Жаңалықтар

Талғарда қайтыс болған жасөспірім Шерзат Полаттың қазасынан кейін 9 адам сотқа тартылды. Ішінде кәмелетке толмаған 11-сынып оқушысы да бар. Қылмыстық іс бойынша үкім 2025 жылдың 5 маусымында шығады.

KursivMedia сотталушыларға тағылған айып пен олардың қалай әрекет еткеніне, куәлердің берген жауабына шолу жасады.

Істің мән-жайы

Талғарда 16 жастағы Шерзат Полат 2024 жылдың 3 қазанынан 4 қазанына қараған түні қайтыс болды. Оқиға орнында түсірілген видео әлеуметтік желіде тарап, бұл істі ішкі істер министрі өз назарына алған.

Марқұмның отбасының қауіпсіздігін қамтамасыз ету үшін полиция тәулік бойы кезекшілік ұйымдастырған.

Оқиға «Қамажай» дүкені маңына болған. Қайғылы жағдайдан кейін дүкеннің алдына Шерзатты...

Соңғы уақытта жігіттерді көшеден ұстап алып, әскерге алып кету тәжірибесі жиілеп кетті. Әсіресе, Алматы мен Астана қалаларында мұндай жағдайлар жиі кездеседі. Мұның себебін Сенат кулуарында Қорғаныс министрінің бірінші орынбасары Сұлтан Қамалетдиновтен сұрадық.

«Қазір жігіттерді көшеден ұстап алып, әскерге әкетіп жатыр. Жастарды қоғамдық орындардан, компьютерлік клубтардан ұстап алып кетіп жатыр. Жігіттердің қолын бұрап, ұстап жатқандар қарапайым киінген, жанында полиция қызметкері бар. Жалпы, бұл қаншалықты заңды? Бұл әрекет қазіргі заманауи қоғам нормаларына сай келмейді ғой», – деп сауал қойды БАҚ өкілі.

Сұлтан Қамалетдинов әскерде борышын өтеу әрбір жігіттің міндеті екенін айтты. Ал көшеден ұстап әкету тәжірибес...

Бүгін, 5 маусым күні, «Астана аренада» жастар арасында 2027 жылғы Еуропа чемпионатының іріктеу кезеңінде Қазақстан – Андорра матчы өтеді. Кездесудің басталуы – 19:30 жоспарланған.

Жанкүйерлер бұл ойынды Qazsport телеарнасынан тікелей эфирде көре алады. Ал стадионға барып, жастарға қолдау көрсетем деушілерге билеттерді Ticketon.kz сайтынан ала алады.

Матч жайлы толық ақпарат:

Бұл матчта ерекше назар аударарлық ойыншылардың бірі 16 жастағы «Қайрат» шабуылшысы Дастан Сәтбаев. Қазақстан футбол федерациясының мәліметінше, Дастан алдымен Андорраға қарсы ойында жастар құрамасына көмектеседі. Содан кейін жас...

Қазақстан қор биржасының (KASE) басқарма мүшелері 2024 жылы жалпы 526,9 млн теңге көлемінде сыйақы алған. Бұл туралы қор биржасының жылдық аудиторлық есебіне сілтеме жасай отырып, Жеке инвесторлар қауымдастығының телеграм арнасы хабарлайды.

Бұл алдыңғы жылғы көрсеткішпен салыстырғанда 35,9%-ға артық 2023 жылы олар 387,5 млн теңге алған еді.

KASE ресми сайтындағы мәліметке сәйкес, басқарма құрамында 5 адам бар. Осылайша, әрбір мүшеге жылына шамамен 105 млн теңгеден келген.

Қор биржасының негізі акционері – Қазақстан Ұлттық банкі. Бас банк KASE-нің 46,9% акциясын иеленеді. «Райффайзенбанк» АҚ-ға биржаның 13,1% акциясы тиесілі. Одан бөлек, ірілі-ұсақты бірнеше акционері бар.

Күйеуінің әке-шешесі мен әпкелерін улап өлтірген аустралиялық әйел сотта полицияға өтірік ақпарат бергенін мойындады.

Le Figaro ақпаратына қарағанда, Эрин Паттинсон 2023 жылы бұрынғы күйеуінің ата-анасы мен әпкесін улап өлтірген деп айыпталып отыр. Сонымен қатар үйіне қонақ болып келген төртінші адамды да өлтіруге оқталыпты.

«Өтірік айттым, бірақ кінәсізбін»

Күдікті үйіне келген күйеуінің жақындарын дастарқан басына отырғызып, алдына улы саңырауқұлақ қосылған ас қойған.

Қатігез әйел 5 маусым күні сот отырысында полицияға кейбір мәселелер бойынша өтірік айтқанын мойындады. Бірақ өзін кінәсізбін деп ақталып отыр. Бірақ айғақтар оның әдейі улап өлтіргенін көрсетеді.

2023 жылы ол марқұмдарға «Биф Веллингтон» деп аталатын сиыр...

Талдықорған қаласының әкімдігі ағаш бұтағы сынып, баланың үстіне түскеннен кейін, Арбат бойында орналасқан ағаштарды кесуді қолға алды. Бұл туралы қала әкімдігі хабарлады.

«Талдықорған қаласының тұрғын үй-коммуналдық шаруашылық бөлімі» Instagram әлеуметтік желісі арқылы жарияланыммен танысып, қызмет көрсетуші мердігер «Қазақстандық саңыраулар қоғамы» жыл бойына санитарлық кесу және қауіпті ағаштарды кесу жұмыстарын кестеге сәйкес жүргізіп жатқанын хабарлайды. Бұл ретте Арбат бойындағы жасыл желектерді санитарлық қырқу жұмыстары басталып кетті», – делінген әкімдік хабарламасында.

Еске сала кетсек, 4 маусым күні Талдықорғанның Арбатында қайғылы оқиға болды. Үлкен ағаш астынан өтіп бара жатқан баланың үстіне бұтақ құлап, басына зақым келд...

Ұлттық банктің Ақша-несие саясаты комитеті базалық мөлшерлемеге қатысты кезекті шешім шығарып, 16,5% деңгейінде өзгеріссіз қалдырды. Шешім қабылданғанда нақты деректер, жаңартылған болжамдарды талдау мен инфляция тәуекелдерінің балансын бағалау көрсеткіштері ескерілген.

«Базалық және маусымдық әсерлерден тазартылған инфляция көрсеткіштері бір жылға есептегенде тиісінше 10,1%-ды және 11,4%-ды құрады. Осының барлығы тұтынушылық сұраныстың қайта артуынан, өндіріс шығындарының өсуінен, сондай-ақ фискалдық ынталандырудың жалғасуынан бағаға қысым сақталып отырғанын көрсетеді», – делінген хабарламада.

Ұлттық банк қалыптасқан жоғары инфляция ұзақ уақыт бойы ұстамды қатаң ақша-кредит шарттарын сақтауды талап ететініне назар аударған.

«Тәуекелдер балансы проинфляциялық жаққа ауысқан. Бұл базалық мөлшерлемен...

Батыс Қазақстан облысында құлаған ұшқышсыз аппараттар Ресейге тиесілі. Бұл туралы Сенат кулуарында Қорғаныс министрінің бірінші орынбасары Сұлтан Қамалетдинов айтты.

«Батыс Қазақстан облысының территориясынан табылған ұшқышсыз апараттардың 90%-ы шекара маңында орналасқан Ресейдің 926-шы ұшыру сынақ полигонына тиесілі. Бұл солардың полигоны және оның әуе кеңістігі саналады», – деді Қорғаныс министрлігінің өкілі.

Қазақстан аумағына дрондар қашан құлай бастады?

Қазақстанға Ресей дроны алғаш рет 2025 жылдың ақпан айында құлады. Дронды БҚО-ның Бөкейорда ауданы, Ұялы ауылының тұрғындары тауып алған. Сол кезде бұл құрылғының Ресейдің «Орлан-10» дронына және, Францияның «Crecerelle» дронына ұқсатқан болатын.

Екінші дрон наурызды...

Айтқали Әлібеков 1945 жылы Жеңіс қарсаңында Эльба өзенінде алғаш рет америкалықтармен бетпе-бет келген кеңес жауынгері болып шықты.

Тарих ғылымының докторы Михаил Мягковтың мәліметінше, бұл – Екінші дүниежүзілік соғыс кезіндегі айтулы оқиға. Бірақ туралы ТМД елдерінен бұрын, америкалықтар жақсы біледі.

Аттылы барлаушы

«Бұл дерек көздерінде бар. Америкалықтардың өздерінің естеліктерінде де көрсетілген. Бұл жайлы АҚШ-та талай материал жарияланды. Олар кезінде орыс тіліне де аударылған», – дейді тарихшы.

Михаил Мягковтың айтуынша, америкалық лейтенант Альберт Котцебу кездестірген совет жауынгерінің ұлты – қазақ. Басқолбасшылық Айтқали Әлібековті барлауға жіберген. Ол өзінің атымен Эльба өзенін кесіп өтіп, Котцебу...

2024 жылы Қытрайдан Қазақстан аумағы арқылы тасымалданған транзит жүк көлемі 15,4 млн тоннаға жетіп, тарихи рекорд орнатты. Бұл өткен жылмен салыстырғанда 22%-ға көп. Бұл туралы ҚР Қаржы министрлігінің Мемлекеттік кірістер комитетінің дерегіне сүйене отырып DATA HUB арнасы жазады.

Транзит көлемі үш жыл қатарынан көбейген

Қазақстан арқылы өтетін транзит жүк тасымалы соңғы үш жыл бойы қарқынды өсіп келеді. 2022 жылы өсім 37%-ды, 2023 жылы – 33%, ал 2024 жылы 22%-ды құрады. Жалпы, бұл бағытта оң динамика байқалады. Соңғы 12 жылда жүк көлемінің төмендеуі тек екі рет – 2015 және 2016 жылдары ғана тіркелген.

Қытай...

Қазақстанда толыққанды аумақтық қорғаныс жүйесі құрылады. Сенат «ҚР аумақтық қорғанысы туралы» заңды мақұлдады. Бұл заң мобилизация кезеңінде елді қорғауға бағытталған басқарудың нақты тік құрылымын және қосымша құқықтық негізді қалыптастырады.

«Заң аумақтық қорғаныстың тиімді жүйесін қалыптастыруға, жұмылдыру дайындығын арттыруға және төтенше жағдайларда халықтың қауіпсіздігін қамтамасыз етуге бағытталған. Негізгі заң аумақтық қорғаныстың мақсаттары мен міндеттерін, принциптері мен іс-шараларын айқындай отырып, мемлекеттің қорғаныс жүйесінде бөлек сала ретінде қарастырады. Заң жұмылдыру және әскери жағдай кезеңінде халықты және объектілерді қорғауға, аумақтық қорғаныс күштерін құруға, жұмыс тәртібін қамтамасыз етуге, жергілікті тұрғындарды қауіпсіздікті қамтамасыз ету іс-шараларына тартуға бағытталған», – деді сенатор Ғалиасқар...

Numbeo порталы әлемдегі 123 елдің деректерін жинап, коммуналдық төлемі ең арзан және қымбат елдердің рейтингісін жариялады. Әлемдік тізімде Қазақстан коммуналдық төлемі ең арзан мемлекеттердің қатарына кірген.

Әлемдік рейтингке сәйкес, Қазақстан 94-орында тұр. 85 шаршы метр пәтерге төленетін коммуналдық қызметтер құны айына 56,64 доллардан айналған. Бұл көрсеткіш рейтингтің көшбасшысы Австриямен салыстырғанда шамамен 6,6 есе арзан.

Ресей 53-орынға орналасқан. Орташа есеппен ресейліктер айына 122,29 доллар төлейді екен. Бұл Қазақстаннан 2,2 есе жоғары, бірақ Батыс Еуропа елдерінің орташа көрсеткішінен шамамен 30% арзан.

Беларусь 97-орында, айына 53,31 доллар. Бұл тіпті Қазақстаннан да аз және рейтинг көшбасшыларынан 7 есе арзан.

Алматыға келетін шетелдік туристердің саны артқан. Бұл туралы Алматы әкімдігінің баспасөз қызметі хабарлады.

Баспасөз қызметінің мәліметінше, Алматы әкімі Дархан Сатыбалды қалада туризмнің дамуына қатысты Туризм басқармасының есебін тыңдаған.

Туризм басқармасының есебінде 2024 жылы Алматыға 2,3 млн турист келгені айтылған. Бұл көрсеткіш өткен жылмен салыстырғанда 14,8%-ға көп екен. Мұның ішінде шетелдік туристердің үлесі де айтарлықтай артқан. 2,3 млн адамның 27%, нақты айтқанда 686 мыңы шетелден келген.

Туризмнен түскен табыс

Әкімдіктің мәліметінше, қалаға келетін туристер есебінен жергілікті бюджетке түсетін қаражат көлемі артып, қала экономикасына оң әсер еткен.

«Қалаға келушілер санының артуы Алматы экономикасына септігін тигізіп...

Geely концерні Galaxy отбасының жаңа седанын — A7 EM-i гибридін ресми түрде таныстыруға дайындалып жатыр. Алғашқы фотосуреттер жарияланды. Ресми мәліметке сүйенсек, бұл төрт есікті көліктің жалпы жүріс қоры 2100 км-ге дейін жетеді, ал батарея толық қуатталған кезде жанармай шығыны 100 шақырымға небәрі 2 литрден аспайды. Гибридтің премьерасы жақын арада өтеді.

Geely Galaxy A7 EM-i сыртқы келбеті осы модельдік қатарға тән стильде орындалған: седан классикалық силуэтке, дәстүрлі есік тұтқаларына және танымал жарық элементтеріне ие. Сонымен қатар, A7 үлгісі үлкен ауа қабылдағыштары және күміс түсті сәндік элементтері бар ерекше алдыңғы бампермен жабдықталған, ал артқы бамперде хромдалған тағы бір сәндік жапсырма пайда...

Ауғанстан, Мьянма, Чад, Конго, Экваторлық Гвинея, Эритрея, Гаити, Иран, Ливия, Сомали, Судан және Йемен азаматтарына АҚШ-қа кіруге тыйым салынды. АҚШ президенті Дональд Трамп тиісті құжатқа қол қойды, деп хабарлайды Ақ үй.

Бұл елдер «тексеру мен сараптау жағынан тиімсіз және Америка Құрама Штаттары үшін өте жоғары қауіп төндіреді» деп танылған. Тағы жеті елдің азаматтарына қатысты ішінара тыйым енгізілді. Бұл Того, Түрікменстан, Бурунди, Куба, Лаос, Сьерра-Леоне және Венесуэла. Олар да «АҚШ үшін жоғары қауіп төндіреді» деп сипатталған.

«Прокламацияда АҚШ-тың ұлттық мүдделеріне сай келетін тұлғаларға, тұрақты заңды тұрғындарға, қолданыстағы визасы бар азаматтарға және кейбір виза санаттарына ерекше жағдайлар...

Шерзат Полаттың отбасының адвокаты Мейірман Шекеев Kursiv.Media тілшісіне сұхбат беріп, сот барысында кей айыпталушының жалған сөйлегеніне тоқталды.

«Қылмыстық-процестік кодекске сай, айыпталушылар жалған жауап бергені үшін жауапкершілікке тартылмайды. Жәбірленушілерге қарағанда олардың құқығы жоғары тұрады. Мәселен, іс барысында жәбірленуші жауап беруден бас тарта алмайды.

Заңда кінәсіздік презумпциясы деген бар. Ол өзінің кінәсіз екенін дәлелдеуге міндетті емес, мемлекеттік айыптаушы оның кінәлі екенін дәлелдеуге тиіс. Сондықтан қалай жауап бергісі келсе, солай жауап береді», – дейді жәбірленушінің адвокаты.

Елде қарбыз маусымы басталды. Түркістан облысы Жетісай ауданындағы диқандар биылғы жылдың алғашқы қарбызын жинап жатыр.

Шаруалардың айтуынша, «Қазсушардың» жергілікті филиалы суды уақытылы жеткізіп беріп отырғанның арқасында  өнімді де уақытылы жинауға мүмкіндік туған.

 «Биыл еккен қарбызымыз бен қызанағымыз пісуге жақын. Осынша алқапқа уақытылы су жеткізіп отырған «Қазсушар» филиалына алғыс білдіреміз. Биылғы алғашқы қарбызымызды жөнелтуге дайынбыз. Су жақсы берілгендіктен қарбызымыз суды көп сіңіріп, жақсы өсті. Су сапалы әрі уақытылы келді. «Қазсушармен» келісімшартқа да отырдық», – деді Тың ауылының диқаны Қуанбай Бексұлтан.

Суару маусымы басталғалы бері еліміздің оңтүстік өңірлеріндегі «Қазсушар» филиалдары диқандарға 2,5 млрд текше метрден астам...

Жетісу облысының орталығы Талдықорған қаласында ағаш бұтағы сынып, салдарынан астынан өтіп бара жатқан бала жарақат алды. Бұл туралы жергілікті әлеуметтік желілер хабарлады.

Оқиға қаланың адам көп жүретін ауданы Арбатта болған. Әлеуметтік желіде тараған видеодан жерде ағаштың үлкен бұтағы жатқанын көруге болады.

«Мына бұтақ, анау үлкен ағаштан құлады. Енді бұл жерден қалай өтеміз?», – дейді видеодағы куәгер.

Сонымен бірге балаға жедел жәрдем келгені айтылады. Ауыр бұтақ баланың басына түскен. Видеодан орындықта отырған, басы таңылған баланы көруге болады.

Шығыс Қазақстан облысындағы «SUN-BEE ALTAI» ЖШС еліміздегі алғашқы ара шаруашылығы өнімі мен бал өндіруші кәсіпорын ретінде Еуропалық Одақтың ресми тізіліміне енгізілді. Бұл дегеніміз қазақстандық компания Еуропа елдеріне бал экспорттай алады деп хабарлайды ауыл шаруашылық министрлігінен.

«Бұл жетістік Қазақстан Республикасы Ауыл шаруашылығы министрлігі, Ауыл шаруашылығы министрлігінің Ветеринариялық бақылау және қадағалау комитеті және кәсіпорынның өзі тарапынан өндірістік үдерістерді Еуропалық Одақтың ветеринариялық-санитариялық талаптары мен стандарттарына толық сәйкестендіру бойынша көпжылдық жүйелі жұмыстың нәтижесінде мүмкін болды», – деп хабарлайды министрліктен.

«SUN-BEE ALTAI» енді Германия, Франция, Италия, Бельгия, Нидерланды, Австрия, Испания, Эстония, Венгрия, Финляндия, Швеция, Дания, Португалия және Грекия...

2025 жылғы 4 маусымда Астанада Astana Mining & Metallurgy (АММ) халықаралық конгресі шеңберінде ұйымдастырылған ұлттық тау-кен металлургиясының салалық «Алтын Гефест» конкурсы өтті. Кештің басты наградаларының бірін Kursiv Media редакциясы алды. Басылым тау-кен металлургия кешені (ТМК) туралы баспа және интернет-ресурстағы үздік журналистік жұмысы үшін «Жылдың Медиа-жобасы» номинациясында жеңіске жетті.

Kursiv.Media редакциясына марапат қазақстандық кеншілердің өмірі туралы «Мыстың құны» деректі фильмі үшін берілді. Фильм тау-кен орнында жұмыс істейтін жезқазғандық бір әулеттің өмірі мен жұмысы туралы баяндайды. Дәуреновтер отбасы – күллі ғұмырын мыс өндіру, өңдеу және тасымалдау саласына арнаған қарапайым жұмысшылар. Фильмді Kursiv Media Youtube арнасынан көруге болады.

«Алтын Гефест» байқауы...

Байқасаңыз, қазір айналада визуал шум көп. Қайда қарасаңыз да жарқыл-жұрқыл сурет, баннер, интерфейс, киім, ойыншыққа көз түседі. Бәрі құдды «мені байқадың ба?» деп менмұндалап тұрғандай әсер қалдырады. Осыған қарама-қайшы quiet design һәм тыныш дизайн деген бар екенін білесіз бе? Минимализм когнитив функцияларымызға қалай әсер етеді? Стресті азайтып, жұмысты өнімді істеуге қалай көмектеседі?

«Тыныш дизайн» деген не?

Тыныш дизайн немесе quiet design деп дизайнның қарапайым, эмоциялық нейтралдық сақтала отырып жасалатын бағытын айтамыз. Жұрт назарын еріксіз аудару деген ой болмайды. Қайта керісінше кедергі болмайтындай етіп жасалады. Осы стильдегі заттар кеңістікпен біте қайнасып кетеді. Яғни түстері нейтрал, барынша деталі аз, текстурасы жұмыр, тегіс болады. Мысалы Notion, Apple Notes интерфейстерін...

Шымкент қалалық  әкімшілік құқық бұзушылық жөніндегі мамандандырылған соты 1 маусым күні Балалар күніне балаларға тегін балмұздақ таратқан кәсіпкерді Қылмыстық кодекстің «Ұсақ бұзақылық» бабымен кінәлі деп танып,  5 тәулікке қамау туралы қаулы шығарды, деп хабарлайды Kursiv.Media.

1 маусым күні Шымкенттегі «Жаңалық» супермаркеті Тұран-2 ықшам ауданында Балалар күніне орай мерекелік іс-шара өткізді. Онда мерекелік іс-шарадан бөлек тегін балмұздақ таратылды. Шараға жүздеген адам жиналған. Ұйымдастырушылардың әлеуметтік желіде жазуынша 800 балмұздақ тегін таратылған. Тарату кезінде ажиотаж болып, жиналған жұрт кезексіз балмұздаққа таласқан. Бұл туралы видеолар әлеуметтік желілерде тарап, қызу талқыға түсті. Ізінше неге бұлай болғанын «Жаңалық» супермаркеті өз парақшасында түсіндіруге тырысты.

Қазақстанның бірінші теннисшісі Александр Бублик Франция ашық біріншілігінің (Roland Garros ) жартылай финалына өте алмады. Ол ширек финалда Янник Синнерге есе жіберді.

Roland Garros турнирінің ширек финалындағы матч бар болғаны үш сетке созылды. Александр Бублик әлемнің ең мықты теннисшісі Янник Синнерге айтарлықтай қарсылық көрсете алған жоқ. Ойын 6:1, 7:5, 6:0 есебімен аяқталды.

Осылайша Франция ашық біріншілігінде Қазақстаннан жалғыз спортшы қалды. 4 маусымда Анна Данилина жұптық сында жартылай финалға өткен еді. Ширек финалда Данилина/Крунич жұбы 5 маусымда Таунсенд/Синякова жұбынан басым түскен.

Батыс Қазақстан облысы Сырым ауданына қарасты Жымпиты ауылындағы өртте бес баласынан айрылған отбасына көмек беріледі. Өңір басшысы Нариман Төреғалиұлы қаза тапқан балалардың ата-аналары мен жақындарына көңіл айтты.

Облыс басшысының айтуынша, өңір әкімінің орынбасары, аудан әкімі оқиға болған орынға барып, барлық қызметтің жұмысын үйлестіріп жүр.

«Әкімдік тарапынан барлық қажетті көмек көрсетіледі: жерлеу рәсімін ұйымдастыру, психологиялық көмек көрсету, баспанамен қамтамасыз ету және өзге де әлеуметтік қолдау шаралары», – деп жазды Төреғалиұлы.

Оның айтуынша, қазір бұл ауылда ТЖД мамандары, полиция департаментінің қызметкерлері, медицина қызметкерлері және басқа да тиісті қызмет өкілдері жұмыс істеп жүр. «Жағдай менің жіті бақылауымда...