Жаңалықтар

9 мамыр – Жеңіс күні – бүкіл әлем үшін айтулы дата. Екінші дүние жүзілік соғыс адамзат тарихындағы ең қасіретті зобалаң ретінде қалып отыр.

Бұл соғысқа 61 мемлекет қатысты. Бұл – әлем халқының 80%-ы. Соғыс өрті 40 мемлекеттің жерін шарпып өтті. Жүз он миллион адам әскер қатарына алынған. 60 миллионнан аса адам опат болды.

Неге әр елде әр күні тойланады?

Батыс елдері үшін жеңіс күні – 8 мамыр. Ал ТМД елдері 9 мамырда тойлайды. Бұған  уақыт айырмашылығы себеп болған.

Гитлерлік Германия тізе бүгу актісіне қол қойған сәт – Орталық Еуропа уақытымен 8 мамырда түнгі он жарым кезі еді. Бұл...

Қазақстандық әнші Димаш Құдайберген «Тау ішінде» аталатын жаңа бейнебаянының шығуына орай челлендж бастады. Бұл туралы әнші әлеуметтік желідегі парақшасында жазды.

Әншінің сөзінше, жаңа бейнебаян 2025 жылдың 15 мамыры Астана уақыты бойынша сағат 20:00-де YouTube платформасындағы каналында шығады.

«Премьера құрметіне – челлендж. Осы трекке арналған және ең көп қаралым жинаған қызықты видеоны үлкен сыйлық күтіп тұр!», – деп жазды Құдайберген.

Челлендж шарттары мынадай:

Видеоның ұзақтығы 30 секундқа дейін болуы керек.

TikTok немесе Instagram желісіне жүктелуге тиіс.

Міндетті түрде #TauIshindeChallenge хэштегін қою қажет.

Күйші, сазгер, дирижер – қазақ руханиятының асқақ тұлғасы Нұрғиса Тілендиевтің Ұлы отан соғысына қатысып, Берлинге дейін жеткенін бірі білсе, бірі білмес. Тіпті оның туған жері жайлы деректің өзі екіұдай. Ресми мәліметтерде композитордың 1925 жылы Алматы облысы, Іле ауданы, Шилікемер ауылында дүниеге келгені жазылады. Алайда кейбір жерлестері оның туған жері Іле ауданының Жамбыл ауылы (бұрынғы Комсомол ауылы) деп санайды. Бұл ауылдар бір-біріне жақын, арада бірер көш жер, бірақ ел аузындағы әңгіме мен ресми құжат бір жерден шыға бермейді.

Сазгердің ресми туған күні де — 1 сәуір. Бірақ бұл күн де нақ шындыққа жанаса бермейді. Бір сұхбатында Тілендиев өзі:

Геосаяси жағдай шиеленісіп жатқан аймақтың бірі – Үндістанда қалып қойған Қазақстан азаматтарын елге ұқайтаруға Air Astana компаниясы жауапты. Бұл туралы Сенат кулуарында Сыртқы істер министрінің бірінші орынбасары Ақан Рахметуллин айтты.

Журналистер Үндістанда қалып қойған қазақстандықтардың елге қайта алмай жатқаны туралы айтып, оларды елге қайтару мәселесімен кім айналысатынын сұрады.

Министрлік өкілі Үндістан әуе кеңістігі ашық екенін айтып, жауапкершілікті жолаушыларды сол елге апарған компанияға артты.

«Бұл саяси мәселе емес. Бұл Air Astana компаниясымен байланысты экономикалық мәселе. Себебі Үндістан өзінің әуе кеңістігін жапқан жоқ. Пәкістан Үндістан ұшақтары үшін әуе кеңістігін жауып тастады. сондықтан бұл жерде Air Astana...

Осы жылы елдегі кәсіпкерлікті қолдау, негізгі ұлттық және инвестициялық жобаларды іске асыру үшін «Бәйтерек» холдингі 8 трлн теңге бөледі. Қаржы бөлінген жобалар жүзеге асса, еліміздің ЖІӨ-сі қосымша 1,3%-ға өседі деп сендіреді Ұлттық экономика министрлігі.

Осыған дейін Үкімет «Бәйтерек» холдингінің капиталын 1 трлн теңгеге дейін ұлғайту туралы шешім қабылдаған.

«Бұл холдингке кәсіпкерлікті қолдауға, тұрғын үй құрылысын дамытуға және негізгі ұлттық және инвестициялық жобаларды іске асыруға шамамен 8 трлн теңге бөлуге мүмкіндік береді», – деп түсіндірді мұны ұлттық экономика министрлігі.

Капиталды ұлғайту – компанияның нарықтық құнын арттыру, оның акцияларының бағасын көтеру немесе қосымша инвестициялар тарту...

Мемлекет басшысы Қасым-Жомарт Тоқаев Жеңістің 80 жылдығына орай елордадағы «Отан Ана» монументіне гүл шоғын қойып, қазақстандық майдангерлердің рухына тағзым етті. Бұл жайында Ақорда мәлім етті.

Президенттік оркестр Мемлекеттік әнұранды орындап, Құрмет қарауылының ротасы іс-шараға қатысушылар алдынан сап түзеп өтті.

Айта кетейік, 7 мамырда елордадағы «Қазақ Елі» алаңында Мемлекет басшысы — Қазақстан Қарулы Күштерінің Жоғарғы Бас қолбасшысы Қасым-Жомарт Тоқаевтың қатысуымен Ұлы Жеңістің 80 жылдығына арналған әскери парад өтті. Парадқа соғыс ардагерлері, тыл еңбеккерлері, сондай-ақ елімізге мемлекеттік сапармен келген Вьетнам Коммунистік партиясы Орталық комитетінің Бас хатшысы То Лам қатысты, Одан бөлек, Мұхтар Алтынбаев, Сәт Тоқпақбаев, Бақытжан Ертаев, қазақстандық ғарышкерлер Тоқтар Әубәкіров, Талғат Мұсабаев және Айдын Айымбетов құрметті қонақ болды. 

Алматыда 9 мамырда 28 гвардияшы-панфиловшылар саябағы аумағында көлік қозғалысы уақытша шектеледі. Саябақ аумағында гүл шоқтарын қою салтанаты өтеді. Бұл туралы қала әкімдігі хабарлады.

Өзгеріске сәйкес, сағат 07:00-ден 12:00-ге дейін Қонаев – Жібек жолы – Қазыбек би – Бәрібаев көшелері аумағында көлік қозғалысы тоқтатылады. Бұл аумақта автотұрақ та уақытша жабылады.

Сондай-ақ осы уақыт аралығында Гоголь көшесі Орталық мәдениет және демалыс саябағынан Қонаев көшесіне дейін қозғалыс толық жабылады. Соған байланысты әкімдік тұрғындардан осы уақытта көліктерді бұл көше бойында қалдырмауды сұрады.

Қала басшылығы тұрғындарды 28 гвардияшы-панфиловшылар саябағынан біржақты тегін тасымалдайтын көліктер қосқан. Олар:

– Достық даңғылы (Төле би және Қазыбек би көшелерін...

Астанада «Шапағат» базары өртеніп жатыр. Бұл туралы әлеуметтік желілер хабарлап жатыр.

Әлеуметтік желілерде оң жағалаудағы базар маңынан қою қара түтін шығып жатқаны туралы видео тарай бастады. Видео астындағы сипаттамада «Шапағат» базары өртеніп жатқаны айтылады. Сонымен бірге оқиға орнында өрт сөндірушілердің отпен күресіп жатқаны туралы ақпарат бар.

Ал Төтенше жағдайлар министрлігінің ресми арнасында нақты қандай нысанның өртеніп жатқану туралы ақпарат жоқ. Сарыарқа ауданында өрт шыққаны ғана айтылады.

«Осы сәтте елордалық өрт сөндірушілер Сарыарқа ауданындағы бутиктағы өртті сөндіруде. Оқиға орнында күштер мен құралдар жоғары дәрежеде жұмыс істеуде. Оқиғаның мән-жайы анықталуда», – делінген ТЖМ хабарламасында.

Назарбаев Зияткерлік мектептеріндегі (НЗМ) президенттік гранттар азайтылды. Тиісті бұйрыққа ҚР Оқу-ағарту министрі Ғани Бейсембаев қол қойды.

ҚР Президентінің «Өркен» білім беру гранты 2009 жылы, алғашқы НЗМ мектептерімен қатар енгізілген болатын. Бұл грант оқу жылына арналған шығындарды өтейді. Оқушылар білім алумен қатар, жатақханада тұрып, тегін тамақтана алады.

Бұрынғы бұйрыққа сәйкес грант мөлшері мынадай болды:

Енді жаңа бұйрықпен бұл сома төмендетілді:

2023 жылы бұйрыққа енгізілген өзгерістерге сәйкес, грант мөлшері жыл сайын индекстелуге тиіс.

НЗМ деректеріне сүйенсек, биылғы оқу жылында елдегі барлы...

Астананың қылмыстық істер жөніндегі ауданаралық сотында бұрынғы мәдениет және спорт вице-министрі Ерлан Қожағапановтың ісі қаралып жатыр. Қылмыстық іс бойынша жарыссөз 2025 жылдың 12 мамырында жалғасатын болды, деп хабарлайды KursivMedia.

Алайда бүгінге жоспарланған сот отырысының не себепті кейінге қалғаны айтылмады.

Ерлан Қожағапанов «SUCCESS K» стратегиялық коммуникациялар агенттігінің бас директоры Ләззат Көккөзовамен бірге 2018 жылы Петропавлда Қазақстан мен Ресейдің 15-ші өңіраралық ынтымақтастық форумы көрмесін ұйымдастыру кезінде 1 млрд теңгені жымқырды деп айыпталған.

7 жылға соттауды сұрады

Бұған дейінгі сот отырысында іс бойынша мемлекеттік айыптаушы Ерлан  Қожағапановты Қылмыстық кодекстің 361-бабы 4-бөлігі 3-тармағы бойынша кінәлі деп тауып, 7 жылға бас бостандығынан айыруды сұрады. Бұл бапта...

Алматыда 5,6 млрд теңгеге 4 субұрқақ жөндеуден өтеді. Бұл туралы Алматы әкімдігінің баспасөз қызметі хабарлады.

«Ағымдағы жылдың 15 сәуірінде 5,6 млрд теңге сомасына 4 субұрқақты кешенді жаңғыртуға шарт жасалды», – делінген баспасөз хабарламасында.

Бұл қаражатқа 15 жылдан бері жөндеуден өтпеген қаланың төрт нүктесінде орналасқан субұрқақ жаңғыртылады. Атап айтқанда әкімдік ғимаратының Шығыс және Батыс жағындағы, Республика алаңындағы, сондай-ақ Ғ. Мүсірепов театры жанындағы субұрқақтар күрделі жөндеуден өтеді.

Күрделі жаңғырту жұмыстары жүргізілетінін Алматы әкімі Ерболат Досаевтың 2025 жылғы 1-30 сәуір аралығындағы ҚР Президенті Қасым-Жомарт Тоқаевтың тапсырмаларын орындау жөніндегі есебінде айтылған.

Сайран көлін абаттандыру...

Қазақстанда интернет-алаяқтықпен күресу үшін SIM-карталарды сату тәртібі өзгереді. Енді оларды тек ұялы байланыс операторлары ғана сата алады. Бұл туралы Цифрлық даму, инновациялар және аэроғарыш өнеркәсібі министрлігі тиісті бұйрық дайындады. Бұйрық

Соңғы уақытта соңғы пайдаланушыны сәйкестендірмей тіркелген SIM-карталар арқылы жасалатын интернет-алаяқтық көбейіп кетті. Мұндай карталар көбіне дистрибьюторлар мен дилерлер арқылы сатылып келген. Алаяқтар бұл нөмірлерді түрлі айламен пайдаланып, ауыстырылатын немесе шетелдік нөмірлермен бірге қолданады. Мұндай тәсілдер тергеуді қиындатып, қылмыскерлердің жазадан сытылып кетуіне жол ашады. Құжат 23 мамырға дейін ашық талқыда болады.

Жаңа ереже енгізілгеннен кейін, SIM-карталарды тек мобильді операторлар сатады. Бұл шара SIM-карталардың тіркелуін нақты бақылауға, жеке тұлғаларды сәйкестендірусіз сату...

Биыл Ұлы Жеңіске 80 жыл толады. Осы орайда Қазақстанның ірі қалаларында көптеген іс-шаралар ұйымдастырылады. Соларға шолу жасап көрген едік.

Алматыда дрондар шоуы өтеді

9 мамыр күні сағат 21:00-де Алматыдағы Абай алаңында Ұлы Отан соғысындағы Жеңістің 80 жылдығына арналған ерекше дрондар шоуы өтеді. Іс-шара барысында аспанда 500-ден астам дрон қатысатын жарық шоу ұсынылады.

«Көрсетілім барысында соғыс жылдарында Қазақстанның хас батырлары — Мәншүк Мәметова, Әлия Молдағұлова және Бауыржан Момышұлы бейнесі жарық анимация арқылы жанданбақ. Олардың ерлігін сипаттайтын көріністер символикалық түрде бейнеленеді», – деп хабарлады Алматы әкімдігі.

Көрермендерге арналған арнайы алаңдар Абай алаңында, «Қазақстан» қонақүйінің жанында...

АҚШ-тың Федералды соты Pegasus атты тыңшылық бағдарламаны дайындаған израильдік компанияға айыппұл салды. NSO Group енді WhatsApp мессенджеріне және оның аналық компаниясы Meta-ға 170 млн доллар төлеуі қажет. Politico жазуынша, бұл NSO Group жүйесі арқылы 1400 WhatsApp аккаунтының бұзылғаны үшін берілген өтемақы.

«WhatsApp ісі бойынша шығарылған үкім – құпиялық пен қауіпсіздік саласындағы маңызды алға басу. Бұл – әр адамның қауіпсіздігі мен құпиялығына қатер төндіретін заңсыз тыңшылық бағдарламалардың жасалуы мен қолданылуына қарсы алғашқы жеңіс», – деп жазылған Meta компаниясының сайтындағы мәлімдемеде.

Еске салайық, 2019 жылы 1400-ге жуық қолданушының аккаунттарына өзге біреулер бұзып кірген еді. Олардың басым көпшіліг...

Пәкістан азаматтық авиация үшін әуе кеңістігін ашқанын хабарлады. Бұл туралы елдің бұқаралық ақпарат құралдары хабарлады.

Samaa.tv басылымының хабарлауынша, Пәкістанның әуежайлар басқармасы (PAA) елдегі барлық әуежай толықтай жұмыс істейтінін және елдің әуе кеңістігі азаматтық авиация қызметі үшін қауіпсіз екенін мәлімдеген.

Басқарманың мәліметінше елдің әуежайлары ішкі рейстер мен халықаралық рейстерді қабылдап жатыр және әуе тасымалына ештеңе кедергі келтірмейді. Бұл мәліметті халықаралық Сиалкот әуежайы да растаған.

«Сиалкот әуе қатынасы қалпына келтірілді және барлық халықаралық рейстер кесте бойынша орындалады», – деп хабарлаған әуежай әкімшілігі.

Десе де, жолаушыларға саяхатқа шықпас бұрын әуе компаниясына хабарласып, рейстер кестесін нақтылау...

Disney Таяу Шығыста алғашқы тақырыптық саябағын салады. Жаңа нысан БАӘ астанасы Абу-Дабиде орналасады деп хабарлады компанияның баспасөз қызметі.

Жаңа «Диснейленд» Яс атты жасанды аралда салынады. Саябақты жоспарлауға екі жыл, ал құрылысына алты жыл кетеді деп көзделіп отыр. Бұдан өзге басқа деректер жарияланған жоқ.

«Абу-Дабидегі «Диснейленд» нағыз диснейлік болады, әрі Әмірліктерге тән ерекшелікті де сақтайды. Бұл әлемнің түйіскен тұсындағы керемет Disney ойын-сауық оазисі болады», – деді The Walt Disney Company бас директоры Роберт Айгер.

Компания үшін БАӘ-нің географиялық және логистикалық тұрғыдан да тиімді болып тұр. Абу-Дабиде әлемдегі ең ірі авиациялық хабтардың бірі орналасқан. Жер...

Air Astana әуе компаниясы Үндістан мен Пәкістан арасындағы әуе қақтығыстарына байланысты Алматыдан Дели мен Мумбайға бағытталған рейстерді тоқтатты деп хабарлайды Kursiv.Media.

«Үндістан мен Пәкістан арасындағы әуе кеңістігінің жабылуына байланысты Air Astana әуе компаниясы 8 мамырдағы Алматы – Дели – Алматы бағыты бойынша KC 907/908 рейстерін және Алматы – Мумбай – Алматы бағыты бойынша KC 291/292 рейстерін тоқтатуға мәжбүр», – делінген Air Astana хабарламасында.

Компания аталмыш рейтерге билет сатып алып қойған жолаушылардың ақшасын толық қайтарады. Бұдан бөлек, компания Қазақстан азаматтарымен қатар, билет сатып алған өзге жолаушыларды елге қайтару мүмкіндігін қарастырып жатыр.

Айта кетейік, 2025 жылды...

Балаңыз табысты, еркін, ашық, ақшаны қалай ұстау керегін білетін адам болып өскенін қалайсыз ба? Онда бұл жолда сізге еңбек ету керек. Өйткені ол үшін қатқан жүйе қалыптастырмаса болмайды. Балаларға қаржы сауатын үйрету — кейін міндетті түрде ақталатын инвестиция. Әрі ең қызығы ақша туралы түсінікті кішкентай кезінен қалыптастыру қажет. Бүгінгі материалымызда баланың қаржылай сауатты болып өсуіне әсер ететін негізгі қағидалар, әдістемелер мен құралдарды айтамыз. 

Қаржы сауаты: балаға неше жасынан бастап үйретеміз?

Ата-аналар көбіне балаларға ақша туралы айтуға асықпайды. Дүниеқоңыз болып өседі деп қорқатындары да бар. Ал негізінде неғұрлым ерте бастасаңыз, өзіңізге соғұрлым жақсы. Мысалы, қазір балаңыз 3-4 жасар болса...

Алматыда 9 мамыр сағат 21:00-де Абай алаңында жарық шоуы өтеді. Оған 500-ден астам дрон қолданылады.

Көрсетілімнің басты ерекшелігі – соғыс жылдарында Қазақстанды даңққа бөлеген батырлардың бейнесі көрсетіледі. Алматы аспанында аты аңызға айналған қаһарман қыздар Мәншүк Мәметова мен Әлия Молдағұлова, сондай-ақ Бауыржан Момышұлының бейнесі көрсетіледі. Заманауи технологиялар мен жарық анимациясының көмегімен олардың ерлігі мен рухын жеткізетін көріністер таныстырылады.

Дрон-шоу барысында еске алудың белгісі ретінде тырналар да көрсетіледі. Ал шоудың соңында қазақтың ою-өрнегі аясында «Жеңіс күні құтты болсын!» деген жазу пайда болады.

Ұйымдастырушылар дрон-шоуды тамашалауға бірнеше ыңғайлы алаң дайындаған. Олар: Абай алаңы, «Қазақстан» қонақ үйінің маңы, Caspian University жанындағы орын және Абай...

Біз кейде өзімізге аса керек болмаса да, қаптатып зат ала беруге құмар болып кетеміз. Онсыз да өмір сүре беруге болады десек те, ақшамызды құртатын қандай жасырын механизмдер бар? Бүгінгі материалымызда осының себептеріне тоқталамыз. Оның ішінде жарнама мен әлеуметтік желінің ықпалынан бастап, көзге көрінбейтін триггерлерді де талдаймыз. Импульспен алып тастайтын кездерге тоқталып, дұрыс қаржылық әдет қалыптастыруға да үйрететін кеңестер айтамыз. 

Біз зат емес, эмоция сатып аламыз

Ойланып көріңізші, бұл сөздің жаны бар, солай емес пе? Мысалы үйде жейтін тамақ бар. Бірақ сонда да кафеге барып ішкіміз келеді. Ондағысы біз сол жердегі атмосфераны сатып алатынымызға байланысты. Киім алсақ та, «тоңбасам...

Мемлекет басшысы Қасым-Жомарт Тоқаев Фридрих Мерцті Германияның Федералдық канцлері болып сайлануымен құттықтады. Бұл туралы Ақорда хабарлады.

Президент құттықтау жеделхатында екі ел арасындағы стратегиялық серіктестіктің ауқымы кеңейіп келе жатқанын ризашылықпен атап өтіп, қазақ-герман ынтымақтастығының жоғары қарқынын сақтау үшін бірлесіп жұмыс істеуге дайын екенін растады.

Айта кетейік, бұған дейін неміс парламенті – Бундестаг екінші қайтара дауыс беру арқылы Фридрих Мерцті Германия канцлері қызметіне сайлады. Мерц алғашқы дауыс беру кезінде сәтсіздікке ұшыраған.

Бундестагтағы 325 депутат Мерцті қолдап дауыс берді. Саясаткердің канцлер атануына 316 дауыс қажет еді. 289 депутат оған қарсы дауыс берді.

Рим-католик шіркеуінің кардиналдары Жаңа Рим папасын сайлауға кірісті. Әуелі кардиналдар Әулие Петрдегі мессада дұға етті. Орта ғасырлардан бастау алған рәсімге сәйкес, қоғамдық мессадан кейін олар Ватикандағы Сикстин капелласына жиналады.

Ол жердегі конклавта 21 сәуірде қайтыс болған Рим папасы Францисктің орнына кім келетіні шешіледі.

Reuters-тің жазуынша, ғасырлар бойы конклавтың бірінші күнінде бір де бір Рим Папасы сайланбаған. Дауыс беру үміткерлердің бірі көпшілік дауысқа ие болғанға дейін бірнеше күнге созылуы мүмкін.

26 сәуірде діндарлар мен әлем көшбасшылары Рим Папасы Францискпен қоштасу рәсіміне қатысу үшін Ватиканға жиналды. Қоштасу рәсіміне АҚШ президенті Дональд Трамп пен жұбайы Мелания, Франция президенті Эммануэль Макрон, Украина президенті Владимир Зеленский, сондай-ақ Еуропа, Азия, Латын Америкасы...

Қазақстан президенті Қасым-Жомарт Тоқаев пен Вьетнам Коммунистік партиясы Орталық комитетінің Бас хатшысы То Лам елордадағы «Этноауыл» көрмесін аралады.

Ақорданың хабарлауынша, меймандар төл тарихымызды танытатын, соның ішінде ұлтымыздың киім үлгілері, қолөнері, әдет-ғұрпы мен саятшылық дәстүрі, музыкалық аспаптары, кескіндемесі және халық ойындары көрсетілген бірнеше тақырыптық аймақты тамашалады. Экспозицияның әр бөлігі дала өркениетінің ерекшеліктерін көрсетеді.

Сондай-ақ То Лам «Этноауылда» cәбидің тұсауын кесті.

Айта кетейік, Астанада өткен әскери парадқа мемлекеттік сапармен келген Вьетнам Коммунистік партиясы орталық комитетінің Бас хатшысы То Лам қатысты.

Бұған дейін Қасым-Жомарт Тоқаев Вьетнам Коммунистік партиясы Орталық комитетінің Бас хатшысы То Ламды І дәрежелі «Достық» орденімен марапаттады.

Президент екі елді талай жылдан...

2025 жылдың 7 мамырына қараған түні Пәкістан мен Үндістан арасындағы жағдай шиеленісті. Үндістан армиясы Пәкістандағы нысандарды, Кашмир мен Джаммудағы аудандарды атқылады. Содан кейін Пәкістан әуе кеңістігін 48 сағатқа жабуға шешім қабылдағаны айтылды. Соған қарамастан қазақстандық Air Astana әуе компаниясы Үндістанға баратын рейстерді кестеге сәйкес орындап жатыр, деп хабарлайды KursivMedia.

Оның ішінде Дели және Мумбай қалаларына баратын рейстер кестесіне өзгеріс енбеген.

«Air Astana Үндістанға (Дели және Мумбай қалаларына) рейстерді кестеге сәйкес орындауды жалғастырып жатыр. Әуе компаниясы аймақтағы жағдайды мұқият бақылап отыр және өзгерістер болған жағдайда хабарлайды», – деп мәлімдеді Air Astana.

Әуе компания қауіпсіздікт...