Жаңалықтар

26 тамыз күні Алматыда Чемпиондар лигасының плей-офф кезеңіндегі жауапты матч өтеді. Алматылық «Қайрат» өз алаңында Шотландияның атақты «Селтигін» қабылдайды. Бірінші ойын Глазгода 0:0 есебімен аяқталған. Егер қазақстандық клуб қарсыласынан өтіп, негізгі кезеңге жолдама алса, Алматыда футбол жанкүйерлері Еуропаның ең мықты командаларын тамашалай алады.

Негізгі кезеңде 36 үздік клуб бақ сынайды

Жаңа форматтағы Чемпиондар лигасының «жалпы кезеңіне» барлығы 36 команда қатысады. Қазірдің өзінде біршама клубтың аты белгілі. Егер «Қайрат» тарихында тұңғыш рет Чемпиондар лигасының негізгі кезеңіне өтсе, Қазақстанға мынадай алып клубтар келуі ықтимал:

Астана Қытайдан Қазақстанға келетін тауарларға импорттық баж салығын төмендетуді қарастырмақшы. Сондай-ақ Бейжіңді елімізде шикізатты терең өңдеу бойынша жобалар құруға шақырады. ҚР Сауда және интеграция министрі Арман Шаққалиев ҚХР-дағы әріптесі Ван Вэнтаомен кездесіп, осы мәселелерді талқылады.

Қазір Қазақстан қытайлық тараптың қолдауымен ҚХР-дың ішкі провинцияларымен тікелей сауда байланысын орнатып жатыр. Былтырдан бері Нанкин, Чэнду, Үрімші, Сиань, Чунцин және Гуанчжоу қалаларындағы провинцияларда алты сауда миссиясы ұйымдастырылды. Арман Шаққалиевтің сөзінше, Қытайдың басқа өңірлерінде де сауда өкілдіктерін ашу жоспары бар.

Тауар айналымын арттыру

Екі тарап 2030 жылға қарай Қазақстан мен Қытай арасындағы тауар айналымын екі есеге арттыру жолдарын талқылады.

АҚШ президенті Дональд Трамп ұлықтау салтанатының ертесіне 600-дан аса қаржы операциясын жасаған. Reuters мәліметінше, саясаткер 100 млн доллардан астам қаражатқан құнды қағаздар сатып алған.

2025 жылғы қаңтардан бері Трамп корпоративтік, мемлекеттік және муниципалдық облигациялар алған. Миллиардер президенттің активі одан сайын өсе түскен.

Осының бәрі сейсенбі күні Интернетке жарияланған қаржы есептерінен мәлім болды. АҚШ үкімет этикасы басқармасының 12 тамыздағы құжатында қаржы операцияларының құны көрсетілмеген.

Трамп сатып алған құнды қағаздар арасында Citigroup, Morgan Stanley және Wells Fargo, сонымен бірге Meta, Qualcomm, Home Depot, T-Mobile USA және UnitedHealth Group облигациялары бар.

Бұған қоса, Ақ үй қожайыны қалалар, штаттар, округтер және басқа да...

25 тамыздан бастап Алматы облысында «Алатау» ипотекалық бағдарламасы бойынша өтініш қабылдау басталады. Бағдарламаға мемлекеттік қызметшілер, бюджеттік сала қызметкерлері және спортшылар қатыса алады.

«Алатау» ипотекалық бағдарламасы әлеуметтік санаттағы азаматтарды қолдауға бағытталған. Бағдарлама жас мамандардың өңірде тұрақтап, еңбек етуіне және спорт саласының дамуына серпін беруді көздейді.

Бағдарлама шарттары

Бағдарламаға жалпы 3,7 млрд теңге бөлінген, оның 3,1 миллиарды – облыс бюджетінен, ал 629 млн Отбасы банкі есебінен. Бөлінген қаржы есебінен 120-дан астам адам баспана сатып алу мүмкіндігіне ие болады.

Кімдер...

Түркиялық AJet әуе компаниясы Еуропа мен Түркия бағытындағы әуе рейстеріне жеңілдік жариялады. Ең арзан билеттер бағасы 9 еуродан басталады. Осы акция арқылы енді қазақстандықтар Еуропаға бір бағытта 50-100 мың теңгеге ұша алады.

2025 жылдың 15 қыркүйегі мен 2026 жылдың наурызы аралығындағы рейстерге билетті осы акция арқылы жеңілдікпен алуға болады. Бірақ оларды 20-22 тамыз аралығында сатып алып үлгеру керек.

Акцияға Германия, Аустрия, Ұлыбритания, Швейцария, Бельгия, Нидерланды, Дания, Венгрия және Түркияға баратын рейстер қатысады.

Орындар саны шектеулі, акция тек 112 мың билет үшін ғана жарамды. Билет құнына 8 келіге дейін қол жүгі де кіреді. Ал жүгіңіз 20 келіден...

Ақтөбе қаласының №2 соты әйелін ұрып, абайсызда оның ажалына себеп болған тұрғынды кінәлі деп танып, 8 жылға бас бостандығынан айырды. Бұл туралы Жоғарғы сот хабарлайды.

Мәліметке қарағанда, сот ер адамның әйелінің басынан бірнеше рет ұрғанын, содан кейін оның жағдайы күрт нашарлағанын анықтады. Әйел төсектен тұрмаған және үйден шығуды қойған.

«Алғаш рет жедел жәрдем шақырылғанда дәрігерлер ауруханаға жатқызуды ұсынғанымен, жәбірленуші одан бас тартқан. Екінші рет жәдел жәрдем шақырған кезде ол ауруханаға жеткізілген, бірақ жансақтау бөлімінде қайтыс болған», – деп жазды Жоғарғы соттың баспасөз қызметі.

Сонымен бірге, сот отырысы барысында сотталушының бір ай бұрын әйеліне зорлық-зомбылы...

Үкімет өңірлердің жылыту маусымына дайындығы туралы есеп берді. Энергетика министрі Ерлан Ақкенженовтің айтуынша, өткен жылы қызыл аймақта тұрған жылыту электр станцияларының жаңғыртылып, тәуекел аймағынан шығарылған.

Үкімет есебінше, 9 ЖЭО қызыл аймақтан, сары аймаққа көшкен. Министр ЖЭО-ларды жаңғыртуды үкіметтің ерекше бақылауға алғанын жеткізді. Нақты айтқанда, осы жылы министрлік елдегі ЖЭО-лардың 10 энергоблогында, 63 қазандықта және 39 турбинада күрделі жаіңғырту жұмыстарын жүргізген.

«Бұл жұмыс нәтиже берді. ЖЭО-ның орташа тозуы ел бойынша 61%-ға дейін төмендеді. Өткен жылыту маусымының қорытындысы бойынша 9 ЖЭО қызыл тәуекел аймағынан сарыға, 3 ЖЭО сарыдан жасыл аймаққа көшті», – деп мәлімдеді Ақкенженов...

Продюсер Баян Алагөзова әлеуметтік желілерде әйелдерді «тәрбиелеу мақсатында дұрыс ұруды» үйреткен ұстаз Ризабек Батталұлы сөзіне ашық түрде қарсылық білдірді. Мұндай әрекетті әйелдердің құқығы мен бостандығын тікелей бұзу деп атап, құқық қорғау органдарынан ресми шара қолдануды талап етті.

Желіде тараған видеода ұстаз әйелге күш қолдану кезінде «соққының із қалдырмауын», «сүйек сындырмайтындай етіп ұруды» насихаттайды. Оның ойынша, бұл «тәртіпке шақырудың» тәсілі.

Баян Алагөзова бұл пікірге қатысты қатаң мәлімдеме жасады:

«»Қазіргі заманның қаһарманы» әйелді қалай, немен ұру керегін үйретіп отыр. Әйелдердің құқығын аяққа таптағаны үшін бұл адам міндетті түрде жауапқа тартылуы тиіс», — деді продюсер.

Кейінірек Алагөзова тағы...

Қазақстан ЖІӨ жағынан Ресейден озып кетуі «таңқаларлық жағдай емес». Forbes-тағы дәулеті 4,1 млрд доллар деп бағаланған ресейлік бизнесмен Олег Дерипаска осындай баға берді. Өзінің телеграм арнасында Олег Дерипаска Қазақстанның экономикалық өсімінің негізгі драйверлерін атап өтті.

«Қазақстан бойынша статистика соншалықты таңғалатындай емес. Мұнда өсімнің негізгі факторларының стандартты жиынтығын қайта еске сала кеткен артық болмайды: меншік құқығын қорғау, шетелдік инвесторларды тарту, заң үстемдігі мен сыбайлас жемқорлықты азайту, мемлекеттік сектор үлесін жүйелі түрде қысқарту», – деп жазады ол телеграм арнасында.

Дерипасконың сөзінше, «аталған құралдардың кепілді түрде жұмыс істейтіні өте маңызды. Және ол Қытайдағы логистикалық дәліздермен...

Израиль әскерилері сәрсенбі күні Газа қаласын басып алу операциясының алғашқы қадамына кіріскенін жариялады. Бұған қоса, ЦАХАЛ резервтегі ондаған мың жауынгерді шақыртты. Бұл туралы Reuters хабарлайды.

«Біз алдын ала операцияны бастадық. Газа қаласына алғашқы шабуыл жасалды. Қазір ЦАХАЛ күштері Газа қаласының шеткі аудандарын ұстап тұр», – деп мәлімдеді Израиль қарулы күштерінің өкілі генерал Эффи Дефрин.

Агенттік мәліметінше, Израиль әскері сәрсенбі күні Палестина анклавында ХАМАС содырларымен қақтығысты. Содан кейін премьер-министр Биньямин Нетаньяху үкіметі ХАМАС бекіністерін жаулап алу ісін жылдамдатқан.

Халықаралық сынның күшейгеніне қарамастан, Тель-Авив Израиль Газа орталығын басып алу жоспарын жалғастыра береді, деп жазды Reuters. Соны...

Түркияның солтүстігінде орналасқан Токат өңірінде қуаты 4 балдық жер сілкінісі болды. Бұл туралы жергілікті Anadolu хабарлайды.

Агенттік мәліметінше, жер сілкінісі Токат қаласының Сұлусарай ауданында жергілікті уақытпен сағат 01:24 шамасында болды. Ақпаратты Төтенше жағдайлар мен табиғат апаттары жөніндегі басқармасы хабарлаған.

Мекеме дерегінше, жерасты дүмпуі 7,2 км тереңдікте орналасқан.

Түркияның Токат ауданы мен осы аттас қаласы елдің солтүстігінде, Қара теңіз жағалауында орналасқан.

Естеріңізге сала кетейік, 10 тамызда Түркияның батысында орналасқан Балыкесир өңірінде 6,1 балдық жер сілкінісі болған. Дүмпу Ыстанбұл мен Измир қалаларында сезілді. Бір адам қаза тауып, бірнеше адам жараланған.

Ал 3 маусымда Түркияның Мармарис ауданыда 5,8 балдық жер сілкініс...

Қазақстанға Қытайдың ірі маркетплейстерінің бірі JD.com платформасы келеді. Жақын арада оның қазақ және орыс тілдеріндегі нұсқалары іске қосылмақ. Жоба «Қазпоштамен» бірлесіп жүзеге асырылады. Бұл туралы компания «Курсивтің» ресми сауалына берген жауабында хабарлады.

Осы мақсатта «Қазпошта» Халықаралық қаржы орталығында Qazpost-JD Tech Co. атты бірлескен компанияны тіркеді. Сервистің пилоттық іске қосылуы 2025 жылдың қазан айына жоспарланған, ал осы жылдың төртінші тоқсанында толыққанды жұмысын бастауы қажет.

«Қазпошта» сервистің логистикасы мен қаржылай тұсын қамтамасыз етсе, қытайлық серіктесі – CITIC Poly Fund инвестициялық қоры маркетплейстің техникалық бөлігі мен инвестицияларына жауапты болады.

«Жобаны іске қосу қазақстандық тұтынушыларға халықаралық тауарлардың кең ассортиментіне...

Глазгодағы 60 мың жанкүйер сыятын әйгілі «Селтик Парк» стадионында Чемпиондар лигасының плей-офф раунды аясында шотландиялық «Селтик» пен алматылық «Қайрат» кездесті. Қарсыласқан қос команда есеп аша алмай, ойын 0:0 есебімен тең аяқталды.

Алғашқы тайм тең дәрежеде өрбіді. «Селтик» допты көбірек бақылап, қазақстандық команданың қорғанысын бұзуға тырысқанымен, олардың ешбір әрекеті жүзеге аспады. Нәтижесінде қауіпті сәттер жасай алмады. Алматылықтар да қапы қалмай, бірнеше рет қауіпті қарсы шабуыл ұйымдастырды. Тіпті орталық қорғаушы Александр Мартынович бір голды офсайдттан да салып үлгерді.

Екінші таймда алаң иелері жылдамдығын үдетіп, «Қайраттың» қақпасы маңында жиі қауіп төндірді. Допқа 70 пайыздан астам иелік еткен шотландиялық клуб қысымды күшейтті. Алайда...

Қазгидромет алдағы күндері республиканың басым бөлінінде солтүстік-батыс циклонының ықпалы сақталатынын хабарлады.

Синоптиктердің мәліметінше, найзағай ойнап, жаңбыр жауады, солтүстік өңірлерде қатты жаңбыр, бұршақ жаууы мүмкін.

Республика батысы мен солтүстік-батысына батыс антициклонының тарамы біртіндеп ығысып, жауын-шашын тоқтайды. Республика бойынша жел күшейеді, солтүстікте түнде және таңертең – тұман.

Ауа температурасы

Солтүстікте түнде +8…+15°С, күндіз +20…+25°С дейін төмендейді.
Орталықта түнде +9…+18°С, күндіз +18…+30°С.
Шығыста түнде +7…+18°С, күндіз +19…+27°С.
Батыста түнде +15…+23°С дейін жоғарылап, күндіз +30…+37°С.
Солтүстік-батыста түнде +8…+16°С, күндіз +25…+33°С.
Оңтүстікте түнде +13…+22°С, күндіз біртіндеп төмендейді – +27…+35°С.
Оңтүстік-шығыста түнде +10…+22°С, күндіз біртіндеп төмендеп +20…+32°С болады деп күтіледі.

Бұған дейін, фермерлер енді жайсыз ауа райы – қуаңшылықтан...

22 тамыз күні елордада жастарға жұмыс табуға мүмкіндік беретін вакансиялар жәрмеңке ұйымдастырылады.

Іс-шара Кенесары көшесі 32 мекенжайындағы Рахмадиев атындағы мемлекеттік академиялық филармонияда өтеді.

Жәрмеңкеге экономиканың түрлі саласынан 70-тен астам жұмыс беруші қатысып, 1000-нан астам бос жұмыс орнын ұсынбақ. Ұлттық компаниялар, банктер, өнеркәсіптік кәсіпорындар және IT-хабтар ұсыныстарын таныстырады.

Жас мамандар еңбекке орналасу бойынша кеңес алып, кадрлық қызмет өкілдерінен ұсыныстар қабылдай алады. Шараны «Amanat» партиясының «Жастар рухы» жастар қанаты мен Астана қаласының әкімдігі ұйымдастырып отыр.

Бұған дейін, KursivMedia журналистері онлайн жұмысқа ауысқысы келетіндерге арналған гайд әзірлеген болатын.

ІІМ ресми ресурсы Астанада орынсыз пранк жасаған ер адам 10 тәулікке қамауға алынған хабарлады.

Полиция қызметкерлері әлеуметтік желілерді бақылау барысында ер адам қорқынышты костюм киіп, лифт істен шыққандай етіп көрсетіп, қызды әдейі шошытқан видеоны анықтаған.

Оқиға бойынша 26 жастағы қала тұрғыны полицияға жеткізіліп, ұсақ бұзақылық жасағаны үшін сот шешімімен 10 тәулікке қамауға алынған.

Полиция мұндай «әзілге» жол берілмейтінін еске салып, азаматтарды қоғамдық тәртіп нормаларын сақтап, айналадағы адамдарға құрметпен қарауға шақырады.

Бұған дейін Қытайда пранк түсіріп, бас дауға қала жаздаған қазақстандық блогер полицияға шақырып, онымен түсіндіру әңгімесі жүргізілген.

Ақмола облысы Біржан сал ауданының Үлгі ауылында екі баланың үстіне найзағай түсіп, бір бала қайтыс болды.

Қаза тапқан бала тоғыз жаста болған. Екінші он бес жастағы бала ауыр жағдайда аудандық ауруханаға жеткізілген. Дәрігерлер оның өмірі үшін күресіп жатқаны хабарланды..

Ақмола облыстық Полиция департаменті аталған оқиғаға қатысты сотқа дейінгі тергеу басталғанын хабарлады.

Бұған дейін, Қытайда жолда кетіп бара жатқан көліктің үстіне жай түскені видеоға түсіп қалған.

Өнеркәсіп және құрылыс министрлігі ведомство атынан таратылып жатқан «АвтоЖол+» атауымен жеңілдетілген автонесиелеудің жаңартылған бағдарламасы жөніндегі ақпарат шындыққа сәйкес келмейтінін хабарлады.

Министрлік хабарламада көрсетілген шарттармен (автокөлік құнының 10%-дан 50%-ға дейінгі бөлігі субсидияланады, жылдық 2%-дан басталатын несие мөлшерлемесі, бастапқы жарнаның болмауы және т.б.) бағдарлама іске қосылғаны жөнінде ресми мәлімдемеген.

«Аталған ақпараттық материал жалған және алаяқтық мақсатта жасалған болуы мүмкін. Министрлік азаматтарды сақ болуға, күмәнді сілтемелерге өтпеуге, жеке деректерін тексерілмеген сайттарда енгізбеуге, сондай-ақ тек ресми дереккөздерде жарияланған ақпаратқа сенуге шақырады», – делінген хабарламада.

Бұған дейін, автокөлікті пайызсыз, жасырын төлемсіз және ислам құндылықтарына сай алуға болатынын жазғанбыз.

Сондай-ақ салондардағы 4%-дық автонесие ақиқат па, әлде маркетингтік айла ма...

Денсаулық сақтау министрлігі Павлодар қаласының №1 қалалық ауруханасында қайтыс болғаннан кейінгі донорда ағза алу операциясы жүргізілгенін хабарлады. Донор атанған адам Павлодар облысының 44 жастағы тұрғыны болған.

ДСМ ағзаларды трансплантаттау екі пациенттің өмірін «күту парағынан» құтқаруға мүмкіндік бергенін атап өтті.

«Нәтижесінде жүрек пен бүйрек сәтті алынып, трансплантатталды. Алынған ағзалар жаңа өмірге мүмкіндік болатын донорлар мен реципиенттердің бірыңғай республикалық тіркелімінен пациенттерге жедел жеткізілді. Бұл жағдай Қазақстанда қайтыс болғаннан кейінгі донорлық және трансплантология мәдениетін дамытудың маңыздылығының жарқын мысалы болды», – делінген министрлік хабарламасында.

Министрлік мәліметінше, донорлар мен реципиенттердің бірыңғай республикалық тізілімінде ағза трансплантаттауды күтіп жатқан...

Астана прокуратурасы әлеуметтік желіде табысты көрініп, танымал болу үшін 5 ай бойы алаяқтық жасап келген ер адам туралы хабарлады.

Айыпталушы осы аралықта достарымен бес жұлдызды қонақүй бөлмелерінде тұрып, қымбат мейрамханаларда кешкі ас ішіп, дәмді тағамдарға тапсырыс беріп, элиталық ерлер киім дүкендерінен киім-кешек сатып алып, банк атынан расталмаған төлем тапсырмаларын беріп келген.

Жәбірленушілер бастапқыда төлем құжаттарының түпнұсқасын тексермей, оған тауар мен қызмет көрсеткен.

Сотталушы төлем құжаттарын банк қосымшасы арқылы жіберген, бірақ іс жүзінде шотта қаражат болмаған.

«Алаяқ қонақүйде бөлмелерді брондап, бірнеше күн бойы достарымен бірге тамақ пен сусынға тапсырыс беріп, тұрақтаған. Қонақ үй қызметкерлерін алдау және...

Мамандандырылған ХҚКО-ның бұрынғы басшысы, айыпталушы Жомарт Мұрашимов «жүрек-қан тамыр жеткіліксіздігінен» қайтыс болған. Шымкенттегі қалалық денсаулық сақтау басқармасы қаладағы Курсив тілшісіне Мұрашимовтың қайтыс болуына қатысты ақпарат берді.

Басқарма мәліметінше, айыпталушы №69 тергеу изоляторында болған кезде профилактикалық тексеруден өткен. Бейінді мамандардан кеңес алған. Жүргізілген зерттеулер мен тексерулердің нәтижесінде оның артериялық гипертония, бронх демікпесі, және остеохондроз созылмалы ауруымен ауыратыны белгілі болды. Мекемеде қажетті дәрі-дәрмектер берілген.

«2025 жылғы 18 тамызда сотталушының жағдайы күрт нашарлады. Қан қысымы 240/120-ға көтерілді. Жедел ми қан айналымының бұзылуы белгілері тіркелді. Жедел медициналық жәрдем бригадасымен оны №1 қалалық клиникалық аурухананың қабылдау бөліміне жеткізіліп, нейрореанимация бөліміне «жедел ми қан айналымының бұзылуы...

Енді жеке тәжірибесі бар құрылыс компаниялары реттелетін мемлекеттік сатып алуға қатыса алады.

Осы жылы Respublica партиясының депутаты Айтуар Қошмамбетов жеке нысандардағы тәжірибені мемлекеттік сатып алу жүйесінде есепке алу туралы мәселе көтерген болатын.

Бұған дейін тек мемлекеттік қаржыландырумен салынған нысандардағы тәжірибе ескеріліп келгендіктен, жеке жобаларда тәжірибе жинаған, бірақ бюджеттен қаржы алмаған көптеген мердігер компаниялар тендерлерге қатыса алмай келген. Бұл жүздеген компанияның жолын жауып, нарықтағы бәсекені шектейтін.

Қаржы министрлігімен, «Атамекен» ҰКП және кәсіпкерлермен келіссөздердің нәтижесінде жеке тәжірибені есепке алу қағидасы сақталып қалды. Дегенмен, жүйені теріс пайдаланудан қорғау үшін жаңа механизмдер енгізіледі.

Жаңашылдықтар мыналарды қамтиды:

Мемлекеттік қызметкерлерге WhatsApp, Telegram және басқа да шетелдік мессенджерлерді қолдануға тыйым салынбайды. Оларға шетелдік сервистерді жеке мақсатта қолдануға еш шектеу жоқ. Цифрлық даму министрлігі осындай мәлімдеме жасады.

Ал Aitu мессенджерін тек қызметтік мақсатта ғана пайдаланады. Басқа шетелдік мессенджерлерді алмастыру, оларға «кедергі келтіру деген мақсат жоқ» деп түсіндіреді ведомстводан.

«Aitu мессенджерін енгізу бастамасы тек орталық және жергілікті мемлекеттік органдарға, сондай-ақ квазимемлекеттік сектор ұйымдарына қызметтік коммуникация үшін ғана ұсынылады. Ол мемлекеттік қызметкерлер тек жұмыс барысында пайдаланатын ақпаратпен қауіпсіз алмасуды қамтамасыз ету мақсатында қолданылады. Мақсаты – ақпараттық қауіпсіздік деңгейін арттыру және қорғалған цифрлық ортаға көшу...

Алматы облысы Талғар аудандық сотында Хасан Қасымбаев және өзге де күдіктілерге байланысты сот отырысы өтіп жатыр, деп хабарлады Kazinform агенттігі.

Айыпталушылар орындығында Хасан Қасымбаевтан бөлек тағы 5 адам бар. Айыпталушыларды адвокаттар Ерлан Құланбаев пен Назгүл Тәукенбай қорғайды. Сотқа сондай-ақ екі жәбірленуші қатысып отыр.

Сотта тараптар таныстырылғаннан кейін адвокаттар прокурорды ауыстыруды өтініп, қарсылық білдірген. Оған жәбірленуші тарап қарсы болған. Судья Айнагүл Тұқыбаева өтінішті қарау үшін үзіліс жариялаған.

Tengrinews.kz басылымының ақпаратынша, судья үзілістен келісімен прокурорды ауыстыру туралы өтінішті қанағаттандырған. Басылым адвокаттардың бірі прокурор бұған дейін айыпталушылардың бірінің ісін бірінші сатыдағы сотта қарауға қатысқанын атап өткенін жазды.

Бейресми деректерде Талғардағы «Хуторский...