Жаңалықтар

Мәжіліс депутаты, заңгер Абзал Құспан мемлекеттік туды қорлаған қыздарға неге қылмыстық іс қозғалмағанын түсіндірді. Депутаттың айтуынша, бұл оқиғаға қатысты бастапқыда қылмыстық іс қозғалғанымен, кейін толық тергеу нәтижесінде қылмыстың құрамы дәлелденбеген.

«Қылмыстың төрт құрамдас бөлігі болады. Ең бастысы — адамның ниеті, яғни бұл әрекетті әдейі, қасақана жасағаны дәлелденуі тиіс. Егер адам қасақана, терең ойластырылған түрде әрекет етсе ғана қылмыс ретінде қарастырылады. Бұл жағдайға қатысты тергеу барысында олардың қылмыс жасау ниеті болмағаны анықталған», – деді заңгер.

Абзал Құспанның айтуынша, әлеуметтік желіде тараған фотодағы туды қыздар өздері жасамаған. Атап айтқанда, қыздар туды маркетплейстен алған.

Былтыр елімізге шетелден 17,1 млрд доллар инвестиция келген. Бұл 2023 жылмен салыстырғанда 28%-ға аз, екі жыл бұрын 23,9 млрд доллар инвестиция тартылған еді. Ұлттық банк жариялаған статистика осылай жазылған.

Инвестиция тартылған негізгі салалар (2024 ж):

Инвестицияның барынша азаюы мұнай және газ өндірісі (-46%), металлургия...

Мәжілістің экс-төрағасы Нұрлан Нығматулиннің үлкен ұлы Нұржан Нұрлановтың үстінен қылмыстық іс қозғалды. Бұл туралы Ішкі істер министрлігіне сілтеме жасап, КазТАГ басылымы хабарлады.

«Сұрауда көрсетілген факті бойынша Алматы қалалық Полициz департаментінің Тергеу басқармасы ҚР Қылмыстық кодексінің 389-бабы (озбырлық) бойынша сотқа дейінгі тергеп-тексеру амалдарын жүргізіп жатыр. Қазіргі уақытта істің мән-жайын жан-жақты, толық және объективті тексеру мақсатында жедел-іздестіру іс-шаралары жүргізілуде», – деп хабарлаған басылымға Ішкі істер министрлігі.

Рейдерлік

Ал істің қозғалуына кәсіпкер Қанат Әміркиннің арызы себеп болған. Бизнесмен шенеуніктің ұлы «Алатаудорстрой» компаниясын тартып алып, қоқан-лоққы көрсетіп, қомақты ақша талап еткенін мәлімдеген.

Кәсіпкер қылмысты...

ҚР Ішкі істер министрінің орынбасары Игорь Лепеха еліміздегі мопед иелерін 5 сәуірге дейін тіркеуге шақырды. Оның айтуынша, бұл талапты орындамаған азаматтардың көлік құралдары айыптұраққа қойылады.

«Уақыт аз қалды»

«4 сәуірге дейін аз ғана уақыт қалды. Тіркелгісі келетіндердің бәрін қабылдау үшін арнайы халыққа қызмет көрсету орталықтарының жұмыс уақытын ұзартуды сұрадық, . Өйткені осы мерзімнен кейін олар заңды түрде жолға шыға алмайды», – деді Лепеха.

Заңсыз жүрген мопедтер айыптұраққа қойылады

«Егер азаматтар тіркеусіз жолға шықса – көліктері айыптұраққа қойылады. «Орын жетпей қалмай ма?» деген сұрақ туындаса – алаңдамаңыздар, орын...

АҚШ президенті Дональд Трамп әкімшілігі денсаулық сақтау саласының 10 мың қызметкерін жұмыстан шығаруды бастады деп хабарлайды Reuters дереккөздерге сілтеме жасап.

Қысқартулар Денсаулық сақтау және әлеуметтік қызметтер министрлігінің бірнеше ірі агенттіктеріне, соның ішінде Азық-түлік және дәрі-дәрмек сапасын бақылау басқармасы (FDA), Ауруларды бақылау және алдын алу орталығы (CDC) және Ұлттық денсаулық сақтау институттарына әсер етті.

Қызметкерлерге олардың жұмыстан босатылғаны жайлы күзетшілер хабарлаған. Кейін олар Денсаулық сақтау және әлеуметтік қызметтер министрлігінің бірнеше кеңселері орналасқан Мэри Суитцер ғимаратына кірмек болған.

ҒDA-ның бір қызметкері Reuters-ке берген сұхбатында баспасөз қызметінің 17 қызметкері жұмыстан босатылғанын мәлімдеді. Сондай-ақ FDA-ның темекі өнімдері орталығының қызметкерлері де жұмыстан шығарылды...

Президент әкімшілігінің Әлеуметтік-экономикалық саясат бөлімінің басшысы ауысты. Бұл туралы Ақорда хабарлады.

«Мемлекет басшысының өкімімен Айдын Жеңісұлы Құлсейітов Қазақстан Республикасы Президенті Әкімшілігінің Әлеуметтік-экономикалық саясат бөлімінің меңгерушісі лауазымынан босатылды», – делінген Ақорда хабарламасында.

Құлсейітовтің орнына Рақымжан Серікбайұлы Ерназар тағайындалған.

Құлсейітов президент әкімшілігінде 2017 жылдан бері қызмет етіп келген. Ал бұған дейін министрліктер мен ірі компанияларда басшылық қызмет атқарған. Бұл қызметке дейін әлеуметтік-экономикалыө мониторингі бөлімін басқарған. Әлеуметтік-экономикалық саясат бөлімінің меңгерушісі болып 2023 жылдың күзінде тағайындалған.

Рақымжан Ерназар туралы ғаламтор кеңістігінде деректер көп емес. Жаңа қызметке тағайындалғанға дейін оның Президент әкімшілігінің Стратегиялық жоспарлау бөлімінің меңгерушіс...

Қазақстанның тұңғыш президенті Нұрсұлтан Назарбаевтың қызметтік көлігі болған Mercedes S-600 көлігі қайтадан сатылымға қойылды. 1993 жылы шығарылған бұл көлікке қойылған баға бұрынғыдай – 222 миллион теңге. Ең қызығы – көліктің жүрісі бар болғаны 38 мың шақырымнан сәл ғана асады.

Kolesa.kz сайтындағы хабарландыруда сатушы бұл көліктің ерекше екенін бірнеше мәрте атап өтеді. Сатушының айтуынша, бұл — арнайы тапсырыспен Германиядағы зауытта мемлекет басшылары үшін құрастырылған брондалған нұсқа.

«Сіздердің алдарыңызда – Қазақстан Республикасының Тұңғыш Президентінің алғашқы көлігі Mercedes 600 SEL (Sonderschutz) GUARD B7. Арнайы тапсырыспен Германияда құрастырылған, мемлекет басшылары үшін жасалған», – делінген хабарландыруда.

Сатушының сөзінше...

Германия соғысқа дайындалып, қорғанысқа миллиардтаған еуро жұмсамақ. Бұл туралы BBC хабарлады.

Германияның Мюнстер қаласының маңында әскери жаттығулар тоқтаусыз жүргізіліп жатыр. Қатты дауыс пен жарылыстар тұрғындар үшін үйреншікті жағдайға айналған. Алайда жақын арада бұл аймақтағы шу одан әрі күшеюі мүмкін.

Себебі Германия Қарулы Күштері — Бундесвер — қорғанысқа бөлінетін қаражатты айтарлықтай арттырмақ. Бас штаб бастығы генерал Карстен Бройер BBC-ге берген сұхбатында:

«Ресей бізге қауіп төндіріп тұр. Путин қауіп төндіреді. Біз бұл қатерді болдырмау үшін қолдан келгеннің бәрін жасауымыз керек», — деді.

Генерал НАТО-ға келесі төрт жыл ішінде ықтимал шабуылға дайын болу қажет екенін ескертті.

Кез келген сала сияқты, саяхатта да ынта мен талпыныс — ең маңызды алғышарттардың бірі. Бірақ қанша жерден саяхатқа құштар болсаң да, ақшасыз алысқа ұзап кете алмайсың. Көп саяхаттауға талаптанғанмен, ақшаның аздығы ғана қолбайлау болып тұрса, қамықпаңыз. Бүгінгі мақаламызда үнемді саяхаттың қыр-сырын іздеп жүрген оқырмандарымызға арзан саяхаттаудың бірнеше әдісін жинап қойдық. Оқып шығыңыз да, жаңа елге сөмке жинай беріңіз. 

Ұшақ билетін тиімді алу

Арзан саяхат ұшақ билеттерінен басталады. Билетті google flights, skyscanner немесе aviasales арқылы қараймыз. Аталған іздестіру жүйелерінде:

Соңғы уақытта Қазақстанда автонесиеге сұраныс ипотекадан асып түсті. Қаржы ұйымдарының мәліметінше, банктер берген тұтынушылық несиелердің ішінде автонесие үлесі рекордтық деңгейге жеткен. Бұл нені білдіреді? Халық неге баспанадан гөрі көлік сатып алуға көбірек қызығады?

Жеке тұлғаларға берілген несиелер

Жалпы несие беру көлемі қаңтармен салыстырғанда 1,7%-ға өсті. Ұлттық банктің  наурыздағы мәліметінше, банк секторы 36,0 трлн теңге несие берген, оның ішінде бизнеске-14,9 трлн, ал халыққа берілген несие көлемі 21,1 трлн теңгені құраған.

Автонесие нағыз бумға айналды. Ақпанда автокөлік сатып алуға берілген несие 36,1%-ға өсіп, 121 млрд теңгеден 165 млрд теңгеге жетті. Бұл – өткен жылдың ақпанымен салыстырғанда 28,8%-ға көп. Қаңтардағы құлдыраудан...

Атырау мұнай өңдеу зауыты үлесін Ресейдің «Татнефть» компаниясына сату мәселесі қарастырылып жатқан жоқ. Мұны Энергетика министрлігінің баспасөз қызметі мәлімдеді.

Министрліктің ақпаратына сәйкес, «Татнефть» ЖАҚ өкілдері Атырау мұнай өңдеу зауытымен өндірістік тәжірибе алмасу аясында өзара іс-қимыл жасаған.

«Мұнай өңдеу саласындағы және басқа да компаниялар арасындағы тәжірибе алмасу – МӨЗ өндірістік көрсеткіштерін жақсарту үшін стандартты әрі кең таралған үдеріс.

Қазір Атырау МӨЗ-дегі үлесті сату мәселесі қарастырылып жатқан жоқ», – делінген ақпаратта.

Бұған дейін «ҚазМұнайГаз» ұлттық компаниясы мұнай өңдеу зауытының үлесі жеке қолға, мәселен Ресейдің «Татнефть» компаниясына өтуі мүмкін екенін растады.

ҚМГ-ның хабарлауынша, Павлодар және Атырау мұнай...

Атырау қаласының әкімшілік құқық бұзушылықтар жөніндегі мамандандырылған соты мемлекеттік ту төңірегіндегі іске қатысты бар төртінші жасөспірімге шешім шығарды. Оған қатысты іс әкімшілік құқық бұзушылық туралы кодекстің ұсақ бұзақылық бабы бойынша қаралған деп хабарлайды KursivMedia.

Сотта 2025 жылдың 23 наурызында кәмелетке толмаған А. басқа үш құқық бұзушымен бірге Атырау қаласындағы мұз айдыны ғимаратында араб тіліндегі жазуы бар Қазақстан туымен суретке түсіп, оны әлеуметтік желі арқылы таратып, ұсақ бұзақылық жасағаны анықталды.

Ұсақ бұзақылық бабы бойынша 20 АЕК мөлшерінде айыппұл салу не 5-тен 15 тәулiкке дейiнгi мерзiмге әкiмшiлiк қамаққа алу түріндегі әкімшілік жаза қарастырылған.

Сот қаулысымен кәмелетке толмаған А.-ның заңды өкіліне әкімшілік...

Шет мемлекет басшылары мен халықаралық ұйым жетекшілері Қасым-Жомарт Тоқаевты Ораза айт мейрамымен құттықтап, жеделхат жолдады. Бұл туралы Ақорда хабарлады.

Өзбекстан президенті Шавкат Мирзиёев құттықтауында Ораза айт тұтас мұсылман әлеміне ерекше көңіл-күй сыйлайтынын жазып, Алматыдағы бейресми кездесуге жоғары баға берген.

«Әсем қала Алматыда өткен кездесу біздің мәңгі достық, тату көршілік, стратегиялық серіктестік және одақтастық рухындағы байланыстарымызды тереңдете түседі деп сенемін», – деген Өзбекстан президенті.

Қырғызстан президенті Садыр Жапаров Ораза айт мерекесі барша мұсылманға шаттық сыйлап, елдеріміздің ырыс-ынтымағын арттыра берсін деп жылы лебізін жеткізді.

Тәжікстан президенті Эмомали Рахмон қасиетті мерекенің құндылығы екі ел арасындағы достық пен көпжақты ынтымақтасты дамытуға септігін...

Қыз зорлағаны үшін 11 жылға сотталған Талдықорған полициясының бұрынғы бастығы Марат Күштібаевтың әйеліне қатысты сотқа дейінгі тергеу жүріп жатыр. Бұл туралы Сыбайлас жемқорлыққа қарсы іс-қимыл агенттігінің KursivMedia ресми сауалына берген жауабында айтылған.

Әйел күйеуі Күштібаевқа қатысты істе жәбірленушіні жалған айғақ беруі үшін пара беріп сатып алмақ болған деген күдікке ілінген.

«Талдықорған қаласының полиция басқармасының бұрынғы бастығы Күштібаевтың жұбайына қатысты сотқа дейінгі тергеп тексеру жүргізіліп жатыр», – делінген ресми жауапта.

Қылмыстық процестік кодекстің 201-бабына сәйкес өзге ақпарат жарияланбайды.

Марат Күштібаевқа қатысты қылмыстық іс

2023 жылы 13 қарашада Талдықорған қалалық полиция басшысы Марат Күштібаев 27 жастағы облыс орталығыны...

Kursiv.media youtube арнасында ағза донорлығы туралы эмоционалдық тұрғыда ауыр фильм жарық көрді. 

Алғашқы сұхбат

Фильмнің ауыр болатыны донор болған адамның өзі өмірде жоқ. Марқұмның ата-анасы ұлдарының өмірі аппарат көмегімен ғана жалғанып тұрған шақта адамдарды аман алып қалу үшін баласының дене мүшелерін мұқтаж жандарға беру туралы күрделі шешімге келген. Бұл шешім үшін оларды айналасы түгелдей сөкті, айыптады, теріс айналды. Тек өздері ғана қабылдаған шешіміне өкінген емес. Бақилық болған ұлдары да бұған келісер еді деп сенеді. Бұл Евгения мен Игорь Войнюштың алғашқы сұхбаты.

Жағдайдың мән-жайы

Былтыр жазда Шымкент қаласында 18 жастағы Максим Войнюш скутермен апатқа түсіп...

Шешенстан басшысы Рамзан Қадыровтың ұлы, 17 жастағы Адам Қадыров республика Ішкі істер министрлігінің құрылымдарына куратор болып тағайындалды.

Бұл жөнінде 31 наурыз күні өткен жиналыста ресми түрде жария етілді.

Рамзан Қадыровтың тікелей тапсырмасы

Ведомство басшысы Аслан Ирасхановтың айтуынша, тағайындау Рамзан Қадыровтың тікелей тапсырмасымен жүзеге асқан.

Кураторлыққа кіріскен жас Қадыров ІІМ ішкі қауіпсіздік басқармасының жедел-іздестіру бөліміне жаңа басшы тағайындауды ұсынған. Осы ұсыныс негізінде бұл қызметке министрдің көмекшісі Тимур Мусангузов келді.

Ресей тарихындағы ең жас басшы

Жас ерекшелігіне қарамастан, Адам Қадыров соңғы жылдары Шешенстандағы бірқатар күштік құрылымдар мен әскери бөлімшелерде жетекшілік қызметтер атқарып жүр. 2023 жылды...

Жоғарғы сот психотроптық зат сақтағаны үшін сотталған А. Лисин есімді қазақстандықты қамаудан босатты. Бұған тінту жұмыстарының заң талаптарына сай жүргізілмегені себеп болған. Мұндай жағдайда алынған дәлелдердің заңды күші болмайды деп хабарлайды KursivMedia.

Лисин ірі мөлшерде психотроптық затты өткізу мақсатынсыз заңсыз сақтау бабы бойынша кінәлі деп танылып, 3,6 жылға бас бостандығынан айырылған.

Сот алқасы іс материалдарын қарап, жеке тінту жүргізген кезде заң талаптары бұзылған, сондықтан барлық дәлелдің күші жоқ деп тапты. Соған байланысты іс-әрекетте қылмыстық құқық бұзушылық белгілерінің болмауына байланысты іс тоқтатылды. Лисин дереу қамаудан босатылды. Оған оңалту құқығы берілді.

Іс материалдарында 2024 жылдың 30 қаңтарында тергеуші Лисинге қатысты рұқсатсыз...

2022 жылдан бастап шетелдік интернет-платформалар 83 млрд теңге салық төлеген. Бұл туралы Қаржы министрлігінің баспасөз қызметі хабарлады.

Министрлікке қарасты Мемлекеттік кірістер комитеті бүгінгі күні 200-ден астам юрисдикцияның салық әкімшіліктерімен бірлесе отырып, ел аумағында қызмет көрсететін халықаралық онлайн-компаниялардың қызметіне бақылау жүргізеді. Бұл компаниялардан бірнеше жылда түскен салық – көлемді.

Комитеттің мәліметінше, интернет-платформаларға салық төлеу 2022 жылы міндеттелген. Мұны көпшілік сол кезде «Google салығы» деп атап кеткен.

«Цифрлық қызметтер салығы енгізілген сәттен бастап Қазақстан бюджетіне 83 млрд теңгеден астам қаржы түсті. Бұл көрсеткіштер тиімді салық әкімшілігін жүргізу мен елдегі цифрлық экономиканың тұрақты өсіп келе жатқанын...

Forbes әлемнің ең бай адамдарының тізімін жариялады. Ауқаттылар шеруіне бұл жолы 3028 адам кіріп отыр. Солардың ішінде Қазақстанның жеті азаматы бар. Қазақ байларының бәрінің дәулеті бір жылда еселеп артқан.

Миллиардер Терминатор

3 мыңнан аса кәсіпкер, инвестор және мұрагердің ортақ байлығы 16 трлн доллардан асып кетті. Тізімге 288 жаңа миллиардер қосылған. Олардың арасында танымал актер Арнольд Шварценеггер ($1.1 млрд) де бар.

Алғашқы үштік

Әлемнің ең бай адамы атағын Илон Маск сақтап қалды. Forbes оның байлығын 342 млрд доллар деп бағалады.

Meta корпорациясының жетекшісі Марк Цукерберг екінші орынға көтерілді – 216 млрд доллар.

Amazon қожайыны Джефф Безос 215 млрд доллармен үшінші орында...

Баян Алагөзова әр ару қатыса алатын сұлулық байқауын өткізетінін жария етті. Айтуынша, бұл бастама – жұртшылықтың тілегі.

Кімдер қатыса алады?

Танымал продюссердің сөзіне қарағанда, сұлулық байқауын ұйымдастыру жұмыстарын қазірдің өзінде бастап кеткен.

«Бұл жай ғана сұлулық байқауы емес, біз қызық та, бірегей әйелдерді іздейміз. Бастысы, көрген адамдарға шабыт бере алатындай өзін-өзі жеңіп шыққан арулар қажет», – деді ол.

Баян Алагөзованың сөзіне қарағанда, үміткерлерден сұлулық талап етіледі. Киім үлігісі кең пішімді болмауы тиіс. Биік өкшелі туфли кию – міндетті шарттардың бірі.

Талаптары қандай?

«Биік өкшемен сахнада жүре...

ChatGPT әзірлеушісі OpenAI 40 млрд доллар көлемінде қаржы тарту бойынша тарихындағы ең ірі раундты жапты. Негізгі инвестор ретінде SoftBank Group Corp қатысқан.

Компанияның хабарлауынша, инвестиция нәтижесінде OpenAI 300 млрд долларға бағаланды. Жаңа қаржыландыру OpenAI-ға жасанды интеллект саласындағы зерттеулерді одан әрі ілгерілетуге, есептеуіш инфрақұрылымды кеңейтуге және ChatGPT-ті аптасына 500 млн адам пайдаланатын қуатты құралға айналдыруға мүмкіндік береді.

SoftBank OpenAI Global-ға 30 млрд доллар инвестиция салатынын мәлімдеді. Қалған 10 млрд доллар басқа инвесторлар тарапынан бөлінеді. Алғашқы кезеңде (2025 жылдың сәуірінде) OpenAI 10 млрд доллар алады. Қалған 30 млрд доллар OpenAI Global 2025 жылдың соңына дейін немесе 2026 жылдың басына қарай тәуелсіз...

Қазақстан президенті Қасым-Жомарт Тоқаев 3-4 сәуір күндері жұмыс сапарымен Өзбекстанға барады. Бұл туралы Ақорда хабарлады.

Ақорданың мәліметінше, Қасым-Жомарт Тоқаевты Өзбекстен президент Шавкат Мирзиёев шақырған. Бұл сапарында президент Самарқан қаласына барып, онда өтетін «Орталық Азия – Еуропа Одағы» саммитінің отырысына қатысады. Сондай-ақ Өзбекстанда бірқатар кездесу өткізетіні айтылған.

Айта кетсек, бірнеше күн бұрын президент Қасым-Жомарт Тоқаев пен Өзбекстан басшысы Алматыда кездескен болатын. Шавкат Мирзиёевті президент Алматы әуежайынан өзі қарсы алды. Екі елдің президенттері Медеу мұз айдынына барды.

Өзбекстан президенті Қасым-Жомарт Тоқаевқа достық пейіл білдіргені үшін алғыс білдіріп, қазақ-өзбек қарым-қатынасының жаңа деңгейге көтерілгенін мәлімдеді.

Екі аптаға жуық уақыт бойы қамауда отырған Экрем Имамоғлу Түркияның қазіргі билігіне қатысы бар брендтер мен компанияларға бойкот жариялауға үндеді.

Президент Режеп Тайип Ердоғанның басты саяси қарсыласы саналатын Имамоғлу пікірін X әлеуметтік желісіне жазды.

«Мен партиямыздың төрағасы Өзгүр Өзел ұсынған бойкотты қолдаймын. Миллиондаған азаматтарымызды осы бойкотқа қосылуға шақырамын», – дейді Имамоғлу.

Оның пікірінше, бойкот мақсаты – біздің БАҚ пен кәсіпті жою емес, қайта оларды бұғаудан босату, еркіндікке жеткізу.

«Олар жылдар бойы демократияға қарсы биліктің, азғантай ғана топтың айтқанына көніп келді. Олар қоғамды үрейде ұстап отыр. Уақыт өзгерді. БАҚ пен кәсіпке де...

АҚШ президенті Дональд Трамп «белгілі бір уақытта» Үкімет министрлігінің тиімділігі төмендейтінін айтып, Илон Маск Ақ үйден кетуі мүмкін екенін мәлім етті.

«Оның басқаруы тиіс үлкен компаниясы бар, сондықтан бір уақытта ол (өз саласына) қайтып оралады. Мен оны мүмкіндігінше ұзағырақ қалдырар едім. Ол өте дарынды жігіт, білесің бе, мен ақылды адамдарды жақсы көремін, ал ол өте ақылды және өз жұмысын жақсы атқарды», – деді Трамп Tesla және SpaceX компанияларының бас директоры туралы.

Трамп Маск кеткен соң, ол басқарған үкіметтегі тиімділік департаменті – DOGE жұмысы жалғаса беретінін меңзеді. Оның сөзінше, федералды агенттіктердің басшылары өз бетінше жұмыс...