Жаңалықтар

Мәжілісмен Айдарбек Қожаназаров экс-депутат Руслан Берденовке жасалған қастандыққа қатысты пікір білдірді.  Депутат бұл жағдайдан саяси астар іздемейді, оны жеке бастың мәселесі деп баға берді.

Respublica партиясының төрағасы Берденовтің жағдайы әлі де мәз еместігін айтады.

«Жақсы деп айтуға да болмайды, үлкен жарақат алды. Өздеріңіз білетіндей үш рет оқ атылды, ондай жарақаттан аман-сау қалу өте қиын. Өз-өзіне келу біраз уақыт алады. Өзім де қатты уайымдап қалдым. Мен ойлаймын ешқандай саяси астары жоқ,  бұл жеке бас мәселесі»,- деді  Қожаназаров Мәжіліс кулуарында.

Депутат Берденовке жасалған шабуылға қатысты қоғамда  айтылып жатқан түрлі нұсқалардың ешқайсысына сенбейтінін атап  өтті.

«Екі нұсқаға да сенбеймін. Мен...

Қазақстан газ саласында геологиялық барлау жұмыстарын белсенді дамып жатыр. «QazaqGaz» бірақатар инвесторлармен келіссөздер жүргізіп жатыр деді энергетика министрі Ерлан Ақкенженов үкімет отырысында.

Қазір ведомство үшін негізгі басымдық – көмірсутек барланған қорларының көлемін ұлғайту. Осының аясында «QazaqGaz» ұлттық компаниясы 15 жер қойнауы учаскесі бойынша жұмыстар жүргізіп жатыр.

Қазір «Аққұдық» және «Шалқар» учаскелерінде «ҚОР» мұнай компаниясы, КТ-III учаскесінде Chevron компаниясы, Северный-2 учаскесінде «ҚазАзот» ЖШС геологиялық барлау жүргізу бойынша келісімге келген. Ал «СНПС-Ақтөбемұнайгаз» АҚ-мен Северный-1 аумақтарын өңдейтін компаниялармен әлі келіссөздер жүріп жатыр.

Шетелдік Gas Solution компаниясы Ақтау өңіріндегі «Самтыр Солтүстік» және «Самтыр Оңтүстік» учаскелеріне қызығушылық танытып отыр. Алдын ала бағалау...

2025 жылдың 22 сәуірі күні Алматыда қазақ футболы тақырыбындағы тұңғыш көркем туынды – «90+1» фильмінің жабық көрсетілімі өтті. Спойлер – футболға қызығушылығыңыз болмаса да ерекше әсер алып, көзіңізге жас аласыз.

Жоба Қазақстан Республикасы Мәдениет және ақпарат министрлігінің қолдауымен түсірілген. Фильмнің режиссері – «Қазақша бизнес» пен «Әкім» жобаларымен танымал Тимур Дулатов, ал басты рөлдерде Қуаныш Керімқұлов, Алмат Сақатов және Артур Асқарұлы ойнады.

Аулада доп тепкен бала арман

Фильм жасөспірім футболшының тағдыры арқылы көптеген қазақстандық балалардың арманын бейнелейді. Басты кейіпкер – футболды жан-тәнімен сүйетін, бала кезінен арманына жетуді көздеген қарапайым қазақтың баласы. Алайда өмір оны қиын таңдау алдында...

Қазақстан мен Ауғанстан арасында  140 млн долларға келісім жасалды. Бұл келісімге Ұлттық экономика министрі Серік Жұманғариннің бастамасымен Ауғанстанға экономикалық миссиямен барған делегация қол жеткізген. Бұл туралы Сауда және интеграция министрлігінің баспасөз қызметі хабарлады.

«Бұл Қазақстан Республикасы мен Ауғанстан Ислам әмірлігі арасындағы сауда-экономикалық өзара іс-қимылды кеңейтудегі маңызды қадам. Миссия шеңберінде отандық өндірушілердің тауарлары, оның ішінде агроөнеркәсіптік кешен, тоқыма және өңдеу өнеркәсібі өнімдері ұсынылған қазақстандық өнімдердің көрмелері өткізіледі», – делінген баспасөз хабарламасында.

Негізінен Кабулдағы сауда-экономикалық миссияға 2024 жылдың қазан айында қол қойылған. Бұл іс-шара негізінде «QazTrade» Сауда саясатын дамыту орталығы» АҚ Ауғанстанның негізгі экономикалық институттарымен ынтымақтасты...

OpenAI компаниясы Google-ден Chrome веб-браузерін сатып алғысы келетінін мәлімдеді. АҚШ әділет министрлігі Google-ден браузерді сатуды талап етіп жатыр.

Компания Chrome браузерін саудаға шығарған жоқ. Google монополияға қарсы күрес туралы шешімнің үстінен арыздануды көздеп отыр.

ChatGPT өнімінің жетекшісі Ник Терли Вашингтондағы сотқа қатысып, Google-ге қарсы куәлік етті. Үкімет куәгері болған Терлидің айтуынша, Google басшылығы OpenAI-дың іздеу технологияларын ChatGPT-ге қолдануға рұқсат бермеген.

«Қазір біз Google-ге әріптес емеспіз», — деп мәлімдеді Терли.

Топ-менеджер әділет министрлігінің Google-ге қысым жасауын құптайды. Терлидің пікірінше, оның іздеу жүйесі ChatGPT-ді дамытуға ықпал етер еді. Себебі ChatGPT көп жылдан бері өтініштердің 80%-ына жауап беру...

Алдағы төрт жылда елімізде төрт газ өңдеу зауыты пайдалануға беріледі. Бұл туралы Үкімет отырысында Энергетика министрі Ерлан Ақкенженов айтты.

«2026-2030 жылдар аралығында 4 газ өңдеу зауытын кезең-кезеңімен пайдалануға беру басталады: қуаттылығы жылына 1 және 2,5 млрд текше метр болатын Қашаған кен орнының, қуаттылығы жылына 4 млрд текше метр құрайтын Қарашығанақ кен орнының шикізаты базасында, сондай-ақ қуаттылығы жылына 900 млн текше метр болатын Жаңаөзен қаласындағы Қазақ Газ Өңдеу зауыты», – деп атап өтті ол.

Қашаған кен орнындағы шикізат базасында газ өңдеу зауыттарын салу үшін UCC Holding катарлық инвестор тартылған. «QazaqGaz» бен «UCC Holding» арасындағы келіссөздер...

Каспий теңізінің Қазақстанмен шекараласатын тұсында ресейлік профессор жоғалып кетті. Ресей басылымдарының хабарлауынша, Орыс географиялық қоғамы (РГС) Астрахань бөлімшесінің басшысы, география ғылымдарының докторы, профессор Петр Бухарицинді құтқарушылар әлі де іздестіріп жатыр.

Оқиға 19 сәуір күні болған. Бір топ ғалым Каспий теңізіндегі адам қоныстанбаған Укатный құмды аралын зерттеуге барған. Аралға келген ғалымдар екіге бөлініп кеткен. Ал кейін әріптестері Петр Бухарицинді таба алмай, құзырлы органдарға хабарлаған.

Ғалым әлі табылмаған. Оны іздеу жұмыстарына Каспий флотилиясы мен шекарашылар, бір кеме және екі қайық жұмылдырылған. Ал 23 сәуірден бастап ғалымды іздестіру жұмыстарына LizaAlert құтқару тобының еріктілерін тарту жоспарланған.

АҚШ президенті Дональд Трамп Федералдық резерв жүйесі басшысын жұмыстан шығармайтынын, сонымен бірге Қытайға баж салығын түсіруі мүмкін екенін мәлімдеді. Осының өзі қаржы нарығына әжептәуір әсер етті.

Инвесторлар Трамптың құрғақ мәлімдемелеріне үйренді

Сәрсенбі, 23 сәур күні Азия қаржы нарықтары әжептәуір «тірілді». Трамп Джером Пауэллді жұмыстан шығармайтынын айтқан соң, доллар бірден көтерілді. Себебі бұған дейін инвесторлардың америкалық активтерден көңілі қалған деп жазды Reuters.

Бұған қоса, Трамп Қытаймен келісімге отырып, тарифті 145%-ға дейін жеткізгісі келмейтінін мәлімдеді. Алайда Бейжің Вашингтонмен келіссөз үстеліне отырудан бас тартса, Ақ үй басшысы баж салығын көтеру туралы уәдесінде тұратынын ескертті.

Сейсенбі күні АҚШ қаржы министрі Скотт...

23 сәуір – 1995 жылы ЮНЕСКО-ның бастамасымен Дүниежүзілік кітап және авторлық құқық күні ретінде белгіленді. Мақсат – кітап оқуды насихаттау, білім мен шығармашылық еңбекті құрметтеу, сондай-ақ авторлардың құқықтарын қорғауға қоғам назарын аудару.

Неліктен 23 сәуір?

Бұл күннің таңдалуы тегін емес. 1616 жылы дәл осы күні әлем әдебиетінің алыптары – Уильям Шекспир, Мигель де Сервантес және Инка Гарсиласо де ла Вега дүниеден өтті. Әдебиеттің тағдырына терең әсер еткен бұл тұлғалар адамзат тарихында өшпес із қалдырды. Сондықтан бұл күн кітап пен сөз өнеріне деген құрметтің символына айналды.

Қазақстандағы аталып өтілуі

2024 жылы Атырау қаласында өткен Ұлттық құрылтайда президент...

Қырғызстанда жалдамалыларды Ресей армиясына тарту ісі бойынша Ош қаласындағы «Русский дом» қызметкері Наталья Секерина және тағы үш адам қамауға алынды. Бұл туралы 24kg хабарлады.

Қырғыз Республикасының Ұлттық қауіпсіздік мемлекеттік комитеті (ҰҚМК) бұл қылмыстық істің аясында тағы бір күдіктіні ұстағанын мәлімдеді. Аталған адам – Оштағы «Русский дом» қызметкері Наталья Секерина екені нақтыланды.

Бішкектегі Первомай аудандық сотының шешімімен С.Н.В. деген азаматша 19 сәуірде қамауға алынып, 17 маусымға дейін тергеу изоляторында болады. Істі Қырғызстан ҰҚМК-ның Бас тергеу басқармасы тергеп жатыр.

Секеринаға Қырғыз Республикасының Қылмыстық кодексінің 416-бабы 1-бөлігі бойынша айып тағылды. Бұл бап – «Басқа мемлекеттердегі қарулы қақтығыстарға немесе мемлекеттік билікті күштеп құлатуға...

Әдетте сән әлемі туралы сөз қозғалса Милан мен Париждің подиумы көз алдымызға келеді. Бірақ заман өзгерген сайын трендтердің шығатын жағы да ауысқан. Мысалы, бүгінде трендтер TikTok-та пайда болып, метағалам арқылы тігіліп, фасонына емес, алгоритміне қарап бағаланатын болған. Яғни жасанды интеллектіден бастап, 3D киім өлшеуге дейінгі технологиялар сән индустриясын адам танымастай кейіпке келтіріп жатыр. Мұндай трансформацияға қызығушылық жоғары. Осы материалымызда киім дизайны, өндірісі, экология және usre experience жайлы талдаймыз.

1. Дижитал дизайн: қарындашпен салудың орнына қазір 3D сурет шықты

Бұл қалай?
Бұрын коллекцияларды жасаудың алғышарты ретінде эскиз сызып, қарындашпен нобайы салынатын. Ал қазір дизайнерлер Clo3D немесе Browzwear сияқты 3D-дизайн-платформаларды...

Өзбекстан үшін шетелден келетін ақша аударымдары – ел экономикасының маңызды бөлігі. Бұл қаражат көбіне шетелде жұмыс істейтін өзбек азаматтарының отбасыларына жіберетін табысы, яғни олардың күнкөрісіне, тұтынуына және кейде шағын бизнес бастауына тікелей әсер етеді.

Өзбекстан экономикасына шетелдік валютаның тұрақты ағыны қажет, ал еңбек мигранттарының аударымдары – осы валюталық түсімдердің маңызды бөлігі. Ауылдық жерлер мен шағын қалалардағы көптеген жанұялар үшін бұл – жалғыз тұрақты табыс көзі. Ел ішінде жұмыс орындарының жеткіліксіздігі мен жалақының төмендігі өзбек азаматтарын елден жырақта жұмыс істеуге итермелейді, ал олар тапқан табысын туған-туыстарына жібереді.

Дүниежүзілік банк мәліметінше, 2024 жылы Өзбекстанға келген еңбек мигранттарының аударымдары елдің ЖІӨ-сінің шамамен 14%-ын...

Алматыда «Қауіпсіз жол» республикалық жедел-профилактикалық іс-шарасы аясында Жетісу ауданында попедтерді тексеру іс-шасы өтті.

Polisia.kz сайтының мәліметінше, бар болғаны екі күннің ішінде мопед пен скутер жүргізушілеріне қатысты 360-тан астам құқық бұзушылық анықталған. Оның ішінде мемлекеттік тіркеу нөмірінсіз, сақтандыру полисі мен жүргізуші куәлігінсіз көлік басқару, жол белгілері мен бағдаршам талаптарын елемеу секілді өрескел заң бұзушылықтар бар. Нәтижесінде 200-ден астам көлік арнайы айыппұл тұрағына қойылған.

«Мопед пен скутер жүргізушілерінің жауапсыз әрекеттеріне жол беруге болмайды. Біз тек профилактикалық жұмыс жүргізіп қана қоймай, заң аясында нақты шаралар қабылдаймыз. Жол қозғалысы ережелері – жай ұсыныс емес, ол баршаға ортақ міндет...

Ресей Федералдық ветеринарлық және фитосанитарлық қадағалау қызметі (Россельхознадзор) Қазақстаннан Ресей аумағына карантинге жатқызылған өнімдерді әкелуге уақытша қойылған шектеулерді алып тастау туралы шешімін шығарды.

Шешім бүгін – 22 сәуірден бастап күшіне енген.

«2025 жылғы 22 сәуірден бастап Россельхознадзордың 2024 жылғы 14 қазан және 18 қазандағы шешімдерінде көрсетілген Қазақстан Республикасынан Ресей Федерациясы аумағына әкелінетін карантинге жатқызылған өнімдерге қойылған уақытша шектеулер алынып тасталсын», – делінген құжатта.

Айта кетейік, Россельхознадзор 2024 жылғы қазанда Қазақстаннан төмендегі өнім түрлерін әкелуге шектеу енгізген:

АШМ сол кезде мәселені жедел...

СҚО әкімі Ғауез Нұрмұхамбетов әкімдіктегі отырыста өңірдегі су тасқыны жағдайы туралы хабарлады. Оның айтуынша, биыл Сергеев су қоймасында алғаш рет үшінші толқын байқалуда. Петропавлда тасқынның шарықтау шегі 28–30 сәуірде күтілуде.

Қазіргі таңда Есіл өзеніндегі су деңгейінің көтерілуіне байланысты су жылдағыдай жайылма алқаптарға таралған. Су Заречный кенті мен Речпорт маңындағы саяжай учаскелеріне жайылғанып үлгерген. Бұл саяжайларда тұрғын жоқ, ТЖД мен полиция бекеттері қойылды.

Әкім Ойқала мен Былғары кентіндегі, Қызылжар ауданының Тепличное және Прибрежное ауылдарындағы жағдай бақылауда екенін атап өтті.

«Су тасқыны толық аяқталғанға дейін жағдайды тұрақты бақылауда ұстаймыз. Басты басымдық – азаматтардың өмірі мен мүлкін сақтау...

Түрікменстан Халк Маслахатының төрағасы Гурбангулы Бердімұхамедовтың Қазақстанға сапары аяқталды. Оның Қазақстан президенті Қ.Тоқаевпен барған соңғы орындардың бірі SPK Turkistan индустриалды паркі болды.

Қазіргі таңда мұнда жалпы құны 36,5 миллиард теңге болатын 6 инвестициялық жоба жүзеге асырылып жатыр. Жаңбырлатып және тамшылатып суару жүйелері, ауыл шаруашылығы тракторлары, білім мен медицина мекемелеріне арналған жиһаздар, есіктер және тоңазытқыштар өндірісі жолға қойылған.

Өндіріс паркін дамытудың келесі кезеңінде 70 гектар аумаққа 112 ғимарат салу, сондай-ақ жалпы сомасы 39,7 миллиард теңге болатын 13 жаңа жобаны іске қосу жоспарланған.

Қасым-Жомарт Тоқаев пен Гурбангулы Бердімұхамедов ғарыш саласында, машина жасау, металлургия, құрылыс индустриясы, жеңіл, тамақ және химия өнеркәсібінде қызмет...

Әйел Қызылорда – Астана бағытындағы пойызда босанып, баласын терезеден лақтырып кеткен. Оқиға Қарағанды маңынан өтіп жатқан тұста болған. Ақпаратты Көліктегі полиция департаменті Kursiv.Media тілшісіне растады. Тергеу жүріп жатыр.

Полиция тергеу аясында барлық қажетті шешім қабылданатынын жеткізді.

«Бұл дерек бойынша тергеп-тексеру жүргізіліп жатыр. Соның шеңберінде тиісті процессуалдық шешім қабылданатын болады. Оқиғаның мән-жайлары анықталып жатыр», – деп хабарлады көліктегі полиция.

Liter-дің хабарлауынша, әйелмен бір пойызда келген куәгерлер әуелі дәретханадан купелердің біріне дейін аққан қанды көрген. Купе ішінде әйелді көрген. Оның баланы дәретханада босанып, содан кейін шақалақты терезеден лақтырғаны белгілі болған.

Каспий теңізі Аралдың күйін кешуі мүмкін. Санаулы жылдардан кейін Каспий теңізінің деңгейі 33 метрге бірақ ортаяды деп болжайды мамандар. Бұл туралы Экология және табиғи ресурстар вице-министрі Мансұр Ошурбаев мәжілісте айтты.

«Қазақстандық ғалымдардың зерттеулеріне сәйкес Каспий теңізінің деңгейі 2050 жылға қарай төмендеу үрдісін сақтап, минус 33 метр белгісіне дейін жетуі мүмкін», – деді вице-министр.

Министрлік өкілінің айтуынша, Каспий теңізінің деңгейі минус 28,5 метрге дейін төмендесе, оның экожүйесіне, теңіз шаруашылығына үлкен қауіп төнеді.

Каспийді құтқару үшін құрылған инсттитутқа қаражат бөлінбеген

Министрлік Эколокгиялық құбылыстың теріс әсерінің алдын алу мақсатына арнайы Қаза...

Әнші Сәкен Майғазиев атышулы Шерзат ісіне қатысты өз көзқарасын білдірді. Әнші әлеуметтік желідегі парақшасында соңғы күндері өзіне бағытталған сынға жауап ретінде жазба жариялап, кімнің қандай лауазым иесі екені емес, адамның адами болмысы маңызды екенін айтты.

«Шерзат туралы пікір де жазбай, Русланға келгенде тілекші бола қалыпсың» деген сөздерді естіп жүрмін. Бірақ мен ешкімді бөліп-жарған емеспін. Ұлтын, мемлекетін, ата-анасын, отбасын сүйген жанды ғана биік бағалаймын. Бай-бағланның да, миллионердің де маған ештеңе бөліп бермейтінін білем. Ал несібем – Алладан, – деді ол.

Сәкеннің айтуынша, Шерзат ісі де өзіне оңай тимеген. Әнші бұл жайлы 2024 жылдың 12 қазанында...

Россельхознадзордың Орал аймақаралық басқармасының қызметкерлері Қазақстаннан шыққан 18,7 тонна лимон мен асқабақшаны шекарадан өткізбей қойды. Жүк тиеген көлікті Челябі облысындағы «Бугристое» өткізу бекетінде тоқтатып қойған. Бұл туралы жауапты ведомствоның сайтында жазылған.

«Фитосанитарлық бақылау барысында өнімнің бірыңғай фитосанитарлық талаптарға сәйкестігін растамайтын фитосанитарлық сертификат анықталды. Атап айтқанда, өнім қаптамасындағы таңбалау фитосанитарлық сертификатта көрсетілген деректермен сәйкес келмеген. Талаптарға сай келмейтін өнім Ресей аумағына кіргізілмей, көршілес мемлекетке кері қайтарылды», – деп жазылған сайттағы материалда.

Өнім тиеген жүк көлігі Түркістан облысынан Омбы қаласына бара жатқан. Тасымалдаушыға қатысты «карантиндік өнімді әкелу тәртібін бұзу» бойынша Ресей Федерациясының Әкімшілік құқықбұзушылық туралы кодексінің 10.2-бабына...

Астана қаласының полиция департаменті ҰҚК қызметкерінің қазасына байланысты хабарлама таратты.

Полиция департаменті мәйіттің табылу фактісі бойынша қылмыстық іс қозғалғанын атап өтіп, ер адам үйінің терезесінен құлап кеткенін мәлімдеді.

«Алдын ала берілген деректер бойынша 42 жастағы ер адам өз пәтерінің терезесінен құлап кеткен. Қазіргі уақытта орын алған оқиғаның барлық мән-жайы анықталып жатыр» делінген хабарламада.

Бұған дейін ҰҚК қызметкерінің денесі табылғаны туралы қысқа ақпарат таратумен шектелген.

Сондай-ақ кеше түнде Шымкент қаласы әкімінің орынбасары Руслан Берденовке қарулы шабуыл жасалған. Дәрігерлер ота жасап, шенеуніктің өміріне қауіп төніп тұрмағанын жеткізді. 

21 сәуірде Шымкент қаласы әкімінің орынбасары, экс-депутат Руслан Берденовке шабуыл жасалды. Қаскөйді оқиға орнында ұстауға Берденовтің көлік жүргізушісі көмектесті – ол оқ атқан күдіктіні қағып тоқтатқан. Осы орайда Kursiv Auto Шымкент әкімдігінің қызметкерлері қандай көліктермен жүретінін анықтап көрді.

Шымкент қаласы әкімдігінің мәліметінше, мегаполис басшысы Ғабит Сыздықбековке 2011 жылы шыққан қара түсті Lexus LX570 жол талғамайтын көлігі бекітілген. Ал жыл басында JuzMedia хабарлағандай, әкім орынбасарлары 2024 жылы құрастырылған премиум санаттағы Kia K8 седанымен жүреді. Бөлім басшылары болса, сол жылы шыққан Hyundai Sonata Style маркалы көліктерімен қатынайды.

Мемлекеттік сатып алулар сайтындағы деректерге сәйкес, дәл сол Hyundai Sonata Style көліктер...

«Теңізшевройл» (ТШО) компаниясы Теңіз кен орнындағы наразылыққа қатысты ресми түсініктеме берді. KursivMedia сайтына берген жауабында компания баспасөз қызметі бұл мәселеге тікелей мердігер компания жауапты деп мәлімдеді.

Мәлімдемеде компания «Кәсіби таңдау» ЖШС қызметкерлері көтеріп отырған мәселеден хабардар екенін айтты. Аталған компания ТШО-ның мердігері – COC Realty-дің мердігері.

«ТШО-ның мердігер ұйымдары – тәуелсіз заңды тұлғалар. Сондықтан осы мәселеге байланысты барлық сұрақтарды «Кәсіби таңдау» компаниясына жолдаған жөн. ТШО өз қызметін Қазақстан Республикасының заңнамасына сәйкес жүргізеді», – делінген ресми хабарламада.

21 сәуір күні «Кәсіби таңдау» компаниясының жұмысшылары Теңіз кен орнында ереуілге шыққан болатын. Олар жалақыларын...

2025 жылдың І тоқсанында республикалық бюджетке салық жоспардан артық түскен. Үкімет қаңтар-наурыз айларында бюджетке 6 трлн теңге түседі деп жоспарлағанымен, кірісі 4,9 трлн теңгені құраған. Қаржы министрлігінің есебіне сәйкес, қазынаға түскен кірістің басым бөлігін салық түсімдері құраған.

Осы кезеңде 3 трлн теңге салық түседі жоспарланған. Салық жоспардан артық орындалып, қазынаға 3,1 трлн теңге түскен. Жалпы алғанда, бюджет түсімдерінің орындалуы 93 пайызды құраса, салықтық түсімдер жоспары 102,8 пайызға асыра орындалған.

Соның ішінде қосылған құн салығы 1,32 трлн теңге көлемінде жиналып, жоспардың 95,9 пайызына жетті. Корпоративтік табыс салығы бойынша түсім 1,02 трлн теңгені құрап, жоспар 104,1 пайызға орындалған. Кеден төлемдер...