Жаңалықтар

Қазақстанда интернет-алаяқтықпен күресу үшін SIM-карталарды сату тәртібі өзгереді. Енді оларды тек ұялы байланыс операторлары ғана сата алады. Бұл туралы Цифрлық даму, инновациялар және аэроғарыш өнеркәсібі министрлігі тиісті бұйрық дайындады. Бұйрық

Соңғы уақытта соңғы пайдаланушыны сәйкестендірмей тіркелген SIM-карталар арқылы жасалатын интернет-алаяқтық көбейіп кетті. Мұндай карталар көбіне дистрибьюторлар мен дилерлер арқылы сатылып келген. Алаяқтар бұл нөмірлерді түрлі айламен пайдаланып, ауыстырылатын немесе шетелдік нөмірлермен бірге қолданады. Мұндай тәсілдер тергеуді қиындатып, қылмыскерлердің жазадан сытылып кетуіне жол ашады. Құжат 23 мамырға дейін ашық талқыда болады.

Жаңа ереже енгізілгеннен кейін, SIM-карталарды тек мобильді операторлар сатады. Бұл шара SIM-карталардың тіркелуін нақты бақылауға, жеке тұлғаларды сәйкестендірусіз сату...

Биыл Ұлы Жеңіске 80 жыл толады. Осы орайда Қазақстанның ірі қалаларында көптеген іс-шаралар ұйымдастырылады. Соларға шолу жасап көрген едік.

Алматыда дрондар шоуы өтеді

9 мамыр күні сағат 21:00-де Алматыдағы Абай алаңында Ұлы Отан соғысындағы Жеңістің 80 жылдығына арналған ерекше дрондар шоуы өтеді. Іс-шара барысында аспанда 500-ден астам дрон қатысатын жарық шоу ұсынылады.

«Көрсетілім барысында соғыс жылдарында Қазақстанның хас батырлары — Мәншүк Мәметова, Әлия Молдағұлова және Бауыржан Момышұлы бейнесі жарық анимация арқылы жанданбақ. Олардың ерлігін сипаттайтын көріністер символикалық түрде бейнеленеді», – деп хабарлады Алматы әкімдігі.

Көрермендерге арналған арнайы алаңдар Абай алаңында, «Қазақстан» қонақүйінің жанында...

АҚШ-тың Федералды соты Pegasus атты тыңшылық бағдарламаны дайындаған израильдік компанияға айыппұл салды. NSO Group енді WhatsApp мессенджеріне және оның аналық компаниясы Meta-ға 170 млн доллар төлеуі қажет. Politico жазуынша, бұл NSO Group жүйесі арқылы 1400 WhatsApp аккаунтының бұзылғаны үшін берілген өтемақы.

«WhatsApp ісі бойынша шығарылған үкім – құпиялық пен қауіпсіздік саласындағы маңызды алға басу. Бұл – әр адамның қауіпсіздігі мен құпиялығына қатер төндіретін заңсыз тыңшылық бағдарламалардың жасалуы мен қолданылуына қарсы алғашқы жеңіс», – деп жазылған Meta компаниясының сайтындағы мәлімдемеде.

Еске салайық, 2019 жылы 1400-ге жуық қолданушының аккаунттарына өзге біреулер бұзып кірген еді. Олардың басым көпшіліг...

Пәкістан азаматтық авиация үшін әуе кеңістігін ашқанын хабарлады. Бұл туралы елдің бұқаралық ақпарат құралдары хабарлады.

Samaa.tv басылымының хабарлауынша, Пәкістанның әуежайлар басқармасы (PAA) елдегі барлық әуежай толықтай жұмыс істейтінін және елдің әуе кеңістігі азаматтық авиация қызметі үшін қауіпсіз екенін мәлімдеген.

Басқарманың мәліметінше елдің әуежайлары ішкі рейстер мен халықаралық рейстерді қабылдап жатыр және әуе тасымалына ештеңе кедергі келтірмейді. Бұл мәліметті халықаралық Сиалкот әуежайы да растаған.

«Сиалкот әуе қатынасы қалпына келтірілді және барлық халықаралық рейстер кесте бойынша орындалады», – деп хабарлаған әуежай әкімшілігі.

Десе де, жолаушыларға саяхатқа шықпас бұрын әуе компаниясына хабарласып, рейстер кестесін нақтылау...

Disney Таяу Шығыста алғашқы тақырыптық саябағын салады. Жаңа нысан БАӘ астанасы Абу-Дабиде орналасады деп хабарлады компанияның баспасөз қызметі.

Жаңа «Диснейленд» Яс атты жасанды аралда салынады. Саябақты жоспарлауға екі жыл, ал құрылысына алты жыл кетеді деп көзделіп отыр. Бұдан өзге басқа деректер жарияланған жоқ.

«Абу-Дабидегі «Диснейленд» нағыз диснейлік болады, әрі Әмірліктерге тән ерекшелікті де сақтайды. Бұл әлемнің түйіскен тұсындағы керемет Disney ойын-сауық оазисі болады», – деді The Walt Disney Company бас директоры Роберт Айгер.

Компания үшін БАӘ-нің географиялық және логистикалық тұрғыдан да тиімді болып тұр. Абу-Дабиде әлемдегі ең ірі авиациялық хабтардың бірі орналасқан. Жер...

Air Astana әуе компаниясы Үндістан мен Пәкістан арасындағы әуе қақтығыстарына байланысты Алматыдан Дели мен Мумбайға бағытталған рейстерді тоқтатты деп хабарлайды Kursiv.Media.

«Үндістан мен Пәкістан арасындағы әуе кеңістігінің жабылуына байланысты Air Astana әуе компаниясы 8 мамырдағы Алматы – Дели – Алматы бағыты бойынша KC 907/908 рейстерін және Алматы – Мумбай – Алматы бағыты бойынша KC 291/292 рейстерін тоқтатуға мәжбүр», – делінген Air Astana хабарламасында.

Компания аталмыш рейтерге билет сатып алып қойған жолаушылардың ақшасын толық қайтарады. Бұдан бөлек, компания Қазақстан азаматтарымен қатар, билет сатып алған өзге жолаушыларды елге қайтару мүмкіндігін қарастырып жатыр.

Айта кетейік, 2025 жылды...

Балаңыз табысты, еркін, ашық, ақшаны қалай ұстау керегін білетін адам болып өскенін қалайсыз ба? Онда бұл жолда сізге еңбек ету керек. Өйткені ол үшін қатқан жүйе қалыптастырмаса болмайды. Балаларға қаржы сауатын үйрету — кейін міндетті түрде ақталатын инвестиция. Әрі ең қызығы ақша туралы түсінікті кішкентай кезінен қалыптастыру қажет. Бүгінгі материалымызда баланың қаржылай сауатты болып өсуіне әсер ететін негізгі қағидалар, әдістемелер мен құралдарды айтамыз. 

Қаржы сауаты: балаға неше жасынан бастап үйретеміз?

Ата-аналар көбіне балаларға ақша туралы айтуға асықпайды. Дүниеқоңыз болып өседі деп қорқатындары да бар. Ал негізінде неғұрлым ерте бастасаңыз, өзіңізге соғұрлым жақсы. Мысалы, қазір балаңыз 3-4 жасар болса...

Алматыда 9 мамыр сағат 21:00-де Абай алаңында жарық шоуы өтеді. Оған 500-ден астам дрон қолданылады.

Көрсетілімнің басты ерекшелігі – соғыс жылдарында Қазақстанды даңққа бөлеген батырлардың бейнесі көрсетіледі. Алматы аспанында аты аңызға айналған қаһарман қыздар Мәншүк Мәметова мен Әлия Молдағұлова, сондай-ақ Бауыржан Момышұлының бейнесі көрсетіледі. Заманауи технологиялар мен жарық анимациясының көмегімен олардың ерлігі мен рухын жеткізетін көріністер таныстырылады.

Дрон-шоу барысында еске алудың белгісі ретінде тырналар да көрсетіледі. Ал шоудың соңында қазақтың ою-өрнегі аясында «Жеңіс күні құтты болсын!» деген жазу пайда болады.

Ұйымдастырушылар дрон-шоуды тамашалауға бірнеше ыңғайлы алаң дайындаған. Олар: Абай алаңы, «Қазақстан» қонақ үйінің маңы, Caspian University жанындағы орын және Абай...

Біз кейде өзімізге аса керек болмаса да, қаптатып зат ала беруге құмар болып кетеміз. Онсыз да өмір сүре беруге болады десек те, ақшамызды құртатын қандай жасырын механизмдер бар? Бүгінгі материалымызда осының себептеріне тоқталамыз. Оның ішінде жарнама мен әлеуметтік желінің ықпалынан бастап, көзге көрінбейтін триггерлерді де талдаймыз. Импульспен алып тастайтын кездерге тоқталып, дұрыс қаржылық әдет қалыптастыруға да үйрететін кеңестер айтамыз. 

Біз зат емес, эмоция сатып аламыз

Ойланып көріңізші, бұл сөздің жаны бар, солай емес пе? Мысалы үйде жейтін тамақ бар. Бірақ сонда да кафеге барып ішкіміз келеді. Ондағысы біз сол жердегі атмосфераны сатып алатынымызға байланысты. Киім алсақ та, «тоңбасам...

Мемлекет басшысы Қасым-Жомарт Тоқаев Фридрих Мерцті Германияның Федералдық канцлері болып сайлануымен құттықтады. Бұл туралы Ақорда хабарлады.

Президент құттықтау жеделхатында екі ел арасындағы стратегиялық серіктестіктің ауқымы кеңейіп келе жатқанын ризашылықпен атап өтіп, қазақ-герман ынтымақтастығының жоғары қарқынын сақтау үшін бірлесіп жұмыс істеуге дайын екенін растады.

Айта кетейік, бұған дейін неміс парламенті – Бундестаг екінші қайтара дауыс беру арқылы Фридрих Мерцті Германия канцлері қызметіне сайлады. Мерц алғашқы дауыс беру кезінде сәтсіздікке ұшыраған.

Бундестагтағы 325 депутат Мерцті қолдап дауыс берді. Саясаткердің канцлер атануына 316 дауыс қажет еді. 289 депутат оған қарсы дауыс берді.

Рим-католик шіркеуінің кардиналдары Жаңа Рим папасын сайлауға кірісті. Әуелі кардиналдар Әулие Петрдегі мессада дұға етті. Орта ғасырлардан бастау алған рәсімге сәйкес, қоғамдық мессадан кейін олар Ватикандағы Сикстин капелласына жиналады.

Ол жердегі конклавта 21 сәуірде қайтыс болған Рим папасы Францисктің орнына кім келетіні шешіледі.

Reuters-тің жазуынша, ғасырлар бойы конклавтың бірінші күнінде бір де бір Рим Папасы сайланбаған. Дауыс беру үміткерлердің бірі көпшілік дауысқа ие болғанға дейін бірнеше күнге созылуы мүмкін.

26 сәуірде діндарлар мен әлем көшбасшылары Рим Папасы Францискпен қоштасу рәсіміне қатысу үшін Ватиканға жиналды. Қоштасу рәсіміне АҚШ президенті Дональд Трамп пен жұбайы Мелания, Франция президенті Эммануэль Макрон, Украина президенті Владимир Зеленский, сондай-ақ Еуропа, Азия, Латын Америкасы...

Қазақстан президенті Қасым-Жомарт Тоқаев пен Вьетнам Коммунистік партиясы Орталық комитетінің Бас хатшысы То Лам елордадағы «Этноауыл» көрмесін аралады.

Ақорданың хабарлауынша, меймандар төл тарихымызды танытатын, соның ішінде ұлтымыздың киім үлгілері, қолөнері, әдет-ғұрпы мен саятшылық дәстүрі, музыкалық аспаптары, кескіндемесі және халық ойындары көрсетілген бірнеше тақырыптық аймақты тамашалады. Экспозицияның әр бөлігі дала өркениетінің ерекшеліктерін көрсетеді.

Сондай-ақ То Лам «Этноауылда» cәбидің тұсауын кесті.

Айта кетейік, Астанада өткен әскери парадқа мемлекеттік сапармен келген Вьетнам Коммунистік партиясы орталық комитетінің Бас хатшысы То Лам қатысты.

Бұған дейін Қасым-Жомарт Тоқаев Вьетнам Коммунистік партиясы Орталық комитетінің Бас хатшысы То Ламды І дәрежелі «Достық» орденімен марапаттады.

Президент екі елді талай жылдан...

2025 жылдың 7 мамырына қараған түні Пәкістан мен Үндістан арасындағы жағдай шиеленісті. Үндістан армиясы Пәкістандағы нысандарды, Кашмир мен Джаммудағы аудандарды атқылады. Содан кейін Пәкістан әуе кеңістігін 48 сағатқа жабуға шешім қабылдағаны айтылды. Соған қарамастан қазақстандық Air Astana әуе компаниясы Үндістанға баратын рейстерді кестеге сәйкес орындап жатыр, деп хабарлайды KursivMedia.

Оның ішінде Дели және Мумбай қалаларына баратын рейстер кестесіне өзгеріс енбеген.

«Air Astana Үндістанға (Дели және Мумбай қалаларына) рейстерді кестеге сәйкес орындауды жалғастырып жатыр. Әуе компаниясы аймақтағы жағдайды мұқият бақылап отыр және өзгерістер болған жағдайда хабарлайды», – деп мәлімдеді Air Astana.

Әуе компания қауіпсіздікт...

Астанада Алаш тас жолы ішінара жабылады, деп хабарлайды KursivMedia.

Қаланың көлік және жол-көлік инфрақұрылымын дамыту басқармасының хабарлауынша, Алаш тас жолына 191-көшеден 69-көшеге дейінгі учаскеде орташа жөндеу жұмыстарын жүргізіледі.

8-12 мамыр аралығында жөндеу жұмыстарын жүргізуге байланысты осы учаскедегі қозғалыс ішінара жабылады. Автокөлік қозғалысы екі бағытта да кезең-кезеңімен ұйымдастырылатын болады.

Әкімдік жүргізушілер мен жаяу жүргіншілерден маршруттарды алдын ала жоспарлауды сұрады.

Айта кетейік, Айтматов көшесінен Е-128 көшесіне дейінгі учаскеде Қорғалжын тас жолының орташа жөндеу бойынша жұмыстардың жалғасады. 14 мамырға дейін көрсетілген учаскеде қозғалыс ішінара жабылады.

Туризм және спорт министрлігі лицензиясы бар туроператорлар мен турагенттер тізімін жариялады. Сондай-ақ қалай қауіпсіз саяхаттауға болатыны жөнінде кеңес берді.

Ресми ақпаратқа сәйкес, «Е-лицензиялау» порталында 11 914 турагент пен 634 туроператор тіркелген.

«Саяхатшы туристік компанияларға жүгінген кезде турагенттің қызметі туралы хабарламаны және туроператордың лицензиясы бар-жоғын тексере отырып, барлық қажетті құжатты талап етуге құқылы», – деп мәлімдеді министрлік.

Туризм индустриясы комитетінің және жергілікті атқарушы органдардың интернет-ресурстарында туроператорлардың, турагенттердің, гидтердің, экскурсоводтардың және туризм нұсқаушыларының реестрі орналастырылған. Лицензияланған туроператорлар мен тіркелген турагенттердің тізімін мына жерден көруге болады.

Тұтынушыларды қорғаудың негізгі құралының бірі – туристік код. ТурКод – бұл әріптер...

Ұлттық экономика министрлігі бизнестің жеңілдікпен қаржы алуы үшін «Даму» қоры арқылы екі жаңа қолдау құралын іске қосты. Олар кез келген ауқымдағы компанияға қаржы алуға мүмкіндік береді.

Біріншісі құны 7 млрд теңгеден басталатын ауқымды жобаға есептелген. Өнеркәсіп, энергетика, инфрақұрылым мен экспортты қоса алғанда, экономиканың негізгі салаларын қамтиды. Мемлекет қарызға кепілдік бергендіктен, бұл банк үшін тәуекелді азайтады. Осылайша бизнестің несие алуы жеңілдейді.

Екінші қолдау шағын және орта кәсіпорынға бағытталған. Құны 7 млрд теңгеге дейінгі жобаларға тиесілі. Кәсіпкерлер қажетті қаржыны кепілсіз алады. Бүгінгі таңда бес банкпен келісімге қол қойылса, тағы екеуі жұмыс үстінде. Әріптестер тізімін кеңейту жұмысы жүріп жатыр.

Министрліктің хабарлауынша, бағдарламаны...

Астанадағы әскери парад кезінде мемлекет басшысы – Қазақстан Қарулы күштері Жоғарғы бас қолбасшысы Қасым-Жомарт Тоқаев бұл күнді халқымыздың жауынгерлік рухының символы деп атады.

«Біз елдік үшін күрескен батыр бабаларды ұлықтаймыз. Отан қорғау жолында опат болған боздақтарға тағзым етеміз. Бейбіт күнді қырағы күзетіп тұрған сарбаздарға құрмет көрсетеміз. Ұлы Отан соғысы бүкіл адамзат үшін өте қиын сынақ болды. Оның зардабы көптеген елге ауыр тиді, солардың ішінде Қазақстан да бар. Қаһарлы күндер соғыстың тек қасірет әкелетінін көрсетті. Бейбітшіліктің баға жетпес байлық екенін ұғындырды. Ұлы Жеңіс – тарихымыздың ажырамас бөлігі және күллі әлем үшін үлкен сабақ. Біз осы ақиқатты әрдайым...

Астанада Жеңістің 80 жылдығына арналған Әскери парад басталды, деп хабарлайды KursivMedia.

Әскери парад елордада және барлық облыс орталығында LED-экрандар мен республикалық телеарналардан көрсетіліп жатыр.

Әскери парадты Қазақстан қарулы күштері құрлық әскерлерінің бас қолбасшысы Мереке Көшекбаев басқарады.

Айта кетейік, қазір ел аумағында 105 соғыс ардагері бар.

Алдымен Қазақстан Мемлекеттік күзет қызметінің ту ұстаушылар тобы Мемлекеттік туды және Жеңіс туын алаңға алып келді. Жеңістің Қызыл туы – осыдан 80 жыл бұрын әйгілі отандасымыз Рақымжан Қошқарбаев пен оның майдандасы Григорий Булатов Рейхстагқа тіккен тудың көшірмесі.

Айта кетейік, Астана тұрғыны пәтер терезесінде әскери шеруді видеоға түсірмек болған. Алайда дрон арқылы терезені жабу туралы...

Жеңіс күні қарсаңында Алматы қаласы жергілікті әскери басқару органдарының әскери қызметшілері опера әншісі Бибігүл Төлегенованы құттықтады. Бұл туралы қорғаныс министрлігі хабарлады.

Әскери қызметшілер әншіге гүл шоқтары мен аты аңызға айналған батыр Бауыржан Момышұлы туралы кітапты сыйға тартты.

Бостандық ауданының қорғаныс істері жөніндегі басқармасының бастығы Арман Тұрғанбаев әншіге алғысын білдірді. 

Бибігүл Ахметқызы әскери қызметшілерге алғыс айтып, келе жатқан мамыр мерекелері – Отан қорғаушы күні және Жеңіс күнімен құттықтады. 

Айта кетейік, мерекеге байланысты әскери парад сағат 10:45-тен бастап елордада және барлық облыс орталығында LED-экрандар мен республикалық телеарналардан көрсетіледі. Сондай-ақ Facebook, YouTube, Telegram әлеуметтік желілеріндегі Ақорданың ресми парақшаларынан тікелей эфирде көрсетіледі деп...

Қазақстан 2025 жылғы Global Firepower рейтингінде 57-орында тұр. Бұл – әлемдегі 145 елдің арасындағы орташа көрсеткіш. Дегенмен, кейбір бағыттарда еліміздің әскери қуаты айтарлықтай жоғары: шабуылдаушы ұшақтар флоты бойынша Қазақстан 18-орынға тұрақтаса, жауынгерлік ұшақтар бойынша 27-орында, артиллериялық қуат жағынан 29-орында. Ал тұрақты қанатты көлік флоты бойынша 37-орында, танк флоты – 43-орында.

Бұл көрсеткіштер Қазақстан Қарулы күштерінің әуе шабуылы және артиллерия бағытында жақсы дамығанын көрсетеді. Алайда танк және көлік әлеуеті жағынан әлі де бәсекелестікке толық төтеп бере алмайтын деңгейде.

Қорғаныс бюджетінің динамикасы да осы бағыттағы ұмтылыстарды растайды. 2018 жылы 516,5 млрд теңге болған жылдық бюджет көлемі 2025 жылы 1 213,4 млрд теңгеге жеткен...

Қостанай облысында қызмет міндетін атқару кезінде полиция подполковнигі Батырсаим Зайтинов қайтыс болды. Қаралы хабарды ішкі істер министрі Ержан Сәденов әлеуметтік желідегі парақшасында жеткізді, деп хабарлайды KursivMedia.

«Қызметтік міндеттерін атқару кезінде жол апатынан қаза тапқан Қостанай облысы полиция департаментінің учаскелік полиция инспекторы, полиция подполковнигі Батырсаим Зайтиновтың туыстары мен жақындарына көңіл айтамын. Оның есімі әріптестерінің жадында мәңгі қалады», – деп жазды Сәденов.

Ішкі істер министрлігі марқұмның отбасына қажетті қолдау көрсететіні айтылды.

Бүгін Астанадағы «Қазақ елі» алаңында Ұлы Жеңістің 80 жылдығына арналған Әскери парад өтеді.

Ақорда хабарлауынша, салтанатты іс-шараға елімізге мемлекеттік сапармен келген Вьетнам Коммунистік партиясы орталық комитетінің Бас хатшысы То Лам қатысады.

Әскери парад сағат 10:45-тен бастап елордада және барлық облыс орталығында LED-экрандар мен республикалық телеарналардан көрсетіледі. Сондай-ақ Facebook, YouTube, Telegram әлеуметтік желілеріндегі Ақорданың ресми парақшаларынан тікелей эфирде көрсетіледі деп жоспарланған.

Астана әкімдігінің хабарлауынша, 7 мамырда әскери шеруді қаладағы бірнеше жерден тамашалауға болады. Сағат 11:00-ден бастап үлкен LED экрандар арқылы шеру көрсетіледі:

– Елорда әкімдігі ғимаратының жанындағы қалалық алаңда (тікелей эфир және мерекелік концерт);

– «Астана Арена» стадионының аумағында (тікелей...

7 мамырға қараған түні Үндістан армиясы Пәкістандағы нысандарды, сонымен бірге Кашмир мен Джаммудағы аудандарды атқылады. Пәкістан оған оқпен жауап беріп, үш әскери ұшақты атып түсіргенін мәлімдеді.

Исламабад кем дегенде сегіз адам қаза тапқанын хабарлады.

«Синдур» әскери операциясы

Ядролық қаруы бар көршілес екі ел қарым-қатынасы жарты ай бұрын Пахалгамдағы терактіден кейін күрт суып кетті. Оның арты қарулы қақтығысқа дейін жетті. Қазір бүкіл әлем Оңтүстік-Шығыс Азиядағы ірі жанжалдың барысына көз тігіп отыр.

Сәрсенбі күні Үндістан армиясы «Пәкістандағы террористік инфрақұрылымға қарсы» бағытталған «Синдур» операциясы басталғанын жариялады. Қорғаныс министрлігінің осыған қатысты мәлімдемесін Hindustan Times басылымы тараты.

Қасым-Жомарт Тоқаев пен То Лам Қазақстандағы Вьетнам мәдениеті күндері аясында ұйымдастырылған концертті тамашалады. Бұл туралы Ақорда хабарлайды.

«Астана Опера» театрына мәртебелі қонақтар мен елорда жұртшылығы жиналды. Мұнда Ханой филармония оркестрі, «Астана Балет» театрының симфониялық оркестрі, «Астана Опера» Мемлекеттік опера және балет театрының хоры, сонымен бірге қазақ және вьетнам халықтарының белгілі мәдениет қайраткерлері өнер көрсетті.

6 мамырда Вьетнам Коммунистік партиясы Орталық комитетінің Бас хатшысы То Лам мемлекеттік сапармен Қазақстанға келді.

Жоғары деңгейдегі келіссөздер барысында екі елдің сауда-экономикалық, инвестициялық және гуманитарлық салалардағы ынтымақтастығын дамыту мәселелері талқыланды. Қазақстан мен Вьетнам өзара тауар айналымын 2 млрд долларға жеткізуді көздеп отыр.