Жаңалықтар

Астанада бұрынғы вице-министр Ерлан Қожағапановқа сот үкімі шықты, деп хабарлайды KursivMedia.

Астана қаласының қылмыстық істер жөніндегі ауданаралық сотының судьясы Қанат Тобағалиұлы шығарған үкімге сәйкес, Ерлан Қожағапанов Қылмыстық кодекстің 361-бабы 4-бөлігі 3-тармағы бойынша кінәлі деп танылып, 3 жылға бас бостандығынан айырылды. Сондай-ақ ол өмір бойы мемлекеттік қызмет атқара алмайды.

Үкімге сәйкес, 2024 жылдың 1 наурызынан басталған қамауда ұстау уақытының бір күні қауіпсіздігі орташа қылмыстық атқару жүйесі мекемесіндегі бір жарым күнге теңестіріледі.

Қожағапанов 2017-2019 жылдары мәдениет және спорт вице-министрі болған, 2019-2021 жылдары Алматы қаласы әкімінің бірінші орынбасары қызметін атқарған. 2021 жылы қайта мәдениет және спорт вице-министрі болып тағайындалған. 

Ләззат Көккөзова...

Қазақстанда Орталық Азиядағы ең қуатты суперкомпьютер іске қосылады. Бұл туралы Цифрлық даму, инновациялар және аэроғарыш өнеркәсібі министрлігінің баспасөз қызметі хабарлады.

«Оның өнімділігі шамамен 2 экзафлопсты құрайды. Бұл – Орталық Азия тарихындағы алғашқы суперкомпьютерлік кластер. Ол жасанды интеллект пен жоғары өнімді есептеулерге арнайы жасалған NVIDIA H200 жаңа графикалық чиптерінің негізінде жинақталған», – делінген баспасөз хабарламасында.

Бұл компьютер ЦДИАӨМ-тің жаңа деректер орталығында орнатылады. Суперкомпьютер елдің цифрлық экожүйесін дамытады. Сондай-ақ қуатты компьютер денсаулық сақтау, энергетика, білім беру және мемлекеттік қызметтер сияқты барлық саланың цифрландыру шараларына оң әсер етеді.

Министрлік суперкомпьютер ресурстарын баршаға қолжетімді етпек. Оған нейронды...

2025 жылдың сәуірінде пойыз ішінде босанған әйелдің сәбиін лақтырып кеткені белгілі болды. Бұл жағдай Қызылорда – Астана бағытында жолаушылар тасымалдайтын пойызда болған. KursivMedia Көліктегі полиция департаментіне ресми сауал жолдап, бұл іске қатысты мән-жайды сұрады.

Алайда көліктегі полиция толыққанды ақпарат бермей, тек тергеу жүріп жатқанын хабарлады.

«Бұл дерек бойынша Қарағанды-Сұрыптау станциясындағы желілік полиция бөлімінде қажетті сараптамалар тағайындалып, сотқа дейінгі тергеп-тексеру амалдары жүргізіліп жатыр. Өзге ақпарат Қылмыстық-процестік кодекстің 201-бабына сәйкес жарияланбайды», – деп хабарлады көліктегі полиция.

Осылайша департамент әйелге қатысты қай бап бойынша іс қозғалғанын, пойыз жолсерігіне қатысты қандай да бір шара қолданылған-қолданылмағаны жөнінде ақпарат...

Еуропалық одақ ресейлік қаржы секторына бағытталған жаңа санкциялар пакетін дайындап жатыр. Бұл туралы мәселеге қатысы бар дереккөздерге сілтеме жасаған Bloomberg хабарлайды.

Шара негізінен Ресей әскеріне қолдау көрсеткен елдердің банктеріне қарсы бағытталған. Агенттік дереккөзінің сөзінше, жаңа шектеулер арқылы ЕуроОдақ Кремльдің Украинамен бейбіт келісімге тезірек қол қоюына ықпал етпекші.

Қаржы ұйымдардың атауы әлі белгісіз, 20 мамырда жариялануы керек.

«Біз бейбітшілікті қалаймыз және Путин дайын болғанға дейін қысымды күшейте түсуіміз керек. Сол үшін біз жаңа санкциялар пакетімен жұмыс істеп жатырмыз», – деді Еуропалық комиссия төрағасы Урсула фон дер Ляйен.

Оның айтуынша, Nord Stream құбырына, мұнай...

Forbes-тің ғаламдық онлайн рейтингінде Тимур Турловтың дәулеті 7,5 млрд долларға жетті. Бұған Freedom Holding Corp. акцияларының өсуі әсер етті.

NASDAQ қор биржасында Freedom Holding Corp. акциялары бір айдың ішінде шамамен 50 долларға, яғни 39%-ға көтерілді. Қазір FRHC акциясы 176 доллар тұрады. Салыстырар болсақ, 21 сәуірде ғана холдинг акциясы 126 долларға бағаланған еді.

Осының арқасында компанияның нарықтық капиталы 10,67 млрд долларға жетті.

Forbes-тің ғаламдық онлайн рейтингінде де Тимур Турлов дәулеті тағы бірнеше миллионға артып, 7,5 млрд долларға жетті. Қазір ол Қазақстанның ең бай адамы.

Қазақстанның ең бай жеті адамы Forbes-тің ғаламдық онлайн рейтингінде былайша орналасты:

АҚШ-тың бұрынғы президенті Джо Байденге қуықасты безінің сүйекке метастаза берген қатерлі ісігі диагнозы қойылды. Бұл туралы кеңсесі ресми мәлімдеме жасады. 82 жастағы саясаткер өткен аптада зәр шығару кезінде қиындықтарға байланысты дәрігерге жүгінген.

«Өткен аптада Джо Байден қуықасты безіндегі түйін анықталғаннан кейін тексерістен өтті. Жұма күні қатерлі ісік диагнозы қойылды. Бұл — Глисон шкаласы бойынша 9 баллдық (5-топ) агрессивті форма, сүйекке метастаза берген», — делінген ресми хабарламада.

Қазір Байден мен оның отбасы емделу жолдарын дәрігерлерімен бірге қарастырып отыр.

Еске сала кетейік, бір жыл бұрын денсаулығына және жасына байланысты алаңдаушылық туындаған соң, Джо Байден 2024 жылғы...

Байқасақ, қазір Z және Альфа ұрпақ өкілдері бұған дейін қалыптасқан көп түсінікті «төңкеріп» тастап жатыр. Соның ішінде табысты болу, жетістікке жету жайлы ойлары да ерекше. Ақша, лауазым, мансап дегендерді бүгінгі жастар басты орынға қоймайды. Олай болса, олар жетістік дегенді қалай түсінеді? Ол түсінік еңбек нарығына қалай өзгертіп жатыр? Бүгінгі материалымызда осы туралы айтамыз.

Табысқа қатысты түсінік өзгерді

Мысалы 90-жылдары, 2000-жылдары жетістік дегенде бірден көз алдымызға лауазым, қымбат көлік, зәулім үй келетін. Ал қазір ол түсінік өзгерген. 1997-2012 жылдар аралығында өмірге келген  Z ұрпақ пен 2013 жылдан кейін туған Альфа ұрпақтың жетістікке қатысты түсінігі өзгеше. Олар бірінші кезекте өзінің тыныштығын...

Көбіміз қаржылай сауаттымыз, шығындарымызды басқарамыз, бюджетті жоспарлаймыз деп ойлаймыз. Әрине, кіріс пен шығынды есепке алып, соған қарай шешім қабылдаған жақсы. Дегенмен барлығы бірдей ұсақ шығындарын есептей бермейді. Ал ол түптің түбінде табыстың ауқымды бөлігін алып жүрген болуы мүмкін. Айталық, күнде таңертең жұмысқа барарда жолда алған бір шыныаяқ кофе, тамақ істеуге ерініп курьермен алдыра салған ас — осы сынды дүниелер біліне бермейді. Кейбірі мұны шығындарына тіпті қоспайды да. Бүгінгі материалымызда күнделікті микроэкономикамызды қалай басқару керегін және бос шығынданбаудың жолдарын айтамыз.

Күнделікті микроэкономика деген не?

Микроэкономика туралы сөз қозғалса біз көбіне көз алдына күрделі теорияларды, ұсыныс пен сұраныс сызылған кестен...

Алматыдағы барлық мұражайда «Музейдегі түн» шарасы өтеді. 18 мамыр күні барлық мұражай түнгі 12-ге дейін жұмыс істейді.

Аталмыш акция аясында барлық мұражайда жылына бір рет қана қойылатын бірегей экспонаттардың көрмесі ұйымдастырылады. Сонымен бірге «Жұлдызды гид» акциясы, «Музейге сыйлық» сынды шаралар ұйымдастырылады.

Бұдан бөлек балаларға арналған танымдық ойындар, шеберлік сыныптары, театрландырылған қойылымдар, жасанды интеллекті пайдаланатын фотоаймақтар, ашық аспан астындағы фильмдер көрсетілімі, сондай-ақ жұлдыздардың қатысуымен концерттік бағдарламалар өтеді.

Концерттік бағдарама аясында Еркеш Хасен, Ернар Амандық, «Алатау серілері» тобы, Ғалымжан Жанықұлов, Аңсаған Садырханов, «Жаңа ғасыр» театры, «Жас сахна» театры, Талғат және Мұрат Әбуғазиевтер өнер көрсетеді.

«Музейдегі түн» шарасы мына мекенжайларда өткізіледі:

Лео XIV ресми түрде Рим папасы болып сайланды. Ватиканда инаугурациялау бойынша салтанатты шара өтті. Бұл туралы Еуропа басылымдары хабарлады.

«Рим Папасы Лео XIV жексенбіде өзінің билігін ресми түрде бастады. Ол консерваторларды бірлікке шақырып, католик шіркеуінің мұрасын қолдауға және «автократ» ретінде билік етпеуге уәде берді», – деп жазады басылым.

Рим папасын салтанатты түрде сайлау шарасына Украина президенді Владимир Зеленский, АҚШ вице-президенті Джей Ди Вэнс, АҚШ мемлекеттік хатшысы Марко Рубио қатысқан.

Еске сала кетсек, 21 сәуірде Рим папасы Франциск қайтыс болды. Оның орнына 7 мамырдан бастап Рим-католик шіркеуінің кардиналдары жаңа Рим папасын сайлауға...

Cаяхат — шығын. Оған көп ақша керек. Бәріміз осы ойға үйренгенбіз. Көбі сол үшін саяхаттағысы келсе де, арманын кейінге ысырып, үйден ұзап шыға алмайды. Бірақ әлемде full time (үздіксіз cаяхаттайтын) саяхатшы көп. Олардың көбі онлайн жұмыс істейді немесе мүлде жұмыссыз. Бірақ үнемі бір елден екіншісіне көшіп, жылдар бойы әлем аралап жүреді. Олар мұны қалай жасайды? Тұрақты жұмысы жоқ адам саяхаттай ала ма? 

Иә, өйткені олар саяхаттап жүріп ақша табады. Бүгінгі материалымызда осылай жолда жүріп, табыс табудың бірнеше әдісін бөлісеміз:

1. UGC криейтор болу

UGC (user generated content — қолданушылар жасаған видео) — кез келген адам белгілі бір...

Eurovision-2025 ән байқауында аустриялық әнші жеңіске жетті. Аустриялық Йоханнес Питч (JJ) поп-опера стиліндегі «Wasted Love»  туындысымен көпшіліктің жүрегін жаулаған.

Жарыс Швейцарияның Базель қаласында өткен. Бәсекеде көп өнер иелері бақ сынаған. Жарыстың соңына дейін Израиль әншісі Юваль Рафаэль топ жарып келе жатқан. Бірақ соңғы сын сағатта өзінің төл туындысымен JJ алға шыққан.

Бұл Аустрияның байқаудағы үшінші жеңісі. Бұған дейін Аустрия Eurovision-1966, Eurovision-2014 байқауларында жеңген.

Жалпы ән байқауына 26 үміткер қатысып, басым бөлігі өзінің ана тілінде ән шырқаған.

17 мамыр күні Ташкентте қаты дауыл соғып, ауадағы зиянды заттардың мөлшері шекті мөлшерден асып түскен. Бұл туралы Өзбекстандағы «Курсив» басылымы хабарлады.

«Билік Ташкент тұрғындарына мүмкіндігінше көшеге шықпауды және тыныс алу мүшелерін қорғауды ұсынды. «Өзгидрометтің» мәліметінше, елорда ауасындағы зиянды заттардың мөлшері рұқсат етілген шекті мөлшерден 1,28 есе асып кеткен», – деп жазады басылым.

Ташкент билігі қала тұрғындарына терезені бекітіп жауып, далаға шықпауды сұраған. Сонымен бірге қатты желден ағаштар мен жарнама тақтайшаларының құлағаны айтылады.

Мысыр әуежайында Қазақстан азаматы үстіне жарнама тақтайшасы құлап, қаза тапты. Бұл ақпаратты бұқаралық ақпарат құралдарына Сыртқы істер министрлігінің ресми өкілі Айбек Смадияров хабарлаған.

«Кеше Шарм-эш-Шейх әуежайының ұшып шығу аймағында жарнама тақтасы рейске отыруды күтіп тұрған жолаушылар үстіне құлады. Осы оқиғаның салдарынан Қазақстан азаматы қаза тауып, тағы екі отандасымыз жеңіл жарақат алды», – делінген СІМ хабарламасында.

СІМ мәліметінше, Мысыр тарапы Қазақстан азаматының қайғылы қазасына байланысты көңіл айтып, елдің Азаматтық авиация министрі оқиғаны жеке бақылауына алған. Бұл оқиғадан кейін жедел комиссия құрылып, әуежайда тергеу амалдары басталған. Смадияров бұл жағдай министрліктің ерекше қадағалауында болатынын мәлімдеген...

Астанаға ұшатын SCAT жолаушыларының үстіне Мысырдың Шарм-әл-Шейх әуежайында жарнама тақтайшасы құлаған. Бұл туралы Pro Astanu инстаграм арнасы хабарлады.

Инстаграм парақшасындағы мәліметке сәйкес қайғылы оқиға 18 мамырға қараған түні болған. SCAT әуе компаниясының 5270 рейсімен Астанаға ұшуға дайындалған жолаушылардың үстіне ауыр темір мен шыныдан тұратын жарнама тақтайшасы құлап, салдарынан сол маңдайша астында отырған адамдар зиян шеккен. Алдын-ала мәліметтерде бір ер адамның қайтыс болып, екі әйелдің ауыр жарақат алғаны хабарланады.

Бұл оқиға кезінде зардап шеккендер арасында қазақстандық азаматтардың бар-жоғын анықтау үшін KursivMedia редакциясы SCAT әуе компаниясына сауал жолдады.

Теннисші Зарина Дияс Жапониядағы жарыста жеңіске жетті. Бұл туралы Ұлттық олимпиада комитетінің баспасөз қызметі хабарлады.

Теннистен Қазақстан құрамасының сапында өнер көрсететін Зарина Дияс Жапонияның Куруме қаласында өткен турнирге қатысқан.

Финалдық кездесуде қазақстандық спортшы жапондық қарсыласы Аяно Шумитсудан басым түскен.

Спортшылар кортта 1 сағат 24 минут өткізген. Жеңіске жету үшін Диясқа екі сет қажет болған. Нәтижесінде теннисші 6:4, 6:3 жиынтық есебімен жеңіске жетіп, турнир жеңімпазы атанған.

Еске сала кетсек, қазақстандық теннисші 2024 жылдың қарашасында Оңтүстік Кореяда өткен жарыста  керемет камбэк жасап, жеңіске жеткен болатын.

Дональд Трамп дүйсенбі, 19 мамырда Владимир Путинмен телефон арқылы сөйлеседі. АҚШ президенті Ресей мен Украина арасындағы қантөгіс тоқтайтынын мәлімдеді. Бұл туралы ол әлеуметтік желідегі парақшасында хабарлады.

«Мен Ресей президенті Владимир Путинмен дүйсенбі күні таңғы сағат 10:00 (яғни, Мәскеу уақытымен 17:00 – ред.) телефон арқылы сөйлесемін. Әңгіме барысында аптасына орта есеппен 5 мыңнан астам ресейлік және украиндық сарбаздардың өмірі қиылып жатқан «қырғынды» аяқтау мен сауда-саттық мәселесі қозғалады. Содан кейін мен Зеленскиймен, одан кейін Зеленскийдің қатысуымен бірге НАТО өкілдерімен сөйлесемін. Бұл нәтижелі күн болайын деп түр. Атысты тоқтатуға қол жеткізіледі және өте қатыгез соғыс, ешқашан басталмауы керек...

Мексика әскери-теңіз күштерінің желкенді кемесі Бруклин көпіріне соғылып, салдарынан 22 адам жарақат алған. Бұл туралы Reuters басылымы хабарлады.

«Нью-Йорк мэрі Эрик Адамс сенбіге қараған түні шамдармен және алып жалаумен безендірілген Мексика Әскери-теңіз күштерінің желкенді кемесі Бруклин көпіріне соғылып, кеменің биік діңгектері құлап, салдарынан 19 адам жарақат алғанын хабарлады», – деп жазады басылымы.

Cuauhtemoc кемесінің көпірге соғылғаны туралы виедо-роликтер әлеуметтік желілерде де тарай бастаған. Артынша Мексика Әскери-теңіз күштері мәлімдеме жасап, апат кезінде 19 емес, 22 адамның зардап шеккенін, оның тек 19-ы жергілікті ауруханаларға жүгінген хабарлады.

Басылымның хабарлауынша, апаттан кейін құтқару жұмыстары талап етілмеген...

Алматыда BI Run қайырымдылық жарысына байланысты бірқатар көшелер жабылды. Жолдар 18 мамыр күні түске дейін жабық болады. Бұл туралы Алматы қаласының Спорт басқармасының баспасөз қызметі хабарлады.

«Алматыда BI Run қайырымдылық жарысының өткізілуіне байланысты 18 мамырда сағат 07:00-ден 12:00-ге дейін жарыс өткізілетін ауданда көлік қозғалысына уақытша шектеулер қойылады», – делінген баспасөз хабарламасында.

Әкімдіктің мәліметінше, мына көшелерде қозғалыс шектеледі:

2025 жылдың алғашқы тоқсанында Ресейде қытай көліктерінің сатылымы күрт төмендеген. «Автостат» агенттігінің мәліметінше, сәуірде жаңа жеңіл көліктердің сатылымы былтырғы сәйкес кезеңмен салыстырғанда 25,5%-ға азайған.

Ресей нарығы жыл басынан бері 25,4%-ға құлдыраған. Бұл жағдай халықтың төлем қабілетінің төмендеуімен, қымбат автонесиелер мен қоймалардағы көліктердің шамадан тыс көптігімен байланысты болып отыр.

Autonews сайты тек 2025 жылдың бірінші тоқсанында Ресейде Қытай көліктерін сататын 213 дилерлік орталық жабылғанын жазды. Ең көп зардап шеккендер қатарында Bestune, Kaiyi, Dongfeng және BAIC маркалары бар. Geely мен Exeed сияқты танымал маркалардың саудасы екі есеге азайып, қиын жағдайға тап болған.

Кімдер кетуі мүмкін

Сарапшылардың пікірінше, сатылым көлем...

Қазір жылдамдық заманы дегенді жиі естиміз. Яғни табысқа жету үшін тынбай жұмыс істеп, жүгіру керек деп жатады. Бірақ соған қарама-қарсы түсінік — асықпай өмір сүру тренді де қатар еніп келе жатыр. Мұны жай тренд деп емес, әжептәуір өмір салты десек болады. Бір қызығы, солай асықпай өмір сүріп жүргендердің жұмысы өнімдірек жүреді екен. Олай болса, асықпағанның уақыт пен өмірді қабылдауға қалай әсер ететінін талдап көрелік. Бүгінгі материалымызда баяу өмірдің басты аспектілеріне тоқталамыз.

Баяу өмір феномені: бәрі қарсылықтан басталады

Баяу өмір (Slow Living) деп жылдам ритмнен бас тартып, асықпай өмір сүруді ғана айтпаймыз. Оның астарында одан да терең, саналы таңдау...

Төтенше жағдайлар министрлігі құтқарушы мамандар Алматы облысы Талғар қарасындағы жер үй аумағынан ұзын жылан ұстағанын хабарлады

Құтқарушылар шақыру орнына жедел жетіп, арнайы құрал көмегімен ұзындығы 2 м жететін рептилияны ұстап, қауіпсіз жерге алып кеткені айтылды.

«ТЖМ жылан табылған кезде адамдарды орын-жайдан шығарып, жануарды құлыптап, құтқарушыларды шақыруды ұсынады. Жыланды өздігінен ұстау әрекеті қайғылы жағдайға әкелуі мүмкін» – деп ескертеді министрлік.

Бұған дейін, құтқарушылар Таразда сауда үйінің ішінен жылан ұстаған болатын. Алайда ол бауырымен жорғалаушы біршама қысқа еді.

Қазақстан Президенті Қасым-Жомарт Тоқаевқа төл мерекесіне орай құттықтаулар легі келіп жатыр.

Президентті қоңырау шалып құттықтағандар арасында Ресей Президенті Владимир Путин, Түркия Президенті Режеп Тайип Ердоған, Өзбекстан Президенті Шавкат Мирзиёев, Қырғызстан Президенті Садыр Жапаров, Тәжікстан Президенті Эмомали Рахмон, Әзербайжан Президенті Ильхам Әлиев пен БАӘ Вице-президенті шейх Мансұр бен Заид Әл Нахаян бар.

Шет мемлекеттердің басшылары Қасым-Жомарт Тоқаевқа Қазақстан халқының игілігі жолындағы жауапты мемлекеттік қызметіне табыс тілеген.

Одан бөлек шет мемлекеттер мен үкіметтердің басшыларынан, парламент спикерлерінен, халықаралық ұйымдар мен дипломатиялық миссиялар өкілдерінен құттықтаулар мен жеделхаттар келіп жатқаны хабарланды.

Мемлекет басшысының атына Ресей Президенті Владимир Путин, ҚХР Төрағасы Си Цзиньпин, Түркия Президенті Режеп Тайип...

Алтын орданың құрылуы мен Жошы хан кезеңіне арналған «Golden Empire» деректі-драмалық сериалының түсірілімі аяқталды. Бұл жөнінде жобаның ақырғы түсірілім күнінен барған мемлекеттік кеңесші Ерлан Карин мәлім етті.

Мемлекеттік кеңесші бірегей жоба президенттің тарихты зерделеу және оны кеңінен насихаттау мәселелеріне ерекше мән беруінің нәтижесінде жүзеге асқанын айтады.

Түсірілім 11 аптаға созылған. Жобаның барлық кезеңі Қазақстан аумағында түсіріліп, оған барлығы 700-ге жуық маман атсалысқан.

Одан бөлек жұмыс Лос-Анджелес, Нью-Йорк, Астана, Алматы және Ыстанбұлдан қатар жүргізілген. Команданың басты құрамы шамамен 70%-ы қазақстандық кәсіпқойлардан тұрған.

«Түсірілімге Nomad Stunts командасының үйлестіруімен 200-ден астам қазақстандық каскадер мен шабандоздар қатысты. 3000-нан астам