Жаңалықтар

Жетісу облысының прокуратурасы жеке сот орындаушысына қатысты лауазымдық өкілеттіктерін асыра пайдалану фактісі бойынша Қылмыстық кодекстің 362-бабына сай сотқа дейінгі тергеп-тексеруді бастағанын хабарлады.

Оқиғаның мән-жайы

Мемлекеттік сот орындаушысының іс жүргізуінде алимент өндіру туралы атқарушылық іс болған. Оның аясында борышкерге шетелге шығуға шектеу қойылған. Бірнеше жылдан кейін сот орындаушысы атқарушылық құжатты жеке сот орындаушысына береді. Ал ол болса, борышкердің елден шығуына қойылған шектеуді алып тастап, борышкер Корея Республикасына ұшып кеткен. Қазіргі уақытта сол жақта.

Тергеу кезінде анықталғаны

«Қарсы прокурорлық тексеру кезінде өндіріп алушы атқарушылық іс жүргізуді қайтару және борышкердің шығуына қойылған шектеуді алып тастау...

Жітіқара соты салық органдарында тіркелмей жолаушы тасымалдаған жүргізушіні 41 286 теңге айыппұл салып, әкімшілік жауапқа тартты.

Қостанай соттары ақпаратына қарағанда, Жітіқара аудандық соты қостанайлық азаматқа қатысты әкімшілік құқықбұзушылық ісін қарады. Ол салық органында тіркеусіз кәсіпкерлік қызметпен айналысқаны үшін жауапқа тартылды.

Сот дерегінше, 2025 жылғы 16 шілдеде полиция қызметкерлері тексеру барысында Пригородное ауылында такси жүргізушісінің Toyota көлігін тоқтатқан. Ол Жітіқара – Қостанай бағыты бойынша жолаушыларды тасымалдап жүріпті.

Автокөлікте 4 жолаушы болған. Олардың бірі жол ақысына 5000 теңге төлеген.

«Такси жүргізушісі жеке кәсіпкер ретінде тіркелмеген және қызметінің басталғаны жөнінде хабарлама бермеген. Соған қарамастан, ол ақыға жолаушы тасымалдаумен...

Қазақстандық елші Роман Василенко Брюссельде НАТО Бас хатшысы Марк Рюттеге сенім грамоталарын тапсырды. Тараптар ынтымақтастықты талқылады.

Қазақстанның Сыртқы істер министрлігінің ақпаратына қарағанда, Брюссельде – Қазақстан Республикасының Бельгия Корольдігіндегі, Еуропалық Одақтағы және Солтүстік Атлантикалық Шарт Ұйымындағы (НАТО) Елшісі Роман Василенко НАТО Бас хатшысы Марк Рюттемен кездескен.

Салтанатты рәсімнен кейін өткен кездесуде тараптар Қазақстан мен НАТО арасындағы ынтымақтастықтың қазіргі жай-күйін және халықаралық күн тәртібіндегі өзекті мәселелерді талқылады.

Роман Василенко Қазақстан үшін НАТО-мен әріптестіктің басты мақсаты – БҰҰ қамқорлығымен өтетін бітімгершілік миссияларына қатысу үшін Қарулы Күштердің бітімгершілік бөлімшелерін даярлау екенін атап өтті.

Кездесу қорытындысында тараптар Қазақстан Қарулы Күштерінің бітімгершілік әлеуетін нығайту саласындағы...

Өзбекстан президенті Шавкат Мирзиёев кәсіпкерлермен 20 тамыздағы кездесу барысында салықтық амнистия жариялады. Бұл жайлы Gazeta.uz басылымы жазады.

Ел үкіметінің тексеруі нәтижесінде 20 мың кәсіпкерде жалпы сомасы 16 трлн сумға (1,28 млрд доллар) жететін қателіктер мен бұзушылықтар анықталды. Бұл олардың кәсіпкерлік тұрақтылық рейтингіндегі орнына әсер еткен.

«Сондықтан бүгін біз өзіндік бір „амнистияны“ жариялаймыз: осы тексерулер бойынша айыппұлдар қолданылмайды. Оның орнына 1 қарашаға дейін бизнеске барлық қателіктер мен кемшіліктерді ерікті түрде түзету мүмкіндігі беріледі. Бір сөзбен айтқанда, 1 қарашадан бастап кәсіпкерлер рейтингі „таза парақтан“ басталады», – деді президент.

Тағы бір өзгеріс – пайда салығы бойынша...

Көлік министрлігі қазақстандықтардың әуе, теміржол және теңіз көлігімен жасаған сапарлары туралы мәліметті мемлекеттік органдарға беріп отыруды көздейтін бұйрық әзірледі.

Қандай деректер жиналады

Енгізілетін өзгеріске сай, тасымалдаушылар немесе билетті сатушы тұлғалар азаматтардың сапары туралы меліметтер мен олардың жеке деректерін мемлекеттік органдарға беріп отырады. Оның ішінде азаматтардың тегі, аты, әкесінің аты (бар болса), жеке басты куәландыратын құжаттың түрі мен нөмірі, жүру күні мен орны, баратын пункті, бағыт түрі, сондай-ақ жолаушының келісімімен байланыс деректері беріледі.

Әуе жолаушылары мен экипаж мүшелерінің қосымша маршруты, азаматтығы, туған күні, рейс нөмірі, багаж бен отырғызу орны туралы деректер, төлем тәсілі, брондау тарихы және басқа да...

2025 жылдың 6 айында Түркістан облысында шетелден келген саяхатшылар саны 24 мыңға жуықтап, өткен жылдың тиісті кезеңімен салыстырғанда екі есе артқан. Бұл туралы облыстық туризм басқармасының басшысы Нұрдәулет Медеуов мәлім етті.

Медеуовтің хабарлауынша, облыста туризм саласында динамикалық өсім бар. Мысалы, биыл шетелдік саяхатшылар санын 18 мыңға жеткізу жоспарланған. Әйткенмен e-qonaq платформасының есептеуінше, өткен жарты жылда олардың саны 24 мыңға жуықтаған.

«Бұл өткен жылдың тиісті кезеңімен салыстырғанда екі есе артық көрсеткіш» дейді ол.

Басқарма 18 туристік компаниямен серіктестік орнатқан. Нәтижесінде, компаниялар наурыз-маусым айларының аралығында 20 мыңға жуық саяхатшыны тартқан.

Жалпы шетелдік саяхатшылардың дені көрші жатқан

Таиландтың Туризм және спорт министрлігі алдағы үш ай ішінде ел аумағында туризмді дамыту мақсатында 200 мың шетелдік туристке ішкі рейстерге тегін билет таратуды жоспарлап отыр.

Bangkok Post басылымның хабарлауынша, министрлік бұл арқылы ел ішіндегі қосалқы әуе бағыттарын дамытуды к-здепе отыр.

Яғни, халықаралық рейске билеті бар шетел азаматтары Тайландтағы алты әуе компаниясының (Thai Airways, Thai AirAsia, Bangkok Airways, Nok Air, Thai Lion Air және Thai Vietjet) бірінің рейсімен ішкі бағытта барып-қайтуға арналған тегін билетті және 20 келіге дейінгі жүк тасымалдау мүмкіндігін ала алады.

Туристерге тегін билеттер беру үшін 700 млн бат қажет

Халықаралық рейстерді тікелей әуекомпанияларынан немесе онлайн...

Кәсіпкер Патох Шодиев Алматы ауданаралық экономикалық сотына Еуразиялық қаржы компаниясының (ЕҚК) үстінен шағым түсірді. Мәлімет Қаржылық есептілік депозитарийі сайтында жарияланды. Арыз 14 тамызда сотқа түскен.

Еуразиялық қаржы компаниясына Еуразия банкі мен «Еуразия» сақтандыру фирмасы кіреді. Шодиев оның акционерлерінің бірі.

Сот шағымында кәсіпкер ЕҚК директорлар кеңесінің 2025 жылғы 30 шілдедеді шешімін заңсыз, жарамсыз деп тануды сұрайды. Ол шешімдерді директорлар кеңесіне мүше Шухрат Ибрагимов (марқұм Әлиджан Ибрагимовтің ұлы) пен Андрей Копов қабылдаған.

Бұған қоса, Шодиев ЕҚК-дан моральдық шығын ретінде 1 млн теңге өндіріп беруді сұрайды. Ол істің жабық қаралуын қалайды.

Кәсіпкер өзінің үлесі бар компанияны осымен екінші мәрте сотқа беріп...

Қазақстанда майлы дақылдарды өңдеу көлемі артып, нәтижесінде өсімдік майының өндірісі 24%-ға артқан. Бұл туралы Ауыл шаруашылық министрлігінің баспасөз қызметі хабарлады.

«2025 жылғы қаңтар–шілде қорытындысы бойынша өсімдік майын өндіру өткен жылдың сәйкес кезеңімен салыстырғанда 24%-ға артып, 420,5 мың тоннадан 521,2 мың тоннаға жетті. Оның ішінде күнбағыс майының өндірісі 457,7 мың тоннаны құрап, өткен жыл деңгейінен 24,5%-ға жоғары болды», – делінген министрлік хабарламасында.

Ал 2024 жылы жалпы алғанда 753 мың тонна өсімдік майы өндірілген. Бұл көлем 2023 жылғы көрсеткіштермен салыстырғанда 12%-ға артық. Ал күнбағыс майын өндіру көрсетікштері 18,3%-ға өскен.

Министрлік мәліметінше, елде жылдық қуаты...

Челси клубына ауысқалы отырған Дастан Сәтпаев дұғасы ұдайы қабыл болатынын, бес уақыт намаз оқитынын айтты

Оның пікірінше, Челси клубы «жасаған дұғасының арқасында» оған назар аударған.

Бұл жайында 17 жасар қазақ футболшысы Нобель Арустамянға берген сұхбатында айтқан.

«Мен жиырмасыншы минутта ойынға қосылдым. Оған дейін намаз оқыдым. Намаз уақыты белгілі уақытқа бекітілгені мәлім. Мәселен, намаз уақыты қыздырыну кезінде келді. Содан кейін оқыдық. Біз күніге бес уақыт намаз оқимыз», – деді журналист.

«Бұл сен үшін неге маңызды?» деп сұраған ресейлік журналистке:

«Өйткені, бұл мені рухани тұрғыдан дамытады. Бәрі Аллладан. Маған көмектеседі. Мен сәждеге жығылып, дұға етіп...

Отбасы банктің бас кеңсесі Астанадан Алматыға көшеді. Бұл жайлы банктің баспасөз қызметіне сілтеме жасаған Bes.media жазады. Көшуге қаржы ұйымының ұлттық институт деген статус алуы себеп болған.

«Қазақстанда жүргізіліп жатқан тұрғын үй саясаты аясында мемлекеттік органдармен өзара іс-қимылды және үйлестіруді тиімдірек жүзеге асыру үшін банктің орталық аппараты астанада орналастырылатын болды», – деп атап өтті банкте.

Көшуге қатысты мәселені шешу үшін қазір банкте жұмыс тобы құрылған. Ол бұл процеске қажетті барлық шығынды есептеп шығарады. Көшу кезең-кезеңімен жүзеге асады және қаржы ұйымының құрылымына әсер етпейді.

Бұған дейін Отбасы банктің Астанадан ғимарат сатып алғаны жайлы хабарланған...

Қырғызстанның Ош қаласында Қазақстан бас консулдығы ресми түрде ашылды. Дипломатиялық мекеме президент Қасым-Жомарт Тоқаевтың көрші елге ресми сапары қарсаңында ашылып отыр. Бұл туралы Сыртқы істер министрлігі хабарлайды.

«Қазақстан мен Қырғызстан – көршілер ғана емес, ортақ құндылықтар мен Орталық Азиядағы бейбітшілік, тұрақтылық пен өркендеуге ұмтылыс біріктірген ең жақын серіктестер және одақтастар», – деді сыртқы істер министрінің орынбасары Ермұхамбет Қоныспаев.

Ол Қырғызстанның екінші ірі қаласында консулдықтың ашылуын екі ел арасындағы бауырластықты айғақтайтын ерекше маңызды оқиға деп сипаттады.

Қырғыз вице-министрі Асеин Исаев мұндай қадам ынтымақтастықты одан әрі нығайтып, кеңейтуге жаңа серпін береді деді.

Ош қаласының мэрі Женишбек...

2025–2026 оқу жылында Оқу-ағарту министрлігінің «Өрлеу» біліктілікті арттыру ұлттық орталығы 30 980 педагогке арналған курс ұйымдастырады.

Бағдарламалар бастауыш сыныптан бастап, қоғамдық-гуманитарлық және жаратылыстану-математикалық бағыттағы пән мұғалімдерін қамтиды.

Тыңдаушылардың бір бөлігі инклюзивті білім беру, көшбасшылық, инновациялар мен цифрлық құзыреттілікке қатысты курстардан өтеді.

Жыл басынан бері мұндай курстарға 39 мыңнан астам мұғалім қатысқан. Олардың ішінде ауыл мектептері педагогтерінің үлесі айтарлықтай басым – 56%-ды құрайды.

Бұған дейін, мұғалімдерге қаржы сауатттылығын үйрететіні хабарланған.

Бюджет қаражатын жымқырған

Солтүстік Қазақстанда әкімдіктің бұрынғы қызметкерлеріне қатысты сот ісі қаралып, үкім шығарылды. Бұрынғы мемлекеттік қызметкерлер бюджеттен 46 млн теңгеден астам қаражат ұрлағаны үшін кінәлі деп танылып, 6,5-6,8 жылға сотталды. Бұл туралы Солтүстік Қазақстан облысы прокуратурасының баспасөз қызметі хабарлады.

«2025 жылғы 3 ақпанда сот қызмет бабын пайдалана отырып, алдын ала сөз байласу арқылы бір топ адамдарды аса ірі көлемде бюджет қаражатын ұрлау ісі бойынша үкім шығарды. Істі Солтүстік Қазақстан облысының прокуратурасы тексерді», – делінген баспасөз хабарламасында.

Айыпталушылар кінәсін мойындамады

Баспасөз қызметінің мәліметінше, сотта бұлтартпас айғақтардың болуына...

14 тамызға қараған түні шатырынан өрт шығып, отқа оранған Шымкент қаласы Абай аудандық әкімдігі қызметкерлері өзге ғиматарқа көшті. Енді олар жұмысын уақытша Нұрсәт ықшам ауданында орналасқан бұрынғы Қаратау әкімдігі ғиматарында жалғастырады.

Абай ауданы әкімдігі апарат басшысы Шерхан Кеңестің сөзінше, Тәуке хан даңғылындағы 1200 шаршы метр шатыры өртенген ғимаратта 3 мемлекеттік мекеме отырған. Аудан әкімдігінен бөлек мемлекеттік қызметтер агенттігінің Шымкент қаласы бойынша департаменті мен президент жанындағы мемлекеттік басқару академиясы Шымкент қаласы бойынша филиалының қызметкерлері жұмыс істеген.

«Аталған үш мекеме үш жерге уақытша орналасты. Оның ішінде Абай ауданы әкімдігі Бәйдібек би даңғылындағы бұрынғы Қаратау ауданы әкімдігі ғимаратына көшіп...

Qazbilim ұлттық лицейлер желісіне Атырау, Ақтау және Шымкент қаласындағы лицензиялары тоқтады. Бұл жайлы ұлттық лицейлер желісінің директоры Аятжан Ахметжанұлы фейсбуктегі парақшасында жариялады.

» Маңғыстау облысы білім саласындағы сапаны қамтамасыз ету департаменті QAZBILIM Ақтау ұлттық лицейі лицензиясын уақытша тоқтатты. Екі жыл облыста ең үздік жекеменшік мектеп деп марапатталған. Атырау облыс білім саласындағы сапаны қамтамасыз ету департаменті QAZBILIM Атырау ұлттық лицейі лицензиясын бір жолата тоқтатты. Шымкент қаласы білім саласындағы сапаны қамтамасыз ету департаменті (ДОКСО) QAZBILIM Шымкент ұлттық лицейі лицензиясын 6 айға тоқтатты», – деп жазды ол желіде.

Өзін «ұлттық лицейлер желісі» деп таныстыратын Qazbilim...

АвтоВАЗ компаниясы Lada Iskra көлігінің газбен жүретін (ГБО) өте үнемді нұсқасын шығаруды жоспарлап отыр.

«Lada.онлайн» порталының хабарлауынша, Lada Iskra көлігінің құралдар панелінде газ баллонындағы метан деңгейінің төмендігін білдіретін белгі бар. Оталдыру кезінде бұл белгі шамамен екі секундқа жанады да, өшеді. Бұл автокөліктің конструкциясы бастапқыдан-ақ газбен жабдықтауға (ГБО) бейімделгенін көрсетеді.

Сонымен қатар, пайдаланушы нұсқаулығында табиғи газбен (метанмен) жұмыс істейтін Lada Iskra CNG нұсқасына қатысты қосымша мәліметтер бөлек қосымшада берілетіні айтылған. Өкінішке қарай, ол қосымша әзірге қолжетімді емес. Дегенмен, бұл ақпараттың өзі-ақ АвтоВАЗ-дың метанмен жүретін «Искра» нұсқасын шығаруды көздеп отырғанын айғақтайды.

Қазір уақытта Iskra 1,6 литрлік екі қозғалтқыш түрімен ұсынылған...

Шымкент қаласының қылмыстық істер жөніндегі мамандандырылған ауданаралық соты заңсыз жүргізуші куәлігін рәсімдеген №2 мамандандырылған халыққа қызмет көрсету орталығының 15 қызметкеріне қатысты қылмыстық іс бойынша сот тергеуін бастады. Іс бойынша 15 адам жауап беріп жатыр. Оларға заңсыз жүргізуші куәліктерін жасады деген айып тағылған.

Сот тергеуі қалай басталды?

500 адамға заңсыз жүргізуші куәлігін берді деген айыпталушылардың 10-ы – қамауда, төртеуі үйқамақта. Ал іс бойынша басты айыпталушы деп танылған Жомарт Мұрашимов тергеу изоляторында комаға түсіп, ауруханада қайтыс болды.

Сот тергеуі басталмай тұрып, қатысушылардың көңілін алаң басқаны байқалды. Судья Самидин Темірәлиев істі қарай бастағанда марқұмның қорғаушысы Болат Елмұрзаев пікір білдіріп, істі кейінге...

Семейдегі жергілікті халыққа «Ескі көпір» атауымен белгілі автогуж көпірінің жанынын салынып жатқан жаңа көпір Қытай қаржыландырады. Бұл туралы Абай облысының әкімі Берік Уәли «ескі көпірдің» ауысырылған асфальт жабынын көруге барған кезінде мәлім еткен.

Облыс әкімдігі биыл өткен «Орталық Азия – Қытай» саммитінен кейін ҚХР төрағасы аймақ елдеріне қайтарымсыз грант берілетінін айтқанын атап өтіп, облыс аталған көпір құрылысын қаржыландыруды қайтарымсыз грант есебінен шешу жөнінде ұсыныс берген. Бастама президент қолдауына ие болған.

«Үкіметпен, тиісті министрліктермен келісілді. Қаржы бөлінетін болды. Мердігер компания жыл соңына дейін көпірдің бірінші кезеңін аяқтап, көліктердің жүруіне жағдай жасаймыз деп отыр. Яғни, жол ашылады...

Қазақстанда ұшқыштарға лазерлік құрылғыларды немесе ұшқышсыз ұшу аппараттарын қолдана отырып, әуе кемесін басқаруға кедергі келтіру үшін қылмыстық жауаптылық енгізілді. Бұл туралы Бас прокуратура хабарлады.

Қауіпті құбылыс

Қазақстанның авиациялық қызметінің мәліметінше, соңғы алты жыл ішінде мұндай 98 жағдай тіркелген. Ең көп фактілер Алматы халықаралық әуежайында орын алған: егер 2017 жылы 8 оқиға болса, 2023 жылы олардың саны 30-ға жеткен.

Заңға енгізілген жаңа бап

16 шілдеде қабылданған заңға сәйкес, Қылмыстық кодекске жаңа 352-1-бап қосылды. Әуе кемесін басқаруға кедергі келтіру мақсатында лазерлік құрылғылар мен дрондарды қолданғаны үшін жауаптылық белгілейді.

Жаза әрекеттің салдарына байланысты айыппұлдан бастап, 10 жылға дейін...

Қырғыз банктеріне АҚШ және Ұлыбритания үкіметінің санкция салуына қатысты Садыр Жапаров түсініктеме берді.

24 ақпаратына қарағанда, Қырғызстан президенті тағылған айыптарды жоққа шығарды. Оның айтуынша, ел банктерінің Ресейге қарсы салынған шектеулерін айналып өткеніне бірде-бір айғақ жоқ. Садыр Жапаров мұны батыс елдерінің экономиканы саясиландыру әрекеті деп бағалап отыр.

«Қаңтар айында АҚШ «Керемет Банкіне» қарсы санкция салды. Шектеулерді айналып өтуге қатысқан деп мәлімдеме жасады. Алайда олар бұл сөзін растайтын бірде-бір дерек келтіре алмады. Келтіре де алмайды. Өйткені, мұндай фактілер  атымен жоқ», – деді Садыр Жапаров.

Оның айтуынша, енді Ұлыбритания «Капитал Банкке» санкция салып отыр.

«Тағы да...

Қазақстанда үш тұғырлы тілді қолдайтындар көп. DEMOSCOPE қоғамдық пікірге жедел мониториң жүргізу бюросы жүргізген сауалнамаға қатысқан әр үшінші респондент барлық тіл тобының құқығын тең сақтай отырып, тіл алуандығын дамытуды қолдайтынын жеткізген.

Үш тұғырлы тіл

DEMOSCOPE қоғамдық пікірге жедел мониториң жүргізу бюросы ел азаматтары арасында «Тіл саясатының тиімділігі және қазақ тілін дамыту» тақырыбы бойынша қазақстандықтар арасында сауалнама жүргізген.

«Мейлінше қолайлы тіл саясатын бағалауға келгенде қазақстандықтардың пікірі теңдей бөлінді деуге болады: әр үшінші респондент (33,8%) барлық тіл тобының құқығын тең сақтай отырып, тіл алуандығын дамытуды қолдайды, үштен біріне жуығы (30,8%) орыс және ағылшын тілдерін...

«ҚазМұнайГаз» осы жылдың алғашқы алты айындағы түсімі 4,5 трлн теңгені құрайды. Бұл былтырғы дәл осы кезеңмен салыстырғанда 6,2%-ға жоғары. Бірақ компанияның таза пайдасы 2,8% төмендеп, 534 млрд теңге болды. Бұл жайлы ҚМГ сайтында жарияланған қаржы есебінде жазылған.

Компания түсімі

ҚМГ түсімнің өсуі KMG International компаниясындағы және «ҚМГ» Корпоративтік орталығы деңгейіндегі мұнай өнімдерін сатудан түскен түсімнің артуымен байланысты. Биыл KMG International зауыттарындағы өңдеу көлемі тұрақты жұмысқа байланысты ұлғайды. Былтыр күрделі жөндеуге байланысты зауыттағы жұмыс шектелген еді. Сондай-ақ теңгенің АҚШ долларына қатысты жылдық әлсіреуі де түсімнің артуына әсер етті.

«ҚазМұнайГаздың» бірлескен кәсіпорындар мен қауымдасқан компаниялардың пайдасына...

Алматылық «Қайрат» футбол клубына арнайы жаңа гимн жазылды. Әнді елге танымал «Алатау серілері» тобы ұсынды.

Өнер ұжымы бұл туындыны ел намысын қорғап жүрген спортшыларға қолдау көрсету мақсатында жазғанын айтады.

«Ел үшін бәйгеге түскен азаматтар әрқашан бір-біріне қолдау білдіріп, тектіліктің үлгісін көрсетуі керек. Біз аламандағы әр ойыншыға рух, жігер, қайсарлық тілейміз! Жеңіс пен абырой серік болсын!», — дейді «Алатау серілері» тобының мүшелері.

Жаңа гимн Apple Music, Spotify, Yandex Music және YouTube платформаларында қолжетімді.

Айта кетейік, «Қайрат» кеше 20 тамыз күні Глазгода жергілікті «Селтикпен» тең түсті. Чемпиондар лигасының негізгі кезеңіне шығуға сәл-ақ қалып тұр. Енд...