Жаңалықтар

Каспий теңізінің таяздануына мұнай өндіру тікелей себеп емес. Керісінше, олар теңіздің фаунасы мен флорасын зерттеуге көмектеседі. Сарапшы, Energy Monitor директоры Нұрлан Жұмағұлов осындай пікір білдірді.

«Мұнай өндіру су айдынының таяздануына тікелей әсер ете алмайды (кейбір экологтар тіпті судың өндірілген мұнайдың орнын басатыны туралы теорияларды ұсынады). Балықтардың миграциясына мұнай операциялары сөзсіз әсер етеді (теңіз кемелерінің қозғалысы, құрылыс жұмыстары, түбін тереңдету жұмыстары). Алайда дәл мұнайшылар балық популяциясын сақтаумен, итбалықтардың жағдайын зерттеумен айналысады», – дейді ол.

Бұған дейін Мәжіліс депутаты Сергей Пономарев Каспий теңізінің құрғауы жайлы мәселе көтерген.

«NASA Earth Observatory жерді зондтау...

Қазақстанда зергерлік бұйымдарды сатуға қойылатын талаптар күшейтілді. Енді сынамалау таңбасы жоқ өнім сатқандар заң алдында жауап береді.

Сауда және интеграция министрлігінің хабарлауынша, мұндай шара тұтынушы құқықтарын қорғау және зергерлік нарықтың ашықтығын қамтамасыз ету мақсатында қабылданды.

Ел аумағында сынамалау таңбасы, сонымен бірге сынама палаталарында (сынақ зертханаларында) бұйымға сараптама жүргізілгенін растайтын атаулы белгінің бедерінсіз өнім сатуға жол берілмейді.  

Зергерлік бұйымдарды сату ережелерін бұзғандарға 190 мың теңгеден бастап 580 мың теңгеге дейін әкімшілік айыппұл салынады. Заң қайта бұзылған жағдайда  айыппұл сомасы ұлғаяды.

Жаңа ереже 2025 жылғы 13 наурыздан бастап күшіне енді.

Алматы облысы Іле аудандық мәслихатының төрағасы Мұхит Карибаев аудан бюджетін өзі пайдаланып, ел игілігіне жұмсауға мүмкіндік берсе деген тілек айтады.

Оның сөзінше, Іле ауданы Алматы облысындағы негізгі донор аудандардың бірегейі. Ауданда көптеген өндіріс орны бар. Алайда олардан түсетін қаржының ауқымды бөлігі ауданда қала бермейді.

Мәслихат төрағасы осы қаражат ауданда қалса, өңірдің дамуына жұмсалып, халықтың көптеген мәселесі шешілер еді деп отыр.

Іле ауданы – Алматы облысы бюджетін толтырып отырған негізгі донорлардың бірі. Аудан аумағында ірі логистикалық хаб, темекі, сыра, сусын өндіретін зауыттар, көптеген ірілі-ұсақты қоймалар мен шағын өнеркәсіп орындары бар.

Алматы облысының өзі республикалық бюджеттен субвенция алатын облыстың бірі. Облыс...

Тележүргізуші Динара Сәтжанның тұрмысқа шығуы ел ішінде кеңінен талқыланып жатыр. Сәтжанның таңдауы – Forbes Kazakhstan рейтингіне енген, еліміздегі ең ықпалды кәсіпкерлердің бірі Жұмабек Жанықұлов. Жанықұлов – өндіріс, медицина, химия және қоғамдық салада белсенді қызмет атқарып келе жатқан кәсіпкер.

Forbes тізіміндегі орны

2022 жылы Жұмабек Жанықұлов Forbes Kazakhstan ұсынған «Қазақстанның 50 ең ықпалды бизнесмені» тізімінде 46-орынға тұрақтаған. Басылым оның бизнесінің әртараптандырылған құрылымы мен экономиканың түрлі салаларындағы ықпалын атап өткен.

Ірі жобалар мен бизнес бағыттары

Кәсіпкердің бизнес портфолиосы бірнеше саланы қамтиды:

Президент Дональд Трамп Құрама Штаттар экономикасына үлес қосқаны үшін берілетін алтын картаны көрсетті. The Trump Card құны – 5 млн доллар.

Трамп Air Force One бортындағы журналистерге ауқатты шетел азаматтарына сатылып жатқан алтын картаны көрсетті. Мұндай карта EB-5 визасын, яғни инвестициялық грин-картаның орнын алмастырады.

АҚШ президентінің айтуынша, ауқатты адамдар АҚШ-қа барып, осындай картаны сатып алса, онда оларға Америка азаматтығы берілуі мүмкін.

Наурыз айында АҚШ сауда министрі Говард Лютник бір күнде 1 мың алтын карта сатылғанын мәлімдеген. Карта саудасынан түскен қаражат Құрама Штаттар берешегін жабуға жұмсалады. Трамп дәл осындай 1 млн карта сатқысы келеді.

Сенат төрағасы Мәулен Әшімбаев мәслихат депутаттарына біліктіліктерін көтеру қажеттігін атап өтті. Сондай-ақ мемлекеттік саясатты халыққа түсіндіру  жеткіліксіз, оған сендіре білу керектігін айтты.

Спикер өңірлерден келген депутаттардың алдына бірнеше міндет қойды. Ең алдымен, депутаттарды біліктілік деңгейін жоспарлы түрде арттыруға шақырды.

«Мәслихат депутаттарының әлеуметтік-экономикалық мәселелерден хабардар болуы жеткіліксіз. Олар азаматтармен тиімді ашық диалог жүргізе білуі қажет. Жұртшылыққа ақпарат беріп қана қоймай, оған мемлекеттік саясатты түсіндіріп, сендіре алуы керек», – деді Сенат төрағасы.

Әшімбаев мәслихат депутаттарына бюджеттерді бекітіп қана қоймай, олардың орындалуын да тұрақты бақылауда ұстауға тапсырма берді.

Айта кетейік, бүгін, 4 сәуірде елордада Сенат жанындағы мәслихаттармен өзара іс-қимыл жөніндегі кеңестің кеңейтілген...

Шығыс Қазақстан халқы уақыт белдеуіне байланысты жұмыс кестесінің ауысқанын жақсы қабылдаған. Бұл туралы Мәслихаттардың кеңесінде Шығыс Қазақстан облысы Қатонқарағай аудандық мәслихатының депутаты Бейімбет Болаев айтты.

«Уақыт белдеуін өзгертуге қатысты жоба талқылауға шыққанда, бұл уақыт бедеуінің біздің өңірдің уақыт белдеуіне сәйкес келмейтінін жазып, мәслихат депутаттары болып, сауал жолдаған едік. Бұл мәселені талай көтердік. Министрлік наурыз айында шешілетінін айтты. Ғылыми тұрғыдан зерттей келе жаңа уақыт белдеуін қалдырды. Уақыт белдеуі өзгермеген соң, жұмыс кестесін өзгерттік. Бұл кесте бойынша жұмысқа үйрендік», – деді депутат.

Абай облысынан келген депутат Риза Молдашева өңір халқының жаңа уақыт белдеуіне үйреніп қалғанын, сол...

Маңғыстау облысы Қарақия ауданы мәслихатының депутаты Қалаубай Жанғабыл Маңғыстау облысының бюджеті өзіне көбірек жұмсалып жатқанын мәлім етті.

Оның сөзінше, біріншіден облыста халық саны көбейе түскен. Бұл жаңа жұмыс орындарын құру сияқты міндеттерді тудырады. Оның үстіне облыста туризмді дамытуға басымдық беріліп отыр. Оны атқаруға көп қаражат керек. Сондықтан облыс бюджетіне түсетін қаржының басым бөлігі бұрынғыдай республикалық бюджетке жолданбай, өңірде қалатын болған.

«Біздің Қарақия ауданы мұнай өндіретін компаниялардан түсетін салық есебінен облыс үшін донор аудан болып отыр. Қазір облыс бойынша халық саны 800 мыңның үстіне шықты. Облыс орталығында 250 мыңдай халық бар деп жобалаймыз. Сомен тетелес тұрған Мұнайлы...

Қазақстандық компаниялар Шәріп Серікпен келісімшарттарын бұзып жатыр. Salem Entertainment-тен кейін Top_carskz сервисі актермен байланысын тоқтатты.

«Шәріп Серікпен (Шако) серіктестік үзілді», – деп жазған компанияның парақшасында.

Ал актерден жапа шектім деген Әлия Бутееваның парақшасында оқырмандары қолдау білдіріп жатыр. Олардың арасында Айтбек Амангелді, Роза Әшірбаева, Қанат Бейсекеев, Сая Оразғалиева, Әсел Асқар тәрізді қоғамдағы белгілі тұлғалар бар.

Ал актердің бұрынғы әйелі, Say Mo лақап атымен танымал Мөлдір Есембек мұндай жағдай өзінің басынан өткенін де айтты. Әншінің сөзінше, «бес жыл бұрын көрген хоррордың кесірінен әлі күнге дейін терапия қабылдауға мәжбүр».

«Мен сол...

OPEC+ ұйымына мүше сегіз ел 3 сәуірдегі жиналыста мұнай өндірісі квотасын бұзғандарға қысым көрсетуге келісті. Бұл туралы Bloomberg делегаттар сөзіне сүйене отырып хабарлады.

OPEC+ Қазақстанға қысым жасай ма?

Қазақстан 2024 жылы да, биыл да ұйым белгілеген квотаны қайта-қайта бұзып, OPEC+ мүшелерінің, соның ішінде Сауд Арабиясының ашуын туғызған. Ұйымның 3 сәуірдегі онлайн кездесуінде Қазақстан мәселесі де талқыланатыны мәлім болған.

«Бейсенбідегі кездесу Қазақстанның жаңа министріне өндіріске қатысты талаптарды орындаудың, артығының есесін қайтарудың маңызды екенін түсіндіру үшін керек», – дейді делегаттардың бірі Reuters агенттігіне.

Bloomberg мәліметінше, кешегі жиналыста шынымен Қазақстан мәселесі сөз...

Қаржылық мониторинг агенттігі аса ірі көлемде алаяқтық жасады, қылмыстық жолмен алынған қаражатты заңдастырды деп күдікке ілініп, ісі сотқа жолданатын Перизат Қайрат пен оның анасының қылмыстық схемасы туралы ақпарат жариялады.

Агенттіктің мәліметінше, Перизат Қайрат 2021-2024 жылдар аралығында қайырымдылық көмек көрсету мақсатында халықтан ақша жинаған. Ол бұл қаражаттар мұқтаж балаларға, Палестина және су тасқынынан зардап шеккендерге көмек көрсету үшін жұмсалатынын айтқан.

Тергеу амалдарының нәтижесіне сай, жалпы ұрланған қаржы көлемі 3,5 млрд теңгені құраған.

ҚМА Перизат Қайрат «Biz Birgemiz Qazaqstan 2030» қорына түскен қаражатты өзінің жеке және анасы Г. Алашбаеваның есепшоттарына аударып отырғанын мәлім етті. Кейін оларды зергерлік бұйымдарға, киім-кешекке, жиһаз бен саяхаттарға...

Осы жылы Алматыда Wildberries орталығы мен «Almaty Museum of Arts» мұражайы, ал Қарағандыда «Гиперборея» жел электр станциясы салынбақшы. Бұл туралы Экономикалық өсуді қамтамасыз ету жөніндегі штаб отырысынан белгілі болды.

Астана: дамуға инвестиция

Астана инвестициялық жобалар саны мен халық өсімінің қарқыны бойынша өңірлер арасында бірінші орында. Қала экономикасындағы шағын және орта бизнестің үлесі 73%. Бұл республикалық деңгейден екі есе жоғары.

Осы жылы қалаға 300 млрд теңгеден астам инвестицияға кемінде 50 жоба іске асырылмақ. Оның ішінде Wildberries  логистикалық хабы және ОZON көлік-логистикалық орталығының екінші кезегі бар. Одан бөлек:

Сыртқы істер министрлігінде қызмет атқарған дипломат Сәкен Мамаш бұрынғы әйелі Карина Мамашқа зорлық-зомбылық көрсеткені үшін қамауға алынды. Бұл туралы Астана қалалық полиция департаментінің баспасөз қызметі хабарлады.

Полиция бұрынғы елші кеңесшісі қызметін атқарып келген Сәкен Мамаштың сол кездегі әйелі Карина Мамашты жүйелі түрде ұрып-соққанына қатысты дәлелдер жинаған. Жинақталған дәлелдер бойынша, экс-дипломатты қамауға алу туралы шешім қабылданған.

«Полиция жедел-тергеу тобын құрды. Оқиғаның барлық мән-жайын анықтау үшін бірқатар қажетті сараптамалар жүргізілді. Айтарлықтай дәлелдемелік база жиналып, шоғырландырылды. Тергеу нәтижесінде күдікті Сәкен Мамашқа қатысты Тергеу соты қамауға алу түріндегі бұлтартпау шарасын таңдады», – делінген баспасөз хабарламасында.

Бейсенбіде әлемнің ең бай 500 адамы АҚШ президенті Дональд Трамп салық тарифтерін жариялаған бір күннің ішінде 208 млрд доллардан айрылды.

Bloomberg бұл оқиғаны COVID-19 індетінен бергі уақыттағы ең ірі бір күндік құлдырау деп сипаттады.

Бәрінен бұрын АҚШ миллиардерлері көбірек зардап шекті. Көп ақша жоғалтқандар көшін Марк Цукерберг, Джефф Безос және Илон Маск бастап тұр.

Марк Цукерберг

Meta компаниясының негізін қалаушы бір тәулікте 17,9 млрд доллардан, яғни байлығының шамамен 9%-нан айрылды. Себебі әлеуметтік медиакомпания акциялары қатты құлдыраған.

Айта кетейік, Маск дәулеті Трамп билікке келген уақытта еселеп артқан. Алайда Meta акциялары ақпанның ортасынан бері шамамен 28%-ға түскен.

Әлеуметтік желіде танымал актер Серік Шәріпке қатысты даулы видео тарап жатыр. Бейнежазбада ол жартылай жалаңаш күйде лифтіге енді кіргелі тұрған қызды қолынан тартып, жұлқылап алып кетеді. Осыған қатысты полиция тексеру жүргізіп жатқанын мәлімдеді.

Видеоны қазақстандық Әлия Бутеева жариялады.

«Тіпті ең қорқынышты түсімде сүйікті ер адамы қол көтеретін жан тәрізді елестеткен емеспін. Бірақ бұл болды. Менің ойымша, асып кетуге болмайтын шекара бар», – деп жазды ол.

Ол инстаграмда қызарып қалған бетінің суреттерін де жариялаған.

Импичмент жарияланған Оңтүстік Корея президенті Юн Сок Ель биліктен қуылды. Бұл туралы Yonhap басылымы хабарлады.

«Конституциялық сот судьялары бірауыздан президент Юн Сок Ельге импичмент жариялау туралы шешім қабылдады», – деп жазады басылым.

Басылымның мәліметінше, 4 сәуірде Бас судьяның міндетін атқарушы Мун Хён Бэ сот үкімін оқып, президент Юн Сок Ёлдің қызметінен босатылатынын және бұл қызметке орала алмайтынын мәлімдеген.

Айта кетейік, Оңтүстік корея президенті 2024 жылдың 3 желтоқсанында елде әскери жағдай жариялап, халықты дүрліктірген болатын. Артынша Оңтүстік Корея Парламенті дауыс беріп, 6 сағатқа созылған әскери режимді алып тастады. Осыдан кейін президенттің басына...

АҚШ президенті Дональд Трамп 2 сәуірде қол қойған «өзара» тарифтер туралы құжатта нақты қандай тарифтер енгізілетіні туралы көбірек жазылған. Яғни экономикалық болжамдарды дәлірек құруға болады деп жазады Freedom Вroker. Алайда Freedom Вroker макроэкономисі Юрий Ичкитидзе атап өткендей, қолданылатын тарифтердің ерекшеліктеріне байланыста олардың экономикаға әсерін бағалау әлі де қиындық туғызады. Сонымен қатар тарифтердің бір бөлігі жақын арада жойылуы немесе алдағы апталарда бірқатар елдермен келіссөздер аясында кейінге қалдырылуы мүмкін.

Freedom Broker АҚШ-тың тарифтік саясатындағы негізгі өзгерістер бұрынғы ақпаратқа қарағанда нақты белгілі бола бастағанын атап өтті.

Сарапшылар осыған дейін Мексика мен Канада 25% тарифке қосылуы мүмкін болғанымен, соңғы құжатта олардың бұл шектеуден...

Каспий құбыр консорциумы(КҚК) мұнай айдауды тоқтатқаны үшін Ространснадзорды сотқа береді. Бұл туралы өзінің дереккөздеріне сілтеме жасай отырып, Reuters басылымы хабарлады.

«Батыс елдерінің қолдауына ие Каспий құбыр консорциумы экспорттық әлеуетін әлсіретіп, әлемдік нарыққа мұнай жеткізуді тоқтату қаупін тудырғаны үшін реттеуші органның шешімін сотта даулауға дайындалып жатыр», – деп жазады басылым.

Ресейдің кеме қатынасын реттеуші орган осы айдың басында КҚК акционерлері Chevron және Exxon Mobil-ге Қара теңіздегі экспорттық терминалдың үш айлағының екеуінде жұмысын тоқтатуды тапсырды. Бұл шешімге желтоқсан айында теңізде мұнайдің төгілуіне алып келген апаттық жағдай себеп болғаны айтылады.

Ресейдің әкімшілік заңнамасына сәйкес...

3 сәуірде Самарқанда Еуропалық одақ пен Орталық Азия арасындағы екі күндік саммит басталды. Оған Еуропалық кеңестің төрағасы Антониу Кошта, Еурокомиссия басшысы Урсула фон дер Ляйен және Орталық Азияның бес мемлекетінің президенттері – Қазақстан, Қырғызстан, Тәжікстан, Түрікменстан және Өзбекстан басшылары қатысады. Саммитке Өзбекстан президенті Шавкат Мирзиёев төрағалық етеді.

Алғашында бұл кездесу 2024 жылы өтуі тиіс еді, алайда Еуропарламент сайлауы мен ЕО басшылығының ауысуына байланысты кейінге шегерілді.

Орталық Азия мен ЕуроОдақ: Сауда көпірі кеңейіп келеді

Орталық Азия мен Еуропалық Одақ (ЕО) арасындағы сауда бұрын-соңды болмаған деңгейге жетті. Соңғы жеті жылда тауар айналымы төрт есеге өсіп, 54 млрд. еуроға жетті...

Қазақстандық танымал тележүргізуші, қоғам белсендісі Динара Сәтжан өзінің тегі өзгертетінін жариялап, жұртты таңғалдырды. Бұл туралы ол Әсел Әуелбековамен YouTube арнасындағы сұхбатында айтты.

«Тағы бір эксклюзив. Шок боласыздар. Мен фамилиямды ауыстырамын», — деп мәлімдеді Динара. Ол өзінің аты-жөні бүгінде брендке айналғанын айта келе, болашақта жаңа фамилиямен де жеке бренд қалыптастыратынын жеткізді.

Тележүргізушінің айтуынша, ол бұл шешімді бұрыннан қабылдаған. Дегенмен қазіргі жұбайы Жұмабек Жанықұловпен таныстықтан кейін, бұл шешім айқындала түскен.

«Мен ұзақ уақыт бойы жалғыз болдым. Неліктен мен жалғызбын деп көп ойландым. Себебі менің бар назарым, күшім, уақытым — бәрі «Динара Сатжан...

Самарқандта өткен саммит аясында Қазақстан Президенті Қасым-Жомарт Тоқаев Еуропа қайта құру және даму банкінің (ЕҚДБ) президенті Одиль Рено-Бассо ханыммен кездесу өткізді. Кездесу барысында банк Қазақстандағы бірқатар жобаларға 2 миллиард еуро көлемінде инвестиция салуға дайын екенін мәлімдеді. Бұл туралы Ақорда хабарлады.

«Одиль Рено-Бассо банк тарапынан қаржыландырылатын «жасыл» өтпелі кезең бағдарламасының жаңартылған мәліметтерін ұсынды. Аталған бағдарламаға 2 млрд еуро көлемінде қаражат құю көзделуде», – делінген ресми ақпаратта.

Мемлекет басшысы өз кезегінде Қазақстандағы банк секторын дамытуға қосқан үлесі үшін ЕҚДБ басшылығына алғысын білдірді.

Ақорданың мәліметінше, 2024 жылдың өзінде Қазақстан Үкіметі мен Еуропа қайта құру және даму банк...

Minecraft жанкүйерлері де сүйікті әлемін үлкен экранда тамашалай алады. Әлемге әйгілі Minecraft ойыны енді үлкен экранға шықты. 3 сәуірден бастап бұл қызықты фильм қазақстандық кинотеатрларда көрсетіліп жатыр.

Сюжет желісі төрт ойыншының кенеттен Minecraft әлеміне тап болуымен басталады. Олар өз үйлеріне оралу үшін Стив есімді қызықты кейіпкермен күш біріктіріп, қауіпті құбыжықтарға қарсы күреседі. Фантазиялық әлемді құтқарған жағдайда ғана өз әлемдеріне қайта алады.

Фильмде басты рөлдерді Джек Блэк, Джейсон Момоа және Эмма Майерс сомдайды. Әсіресе Джек Блэк өзінің актерлік өнерінен бөлек, музыкалық қабілетін де көрсетеді.

Бұл — Minecraft ойынының алғашқы экранизациясы. Студия өкілдерінің айтуынша, бұл жоба әлемдегі ең танымал ойындардың біріне құрмет...

Норвегия ғалымдары кешке экран алдында көп отыру ұйқыға кері әсер ететінін анықтады. Зерттеу нәтижесі бойынша, ұйықтар алдында әр қосымша сағат ұйқысыздыққа шалдығу қаупін 59 пайызға арттырады.

Бұл зерттеуге 45 мыңнан астам студент қатысқан. Ғалымдардың айтуынша, тек әлеуметтік желі қарап қоймай, интернеттегі басқа нәрселермен де айналысатындарда ұйқы мәселесі жиі кездеседі. Ал кешке мүлде гаджет қолданбайтындарда ұйқы проблемасы 24 пайызға аз болады.

Зерттеу авторы Берге Сивертсон экран алдында ұзақ уақыт отыру тек ұйқыға емес, сонымен қатар стресс пен көңіл-күйдің нашарлауына да себеп болатынын айтты.

Дегенмен, ғалымдар бұл зерттеуде тамақтану, психологиялық жағдай сияқты басқа факторларды ескермеген. Болашақта осы жағын да қарастырмақ.

Бұған...

Президент Қасым-Жомарт Тоқаев Өзбекстанның Самарқан қаласында Еуропалық Кеңес Президенті Антониу Коштамен кездесу өткізді.

Еуропа Одағы Қазақстанның ірі сауда серіктесі әрі шетелдік инвесторы саналады. Елге шетелден тартылған тікелей инвестицияның 40%-дан астамы аталған ұйымға тиесілі. Былтыр Қазақстан мен Еуропа Одағына мүше елдердің тауар айналымы 50 млрд долларға жуықтаған. Бұл Еуропа Одағы мен Орталық Азия елдері арасындағы сауда-саттық көлемінің 80%-ын құрайды.

Ақорда таратқан ақпаратқа қарағанда кездесуде экономиканың түрлі секторларындағы көпжоспарлы ынтымақтастықты одан әрі нығайту мәселелері қаралған.

«Қасым-Жомарт Тоқаев пен Антониу Кошта өзара сенімге, стратегиялық мүддеге және ұзақмерзімді перспективаға негізделген Қазақстан мен Еуропалық Кеңес арасындағы серіктестікті қарқынды дамытудың маңызын атап өтті», – делінген...