорқыт ата» экономикалық аймағында үш мыңнан аса жұмыс орнын ашу көзделген. 40-қа жуық компания болады. Оларға салықтық және кедендік жеңілдіктер ұсынылмақшы. Арнайы құқықтық режим де жұмыс істейді.

«Арнайы экономикалық аймақ аумағында заманауи өнімділігі жоғары, бәсекеге қабілетті өндірістерді жедел...