Жаңалықтар

Ақмола облысы Бұланды ауданына қарасты Ивановка ауылында төрт үйді су басты. Капитановка ауылында 41 адам, ал Новобратское ауылында 70 адам қауіпсіз жерге көшірілді.

Төтенше жағдайлар министрлігінің мәліметінше, Бұланды ауданында су тасқыны шыңы төмендей бастады. Жағдай бақылауға алынды. Азаматтық қорғау күштері су тасқыны салдарын азайту және халықтың қауіпсіздігін қамтамасыз ету үшін тәулік бойы жұмыс істеп жатыр.

Министрлік таратқан ақпарат бойынша, Иванковка ауылында 4 жеке тұрғын үйді су басты. Капитоновка ауылында өзен деңгейі көтеріліп, түнде 41 адам, оның ішінде 11 бала эвакуацияланды. Новобратское ауылында 70 адам, оның ішінде 11 бала эвакуацияланды. Олардың бәрі туыстарының үйіне жайғасты.

Сонымен қатар 757 бас мал...

Ақмола облысында ағын су жол талғамайтын бір автокөлікті ағызып әкетті. Екі жолаушы құтқарылды, көлік жүргізуші қайтыс болды. Мәлімет Инстаграм әлеуметтік желісіндегі kokshetaulifekz парағында жарияланды.

Ақмола облысы полиция департаменті баспасөз қызметінің мәліметінше, оқиға 5 сәуірде «Астана – Атбасар – Жақсы – Рузаевка – Сарыкөл – Қостанай – Ресей шекарасы» күре жолының 963 шақырымында болған.

Мәліметтерге қарағанда, полиция орнатқан шектеу бекетіне қарамастан, жүргізуші айналма жолмен өтіп кетуге тырысқан. Автокөлікті су басқан жерден өтпек болған уақытта ағын алып кетіп, су астында қалды.

«Автокөлікте үш адам болған. Екі жолаушы құтқарылған, ал көлік жүргізушісінің денесі түнгі сағат 02.30-да табылған...

Абай облысының әкімі Берік Уәли 6 сәуірде таңертең өңірдегі Бородулиха ауданы Красный Яр ауылындағы жағдайды бақылау үшін сол жерге барды. 5 сәуірде кешке Үбі өзенінің деңгейі көтеріліп, ауылды су басу қаупі туындаған.

Облыс әкімдігінің мәліметінше, төтенше жағдайлар қызметі, жергілікті атқарушы органдар, жедел құтқару жасағы мен полиция бөлімшелерінен барлығы 123 адам және 39 техника, оның ішінде 3 жүзу құралы ауылға шоғырландырылды. Қауіптің бетін қайтару жұмысы жалғасып жатыр.

30 шақты үйдің ауласына су кірген

Сенбі күні қауіпсіздік мақсатында ауылдағы өзен жағасына жақын көшенің 26 тұрғыны өз еріктерімен мектепке уақытша орналастырылды.

Жергілікті атқарушы органдардың өкілдері аулаларын су басуы мүмкін тұрғындардың малдарын...

5 сәуірде OPEC+ Бірлескен министрлік мониторинг комитетінің (JMMC) 59-шы отырысы бейнеконференция форматында өтті. Ұйым комитеті мұнай өндірісі квотасын сақтау маңызды екенін тағы да ескертті.

Отырысқа Қазақстан атынан Энергетика министрі Ерлан Аккенженов қатысты.

Bloomberg мәліметінше, комитет ұйымның кейбір мүшесі мұнай өндірісіне бөлінген шектеу талаптарын орындамағанын атап өтті. Осы елдерге 15 сәуірге дейін артық өндірісті өтеу жоспарын өткізу тапсырылды.

Қазақстан Энергетика министрлігінің мәліметінше, комитет отырысында 2025 жылдың қаңтар-ақпан айларында ОПЕК+ келісімі шеңберінде қатысушы елдердің өз міндеттемелерін орындау көрсеткіштері қарастырылып, ОПЕК+ елдері бойынша жалпы орындау деңгейі атап өтілді.

Үкімет OPEC+ аясындағы міндеттерін орындауға тағы уәде беріп отыр.

Құрама Штаттарда президент Донольд Трамп пен Илон Маск саясатына қарсы Hands OFF/Қолыңды тарт наразылық акциялары өтіп жатыр.

Reuters мәліметінше, АҚШ-тың 50 штатында және әлемнің басқа да қалаларында 1200 наразылық акциясы жоспарланған. Бұл оппозицияның Трамп биыл қаңтарда билікке келгелі бері ең ауқымды акциясы.

Мыңдаған адам Вашингтон орталығына қарай ағылды. Олар Трамп пен оның жақтастары қабылдаған көптеген шешімге наразылық білдірді.

Адамдар «АҚШ-та патшаға орын жоқ», «Макстің өзін депортациялаңдар» деп жазылған плакаттар ұстап шықты.

Трамптың қолдауына ие болған Маск департаменті АҚШ үкіметін тексеріп шығып, 2,3 млн федералдық қызметкердің ішінен 200 мыңнан аса жұмыс орнын қысқартып шықты. 4 сәуір Салық қызметінде 20 мыңнан...

5 сәуірде Ақтау қаласында Димаш Құдайберген ән шырқаған концертке 100 мыңға жуық адам жиналды.

Бұл туралы жергілікті Lada.kz басылымы шараны ұйымдастырушы «Ақтау – түркі әлемінің астанасы» жобасына сілтеме жасай отырып хабарлады.

Димаш Каспий жағалауында өткен концертте бірнеше ән орындады.

Каспий жағалауында екі сахна тігіліп, жеті ауылдан тұратын этноқалашық бой көтерді. Мұнда асық ату, бестас секілді ұлттық ойындар ойналды.

Салтанатты кешке жергілікті тұрғындар ғана емес, шетелден туристер көп келді.

Әлемге танымал қазақстандық әнші, халық әртісі Димаш Құдайберген биыл Еуропаның үш ірі қаласында жеке концерт береді. Шоу-концерттер «Stranger» атты жеке тур аясында өтеді. Әншінің жанды дауыста орындайтын ауқымды шоуы әр елдегі тыңдармандары...

Мемлекет басшысы Қасым-Жомарт Тоқаев кәсіпқой боксшы Жәнібек Әлімханұлын орта салмақта WBO және IBF тұжырымдары бойынша чемпиондық белбеулерін сәтті қорғауымен құттықтады.

Ақорданың мәліметінше, Қасым-Жомарт Тоқаев спортшының жоғары деңгейдегі шеберлігі мен табандылығы, туған жерімізде ел намысын абыроймен қорғауы баршамыз үшін зор мақтаныш екенін атап өтті.

Президент Жәнібектің бұдан да үлкен жеңістерге жете беруіне тілектестік білдірді.

Жәнібек Әлімханұлы Астанада Battle of the Brave бокс кешінде Франция өкілі Анауэль Нгамиссенгемен жекпе-жек өткізіп, жеңіске жетті. Сөйтіп ол  IBF және WBO тұжырымдамалары бойынша орта салмақтағы чемпиондық белбеулерін қорғады.

Жәнібектің бұл 17-жеңісі. Ол 12 кездесуді мерзімінен бұрын аяқтады.

Бұған дейін Жәнібек 2024 жылғы қазанда Жаңа Зеландия...

Алдағы апта қандай керемет іс-шараларға толы екенін білесіз бе? Келер жеті шетелден келіп концерт беретін қонағымыз да бар, өзіміздің танымал әншілер де гастрольдік сапарға шығып жатыр. Дәстүрлі ән тыңдаймын деген адамға да – баратын концерт табылады. Тынығып, әзіл тыңдап қайтамын дегенге де арнайы бағдарлама бар. Сізге қолайлы болсын деп, алдаға аптаға жоспарланған ең қызық іс-шаралардың бәрін бір тізімге жинап қойдық.

DASTOUR 2025 – Дастан Оразбеков

Тараз қаласы, 8 сәуір

Алғашында ORDA тобының әртісі ретінде танылған талантты әнші Дастан Оразбеков 2009 жылы жеке мансап жолын дамытуға бет бұрды. Әншінің жеке дара шыққанына халық тек қуанышты болды. Оның барлық ән...

«Фридом Финанс» АҚ соңғы күндері БАҚ беттерінде тараған компаниядағы алаяқтық операциялар туралы хабарламалар шындыққа жанаспайтынын мәлімдеді. Брокер өкілдері компанияның «соттан тыс реттеуге» қатысудан бас тартуына байланысты ұйымдасқан PR-шабуыл ретінде ақпарат тарап жатқанын түсіндірді. Бұған дейін қазақстандық БАҚ-та компанияны инвестицияларын жоғалтты деп айыптаған «Фридом Финанстың алданған салымшыларынан» хабарламалар пайда болған. Екі күн ішінде осындай он шақты ақпарат ҚазТАГ агенттігінде жария болды.

Жанжалдың мәні неде

Айыптаулардың бірі компанияның бұрынғы менеджері Виталий Световойға қатысты болып отыр. ҚазТАГ басылымындағы кейіпкерлердің айтуынша, Световой оларды алдаған. «Фридом Финанс» АҚ Виталий Световойдың компанияның топ-менеджері емес, Петропавлдағы сату бөліміне жетекшілік еткенін, ал 2023 жылдың наурыз...

TikTok-тың АҚШ-тағы активтерін сату жөніндегі келісім кейінге қалды. Бұл туралы Reuters агенттігі хабарлады. Бұған АҚШ президенті Дональд Трамптың Қытайға қарсы жаңа тарифтер енгізгені себеп болған.

Трамп қытайлық ByteDance компаниясына TikTok-тың америкалық активтерін шетелдік емес, америкалық инвесторларға сатуға берілген мерзімді қосымша 75 күнге ұзартты. Әйтпесе, TikTok-қа АҚШ аумағында тыйым салынатыны туралы заң 2024 жылы қабылданып, бұғаттау қаңтарда күшіне енуі тиіс еді.

Reuters дереккөздерінің мәліметінше, мәміле құрылымы сәрсенбіге қарай негізінен келісілген. АҚШ-та орналасатын жаңа компания құруды көздеген. Бұл компанияға TikTok-тың америкалық активтері тиесілі болып, басқару америкалық инвесторлар қолына өтетін еді. ByteDance компаниясының үлесі 20%-дан аспауы керек болатын.

Мәміле қазіргі және жаңа инвесторлармен...

Геолог күні қарсаңында Қазақстан Республикасының Президенті Қасым-Жомарт Тоқаевтың атынан Премьер-министр Олжас Бектенов геология саласының үздік мамандарына мемлекеттік наградалар тапсырды. Биыл кәсіби мереке Жұмысшы мамандықтар жылы аясында атап өтіліп жатыр.

Премьер-министр геология саласының ел экономикасындағы рөлін ерекше атап өтті.

«Биыл еліміздің тарихында алғаш рет геологтерге арналған мемлекеттік награда енгізілді. Бұл – Мемлекет басшысының сіздердің ел дамуына қосқан үлестеріңізге деген жоғары бағасы», – деді Олжас Бектенов.

Президент тапсырмасымен геология саласындағы ерекше еңбек иелеріне жаңадан бекітілген «Қазақстанның еңбек сіңірген геологі» құрметті атағы табысталды. Сонымен қатар «Құрмет», «Еңбек Даңқы» ордендері және «Ерен еңбегі үшін» медальдарымен марапатталған мамандардың есімдер...

Маркетинг пен жарнама бізді үнемі бірдеңе сатып алуға үгіттеп тұратындай болып көрінетін заманда зыринг күн өткен сайын қаражат пен эмоцияны басқаруға арналған таптырмас құрал ретінде жақсырақ танылып келеді. Бұл практика бірдеңе сатып алғаннан емес, жай ғана көңіліңіз қалап тұрған әлдебір затты зерттеп, таңдап, бағамдап, саралап көргенен ләззат алуды үйретеді. Зыринг адамға қаржылық сауатты болуды, қажетсіз шығынды қысқартуды және эмоция үстінде жасалған шопингтен бас тартуды қалай үйретеді? Осы және өзге сауалдардың жауабын бүгінгі мақаламыздан оқи аласыз.

Зыринг деген не?

Зыринг – сатып алғыңыз келетін тауарды саналы түрде зерттеп, бақылап, бірден бас сала төлем жасауға ұмтылудан бас тартуға бағытталған практика...

6 сәуір – БҰҰ бекіткен Даму мен бейбітшілік жолындағы Халықаралық спорт күні. Бұл дата 1896 жылы Афиныда өткен алғашқы Олимпиада ойындарының ашылу салтанатына орай белгіленген. Мерекенің мақсаты – спорттың денсаулықты нығайту, халықтар арасындағы ынтымақ пен түсіністікті дамытудағы рөлін насихаттау. Осыған орай TikTok желісінде спортты дәріптеп, миллиондаған адамды салауатты өмір салтына ынталандырып жүрген қазақстандық контент авторларын ұсынамыз.

Қазіргі заманның батыры

Сергей Цырульников – әлемнің жеті мәрте рекордшысы, Гиннестің рекордтар кітабына енген әйгілі қазақстандық күш атасы. Сергейдің ерекше қабілеттері мен батырлық бейнесі оны Қажымұқан Мұңайтпасұлы мен Балуан Шолақ сынды тарихи тұлғалармен салыстыруға негіз береді. TikTok-тағы видеоларында грелка үрлеу, тағаны...

1975 жылы режиссер Стивен Спилберг адамдарға шабуылдайтын қанішер акула жайлы Jaws (Челюсти) деген хоррор фильм түсірді. Бұл туынды кең қаралып, бірнеше сиквелге жалғасты. Кейінгі жылдары түсірілген осы тектес фильмдер, ақпарат құралдарындағы стереотипизация, интернеттегі ашық теңізде өлген адамдар жайлы видеолар қоғам санасында «қанішер акула» образын қалыптастырды. 

Акула шынымен адам жей ме? Олар болмаса, судағы қауіп жойыла ма? Акула не үшін шабуылдайды? Бұл шабуылдардың алдын-алуға бола ма? 

Бүгінгі материалымызда осы және өзге де маңызды сұрақтарға жауап береміз.

Акула адам жей ме?

Жоқ. Акуланың арғы тегі 400 млн жыл бұрын пайда болған. Бұл — акула динозаврдан да үлкен деген сөз. Ғалымдар...

10 сәуір күні жарыққа шығуы тиіс болған «Патруль: Соңғы бұйрық» фильмі белгісіз мерзімге кейінге шегерілді. Бұл туралы Salem Entertainment компаниясы хабарлады.

Кинокомпанияның мәліметінше, фильмнің бастапқы финалдық материалы кері қайтарылып, қазір басты кейіпкерлердің бірі — актер Шәріп Серік қатыспайтын жаңа нұсқасы қайта монтаждалып жатыр. Бұған дейін Salem Entertainment Шәріп Серікпен серіктестікті тоқтатқанын ресми түрде жариялаған еді.

«Фильмнің жаңа көрсетілім күні дайын болғаннан кейін қосымша хабарланады», — делінген компанияның хабарламасында.

«Патруль» комедиялық телехикаясы — Salem Social Media платформасының ең танымал жобаларының бірі. Көпшілік асыға күткен «Соңғы бұйрық» — франшизаның жалғасы ретінде жоспарланған.

Еске ала кетейік...

Freedom Holding Corp компаниясының акционері, Freedom QJ League қамқоршылық кеңесінің төрағасы Тимур Турлов Қарағанды қаласында жаңа спорт академиясын салуды көздеп отыр. Компания бұл ақпаратты растап, жобаның толықтай жеке қаражат есебінен жүзеге асырылатынын мәлімдеді.

Жоба аясында жыл бойы жұмыс істейтін манеж, 5 мың орындық стадион, жылытылатын және жарықпен жабдықталған жаттығу алаңы, 80–100 балаға арналған интернат (ұлдар мен қыздарға арналады), фитнес-зал, медициналық және қалпына келтіру кабинеттері, сондай-ақ әдістемелік бөлмелер салынады. Жаңа стадион балалар, жасөспірімдер және жастар құрамалар үшін толыққанды қолданыста болады.

Freedom QJ League лигасы Тимур Турловтың қолдауымен цифрлық шешімдерді белсенді түрде енгізіп келеді. 2024 жылы іске қосылған FF Manager платформасы қазірд...

2025 жылғы 5 сәуірден бастап Қазақстанда мопед жүргізушілері толыққанды жол қозғалысына қатысушылар ретінде тіркелді. Енді олар көлік құралын арнайы ХҚКО-да тіркеп, мемлекеттік нөмір алуға, жүргізуші куәлігіне ие болуға және сақтандыру рәсімдеуге міндетті. Бұл талаптарды орындамағандарға айыппұл салынып, мопедтері тәркіленеді.

Алматы көшелерінде қазірдің өзінде жаңа нөмір таққан мопедтер көбейе бастады. Ішкі істер министрлігінің мәліметінше, бүгінде ел бойынша 23 мыңнан астам мопед ресми тіркеуден өткен.

Қандай құжаттар қажет?

Мопед иелері енді мына талаптарды орындауы тиіс:

Жаңа ережелерд...

Әбілхан Қастеевтің туындыларын талдап көруге қалай қарайсыз? Қазақтың өз арасындағы ру-тайпалық алауыздық тарихи өзгерістерге қалай әсер еткен болу мүмкін? Тарихи мекен – Бағдатқа сапар шегу жайлы ойланып көрдіңіз бе? – Мұның бәрі Qalam Global-дың өткен апта оқырманға ұсынғаны.

Қазақ хандығы мен Ресей империясы

Күні батқан дала алпауыты

Qalam Global-да кейінгі айларда жүйелі түрде жарияланып отырған жаңа айдар – Сұлтан Әкімбеков курсы негізіндегі мақалалар легі. Осы лектің бесінші әрі қорытынды бөлімінде өз ішіндегі алауыздық пен орталықтан ажырау салдарынан қазақ хандықтары әлсіреп барып, ақырында хан билігі жойылып, Ресей Империясының бақылауы күшейгені туралы баяндалады.

Бұл бөлімде ел ішіндегі алауыздық, ауызбіршіліктің болмауы...

Танымал актер Шәріп Серік бес тәулікке қамауға алынды. Сот оны бұрынғы сүйіктісін ұрып-соққаны үшін кінәлі деп таныды. Бұл туралы зардап шегуші Әлия Бөтеева мәлім етті.

Сот бүгін, 4 сәуірде, Алматыда өтті. Өнер иесі ҚР Әкімшілік құқық бұзушылық туралы кодексінің 73-бабының 1-бөлігі (отбасылық-тұрмыстық қатынастар саласындағы құқық бұзушылықтар) бойынша айыпты деп танылды. Бөтееваның айтуынша, Шәріп Серік сотта кінәсін мойындаған.

 «Сот шешімі қаншалықты әділ немесе әділ еместігіне баға бере алмаймын, оны бағалауға менің құқым жоқ. Бірақ мен бұған дейін де айтқанымдай, менің бастапқы мақсатым кек алу немесе жанжал шығару ойымда болмаған», — деп жазды Бутеева.

Еске салайық, әлеуметтік...

Алматы қаласындағы И. Нүсіпбаев атындағы №4 мектеп-интернатын жөндеуге екінші рет 300 млн теңге бөлінді. Күрделі жөндеу жұмыстарының алғашқысы жосықсыз мердігердің кесірінен сәтсіз аяқталған болатын.

Премьер-министр Олжас Бектенов балаларды ескі ғимараттан шығармайтынын және басқа интернатқа көшіру болмайтынын мәлімдеді.

Оқиғаның мән-жайы

2022 жылы мектеп-интернатты күрделі жөндеуге бюджеттен қаражат бөлінген. Білім басқармасы «Градстройсервис» ЖШС-мен келісімшарт жасасады. Сол уақытта мердігер 2023 жылдың қаңтарына дейін жөндеуді аяқтауға уәде берген.

Алайда жұмыстар күткендей болмады. Әкімдік 237,8 млн теңге көлеміндегі алдын-ала төлемді қайтаруды талап етіп, сотқа жүгінеді. Екі жыл бойы Алматы облысы әкімдігі сот істерімен айналысты.

Қазіргі уақытта «Азия Логистик Трейд Компани» ЖШС-мен жобалық-сметалық құжаттама...

ЕуроОдақтың реттеуші органдары Илон Масктің X әлеуметтік желісіне (бұрынғы Twitter), заңсыз контент пен дезинформациямен күрес туралы заңды бұзғаны үшін үлкен «айыппұл санкцияларын» енгізуді жоспарлап отыр.  

АҚШ-тың The New York Times  баслымының мәліметінше, әлеуметтік желіге қарсы санкциялық айыппұл шараларынан бөлек, қызметтерге өзгерістер енгізу талабын да қамтиды. Айыппұл туралы шешім биыл жазда жарияланады деп күтілуде.

«Бұл қадам, мүмкін, ЕуроОдақ пен Америка Құрама Штаттарының арасындағы шиеленісті одан әрі күшейте түсуі мүмкін, себебі ол президент Трамптың жақын кеңесшілерінің біріне қарсы бағытталған», — деп жазады NYT.

Бүгінде Еуропалық Одақ билігі Масктің әлеуметтік желісіне қанша көлемде ірі айыппұл салуға болатынын...

Туризм және спорт министрлігі 2024-2026 жылдарға арналған дене шынықтыру және спорт саласында діни экстремизм мен терроризмнің алдын алу жөніндегі «Жол картасы» құпия болатынын хабарлады. Министрлік қоғамдық қолжетімділікті шектеді. Бұл жоспарға спортшылар мен жаттықтырушылар арасында діни немесе басқа нанымдарды насихаттау мен мәжбірлеуге  тыйым салу туралы ережелер енгізілген.

«Құжат «Қызметтік пайдалануға арналған» (ҚП) болып белгіленген және заңнамаға сәйкес ашық жариялауға және таратуға жатпайды», — деп түсіндірді министрлік «Курсивке».

«Жол картасының» жабық мәртебесіне қарамастан, министрліктің жауабында жұмыс бағыттарының бірі нормативтік-құқықтық базаны жетілдіру болатыны атап өтілген. Мысалы, спортшылардың этикалық кодексіне діни бірлестіктердің мүддесі үшін «құқық бұзушылықтар мен қадамдар жасауға...

Астана әуежайына  алғаш рет «Ethiopian Airlines» әуе компаниясының ұшағы қонды.

Астана әуежайының мәліметінше, аталмыш әуекомпанияның Макао-Астана-Мадрид бағыты бойынша ұшқан алғашқы жүк рейсі Нұрсұлтан Назарбаев халықаралық әуежайына жанармай құю үшін қонған.

«Әуежай өкілдері экипажды жылы қарсы алып, транзиттік рейстер географиясының кеңеюін қуана атап өтті. Елорда әуежайы әлемге ашық – біз халықаралық қонақтарды, тіпті қысқа техникалық сапар мақсатымен келген ұшақтарды  да қарсы аламыз»,–делінген хабарламада.

Еске сала...

Қазақстанда алдағы күндері тұрақсыз ауа райы сақталады. «Қазгидрометтің» мәліметінше, елімізде атмосфералық фронттардың әсерінен бірқатар өңірде жауын-шашын мен құбылмалы ауа райы күтілуде.

5 сәуірден бастап солтүстік, шығыс және орталық облыстарда қар аралас жаңбыр жауады. Оңтүстік-шығыс және шығыстағы таулы аймақтарда қатты жауын-шашын болуы мүмкін.

6-7 сәуір аралығында батыс, оңтүстік, солтүстік-батыс және орталық аймақтарда нөсер жаңбыр күтілуде. Бұл күндері найзағай, тұман және желдің екпіні күшейеді. Кейбір аудандарда түнгі уақытта көктайғақ болуы ықтимал.

Синоптиктердің ескертуі

«Қатты жауын-шашын ( қар, жаңбыр) немесе қатты жел туралы дауыл туралы ескерту жарияланған жағдайда, тіпті таулы аймаққа баруды кейінге қалдырған дұрыс. Егер...