Жаңалықтар

Алматының орталығындағы Панфилов көшесінде тұрған бірнеше ресторан бірден жұмысын тоқтатты. Оған тұрғындар мен жалға берушілер арасындағы келіспеушілік себеп болған. Kursiv LifeStyle тілшісі тұрғындармен және рестораторлармен сөйлесіп, жабылу себебін анықтады.

Панфилов көшесі, 114-үй мекенжайындағы, дәл «Алмалы» метро станциясының жанындағы бірнеше танымал орын сәуір айының басынан бастап жұмысын тоқтатты. Олардың қатарында украин асханасы Bitanga мейрамханасы, Red, Tokyo ramen izakaya bar, TEADOT, Double Coffee, «Лепим и Варим» және әлі ашылмаған Drinkit бар.

Мейрамханалар орналасқан тұрғын үйдің бірнеше тұрғыны Kursiv LifeStyle тілшісіне бизнес өкілдерімен арадағы даудың барын естігенін айтты, алайда нақты адамдарды атай алмады. Кіреберістердің бірінде ТОО «FASHION IMPORT» компаниясы өкілдерімен кездесу туралы...

Прокуратура Шерзат Полаттың үйін кім өртегенін Ресей спутнигі арқылы анықтайды . Бұл туралы Сенат кулуарында Бас прокурордың орынбасары Ғалымжан Қойгелдиев айтты.

«Сотқа дейінгі тергеу амалдары жүргізілуде. Екі рет сараптама жүргізілді. Бұл сараптамалар арқылы белгілі бір нәтижелерге қол жеткіздік. Қазіргі уақытта жұмыстар сәл тоқтап қалды. Себебі біз Біз Ресей Федерациясына халықаралық тергеу бойын сұрау жібердік. Біз Ресей спутнигі арқылы өрт болған уақыттарда жақын маңда қандай көліктер тұрғанын көргіміз келеді. Толық зерттеу үшін біраз уақыт керек болады», – деді прокуратура өкілі.

Еске сала кетсек, бүгін Талдықорғанда Шерзат ісіне байланысты сот өтеді.

10 сәуірде Талдықорған қаласында Шерзат Полаттың қазасына қатысты іс бойынша соттың алдын ала тыңдауы басталады. 16 жастағы жасөспірім былтыр қазан айында Талғар қаласында кісі қолынан қаза тапқан. KursivMedia сот отырысына тікелей трансляция ұсынады.

14:25 Судья Жанұзақов қаулы жариялады. Оған сай бас сот талқылауы Жетісу облысы қылмыстық істер жөніндегі мамандандырылған ауданаралық соты ғимаратында 2025 жылғы 17 сәуірде 10:00-де өтетін болып тағайылдалды. Сот толқылауы ашық өтіп, өндіріс қазақ тілінде жүргізіледі. Одан кейінгі отырыс келесі күні – 18 сәуір сағат 10:00-де өтеді. Осылайша, процесс аптасына екі рет, бейсенбі, жұма күндері өтіп тұрады.

14:00 Судья Жанұзақов сотталушылардан істі алқа билердің қатысуымен қарай туралы сұрады. Сотталышулар бұған...

10 сәуірде Алматы облыстық соты Талғар қаласында кісі қолынан қайтыс болған Шерзат Полаттың ісіне қатысты сот отырысын бастайды. Kursiv.Media тілшісі оқиға орнына БАҚ өкілдерінің жиналып жатқанын хабарлады.

Сот ғимараты маңында күзет күшейтілген. Тіпті кинологтар екі итпен сот ғимаратына кіріп кетті.

Әзірге адам көп емес. Негізінен БАҚ өкілдері жиналып жатыр. Жергілікті сот өкілінің айтуынша, БАҚ өкілдерін жеке бөлмеге отырғызады.

Көзге көрінетін тұста, сот ғимаратының дәл қасында бір жедел жәрдем көлігі мен бір полиция көлігі тұр.

Істі Алматы облыстық соты қарағанымен ғимарат Талдықорғанда орналасқандықтан, Жетісу облыстық сотына тиесілі.

Сот отырысы сағат 12:00 басталуы тиіс. Отырысқа жарты сағат қалғанда, сот ғимаратына адамдар кіре...

Нұрлан Нығматулиннің егіз бауыры мен ұлының үстінен прокуратураға шағым түскен. Бұл туралы Сенат кулуарында Бас прокурордың орынбасары Ғалымжан Қойгелдиев айтты.

«Нығматулиннің ұлы Нұрлановқа және Ерлан Зайроллаұлына қатысты арыздар келіп түсті. Қазір олар қаралып жатыр. Арғын Нығматулинге қатысты Бас прокуратура бюджет қаражатын ұрлау фактісі бойынша істі қарауда. Ол хоккей клубына бөлінген мемлекеттік қыржыны жымқырды деп күдіктеледі. Оған халықаралық іздеу жарияланды. Біз оның тұрған жерін анықтағаннан кейін, оны экстрадициялау шаралары қолға алынады», – деді прокуратура өкілі.

Еске сала кетсек, Нығматулиннің ағасы Арғын Нығматулиннің үстінен қылмыстық іс қозғалған. Қазір халықаралық іздеуде. Арғын Нығматулин өзінің  лауазымын пайдаланып, «Сарыарқа...

Атырау мұнай өңдеу зауытының («АМӨЗ» ЖШС) басшысы ауысты. Зауытты енді Қуаныш Ердәулетұлы Бишімов басқарады. Бұл шешім серіктестік қатысушыларының кезектен тыс жалпы жиналысында қабылданған.

Қуаныш Бишімов бұған дейін кеден саласында, сондай-ақ бірнеше министрлікте жұмыс істеген. Әр жылдары «Петропавл ауыр машина жасау зауыты» АҚ-ның директоры, «Атамекен» кәсіпкерлер палатасы төрағасының орынбасары және «Қазақстан Инжиниринг» ұлттық компаниясының басқарма төрағасы қызметтерін атқарды.

Соңғы уақытта ол Павлодар мұнай-химия зауытының бас директоры болды. Енді Атыраудағы зауыттың жұмысын жандандыру – оның басты міндеті болмақ.

Қуаныш Бишімовке қойылған негізгі талаптар қатарында өндірістің тиімділігін арттыру, сапалы мұнай өнімдерінің көлемін ұлғайту, экологиялық жобаларды жүзеге асыру және өндірістегі қауіпсіздікті күшейту...

Сенат депутаттары Нұрғазы Әбдіқановты Жоғарғы Судья қызметінен босату туралы қаулыны мақұлдады.

Мемлекет басшысының ұсынуымен Сенат депутаттары Жоғарғы Сот судьясы Нұрғазы Әбенұлы Әбдіқановты қызметінен босатуға дауыс берді.

«Судья зейнет жасына жетті. Сот істерінде тәжірибесі мол. Осы салада 27 жыл қызмет етті. Осыған орай, мемлекет басшысының ұсынысын қабыл алып, Нұрғазы Әбенұлы Әбдіқановты отставкаға кетуіне байланысты Жоғарғы судья қызметінен босатуды сұраймын», – деді Жоғары сот кеңесінің төрағасы Дмитрий Малахов.

Депутаттар қаулыны қабылдады.

Жоғарғы сот әрекеті салдарынан бір адам қайтыс болған жасөспірімге қатысты шыққан сот үкімін өзгертті деп хабарлайды KursivMedia.

Бірінші инстанциядағы сот оны 2 жылға бас бостандығынан айырған. Ал іс апелляциалық тәртіпте қаралған соң, бас бостандығынан айыру жазасы 1 жылға төмендетілген.

Қылмыстық істің материалдарына қарағанда, кәмелетке толмаған А. көлікті басқарып, жол қозғалысы ережесін бұзып, «Nissan Prairie» автокөлігімен соқтығысқан. Оның осы әрекетінің салдарынан «Nissan Prairie» автокөлігінің жолаушылары түрлі дене жарақатын алған. Жолаушы С. ауруханада қайтыс болған.

Сотталғанның әрекеті сот отырысында жан-жақты, толық, объективті бағаланып, зерттелген. Ешбір күмән келтірмейтін дәлелдемелермен толық бекітілген. Оның қылмыстық әрекеті Қылмыстық кодекстің 345-бабы 3-бөлігі (көлiкті пайдалану қағидаларын бұзу...

Қызылорда облысын ыстық сумен қамтамасыз ету үшін Үкімет резервінен 5 млрд теңге бөлінеді. Бұл туралы Үкіметтің баспасөз қызметі хабарлады.

«Мемлекет басшысының тапсырмаларын жүзеге асыру аясында Қызылорда облысының бюджетіне ыстық сумен жабдықтау желілерін салу үшін Үкімет резервінен нысаналы трансферттер түрінде шамамен 5 млрд теңге бөлінді. Тиісті қаулыға Премьер-министр Олжас Бектенов қол қойды», – делінген баспасөз хабарламасында.

Баспасөз қызметінің хабарлауынша, бүгінгі күні Қызылорда қаласы – орталықтандырылған ыстық сумен жабдықталмаған жалғыз облыс орталығы. Қаланың көпқабатты үйлеріне ыстық тоқпен және газбен жылыту құрылғылары арқылы беріліп отырады. Бұл мәселені шешуді 2023 жылы өңірге жұмыс сапарымен барған президент Қасым-Жомарт...

Өзіңізді басқалармен салыстырған сайын өзімізге өзіміз ор қазғандай боламыз. Одан қала берді әлеуметтік желі, басқалардың қол жеткізіп жатқан жетістіктері, күткен нәрсеміздің ойдағыдай орындалмауы — бәрі кері әсер етуі мүмкін. Соның кесірінен адам өзіне керек дүниенің емес, алдамшы ойлардың қақпанына түсіп қалып жатады. Олай болса, мұндай күйге түспес үшін не істеу керек, егер қазір осындай жағдайда жүрсеңіз не істеу керегіне тоқталайық.

Неге салыстыра бересіз, соны түсініп алыңыз

Жалпы алғанда мидың негізгі функцияларының бірі — салыстыру. Яғни оның жұмысы сол: мен қайда тұрмын, басқалар қайда жүр, қайсысы қалыпты — осыны анықтау үшін ойланады. Бірақ осы ретте конструктив салыстыру (мотивация, құлшыныс...

Автосақтандыру рәсімдеудің ең тиімді жолы қандай? Kursiv.Media тілшісі міндетті сақтандыру мен КАСКО-ны салыстырып, ақша үнемдеудің жолдарын анықтап, сенімді сақтандыру компаниясын таңдаудағы лайфхактарымен бөлісті.

Қазақстандағы автосақтандыру түрлері

Қазақстанда автокөлікті сақтандырудың екі негізгі түрі бар: міндетті – КҚИ АҚЖ МС және ерікті – КАСКО. Бұл екеуінің мақсаты мен бағасы әртүрлі, сондықтан қайсысын таңдайтыныңызды түсіну маңызды.

КҚИ АҚЖ МС — міндетті сақтандыру. Егер жол апатына себепкер болсаңыз, аталған сақтандыру басқа адамға келген шығынды өтейді. Атап айтқанда, көлігін жөндеу, медициналық көмек немесе заңды шығындар. Бұл сақтандырудың бағасы мемлекет тарапынан реттеледі және көбінесе жүргізушінің тәжірибесіне, көлік түріне, тіркелген аймағына байланысты есептеледі.

КАСКО — көлігіңізді өзіңіз үшін ерікті сақтандыру. Бұл полис көлігіңізге келетін зиянды, ұрлықты...

Бүгін, 10 сәуірде, Талдықорған қаласында Шерзат Полаттың қазасына қатысты іс бойынша соттың алдын ала тыңдауы басталады. 16 жастағы жасөспірім былтыр қазан айында Талғар қаласында кісі қолынан қаза болды. KursivMedia Талдықорғаннан тікелей трансляция жүргізеді.

Істі Алматы облысының соты қарап жатқанымен, алдын ала сот тыңдауы Жетісу облысы қылмыстық істер жөніндегі мамандандырылған ауданаралық соты ғимаратында өтеді. Жоғарғы сот мұның себебін істегі тоғыз айыпталушының (тергеу барысында барлығы 11 күдікті ұсталған) Талдықорғандағы тергеу изоляторында отырғанымен түсіндірді.

Сот отырысы 10 сәуір, бейсенбі күні түскі сағат 12.00-де басталады. Шерзаттың соты ашық өтеді.

Істі судья Е.С. Жанұзақов қарайды.

«Адам өлтіру», «бұзақылық», «қорқыту» және «қылмыс туралы хабар бермеу» фактілері бойынша...

АҚШ президенті Дональд Трамп Қытай тауарларына баж салығын 125%-ға дейін көтергенін жариялады. Бұған дейін Қытай америкалық тауарларға сауда салығын 84%-ға дейін көтерген.

Трамп Бейжіңге қатысты шешімін өзіне тиесілі TruthSocial әлеуметтік желісіне жазды.

«Қытайдың әлем нарығына құрметпен қарамайтынын ескере отырып, мен АҚШ-тың Қытайға арналған тарифтерін 125%-ға дейін көтеремін. Шешім бірден күшіне енеді», – деп мәлімдеді Ақ үй басшысы.

Трамптың пікірінше, Қытай «АҚШ пен басқа да елдердің ақысын жеуге болмайтынын» жақында түсінеді.

Бір күн бұрын АҚШ президенті қытай тауарларына баж салығын 104%-ға дейін көтерген. Ал ҚХР оған жауап ретінде америкалық импортқа сауда салығын 84%-ға дейін...

Астана халықаралық форумы 2025 жылы алғаш рет демеушілер есебінен өткізіледі. Бұл туралы Ұлттық экономика министрлігі хабарлады.

Премьер-министрдің орынбасары Серік Жұманғариннің айтуынша, Астана халықаралық форумын ұйымдастыруға мемлекеттен қаржы бөлінбейді. Форумды ұйымдастыру үшін демеушілер тартылады. Бұл туралы вице-премьер Мәжілістің отырысынан кейін журналистерге берген сұхбатында айтты.

Жұманғариннің сөзінше, осы кезге дейін Халықаралық форумды өткізуге мемлекет қаржысы тартылып келген. 2025 жылы бұл қаулы күшін жойған. Осы себепті шараға демеушілер тарту қажет.

«Форумды ұйымдастыруға қатысты барлық шығындар демеушілік жарналар арқылы жабылады және оған мемлекеттік бюджеттен қаражат бөлінбейді», – деп түсіндірді министрлік.

Айта кетейік, 28 қаңтарда Үкіметтің кеңейтілген отырысына қатысқан...

Қазақстан президенті Қасым-Жомарт Тоқаев Су кодексіне қол қойды деп хабарлады Ақорда.

Кодекстің бірінші блогы су үнемдеудің жаңа тетіктерін енгізуге және су нысандарын қорғауға бағытталған. Заңнамаға алғаш рет «су қауіпсіздігі» ұғымы енгізілді. Бұл азаматтар мен ел экономикасын су тапшылығынан, ал су нысандарын ластанудан қорғауды, сондай-ақ трансшекаралық су нысандарын қорғау мен пайдалану саласында Қазақстан мүддесіне қызмет етеді.

Екінші блок саланы басқару тәсілдерін қайта қарастырады. Онда су ресурстарын қорғаудың басым бағыттарына, шешім қабылдауға жұртшылықты кеңінен тартуға және су шаруашылығы бассейндері негізінде басқаруға мән берілген.

Үшінші блок су тасқынының, судан келетін зиян мен залалдың алдын алу және жою жөніндегі іс-шараларды қамтиды.

Төртінші блокта су қорын пайдалану мен қорғау саласындағы мемлекеттік...

Алматыда «Меркурий Тауэрс» тұрғын үй кешенінің күзетшісін өлтіру ісі бойынша сот үкімі шықты. Айыпталушы 22 жылға бас бостандығынан айырылды деп хабарлайды Kursiv.Media.

Бұған дейін БАҚ-та сотталушының экс-депутат Саламғазы Тастандиевтің ұлы Асқар Тастандиев екені айтылды.

Іс Алматы қаласының қылмыстық істер жөніндегі мамандандырылған ауданаралық сотында жабық түрде қаралды.

Сотта 2024 жылдың наурызында түнгі уақытта сотталушы мас күйінде жәбірленушімен жанжалдасып арты төбелеске ұласқаны анықталды. Содан кейін сотталушы көлігіне отырып, тұраққа шығатын жерге қарай бет алған. Сол жерде жәбірленуші сотталушының тұрақтан шығуына жол бермей, қақпа мен шлагбаумды жауып тастаған. Сотталушы қақпаны, шлагбаумды және бағананы қағып, артында тұрған жәбірленушіні қағып кеткен. Содан кейін көлігімен жерде жатқан...

Алматыда FIDE World Cup ресми іріктеу турнирі – аймақтық Азия чемпионаты (3.4 аймағы) аяқталды. Бұл туралы Қазақстан шахмат федерациясы хабарлады.

Турнирде Орталық Азия елдерінің жетекші шахматшыларының басы қосылды. Тоғыз турдың қорытындысы бойынша Әлем кубогына жолдама алғандар:

Әйелдер:

Афруза Хамдамова (Өзбекстан)

Елназ Калиахмет (Қазақстан)

Меруерт Қамалиденова (Қазақстан)

Ерлер:

Алдияр Аңсат (Қазақстан)

Сәтбек Ахмединов (Қазақстан)

Әлішер Сүлейменов (Қазақстан)

Мухаммадзохид Суяров (Өзбекстан)

Әйелдер секциясында соңғы турдың басында-ақ көп нәрсе шешілді. Бірінші үстелде 16 жастағы Афруза Хамдамова мен 14 жастағы Елназ Қалиахмет тез арада партияны тең ойынмен аяқтауға келісті. Осылайша Әлем кубогына баратыны белгілі болды. Қалған бір жолдама үшін Меруерт Қамалиденова мен Алуа Нұрман

Қасым-Жомарт Тоқаев премьер-министр Олжас Бектеновтің, Ұлттық банк төрағасы Тимур Сүлейменовтің және басқа да лауазымды тұлғалардың қатысуымен жиын өткізді. Бұл туралы Ақорда хабарлады.

Жиында әлемдік нарықтағы тарифтік қақтығыстардың салдарынан энергетика ресурстары және негізгі тауарлар бағасының құлдырауына байланысты ел экономикасында қалыптасқан ахуал қаралды.

Президент Үкімет пен жергілікті атқарушы органдардың іс-қимыл жоспарын қысқа мерзімде аяқтауды тапсырды. Бұл жұмыс қаржы-экономикалық дағдарыс кезінде өсімді және тартылатын инвестиция көлемін төмендетпеуді көздейді.

Қасым-Жомарт Тоқаев қазіргі аса қолайсыз жағдайға қарамастан, еліміздің экономикалық дамуы бойынша өзі жариялаған басымдықтар, соның ішінде ірі инфрақұрылымдық жобалар, цифрландыру мен жасанды интеллектіні дамыту, ауыл шаруашылығы мен көлік-логистика саласын жаңғырту бастамалары толық жүзеге асырылатынын айтты.

Президент...

Негізгі ҰБТ-ға өтініш қабылдау 12 сәуірде басталып, 25 сәуірге дейін жалғасады. Бұл туралы Ұлттық тестілеу орталығы хабарлады.

Ресми ақпаратқа сәйкес, 12-18 сәуір аралығында бір рет өтініш беруге, 19-25 сәуір аралығында бір немесе екі рет өтініш беруге болады.

Тестілеу 16 мамырда басталып, 5 шілдеге дейін жалғасады. Талапкерлер негізгі ҰБТ-ны екі рет тапсырып, ең үздік нәтижемен грант конкурсына қатыса алады.

ҰБТ-ға қатысу үшін Ұлттық тестілеу орталығының http://app.testcenter.kz сайты немесе UTO.kz қосымшасы арқылы өтініш беруге болады. Талапкерлер тестілеу күнін, уақытын және пунктін өздері таңдайды. Олар екі мүмкіндік үшін бейіндік пәндердің бір ғана комбинациясын белгілейді.

ҰБТ-дағы пәндер саны өзгерген жоқ

Орталықтың хабарлауынша, ҰБТ-дағы пәндердің саны...

Қазақстан президенті Қасым-Жомарт Тоқаев белгілі журналист Лев Тараковтың жақындарына көңіл айтты. Бұл туралы Ақорда хабарлады.

«Шығармашылық династияның талантты өкілі Лев Юрьевич отандық журналистиканың дамуына, жас мамандарды тәрбиелеуге үлкен үлес қосты. Ол әріптестері арасында зор абырой мен құрметке бөленіп, кәсібилік пен өз ісіне адалдықтың үлгісін танытты», – делінген жеделхатта.

Айта кетейік, 2025 жылдың 9 сәуірінде танымал журналист, қоғам қайраткері, «Время» газетінің бас редакторы Лев Тараков 59 жасында дүниеден озды.

Шымкентте әкімдіктің, жергілікті атқарушы органдардың атынан «пәтер алып беремін» деп халықты сазға отырғызғандар көбейген.

Шымкент әкімдігі бұған қатысты арнайы мәлімдеме жасады. Өтірік уәде беріп, жалған құжат таратушылардың мемлекеттік қызметкерлер емес, алаяқтар екенін ескертті.

Заңсыздыққа баратындар кімдер?

«Өкінішке қарай, халық арасында, интернет кеңістігінде жергілікті атқарушы органдардың атынан жалған құжаттар таралып жатыр. Пәтер алып беруге көмектесемін деп заңсыздыққа баратын алаяқтар көбейді», – деп хабарлады әкімдіктің баспасөз қызметі.

Жергілікті атқарушы орган Шымкентте әкімдіктің атынан уәде берушілерге кез болған адамдарды шұғыл құқық қорғау органдарына хабарласуға шақырып отыр.

Басқарма қызметкерлері мұндай хабарлама таратпайды

Әкімдіктің айтуынша...

Алматы әуежайында қызметкер қызды кепілге алғаны үшін қылмыстық кодекстің үш бабы бойынша айыпталған Машрапбек Баратовтың ісі прокуратураға қайтарылды. Бұған сотталушының тағылған айыптың бірін мойындамағаны себеп болды деп хабарлайды Kursiv.Media.

Іс Түрксіб ауданы сотында қаралды. Судья тағылған айып мотиві ашылмағанын, куәгерлерден толыққанды жауап алынбағанын негізге алып, іс материалдарын прокуратураға қайтару туралы шешім шығарды. Ал сотталушыға қатысты қамауда ұстау түріндегі шара өзгеріссіз қалды.

Айта кетейік, Баратов Қылмыстық кодекстің 261-бабы 2-бөлігі 4-тармағы (қаруды немесе қару ретiнде пайдаланылатын заттарды қолданып адамды кепілге алу), 293-бабы 3-бөлігі (пышақ қолданып жасалған бұзақылық), 273-бабы (терроризм актiсi туралы көрiнеу жалған хабарлау) бойынша айыпталған.

Іс бойынша сотқа дейінгі жеделдетілген тергеу...

Ұлытау облысында бюджет қаражатын жымқырған балабақша бухгалтері 8 жылға шартты түрде сотталды. Бұл туралы облыс прокуратурасы хабарлады.

Қаражал қаласы прокуратурасы тексеріс жүргізіп, Жәйрем кентінің «Балдырған» балабақшасының бухгалтерінің әрекетін анықтаған.

«Бухгалтер қызметкерлердің есепшотына белгіленген жалақы мөлшерінен жоғары қаражатты негізсіз аударған. Негізсіз аударылған бюджет қаражатының жалпы сомасы – 15,9 млн теңге», – делінген ақпаратта.

Қаражал қалалық сотының үкімімен бухгалтер қылмыстық кодекстің 189-бабы 4-бөлігі 2-тармағы бойынша кінәлі деп танылып, 8 жыл мерзімге шартты түрде сотталды. Ол 10 жыл ұйымдар мен кәсіпорындарды қаржыландыруға байланысты бухгалтерлік және өзге де қызметпен айналысу құқығынан айырылды.

Алматыда қайталама нарықтағы пәтерлер қымбаттады. Наурызда бағалар 3,7%-ға өскен. Бірінші несие бюросы пәтер бағасы осыдан 2,5 жыл бұрын, 2022 жылдың қазан айында осылай көтерілгенін жазады.

Соңғы үш ай қатарынан қаладағы пәтер бағасы өсіп жатыр. Ал 2024 жылдың басында, керісінше, бағалар төмендеген еді. Жалпы бір жыл ішінде қайталама пәтерлердің бағасы 7,2% өскен.

Алматыда жаңа пәтер бағасы да қымбаттаған. Наурыз айында баға 1,9%-ға көтерілген. Бұл да аз емес, себебі мұндай өсім 2023 жылдың қыркүйегінен бері болмаған.

Жаңа үйлердің бағасы бір жылда 15%-ға қымбаттаған.  krisha.kz сайтындағы хабарламаларды талдаған Applied Economics Research Centre сарапшыларының жазуынша, тұрғын үйлердің орташа шаршы метр құны 2,2% қымбаттап,...