Жаңалықтар

Тараз әкімінің бұрынғы орынбасары Нұрбол Қалдыбаев 4 жылға сотталды, деп хабарлайды KursivMedia.

О. Ерболатұлы аса ірі мөлшерде алаяқтық жасау фактісі бойынша (ҚК 190-бабы 4-бөлігінің 2-тармағы), Нұрбол Қалдыбаев ауыр салдарға әкеп соққан лауазымдық өкілеттіктерін теріс пайдалану фактісі бойынша (ҚК 361-бабы 4-бөлігінің 3) тармағы) сотқа тартылған. Қылмыстық іс Тараз қаласының № 2 сотында қаралған.

Тараз соты Ерболатұлының Тараз әкімдігінің мемлекеттік тендер бойынша 3 бес қабатты үй салумен айналысып, құрылысты аяқтамаған және объектілер бойынша құрылыстың аяқталғандығы туралы жалған актілер жасағанын анықтады.

«Лауазымды тұлға Нұрбол Қалдыбаев қызметтік өкілетін асыра пайдаланып, Ерболатұлына 519 млн теңгеден астам бюджет қаражатын аудару үшін негіз...

Алматыда банк тонаушы видеоға түсіп қалды. Белгісіз ер адам банктердің бірінің бөлімшесіне түн ішінде кіруге ұмтылған.

Ол терезеден кіріп, кассаға өтпек болды. Бірақ бронды шыныны сындыра алмаған. Әрі өте алмасын сезгесін қашып кеткен.

Алматы полициясы оның кім екенін анықтады.

«Криминалдық полиция Басқармасы Жетісу аудандық полициясымен бірлесіп жүргізген жедел-іздестіру іс-шараларының нәтижесінде қысқа мерзімде 32 жастағы күдікті анықталып, ұсталды», – деп хабарлады полицияның баспасөз қызметі.

Алматыда банк тонамақ болған күдікті кінәсін мойындаған.

«Аудандық жедел қызметкерлер мен біздің бөлімшенің қызметкерлерінің келісілген жұмысының арқасында ұрлық жасау әрекеті  «ізін суытпай» ашылды. Күдікті өз кінәсін мойындады...

Ұлттық статистика бюросы 2025 жылғы I тоқсандағы жалақы мәндері туралы ақпарат жариялады.

Статистика бюросының мәліметінше, бағалау көрсеткіштері бойынша жалақының медианалық мәні 300 307 теңгені құраған.

Ал кәсіпкерлік қызметпен айналысатын шағын кәсіпорындарды есепке алмағандағы атаулы жалақының орташа мәні 2025 жылғы I тоқсанда 423 133 теңге болған. Бұл былтырғы тиісті тоқсанмен салыстырғанда 10,7% артық. 

«2024 жылғы І тоқсанмен салыстырғанда орташа айлық жалақының ең жоғары өсімі ақпарат және байланыс – 31,3%, ауыл, орман және балық шаруашылығы – 17,3%, өнер, ойын-сауық және демалыс салаларында – 16,1% болғаны байқалды. Денсаулық сақтау және халыққа әлеуметтік қызмет көрсетуде – 6,2%, білім беруде...

Ақ үй 10–11 мамырда Женевада АҚШ пен Қытай арасында өткен келісімнің егжей-тегжейін жариялады. Бұл туралы Ақ үйдің ресми сайтында жазылған.

Жаңа келісім бойынша, АҚШ Қытайдан келетін тауарларға кедендік баж салығын 30%-ға дейін төмендетпек. Ал Қытай АҚШ-тан импортталатын өнімдерге 10% мөлшерінде тариф енгізеді. Бұл келісім 90 күнге дейін күшінде болады.

Құжатта екі тараптың да кедендік тарифтерін 24 пайыздық тармаққа яғни 10%-ға дейін төмендетуге келіскені айтылған. Алайда, АҚШ қаржы министрі Бессенттің түсіндіруінше, Америка 2 сәуірге дейін енгізілген 20%-дық баж салығын күшінде қалдырады. Бұл шара Қытайдан келетін фентанил есірткісінің АҚШ-қа таралуына қарсы қолданылып отыр. Яғни екі елдің тарифтері өзара тең болған. Біра...

Air Astana әуекомпаниясы 19 мамырдан бастап Алматы – Дели – Алматы бағытындағы KC 907/908 және KC 963/964 тұрақты рейстерін жандандырады.

Рейстер бұрынғы бағыт пен кесте бойынша орындалады.

Сондай-ақ, 14 мамырдан бастап Алматы – Мумбай – Алматы бағытындағы KC 291/292 рейстері де бастапқы бағыты бойынша жүзеге асырылады.

Рейстердің мәртебесін әуе компаниясының сайтынан тексеруге болады.

Air Astana Үндістанға ұшатын рейстерді 8 мамырда тоқтатқан. Оған Үндістан мен Пәкістан арасындағы қақтығыстан кейінгі әуе қақтығыстарындағы ахуал себеп болған.

Ал түркиялық Turkish Airlines әуе компаниясы енді ұшақ толық тоқтамай, орнынан тұратын жолаушыларға айыппұл салатын ереже қабылдады.

Танымал продюсер, актер және сценарист Нұртас Адамбай өзінің өмір жолы мен ішкі ізденістері туралы кітап шығаратынын мәлімдеді. Бұл туралы Адамбай әлеуметтік желідегі парақшасында хабарлады.

«Мен бірнеше рет өмір жолым жайлы кітап жазғым келді, бірақ бастаған сайын бұл ойымнан бас тартатынмын. Өйткені кітабым немен аяқталатынын білмейтінмін. Ал енді, бұл кітаптың бас-аяғы не туралы болатынын түсінгендеймін», – деп жазды Адамбай.

Кітаптың атауы — «Мен кіммін?» Автордың айтуынша, бұл — әрбір адам өзіне қоюы тиіс ең маңызды сұрақтардың бірі. Актер оқырмандарынан осы бастамаға қолдау білдіруді сұрап, өзінің қатты толқып отырғанын да жасырмады.

«Егер...

Польша Варшавадағы алапат өртке қатысы бар деп Ресей дипломаттарын елден қуып шықты. Үш консулдық қызметкеріне персона нон грата жариялады.

Le Monde  ақпаратына қарағанда, Краковтегі консулдықтың үш қызметкерінің Marywilska 44 атты сауда орталығында шыққан өртке қатысы бар деп күдік келтірген. Оқиға 2024 жылы болды. Өрт салдарынан 1400 дүкен орналасқан ғимарат күлге айналған. Польша бұл оқиғаға ресейлік барлаушыларды айыптады.

Елдің премьері Дональд Туск күдіктілердің ұсталғанын, мұның артында ресейлік арнайы қызмет тұрғанын нақты білетінін айтқан болатын.

Бұл туралы Польшаның сыртқы істер министрінің орынбасары Хенрыка Мосциская-Дендыс мәлімдеді. Польша Варшавадағы өртке Мәскеудің қатысы бар деп санайды.

«Бас консульдықты...

Қазақстан мен БАӘ сауда айналымын 1 млрд долларға жеткізуді көздеп отыр. Бұл туралы «Қазақстан – БАӘ» бизнес-форумында Сауда және интеграция министрі Арман Шаққалиев айтты.

12 мамырда Абу-Даби тақ мұрагері шейх Халед бен Мұхаммед бен Заид Әл Нахаянның Қазақстанға ресми сапары аясында Астана халықаралық қаржы орталығында «Қазақстан – БАӘ» бизнес-форумы өтті.

Форумда цифрлық технологиялар, қаржы, урбанистика және «жасыл» экономика салаларындағы өзара ынтымақтастық мәселелері талқыланды. Kazatomprom, QazaqGaz, ERG, Presight AI Kazakhstan және БАӘ-нің алпауыт компаниялары – Masdar мен AMEA Power өз жобаларын таныстырды.

Арабтың G42 тобына кіретін Presight AI Kazakhstan компаниясы жасанды интеллект және цифрлық талдау саласындағы озық шешімдермен айналысады...

Келесі жылдан бастап білім беру, денсаулық сақтау және қаржы салаларындағы квазимемлекеттік ұйымдарды қаржыландыру ережесі қатаңдайды. Бұл жайлы Жоғары аудиторлық палата (ЖАП) баспасөз қызметінен хабарлады.

Мекеме өкілдерінің түсіндіруінше, республикалық бюджеттің шоғырланған қаржылық есебіне аудит жүргізіп, осындай шешімге келген. Бұған дейін мемлекеттік емес ұйымдар мақсатты салымдар мен аударымдар арқылы қаржыландырылатын. Бірақ аудиторлар бұл тиімсіз деп есептейді. Ол механизмдер мемлекеттік активтердің өсуіне ықпал етпейді, бюджет қаржысының жұмсалуы ашық емес.

«Назарбаев Университеті» мен «Назарбаев Зияткерлік мектептері» сияқты автономды білім беру ұйымдары, Әлеуметтік медициналық сақтандыру қоры, «Астана» халықаралық қаржы орталығы және басқа да ұйымдар дәл осы механизм арқылы қаржыландырып келген еді.

Осыған байланысты жаңа Бюджет...

Түркия Азаматтық авиациясының Бас басқармасы (SHGM) ұшақ толық тоқтамай, «Белдікті тағу» белгісі өшпей тұрып орнынан тұратын жолаушыларды бұзақылармен теңестіріліп, оларға айыппұл салатын ереже қабылдады.

Ережеге сай, бортсеріктердің нұсқауын елемеу және экипаждың рұқсатынсыз жүк сөрелерін ашу да ережені бұзу ретінде қарастырылады.

Айыппұл мөлшері әзірге нақтыланбағанымен, Turkish Airlines заңнамаға сәйкес шаралар қолданылатынын атап өтті.

Әуекомпанияның ішкі бұйрығына сәйкес, ұшақ жерге қонғаннан кейін стюардтар қосымша хабарландыру жасайды. Экипаж жолаушыларға ережелерді жұмсақ, бірақ талап қоя отырып еске салып, тәртіп бұзылған жағдайда оқиғаларды тіркеп, кейінгі тергеу үшін сақтайды.

Turkish Airlines өкілінің айтуынша, бастама ұшақ ішіндегі тәртіпті сақтаудан бөлек, жарақат алу жағдайларын азайтуға бағытталған.

Ауруханада жатқан Руслан Берденов аяғына мініп, ауруханадан шықты. Бұл туралы өзінің инстаграм парақшасына жариялаған.

«Міне, 3 аптаға созылған ауруханадағы күндерім аяқталып, өзім де аяқтан тұрып, күнделікті тіршілігіме оралатын сәт таяп қалды. Әлбетте, бірінші Алланың, содан соң дәрігерлеріміздің жіті бақылауының, ем-домының арқасында денсаулығым оңалды, қалпына келді. Баршаңыздың қолдауларыңыз бен жанашырлықтарыңызға шексіз алғысымды айтамын», – деп жазған ол парақшасында.

Жазбасында «оқыс оқиға өзіне де, отбасы мен жақындарына да ауыр тигенін» айтады.

Шымкент қаласы әкімдігі де Берденовтің жағдайына қатысты пікір білдірді. Әкімдік таратқан мәліметке сүйенсек, шенеунік оңалту шараларынан өтіп жатыр.

«Р. Берденовке...

Бұрынғы мәдениет және спорт вице-министрі Ерлан Қожағапанов ісіндегі екінші сотталушы Ләззат Көккөзова жарыссөз барысында әлі күнге дейін өзінің не себепті сотқа тартылғанын білмейтінін айтты, деп хабарлайды KursivMedia.

«Маған бүгін не болатынын, ертең немесе осы аптада не болатынын білмеймін. Мен осы күнге сот басталғаннан дайындалдым. Сот басталған сәттен өзіме тек бір сұрақ қойдым: «мен қалай сотталушылар қатарына қосылдым?». Жымқыру мен алаяқтыққа қатысты жанжалдың ортасына қалай тап болдым? Менің жиған-тергенім мен жетістігім өмірді сөзбен емес, іспен дәлелденген деп санайтынмын. Мен басшылыққа алатын ұстаным өте қарапайым, әрқашан бәріне қол жеткізу үшін күш-жігер мен қабілет қажет дегенге сендім. Адам үлкен мақсат...

«Солтүстік-Қазақстан электржелісін тарату компаниясы» АҚ темір жол магистралі желісі үшін электр энергиясының тарифін 8,435 теңгеден 12,465 теңгеге көбейтуді жоспарлап отыр. Компанияның түпкілікті иесі кәсіпкер Александр Клебанов пен Сергей Кан.

Тариф неге көтерілді?

Компания жариялаған құжатқа сүйенсек, тарифті көтеруге – шығынның артуы себеп болған. Қызмет көрсетуге кеткен шығындар 8,445 млрд теңгеден 9,5 млрд теңгеге өскен. Нақты атап өтер болсақ, материалдық шығындар 3,348 млрд теңгеге (бұрын 2,443 млрд теңге), ал энергияға кеткен шығын 3,2 млрд теңгеге (2,3 млрд теңгеге бұрын) өскен. Ал еңбекақы қорының шығыны керісінше 2,8 млрд теңгеге дейін қысқарды (бұрын 3,4 млрд теңге).

Тарифтің көтерілуіне байланысты қоғамдық тыңдалым...

АҚШ елшілігі өзінің иелігіндегі қолданыста болған мүліктерін сату мақсатында онлайн аукцион жариялады. Онлайн сауда 2025 жылдың 19 мамырында сағат 09:00-де басталып, 23 мамыр күні сағат 17:00-де аяқталады. Аукцион АҚШ үкіметінің (USG) арнайы платформасы – online-auction.state.gov сайты арқылы өтеді.

Сатылымға кеңсе жиһаздары, контейнер, компьютерлер сонымен қоса Mitsubishi маркалы екі автокөлік қойылды. Бұл аукционға 18 жастан асқан кез келген адам қатыса алады.

Қатысу ережесі:

Алдымен online-auction.state.gov сайтына кіріп, жеке кабинет тіркеу қажет. «Астана, KZ» бөлімін таңдау арқылы ұсынылған лоттармен танысуға және баға ұсынуға болады. Барлық тауарлар «қолданылған күйде» сатылады, қайтару немесе кепілдік қарастырылмаған. Сауда процесі туралы толық ақпарат әр лоттың астында...

Іш май, құрсақ қуысындағы органдар арасындағы жиналатын висцеральды май өте қауіпті. Эндокринологтар осылай дабыл қағып отыр.

Еуропалық медициналық орталық дәрігері Камиля Табееваның пікірінше, бұл адам өміріне тікелей қауіп төндіреді.

Қант диабетінің нышаны

Lenta.ru ақпаратына қарағанда, майдың ағзада шамадан тыс артуы созылмалы ауруға айналып, дертті одан әрі қоздыра түседі. Сонымен қатар жасушалардың инсулинге деген сезімталдығын бұзады.

Эндокринологтың сөзіне қарағанда, бұл екінші дәрежедегі қант диабетінің дамуына әкеліп соғады. Мұнымен бірге, жүрек, инсульт, қатерлі ісік дертінің пайда болу қаупін күшейтеді.

Қауіпті меже қандай?

Дәрігердің кеңесінше, іш майдың бар екенін белдің көлеміне қарап білуге болады. Әйелдердің белі 80 см болуы шарт. Ал...

Қазақстанның Даму Банкі мен «Taiqonyr Qyshqyl Zauyty» компаниясы Түркістан облысы, Тайқоңыр ауылында күкірт қышқылын өндіретін зауыт құрылысын қаржыландыруға қатысты келісімге келді. Жобаның жалпы құны — 113 млрд теңге.

Жылына 800 мың тонна өнім шығаратын бұл кәсіпорын уран өндірісінде қолданылатын негізгі реагент — күкірт қышқылын отандық деңгейде шығаруды көздейді. Жоба жүзеге асса, Қазақстан сырттан әкелінетін қышқылға тәуелділіктен арылып, логистикалық шығындарды азайтады. Өнімнің негізгі тұтынушысы — еліміздің ұлттық компаниясы «Қазатомөнеркәсіп».

Шикізат уран кәсіпорындарына 2027 жылдан бастап 17 жыл бойы жеткізіліп отырады.

Жобаның технологиялық серіктесі — италиялық Ballestra компаниясы. Ол зауытқа қажетті құрал-жабдықтар мен толық өндірістік шешім ұсынбақ.

Зауыттың құрылысы 2027 жылды...

13 мамыр күні Samsung компаниясы Galaxy S25 Edge жаңа смартфонын таныстырады.

Samsung Galaxy S25 Edge – жұқа дизайнымен ерекшеленеді. Қалыңдығы небәрі 5,85 мм болатын смартфон 6,7 дюймдік дисплеймен жабдықталған. Samsung бұл модель «камера жағынан бұрын-соңды болмаған сапа ұсынады» деп отыр.

Жаңа құрылғыда Qualcomm Snapdragon 8 Elite чипі, 12 ГБ жедел жад, және 256 не 512 ГБ ішкі жад қарастырылған.

Сондай-ақ құрылғы жасанды интеллект негізінде жұмыс істейтін бірқатар смарт-функциялармен жабдықталады. Galaxy S25 Edge – жұқа дизайн, озық камера және AI мүмкіндіктерін біріктірген болашақтың құрылғысы болмақ.

Айта кетейік, бұған дейін Samsung компаниясы жаңа Galaxy S25, S25+ және S25 Ultra...

Су шаруашылығы саласын жемқорлық, әрекетсіздік, су ресурстарын заңсыз беру мәселелері жайлаған. Мұндай мәлімдемені үкімет сағатында депутат Бақытжан Базарбек жасады.

Оның айтуынша, «Жер Аманаты» жер комиссиясының жұмысы барысында Алматы облысында бір олигархтың қолына төрт ірі су қоймасы өтіп кеткені анықталған.

«Депутаттық сауал негізінде Балқаш-Алакөл бассейн инспекциясы тексеру жүргізіп, заңбұзушылықтар анықтады. Соның негізінде Алматы облысы Ауыл шаруашылығы басқармасына ұйғарым хат жолдады. Ал Алматы облысы Ауыл шаруашылығы басқармасы әрекетсіз отыр. Олар сотқа жүгініп, су қоймасын мемлекетке қайтаруды ойламайды да. Осындай жерлерде жемқорлық тәуекелдері жатыр» – дейді депутат.

Оның сөзінше, мұндай фактілер, елдің өзге өңірлерінде де көп...

Атырау облысында мемлекет тапсырмасын орындайтын жиырма шақты жекеменшік мектепке 2025 жылғы ақпан, наурыз және сәуір айларының ақысы әлі аударылмады. Өңірдегі ұстаздар да үш айдан бері жалақы алмай отыр.

Әкімге хат

Қазақстанда үкімет тапсырысын орындап отырған жекеменшік мектептер қаржы тапшылығына тап болғанын Kursiv.Media өткен айда көтерді. Мәселе билікке жетіп, екі күннің ішінде барлық дерлік өңір берешекті өтеді. Алайда Атырау облысы әлі күнге дейін үш айдың ақшасын төлеген жоқ.

Соған байланысты Жекеменшік білім беру ұйымдарының республикалық қауымдастығы Атырау облысының әкімі Серік Шапкеновке хат жолдады. Онда өңірдегі жиырмадан аса жекеменшік мектеп үш айдан бері бір тиын алмағаны айтылған.

Қазақстан Президенті Қасым-Жомарт Тоқаев Абу Дабидің Тақ мұрагері шейх Халед бен Мұхаммед Әл Нахаянмен келіссөз жүргізді. Бұл туралы Ақорда баспасөз хабарлады.

Президент Әмірліктерді еліміздің маңызды серіктестерінің бірі ретінде атап өтті. 2023 жылы Қазақстан мен БАӘ үкіметтері стратегиялық инвестициялық жобаларды іске асыру туралы бірлескен декларацияға қол қойған болатын.

Келіссөз барысында БАӘ Қазақстан экономикасына ең көп қаржы құятын он шетелдік инвестордың қатарына кіретіні айтылды. 2023 жылы Әмірліктердің елімізге құйған инвестиция көлемі екі есе өсіп, рекордтық деңгейге жеткен.

Президент жалпы құны 5 млрд долларды құрайтын 20-дан астам коммерциялық келісімге қол қойылатынын құптады.

Шейх Халед бен Мұхаммед Әл Нахаян көрсетілген қонақжайлық үшін...

Түркиядағы күрділердің лаңкестік ұйымы тарап кетті. Күрдістан жұмысшы партиясы өз-өзін тарату туралы шешімін жария етті.

Rudaw агенттігі хабарлауынша, бұл партия Түркиямен қарулы күресті тоқтатып, тарқау туралы шешім қабылдаған. «Күрдістан жұмысшы партиясы» (КЖП) ресми түрде осындай мәлімдеме жасады.

Жиынға 232 делегат қатысты

 «Біз халқымыздың бұл шешімді – КЖП-ны тарату мен қарулы күресті доғаруды – дұрыс түсініп, демократиялық қоғам құру жауапкершілігін өз мойнына алатынына кәміл сенеміз», – делінген мәлімдемеде.

КЖП-ның бұл шешімі 5–7 мамыр күндері өткен съезден кейін қабылданыпты. Қауіпсіздік мақсатында екі жерде қатар ұйымдастырылған жиынға 232 делегат қатысты.

Марксизм-ленинизм идеологиясын ұстанды...

2025 жылғы сәуір айында Қазақстанның биржадан тыс валюта нарығында белсенділік артты. АҚШ доллары мен ресей рублі бойынша мәмілелер көлемі наурызбен салыстырғанда едәуір өссе, ал теңге негізгі валюталарға қатысты біршама әлсіреген. Бұл туралы Ұлттық банктің биржадан тыс операцияларға қатысты статистикасында жазылған.

АҚШ долларына сұраныс артты, теңге бағамы әлсіреді

Сәуір айында банктердің валюта сату-сатып алу операциялары 28%-ға өсті. Егер наурызда банктер мен қаржы ұйымдары 7,1 млрд доллар сатып алса, сәуірде бұл көрсеткіш 9,1 млрд долларға жетті. Сатылған доллар көлемі де 10,4 млрд долларға дейін өсті (наурызда – 7,5 млрд). Соның ішінде резидент емес банктер 7,9 млрд доллар сатты...

Бұрынғы мәдениет және спорт вице-министрі Ерлан Қожағапанов жарыссөз барысында жұмыс істеген 26 жылда қол астындағыларға заңсыз тапсырма бермегенін айтып өтті деп хабарлайды KursivMedia.

«Жұмыс істеген 26 жыл ішінде бірде-бір әділетсіз, жалған, арам, сыбайлас жемқорлыққа қатысты қандай да бір тапсырма берген емеспін. Дәл солай 26 жылда басшыларымнан да маған бірде-бір әділетсіз, сыбайлас жемқорлық нұсқауын алған жоқпын. Ондай болған жағдайда мен кетіп қалар едім, өмір ол жерде тоқтап қалмайды. Мен аса құрметпен қарайтын әкеме бәзбіреулердің ұлының қандай да бір жерде шалыс басқаны туралы айтқанын қаламаймын. Қазірге дейін бірге жұмыс істеген адамдардың көзіне тік қарай аламын. Сөзім мен әрекетім үшін...

Мәжіліс депутаты Ұлықбек Тұмашинов Су және Сыртқы істер министрлігін Қытаймен трансшекаралық өзендер мәселесі бойынша қандай да бір келісім жасалмағыны үшін сынға алды.

Оның айтуынша, үкімет ҚХР-мен су мәселесінде өзінің талаптарын батыл жеткізіп, келісім жасауы керек.

«Бізде ҚХР-мен осы күнге дейін өзендер жайлы мемлекетаралық конвенция жоқ. Басқа мемлекеттермен бар да, Қытаймен жоқ. Оны айтып отырғаным, ҚХР өте үлкен қарқынмен дамып жатқан мемлекет. Шекараның арғы жағындағы Қара Ертістен қара майға, өндіріс орындарына бірнеше канал тартып жатыр. Шекараның арғы бетінде бірнеше су қоймамалары бар. Былтыр біреуі жарылып, суы бізге келді. Бірақ бізде әлі күнге дейін нақты меморандум...