Жаңалықтар

2005-2023 жылдар аралығында Каспий теңізінің деңгейі 185 см-ге төмендеп, су бетінің ауданы 31 мың шаршы шақырымға азайды. Орташа есеппен теңіз жылына 10 см-ге шегініп келеді. Алдағы 75 жылда Солтүстік Каспий толықтай жойылып кетуі мүмкін. Осындай дерек келтірген депутат Сергей Пономорев теңіздің экологиялық ахуалына алаңдаушылық білдірді.

Мұнай жобаларына экологиялық аудит жүргізу қажет

Депутат теңіз аумағында жұмыс істейтін мұнай жобаларына экология тұрғысынан халықаралық аудит жүргізу қажет деп санайды. Өйткені Каспий теңізі экологиялық апатты жағдайда екенін, ал оған мұнай өңдеу компанияларының тікелей әсері барын айтады.

«Халықаралық және қазақстандық экологтардың зерттеулеріне сүйенсек, 2005- 2023 жылдар аралығында теңіз деңгей...

Қазақстан президент Қасым-Жомарт Тоқаев елдің Энергетика министрі Ерлан Ақкенженовті қабылдады. Бұл туралы Ақорда хабарлайды.

Ресми мәліметке қарағанда, кездесуде отын-энергетика кешенін дамыту, мұнай өңдеу зауыттарының тұрақты жұмысы, мұнай өңдеу саласын 2040 жылға дейін дамыту тұжырымдамасын әзірлеу мәселелері талқыланған. Бұған қоса биыл мұнай өңдеу көлемін 17,6 млн тоннаға жеткізу жолдары да сөз болған.

Сонымен бірге Ақордадағы кездесуде Қашаған, Қарашығанақ және Жаңаөзенде жаңа газ өңдеу зауыттарын салу, «Бейнеу – Бозой – Шымкент» магистральді газ құбырының екінші желісін және «Талдықорған – Үшарал» газ құбырын жүргізу жобалары талқыланған. 2035 жылға қарай қуаты 26 ГВт-тан асатын жаңа генерациялау кешендерін іске қосу жобасы да айтылған.

Ақорданы...

Алматыдағы Горький атындағы орталық саябақта өрт шықты. Саябақта өрт шыққан туралы ақпарат әлеуметтік желілерде тарай бастады.

Әлеуметтік желіде тараған видеода пойыз тәріздес дүңгіршектің отқа оранғанын көруге болады.

Сонымен бірге видеода қаланың орталығында аспанға көк түтіннің көтеріліп жатқаны бейнеленген.

KursivMedia басылымы Алматы қаласының Төтенше жағдайлар департаментіне сауал жолдады. Ақпарат толықтырылады.

Sony Pictures кинокомпаниясы «Каратэ-пацан: Аңыздар» атты жаңа фильмінің трейлерін ұсынды. Бұл туынды — әйгілі болған франшизаның жалғасы болмақ.

Фильмнің оқиғасы зәбір көріп жүрген жасөспірімнің төңірегінде өрбиді. Бұзықылардан жапа шеккен бала бір күні екі тәжірибелі жекпе-жек шеберінен тәлім алады. Сол сәттен бастап оның өмірі түбегейлі өзгереді.

Басты рөлде — Бен Ван. Ал көрерменге таныстыруды қажет етпейтін Джеки Чан мен Ральф Маччио өздерінің бұрынғы кейіпкерлері — мистер Хан мен Дэниел ЛаРуссо ретінде қайта оралады.

Фильмнің премьерасы 30 мамырға жоспарланған.

Еске сала кетейік, бұған дейін кинотеатрларда Жошы хан туралы деректі-көркем фильмі жарық көрді.

Ақтөбеде орналасқан Қазақ-орыс халықаралық университеті 350 студентті ескертусіз оқудан шығарып жіберген. Бұл туралы бұқаралық ақпарат құралдарына студенттердің ата-анасы хабарлаған.

Оқудан шығарылған студенттер мен олардың ата-аналары мұның себебін білу үшін бұқаралық ақпарат құралдарының өкілдерімен бірге оқу орнына барған. Оқу орны ешкімді аямаған. Бірінші курсқа енді қабылданған студенттер мен көктемде оқуын аяқтайтын студенттерді де оқудан шығарған.

Университет өкілдері бұл студенттердің біршамасы сабаққа келмегені, біршамасы оқу ақысын төлемегені үшін оқудан шығарылғанын айтқан.

Алайда 2 курс студенті Фируза Кениспаева сабаққа келгенін, бірақ өзінен басқа ешкімнің сабаққа қатыспағанын айтады. Жалғыз өзі сабаққа қатысқаны себепті, ұстаздары сабаққа қатысудан босатқанын айтады.

Alibaba Group осы айда ЖИ моделінің жаңартылған нұсқасы – Qwen 3-ті ұсынбақшы. Бұл туралы дереккөздеріне сілтеме жасаған Вloomberg хабарлайды.

Alibaba жасанды интеллект бағытында белсенді жұмыс істеп жатыр. Бұған дейін компания Qwen 2.5-Max және Qwen 2.5-Omni-7B модельдерін таныстырған. Олар DeepSeek және GPT-4o баламаларынан асып түседі деп сипатталды. Сәуір айындағы жаңа шығарылым осы үрдістің жалғасы болып, өнімділікті арттыруды, жаңа функцияларды немесе кеңейтілген интеграция мүмкіндіктерін ұсынбақшы. Ал наурызда жаңартылған Quark ЖИ-ассистенті таныстырылған еді.

Bloomberg жазуынша, қытайлық технологиялық компаниялар қолжетімді ЖИ модельдерін жедел түрде нарыққа шығарып, OpenAI, Google және Microsoft-қа бәсекелес болуға ұмтылып жатыр.

Осы жылы ақпанда Alibaba Group Holding жасанды интеллектін...

Каспий құбыр желісі консорциумымен (КҚК) мұнай айдау биыл жазға дейін шектелуі мүмкін.

Ресейдің «Коммерсантъ» басылымы дереккөздерінің айтуынша, Теңіз терминалындағы нысандарды жөндеу бірнеше айға созылады.

«Сот және ұзаққа созылатын келіссөздерді ескерсек, мұның бәрі бірнеше айға созылуы мүмкін. Осы уақыттың бәрінде бір ғана танкер қазығы жұмыс істеп тұрады», — дейді «Ъ» дереккөздері.

Дереккөздердің бірі мұнай айдауды жазға дейін толық қалпына келтіру мүмкін емес деп есептейді.

Сонымен бірге басылым дереккөздері мұндай жағдайда Қазақстан мұнайын экспорттауға дайындау жарым жартылай ғана орындалады. Себебі бұған дейін мұнда екі нысан жұмыс істейтін. Енді біреуінің күшіне ғана иек артуға тура қалады.

Алматы қаласы әкімдігі заңсыз сауда нүктелерін жабуды көздейтін науқан жүргізіп жатыр. Қазірдің өзінде 341 сауда нысаны көшеден алып тасталынды.

Бұл туралы Алматы қалалық әкімдігінің баспасөз қызметі хабарлады.

Әкімдіктің мәліметінше, заңсыз сауда нүктелері ғана емес, көшелердегі 239 күш өлшегіш те алып тасталды.

«Алматы көшелерінде заңсыз саудамен күрес белсенді түрде жүріп жатыр. Қазірге дейін 341 сауда нысаны мен 239 күш өлшегіш алып тасталынды», – деп хабарлады қала әкімдігі.

Науқан барысында жабылған нысандардың көбі Алатау (111), Әуезов (67) және Бостандық (56) аудандарында орналасқан.

Бұған қоса 32 заңсыз сауда құрылысы анықталған. Оларға қатысты материалдар құзырлы органдарға жөнелтілген.

Лондонда тіркеліп, Қазақстанда жұмыс істейтін AltynGold PLC компаниясы Астанадағы халықаралық биржаға (AIX) облигацияларын шығарып, 10 миллион доллар тартпақшы. Бұл туралы AIX-те жариялаған хабарламасынан белгілі болды.

Бұл үш жылдық облигациялар 2034 жылға дейінгі облигациялық бағдарлама аясында шығарылады. Оған сәйкес компания 100 млн доллар тартуды көздеп отыр. Бұған дейін, 2024 жылы жазда, нарықтан 10 млн доллар қарыз алған.

Осы шығарылымның купондық мөлшерлемесі жылдық 9,75%-ды құрайды, купонды төлеу әр тоқсан сайын жоспарланған. Әр қағаздың номиналды құны – 100 доллар, барлығы 100 мың дана шығарылады.

Компанияға бұл қаражат нақты қандай мақсатта қажет екендігі белгісіз. Бірақ компания 2023 жылы жариялаған есепте Терең-Сай және...

Мейрамбек Беспаевтың бағын жандырған ұстазы Несіпкүл Алтыбаева KursivMedia-ға жұлдыз шәкіртіне назы бар екенін айтты.

Биыл 80 жылдық мерейтойын тойлағалы отырған ұстаз қазіргі Абай атындағы Қазақ ұлттық педагогикалық университетінің филология факультетін бітірген. Тараз қаласында 40 жыл шәкірт тәрбиелеген. Соның бірі – МузАрт тобының танымал әншісі. Ол Мейрамбек Беспаевтың қалай бағын жандырғанын баяндап берді.

Өнер қайраткерлерімен кездесулер

Несіпкүл Алтыбаева Тараз қаласындағы №37 Ыбырайым Сүлейменов атындағы мектепте ұзақ жыл қызмет етті.

«Мен ұдайы оқушыларымды өнер қайраткерлерімен, ақын-жазушыларымен таныстырып, кездесу өткізіп жүрдім. Ондағы мақсатым – шәкірттерімнің тұлғалардан өнеге алуы. Ұстаз болған соң, балаларды болашағына жол ашуым керек. Атақты...

Елдегі күзет фирмалары қызметін тоқтатқаннан кейін, қару-жарақты полицияға тапсыруға міндетті болады. Мәжіліс депутаттары күзет ұйымдарына қойылатын талаптарды қатаңдатты.

Мәжіліс бірінші оқылымда «ҚР кейбір заңнамалық актілеріне күзет қызметі мәселелері бойынша өзгерістер мен толықтырулар енгізу туралы» жаңа заң жобасын мақұлдады. Құжатты таныстырған депутат Жарқынбек Амантай күзет қызметі мен мамандандырылған оқу орталықтарының жұмысын уәкілетті орган мен оның аумақтық бөлімшелері бақылауға алатынын айтты.

«Қару иелері үшін жаңа міндеттер енгізіліп отыр. Енді қару иелері – заңды тұлғалар өз қызметін тоқтата тұрған жағдайда 15 жұмыс күннің ішінде қару мен оның патрондарын ішкі істер органдарына сақтауға тапсыруға міндетті болады. Осылайша, бұл норма қаруды...

Рамазан айынан кейін келетін Шәууәл айы мұсылмандар үшін тағы бір игілікке толы кезең. Бұл айда алты күн нәпіл ораза тұту – Мұхаммед пайғамбардың сүннеті. Бұл оразаның сауабы жайында хадистерде кеңінен айтылған.

Алты күндік ораза қалай ұсталады?

ҚМБД жарияланған мәліметтерене сүйенсек, Шәууәл айының алты күндік оразасы Рамазаннан кейін бірден, яғни Ораза айт мейрамы өткен соң бастауға болады. Бұл оразаны мынадай жолдармен ұстауға болады:

Оразаны қалай ұстайтыны – адамның өз еркінде. Ең бастысы – Шәууәл айы шықпай тұрып алты күнді толық ұстау. Сондай-а...

Жол-көлік оқиғасына кез келген жүргізуші тап болуы мүмкін. Әсіресе, үлкен қалаларда темір тұлпар иелері мұндайға жиі ұшырайды. Осындай жағдайларда дұрыс әрекет ету аса маңызды.

Ең алдымен сабыр сақтаңыз

Дүрлікпеңіз, үрейге бой алдырмаңыз. Дүрлігу жағдайды бағамдауға кесірін тигізіп, дұрыс шешім қабылдауға кедергі келтіруі мүмкін. Тіпті жол көлік оқиғасы сіздің кінәңізден болса да, салқындандылық сақтау маңызды.

Апаттық белгілерді қосыңыз

Көлікті тоқтатып, авариялық жарықты қосыңыз. Басқа жүргізушілерді ескерту үшін жолға қауіпсіз қашықтықта апаттық белгіні (үшбұрыш) қойыңыз.

Жарақат алған адам бар-жоғын тексеріңіз

Жол-көлік оқиғасына түскен адамдардың амандығына көз жеткізіңіз. Егер жарақат алғандар болса, алғашқы медициналық көмек көрсетіп, дереу...

Цифрлық Даму, инновациялар және аэроғарыш өнеркәсібі министрлігі алдағы уақытта жаңа eGov платформасын іске қосады. Енді платформа AI ассистент көмегімен жұмыс істемек. Ескі eGov пен жаңа eGov-тың айырмашылығы жөнінде Мәжіліс кулуарында Цифрлық Даму, инновациялар және аэроғарыш өнеркәсібі министрі Жаслан Мәдиев айтты.

«Жаңа eGov платформасы заманауи технологиялар негізінде, жаңа архитектуралық шешімдер арқылы әзірленеді. AI функциялары іске қосылады. Қазір оны тестілеуден өткізіп жатырмыз. Портал визуалды түрде жаңартылады. Мүгедектігі бар адамдар үшін портал ыңғайлы болады», – деді министр.

Десе де, бұл платформаның мінсіз жұмыс істейтініне Мәдиев еш кепілдік бере алмады. Айтуынша, мұндайды ешкім болжай алмайды. Өйткені портал...

Түркияда Ыстанбұл әкімі Экрем Имамоғлудың қамалуына қарсы наразылық акцияларын өткізіп жатқан оппозиция енді бір күн сауда жасамауға үндеді.

Осының алдында оппозиция билікке қатысы бар брендтер мен мекемелерге бойкот жариялаған. Оны қамауда отырған Имамоғлу да қолдаған.

Сәрсенбі күні оппозиция халықты бір күн сауда жасамауға шақырды. Соған байланысты елде дүкендердің кейбірі жабылып қалды. Кәсіпкерлер осы әрекеті арқылы Имамоғлуды қолдап, билік әрекетін сынағандармен бірге екенін білдірген.

Имамоғлуды Түркияны жиырма жылдан астам уақыт басқарып келе жатқан Режеп Тайип Ердоғанның басты саяси қарсыласы деп атайды. Ол 2025 жылғы 19 наурызда ұсталған. Ыстанбұл басшысына бірнеше ауыр айып тағылған.

Билік оппозицияның сауда туралы...

Мәжілісте тағы да ЛГБТ мәселесі көтерілді. Екі бірдей депутат Үкіметке ЛГБТ ұйымдардың жұмысын тексеріп, мұндай «азғындықты» насихаттауға заңмен тыйым салуды ұсынып, сауал жолдады.

TikTok-тағы белсенділік

Депутат Жанарбек Әшімжан соңғы жылдары ЛГБТ-ны насихаттайтын ұйымдардың белсенділік танытып жатқанын, әсіресе, TikTok сынды әлеуметтік желіде аталмыш мәселеге қатысты үгіттеу видеолары көбейіп кеткенін айтады.

«Олар TikTok, өзге де платформалар арқылы өскелең ұрпақты азғындыққа үгіттеуде. Аса жоғары технологиялық әдіс-айламен қаруланған мұндай қитұрқы үгіт-насихатқа әлі кәмелеттік жасқа толмаған, жақсы мен жаманды айыра білмейтін, бұғанасы бекімеген, рухани діңгегі қатпаған балалар мен жасөспірімдеріміз тез бой алдыратыны анық. Бұл әрекет БҰҰ-ның Балалар...

Мәжіліс отырысында депутаттар Жоғары аудиторлық палатаның Цифрлық даму министрлігіне қарасты жобаларды тексеруі туралы мәселені көтерді.

Депутат Еркін Әбілдің сөзінше, тексеріс кезінде «Инновациялық технологиялар паркі» 46,5 млрд теңгенің тиімсіз жұмсалғанын, стартаптарға күмәнді инвестициялар салғаны анықталған. Сондай-ақ технологиялар паркі мен Астана Hub-тың қосылуына қатысты сұрақ қойды.

«Өткен айда Жоғары аудиторлық палата цифрландыру бағдарламаларына аудит жүргізді. Ол инновациялық технологиялар паркіне де қатысты. Автономды кластерлік қордың жұмысында ірі қаржылай қателіктер анықталды. Нақты айтқанда, 46,5 млрд теңге тиімсіз жұмсалған, стартаптарға күмәнді инвестициялар салынған. Ғылыми-зерттеу және тәжірибелі құрастыру жұмыстарына бөлінген қаржы тиімсіз жұмсалған. Осыған байланысты автономды кластерлік қорды жою мәселесі қаралып...

Цифрлық даму, инновациялар және аэроғарыш өнеркәсібі министрі Жаслан Мәдиев Мәжілісте SIM-картаны қолдануға қатысты заң жобасы қаралып жатқанын айтты.

Оның сөзінше, заң күшіне енсе, 10-нан көп SIM-карта сатып алатын адамдардан оны қолдану мақсаты сұралатын болатын.

Мәжіліс кулуарында журналистер министрден «SIM-карталарды мақсатқа сай қолданып жатқанын қалай қадағалайсыздар» деп сұрады.

Министр мобильдік операторлардың технологияларымен сим-картаның трафигі арқылы қандай мақсатта қолданылып жатқанын анықтауға болатынын жеткізді. Ал мақсатсыз пайдаланылған жағдайда айыппұл түріндегі жауапкершілік қарастырылады.

Цифрлық даму министрлігі бір адамға берілетін SIM-карталар санын шектеу мәселесін былтырдан бері көтеріп келеді. Бұл бірінші кезекте алаяқтық жағдайларының алдын алуға бағытталған.

Ұлттық банк мәліметінше, Қазақстанда 2025 жылғы наурызда іскерлік белсенділік баяулап, индекс 50,4 болды. Бір ай бұрын мұндай көрсеткіш индексі 51,3 болған.

Есесіне іскерлік белсенділік өндіріс пен саудада артты. Оларда индекс аздап баяулағанына қарамастан, өндірісте 53,8, ал саудада 51,2 болып отыр (ақпанда – 54,1 және 51,5).

Тау-кен өндіру өнеркәсібінде көрсеткіш өзгеріссіз қалды (48,5). Ал қызмет көрсету және құрылыс секторында іскерлік белсенділіктің төмендегені байқалды. Оған жаңа тапсырыстар көлемінің төмендеуі әсер еткен. Қызмет көрсету индексі – 48,9,  құрылыс секторындағы индекс – 49,6 (ақпанда – 50,5 және 50,1).

2025 жылғы наурызда бизнес-ахуал индексі (БАИ) бизнес жүргізудің келешек жағдайына қатысты оптимизмнің жақсаруы есебінен 11,8-ге дейін (ақпандағы 9,9-дан) өсті, алайда қазіргі шарттарды...

ҚР Цифрлық даму, инновациялар және аэроғарыш өнеркәсібі министрі Жаслан Мәдиев қазақстандықтарға TikTok желісіне қолжетімділікте қиындықтар туындаған жағдайда VPN қолданбауға кеңес берді. .

«VPN мәселені күрделендіреді»

«VPN қолданылған кезде, керісінше, қосымшаның жұмысы күрделене түседі. Себебі IP-адрестің ауысуына байланысты қазақтілді және орыстілді контенттің модераторлары заңға сәйкес келмейтін, яғни модерациядан өтуі тиіс трафикті жылдам анықтай алмай қалады», – деді министр.

Мәдиевтің айтуынша, егер TikTok желісінде қандай да бір ақаулар болса, қазақстандық тарап платформа өкілдерімен тікелей байланысқа шығып, келіссөздер жүргізеді.

«Трафикті реттеу мәселесі – Мәдениет және ақпарат министрлігінің құзырындағы дүние. Ал интернеттің жұмысында...

Алаяқтар 2024 жылы халықты 12 млрд теңгеге алдаған. Депутат Мұрат Әбенов банк жүйесінің осалдығы себепті, халықтың алаяқтардың күрмегіне ілініп жатқанын айтты. Сонымен бірге Цифрлық Даму, инновациялар және аэроғарыш өнеркәсібі министрі Жаслан Мәдиевтің ведомствосы бұл мәселені шешуде ешқандай шара қолданбай отырғанын, керісінше, елде цифрлық шешімдер арқылы алаяқтарға мүмкіндік жасалып жатқанын айтып, сынады.

Депутат Мәжіліс талқылауына шығарылған «Қазақстан Республикасының кейбір заңнамалық актілеріне инновациялық қызмет саласын мемлекеттік қолдау жүйесін жетілдіру мәселелері бойынша өзгерістер мен толықтырулар енгізу туралы» заң жобасының кемшін тұстары бар екенін атап өтті. Айтуынша, бұл заң ұлттық ақпараттық қауіпсіздік тұрғысынан алғанда – өте осал.

«Өкінішке...

Қарағанды облысының әкімі Ермағанбет Бөлекбаев Теміртауда қарт адамды соққыға жыққан жасөспірімдердің оқиғасына байланысты қандай шаралар қабылданғанын айтты.

Әкімнің сөзінше, Теміртау қаласы әкімінің әлеуметтік мәселелер жөніндегі орынбасарына кәмелетке толмағандарға тиісінше бақылау жасамағаны үшін қатаң сөгіс жариялауды тапсырған.

Сондай-ақ, жасөспірімдер оқыған білім беру мекемелері директорларының орынбасарлары тәртіптік жауапкершілікке тартылған

«Біз жасөспірімдер агрессиясына сөзсіз алаңдаймыз және болашақта осындай оқыс оқиғаларды азайту бойынша қосымша шаралар әзірлеуге кірісеміз. Барлық кінәлілер қолданыстағы заңнама шеңберінде жауапкершілікке тартылады. Бұл оқиға бойынша полиция тергеу жүргізуде» деді Бөлекбаев Facebook парақшасында.

Бұған дейін, әлеуметтік желіде бірнеше жасөспірім қарияның үйіне кіріп, соққыға шыққаны көрінген видео тараған...

Астананың қылмыстық істер жөніндегі ауданаралық сотында бұрынғы мәдениет және спорт вице-министрі Ерлан Қожағапановқа қатысты іс жалғасып жатыр. Ол «SUCCESS K» стратегиялық коммуникациялар агенттігінің бас директоры Ләззат Көккөзовамен бірге 2018 жылы Петропавлда Қазақстан мен Ресейдің 15-ші өңіраралық ынтымақтастық форумы көрмесін ұйымдастыру кезінде 1 млрд теңгені жымқырды деп айыпталған.

Бұған дейін 2025 жылдың 27 наурызында істі қарап жатқан судья Қанат Тобағалиұлы сотталушыға жауап алуға толыққанды дайындалу үшін уақыт берген деп хабарлайды Kursiv.Media.

2025 жылдың 2 сәуірінде өтіп жатқан сот отырысында Ерлан Қожағапановтың адвокаты Болат Челикенов іс бойынша өтінішхат жолдады. Ол қылмыстық-процестік кодекс талаптары бұзылғанына сүйеніп, кей құжатты іс бойынша дәлел деп танымауды сұрады.

7 сәуірден бастап «Орда Аймақ» жаңа ипотекалық бағдарламасы іске қосылады. Бұл туралы Қазақстандық тұрғын үй компаниясы хабарлады.

Қандай үйлерді алуға болады

Бағдарлама үлескерлік құрылыс шарты аясында Қазақстандық тұрғын үй компаниясы кепілдік берген тұрғын үйден пәтер сатып алуға мүмкіндік береді.

КТҮК кепілдігі деген не

Бұл үлескердің инвестициясы қорғалатынын білдіреді. Яғни құрылыс аяқталмаса немесе құрылыс салушы банкротқа ұшыраса, КТҮК үй құрылысын аяқтауға міндеттеледі

Бағдарлама шарттары