Жаңалықтар

Үкімет шегірткелерге қарсы қорғаныс шараларынан үнемделген қаражатқа дрондар мен автокөілктер сатып алды. Үкімет резервінен бөлінен  3,9 млрд теңгенің 695 миллионға жуығын үнемдеген.

«Үкімет бұл қаражатты шегірткелерге қарсы зерттеулер мен химиялық өңдеулер жүргізу, сондай-ақ қорғаныс іс-шараларын ұйымдастыруды бақылау үшін автокөліктерді сатып алуға пайдалану туралы шешім қабылдады. 7 зерттеу дрондары, 46 химиялық өңдеу дрондары және 38 автомобильдер сатып алынды»,- делінген хабарламада.

Сатып алынған дрондар шегірткелердің дамуы мен таралуын бақылайтын болады. Ал бүрку әдістерін қолдану мүмкін емес жерлерде химиялық өңдеу үшін қолданылады. Ауыл шаруашылығы министрлігі бұл қаржыға автокөлік паркін де 100%-ға жаңартып алған.

Министрлік биыл зиянкестерімен күресу...

«Самұрық-Қазына» әл-ауқат қоры жалғыз акционері – Қазақстан үкіметіне 2023 жыл үшін тағы да дивиден төлейді. Акционердің шешімімен 2023 жылдың бқлінбеген пайдасынан 157,9 млрд теңге аударылмақ.

«Самұрық-Қазына» ұлттық әл-ауқат қоры» АҚ 2024 жылдың 27 желтоқсанында 2023 жылдағы бөлінбеген пайдадан жай акциялар бойынша дивиденд төлеуге ниетті. Бір акцияға дивиденд мөлшері – 45,37 теңге, төлем сомасы – 157 976 925 408,77 теңге», – делінген хабардламада.

20 қарашада «Самұрық-Қазына» қоры 2024 жылы мемлекетке 1,3 триллион теңге, оның ішінде республикалық бюджетке дивиденд түрінде 579 миллиард теңге (бұл сомаға холдингке қарасты компаниялардың дивидендтері де кіреді) аударылғанын хабарлады.

Алайда қазақстанды...

2024 жылы жалпы қуаты 700 МВт-тан асатын энергетикалық нысан іске қосылған. Бұл туралы Энергетика министрлігінің баспасөз қызметі хабарлады.

«Ел экономикасы мен халқын энергетикалық қауіпсіздікпен, сенімді энергия жабдықтаумен қамтамасыз ету мақсатында Қазақстан Республикасында 2024 жылы жиынтық қуаты 700 МВт-тан астам энергетикалық генерация енгізілді», – делінген баспасөз хабарламасында.

Қазақстанның әр өңірінде мынадай энергетикалық генерация пайдалануға берілген:

қуаттылығы 500 МВт Екібастұз МАЭС-1 №1 энергоблок;

қуаттылығы 65 МВт Атырау ЖЭО № 6 турбоагрегаты;

қуаттылығы 43 МВт Жезқазған ЖЭО № 8 қазандық агрегаты.

Бұдан бөлек жиынтық қуаты 163,35 МВт болатын...

«ҚазТрансОйл» бен Қарашығанақ кен орнының операторы – «Қарашығанақ Петролиум Оперейтинг Б.В.» «Қарашығанақ-Атырау» тасымал жүйесін пайдалану және техникалық қызмет көрсету бойынша жаңа шарт жасасқан. Бұл келісім 2025 жылы күшіне енеді.

«ҚазТрансОйл» «Қарашығанақ Петролиум Оперейтинг Б.В.» компаниясына «Қарашығанақ-Атырау» құбыры бойынша 20 жылдан бері қызмет көрсетіп келеді.

Одан бөлек, «Қазақстан-Қытай Құбыры» ЖШС, «МұнайТас» Солтүстік-Батыс
құбыр компаниясы» ЖШС, «Магистральдық Суағызғысы» ЖШС және басқа да
ұйымдарға тиесілі құбырларға қызмет көрсететін оператор. Мұндай құбырлардың ұзындығы 5 мың шақырымнан асады.

«ҚазТрансОйл» АҚ – ұзындығы 5,4 мың шақырым магистральдық мұнай
құбырларының әртараптандырылған желісіне иелік етеді. 5 мың шақырымнан астам өзге ұйымдардың құбырларына қызмет көрсету бойынша операторлық қызмет көрсетеді.

ҚТО 2001 жылы...

Аir Аstana компаниясының кесірінен 10 жасар бала Түркияда транзиттік аймақта екі тәулік бойы жалғыз қалған. Бұл туралы адвокат Данилхан Шағатаев инстаграм парақшасында жазды. Осы жайтқа байланысты Аir Аstana ережеге сай әрекет еткенін, Түркияның көші-қон қызметінің ұйғарымын орындағанын айтып отыр.

Адвокаттың сөзіне қарағанда, 2024 жылы 21 желтоқсанда бұл бала бір топ жас футболшылармен бірге Алматы-Анталья бағыты бойынша КС 915 рейсімен футбол жиынына ұшып барған.

«Балаға ертіп жүру қызметі сатып алынған. Демек Аir Аstana ертіп жүруге жауапты болды», – деп жазады адвокат.

Данилхан Шағатаевтың сөзіне қарағанда, ұшаққа отыру үшін тіркеуден өткен кезде баланың барлық құжаттары болған...

Табиғи уақыт белдеуіне сәйкес келмейтін аймақта тұратындарда қатерлі ісік қаупі жоғары. Бұл жайында елдің бас онкологы Диляра Қайдарова айтты.

Диляра Қайдарованың айтуынша, UTC+5 қазақстандықтар үшін табиғи уақыт. Дүниежүзілік уақытты үйлестіру шкаласына сәйкес, UTC+5 – Алматы, Астана, Шымкент, Қарағанды, Семей, Талдықорған сияқты Қазақстанның ірі қалалары табиғи уақыт белдеуінде жатыр.

«Ғалымдардың пікірінше, халықтың денсаулығы үшін табиғи күн уақытына жақын тұрақты табиғи уақыт белдеулерін қолданған дұрыс. Табиғи уақыт белдеуі ағзаға жарық пен қараңғылықтың табиғи күнделікті циклдарымен үйлестіру мүмкіндік береді»,- деді бас онколог дәрігер.

Бас онколог циркадиялық ырғақтар (биологиялық сағат) ұйқы, метаболизм, иммундық жауап және жасушалық пролиферация сияқты...

Маңғыстау облысы Ақтау қаласы маңында құлаған Embraer ұшағын өндіруші компанияның өкілдері Бразилиядан Қазақстанға келді. Бұл туралы Көлік министрлігі хабарлады.

«Бразилиядан Ақтау қаласына Чикаго Конвенциясының 13-қосымшасына сәйкес Embraer әуе кемесін өндіруші зауыттан арнайы өкілдер келді», – делінген хабарламада. 

Арнайы келген өкілдер Тергеп-тексеру жөніндегі комиссиямен бірге апат орнына барып, алдағы жұмыстарды айқындады. 

Бұған қоса, алдағы уақытта Ақтауға авиациялық оқиғаларды тергеу және алдын алу бойынша құрылған халықаралық CENIPA орталығының өкілдері де келуі тиіс.

Чикаго конвенциясы –  Халықаралық Азаматтық авиация туралы конвенция. Халықаралық авиация жұмысының негізгі принциптерін, қатысушы елдің аумағында ұшу ережелерін, әуе кемесінің ұлттық меншік принципін ұсынатын құжат. Ол...

Қазақстандағы аудиториясы көп блогерлерге жаңа уақыт белдеуінің жағымды тұстарын айтып, ақылы пост жазу туралы ұсыныстар келіп түсуде. Жаңа уақыт белдеуінің адам денсаулығына еш пайдасы жоқ деп санайтын блогерлер мұндай ұсыныстан бас тартқан. Бұл туралы өзінің инста-парақшасында психолог Евгений Ян жазды.

Янның мәліметінше, уақыт белдеуіне қатысты жағымды ақпарат таратуды белгілі медиа-компания ұсынған.

«Бүгін бірнеше адам белгілі медиа-компаниядан ұсыныс түскені туралы жазды. Ұсыныстың мәні қарапайым: ақшалай сыйақы үшін бірыңғай уақыт белдеуінің артықшылықтары туралы ролик, сюжет немесе пост жазу», – деп жазады психолог.

Автор жаңа уақыт белдеуінің халық денсаулығына әсерін текесеруге бағытталған...

Мемлекеттік кіріс комитеті 2025 жылдың бірінші жартысында тексерілетін компаниялар тізімін бекітті. Оған ірілі-ұсақты 655 компания енген. Олардың арасында миллиардер Тимур Құлыбаев, Қайрат Шәріпбаев, Айдын Рахымбаевтардың компаниясы бар.

Салық органдары бұл компаниялардың қанша салық төлеп, әлеуметтік жарналарды қалай аударғанын тексереді. Кешенді тексеріс орта және шағын орта бизнес нысандары, ірі құрылыс компаниялар мен кәсіпорындарда жүреді.

Қандай ірі компаниялардың салығы тексеріледі?

Тексерілетін компаниялар тізімінде 623-қатарда миллиардер Айдын Рахымбаевтың «BI Group» Ltd. жеке компаниясы көрсетілген. Ірі бизнес нысанының құрылтайшылары қатарында Рақымбаевтан бөлек, 23 адам мен қоғамдық қор бар. Бұл қордың түпкі иесі – Айдын Рақымбав.

Ашық дереккөздегі ақпаратқа сүйенсек, жеке...

Қазіргі таңда жастардың радикалды идеологияға тартылу қаупі әлемдік деңгейде өзекті мәселеге айналды. Қостанай облысында жүргізілген әлеуметтік сауалнама нәтижелері бойынша, аймақтағы діни ахуал тұрақты және тыныш деп бағаланған. Алайда зерттеу барысында жастардың дін мәселелеріне ерекше қызығушылық танытып отырғаны анықталды. Бұл көрсеткіш 36,8%-ды құрады.

Зерттеу қалай өтті?

«Діни мәселелерді зерттеу орталығының» әлеуметтанушысы Анар Мақанованың айтуынша, зерттеу 16 аудан мен 4 қалада жүргізілген. Оған 1600 адам қатысып, респонденттер бірнеше жас топтарына бөлінген: 18-29 жас аралығындағы жастар (26,5%), 30-45 жас аралығындағы орта буын (41,75%) және 46-60 жас аралығындағы үлкен буын (31,75%). Респонденттердің 51,6%-ын әйелдер, 48,4%-ын ерлер құрады.

Зерттеу нәтижесінде Қостанай облысындағы жалпы...

Оңтүстік Корея парламенті президент Юн Сок Ёль қызметтен шеттетілгеннен кейін, оның міндетін атқарушы әрі елдің премьер-министрі Хан Док Суға да импичмент жариялады. 

AFP агенттігінің хабарлауынша, 27 желтоқсанда болған парламент отырысында Хан Док Су импичмент жариялауға басқарушы партия дауыс беруге бойкот жариялауына қарамастан, 300 депутаттан 192 депутат импичментті қолдаған.

Импичменттің бастамашысы «Тобуро» жетекші оппозициялық партиясы болды. Конституцияға сәйкес, президентке импичмент жариялау үшін 300 депутаттың 200-і дауыс беруі қажет. Алайда Хан Док Су ресми президент емес президент міндетін атқарушы премьер-министр болғандықтан 150 дауыста жеткілікті болған.

Оңтүстік Корея Заңы бойынша президенттікке келесі үміткер елдің қаржы министрі Чой Сан Хок болады.

14 желтоқсанда...

Үкімет 2025 жылға арналған бюджетті бекітіп, қажетті заң жобасын қабылдады. Бірақ экономика министрлігінің жұмысына сұрақ көп. Неге бір жылда бюджетке 10 рет түзету енгізілген. Келесі жылдың бюджетін бекітпес бұрын дұрыс талдау жүргізілді ме? KursivMedia-ның арнайы шолуын ұсынамыз.

Бюджетке қанша рет түзету енгізуге болады?

2024 жылдың қарашасында Мәжіліс төрағасы Ерлан Қошанов Ұлттық экономика министрлігіне шүйліккен еді. Себеп – 10 айда республикалық бюджетке 10 рет өзгеріс енгізілген екен. Төраға бұл тәртіпке қайшы екенін айтады.

«Ай сайын бюджетке бір өзгеріс енгізіліп отырған. Яғни бюджеттік тәртіп ақсап жатыр деген сөз. Солай ғой. Мұны Үкімет өз қаперіне алуы...

Qazaq Air әуекомпаниясы 28 желтоқсаннан 2025 жылдың 27 қаңтарына дейін Астана-Екатеринбург бағыты бойынша әуе рейстерін уақытша тоқтатты. Бұл туралы компанияның баспасөз қызметі хабарлады.

«Ресейге ұшу тәуекелдерін үнемі бағалау нәтижелері негізінде жолаушылар мен экипаж мүшелерінің қауіпсіздігі мақсатында рейстер тоқтатылды», – деп хабарлады Qazaq Air әуекомпаниясы.

Десе де, әуекомпанияның дерегінше, Омбы мен Новосібірге рейстер ұшырылып жатыр. Өйткені бұл бағыттар тәуекелді бағалау шарттарына сай келеді.

«Екатеринбургке әуе рейстері тәуекелдер қайта бағалау қорытындысы бойынша қайта ашылуы мүмкін», – делінген хабарламада.

Qazaq Air әуекомпаниясының хабарлауынша, тоқтатылған рейстерге билет сатып алған жолаушылардың ақшасы қайтарылады. Сондай-ақ баламалы...

«Ұлттық геологиялық қызмет» АҚ компаниясы мемлекеттік акциялар бойынша дивиденд төлеуден босатылды. Осыған сәйкес Үкіметте қаулы қабылданды.

«100 пайыз акциясы мемлекет жекеменшігінде болған «Ұлттық геологиялық қызмет» АҚ 2023 жылдың қорытындысы бойынша, компания мемлекеттік акциялар пакетіндегі таза табыс бойынша дивиденд төлеуден босатылады», – деп жазылған құжатта.  

Компания материалды-техникалық базаны жаңарту үшін дивиденд төлеуден босатылып отыр. Қаулы 2024 жылы 21 желтоқсаннан бастап күшіне енді.

Дивиденд – компания түсімі, оны акционерлер арасында бөліп береді. Бірақ дағдарыс, бизнесте қиындық болған жағдайда компания дивиденд төлеуден бас тартып, оны кәсіптің дамуына жұмсайтын жағдайлар бар. «Ұлттық геологиялық қызмет» компаниясы толығымен мемлекеттік болғандықтан...

Қазақстанның бұрынғы президенті Нұрсұлтан Назарбаевтың баспасөз хатшысы Айдос Үкібай экс-президенттің жары Сара Алпысқызының қайтыс болғаны туралы ақпаратты жоққа шығарды.

«Отандақ БАҚ өкілдерінің Сара Алпысқызына қатысты сауалына жауап бере кетсем. Оның қайтыс болғаны туралы желіде тарап жатқан ақпарат шындыққа жанаспайды», – деп жазды Айдос Үкібай.

Айта кетейік, осыған дейін желіде Сара Алпысқызы қайтыс болды деген ақпарат тарап кеткен. Ақпаратты бірінші болып, Bes.Media басылым жария еткен. Айдос Үкібайдың жауабынан кейін, басылым техникалық қате кеткенін мойындап кешірім сұрады.

«26 желтоқсан күні кешке Bes.Media Telegram арнасында техникалық қате бойынша бірнеше секундқа некролог жобасы...

Қытайдың үш бірдей компаниясы Қазақстан нарығына келеді. Алпауыт компаниялар Алматы, Ақмола және Жамбыл облыстарында астық пен жүгеріні терең өңдейтін зауыттар салмақшы. Бұл жайында Премьер-министр Олжас Бектеновтің депутаттық сауалға берген жауабында айтылған.

Үкімет басшысы үш маңызды жобаны жүзеге асыру жұмысы жүріп жатқанын мәлімдеді.  Мәселен, Алматы облысында астықты терең өңдеу зауыты салынады. Жоба инвесторы –  «Shanghai Side Cheng Biotechnology» және «CITIC» консорциумы деп аталатын Қытай компаниясы. Жобаның жалпы құны 1 млрд АҚШ долларынан асады. Өндірістің жалпы көлемі шамамен 2 млн тоннаға дейін жетеді.

«Қытайлық «Shijixianghe agribusiness Group» компаниясы Ақмола облысында жылына 1 млн тонна бидай өңдейтін зауыт салуды жоспарлап...

Ұлттық Банк Сағадат Нұрмағамбетов пен Александр Македонскийге арнап коллекциялық монеталар жасады. Олар «Есте қалатын оқиғалар мен біртуар адамдар» сериясы аясында шығарылды.

Алғашқы монета Қазақстанның тұңғыш қорғаныс министрі және Халық Қаһарманы Сағадат Нұрмағамбетовке арналған. Дизайнға Нұрмағамбетовтің портреті салынған. Монета массасы – 15 грамм, дайындау сапасы – brilliant uncirculated, номиналы – 200 теңге. Мельхиор қоспасынан жасалған.  5000 данамен таралады.

Екінші монета тарихта аты қалған император Ескендір Зұлқарнайын қолбасшыға арнап жасалған. Оның массасы – 31,1 грамм, номиналы – 1 000 теңге. Бұл монета 2000 данамен таралады.

Коллекциялардың қай кезде сатылымға шығатынын Ұлттық банк қосымша хабарлайды.  Оларды барлық банк шоттарында есепке алуға, аударуға, ұсақтауға...

Қараша айында айырбастау пункттері халыққа 228 млрд теңгеге доллар сатқан. Бұл көрсеткіш қазан айымен салыстырғанда 34,18%-ға немесе 58,1 млрд теңгеге артық. Қазанда қазақстандықтар айырбастау пункттерінен 170 млрд теңгенің долларын сатып алған болатын.

Қай қаланың тұрғындары долларды көп сатып алды?

Алматы мен Шымкент тұрғындары қолдағы теңгесін долларға көптеп айырбастаған. Алматылықтар 63,8 млрд теңгеге доллар сатып алса, шымкенттіктер 57,5 млрд долларды айырбастаған.

Алматы мен Шымкенттің ізін ала Астана келеді. Бас қаланың тұрғындары бір айда 27,3 млрд теңгеге доллар сатып алған.

Айта кетейік, қараша айында теңге құнсызданып, айырбастау пункттері долларды 530 теңгеге дейін сатқан. Сол кезде халық қолда бар қаржысына...

Маңғыстау облыстық көпсалалы ауруханасының дәрігерлері Ақтаудағы апатқа ұшыраған ұшақ жолаушыларының жағдайы туралы айтып берді. 

Аурухана мәліметіне сүйенсек, қазір мекемеде алты адам ем қабылдап жатыр.

«Олардың төртеуі реанимацияда. Бір адамның жағдайы өте ауыр, үшеуінің жағдайы тұрақты. Екі науқас травматология бөлімінде емдеуді жалғастыруда», – деп хабарлады дәрігерлер.

Облыстық көпсалалы ауруханада емделіп жатқан пациенттердің үшеуі Әзірбайжан, үшеуі Қырғызстан азаматтары.

Қырғыз басылымдарының хабарлауынша, Ақтаудағы ұшақ апатынан зардап шеккен екі қырғыз азаматы ауруханадан шығуға дайын, тағы біреуі жансақтау бөлімінде жатыр. Бұл туралы Маңғыстау облысындағы «Ала-Тоо» қырғыз этномәдени бірлестігінің төрағасы Маматқадыр Наркозуев айтып берген.

Ауруханадан шығуға дайын екі азамат: 26 жастағы Тілек Осмоновтың қолы сынған...

Қазақстанда кедейлік шегін есептеу өзгеретін болды. Еңбек және халықты әлеуметтік қорғау министрі 2024 жылдың 20 желтоқсанда «Кедейлік шегін анықтау туралы» заң жобасына өзгеріс енгізді.

Жаңа өзгеріс бойынша, кедейлік шегін есептеу үшін ең төменгі күнкөріс деңгейі емес, медианды табысқа назар аударылады. Яғни  ай сайынғы кірісі – медианды табыстың 35 %-на тең болса, ол адам кедейлік шегінде деп есептеледі.

Ұлттық статистика бюросының мәліметінше, 2023 жылы елдегі орта медианды табыс 73 883 теңге құраған. Ол сол кездегі күнкөріс деңгейінен (48 738 мың) біршама көп.  Айта кету керек, алғашқыда кедейлік шегі үшін медианалық табыстың 50%-ы қарастырылатын еді.

Медианды табысты есептеу әр аймақта әртүрлі жүргізілед...

Рамзан Қадыров өзінің немере інісі Хамзатты «Шешенстан Республикасы алдындағы қызметі үшін» медалімен құттықтады. Хамзат Қадыровты марапаттау сәтін Рамзан Қадыров Instagram-ға жариялаған.

Немере інісінен бөлек, ол баласы Ахмат пен қыздары Хадижат, Хутмат, Табарик және Айшатты да марапаттаған.

Хамзат Қадыров Шешенстанның Қауіпсіздік кеңесінің хатшысы қызметін атқарады. Ол 25 желтоқсанда Шешенстанға шабуыл жасаған барлық ұшқышсыз ұшатын аппараттарды құлатқанын ресми түрде жариялаған-ды.

«Ұшқышсыз ұшатын аппараттар бір нысанға тиді деген ақпарат жалған. Бәрі құлатылды», – деп жазды Шешенстанның қауіпсіздің кеңесінің хатшысы әлеуметтік желілерге.

Дәл сол күні Бакудан Грозныйға ұшқан Azerbaijan Airlines Ақтауда апатқа ұшыраған еді.

NIYSO атты шешендердің оппозициялы...

2025 жылдың 1 қаңтарынан бастап, елімізде долларды сатып алуға қатысты жаңа ережелер күшіне енеді. Ұлттық банк тамыз айында «Қазақстандағы валюталық операцияларды жүргізу қағидаларына» өзгеріс енгізген. Соған сәйкес, бір күнде 50 мың доллардан асатын валюта сатып алғысы келген заңды тұлға валюта келісімшартын ұсынуы керек. Бұл дегеніңіз сатып алған валютаны қайда жұмсайтынын құжат арқылы негіздеуі тиіс.

Банк ЦентрКредиттің түсіндіруі бойынша, егер қазақстандық компания бір жұмыс күні ішінде 50 мың доллардан асатын валютаны банктегі есеп-шотпен аудару арқылы (яғни қолма-қол ақшамен емес) теңгемен сатып алғысы келсе, не мақсатта сатып алып жатқанын нақты көрсетуі керек. Одан бөлек, банкке валюта келісімшартын ұсынуы тиіс.

Президент Қасым-Жомарт Тоқаевтың жарлығымен 2025 жыл жұмысшы мамандықтарының жылы деп жарияланды.

«2025 жыл Жұмысшы мамандықтарының жылы деп жариялансын. Қазақстан Республикасының Үкіметі Жұмысшы мамандықтарының жылын өткізу бойынша қажетті шараларды қабылдасын»,- делінген Ақорда хабарламасында.

Осы Жарлықтың орындалуын бақылау Президент Әкімшілігіне жүктелді. Жарлық қол қойылған күнінен бастап күшіне енеді.

Президент бұл бастаманы қыркүйек айында өзінің халыққа жолдауында айтқан болатын. Тоқаев өз сөзінде кәсіптік білім беру саласына реформа жасаудың маңыздылығына тоқталып өтті.

«Кәсіптік білім беру саласына реформа жасау – айрықша өзекті мәселе. Бұл – экономиканың өсімін қамтамасыз ету және инвестициялық тартымдылығын арттыру үшін аса...

2030 жылы қалада тұратын халық саны 14 млн адамға жетеді, ал 2050 жылы 20 млн адамға жуықтап қалуы мүмкін. Бұл туралы Еңбек жәнек халықты әлеуметтік қорғау министрлігінің баспасөз қызметі хабарлады.

Министрлікке қарасты «Еңбек ресурстарын дамыту орталығы» АҚ, Болжау және зерттеу департаментінің сарапшылары туу, өлім және көші-қон көрсеткіштері негізінде демографиялық болжам әзірлеген. Сарапшылар талдауына сәйкес, 2030 жылға қарай Қазақстанның қала халқының саны арта түседі. Мәселен, 2030 жылға қарай қалада тұратын қазақстандықтар саны 13%-ға артып, 14 млн-ды құрайды, 2050 жылға қарай 57%, 19,3 миллионға өседі деп күтілуде.

Ал ауыл халқының санында қатты өзгеріс бола қоймайды. Десе де, 2030 жылға қарай...