Жаңалықтар

Алматы облысы Талғар аудандық сотында Хасан Қасымбаев және өзге де күдіктілерге байланысты сот отырысы өтіп жатыр, деп хабарлады Kazinform агенттігі.

Айыпталушылар орындығында Хасан Қасымбаевтан бөлек тағы 5 адам бар. Айыпталушыларды адвокаттар Ерлан Құланбаев пен Назгүл Тәукенбай қорғайды. Сотқа сондай-ақ екі жәбірленуші қатысып отыр.

Сотта тараптар таныстырылғаннан кейін адвокаттар прокурорды ауыстыруды өтініп, қарсылық білдірген. Оған жәбірленуші тарап қарсы болған. Судья Айнагүл Тұқыбаева өтінішті қарау үшін үзіліс жариялаған.

Tengrinews.kz басылымының ақпаратынша, судья үзілістен келісімен прокурорды ауыстыру туралы өтінішті қанағаттандырған. Басылым адвокаттардың бірі прокурор бұған дейін айыпталушылардың бірінің ісін бірінші сатыдағы сотта қарауға қатысқанын атап өткенін жазды.

Бейресми деректерде Талғардағы «Хуторский...

Алматы облысы Қарасай ауданы әкімдігінің алдында бір әйел өзін өртемек болды. Бұл туралы адвокат Мейірман Шекеев хабарлады.

Әкімдік және күзет қызметкерлері оның қолындағы жанармайды күшпен тартып алып, қорқынышты қадамға барған әйелдің өмірін сақтап қалды.

Адвокаттың айтуынша, бұл жерде «бассыздық» орын алған. Өзін жағып жібермек болған Гүлнәра Әуелбекова ақшасын бөліп төлеп, үй сатып алған.

«Алайда біраз жыл өткенен кейін әйелдің құжаттарын сот назарға алмай, бұрын үй сатқан адамның пайдасына шешім шығарып бере берген. Мен бұл істі өзімнің өндірісіме алдым. Әділдік орнауы керек», – деді Мейірман Шекеев.

Адвокат қоғамнан қолдау күтетінін айтты.

Гүлнәра Әуелбекова үйді бұрынғы жездесінен...

Астана қаласының Тілдерді дамыту және архив ісі басқармасының өкілдері ЛРТ-нің Назарбаев Университеті маңындағы бекетінің атауында Қазақстанның тұңғыш президентінің есімі не себепті түсіп қалғанын түсіндірді.

Бекет атауы неге Назарбаев емес

Мекеме өкілдері бекетті «Университет» деп атаудың екі себебін айтты. Біріншісі әлем елдерінде қалыптасқан тәжірибеге байланысты.

«Мәселен, Ломоносов атындағы Мәскеу мемлекеттік университеті маңындағы бекет те «Университет» деп аталады. Санкт-Петербургте де осындай метро бекеті бар. Ол Санкт-Петербург мемлекеттік университетіне жақын орналасқан», – дейді мекемедегілер.

Екінші себебі — осылай атаған ыңғайлы. Басқарма мамандарының пікірінше, көпшілік тез қабылдау үшін мейлінше қысқа болғаны дұрыс. Мәселен, LRT желісінде «Театр»

Алматылық «Қайрат» Чемпиондар лигасының плей-офф кезеңінде шотландиялық «Селтикке» қарсы алғашқы ойынын өткізеді. Кездесу 20 тамыздан 21 тамызға қараған түні Шотландияның Глазго қаласында өтеді.

Тікелей трансляцияны қазақстандық жанкүйерлер «Qazsport» телеарнасынан тамашалай алады. Матчтың басталуы – 00:00-де (Астана уақыты бойынша).

«Қайраттың» плей-оффқа дейінгі жолы

Бұл маусымда қазақстандық клуб үш іріктеу кезеңінен өтті:

Ал «Селтик» үшін бұл кездесу – жаңа маусымдағы алғашқы еурокубоктық ойын болмақ.

2025/26 жылғы маусымда еурокубоктарда Қазақстанды...

Астанада Abu Dhabi Plaza кешенінің жалға алушылары мен әкімшілігі арасында жанжал өршіді. Сауда орталығында орын жалдайтын кәсіпкерлер қысым көріп жатқанын айтып, әкімдікке митинг өткізу туралы өтініш жолдаған. Ал СОО-ны басқаратын «Aldar Euroasia Property Management» ЖШС бұны жоққа шығарып, заң мен келісімшарт аясында әрекет етіп отырғанын мәлімдеді.

«Миллиондап қаржы салдық, ал бізді жай ғана қуып жатыр»

Expresso Coffee Bus кофеханасының иесі (жеке кәсіпкер «Iskander») Олжас Сүтемгенов кешенмен келісімшартты 2020 жылғы қарашада жасасқанын айтады. Жобаға 60 млн теңгеден астам қаржы салған, ал төрт жарым жыл ішінде жалдау ақысы ретінде 100 млн теңгеден көп төленген.

«Біз шамамен...

Алматы әуежайында Тайландтан ұшақпен ұшып келген 42 жастағы шетелдік ұсталды. Оның жүгінің ішінен 3 келіден аса есірткі табылды.

Полицияның мәліметінше, наша бірнеше пакетке оралып салынған көрінеді. Шетелдіктің сөзіне қарағанда, ол бейтаныс адамның өтінішін орындап, сәлемдеме алған. Ішінде не бар екенін тексеріп те көрмеген.

Есірткі зат салынған сәлемдемені оның қолына Бангкоктың әуежайында ұстатыпты. Қазір сотқа дейінгі тергеу жүргізіліп жатыр.

Полиция жолаушыларға өзге адамдардан сәлемдеме алмауға шақырып отыр. Қамсыздықтың құны тым қымбатқа түсетінін ескертеді.

Қазақстанда жағажай маусымының аяқталуына орай «Үздік жағажай» бағдарламасының қорытындысы шықты. Байқау Kazakh Tourism бастамасымен, ҚР Туризм және спорт министрлігі мен «Атамекен» ҰКП қолдауымен өтті.

Биыл комиссия қарауына өңірлерден 30-дан астам жағажай ұсынылды. Бағалау ҚР СТ 3013-2017 ұлттық стандартына сай жүргізіліп, халықаралық Blue Flag бағдарламасының бірқатар критерийлері де ескерілді.

Іріктеу барысында:

ТОП-3 үздік жағажай

Сарапшылардың бағалау нәтижесінде ең жоғары ұпай жинаған үш жағажай анықталды:

2025 жылдың алғашқы жеті айында республика бюджетінен 3,28 трлн теңге займ жабуға, ал 2,01 трлн теңге берешек қызметіне жұмсалды. Қаржы министрлігінің республикалық бюджеттің атқарылуына қатысты есебінде осындай мәлімет жарияланды.

Табыс пен салық

Министрлік мәліметінше, биыл қаңтар-шілде айларында республикалық бюджет табысы 11,54 трлн теңге болды. Оның 7,23 трлн теңгесі салықтан түсті.

Қаржы министрлігі салыққа қатысты жоспар 97%-ға орындалды деп есептейді. Атап айтқанда, қосылған құн салығынан (ҚҚС) 3,06 трлн, корпоративтік табыс салығынан (КТС) 2,23 трлн теңге түскен.

Халықаралық сауда және ішкі операциялардан тағы 1,24 трлн, акциздерден 68,22 млрд, кеден төлемдерінен 1,19 трлн бюджетке құйылды.

Шығыс кірістен көп

2025 жылғы...

Қазақстандық кәсіпкер Айдын Рахымбаев BI компаниясының 30 жылдығына орай ерекше қайырымдылық жобасын жариялады. Кәсіпкердің айтуынша, BI Group қоры – BI Juldyzai шетелден 28 білікті хируркты шақырып, Қазақстанда сирек жасалатын 300 ота жасауға мүмкіндік берді.

Аружанның арманы

Бұл жобаның аясында көпбалалы отбасының қызы Аружан алғаш рет 10 жылдан кейін өз аяғымен жүре бастады. Бұған дейін тіпті төсекте жата алмай, тек жартылай отырғыш күйде ұйықтайтын. Қымбат операцияны отбасы ешқашан өз бетімен жасата алмас еді.

Шетелден келген маман заманауи әдіспен сүйек ішіне баламен бірге өсетін арнайы штифт орнатты. Қазір Аружан ақырындап далада ойнап жүр, ал болашақта дәрігер болуды армандайды.

Қор...

12 жыл бұрын Алматы облысының үздік дәрігері атанған Алмагүл Мәкішева облыс әкімінің өзі сыйлық ретінде табыстаған пәтерді ақыры ала алмайтын болды.

Кері шегініс

Бұған дейін Алмагүл Мәкішева 2013 жылы Алматы облысының үздік дәрігері сайысына қатысып, Талдықорған қаласынан 2 бөлмелі пәтер жеңіп алғанын, онысы сыйлық емес, жалдамалы болып шыққанын жазғанбыз. Дәрігер KursivMedia арқылы сол кездегі облыс әкімі марқұм Аңсар Мұсаханов табыстап, ақпарат құралдары сүйіншілей жазған пәтерді расымен де сыйға берсе деген тілегін жеткізген. Алайда мұнысын Талдықорған қаласының әкімдігі қабыл етпей отыр.

Әкімдік жауабы

«Талдықорған қаласының тұрғын үй қатынастары бөлімі» KursivMedia-ға жолдаған жауабында Алмагүл Мәкішеваға берілген пәтер мемлекеттік тұрғынүй қорының меншігінде...

Гүлзира Айдарбекова жаңа туған немересін туралы ләм-мим демей, әлеуметтік желіде назардан тыс қалдырып отыр.

Оқырмандар Қайрат Нұртас пен Жұлдыз Әбдікәрімованың қызды болуына бір жылы лебіз білдірмегені үшін Гүлзира Айдарбекованы сын тезіне алып отыр.

Қазір Гүлзира Айдарбекованың парақшаларында барған тойлары, шампунь сатуға арналған шаралары және ұлы Қайрат Нұртас туралы бейнежазбалар мен суреттерге толы. Десе де, дүние есігін жаңа ашқан немересі туралы жақ ашпауды жөн көрген.

Парақшаларына қарағанда, Әнші Қайрат Нұртастың өзі бақытты екені көрінеді. Ұзақ уақыттан бері алғаш рет Жұлдыз Әбдікәрімовамен бірге жүргені көрінетін рилстерін жариялай бастады. Онда Қайрат Жұлдызға ақ лала гүлін сыйлаған сәті көрінеді.

Қазақстандық 21 жастағы теннисші Арсланбек Айтқұлов төрт жылға спорттан шеттетілді. Бұл туралы Халықаралық теннистегі адалдық агенттігі (ITIA) хабарлады.

ITIA мәліметінше, спортшы теннистегі антидопингтік бағдарламаны (TADP) бұзғаны үшін жазаланған.

Айтқұловтың допинг сынамасы 2024 жылдың қаңтарында Қатарда өткен ITF Әлемдік теннис турнирі кезінде алынған. Сараптама нәтижесінде екі тыйым салынған зат – лигандрол (анаболикалық дәрілер қатарына жатады) және метилгексанамин (стимулятор) анықталған.

Теннисші 2024 жылдың 23 наурызынан бастап уақытша жарыстардан шеттетілген болатын. Бұл заттардың ағзаға кездейсоқ түскенін дәлелдеуге мүмкіндік берілді. Алайда спортшының дәлелдері жеткіліксіз деп танылып, тыйым салынған заттардың көзі анықталмады.

2025 жылдың 30 маусымында онлайн тыңдалым өтті. Оның қорытындысы бойынша тәуелсіз трибунал...

Шымкент әкімінің орынбасары Руслан Берденовке оқ атып, жаралаған Ернар Жиембайдың әкесі әрі қоғамдық қорғаушысы Жиембай Пірәлиев ұлына қатысты шыққан үкімге қатысты пікір білдірді.

Пірәлиев Ернар Жиембайды 9 жылға соттау туралы үкімге апелляциялық шағым түсіру, не түсірмеу туралы «ақылдасамыз» деді.

«Бірақ біздің сұраған бабымыз бойынша (Қылмыстық кодекстің 106-баптың 1-бөлігі – ред.) жазасын бермеді. Берденов шекарадан өтіп кетті. Келінім өсіп-өнген жердің қызы. Соған лайк басып, тағы да басқа әрекеттер бар, оның бәрін балам отбасын сақтап қалу үшін ішіне жұтып кетті. Келініміздің жан-дүниесін қинамайық деп балама да бірнеше рет келін туралы айтпай-ақ қойшы, 25 жыл берсе де алып кете...

Желіде қазақстандық жас футболшы Дастан Сәтбаевтың Лондонның «Челси» клубында түскен суреттері тарады. Суреттерде «Челси» аңызы Джон Терримен және қазіргі ойыншылары — Коул Палмер, Кристофер Нкунку, Энцо Фернандес секілді жұлдыздармен бірге түскен. Бұл туралы Дастан ресейлік спорт журналисі Нобель Арустамянға сұхбатында айтып берді.

2024 жылдың қарашасында Дастан Сәтбаев Лондонда екі апталық сынақтан өткен еді. Алдымен «Челси» U16 құрамында бақ сынап, кейін U19 командасына ауысты. Соңында жастардың негізгі сапына — U21 командасына қосылды

Дастанға өз шеберлігін дәлелдеу үшін көп уақыт қажет болған жоқ. «Челси» U21 сапындағы алғашқы ойынында-ақ хет-трик жасап, ағылшын мамандарын таңғалдырды. Қазақстандық футболшының дриблингтегі шеберлігі, ойын оқи білу...

«ҚазАвтоЖол» республикалық маңызы бар автомобиль жолдарындағы электрқуаттау станцияларының тізімін жариялады. Ұлттық оператор мәліметінше, бүгінгі күні ел бойынша 43 заманауи жылдам қуаттау бекеті іске қосылған.

«ҚазАвтоЖол бекеттер өңірлерді байланыстыратын негізгі бағыттарда орналасқанын, электркөліктердің басты көлік дәліздері арқылы кедергісіз қозғалуын қамтамасыз ететінін атап өткен.

Электрқуаттау станциялары орналасқан орындары:

1. KAZ06 «РФ шекарасы (Жайсан) – Ақтөбе – Қарабұтак – Қызылорда – Шымкент – Тараз – Қордай – Алматы – Қорғас – ҚХР шекарасы (Нұр Жолы)» – 18 ЭҚС:
 • АйшаБибі (535 км) – GasEnergy (160 кВт), Royal Petrol (160 кВт)
 • Тараз (475 км) – Royal Petrol (160 кВт), GasEnergy (160 кВт)
 • Ақтоған...

Ара шаруашылығы саласындағы Еуропаның жетекші компанияларының бірі, венгриялық Aranynektár Kft Қазақстанда бал өндіреді. Компания ел аумағында бал өндіру және өңдеу зауытын салу жөнінде ұсыныс білдірді.

Aranynektár Kft компаниясының бас директоры Ференц Фульмер ауыл шаруашылығы вице-министрі Ермек Кенжеханұл мен кездесті. Басқосуда жоғары технологиялы, экологиялық таза әрі Еуропалық одақ стандарттарына сай экспортқа бағытталған өнім өндіретін кәсіпорын құруды талқылады.

«Қазақстанда ара шаруашылығы саласының тұрақты өсуіне қажетті барлық жағдай бар — қолайлы климат, экологиялық таза орта, дамыған ғылыми база және мемлекеттік қолдаудың тиімді шаралары. Біз мұндай өндірістерге мүдделіміз және жан-жақты қолдау көрсетуге дайынбыз. Бұл жобаны іске асыру...

Бас прокуратура қылмыстық кодекске енгізілген жаңа 115-1 – «Сталкинг» бабына қандай қылмыстық әрекеттер жататынын түсіндірді.

«Сталкинг – бұл адаммен қарым-қатынас орнатуға және оның еркіне қайшы келетін, зорлық-зомбылықпен ұштаспаған, елеулі зиян келтірген әрекеттерді білдіретін адамды заңсыз қудалау«, – деп түсіндіреді қадағалаушы орган.

Отандық заңнамаға енгізілген жаңа бапқа сай, мұндай әрекеттер үшін 200 АЕК-ке дейін айыппұл, 200 сағатқа дейін қоғамдық жұмыстар немесе 50 тәулікке дейін қамауға алу түріндегі қылмыстық жауапкершілік көзделіп отыр.

Бас прокуратура сталкинг зорлық-зомбылық, қорқыту, бопсалау, жеке өмірге қол сұғылмаушылықты бұзумен қатар жүрсе, іс-әрекет ҚК-нің басқа бабы бойынша қосымша сараланатынын атап өткен.

Әлемде күн сайын мыңдаған адам көз жұмады. Мәселен, 18 тамыздың таңында ғана Worldometers дерегі бойынша, жер шарында 70 мың адам қайтыс болған. Ал жыл басынан бері 39 миллионнан астам адам о дүниелік болған.

Туу көрсеткіші төмендеуде 

Әзірге әлем халқының саны  артып келеді, дегенмен туу мен өлім арасындағы айырмашылық жылдам қысқарып жатыр. БҰҰ-ның дерегінше, 2023 жылы әлемде 132 млн адам дүниеге келіп, 62 миллионға жуығы қайтыс болған. Таза өсім 70 млн адам.

«Болжамдарға сенсек, алдағы бірнеше онжылдықта жағдай күрт өзгереді. 2050 жылға қарай бұл «оң көрсеткіш» екі есеге жуық қысқарады, ал 2084 жылы мүлде теріс мәнге көшеді. Сол...

«Интергаз Орталық Азия» (ИОА) 9 млрд теңгеге купондық облигациялар шығаратынын жариялады. Құнды қағаз саудасынан түскен қаражат Жетісу облысындағы 66 елді мекенге табиғи газ жеткізуге жұмсалады. Компания меморандумы Қазақстан қор биржасында (KASE) жарияланды.

ИОА әрқайсысының номиналды құны 1 мың теңге болатын 9 млн облигацияны қор биржасына шығарады. Құнды қағаздардың жалпы сомасы – 9 млрд теңге. Түскен қаражат «Талдықорған-Үшарал» магистральдық газ құбырын салу жобасын қаржыландыруға жұмсалады. Жоба өңірдің энергетикалық инфрақұрылымын дамытуға арналған.

Облигациялардың негізгі параметрлері:

Шымкент қаласында №2 мамандандырылған халыққа қызмет көрсету орталығының 15 қызметкеріне қатысты қылмыстық іс бойынша қамауда жатқан айыпталушы Жамарт Мұрашимов қалалық аурухананың жансақтау бөлімінде көз жұмды. Бұл туралы оның қорғаушысы Талғат Есімов мәлім етті.

Қорғаушының мәліметінше, Мұрашимов тергеу изоляторына комаға түскен. Аурухананың жан сақтау бөліміне жеткізілгенімен есін жимай жаны үзілген. Мұрашимовтың бұлтартпау шарасын өзгертіп, үйқамаққа не кепілмен босату туралы арызын сот қанағаттандырмаған.

«Мұрашимов адамның жеке басына қатысты қылмыстық құқық бұзушылық бойынша күдікке ілінбеген, экономикалық қылмысқа қатысты айыпталған. Сотқа оның денсаулығына қауіп төндіретін ауруға шалдыққанын айттық. Тиісті медициналық құжаттар ұсындық. Алайда тергеу соты №69 тергеу изоляторының медициналық санитарлы...

Ресей Байқоңырдан тышқандар мен шыбындарды ғарышқа ұшырмақ. Ғарыш айлағынан тірі организмдер орбитаға шығарылады.

Interfax ақпаратына қарағанда,  «Союз-2.1б» зымыран-тасығышы сәрсенбі күні «Бион-М» №2 биоспутнигін полярлық орбитаға шығарады деп күтіліп отыр. Жер серігінің бортында тышқандар, шыбындар, өсімдіктер және микроорганизмдер ғарышқа жіберіледі.

Cаңырауқұлақтар, қыналар, микроорганизмдер

«Роскосмос» мәліметтері бойынша, биожерсерік Мәскеу уақытымен 20:13-те Байқоңыр ғарыш айлағынан ұшырылмақ.

Ғарыш аппаратының бортында 75 тышқан, дрозофила шыбындары, жасушалық дақылдар, өсімдіктер, дәнді дақылдардың, бұршақ дақылдарының және техникалық дақылдардың үлгілері, сондай-ақ «Бион-М» №1 және «Фотон-М» №4 аппараттарында ұшқан тұқымдардан өсірілген өсімдіктердің тұқымдары болады. Сонымен қатар, ғарышқа саңырауқұлақтар, қыналар, микроорганизмдер, бактериялар және басқа материалдар жіберіледі.

Шымкент қаласы әкімінің орынбасары Руслан Берденовке оқ атқан Ернар Жиембай өзіне шығарылған үкіммен келісетіндей емеурін танытты.

Десе де тағылған айыппен келіспей, іс «денсаулыққа қасақана ауыр зиян келтіру» бабымен саралануы керек еді деп санайды.

«Осы 9 жыл болса, 9 жыл. Бірақ әділі адам өлтіру ниетінсіз 106 – денсаулыққа қасақана ауыр зиян келтіру бабы. Себебі нақты аяқталған қылмыс сол. Денсаулығына ауыр зиян келген болды, биологиялық өлім келмеген», – дейді ол.

Журналистердің «аппеляцияға шағым бересіз бе» деген сауалына «көреміз» деп жауап берді.

Шымкент қаласының сәулет және қала құрылысы басқармасының басшысы Арман Абдешов ұсталды. Бұл туралы Informburo.kz хабарлады.

Әлеуметтік желілер мен БАҚ-та 13 тамыз күні бас сәулетшінің қалалық әкімдік ғимаратында ұсталғаны туралы ақпарат тараған еді. Бұған дейін бұл жағдайға қатысты ресми түсініктеме берілмеген.

«Аталған факті бойынша ҰҚК сотқа дейінгі тергеп-тексеру жүргізіп жатыр. ҚІЖК-нің 201-бабының 1-бөлігіне сәйкес («Сотқа дейінгі тергеп-тексеру деректерін жария етуге жол берілмейді»), өзге ақпарат жария етуге жатпайды», – делінген ҰҚК-ның ресми жауабында.

Айта кетейік, Арман Абдешов 2024 жылдың қаңтарында Шымкент қаласы сәулет және қала құрылысы басқармасы басшысының орынбасары қызметіне тағайындалған. Ал 2025 жылдың 28 ақпанында...

Шымкент қаласы әкімінің орынбасары Руслан Берденовке оқ атып, жаралаған «Тұрғын үй Шымкент» ЖШС-ның бұрынғы директоры, 31 жастағы Ернар Жиембайдың ісі бойынша үкім шықты. Бұл туралы Kursiv Media тілшісі жазады.

Судья Әбинұр Қарабаев Ернар Жиембайды  Қылмыстық Кодекстің 24-бабы 3-бөлігі және 99-бабы 1-бөлігімен  кінәлі деп танып, 9 жылға бас бостандығынан айырды. Айта кетейік, Ернар Жиембайдың ісі сотқа Қылмыстық Кодекстің «Адам өлтіру» бабы және «Қылмысқа дайындалу және қылмысқа оқталу» бабымен түскен.

Прокуратура Жиембайды 11 жыл 3 ай мерзімге бас бостандығынан айыру жазасын сұраған еді.

Іс өндіріске 22 шілде күні қабылданған. Басты сот талқылауы 6 тамыз күні басталды.

Берденов пен...