Жаңалықтар

2025 жылдың қаңтар-мамыр айларында екінші деңгейлі банктердің жиынтық таза пайдасы 1,14 трлн теңгеге жетті. Бұл туралы Ұлттық банктің есебінде жазылған.

Мамыр айының өзінде банктердің таза пайдасы 239 млрд теңгеге өсіп, сәуірмен салыстырғанда 26%-ға артқан. Ал 2024 жылдың сәйкес кезеңімен салыстырғанда өсім 17,2%-ды құрады.

Қаңтар-сәуір айында екінші деңгейлі банктер 904 млрд теңге табыс тапса, мамыр айының соңында жиынтық табыс 1,14 трлн теңгеден асты.

Банк секторының жиынтық активі 63,4 трлн теңгеге жетсе, міндетттемелері 54,3 трлн теңгені құрайды. Капиталы 9 трлн теңгеден асады.

Бұған дейін Ұлттық банк төрағасы Тимур Сүлейменов жалпыұлттық QR жүйесіне елдегі банктердің бәрі қосылуы тиіс екенін...

Трансгендерлер Қазақстан аруы атана алмайтын болды. Қанша жерден сұлу болса да, «Мисс Қазақстан» байқауына олар қатыса алмайды.

Байқау ұйымдастырушылары осындай түсініктеме берді.

«Мәдени құндылықтарға қайшы»

Осылайша, «Мисс Қазақстан» байқауының ұйымдастырушылары мұның алдында тараған ақпаратты үзілді-кесілді жоққа шығарды. Олардың сөзіне қарағанда, қатысу шарттары нақты көрсетілген.

«Әрбір өтінішті жеке қарастырамыз. Бірақ соңғы шешім байқаудың қатаң ережелері мен регламентіне сай қабылданады. Бұл талаптар еліміздің мәдени құндылықтарына сәйкес болуы тиіс», – дейді байқаудың баспасөз қызметі.

Айжан Рузаева да сұлулық байқауы еліміздің мәдени коды бойынша өтетінін хабарлады.

Қатысу талаптары қандай?

«Мисс Қазақстан» байқауының ресми сайтында...

Facebook, Telegram секілді танымал сервистердің, сонымен бірге Apple, Google және басқа да ресурстар аккаунттарының 16 млрд логині мен құпиясөзі қолды болды. Бұл туралы Forbes киберсарапшылар мәліметіне сүйене отырып хабарлады.

Мәліметтерді хакерлер тобы ұрлаған болуы мүмкін. Мұндай жағдайда не істеу керек?

Басылымның мәліметінше, тіркеу деректері қара базарда саудаланып жатуы мүмкін. Қазірдің өзінде 30 база бары анықталған. Олардың әрқайсысы бірнеше миллионнан 3,5 млрд деректі жариялап үлгерген.

Мамандар жағдайдың өте қауіпті екенін ескертіп отыр. Сол себепті қолданушыларға құпиясөз ауыстыруға, қос факторлы идентификацияға тезірек өтуге кеңес берді.

«Құпиясөзіңіз жарияланып кеткенін күтіп отырмаңыз — аккаунтыңыздың қауіпсіздігімен дәл қазір айналысыңыз...

Microsoft компаниясының басшылығы мыңдаған қызметкерін жұмыстан босатады. Бұл жайлы The Wall Street Journal жазады. Компанияның қаржылық есебіне сүйенсек, қысқартулар осы жылы шілдеде басталады.

Бұған дейін техноалпауыт 7 мың адамды қызметтен босатқан еді. Олардың басым көпшілігі негізінен бағдарлама әзірлеушілер. Осыдан кейін Bloomberg компанияның тағы да 300 адамды қызметтен босатқалы жатқанын жазды.

2025 жылы сәуірде Microsoft басшылығы шағын және орта клиенттеріне бағдарламалық әзірлеме сатуды енді сыртқы фирмаға тапсыратынын айтқан. Компанияның түсіндіруінше, серверлер мен деректерді өңдеу орталықтарына миллиардтаған доллар бөледі. Енді инвестор шығынды азайту деген тапсырма қойған, сондықтан басқа секторлардағы қысқартулар басталған.

2024 жылғы дерек бойынша, компанияда 230 мы...

Марқұм Шерзат Полаттың әкесі Қаржаубай Нұрымов пен сотта отбасының мүддесін қорғаған адвокат Мейірман Шекеев сұхбат берді. Олар Назымгүл Күміспаеваның YouTube каналына берген сұхбатында өзін құқық қорғаушы деп таныстырып жүрген Айтбек Амангелдінің әрекеті, сот процесі туралы пікір білдірді.

«Жақсы жолдас не жақсы адам сотқа 10 күн қалған кезде істі тастап кетпейді», – дейді Нұрымов.

Ал адвокат Шекеев Нұрымовтың өзіне сенімхат бергенін, сол кезде «адвокаттардан емес, Айтбек Амангелдіден бас тартамын» деп айтқанын жеткізді.

«Адвокаттардан сенімхат қайтарып алған жоқ. Қаржаубайға «олардың да еңбегі, бар, 10-15 күн қалған кезде бізге де ауыр болады, бірге...

Ұлттық банк 1 және 2 теңгелік ұсақ монеталар шығаруды ресми түрде тоқтатты. Бұл туралы бас банк төрағасы Тимур Сүлейменов мәлімдеді.

Оның айтуынша, мұндай монеталарды әрі қарай соғу экономикалық тұрғыдан тиімсіз.

«Бізге (1 теңгені – ред.) соғудың тиімсіз екенімен келісеміз. Негізгі жоспарымыз мынадай: айналымда бар монеталар қала береді, бірақ жаңасын соғуды жоспарлап отырған жоқпыз. Бұл 2 теңгелік монеталарға да қатысты», – деді Тимур Сүлейменов Сенаттың кулуарында.

Айта кетейік, бұл мәселені Сүлейменов бұған дейін де көтерген еді. Сәуірдегі жиынның бірінде ол ұсақ монеталардың өндіріс құны олардың номиналынан асып кететінін айтқан. Енді ресми түрде заңды күшіне енді, ұса...

Трамп Иранға ядролық бомба тастау мәселесін ойластырып жатыр. Трамптың мәлімдемелері америкалықтарды да тіксіндірді.

Fox ақпаратына қарағанда, Трамптың Иранға қатысты мәлімдемелері, эскалация, қарымта әрекеттер және АҚШ-тың тағы бір шетелдегі соғысқа араласуы елде алаңдаушылық тудырды.

Ақ үй өкілдерінің мәлімдеуінше, Президент Дональд Трамп қазір АҚШ-тың Иранға соққы жасау бұйрығын беру-бермеу туралы ойланып жатыр. Шешімді екі апта ішінде қабылдауы тиіс.

18 маусымда Трамп әлеуметтік желілерде АҚШ-тың «Иран аспанын толық бақылауда ұстап отырғанын» айтып, Ираннан «конституцияға қарсы түрде тізе бүгуін» талап етті.

Ол сондай-ақ Иранға тікелей соққы жасау мүмкіндігін бірнеше рет жоққа шығармады.

«Мен мұны істей аламын. Мүмкін істемеймін», — деді ол сәрсенб...

Citigroup Парсы шығанағындағы Ормуз бұғазы жабылса, Brent маркалы мұнай бағасы 90 долларға дейін көтерілуі мүмкін екенін ескертті. Бұл туралы Bloomberg хабарлады.

«Бұғаздың жабылуы бағаны бірден көтеріп жібереді. Бірақ ол ұзаққа созылмауы мүмкін. Себебі бәрі оны тезірек ашуға күш салады. Сондықтан бұғаз бірнеше айға жабылмау керек», – дейді компанияның сарапшылары.

Ормуз бұғазы — Парсы шығанағына кіретін шағын су жолы. Ол арқылы күнде әлемде өндірілетін мұнайдың бестен бірі өтеді. Сауд Арабиясы мен Ирак мұнайы осы теңіз жолы арқылы тасымалданады.

Citigroup болжамына қарағанда, бірнеше ай көлемінде күніне шамамен 3 млн баррель мұнай тасымалы бұзылады.

Мамандар Иран өндіретін мұнай экспортыны...

Александр Бублик Германияның Галле қаласында өтіп жатқан ірі турнирде әлемнің бірінші теннисшісі Янник Синнерді жеңді.

Үш сетке созылған матч  3:6, 6:3, 6:4 есебімен аяқталды. Осылайша, Қазақстанның ең мықты теннисшісі Александр Бублик екі апта бұрын Парижде кеткен есесін қайтарды. Франция ашық біріншілігінде Синнер басым түскен.

Енді отандасымыз АТР-500 турнирінің ширек финалында чех теннисшісі Томаш Махачпен кездеседі. Ойын бүгін, 20 маусымда Астана уақытымен сағат 18.00-ден кейін басталады.

Бублик пен Махач бұған дейін бір мәрте ғана кездескен. 2024 жылы Дубайда өткен турнирде қазақстандық теннисші оны 2:6, 6:3, 7:6 есебімен үш сетте жеңген.

Кейде қанша жерден күшіңіз жетіп тұрса да, көңіл қалауыңыз тартпайтын кездер болады. Бір рет солай болады, екінші рет солай болады. Сөйтіп біртіндеп мұның себебі жайлы ойлана бастайсыз. Көп жұмыс істеп қажып кеткеннен бе, әлде кері тартып, тынықсаң да кетпей қоятын апатия басталды ма? Бұл екі сезім мен күй өте ұқсайды. Сондықтан көбі шатастырады. Бірақ екеуінің айырмашылығы бар. Қатты шаршаған адам жақсылап демалса, қалыпқа келе қалады. Ал енді апатияға ұласқан болса, онда демалыстан пайда жоқ. Ол кезде психикалық-эмоциялық жай-күйіңізді жақсартуға күш салу керек. Бүгінгі материалымызда шаршау мен апатияның ара-жігін қалай ажыратуға болатыны туралы айтамыз. Оған қоса, оның неге пайда болатынын және...

Биыл Қазақстанның батыс өңірлеріне осымен бесінші мәрте дрон құлады. 19 маусымда күндіз Маңғыстау облысының тұрғындары қашықтан басқарылатын ұшу аппаратын тауып алды.

Сұр түсті аппарат Қарақия ауданы аумағында, Болашақ шекара темір жол станциясы маңында табылды.

Жергілікті полиция Lada.kz басылымына шағын ғана мәлімет берді.

«Ешкімге ешқандай зардап келмеді. Оқиғаның жай-жапсары анықталып жатыр», – деп хабарлаған құқық қорғау органдарының өкілдері.

Айта кетейік, Қазақстанның батыстағы өңірлеріне биыл осымен төртінші мәрте дрон құлады. Естеріңізге сала кетейік, бұған дейін Батыс Қазақстан облысы аумағына төрт мәрте белгісіз ұшу аппараты түскен:

2025 жылдың мамырында еліміздің тұрғын үй нарығы күрделі динамика көрсетіп отыр. Қазақстан бойынша жаңа тұрғын үйдің орташа бағасы бір шаршы метр үшін 521 596 теңгеге жетіп, 8,7%-ға өскен. Ал екінші нарықтағы пәтерлердің құны 541 858 теңге болып, 6,3% өсімді көрсетті. Жалға алу ақысы да шетте қалмады — 4 496 ₸/м², бұл өткен жылмен салыстырғанда 9,4% жоғары.

Аймақтық ахуал

Баға өсімі жағынан Павлодар облысы ерекше көзге түсті. Мұнда жаңа пәтерлердің шаршы метрі бір жыл ішінде 22,6%-ға қымбаттап, 423 015 теңгеге жетті.
Алматы қаласы дәстүрлі түрде ең қымбат аймақ ретінде қалып отыр: жаңа тұрғын үйдің орташа бағасы 633 217 теңге, ал екінші нарықтағы пәтерлер ...

Жоғарғы сотта алматылық түлек Медина Майсардың Ғылым және жоғары білім министрлігіне талап арызына қатысты іс қаралып жатыр.

Еске сала кетейік, 2024 жылы мемлекеттік грант бөлу кезіндегі дау шықты. Сол кезде мектеп түлегі Медина Майсар ҰБТ-дан 119 балл жинағанына қарамастан мемлекеттік грант ала алмағанын айтып видео жариялаған.

Кейін іс бойынша бірінші инстанция мен апелляциялық сот алқасының шешімі шыққан.

Майсардың адвокаты Халида Әжіғұлованың айтуынша, министрліктің 2024 жылдың 2 тамыздағы №388 бұйрығында төтенше жағдай болған өңірлердегі түлектерге бөлінген 20% грант квота деп көрсетілген. Алайда білім туралы заңда квотаның 10 түрі ғана белгіленген, оның ішінде «төтенше жағдай» деген бөлік жоқ.

Осылайша олар Ғылым...

Президент Қасым-Жомарт Тоқаев еңбек ұжымына табыс тілеп, KIA Bongo автокөлігінің шанағына естелік қолжазба қалдырды.

Ол бүгін Астанадағы Orbis Heavy Machinery арнайы және коммерциялық техника зауытына барды

Тоқаев KIA маркалы арнайы және коммерциялық техникалар құрастыратын зауыт жұмысымен танысты.

Кәсіпорын іске қосылған 2022 жылдан бері 700-ден аса автокөлік шығарған.

«Өндіріске құйған инвестицияның жалпы көлемі 11 миллиард теңгеден асты. Мұнда өндірушілерден жеткізілген бөлшектерді дәнекерлеу, сырлау, шанақ монтаждау жұмыстары атқарылады», – делінген Ақорданың баспасөз қызметінің ақпаратында.

Сондай-ақ коммерциялық автокөліктерге арналған қосымша жабдықтар өндірісі жолға қойылған. 240 маман тұрақты жұмыспен қамтылған.

Компания өндірістік қуаты мен өнім түрін кеңейтуді көздейді. Осы мақсатта өзге де халықаралық брендтермен келіссөз жүргізіп...

Астана әуежайында жоспарлы жөндеу жұмыстарына байланысты ұшу-қону жолағы уақытша жабылады. Әуежайдың баспасөз қызметінің хабарлауынша, шектеулер екі мезгілге бөлінген. Олар:

2025 жылдың 1-4 қыркүйегі аралығы,

2025 жылдың 8 қыркүйегінен 31 қазанына дейін.

«Бұл күндері күн сайын Астана уақыты бойынша сағат 10:00-ден 18:00-ге дейін ұшу-қону жолағы жабық болады. 5-7 қыркүйек аралығында ұшу-қону жолағы қалыпты режимде жұмыс істейді, рейстер жоспар бойынша орындалады», – деп хабарлады «Нұрсұлтан Назарбаев халықаралық әуежайы» баспасөз қызметі.

Осыған байланысты рейстердің кестесіне өзгерістер енгізілуі мүмкін. Жолаушылардан рейске қатысты өзекті ақпаратты авиакомпания өкілдерінен алдын ала нақтылау қажет.

Жөндеу жұмыстары аэродром инфрақұрылымын жоспарлы түрде жаңарту шеңберінде...

Түркістан облысы Ордабасы ауданының мектебінің түлегі Жәнібек Әбілхан ҰБТ-да 140 балл жинады.

Ғылым және жоғары білім министрі Саясат Нұрбек Жәнібекті жетістігімен құттықтап, ата-анасына алғыс білдірді. Сондай-ақ талапкерге алғыс хат пен естелік сыйлық табыстады.

Кездесу барысында министр еліміздегі жоғары білім беру саласындағы мүмкіндіктер мен Қазақстанда ашылған шетелдік жоғары оқу орындарына тоқталды.

«Біз қарапайым ауыл мектебінің түлегі ең жоғары балл жинағанына ерекше қуанамыз. Мемлекет тарапынан оның білімін әрі қарай дамытуына толық қолдау көрсетіледі. Бүгінде Қазақстан өңірлік академиялық хаб ретінде қалыптасып келеді. Елде құрылған білім беру экожүйесі халықаралық серіктестердің қызығушылығын арттырып жатыр. Жетекші шетелдік университеттермен бірлесе отырып, жаңа...

Қасым-Жомарт Тоқаев Астанадағы «Мыңжылдық» аллеясындағы абаттандыру жұмыстарымен танысты.

Ақорданың хабарлауынша, президентке аллеядағы ландшафтты даму жоспары көрсетілді.

Жоспар қаланың оңтүстік бөлігіндегі 942 гектарды қамтиды. Сарайшық ауданындағы желілік саябақ тұрғын үйлер кешені мен әлеуметтік нысандар, мектептер, темір жол вокзалы, скверлер, көшелер мен жаяу жүргіншілер және велосипед жолдарының арасын жалғайды.

Астана әкімі Жеңіс Қасымбек вокзал маңындағы саябақ аудандағы көрікті жерге айналатынын айтты. Мұнда ойын алаңдары, амфитеатр және аллеялар салу жоспарланған.

Былтыр «Қазақ елі» алаңында ағаштар егіліп, дизайнерлік қақпақтар орнатылды, шамдар мен басқа да сәулеттік қалыптар жаңартылды.

Биыл ең әуелі Байтұрсынұлы, Нұрмағамбетов, Нәжімеденов көшелері мен Тәуелсіздік даңғылы маңындағы тұрғын үй кешендерін қамтитын желілік...

Астанада 21-22 маусым күндері ауыл шаруашылығы жәрмеңкесі өтеді. Астана қаласы әкімдігінің хабарлауынша, жәрмеңкеде жергілікті фермерлер мен Қазақстанның түрлі өңірлерінен келген өндірушілердің өнімдері ұсынылады.

«Қала тұрғындары мен қонақтары көкөніс пен жеміс-жидек, ет, ұн және сүт өнімдері, нан-тоқаш өнімдері, табиғи шырындар, тосап, джем және тағы басқа тауарларды тиімді бағамен сатып ала алады», – деп хабарлады әкімдік.

Іс-шара 21 және 22 маусым күндері сағат 10:00-ден 19:00-ге дейін Нұрғиса Тілендиев даңғылы, 12а мекенжайындағы «Koktal» сауда-ойын-сауық орталығында өтеді.

Айта кетейік, қалада ауыл шаруашылығы жәрмеңкесі Бейбарыс Сұлтан көшесі, 23-үй мекенжайында (Рио-де-Жанейро тұрғын үй кешенінің қарсысында) тұрақты түрде жұмыс істейді. Ол күн...

Алматыда экс-судья Светлана Жолмановаға қатысты сот үкімі шықты. Ол Қылмыстық кодекстің 190-бабы 4-бөлігінің 2-тармағы (аса ірі мөлшердегі алаяқтық) бойынша кінәлі деп танылды. Ақпаратты Алматы сотының баспасөз қызметі растады.

Светлана Жолманова ісі

Светлана Жолманова Алматы қаласы Медеу аудандық сотының судьясы қызметін атқарған кезде, «мүдделі тұлғалардың пайдасына сот шешімдерін шығаруға көмектескен, алаяқтық әрекеттерді жасады» деген күдікке ілінді. 2021 жылы ҰҚК судьяның кабинетінде тінту жүргізіп, 10 мың доллар көлемінде ақша тауып алғаны туралы видео әлеуметтік желіде тарап кетті. Бұл оқиғадан кейін Жоғары сот оны бар мәртебесінен айырды. Ал мамырда Тоқаевтың жарлығымен Жолманова судьялық қызметінен босады.

2024 жылдың қазан айында Жолманованың алаяқтық фактісі бойынша қамауға алынғаны белгілі болды. Қамауға алынған со...

Бейсенбі күні Израиль Қорғаныс армиясы Тегераннан оңтүстік-батысқа қарай 250 шақырымда орналасқан Иранның ең ірі ядролық нысандарының бірі – Арак қаласындағы ауырсу реакторына шабуыл жасады. Бұл туралы Еuronews хабарлады.

Израиль Әскери-әуе күштері түнде және таңертең Ирандағы бірнеше ядролық нысандарға соққы берген. Соның ішінде Арак қаласындағы IR-40 реакторы да бар.

Ирандық БАҚ-тың хабарлауынша, жарылыстар болған аудандардан бейбіт тұрғындар эвакуацияланған, ал жойқын қирау тіркелмеген. Дегенмен, жарияланған фото және видеоларда жарылыс анық көрінеді. ЦАХАЛ шабуылдың алдында тұрғындарды алдын ала ескертіп, аймақтан кетуге шақырған.

Шабуыл жасалған күні Израиль әскерилері Арактағы нысанға, соның ішінде плутоний өндірісіндегі негізгі компонент болып саналатын реактордың белсенді аймағына соққы берілгенін...

Сенат қоғамдық орында бетті бүркемелеп жүруге тыйым салатын заңды Мәжіліске қайтарды. Депутаттар заңның кейбір баптарына өзгеріс енгізуді ұсынып отыр.

Сенат депутаттары құқық қорғау қызметін жетілдіру, құқық қорғау органдарының, арнаулы мемлекеттік органдардың, азаматтық қорғау органдарының қызметкерлерін және әскери қызметшілерді тұрғын үймен қамтамасыз ету және әлеуметтік қорғау, сондай-ақ ішкі істер органдарының қызметі саласында артық заңнамалық регламенттеуді болғызбауға қатысты заңға өзгерістерді талқылады.

Заңға сәйкес Қазақстаннан тыс жерлерде тұрақты тұратын адамдар үшін Қазақстан Республикасы азаматтығынан шығу туралы өтініштерді енді Сыртқы істер министрлігі емес, Ішкі істер органдары қарастыратын болады. Осыған байланысты Сыртқы істер министрлігінің бұл бағыттағы құзыреті алынып тасталады.

Сонымен бірге «Қазақстан Республикасыны...

Семейден ұшып шыққан ұшақ ауа райына байланысты Астанадағы Нұрсұлтан Назарбаев әуежайына қона алмады. Бұл жағдай 2025 жылдың 19 маусымында тіркелген.

Ұшақ қонатын уақытта елордада қатты жел соғып, найзағай болған.

«Ұшу қауіпсіздігін қамтамасыз ету мақсатында әуе кемесінің командирі Алматыдағы қосалқы аэродромға қону туралы шешім қабылдады. Ауа райы тұрақталғаннан кейін ұшақ Астанаға қайта ұшып, жақын уақытта қонады», – деп хабарлады Астанадағы Нұрсұлтан Назарбаев әуежайы баспасөз қызметі.

Сондай-ақ әуежай мұндай шешімді қауіпсіздік мақсатында тек әуе кемесінің командирі қабылдайтынын жеткізді.

Қылмыстық-атқару жүйесі комитетінің төрағасы Абай Қайырбеков Сенатта журналистерге Павлодар облысындағы қылмыстық-атқару жүйесі мекемесінде жазасын өтеуші есірткі бизнесімен айналысқаны жөніндегі оқиға бойынша қандай шара қолданылғанын айтып берді.

Қайырбековтің айтуынша, сотталушы колония ішінде есірткі жеткізу бойынша тұрақты арна құрған. Сонымен қатар ол ғимаратқа Starlink антеннасын орнатып алған.

«Бұл оқиға бойынша жауапты лауазымды тұлғаларға қатаң тәртіптік шаралар қолданылды. Атап айтқанда, мекеме басшысының орынбасары қызметінен босатылды, режимдік бөлімнің жедел қызметкерлері де жұмыстан шығарылды. Сондай-ақ облыстық департамент басшысы бақылаудың жоқтығы үшін лауазымынан алынды», – деді Қайырбеков.

Комитет басшысы «колонияға Starlink антеннасын қоюға кім рұқсат берді» деген сұраққа тергеу әлі жалғасып...

Әлемдегі автомобиль таситын ең ірі BYD Shenzhen Қытай кемесі алғашқы рейсін Бразилияға жасады. Жергілікті тұрғындар болса елді Қытайдың арзан көліктері қаптағанына наразы. Бұл туралы Reuters жазды.

20 футбол алаңына тең алып кеме Итажаи портына тоқтады. Тұрғындардың кейбірі оны суретке түсіріп жүр. Алайда Бразилияда халықтың бір бөлігі арзан көліктердің елге келуін жақтырмайды.

BYD қытай автогиганты жергілікті нарыққа айтарлықтай арзан электромобиль мен гибрид көліктерін ұсынып отыр. Бразилиядағы автоөндірушілер мен кәсіподақ жетекшілері болса, отандық өнімге орын қалмай барады деп ренжіді.

Ірі кеменің алғашқы рейсін осы елге жасағанына қарағанда, BYD биыл Бразилия нарығына көз тігіп отыр. Автогигант жыл басынан бері Латын Америкасындағы елге шамамен...